Author: admin

တောင်ကုတ်-ပြည်ပန်းတောင်းလမ်းပေါ်ရှိ တောင်ပုံကြီးဂိတ်စခန်းကို AA သိမ်းပိုက်ထိန်းချုပ် ဧရာဝတီတိုင်းမ် ဇန်နဝါရီ ၉ ရက် တောင်ကုတ်-ပြည်ပန်းတောင်းလမ်းပေါ်ရှိ စစ်ကောင်စီ၏ တောင်ပုံကြီးဂိတ်စခန်းကို အာရက္ခ တပ်တော် (AA) နှင့်ပူးပေါင်းတပ်ဖွဲ့ များက သိမ်းပိုက်ထိန်းချုပ်လိုက်ကြောင်း သိရသည်။ AA သည် ပြီးခဲ့သည့် ဇန်နဝါရီ ၆ ရက်နေ့ကတည်းက တောင်ပုံ ကြီးဂိတ်ကို ပိတ်ဆို့ထားပြီး ယမန်နေ့ ဇန်နဝါရီ ၈ ရက်နေ့က စခန်းကို အပြီးသတ်သိမ်းပိုက်လိုက်ကြောင်း စစ်ရေးသတင်းရင်းမြစ်ထံက သိရသည်။ “ရက်ပိုင်းအတွင်းမှာပဲ ပိတ်ဆို့လိုက်နိုင်ပြီး စစ်ကူတွေကိုဖြတ်တောက်လိုက်နိုင်တာပေါ့။ တောင်ပုံကြီး စခန်း ကို ရပါပြီ”ဟု စစ်ရေးသတင်းရင်းမြစ်က ဧရာဝတီတိုင်းမ်ကို ပြောသည်။ စစ်ကောင်စီတပ်သည် ပန်းတောင်းမြို့အဝင်ဂိတ်ထိ တပ်ဆုတ်သွားပြီးနောက် အရေးပေါ်ခုခံစစ်ကို ပြင်ဆင်၍ စစ်ကူအင်အားများပါတိုးချဲ့ထားပြီး တောင်ပုံကြီးဂိတ်စခန်းကို အဓိကကွပ်ကဲနေသည့် (စကခ-၅) တပ်မမှူး…

ဗန်းမော်လေဆိပ်ကို KIA ပူးပေါင်းတပ် သိမ်းပိုက် ဟန်နွေ/People’s Spring ကချင်လွတ်လပ်ရေးတပ်မတော်(KIA)နှင့် မဟာမိတ်ပူးပေါင်းတပ်များက ဗန်းမော်မြို့သိမ်းတိုက်ပွဲဆင်နွှဲလျက်ရှိရာ ယနေ့ (ဇန်နဝါရီ ၉ရက်)တွင် ဗန်းမော်လေဆိပ်ရှိ စစ်ကောင်စီတပ်က ဆုတ်ခွာသွားကြောင်း ကချင်သတင်းရင်းမြစ်က ပြောသည်။ ဗန်းမော်လေယာဉ်ကွင်းကို သိမ်းပိုက်နိုင်ပြီဖြစ်ကြောင်း ဖော်ပြကာ KIAနှင့်အတူ မြို့သိမ်းစစ်ဆင်ရေးဆင်နွှဲနေသည့် ကျောင်းသားတပ်မတော်(ABSDF)ရဲဘော်များ အောင်ပွဲခံနေသည့် ရုပ်သံထွက်ပေါ်လာသည့် အခြေအနေနှင့်ပတ်သက်ပြီး သတင်းရင်းမြစ်က ပြောပြသည်။ “စကစ လေယာဉ်ကွင်းနားက ဆုတ်သွား။ ဒရုန်းပျံနေဆဲလို့ သိရ”ဟု ကချင်သတင်းရင်းမြစ်က ပြောသည်။ ဗန်းမော်နှင့် မံစီမြို့သိမ်းတိုက်ပွဲကို KIAနှင့်အတူ ကျောင်းသားတပ် ABSDF ၊ KPDF တပ်များ ပါဝင်တိုက်ခိုက်နေဟု ကချင်စစ်ရေးသတင်းရင်းမြစ်က ပြောသည်။ ဗန်းမော်လေဆိပ် သိမ်းပိုက်နိုင်မှုအခြေအနေအပါအဝင် ဗန်းမော်တိုက်ပွဲနှင့်ပတ်သက်ပြီး ဆက်လက်စုံစမ်းနေဆဲဖြစ်သည်။ KIA သတင်းပြန်ကြားရေးတာဝန်ခံ ဗိုလ်မှူးကြီးနော်ဘူက ဗန်းမော်မြို့၌ တိုက်ပွဲဆက်ရှိနေပြီး…

