Category: News

ကပစများအခြေစိုက်သည့် ပန်းတောင်းမြို့နယ်မှ စစ်စခန်းအချို့ AA နှင့်မဟာမိတ်များတိုက်ခိုက် ■အင်အား၂၀၀ ကျော်ဖြင့်ခုခံနေသော ပုဂံကွဲ စခန်းကို​တော်လှန်​ရေးတပ်များသိမ်းပိုက် ကဖေး/People’s Spring စစ်လက်နက်ပစ္စည်းထုတ်လုပ်​ရေးစက်ရုံများရှိ သည့် ပဲခူးတိုင်း၊ ပန်းတောင်းမြို့နယ်မှ စစ်ကောင်စီစခန်းများကို အာရက္ခတပ်တော်AAနှင့် ပူးပေါင်းတပ်များက ဆက်လက်တိုက်ခိုက်ပြီး အင်အား၂၀၀ကျော်ဖြင့် ခုခံနေသော ပုဂံကွဲစခန်းကို ထပ်မံသိမ်းယူတာကြောင်း စစ်​ရေးသတင်းရင်းမြစ်အချို့က​ပြောသည်။ ပန်းတောင်းမြို့နယ်မှ ညောင်ကျိုးစခန်း နှင့် ပုဂံကွဲစခန်းကို ဖေဖော်ဝါရီလဆန်းမှစတင်၍ AAက တိုက်ခိုက်နေခြင်းဖြစ်ပြီး ခံစစ်အခိုင်အမာပြင်ထားသော ပုဂံကွဲစခန်းကို သိမ်းယူနိုင်ခဲ့ခြင်းဖြစ်သည်ဟု ဒေသခံသတင်းရင်းမြစ်ကပြောသည်။ ” အခုတိုက်နေတဲ့နေရာတွေက ကပစနဲ့လည်း အ ရမ်းမဝေးသလို ဧရာဝတီတိုင်း၊ ရခိုင်နဲ့ ပဲခူးတိုင်း နီးစပ်တဲ့နေရာတွေဖြစ်တယ်။ စစ်ကောင်စီက စခန်းတွေကနေဆုတ်ခွာပြီး ကပစတွေမှာ သွားထိုင်တာတွေလည်းကြားတယ်” ဟု အထက်ပါသတင်းရင်းမြစ်ကပြောသည်။ ပဲခူးတိုင်းအနောက်ဘက်ခြမ်းဒေသဖြစ်သော ပန်းတောင်းမြို့နယ်ထဲ၌ စစ်လက်နက်ပစ္စည်းထုတ်စက်ရုံကပစ (၃)၊ ကပစ…

ကုလသမဂ္ဂ လွှတ်တော်ဆိုင်ရာ ကြားနာပွဲသို့ မြန်မာ လွှတ်တော်ကိုယ်စားလှယ်အဖွဲ့ တက်ရောက်၊ CRPH ကို တရားဝင် မိတ်ဖက် နှင့် ဆွေးနွေးဖက်အဖြစ် နိုင်ငံတကာက အသိအမှတ်ပြု ရန်ကုန်၊ ဖေဖော်ဝါရီ ၁၇ ကုလသမဂ္ဂရုံးချုပ်တွင် ကျင်းပသည့် လွှတ်တော်ဆိုင်ရာ ကြားနာပွဲသို့ မြန်မာလွှတ်တော်ကိုယ်စားလှယ်အဖွဲ့ တက်ရောက်ခဲ့ကြောင်း ပြည်ထောင်စုလွှတ်တော်ကိုယ်စားပြုကော်မတီက သတင်းထုတ်ပြန်သည်။ ဖေဖော်ဝါရီလ ၁၃ ရက်နေ့မှ ဖေဖော်ဝါရီလ ၁၄ ရက်နေ့အထိ အမေရိကန်ပြည်ထောင်စု၊ နယူးယောက်မြို့ရှိ ကုလသမဂ္ဂရုံးချုပ်၌ “ရေရှည်တည်တံ့သော ဖွံ့ဖြိုးမှုပန်းတိုင်များအတွက် အကောင်အထည်ဖော်ဆောင်ရွက်မှုများ အရှိန်မြှင့်တင်ခြင်း။ ဘဏ္ဍာရေး၊ အဖွဲ့အစည်းများနှင့် နိုင်ငံရေး” ခေါင်းစဉ်ဖြင့် ကျင်းပခဲ့သည့် လွှတ်တော်ဆိုင်ရာကြားနာပွဲသို့ ပြည်ထောင်စုလွှတ် တော်ကိုယ်စားပြုကော်မတီ ဥက္ကဋ္ဌ ဦးအောင်ကြည်ညွန့် ဦးဆောင်သည့် မြန်မာလွှတ်တော်ကိုယ်စားလှယ်အဖွဲ့သည် သွား ရောက်တက်ရောက်ခဲ့ကြောင်း သိရှိရသည်။ မြန်မာလွှတ်တော်ကိုယ်စားလှယ်အဖွဲ့က “စစ်အာဏာသိမ်းမှုနောက်…

