Author: admin

MNDAA ဦး​ဆောင်​သောပူး​ပေါင်းတပ် ရမခ ကိုသိမ်းပိုက် -​​နေ့သစ် /People’s Spring မြန်မာအမျိုးသားဒီမိုကရက်တစ် မဟာမိတ်တပ်မတော်(MNDAA) ဦး​ဆောင်​သော ပူး​ပေါင်းတပ်များက လားရှိုးမြို့ရှိ စစ်​ကောင်စီတပ်၏ အရှေ့မြောက်တိုင်း စစ်ဌာနချုပ်(ရမခ) ကိုအ ပြီးသတ်သိမ်းပိုက်နိုင်ပြီဖြစ်​ကြောင်း ​စစ်​ရေးရင်းမြစ်များက​ပြောသည်။ MNDAA ဦး​ဆောင်​​သောပူး​ပေါင်းတပ်များက လားရှိုး မြို့ကို ဇူလိုင် ၃ ရက်မှစတင်ထိုးစစ်ဆင်ခဲ့ခြင်းဖြစ်ပြီး စစ်စခန်းများကိုဆက်တိုက်သိမ်းပိုက်ခဲ့ခြင်းဖြစ်သည်။ ရမခ မဟိုကင်း နှင့် ရမခ ကို အပြီးသတ် သိမ်းပိုက်နိုင်ရန် ပူး​ပေါင်းတပ်များကယခုရက်ပိုင်းအပြင်းအထန်ထိုးစစ်ဆင်တိုက်ခိုက်ပြီး ယမန်​နေ့ (သြဂုတ်) ၂ ရက်တွင် စစ်​ဆေးရုံမှ စစ်သားများလက်နက်ချ ခဲ့ပြီး သြဂုတ် ၃ ရက်မနက်အ​စောပိုင်းတွင် ရမခ ကိုအပြီးသတ်သိမ်းပိုက်နိုင်ခဲ့​ကြောင်း စစ်​ရေးရင်းမြစ်များက​ပြောသည်။ ” ထွက်ပေါက်ပေးထားတဲ့ဘက်ကနေ ဆုတ်သွားတာပါ။ ရမက ကျသွားပါပြီ။ တပ်ချုပ်ငိုပွဲဆင်ပါပြီ” ဟုစစ်​ရေးရင်းမြစ်တစ်ဦးက​ပြောသည်။ အခြားစစ်​ရေးသတင်းရင်းမြစ်တစ်ဦးကလည်း…

ရန်ကုန်ရှိ စီးပွားရေးကုမ္ပဏီများနှင့် လုပ်ငန်းများကို ရှေ့တန်းရောက် စစ်သားများအတွက် ထောက်ပို့ငွေလှူဒါန်းရန် အတင်းအကျပ် ဖိအားပေး၊ ကုမ္ပဏီတစ်ခုလျှင် ငွေသား ၃ သိန်း မဖြစ်မနေ ထည့်ဝင်ရ ရန်ကုန်၊ ဩဂုတ် ၃ ရန်ကုန်တိုင်းရှိ စီးပွားရေးကုမ္ပဏီများနှင့် လုပ်ငန်းများကို ရှေ့တန်းရောက် စစ်သားများကို ထောက်ပံ့ရေး ငွေလှူဒါန်းထောက်ပံ့ရန် အတင်းအကျပ် ဖိအားပေးနေကြောင်း သိရှိရသည်။ လက်ရှိ ရှမ်းမြောက်ဒေသ အပါအဝင် တစ်နိုင်ငံလုံးရှိ ရှေ့တန်းရောက် စစ်သားများကို စိတ်ခွန်အားပေးရန်အတွက် ဝန်ကြီးဌာနများ၊ တိုင်းဒေသကြီးစစ်ကောင်စီအဖွဲ့များက လစဉ် စားစရာ၊ ဆေးဝါးနှင့် ရိက္ခာ၊ လူသုံးကုန်များ ပေးပို့ရန် အကြမ်းဖက်စစ်ကောင်စီက ညွှန်ကြားကြောင်း၊ ထို့ကြောင့် ရှေ့တန်းစစ်သားများကို ထောက်ပို့ရေး လစဉ်ဆောင်ရွက်အတွက် စီးပွားရေးကုမ္ပဏီများ၊ လုပ်ငန်းများကို ကုမ္ပဏီတစ်ခုလျှင် ငွေကျပ် ၃ သိန်း အလှူငွေ…

