Author: admin

တရုတ်အနေနဲ့ မြန်မာ့အရေးမှာ ပိုမိုဝင်ရောက်စွက်ဖက်လာပြီလို့ ဒေါက်တာဇော်ဝေစိုး သတိပေး ဩဂုတ် ၂၁၊ ၂၀၂၄ တရုတ်နိုင်ငံအနေနဲ့ မြန်မာ့အရေးမှာ သာမန်ထက်ပိုမိုပြီး ဝင်ရောက်စွက်ဖက်မှုတွေရှိနေလို့ ရပ်တန့်ဖို့ လိုအပ်ပြီဖြစ်ကြောင်း အမျိုးသားညီညွတ်ရေးအစိုးရ ပညာရေးနဲ့ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာဇော်ဝေစိုးကပြောကြားလိုက်ပါတယ်။ တရုတ်အနေနဲ့ အခုလိုအချိန်မှာ စစ်ကောင်စီကို လုံး၀အသိအမှတ်မပြုသင့်ဘဲ ပြည်သူ့ဆန္ဒကို လေးစားလိုက်နာဖို့ ဒေါက်တာဇော်ဝေစိုးက ပြည်သူမှပြည်သူ့ အစီအစဉ် မေးမြန်းခန်းမှာ ထည့်သွင်းပြောကြားသွားတာပါ။ ပြည်သူကို သတ်ဖြတ်နေတဲ့ တရားမဝင်တဲ့ အာဏာသိမ်း စစ်ကောင်စီကို တရုတ်အနေနဲ့ ဆက်ဆံမှုတွေ ရပ်တန့်သင့်ပြီး ပြည်သူဆန္ဒကို နားလည်သဘောပေါက်ဖို့ လိုအပ်ပြီဖြစ်ကြောင်း ၎င်းကပြောပါတယ်။ တရုတ်နိုင်ငံခြားရေး ဝန်ကြီး ဝမ်ယိ အနေနဲ့ပြီးခဲ့တဲ့ ရက်ပိုင်းက အာဏာသိမ်းစစ်ခေါင်းဆောင် မင်းအောင်လှိုင်ကို နေပြည်တော်မှာ လာရောက်တွေ့ဆုံမှုဟာ စစ်ကောင်စီအတွက် နိုင်ငံတကာက အသိအမှတ်ပြုတယ်ဆိုတဲ့ ဓာတ်ပုံတစ်ပုံရိုက်ခွင့် အခွင့်အရေးသာ…

ဒီပဲယင်းမြို့သိမ်းတိုက်ပွဲတွင် စစ်ကောင်စီတပ်ဘက်မှ ၁၈ ဦးသေဆုံးပြီး လက်နက် ၂၂ လက်၊ ခဲယမ်းမျိုးစုံ နှင့်ငွေကျပ် သိန်း ၃၄၀ ကျော် သိမ်းဆည်းရရှိ၊ တော်လှန်ရေးရဲဘော် ၄ ဦးကျဆုံး ရန်ကုန်၊ ဩဂုတ် ၂၁ စစ်ကိုင်းတိုင်း၊ ဒီပဲယင်းမြို့သိမ်းတိုက်ပွဲတွင် စစ်ကောင်စီတပ်ဘက်မှ ၁၈ ဦးသေဆုံးပြီး တော်လှန်ရေးရဲဘော် ၄ ဦးကျဆုံးခဲ့ကာ လက် နက် ၂၂ လက်၊ ခဲယမ်းမျိုးစုံ နှင့်ငွေကျပ် သိန်း ၃၄၀ ကျော် သိမ်းဆည်းရရှိခဲ့ကြောင်း အမှတ် ၁ စစ်ဒေသက တရားဝင် သတင်းထုတ်ပြန်သည်။ ဩဂုတ်လ ၁၈ ရက်နေ့ နံနက် ၄ နာရီအချိန် စစ်ကိုင်းတိုင်း၊ ရွှေဘိုခရိုင်၊ ဒီပဲယင်းမြို့ကို တော်လှန်ရေးပူးပေါင်းတပ်များက တိုက်ခိုက် သိမ်းပိုက်ရရှိခဲ့ကြောင်း၊ ဩဂုတ်လ…