တာမွေ၊ ကျားကွက်သစ်ရပ်ကွက်တွင် အမျိုးသမီးများ စစ်မှုမထမ်း စေရေး လုပ်ဆောင်ပေးမည်ဟုဆိုကာ ငွေကျပ် ၁၀ သိန်းမှ သိန်း ၇၀ အထိ အုပ်ချုပ်ရေးမှူး ဝင်းသူက ခြိမ်းခြောက်တောင်းယူပြီး ကားဝယ်စီး 🟥 မှော်ဘီတွင် စစ်မှုထမ်းရမည့် လူငယ်များကို ပြင်ပသို့ သွားလာခွင့်ပိတ်ပင် ရန်ကုန်၊ ဖေဖော်ဝါရီ ၁၇ ရန်ကုန်တိုင်း၊ တာမွေမြို့နယ်၊ ကျားကွက်သစ်ရပ်ကွက်တွင် အသက် ၁၈ နှစ်ပြည့်ပြီးသော အမျိုးသမီးများ စစ်မှုထမ်းရမည်ဖြစ်ပြီး စစ်မှုထမ်းမလိုလျှင် ငွေကြေးပေးရမည်ဟုဆိုကာ မိဘများထံမှ ငွေကျပ် ၁၀ သိန်းမှ သိန်း ၇၀ အထိ ကျားကွက်သစ်ရပ်ကွက် အုပ်ချုပ်ရေးမှူး ဝင်းသူက ခြိမ်းခြောက်တောင်းယူခဲ့ကြောင်း ငွေပေးလိုက်ရသည့် ဒေသပြည်သူတချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။ အကြမ်းဖက်စစ်ကောင်စီက အမျိုးသမီး စစ်မှုထမ်းများ ခေါ်ယူရန်မရှိကြောင်း တရားဝင်…

ကလေးတောင်ပိုင်းမှာ တိုက်ပွဲ ဆက်ဖြစ်၊ စစ်အုပ်စု လေကြောင်းဗုံးကြဲ ခုခံတဲ့ကြားက ငါးရက်အတွင်း စစ်စခန်း ငါးခု သိမ်းယူနိုင်ပြီး အလောင်း၊ လက်နက်နဲ့ သုံ့ပန်းတွေ ရရှိ၊ စစ်အုပ်စုက ကျေးရွာတွေအပေါ် ဗုံးမိုးရွာလို့ ကလေးသူငယ်တွေ အပါအဝင် ဒေသခံ ဆယ်နဲ့ချီ သေဆုံးကာ ထောင်သောင်းချီတဲ့ ပြည်သူတွေ ထွက်ပြေးနေရ၊ ကိုသူ/MFP၊ ဖေဖေါ်ဝါရီ – ၁၆ စစ်ကိုင်းတိုင်း၊ ကလေးမြို့နယ်တောင်ပိုင်း၊ ကလေး- ဂန့်ဂေါ ကားလမ်းပေါ်ရှိ အောင်သာယာ (ရွာသစ်နဲ့ ရွာဟောင်း)၊ မှန်တောနဲ့ ကြံသာရွာ စစ်အုပ်စု စခန်း လေးခုကို တော်လှန်ရေး အင်အားစုတွေက ဖေဖော်ဝါရီလ ၁၅ရက်နဲ့ ၁၆ရက်မှာ ထပ်မံ သိမ်းပိုက်နိုင်ခဲ့တယ်လို့ ဒေသခံ စစ်ရေး သတင်းရင်းမြစ်တွေက MFP ကို ပြောပါတယ်။…