ရန်ကုန်နှင့်မန္တလေးရှိ စက်သုံးဆီဆိုင်များတွင် ညအိပ် တန်းစီ စောင့်ဆိုင်းရသည်အထိ စက်သုံးဆီ ရရှိမှု အခြေအနေ ဆိုးဝါးလာနေ ရန်ကုန်၊ ဩဂုတ် ၃ ရန်ကုန်နှင့် မန္တလေး အပါအဝင် မြို့ကြီးများတွင် စက်သုံးဆီ ပြတ်လပ်မှု အခြေအနေ ဆိုးဝါးလာသဖြင့် ဆိုင်ကယ်၊ မော်တော်ယာဉ်များ ညအိပ်တန်းစီရသည်အထိ စက်သုံးဆီ ဝယ်ယူရရှိမှု အခြေအနေ ဆိုးဝါးနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဇူလိုင်လ ၂၇ ရက်နေ့မှစတင်ပြီး စက်သုံးဆီများ ရှားပါးမှု အခြေအနေများ ကြုံတွေ့လာရကာ ယခုနောက်ဆုံး စက်သုံးဆီများ ဝယ်ယူမရသည်အထိ ပြတ်လပ်မှုများ ကြုံလာရကြောင်း၊ ရန်ကုန်၊ မန္တလေးနှင့် နေပြည်တော်တို့တွင် စက်သုံးဆီ ရှားပါးမှုနှင့် ပြတ်လပ်မှု ဆိုးဝါးလာသဖြင့် ဆီဆိုင်ရှေ့များတွင် ညအိပ်စောင့်ဆိုင်း ဝယ်ယူရန် ကြိုးပမ်းကြသည်အထိ ဖြစ်လာကြောင်း သိရှိရသည်။…

သပိတ်ကျင်း ချောင်းကြီးစခန်းအား PDFများက ဘူဒိုဇာသုံးပြီး စခန်းသိမ်းပိုက် ▪️”တိုက်ချင်လာတိုက်”ဟု PDFနှင့် ဆက်သွယ်ဖုန်းပြောဆိုသည့်စခန်းမှူး အရင်ဆုံးထွက်ပြေး ဇေအောင်/People’s Spring သပိတ်ကျင်းမြို့နယ်၊ မိုးကုတ် – မန္တလေးလမ်းပိုင်းရှိ ချောင်းကြီးရဲစခန်းအား ဘူဒိုဇာပါသုံး၍ တိုက်ခိုက်သိမ်းပိုက်ခဲ့ရကြောင်း ပြင်ဦးလွင်ခရိုင် ပကဖ၏ တာဝန်ရှိသူက ပြောသည်။ ပြီးခဲ့သည့် ဇွန်လ ၂၆ရက်ကတည်းက စတင်တိုက်ခိုက်ခဲ့သည့် ချောင်းကြီးရဲစခန်းအား စစ်ကောင်စီက လေကြောင်းတိုက်ခိုက်မှုများကြောင့် တော်လှန်ရေးပူးပေါင်းအဖွဲ့များက ဆုတ်ချည်ခွာချည် တိုက်ခိုက်ခဲ့ရာ တစ်လကျော် အကြာတွင် သိမ်းပိုက်ရရှိခဲ့ခြင်းဖြစ်သည်။ “ချောင်းကြီးကို (၁)ရက်ကနေ့က အပြီးသိမ်းနိုင်လိုက်ပါပြီ။ လက်နက်ခဲယမ်းသိမ်းဆည်းရမိတာတွေတော့ ရှိပါတယ်။”ဟု ပြင်ဦးလွင်ခရိုင် ပကဖ၏ တာဝန်ရှိသူက ပြောသည်။ စစ်ကောင်စီ၏ ကျခံစစ်တောင်ကုန်း သုံးကုန်းကို တပြိုင်နက် ထိုးစစ်ဆင် တိုက်ရသောကြောင့် ပေးဆပ်မှုများလည်းရှိကြောင်း ပြင်ဦးလွင်ခရိုင် ပကဖ၏ တာဝန်ရှိသူက ပြောသည်။…