နိုင်ငံတကာက နွေဦးတော်လှန်ရေးအပေါ် စိတ်ပူစိုးရိမ် သလိုလိုဖြင့် တိုင်းပြည် ထိန်းနိုင်ပါ့ မလားဟု ယုံကြည်မှု အားနည်းနေမှုများကို NUG ဝန်ကြီးချုပ် ပယ်ချ ရန်ကုန်၊ ဩဂုတ် ၂၁ နိုင်ငံတကာက မြန်မာ့အရေး စိတ်ပူစိုးရိမ်သလိုလိုဖြင့် တော်လှန်ရေးအင်အားစုများက တိုင်းပြည် ထိန်းနိုင်ပါ့ မလားဟု ယုံကြည်မှု အားနည်းနေမှုများကို အမျိုးသားညီညွတ်ရေအးစိုးရ-NUG ပြည်ထောင်စု ဝန်ကြီးချုပ်မန်းဝင်းခိုင်သန်းက ပယ်ချလိုက်သည်။ ယမန်နေ့ ပြုလုပ်သော အမျိုးသားညီညွတ်ရေးအစိုးရ၏ အစိုးရအဖွဲ့အစည်းအဝေး အမှတ်စဉ် ၂၃/၂၀၂၄ တွင် ၎င်းက အထက်ပါအတိုင်း ပြောဆို ပယ်ချလိုက်ခြင်းဖြစ်သည်။ လက်ရှိ နိုင်ငံတကာအသိုက်အ၀ိုင်းက မြန်မာ့အရေးနှင့် နွေဦးတော်လှန်ရေးအပေါ် စိုးရိမ်သလိုလို၊ စိတ်ပူသလိုလိုဖြင့် ယုံကြည်မှု အားနည်းပြီး တိုင်းပြည်ကို ထိန်းနိုင်ပါ့မလားဟု မေးမြန်းလာကြကြောင်း၊ နိုင်ငံတကာအသိုင်းအ၀ိုင်းကို ပြောလိုသည်မှာ ယနေ့ အခြေအနေများသည် ပြည်သူကို…

တံတားဦးမြို့နယ်၊ မြိုင်သာ လေကြောင်းရန်ကာကွယ်ရေးတပ်ကို တော်လှန်ရေးတပ်များက ဝင်ရောက်စီးနင်းပြီး PDF အလံလွှင့်တင် ရန်ကုန်၊ ဩဂုတ် ၂၁ . မန္တလေးတိုင်း၊ ကျောက်ဆည်ခရိုင် ၊ တံတားဦးမြို့နယ်၊ မြိုင်သာ လေကြောင်းရန်ကာကွယ်ရေးတပ်ကို တော်လှန်ရေးတပ်များက ဝင်ရောက်စီးနင်းပြီး PDF အလံလွှင့်တင်ခဲ့ကြောင်း တံတားဦးမြို့နယ် ပြည်သူ့ကာကွယ်ရေးအဖွဲ့(ပကဖ)မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဩဂုတ်လ ၂၀ ရက်နေ့ မွန်းလွဲ ၂ နာရီအချိန် မန္တလေးတိုင်း၊ ကျောက်ဆည် ခရိုင်၊ တံတားဦးမြို့နယ်တွင် ပြည်သူ့ကာကွယ်ရေးအဖွဲ့နှင့် ပူးပေါင်းတော်လှန်ရေးအင်အားစုများက မြိုင်သာ လေကြောင်းရန်ကာကွယ်ရေး တပ်စခန်းကို စီးနင်းသိမ်းပိုက်နိုင်ခဲ့ကြောင်း၊ တံတားဦးမြို့နယ်၊ သက္ကယ်ကျင်းကျေးရွာ၊ မြိုင်သာကျေးရွာနှင့် အောင်ချမ်းသာကျေးရွာများ အကြားရှိ မြိုင်သာ လေကြောင်းရန်ကာကွယ်ရေး တပ်စခန်းကို တံတားဦးမြို့နယ်ပကဖနှင့် ပူးပေါင်းတော်လှန်ရေးအင်အားစုများ က ချဉ်းကပ်နေရာယူပြီး စခန်းတွင်းအခြေအနေကို…