လှိုင်မြို့နယ်၊ တပ်ထိန်းတပ် လုံခြုံရေးဂိတ်ပေါက်ကို လက်ပစ်ဗုံးဖြင့် ပစ်ခတ်တိုက်ခိုက်မှု ဖြစ်ပွားခဲ့ပြီး စစ်တပ်က ပိတ်ဆို့ စစ်ဆေး ရန်ကုန်၊ ဖေဖော်ဝါရီ ၁၇ ရန်ကုန်တိုင်း၊ လှိုင်မြို့နယ်နှင့် မရမ်းကုန်းမြို့နယ်အစပ်ရှိ တပ်ထိန်းတပ် လုံခြုံရေးဂိတ်ပေါက်ကို လက်ပစ်ဗုံးဖြင့် ပစ်ခတ်တိုက်ခိုက်မှု ဖြစ်ပွားပြီး စစ်တပ်က ပိတ်ဆို့ စစ်ဆေးခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။ ဖေဖော်ဝါရီလ ၁၆ ရက်နေ့ ည ၈ နာရီ ၁၉ မိနစ်အချိန် လှိုင်မြို့နယ်နှင့် မရမ်းကုန်းမြို့နယ် အစပ် ဘုရင့်နောင်လမ်းနှင့် ပါရမီ လမ်းထောင့်ရှိ တပ်ထိန်းတပ်၏ လုံခြုံရေး ဂိတ်ပေါက်၀ကို Yangon UG People Army -YUPA နှင့် မဟာမိတ် မြောက်ဥက္ကလာ ပကဖ တပ်ဖွဲ့ ၂ တို့ပူးပေါင်း၍…

စစ်တပ်က ပေါ်တာဆွဲဖမ်းဆီးမှုတွေကိုသာ အာရုံစိုက်နေသောကြောင့် ခိုးဆိုးလုနှိုက်များကို ပြည်သူများကိုယ်တိုင် ဖမ်းဆီးနေရ AAMIJ / ဖေဖော်ဝါရီ ၁၆ ရန်ကုန်မြို့မှာ စစ်တပ်က အဓမ္မစစ်မှုထမ်းအတွက် ပေါ်တာဆွဲဖမ်းဆီးမှုတွေကိုသာ အာရုံစိုက်လုပ်ဆောင်နေတာကြောင့် ခါးပိုက်နှိုက်မှုတွေ၊ အုပ်စုဖွဲ့ ခိုးယူမှုတွေကို ပြည်သူတွေကိုယ်တိုင် ဖမ်းဆီးပေးနေရ‌‌ေကြာင်း ယခုရက်ပိုင်း သတင်းတွေမှာ တွေ့မြင်နေရပါတယ်။ ဖေဖော်ဝါရီလ ၁၄ရက်နေ့က လှိုင်သာယာ နည်းပညာတက္ကသိုလ်ကနေ ဆူးလေကို ပြေးဆွဲတဲ့ YBS 61ယာဉ်လိုင်းပေါ်မှာ ခါးပိုက်နှိုက်မှု ကျူးလွန်သူတစ်ဦးကို ပြည်သူတွေကိုယ်တိုင်ဖမ်းဆီးပြီး ရဲစခန်းကိုအပ်နှံပေးခဲ့ရပါတယ်။ ဖေဖေါ်ဝါရီလ ၁၆ရက်နေ့ မနက်ပိုင်းကလည်း တောင်ဥက္ကလာပမြို့နယ်၊ ၃ရပ်ကွက်၊ ငွေကြာရံကျောင်းအတွင်း သံဃာတော်တွေ ဆွမ်းခံကြွနေချိန်မှာ လူတစ်စုက ကိုယ်ပိုင်ကားနဲ့ရောက်ရှိလာပြီး ဖုန်းတွေဝင်ခိုးခဲ့ပါတယ်။ အဆိုပါအဖွဲ့ကို ပြည်သူတွေက ဝိုင်းဝန်းဖမ်းဆီးခဲ့ရာ တစ်ဦးကို ဖမ်းဆီးရမိခဲ့ပါတယ်။ အဆိုပါဖြစ်စဉ်တွေနဲ့ပတ်သက်ပြီး ရန်ကုန်မြို့နေပြည်သူတစ်ဦးက AAMIJကို အခုလို…