KNU တပ်မဟာ ၅ တွင် စစ်ကောင်စီလှဂွန်းပျိုတပ်စခန်းမှ ဗိုလ်မှူးအပါဝင် ၁၆ ဦးအလံဖြူထောင် အလင်း၀င် ၊ လက်နက်မချသည့် စစ်ကောင်စီတပ်သား ၆ ဦးထွက်ပြေးလွတ်မြောက်နေ Salween Press ဇန်နဝါရီ ၉ ရက်နေ့ ၂၀၂၅ KNU တပ်မဟာ ၅ မူတြော်ခရိုင် ဒွဲ့လိုးမြို့နယ်တွင်အခြေစိုက်တပ်စွဲထားသည့် လှဂွန်းပျို (ခို့သွိထ) စစ်ကောင်စီတပ်စခန်းမှ ဗိုလ်မှူးတစ်ဦးအပါအဝင် တပ်ဖွဲ့၀င် ၁၆ ဦးသည် ဇန်နဝါရီလ ၇ ရက်နေ့ည ၁၁နာရီအချိန်တွင် အလံဖြူထောင်ကာ KNLA မဟာမိတ်ပူးပေါင်းတပ်ဖွဲ့များထံသို့အလင်းဝင်လာခဲ့တယ်လို့ နယ်မြေခံစစ်ရေးသတင်းရင်းမြစ်ထံမှသိရှိရသည်။ အလံဖြူထောင်သည့်စစ်ကောင်စီလှဂွန်းပျိုတပ်စခန်းမှာလည်း KNLA မဟာမိတ်ပူးပေါင်းတပ်ဖွဲ့များက လက်နက်ခဲယမ်းအများအပြားသိမ်းဆည်းရမိခဲ့သည်ဟု သတင်းရင်းမြစ်ထံမှသိရှိရသည်။ လှဂွန်းပျိုစခန်းကိုရှင်းလင်းခဲ့ပြီးနောက် တပ်စခန်းအား မီးရှို့ဖျက်စီးခဲ့သည်ဟု အဆိုပါသတင်းရင်းမြစ် ကဆိုပါတယ်။ “စခန်းကလက်နက်ခဲယမ်းပစ္စည်းအများအပြားသိမ်းဆည်းပြီးစခန်းကိုမီးရှို့လိုက်ပြီး။ လက်ရှိတော့ လက်နက်မချတဲ့ စစ်ကောင်စီတပ်ဖွဲ့ဝင် ၆…

စစ်ကိုင်းက နာမည်ကြီး ပျူခေါင်းဆောင် ရွှေကျားနဲ့အဖွဲ့ ပစ်ခတ်ရှင်းလင်းခံရပြီး ၇ယောက် သေ ဇန်နဝါရီ ၉ ၊ ၂၀၂၅ စစ်ကိုင်းတိုင်း၊ စစ်ကိုင်းမြို့က နာမည်ကြီး ပျူစောထီး ခေါင်းဆောင် ရွှေကျားနဲ့အဖွဲ့ လိုက်ပါလာတဲ့ အိမ်စီးကားတွေ မင်းကွန်း-စစ်ကိုင်းလမ်းပိုင်းမှာ စောင့်ကြိုတိုက်ခိုက်ခံရပြီး ရွှေကျားအပါအဝင် သေဆုံးသူ ၇ယောက်ရှိခဲ့ကြောင်း သိရပါတယ်။ ဇန်နဝါရီလ ၇ရက်၊ ညနေပိုင်းမှာ မင်းကွန်းတိုက်နယ်ကနေ ရိက္ခာပို့ပြီးပြန်လာတဲ့ စစ်အုပ်စုအိမ်စီးကားတွေကို တော်လှန်ရေးအဖွဲ့တွေက လမ်းပိုင်းတစ်နေရာကနေ ကြိုတင်စောင့်ဆိုင်းပြီး တိုက်ခိုက်ခဲ့တာလို့ People Servant Force (P.S.F) အဖွဲ့တာဝန်ခံ ကိုနက်ရှိုင်းက မောင်းကိုပြောပါတယ်။ တော်လှန်ရေးအဖွဲ့တွေရဲ့ တိုက်ခိုက်မှုကြောင့် ကားပေါ်ပါလာတဲ့ စစ်ကိုင်းမြို့၊ မိုးဇာရပ်ကွက် အုပ်ချုပ်ရေးမှူးတစ်ဖြစ်လဲ ပျူစောထီးခေါင်းဆောင် ကျော်မျိုးထွန်း(ခ)ရွှေကျားနဲ့ ဇနီးသည် အပါအဝင် သေဆုံးသူ ၇ယောက်အထိ ရှိခဲ့ပါတယ်။…