စစ်အာဏာသိမ်းမှုကြောင့် တိုင်းပြည်မငြိမ်မသက်ဖြစ်ချိန် ပြည်ပကြွေးမြီ ပေးဆပ်ရမည့် ကျပ်သိန်းပေါင်းလေးသောင်းကျော်တန်ဖိုးရှိ အမေရိကန်ဒေါ်လာများကို MFTB ဘဏ်မှ ဦးဆောင် ညွှန်ကြားရေး မှူး ဒေါ်ကေသီနှင့်အပေါင်းအပါကုမ္ပဏီတို့က ခိုးယူ ■ မင်းအောင်လှိုင်က အလွဲသုံးစားခံရသည့် ဒေါ်လာငွေများပြန်ရရေး ပတ်သက်သူမှန်သမျှကို ဖမ်းဆီးခိုင်းနေပြီး ပိုင်ဆိုင်မှုများ သိမ်းနေ ရန်ကုန်၊ ဩဂုတ် ၃ မြန်မာနိုင်ငံတွင် စစ်တပ်က အာဏာသိမ်းမှုကြောင့် တိုင်းပြည်မငြိမ်မသက်ဖြစ်နေချိန် ပြည်ပကြွေးမြီအဖြစ် ပေးဆပ်ရမည့် ကျပ်သိန်းပေါင်းလေးသောင်းကျော်တန်ဖိုးရှိ အမေရိကန်ဒေါ်လာများကို MFTB ဘဏ်မှ ဦးဆောင်ညွှန်ကြားရေးမှူး ဒေါ်ကေသီနှင့်အပေါင်းအပါ ကုမ္ပဏီတို့က ခိုးယူအလွဲသုံးစားလုပ်ခဲ့ကြောင်း သိရှိရသည်။ အကြမ်းဖက်စစ်ကောင်စီ၏ လက်အောက်ခံဘဏ်ဖြစ်သော မြန်မာ့နိုင်ငံခြားကုန်သွယ်မှုဘဏ် (MFTB) မှ ငွေကျပ် သိန်းပေါင်း လေးသောင်းကျော် အလွဲသုံးစားမှုဖြင့် အဆိုပါဘဏ်၏ ဦးဆောင် ညွှန်ကြားရေးမှူး ဒေါ်ကေသီကို ဇူလိုင်လ ၁၂ ရက်နေ့တွင်…

တရုတ်နိုင်ငံပိုင် သတ္တုတူးဖော်ရေးကုမ္ပဏီက အမေရိကန်ဒေါ်လာ ၈၅၅ သန်း ရင်းနှီးမြှုပ်နှံထားသည့် စစ်ကိုင်းတိုင်း၊ ထီးချိုင့်မြို့နယ်ထဲမှ တကောင်းနီကယ်စက်ရုံကို အမျိုးသားညီညွတ်ရေးအစိုးရ NUG ၏ လက်နက်ကိုင်တပ်ဖြစ်သည့် PDF များက စစ်ကောင်စီလက်ထဲမှ ပြီးခဲ့သည့် ဇူလိုင်လကုန်ပိုင်းက သိမ်းပိုက်ခဲ့သည်။ စစ်ကိုင်းတိုင်း၊ ထီးချိုင့်မြို့နယ်ထဲမှ တရုတ်ရင်းနှီးမြှုပ်နှံမှုဖြစ်သည့် တကောင်းနီကယ်စက်ရုံကို အမျိုးသားညီညွတ်ရေးအစိုးရ NUG ၏ လက်နက်ကိုင်တပ်ဖြစ်သည့် PDF များက စစ်ကောင်စီလက်ထဲမှ ပြီးခဲ့သည့် ဇူလိုင်လကုန်ပိုင်းက သိမ်းပိုက်လိုက်ပြီးနောက် စက်ရုံအနာဂတ်အတွက် NUG နှင့် တရုတ်တို့အကြား ဆွေးနွေးမှုများ လုပ်နေကြောင်း NUG သမ္မတရုံးပြောရေးဆိုခွင့်ရှိသူက ပြောသည်။ တရုတ်နိုင်ငံပိုင် သတ္တုတူးဖော်ရေးကုမ္ပဏီ China Nonferrous Metal Mining and Construction ၏ အမေရိကန်ဒေါ်လာ ၈၅၅ သန်း ရင်းနှီးမြှုပ်နှံထားသည့်…

မိုးမိတ်မြို့နယ်ကို တိုက်ခိုက်သိမ်းပိုက်ပြီးနောက် ဝင်ရောက်လာသော တော်လှန် ရေးတပ်များကို ပြည်သူများက မြို့လုံးကျွတ် သောင်းသောင်းဖျဖျ ကြိုဆို ရန်ကုန်၊ ဩဂုတ် ၁ ရှမ်းပြည်နယ်မြောက်ပိုင်း၊ မိုးမိတ်မြို့နယ်ကို တော်လှန်ရေးတပ်များက တိုက် ခိုက်သိမ်းပိုက်ပြီးနောက် ဝင်ရောက်လာသော တော်လှန်ရေးတပ်များကို ပြည်သူများက သောင်းသောင်းဖျဖျ ကြိုဆိုကြကြောင်း သိရှိရသည်။ မိုးမိတ်မြို့နယ်ရှိ တပ်စခန်းများကို တအာင်းတပ်မတော် PSLF/TNLA ဦးဆောင်သော မဟာမိတ်တပ်များက ၁၀၂၇ စစ်ဆင်ရေး အပိုင်း ၂ အတွင်း ဇွန်လ ၂၇ ရက်နေ့မှ စတင် တိုက်ခိုက်ခဲ့ပြီး၊ သီတင်းပတ် ၄ ပတ်အကြာ ဇူလိုင်လ ၃၁ ရက်နေ့ မွန်းလွဲ ၁ နာရီခန့်တွင် အကြမ်းဖက် စစ်ကောင်စီ တပ်စခန်း အားလုံးကို ရှင်းလင်း သိမ်းပိုက်ခဲ့ကြောင်း သိရှိရသည်။…