၂၀၂၀ ရွေးကောက်ပွဲ မဲမသမာမှု နှင့် တရားမဲ့ ပြုကျင့်မှုများ စုံစမ်း တွေ့ရှိချက် အစီရင်ခံစာကို Non-CDM ဝန်ထမ်းတိုင်း မဖြစ်မနေ ဖတ်ရန် စစ်ကောင်စီက ထပ်မံ ညွှန်ကြား ရန်ကုန်၊ ဖေဖော်ဝါရီ ၁၇ မြန်မာနိုင်ငံတစ်ဝန်းရှိ Non-CDM ဝန်ထမ်းတိုင်းအနေဖြင့် ၂၀၂၀ ရွေးကောက်ပွဲ မဲမသမာမှုနှင့် တရားမဲ့ ပြုကျင့်မှုများ စုံစမ်းတွေ့ ရှိချက် အစီရင်ခံစာကို မဖြစ်မနေ ဖတ်ရန် စစ်ကောင်စီက ထပ်မံ ညွှန်ကြားလိုက်ကြောင်း သိရှိရသည်။ စစ်ကောင်စီ၏ ဝန်ကြီးဌာန Website များတွင် ၂၀၂၀ ရွေးကောက်ပွဲ မဲမသမာမှု အစီရင်ခံစာကို လွှင့်တင်ထားရာ ဝင်ရောက်ကြည့် ရှုသူ နည်းပါးနေသဖြင့် ဝန်ထမ်းများ ဝင်ရောက်ကြည့်ရှုကာ ထောက်ခံကြောင်း မှတ်ချက်များ ဝင်ရေးရန် စစ်ကောင်စီက အမိန့်ထုတ်ထားခဲ့ကြောင်း၊…

ပြည်ပနိုင်ငံများမှ မှ ခွင့်ဖြင့် မြန်မာနိုင်ငံသို့ အလည်ပြန်လာမည့် အသက် ၁၈ နှစ်မှ အသက် ၃၅ နှစ်အတွင်း အမျိုးသားအလုပ် သမားများ ပြည်ပသို့ ပြန်လည် ထွက်ခွာခွင့်မပြုတော့သည့် အမိန့်အသစ် စစ်ကောင်စီချမှတ် 🟥 ပြည်ပရောက် မြန်မာအလုပ်သမားများအားလုံးထံမှ အခွန်တိုးမြှင့် ကောက်ခံရရှိရေး စီမံချက်ရေးဆွဲနေ ရန်ကုန်၊ ဖေဖော်ဝါရီ ၁၇ ပြည်ပနိုင်ငံများမှ မှ ခွင့်ဖြင့် မြန်မာနိုင်ငံသို့ အလည်ပြန်လာမည့် အသက် ၁၈ နှစ်မှ အသက် ၃၅ နှစ်အတွင်း အမျိုးသားအလုပ် သမားများအားလုံးကို ပြည်ပသို့ ပြန်လည် ထွက်ခွာခွင့်မပြုတော့ဆိုသည့် စည်းကမ်းချက်အသစ်ကို စစ်ကောင်စီက ချမှတ်လိုက်ကြောင်း ပြည်ပအလုပ်အကိုင်အေဂျင်စီများထံမှ သိရှိရသည်။ စစ်ကောင်စီက အသစ်ခန့်အပ်လိုက်သော အလုပ်သမားဝန်ကြီးအသစ် ချစ်ဆွေက ဖေဖော်ဝါရီလဆန်းပိုင်းမှ စတင်၍ စည်း…