ဆီဆိုင်မြို့နယ်ရှိ စစ်ကောင်စီတပ်စခန်းကို ကရင်နီတပ်ပေါင်းစု သိမ်းပိုက် ■ကလေးစစ်သားများအပါအဝင် ပအိုဝ်းပြည်သူ့စစ် PNOတပ်သား ၁၀ဦးခန့် လက်နက်များနှင့် ဖမ်းမိ ရဲခေါင်/People’s Spring ရှမ်းပြည်နယ်တောင်ပိုင်း၊ ဆီဆိုင်မြို့နယ် ရွှေတစ်ဂူကျေရွာအနီးရှိ စစ်ကောင်စီတပ်စခန်းကို ကရင်နီတပ်ပေါင်းစုက သိမ်းပိုက်ရရှိပြီး ကလေးစစ်သားများအပါအဝင် ပအိုဝ်းပြည်သူ့စစ် PNOတပ်သား ၁၀ဦးခန့် လက်နက်များနှင့်အတူ ဖမ်းဆီးရမိကြောင်း သိရသည်။ ယနေ့(ဇန်နဝါရီ ၉ ရက်) နံနက်ပိုင်းက စစ်ကောင်စီတပ်နှင့် PNO ပူးပေါင်းတပ် မှ အင်အား ၅၀ခန့်ရှိသည့် ရွှေတစ်ဂူတပ်စခန်းကို ကရင်နီတပ်ပေါင်းစုက တိုက်ခိုက်နိုင်ခဲ့ခြင်းဟု ဆိုသည်။ “၁၀ ယောက်လောက်မိတယ်။ကလေး စစ်သားတွေရော PNO တွေရောပါတယ်။လက်နက်က ၃၀ကျော်ရရှိတယ်”ဟု ကရင်နီတပ်ပေါင်းစု မှ ရဲဘော်တစ်ဦးက ပြောသည်။ ဆီဆိုင်မြို့ဒေသခံတစ်ဦးကလည်း “စစ်ကောင်စီနဲ့ PNO ပြည်သူ့စစ်တို့ထိုင်ထားတဲ့ စခန်း။ သေနတ်…

စလင်းမြို့ အနီး တော်လှန်ရေး တပ်များ ရောက်လာပြီးနောက် မြို့ပေါ် ဌာနဆိုင်ရာရုံး အားလုံးကို စစ်တပ်က ယာယီပိတ်လိုက်ပြီး အရေးကြီး စာရွက်စာတမ်းများကို မကွေးသို့ သယ်ယူ၊ Non-CDM ဝန်ထမ်းများ ထွက်ပြေးရန် ပြင်ဆင်နေ ရန်ကုန်၊ ဇန်နဝါရီ ၉ မကွေးတိုင်း၊ စလင်းမြို့ အနီး တော်လှန်ရေး တပ်ဖွဲ့များ ရောက်ရှိလာပြီးနောက် မြို့ပေါ် ဌာနဆိုင်ရာရုံး အားလုံးကို အကြမ်းဖက် စစ်တပ်က ယာယီ ပိတ်ထားလိုက်ပြီး အရေးကြီး စာရွက်စာတန်းများကို မကွေးမြို့သို့ ပြောင်းရွှေ့သယ်ယူနေကြောင်း ဒေသပြည်သူများနှင့် တော်လှန်ရေး သတင်းရင်းမြစ်များက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇန်နဝါရီလ ၅ ရက်နေ့ စလင်း-‌ဆင်ဖြူကျွန်း ကားလမ်းပိုင်း၌ စလင်းမြို့နယ် ပြည်သူ့ကာကွယ်ရေးအဖွဲ့က ခရီးသွား ပြည်သူများကို သွားလာရေး အဆင်ပြေစေရန်…

ပြင်ဦးလွင်နှင့် အုတ်ဖိုတွင် စစ်မှုထမ်းအပတ်စဉ် ၉ အတွက် လူငယ်များကို ပေါ်တာဆွဲ ဆက်တိုက်ဖမ်းဆီးနေ၊ လှည်းကူးတွင် စစ်မှုထမ်းစာရင်းတွင် ပါဝင်သည်ဟုဆိုကာ လူငယ် ၁ ဦးလျှင် ငွေကျပ် သိန်း ၅၀ တောင်းခံ ရန်ကုန်၊ ဇန်နဝါရီ ၉ မန္တလေးတိုင်း၊ ပြင်ဦးလွင်မြို့နှင့် ပဲခူးတိုင်း၊ အုတ်ဖိုမြို့နယ်တွင် အကြမ်းဖက် စစ်တပ်ခန့် အုပ်ချုပ်ရေးမှူးများက လူငယ်များကို ဆက်တိုက် ပေါ်တာဆွဲ ဖမ်းဆီးနေ၍ ရပ်ကွက် အတွင်းမှ လူငယ် အားလုံး တိမ်းရှောင်နေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇန်နဝါရီလမှ စတင်ပြီး ပြင်ဦးလွင်မြို့တွင် အကြမ်းဖက် စစ်တပ်ခန့် ၇ ရပ်ကွက် အုပ်ချုပ်ရေးမှူး မောင်အေးနှင့် သားဖြစ်သူ ပျူစောထီး ဇော်လတ်က ဦးဆောင်ပြီး ရပ်ကွက်အတွင်းမှ…

