Author: admin

ကင်းတားဆည်က ရေလွှတ်နေ၊ ပျော်ဘွယ်မှာ တံတားတစ်စင်း ရေတိုက်စားခံရလို့ ရန်ကုန် – မန္တလေး ရထားလမ်း ပြေးဆွဲမရတော့၊ ဆည်ရေလွှတ်၊ မြစ်ရေတက်လို့ ကျောက်ဆည်နဲ့ မြစ်သားနယ်ထဲ ရေကြီးနစ်မြုပ်နေ၊ ဒေါ်လာ/MFP ၊ စက်တင်ဘာ – ၁၁ မန္တလေးတိုင်း၊ မြစ်သားမြို့နယ်၊ ပန်းလောင်မြစ်ပေါ်မှာ တည်ဆောက်ထားတဲ့ ကင်းတားရေလှောင်တမံမှာ ရေပြည့်မှတ်ရောက်ဖို့ နှစပေခန့်သာ လိုတော့ပြီး စက်တင်ဘာလ ၁၁ရက် ဒီကနေ့ မွန်းလွဲပိုင်းအချိန် ရေထိန်းတံခါး လေးခုကနေ ရေထုတ်လွှတ်ခဲ့တယ်လို့ သတင်း ရရှိပါတယ်။ ကင်းတားဆည်ရဲ့ ရေပြည့်အမှတ်ဟာ ၂၀၇ ဒဿမ ၂၅ မီတာဖြစ်ပြီး ဒီနေ့ ညနေပိုင်း ၂၀၆ ဒဿမ ၇၆ မီတာအထိ ရေတက်နေကာ ရေပြည့်မှတ်ရောက်ဖို့ နှစ်ပေခန့်သာ လိုတော့ကြောင်း၊ မြစ်သားနယ်အပါအဝင် ကင်းတာဆည်…

နေပြည်တော် တပ်ကုန်းရေကြီးမှုတွင် ရွာ ၂၀ ကျော်ရေနစ်မြုပ်၍ ပိတ်မိသူများရှိနေပြီး လူသေဆုံးမှုများရှိလာ ဧရာဝတီတိုင်းမ် စက်တင်ဘာ ၁၁ ရက်   နေပြည်တော်၊ တပ်ကုန်းမြို့နယ်တွင်းရှိ ကျေးရွာများတွင် ရေကြီးရေလျှံ၍ နေအိမ်များနစ်မြုပ်မှု ဖြစ်ပေါ်နေပြီး လူများပိတ်မိနေသဖြင့် အရေးပေါ်ကယ်ဆယ်ရေးများ လိုအပ်လျက်ရှိ ကြောင်း ဒေသခံများထံက သိရသည်။ ယနေ့ စက်တင်ဘာ ၁၁ ရက်နေ့နံနက်အစောပိုင်းတွင် ကျေးရွာများရှိ နေအိမ်များအတွင်း ရေများဝင်ရောက် လာပြီး ၇ ပေအထိမြင့်တက်ကာ နေအိမ်အချို့ ခေါင်း မိုးများပင်ရေနစ်မြုပ်နေပြီဖြစ်ကြောင်း သိရသည်။ “ခုထိကယ်ဆယ်ရေးတွေ မရောက်သေးဘူး။ ခေါင်းမိုးပေါ်တက်ထိုင်နေရတာ။ ဘာပစ္စည်းမှလည်းမယူနိုင်ဘူး။ အချို့နှစ်ထပ်အိမ်တွေတောင် အပေါ်ထပ်ကိုပါ ရေရောက်နေပြီ။ ရေကလည်း ထပ်တက်လာတာ ၇ ပေကျော်နေပြီ” ဟု တပ်ကုန်းမြို့၊ မကျည်းပင်ကျေးရွာနေ ဒေသခံတဦးက ဧရာဝတီတိုင်းမ်ကို ပြောသည်။…