စစ်ကိုင်း -မင်းကွန်းလမ်းပိုင်း ညအချိန် အသုံးမပြုဖို့ PDF အသိပေး ဆိုင်းမင်း/People’s Spring စစ်ကိုင်း – မင်းကွန်းလမ်းပိုင်းမှာ စစ်ရေးတင်းမာမှုတွေရှိနေတဲ့အတွက် ဒေသခံပြည်သူတွေအနေနဲ့ ညအချိန်ဖြတ်သန်းသွားလာတာ မပြုလုပ်ဖို့ ပြည်သူ့ကာကွယ်ရေးတပ်ဖွဲ့ ( မင်းကွန်း ) က ဖေဖော်ဝါရီ ၁၄ ရက်မှာ ထုတ်ပြန်အသိပေးထားပါတယ်။ ဒေသခံပြည်သူတွေအနေနဲ့ မနက် ၆နာရီကနေ ညနေ ၆နာရီအတွင်းသာ လမ်းပိုင်းကို အသုံးပြုကြဖို့ အသိပေးထားတာပါ။ ” စာထုတ်ထားတာတော့မှန်တယ်ဗျ၊ နှစ်ဖက်စစ်ရေးတင်းမာမှုတွေ ရှိနေတယ်” လို့ မင်းကွန်းနယ်မြေမှာ လှုပ်ရှားနေတဲ့ တော်လှန်ရေးတပ်ဖွဲ့ ဝင် တစ်ဦးက ပြောပါတယ်။ စစ်ကိုင်း -မင်းကွန်းလမ်းပိုင်းကို စစ်ကောင်စီတပ်က အသုံးပြုနေသလို မြသိန်းတန်စေတီနဲ့ မင်းကွန်းနယ်မြေရဲစခန်းမှာ အထိုင်ချတပ်စွဲထားတယ်လို့ သိရပါတယ်။ စစ်ကိုင်း -မင်းကွန်းလမ်းပိုင်းကို သတိထားသွားလာကြဖို့နဲ့ မဖြစ်မနေ…

စစ်​တွေတွင် တိုက်ပွဲ​ ပိုမိုပြင်းထန် ၊ AA က အဓိကကျသည့်စခန်း​များကို​ ထိုးစစ်ဆင် ဓါတု မဇ္ဈိမ။ ။ စစ်​တွေမြို့နယ်တွင် တိုက်ပွဲ​ပိုမိုပြင်းထန်လာပြီး အာရက္ခတပ်​တော်(AA)က စစ်​ကောင်စီ အထိုင်ချထားသည့် အဓိကကျသော တပ်စခန်းများကို ​တောက်​လျှောက်ထိုးစစ်ဆင်​နေ​ကြောင်း စစ်​ရေးသတင်းရင်းမြစ်များက​ ပြောသည်။ စစ်တွေမြို့ပြင် ပါဒလိတ်နှင့် အမြင့်ကျွန်း​၊ ကြွီတဲကျေးရွာမှ အထိုင်ချတပ်စခန်းများ၊ ကွမ်း​တောင်​ကျေးရွာနှင့် ရွှေမင်းဂံဘက်သို့ AAက ထိုးစစ်ဆင်နေရာ ဖေဖော်ဝါရီလ ဒုတိယပတ်အတွင်းမှ ယ​နေ့ ( ဖေ​​ဖော်ဝါရီလ ၁၆ ရက် ) အထိ တိုက်ပွဲများ ပိုမိုပြင်းထန်​လာကြောင်း​ ဒေသတွင်းစစ်​ရေးသတင်းရင်းမြစ်က​ မဇ္စျိမကို​ပြောသည်။ “စစ်​တွေက​တော့​ တောက်​လျှောက်တိုက်ပွဲဖြစ်နိုင်တဲ့ အ​နေအထားမှာရှိတယ်။ ဟိုဘက် ဒီဘက်ကမ်း လှမ်းမြင်​နေရ​တော့ အနီးကပ်သ​ဘောမျိုး​ပေါ့။လက်နက်ကြီး​တွေနဲ့ အပြန်အလှန်ပစ်​နေကြတာ ဒီ​နေ့အထိပစ်​နေတုန်းပဲ ။ နှစ်ဖက်အထိအခိုက်​တွေကအတိအကျမသိရ​သေးဘူး”ဟု ၎င်းကပြောသည်။…