ရန်ကုန်-မန္တလေး အမြန်လမ်းအနီးတွင် စစ်ကောင်စီလက်အောက်ခံ Non-CDM ဆောက်လုပ်ရေးဝန်ကြီးဌာနမှ လက်ထောက်ညွှန်ကြားရေးမှူး သန်းထွန်း အဖမ်းခံရ ရန်ကုန်၊ ဇန်နဝါရီ ၉ ရန်ကုန်-မန္တလေး အမြန်လမ်းအနီး နတ်မောက်-ပျော်ဘွယ်လမ်းပေါ်တွင် စစ်ကောင်စီလက်အောက်ခံ Non-CDM ဆောက်လုပ်ရေးဝန်ကြီးဌာနမှ လက်ထောက်ညွှန်ကြားရေးမှူး သန်းထွန်း အဖမ်းခံရကြောင်း ဆောက်လုပ်ရေးဝန်ကြီးဌာန သတင်းရင်း မြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ရန်ကုန်-မန္တလေး အမြန်လမ်း၊ မိုင်တိုင်အမှတ် ၂၆၂ အနီး၊ နတ်မောက်-ပျော်ဘွယ် လမ်းပေါ် တွင် ဆောက်လုပ်ရေးဝန်ကြီးဌာန၊ လမ်းဦးစီးဌာနကြီးကြပ်ရေးအဖွဲ့မှ လက်ထောက်ညွှန်ကြားရေးမှူး သန်းထွန်းကို စစ်ဆေးဖမ်းဆီးသွားခြင်းဖြစ်ကြောင်း၊ အဆိုပါ လက်ထောက်ညွှန်ကြားရေးမှူးမှာ မွေးရပ်ဇာတိ ရွှေတောင်မှ တာဝန်ကျရာ တောင်ကြီးသို့ အသွားတွင် ဖမ်းဆီးခံလိုက်ရခြင်းဖြစ်ကြောင်း သိရှီရသည်။ “သူ့မွေးရပ် ရွှေတောင်ကနေ တာဝန်ကျတဲ့ တောင်ကြီးကို အပြန်လမ်းမှာ အစစ်ဆေးခံရရင်း အဖမ်းခံရတာ ဖြစ်ပါတယ်။…

စစ်တပ်ပိုင် Mytel ကုမ္ပဏီကို အမေရိကန်၏ အမျိုးသားလုံခြုံရေးနှင့် အကျိုးစီးပွားကို ဆန့်ကျင်သော ကုမ္ပဏီ အဖြစ် စာရင်းသွင်းအရေးယူ ရန်ကုန်၊ ဇန်နဝါရီ ၉ အကြမ်းဖက် စစ်တပ်ပိုင် ဆက်သွယ်ရေး Mytel ကုမ္ပဏီကို အမေရိကန်၏ အမျိုးသားလုံခြုံရေးနှင့် အကျိုးစီးပွားကို ဆန့်ကျင်သော ကုမ္ပဏီ အဖြစ် စာရင်းသွင်းအရေးယူကြောင်း ဇန်နဝါရီလ ၆ ရက်နေ့တွင် အမေရိကန်ကုန်သွယ်ရေးဝန်ကြီးဌာန၊ စက်မှုလုပ်ငန်းရှင်လုံခြုံရေးဌာနက ကြေညာသည်။ အမေရိကန်စက်မှုလုပ်ငန်းနှင့်လုံခြုံရေးဌာန (BIS) က ကုန်သွယ်ရေးဆိုင်ရာ စီမံခန့်ခွဲမှု စည်းမျဉ်းများ (EAR) တွင် ပြင်ဆင်မှုများပြုလုပ်ပြီးနောက် မြန်မာနိုင်ငံမှ စစ်တပ်ပိုင် Mytel ကုမ္ပဏီ ၊ တရုတ်ကုမ္ပဏီ ၁၁ ခု နှင့်ပါကစ္စတန်ကုမ္ပဏီ ၁ ခု စုစုပေါင်း ၁၃ ခုကို အမေရိကန်၏…