Author: admin

ငလျင်ဒဏ်သင့် မန္တလေး၊ မဟာအောင်မြေမြို့နယ်တွင် စစ်မှုထမ်းအပတ်စဉ် ၁၃ အတွက် တစ်ရပ်ကွက်လျှင် လူငယ် ၂ ဦး စစ်မှုထမ်းပေးရန် ဆင့်ခေါ် 🟥 အုတ်ဖိုတွင် မျောက်ချောကုန်းရွာအုပ်ချုပ်ရေးမှူးက စစ်မှုထမ်းကြေး တစ်အိမ်ထောင်လျှင် ကျပ် ၃ သိန်းတောင်း ရန်ကုန်၊ ဧပြီ ၂၆ စစ်ကိုင်းငလျင်ဒဏ်သင့် မန္တလေးမြို့၊ မဟာအောင်မြေမြို့နယ်တွင် စစ်မှုထမ်းအပတ်စဉ် ၁၃ အတွက် တစ်ရပ်ကွက်လျှင် လူငယ် ၂ ဦး စစ်မှုထမ်းတပ်သားအဖြစ် ပေးရန် ဆင့်ခေါ်လာကြောင်း ရပ်ကွက်အုပ်ချုပ်ရေးအဖွဲ့ဝင်တချို့နှင့် ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ လာမည့် မေလအတွင်း ဖွင့်လှစ်မည့် စစ်မှုထမ်းအပတ်စဉ် ၁၃ အတွက် မဟာအောင်မြေမြို့နယ်အတွင်းရှိ ရပ် ကွက်များတွင် တစ်ရပ်ကွက်လျှင် လူငယ် ၂ ဦးနှုန်း ပေးရမည်ဖြစ်ကြောင်း၊ ငလျင်ဒဏ်ခံထားရ၍…

မင်းအောင်လှိုင်က သူတည်တဲ့ မာရဝိဇယဘုရား ငလျင်ဒဏ်ခံနိုင်လို့ အစည်း အဝေးတိုင်းမှာ ဂုဏ်ယူဝင့်ကြား၊ မာရဝိဇယကို ပုံမှန်သွားပေမယ့် သန်းရွှေ တည်ခဲ့တဲ့ ဥပ္ပါတသန္တိစေတီရဲ့ ငလျင်အပျက်အစီးတွေကို ၁ လနီးပါးကြာမှ သွားကြည့် ရန်ကုန်၊ ဧပြီ ၂၆ အကြမ်းဖက် စစ်ခေါင်းဆောင် မင်းအောင်လှိုင်က သူတည်တဲ့ မာရဝိဇယဘုရား ငလျင်ဒဏ်ခံနိုင်တယ်လို့ အစည်း အဝေးတိုင်းမှာ ဂုဏ်ယူဝင့်ကြားစွာ ပြောဆိုနေတယ်လို့ နေပြည်တော်စစ်ဘက်သတင်းရင်းမြစ်က ပြောဆိုပါတယ်။ မတ်လ ၂၈ ရက်နေ့ ငလျင်ကြီးလှုပ်ခတ်ပြီးတဲ့နောက် ဧပြီလ ၁ ရက်နေ့မှာ အကြမ်းဖက် စစ်ခေါင်းဆောင် မင်းအောင်လှိုင်က သူတည်ထားခဲ့တဲ့ မာရဝိဇယဘုရားကို သွားရောက်ခဲ့ပြီး စစ်ဆေးမှုတွေ လုပ်ဆောင်ခဲ့ပါတယ်။ ငလျင်ဒဏ်ကြောင့် မာရဝိဇယဘုရားနဲ့ ရင်ပြင်တော်မှာ အပျက်အစီး အနည်းငယ်သာရှိတဲ့အပြင် အင်ဂျင် နီယာ တွက်ချက်မှုတွေအရ လည်း…