အမေရိကန်ဒေါ်လာနှင့် ရွှေစျေးနှုန်းများ မတည်မငြိမ်ဖြစ်နေပြီး အတက်အကျ ကြမ်းနေကာ နာရီနှင့်အမျှ အပြောင်းအလဲ မြန်လွန်းနေ ရန်ကုန်၊ စက်တင်ဘာ ၁၁ မြန်မာနိုင်ငံ၏ ပြည်တွင်းစီးပွားရေးစျေးကွက်တွင် အမေရိကန်ဒေါ်လာနှင့် ရွှေစျေးနှုန်းများ မတည်မငြိမ်ဖြစ်နေပြီး အတက်အကျ ကြမ်းနေကာ နာရီနှင့်အမျှ အပြောင်းအလဲ မြန်လွန်းနေကြောင်း စျေးကွက်အတွင်းမှ စုံစမ်းသိရှိရသည်။ စက်တင်ဘာလ ၉ ရက်နေ့ အမေရိကန်တစ်ဒေါ်လာလျှင် ငွေကျပ် ၄၉၀၀ ကျပ်အထိ တဟုန်ထိုးကျဆင်းခဲ့သော်လည်း ယင်းနောက် ယင်းနေ့တွင်ပင် အမေရိကန်တစ်ဒေါ်လာလျှင် ၅၀၀၀ ကျပ် ကျော်အထိ ပြန်လည် မြင့်တက်လာကြောင်း၊ ယမန်နေ့ စက်တင်ဘာလ ၁၀ ရက်နေ့ တွင်လည်း အမေရိကန်ဒေါ်လာစျေးနှုန်းများမှာ အတက်အကျ ကြမ်းနေခဲ့ကြောင်း၊ ယနေ့တွင်မူ အတက်ပိုင်းသို့ ပြန်လည် မြင့်တက်ခဲ့သော်လည်း မတည်မငြိမ်ဖြစ်နေကြောင်း သိရှိရသည်။ “ဒေါ်လာစျေးက တစ်ဒေါ်လာကို…

တာချီလိတ်မြို့ပေါ် မယ်ဆိုင်ချောင်းနှင့် နီးစပ်သည့် ပုန်းထွန်ရပ်ကွက်အတွင်း လမ်းသွယ်များအနက် ပုန်းထွန်(၁)လမ်းမှာ အခြားလမ်းများထက် ရေဝင်ရောက်မှု သက်သာသလိုရှိသော်လည်း ရေများမှာ ပထမအထပ်ထိ ဝင်ရောက်နေဆဲ ဖြစ်ကြောင်း သိရသည်။ (၁)လမ်းတွင် နေထိုင်သူအချို့၏ ပြောပြချက်အရ ရေမှာ အနည်းငယ် ကျနေသည်ဟု ဆိုသော်လည်း အခြား လမ်းသွယ်များတွင် ရေကျဆင်းမှု မသိသာသေးကြောင်း သိရသည်။ အခြားလမ်းသွယ်များမှာ နေအိမ်၏ ဒုတိယထပ်အထိ ဝင်ရောက်နေသည့်အတွက် ပိတ်မိနေသူ တော်တော်များများ ရှိနေပြီး အစားအသောက်မရရှိသေးသူ များပြားကြောင်းလည်း သိရသည်။ လက်ရှိတွင် ကယ်ဆယ်ရေး နှင့် အစားအစာ ဝေငှရေးအပိုင်းအနေဖြင့် သက်ဆိုင်ရာ ဖွဲ့စည်းပြီး လုပ်ဆောင်နေသည့် အဖွဲ့များကို မတွေ့ရသေးသော်လည်း ရပ်ကွက်အတွင်း စေတနာရှင် အစုအဖွဲ့များက ရေစီးသန်နေသည့် အခက်အခဲများအကြား လက်လှမ်းမီသမျှ လိုက်လံ ပေးဝေနေလျက်ရှိကြောင်း သိရသည်။…