လားရှိုးလေယာဉ်ကွင်းကို MNDAA တပ်များက သိမ်းပိုက်ပြီးနောက် အရှေ့ မြောက်တိုင်းစစ်ဌာနချုပ် ဧည့်ရိပ်သာထဲထိ မဟာမိတ်တပ်များ ထိုးဖောက်ဝင်ရောက် ရန်ကုန်၊ ဩဂုတ် ၁ ရှမ်းပြည်နယ်မြောက်ပိုင်း၊ လားရှိုးမြို့၊ အရှေ့မြောက်တိုင်းစစ်ဌာနချုပ် ဧရိယာအတွင်းရှိ လားရှိုးလေယာဉ်ကွင်းကို MNDAA တပ်များက ဇူလိုင်လ ၃၀ ရက်နေ့တွင် သိမ်းပိုက်လိုက်ပြီး ယမန်နေ့ညပိုင်းတွင် အရှေ့မြောက်တိုင်းစစ်ဌာနချုပ်ဧည့်ရိပ်သာအထိ ဝင်ရောက်လာပြီဖြစ်ကြောင်း တော်လှန်ရေးသတင်းရင်းမြစ်နှင့် နေပြည်တော် စစ်ဘက်သတင်းရင်းမြစ်များထံမှ သိရှိရသည်။ လားရှိုးလေဆိပ်နှင့် လေယာဉ်ကွင်းကို ဇူလိုင်လ ၃၀ ရက်နေ့နှင့် ဇူလိုင်လ ၃၁ ရက်နေ့တို့တွင် ဆက်တိုက်သိမ်းပိုက်ပြီး လေယာဉ် ကွင်းအကျော် အားကစားကွင်းကိုလည်း ထပ်မံသိမ်းပိုက်ခဲ့ကြောင်း၊ ယင်းနောက် ယမန်နေ့ဇူလိုင်လ ၃၁ ရက်နေ့ ညနေပိုင်းတွင် အရှေ့မြောက်တိုင်းစစ်ဌာနချုပ် တိုင်းဧည့်ရိပ်သာအတွင်း ပိုင်းအထိ မြောက်ပိုင်းမဟာမိတ်တပ်များ ဝင်ရောက် လာခြင်းဖြစ် ကြောင်း…

လုံခြုံရေးအရ ရွေးကောက်ပွဲကို အပိုင်း လိုက်ခွဲခြား ပြုလုပ်မည်ဖြစ်ပြီး မြောက်ပိုင်းမဟာမိတ်တပ်များ သိမ်းပိုက်ထားသော လားရှိုး၊ နောင်ချို၊ ကျောက်မဲ၊ သီပေါနှင့် မိုးကုတ်တွင် စစ်တပ်က လုံခြုံရေး အရှိန်အဟုန်မြှင့်မည်ဟု မင်းအောင်လှိုင် ပြော ရန်ကုန်၊ ဩဂုတ် ၁ အကြမ်းဖက် စစ်ခေါင်းဆောင် မင်းအောင်လှိုင်က လုံခြုံရေးအခြေအနေအရ ရွေးကောက်ပွဲကို အပိုင်းလိုက်ခွဲခြား ပြုလုပ်သွားမည်ဖြစ်ကြောင်း ယမန်နေ့ နေပြည်တော်တွင် ကျင်းပခဲ့သည့် အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးတွင် ပြောဆိုသည်။ ၂၀၀၈ ဖွဲ့စည်းပုံ အခြေခံဥပဒေနှင့်အညီ ရွေးကောက်ပွဲကျင်းပပြုလုပ်မည်ဖြစ်ကြောင်း၊လုံခြုံရေးအခြေအနေပေါ် မူတည်ပြီး ရွေးကောက်ပွဲ ပြုလုပ်နိုင်သည့် နယ်မြေများကို ဦးစွာ ကျင်းပပြုလုပ်မည်ဖြစ်ကြောင်း၊ လတ်တလော လုံခြုံရေးအခြေအနေအရ ရွေးကောက်ပွဲ ကျင်းပနိုင်ခြင်းမရှိသေးသော နယ် မြေများကိုလည်း လုံခြုံရေးတိုးမြှင့်ကောင်းမွန်အောင် ဆောင်ရွက်ပြီး ရွေးကောက်ပွဲ ကဆက်လက်ကျင်းပနိုင်ရေး ဆောင်ရွက်မည်ဖြစ်ကြောင်း အကြမ်းဖက်…