မင်္ဂလာဒုံလေဆိပ် ရဲကင်းကို အဝေးထိန်းမိုင်းဖြင့် ဖောက်ခွဲ တိုက်ခိုက် ရန်ကုန် ၊ ဧပြီ ၂၅ ရန်ကုန်မြို့၊ မင်္ဂလာဒုံလေဆိပ် ရဲကင်းကို အဝေးထိန်းမိုင်းဖြင့် ဖောက်ခွဲ တိုက်ခိုက်ခဲ့ကြောင်း Dark Shadow တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။ ယမန်နေ့ ဧပြီလ ၂၄ ရက်နေ့ ည ၇ နာရီ ၅၀ မိနစ်ခန့်တွင် မင်္ဂလာဒုံမြို့နယ်၊ ကြံခင်းစုရပ်ကွက်၊ လေဆိပ်လမ်းသွယ်ရှိ ရဲကင်းကို ရန်ကုန်မြို့ပြပြောက်ကျား ရဲဘော်များက အဝေးထိန်းမိုင်းဖြင့် ဖောက်ခွဲ တိုက်ခိုက် ခဲ့ခြင်းဖြစ်ကြောင်း သိရသည်။ အဆိုပါ ရဲကင်းသည် ပြည်သူများကို နေ့စဉ်အမျှ ဒုက္ခပေးနေသော စစ်သားနှင့် ရဲများရှိနေ၍ Dark Shadow တပ်ဖွဲ့၏ မြို့ပြပြောက်ကျား ရဲဘော်များက တိုက်ခိုက်ခဲ့ခြင်းဖြစ်ကြောင်း သိရှိရသည်။…

ငလျင်ဘေးသင့်ပြည်သူများ စားသုံးဖို့ ဖြန့်ဖြူးထားသည့် ဘီစကွတ်များကို ရောင်းချပါက အရေးယူမည်ဟု ကုလ ထုတ်ပြန် ဧပြီ ၂၅၊ ၂၀၂၅ ကမ္ဘာ့စားနပ်ရိက္ခာအစီအစဉ် WFP က ငလျင်ဘေးသင့်ပြည်သူတွေ စားသုံးဖို့ ဖြန့်ဖြူးပေးထားတဲ့ ဘီစကွတ်တွေကို ရောင်းချရင် အရေးယူမှုတွေ ပြုလုပ်သွားမယ်လို့ United Nations Myanmar က အသိပေးထုတ်ပြန်ပါတယ်။ WFP ရဲ့ အာဟာရဖြည့်ဘီစကွတ်တွေအကြောင်း ရှင်းပြထားတဲ့ ကြေညာချက်အတွင်း ဘီစကွတ်တွေကို စျေးကွက်အတွင်း ပြန်လည်ရောင်းချရင် အရေးယူမယ်လို့ တစ်ပါတည်း ထည့်သွင်းကြေညာ သတိပေးထားတာ ဖြစ်ပါတယ်။ “လူသားချင်းစာနာထောက်ထားမှု အကူအညီတွေကို ပြန်လည်ရောင်းချဖို့ မသင့်ပါဘူး။ WFP အနေနဲ့ ပုံမှန် လေ့လာစောင့်ကြည့်နေသလို၊ ရောင်းချတာတွေ့ရင်လည်း ချက်ချင်းအရေးယူ‌ဆောင်ရွက်သွားမှာပါ။ WFP ရဲ့အထောက်အပံ့တွေက အမြဲတမ်း အခမဲ့ဖြစ်ပါတယ်“ လို့ ဖော်ပြထားပါတယ်။…