တပ်ကုန်းအပါအဝင် ရမည်းသင်း၊ ပျော်ဘွယ်၊ ဝမ်းတွင်း၊ ကျောက်ဆည်မြို့နယ်များတွင် ရေကြီးနေပြီး အရေးပေါ်အကူအညီများ လိုအပ်နေ ဇေအောင်/People’s Spring နေပြည်တော် တပ်ကုန်းမြို့နယ်အပါအဝင် ရမည်းသင်း၊ ပျော်ဘွယ်၊ ဝမ်းတွင်း၊ ကျောက်ဆည်စ​သော မြန်မာ နိုင်ငံအလယ်ပိုင်းမြို့နယ်များတွင်ပါ ရေကြီးနေပြီး အရေးပေါ်အကူအညီများ လိုအပ်နေသည်။ ယမန်နေ့(စက်တင်ဘာ ၁၀) ကတည်းက ဆက် တိုက်ရွာသွန်းနေသောမိုးကြောင့် နေပြည်တော် တပ်ကုန်းမြို့နယ်တွင်နဝင်းချောင်းနှင့်တောင်ကျ ချောင်းရေများတက်လာ၍ မြို့ပေါ်ရပ်ကွက်များ၊ ရှောက်ကုန်းရွာ၊လက်ပံကုန်းရွာ၊ မန်ကျည်းပင်ရွာ၊ ချောင်းခွရွာအပါအဝင် ကျေးရွာအများအပြား ရေနစ်မြုပ်နေပြီး ကယ်ဆယ်ရေးများအရေးပေါ်လိုအပ်နေကြောင်း ဒေသခံများက ပြောသည်။ “အုတ်တံတိုင်းတွေလည်း ပြိုတယ်။ ရေက ၅ပေ၊၆ ပေလောက်ရှိတယ်။ပိတ်မိတဲ့သူတွေလည်းရှိတယ်။ရေကတက်နေတုန်းပါ။ မြုပ်တဲ့အိမ်ကမြုပ်နေပါပြီ။ ကယ်ဆယ်ရေးအကူအညီလိုတယ်။”ဟု ရှောက်ကုန်းရွာဒေသခံတစ်ဦးက ပြောသည်။ ပြည်သူအများအပြားလည်း ပိတ်မိနေ၍ ကယ် ဆယ်ရေးများ အရေးပေါ်လိုအပ်နေကြောင်း ဒေသခံများက ပြောသည်။ “တပ်ကုန်း…

ပြင်ဦးလွင်မြို့သိမ်း တိုက်ပွဲ စတင်တော့မည်ဖြစ်၍ စစ်ကောင်စီတပ်အသိုင်းအဝိုင်းများ ညှိနှိုင်းပူးပေါင်းပါဝင်ရန် မြို့ခံပကဖသတိပေး ဧရာဝတီတိုင်းမ် စက်တင်ဘာ ၁၁ ရက် မန္တလေးတိုင်း ပြင်ဦးလွင်မြို့ကို စစ်ကောင်စီက အသည်းအသန်ခုခံ၍ လက်နက်ကြီးပစ်ကူပေးနေသော်လည်း မကြာခင်မြို့သိမ်းတိုက်ပွဲ စတော့မည်ဟု မြို့ခံပကဖကအဖွဲ့က အသိပေးထားသည်။ မကြာမီ မြို့သိမ်းစတော့မည်ဖြစ်၍ စစ်ကောင်စီ တပ်အသိုင်းအဝိုင်းများ ညှိနှိုင်းပူးပေါင်းပါဝင်ကြရန် ပြင်ဦးလွင်မြို့နယ် ပြည်သူ့ကာကွယ်ရေးအဖွဲ့က ယမန်နေ့ စက်တင်ဘာ ၁၀ ရက်နေ့ ညပိုင်းက ၎င်းတို့၏ လူမှုကွန်ရက်စာမျက်နှာတွင် ကြိုတင်သတိပေးပြောဆိုထားသည်။ “မကြာခင် ပြင်ဦးလွင် မြို့သိမ်းစတော့မှာဖြစ်တဲ့အတွက် စစ်တပ်ဘက်မှ အသိုင်းဝိုင်းများ ညှိနိုင်း ပူးပါင်းပါဝင်ကြပါရန် တိုက်တွန်း နိုးဆော်အပ်ပါတယ်။ ပခပ တာဝန်ခံ” ဟု ပြည်သူ့ကာကွယ်ရေးအဖွဲ့ ပြင်ဦးလွင်မြို့နယ်က ဆိုထားသည်။ လက်ရှိတွင် ပြင်ဦးလွင်နှင့် အနီးစပ်ဆုံးဖြစ်သည့် ရှမ်းမြောက်၊ နောင်ချို၊ တောင်ခမ်းကျေးရွာတွင်…