တံတားဦးမှာ ပေါ်တာဆွဲနေတာ ဟုတ်မှန်ကြောင်း စစ်အုပ်စု ဝန်ခံ၊ စစ်မှုမထမ်းဘဲ နေခွင့်ရဖို့ လစဉ်ကြေး ပေးထားသူတွေပါ ပေါ်တာဆွဲခံရဟု ပေါက်ကိုယ်တော် ခေါ် သင်္ကန်းဝတ် ပျူခေါင်းဆောင် အရိယာဝံသ ပြော၊ တေဇ/MFP ၊ ဩဂုတ် – ၂၀ မန္တလေးတိုင်း၊ တံတားဦးမြို့မှာ ဩဂုတ်လ(၁၆)ရက်နေ့က လူငယ်လူရွယ်တွေကို ပေါ်တာဆွဲပြီး စစ်သားသစ် စုဆောင်းခံတာ ဟုတ်မှတ်တယ်လို့ စစ်အုပ်စုက ဝန်ခံကြောင်း ပေါက်ကိုယ်တော် ခေါ် သင်္ကန်းဝတ် ပျူခေါင်းဆောင် အရိယာဝံသ က ထုတ်ဖော်ပြောဆိုပါတယ်။ တံတားဦးမှာ ပေါ်တာဆွဲ ခံလိုက်ရသူတွေထဲ စစ်မှုမထမ်းဖို့ စစ်အုပ်စုကို လစဉ်ကြေး ကျပ်လေးသောင်းခွြပေးထားတဲ့ လူငယ်တွေလည်း ပါဝင်တယ်လို့ ပေါက်ကိုယ်တော်က ဆိုပါတယ်။ စစ်အုပ်စုဟာ ဩဂုတ်လ(၁၅)ရက်က စတင်ပြီး တံတားဦး၊ စဉ့်ကိုင်နဲ့ ကျောက်ဆည်မြို့နယ်မှာ…

တော်လှန်ရေးတပ်ဖွဲ့များ ထိန်းချုပ်လိုက်သည့် တရုတ်စီမံကိန်းကြီးများ …….. ရှမ်းပြည်နယ်မြောက်ပိုင်း တရုတ်နယ်စပ်မြို့တွေကနေ နိုင်ငံအလယ်ပိုင်း မန္တလေးတိုင်းထဲအထိ စစ်ကောင်စီတပ်ရဲ့ ထိန်းချုပ်နယ်မြေတွေ ဆုတ်ယုတ်လာပြီး၊ အဲ့ဒီဒေသတွေက တရုတ်ရင်းနှီးမြှုပ်နှံမှုစီမံကိန်း အများအပြားဟာလည်း တော်လှန်ရေးအင်အားစုတွေရဲ့ ထိန်းချုပ်မှုအောက်က ရောက်ရှိလာပါတယ်။ မြန်မာ-တရုတ် နယ်စပ်မျဉ်းကနေ မန္တလေးမြို့အနီးထိ လက်လွှတ်လိုက်ရတဲ့ စစ်ရှုံးစစ်ကောင်စီဟာ မြန်မာရဲ့ အကြီးဆုံးကုန်သွယ်ဖက်နဲ့ ရင်းနှီးမြှုပ်နှံသူ စီးပွားဖက်ဖြစ်တဲ့ တရုတ်နိုင်ငံရဲ့ အကျိုးစီးပွားတွေကို အပြည့်အဝကာကွယ်နိုင်စွမ်း ကင်းမဲ့သွားပြီလို့ စစ်ရေးနဲ့ စီးပွားရေးလေ့လာသူတွေက ပြောပါတယ်။ အမေရိကန်ဒေါ်လာ သန်း ၈၅၀ ကျော် ရင်းနှီးမြှုပ်နှံထားတဲ့ စစ်ကိုင်းတိုင်း ထီးချိုင့်မြို့နယ်ထဲက တရုတ်နိုင်ငံပိုင်စီမံကိန်းတစ်ခုဖြစ်တဲ့ တကောင်းနီကယ်စက်ရုံကို အမျိုးသားညီညွတ်ရေးအစိုးရ NUGရဲ့ ပြည်သူကာကွယ်ရေးတပ်တွေက ဇူလိုင်လကုန်မှာ သိမ်းပိုက်ထားပါတယ်။ စစ်ကောင်စီတပ်စွဲခဲ့တဲ့ မန္တလေးတိုင်း၊ ပုသိမ်ကြီးမြို့နယ်ထဲက တရုတ်ရင်းနှီးမြှုပ်နှံမှုတစ်ခုဖြစ်တဲ့ အယ်လ်ဖာဘိလပ်မြေစက်ရုံဧရိယာထဲမှာလည်း အခုဆိုရင် တော်လှန်ရေးတပ်ဖွဲ့တွေက တပ်စွဲထားနိုင်ပါပြီ။…