AA ၊ PDF ပူးပေါင်းတပ်များ ဝင်ရောက်လာနေ၍ လေးမျက်နှာမြို့နယ်အတွင်းရှိ ကျေးရွာများမှ အုပ်ချုပ်ရေးမှူးများ တိမ်းရှောင်ခြင်းနှင့် စစ်တပ်စခန်းများထံတွင် သွားရောက်ခိုလှုံနေ ရန်ကုန်၊ ဧပြီ ၂၅ ဧရာ၀တီတိုင်း၊ လေးမျက်နှာမြို့နယ်အတွင်းသို့ AA ၊ PDF ပူးပေါင်းတပ်များ ထိုးဖောက်ဝင်ရောက်လာနေ၍ လေးမျက်နှာမြို့နယ်အတွင်းရှိ ကျေးရွာများမှ အုပ် ချုပ်ရေးမှူးများ တိမ်းရှောင်ခြင်းနှင့် စစ်တပ်စခန်းများထံတွင် သွားရောက်ခိုလှုံခြင်းများ လုပ်ဆောင်နေကြောင်း ဒေသပြည်သူများထံမှ သိရှိရသည်။ လေးမျက်နှာမြို့နယ်၊ ပန်းတောကြီးကျေးရွာ၊ ဝါးတောကွင်းကျေးရွာ၊ တောင်ကျေးရွာမှ အုပ်ချုပ်ရေးမှူးများနှင့် ရွာအုပ်ချုပ်ရေးအဖွဲ့ဝင်များမှာ ဟင်္သတမြို့ပေါ်သို့ ထွက်ပြေးတိမ်းရှောင်သွားကြကြောင်း၊ အခြားသော ကျေးရွာများမှ အုပ်ချုပ်ရေးမှူးများမှာမူ စစ်တပ်က တားဆီးထား၍ ထွက်ပြေးတိမ်းရှောင်ခြင်းမပြုသော်လည်း စစ်တပ်အထိုင်စခန်းများတွင်သာ သွားရောက် အိပ်စက်နေ ထိုင်ကြကြောင်း သိရှိရသည်။ “တောင်ရွာ အုပ်ကြီး ဇော်ဇော်မင်းနဲ့ ရာအိမ်၊ ဆယ်အိမ်းမှူးတွေ…

Breaking News- ပြည်ပရောက် NUG ကျန်းမာရေးနှင့်ပညာရေးဝန်ကြီး ဒေါက်တာဇော်ဝေစိုး မြန်မာနိုင်ငံအတွင်း သို့ အပြီးပြန်လည် အခြေချကာ ပြည်သူလူထု၏ ကျန်းမာရေးနှင့်ပညာရေးဆိုင်ရာများအတွက် လုပ် ဆောင်နေ ရန်ကုန်၊ ဧပြီ ၂၅ အမျိုးသားညီညွတ်ရေးအစိုးရ-NUG ကျန်းမာရေးနှင့်ပညာရေးဝန်ကြီး ဒေါက်တာဇော်ဝေစိုးသည် ပြည်ပတွင် ရောက်ရှိနေရာမှ မိခင်မြန်မာနိုင်ငံအတွင်းသို့ ပြန်လည် ဝင်ရောက်သွားပြီဖြစ်ပြီး ပြည်ပရောက် NUG ဝန်ကြီး တစ်ဦးအနေဖြင့် မြန်မာနိုင်ငံတွင်းသို့ အပြီး ပြန်လည် အခြေချကာ ပြည်သူ လူထု၏ ကျန်းမာရေးနှင့်ပညာ ရေး ဆိုင်ရာလုပ်ငန်းများ လုပ်ဆောင်နေကြောင်း NUG က အတည်ပြုပြောဆိုသည်။ ရန်ကုန်ခေတ်သစ်သတင်းဌာနက ပြည်ပမှ မိခင် မြန်မာနိုင်ငံသို့ အိမ်ပြန်ခဲ့ပြီဖြစ်သော NUG ဝန်ကြီးဒေါက် တာ ဇော်ဝေစိုးကို မှတ်ချက်ပေးရန် ဆက်သွယ်ခဲ့ရာ “ဒေါက်တာဇော်ဝေစိုး အိမ်ပြန်ပြီပေါ့”…