စစ်ကောင်စီက မောင်တောမြို့ ၊ ၄ မိုင်အခြေစိုက် နယ်ခြားစောင့်တပ် ဖွဲ့ခွဲ နခခ ၂ ကို လေယာဉ်ဖြင့် ဗုံးကျဲမှုကြောင့် စစ်ကောင်စီဘက်တော်သား ၅၀ ကျော်သေဆုံးပြီး အများအပြား ဒဏ်ရာရရှိသည့် မှတ်တမ်းများ AA က ထုတ်ပြန် ရန်ကုန်၊ စက်တင်ဘာ ၁၁ IMG_8685 ရခိုင်ပြည်တွင် AA သိမ်းပိုက်ထားသော မောင်တောမြို့ ၊ ၄ မိုင်အခြေစိုက် နယ်ခြားစောင့်တပ်ဖွဲ့ခွဲ နခခ ၂ ကို စစ်ကောင်စီက တိုက်လေယာဉ်ဖြင့် ဗုံးကျဲမှုကြောင့် စစ်သုံ့ပန်းများအပါအဝင် ဖမ်းဆီးရရှိထားသော စစ်ကောင်စီဘက်တော်သား ၅၀ ကျော်သေဆုံးခဲ့ပြီး အများအပြား ဒဏ်ရာရရှိခဲ့သည့် မှတ်တမ်းများကို AA က ထုတ်ပြန်သည်။ စက်တင်ဘာလ ၉ ရက်နေ့ ည ၉…

အရှေ့မြောက်တိုင်းစစ်ဌာနချုပ်မှ ဒုဗိုလ်မှူးကြီး အောင်သီဟဆွေ၊ ဒုဗိုလ်မှူးကြီး ဝင်းမိုးနိုင်၊ ဗိုလ်မှူး သက်ပိုင်ကျော်ဦး၊ ဗိုလ်မှူးကျော်နိုင်၊ ဗိုလ်မှူးနိုင်လင်း အပါအဝင် ဒုဗိုလ်မှူးကြီးနှင့် ဗိုလ်မှူး အရာရှိ ၅၃ ဦးကို MNDAA က ကောင်းမွန်စွာ ဖမ်းဆီး ထိန်းသိမ်းထား ရန်ကုန်၊ စက်တင်ဘာ ၁၁ ရှမ်းပြည်မြောက်ပိုင်း၊ လားရှိုးမြို့ရှိ အရှေ့မြောက်တိုင်းစစ်ဌာနချုပ်ကို MNDAA က သိမ်းပိုက်စဉ် စစ်ကောင်စီတပ်ဘက်မှ အရာရှိအများအပြားကို စစ်သုံ့ပန်းများအဖြစ် ဖမ်းဆီးရရှိထားသည်။ ဇူလိုင်လ ၂၅ ရက်နေ့တွင် လားရှိုးမြို့ရှိ အရှေ့မြောက်တိုင်းစစ်ဌာနချုပ်ကို MNDAA အပါအဝင် မြောက်ပိုင်းညီနောင်မဟာမိတ် ၃ ဖွဲ့က စတင်တိုက်ခိုက်ခဲ့ပြီး ဩဂုတ်လ ၃ ရက်နေ့ လားရှိုးမြို့ရှိ အရှေ့မြောက်တိုင်းစစ်ဌာနချုပ်ကို အပြီးသတ် တိုက်ခိုက်သိမ်းပိုက်နိုင်ခဲ့ကြောင်း၊ ထိုသို့ တိုက်ခိုက်သိမ်းပိုက်စဉ် အရှေ့မြောက်တိုင်းစစ်ဌာနချုပ် တိုင်းမှူး…