အရေးပေါ် အခြေအနေ ကြေညာထား၍ စစ်မှုထမ်းတပ်သားများ ၂ နှစ်ထက်ပိုမို တာဝန်ထမ်းဆောင်ရမည်ဟု စစ်တပ်အတွင်း အသိပေး 🟥 ၂ နှစ်ပြည့်စစ်မှုထမ်းတပ်သားများကို အကြပ်ရာထူး များပေးမည်ဖြစ်ပြီး ဘွဲ့ရဆိုလျှင် ဗိုလ်သင်တန်း တက်ခွင့်ပေးမည်ဟု မက်လုံးပေး ရန်ကုန်၊ ဧပြီ ၂၅ စစ်အာဏာသိမ်းမှုကြောင့် အရေးပေါ် အခြေအနေ ကြေညာထား၍ စစ်မှုထမ်းတပ် သားများအနေဖြင့် ၂ နှစ်ထက်ပိုမို တာဝန်ထမ်းဆောင်ရမည်ဟု စစ်တပ်အတွင်း အသိပေးမှုများ လုပ်ဆောင်လာကြောင်း စစ်မှုထမ်းတပ်သားအသိုင်းအ၀ိုင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။ ၂၀၂၄ ခုနှစ် မေလတွင် စစ်မှုထမ်းအပတ်စဉ် ၁ တက်ရောက်ခဲ့ပြီး ရှမ်းပြည် နယ် တောင်ပိုင်း၊ ပင်လောင်းတွင် တာဝန်ချထားခြင်းခံရသည့် စစ်မှုထမ်းတပ် သားတချို့ကို စစ်ကောင်စီတပ်မှ တပ်ရင်းမှူးများက နိုင်ငံတော်သည် လက်ရှိတွင် အရေးပေါ် အခြေ…

နဂါးကြီးကြောင့် ငလျင်လှုပ်သည်ဟုမိုင်းဖုန်းဆရာတော်ဟောပြောမှု ငလျင်ကြိုတင်ကာကွယ်ရေးအတွက်အန္တရာယ်ကြီး အိမ်သွင်/People’s Spring စစ်ကိုင်းငလျင်ကြီးသည် ကမ္ဘာမြေကြီးအောက်မှ မိုင်ပေါင်း ၃၀၀၀ ကျော်ရှည်သော နဂါးကြီးက လှန်လိုက်ခြင်းကြောင့်လှုပ်ခြင်းဖြစ်ကြောင်း မိုင်းဖုန်းဆရာတော်၏ ဟောပြောမှုသည် သဘာဝဘေးကြိုတင်ကာကွယ်ရေးအတွက်အယူလွဲမှားစေနိုင်ကာအန္တရာယ်ကြီးမားပြီး ဘာသာရေးအရဂျင်းထည့်ခြင်းဟု ဘူမိဗေဒပညာရှင်များနှင့် လူမှုရေးအဖွဲ့များက ဝေဖန်ကြသည်။ ငလျင်ဒဏ်သင့်ဒေသများအတွက်မေတ္တာပို့ကူညီထောက်ပံ့ခြင်းအလှူခရီးစဉ်ဟုခေါင်းစဉ်ဖြင့် ရန်ကုန်မြို့သို့ရောက်ရှိနေသည့် မိုင်းဖုန်းဆရာတော်က တရားပွဲတစ်ခုတွင်ထိုကဲ့သို့ဟောပြောခဲ့ခြင်းဖြစ်သည်။ “နဂါးအရှည်က မိုင်ပေါင်း ၃၀၀၀ကျော်တယ်။ လှန်လိုက်တော့ မြေငလျင်လှုပ်သွားတယ်”ဟုမိုင်းဖုန်းဆရာတော်က ဘာသာပြန်ဘုန်းကြီးတစ်ပါးမှတဆင့် ဟောသည်။ တရားနာသူများထံမှလည်းအံ့ဩသည့်ပုံစံဖြင့် အာမေဒိတ်သံထွက်လာကြသည်။ယုံကြည်ကိုးကွယ်သူအများအပြားရှိနေသော မိုင်းဖုန်းဆရာတော်ကဲ့သို့ပုဂ္ဂိုလ်က မဟုတ်မမှန်သောအကြောင်းကို ထိုသို့ ဟောပြောခြင်းက ငလျင်ဘေးအန္တရာယ်ရှိနေသော မြန်မာနိုင်ငံတွင်သဘာဝဘေးကြိုတင်ကာကွယ်ရေးအတွက် အန္တရာယ်ကြီးမားစေသည်ဟု ဘူမိဗေဒပညာရှင်တစ်ဦးကပြောသည်။ “ပြတ်ရွေ့ကြောင့်မြေကြီးကသဘာဝအတိုင်းလှုပ်ခါတာကိုနဂါးကလှန်လို့လှုပ်တယ်ပြောတာက တော်တော်ကိုအန္တရာယ်ကြီးပါတယ်။ ဒါဟာ ပေါ့တန်တန် သဘောထားလို့မရဘူး” ဟု အဆိုပါဘူမိပညာရှင်က ပြောသည်။ မြန်မာနိုင်ငံမြေကလျင်ကော်မတီဝင်တစ်ဦးကလည်း”ခက်ပါတယ်ဗျာ။ဒီလိုဟောတာပြောတာတွေက သဘာဝ ဘေးကြိုတင်ကာကွယ်ရေး၊ တုံ့ပြန်ရင်ဆိုင်ရေးအပိုင်းတွေမှာ ရေလိုက်လွဲသွားနိုင်ပါတယ်။ ငလျင်က ငလျင်ပါ။…

ပြည်သူအပေါ် အနစ်နာခံမှု နှင့် နိုင်ငံရေး ဦးဆောင်မှုပေးနေသော ဒေါ်အောင်ဆန်းစုကြည်ကို ပြည်သူ့ဂုဏ်ရည်ဆုရှင်အဖြစ် ရွေးချယ် ရန်ကုန်၊ ဧပြီ ၂၄ ပြည်သူအပေါ် အနစ်နာခံမှု၊ မေတ္တာတရားနှင့် နိုင်ငံရေး ဦးဆောင်မှုပေးနေသော ဒေါ်အောင်ဆန်းစုကြည်ကို ပြည်သူ့ဂုဏ်ရည်ဆုရှင်အဖြစ် ရွေးချယ်လိုက်ကြောင်း ပြည်သူဂုဏ်ရည်အသင်းက သတင်းထုတ်ပြန်သည်။ ၂၀၂၅ ခုနှစ် ၁၆ ကြိမ်မြောက် ပြည်သူ့ဂုဏ်ရည်အသင်း၏ ဂုဏ်ပြုသူအဖြစ် အကျဉ်းကျခံနေရသော ပြည်သူ့ခေါင်းဆောင် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ရွေးချယ်ခဲ့ခြင်းဖြစ်သည်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သူမ၏ ဘဝတစ်လျောက်လုံး မြန်မာနိုင်ငံ နှင့် ပြည်သူများအပေါ် ထားရှိသော အနစ်နာခံမှု၊ မေတ္တာတရားနှင့် နိုင်ငံရေး ဦးဆောင်မှုများအပေါ် ကျေးဇူးတင်စကားဆိုခြင်းနှင့် အကြမ်းဖက် စစ်အာဏာရှင်ကို ဒူးမထောက်ဘဲ ကြံ့ကြံ့ခံတွန်းလှန်နေ သည့် စိတ်ခွန်အားများကို ဦးညွှတ် ဂုဏ်ပြုခြင်းလည်း ဖြစ်ကြောင်း အသိပေးထားသည်။ မတရားဖမ်းဆီး…