ထိုင်းနိုင်ငံတွင် ဖမ်းဆီးခံရပြီးနောက် စစ်ကောင်စီထံသို့ ပြန်လွှဲပြောင်း ခံရသည့် လူငယ် ၂၇ ဦးကို စစ်တပ်က အတင်းအဓမ္မ စစ်မှုထမ်းခိုင်းရန် ခေါ်ဆောင်စဉ် ထွက်ပြေးလွတ်မြောက်လာ၊ လူငယ်များက အစောင့် စစ်သား ၂ ဦးကို သတ်၍ MA လက်နက် ၂ လက်ကိုပါ ယူလာ ရန်ကုန်၊ စက်တင်ဘာ ၁၁ ထိုင်းနိုင်ငံတွင် ဖမ်းဆီးခံရပြီးနောက် စစ်ကောင်စီထံသို့ ပြန်လွှဲခံရသည့် လူငယ် ၂၇ ဦးကို စစ်တပ်က အတင်းအဓမ္မ စစ်မှုထမ်းခိုင်းရန် ခေါ်ဆောင်စဉ် ထွက်ပြေးလွတ်မြောက်လာပြီး လူငယ် ၂၇ ဦးက အစောင့် စစ်သား ၂ ဦးကို သတ်၍ MA လက်နက် ၂ လက်ကိုပါ တစ်ပါတည်းယူဆောင်လာကြောင်း ကရင်ဘာသာဖြင့် ထုတ်ပြန်သော Kwekalu…

ရန်ကုန်မှာ စားဆီစာအုပ် မရသေးတဲ့ ရပ်ကွက်တွေရှိနေ၊ ဆီကတ်လည်း မရလို့ ပြင်ပမှဈေးကြီးပေး ဝယ်သုံးနေရလို့ဆို CJ Platform ရန်ကုန်တိုင်းအတွင်းရှိ မြို့နယ်တချို့က ရပ်ကွက်တွေမှာ စစ်ကောင်စီရဲ့ သမဝါယမစနစ်သစ် စားဆီဝယ်ယူခွင့် စာအုပ်မရသေးတဲ့နေရာတွေရှိနေတယ်လို့ ကြုံတွေ့နေရသူတွေဆီကနေ သိရပါတယ်။ ဒါ့အပြင် အဲဒီလူတွေတွေဟာ အရင် ဆီကတ်လည်း မရလို့ ပြင်ပကနေ ဈေးကြီးပေး ဝယ်ယူစားသုံးနေရတယ်လို့ ဆိုကြပါတယ်။ “ဒီမှာ ဟိုတစ်နေ့က စာအုပ်နဲ့စရောင်းတာမှန်တယ်။ ဒါပေမဲ့ ရတဲ့ရပ်ကွက်ပဲရတာ။ ကျွန်မတို့ ရပ်ကွက်ကလူကြီးတွေက စာရင်းတွေတော့တောင်းသွားတယ်။ အခုထိ ဘာမှလည်း ရမလာသေးတာ။ ဆီကတ်လည်းမဝေဘူး။ ရောင်းပေးနေတဲ့ဆိုင်သွားဝယ်တော့လည်း စာအုပ်နဲ့မှ ရောင်းပေးတာတဲ့။ အပြင်က ပြန်ရောင်းတဲ့သူ‌တွေဆီကပဲ လိုက်ရှာဝယ်နေရတယ်” လို့ လမ်းမတော်မြို့နယ်မှာ နေထိုင်သူတစ်ဦးက ပြောပါတယ်။ ဒါ့အပြင် စာအုပ်မရသေးတဲ့မြို့နယ်တွေမှာ ရပ်ကွက်လမ်းလူကြီးတွေကို ဆီကတ်ဝေခိုင်းထားတယ်လို့ကြားသိရပေမဲ့ ၎င်းတို့ကလည်း…