သာယာဝတီခရိုင်တွင် စစ်တပ်က ၅ ရက်တာအတွင်း ပြည်သူ ၁၄၅ ဦးကို ပေါ်တာဆွဲဖမ်းဆီး၊ ငွေကျပ်သိန်း ၅၀ ဖြင့် လိုက်ရွေးသူများကို ပြန်လွှတ်ပေး ရန်ကုန်၊ ဩဂုတ် ၂၀ ပဲခူးတိုင်း၊ သာယာဝတီခရိုင်တွင် အကြမ်းဖက် စစ်တပ်က ၅ ရက်တာအတွင်း ပြည်သူ ၁၄၅ ဦးကို ပေါ်တာဆွဲဖမ်းဆီးပြီး ငွေကျပ်သိန်း ၅၀ ဖြင့် လိုက်ရွေးသူများကို ပြန်လွှတ်ပေးခဲ့ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။ ဩဂုတ်လ ၁၅ ရက်နေ့မှ စတင်ကာ အကြမ်းဖက် စစ်တပ်က သာယာဝတီခရိုင်အတွင်းရှိ လက်ပံတန်းမြို့နယ်မှ ပြည်သူ ၃၀ ကျော်၊ မင်းလှမြို့နယ်မှ ပြည်သူ ၅၀ ကျော်၊ အုတ်ဖိုမြို့နယ်မှ ပြည်သူ ၃၀ကျော်၊ ကြို့ပင်ကောက်မြို့နယ်မှ ပြည်သူ…

ဒုချုပ်စိုးဝင်း၏ နိုင်ငံတော်အဆင့် အောင်ဇေယျစစ်ကြောင်းကြီး ဖွဲ့စည်းပုံပျက်ကာ တပ်ဆုတ်ခဲ့ပြီးနောက် ‌ဆင်ဖြူရှင်စစ်ကြောင်းကို ထပ်မံဖွဲ့စည်းပြန် ဧရာဝတီတိုင်းမ် ဩဂုတ် ၂၀ ရက် ရှမ်းမြောက်တစ်ခုလုံးနီးပါး ဆုံးရှုံးလိုက်ရသည့် စစ်ကောင်စီက ပြန်လည်ထိုးစစ်ဆင်ရန် ဆင်ဖြူရှင် စစ်ဆင်ရေးဟုဆိုကာ ဒုကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်း ဦးဆောင်သည့် စစ်ဆင် ရေးတစ်ခု ဖော်ဆောင်နေကြောင်း သိရသည်။ ပြီးခဲ့သည့် ဩဂုတ် ၁၃ ရက်နေ့က ဆင်ဖြူရှင်စစ်ဆင်ရေးကို ဖွဲ့စည်းခဲ့ပြီး အဆိုပါစစ်ဆင်ရေးကို ဒုစစ်ခေါင်းဆောင် ဒုဗိုလ်ချုပ်မှူးကြီးစိုးဝင်းကိုယ်တိုင် ဦးဆောင်မည်ဖြစ်ကြောင်း တပ်တွင်းသတင်းရင်း မြစ်ထံက သိရသည်။ ဒုချုပ်စိုးဝင်းကိုယ်တိုင် ဦးဆောင်၍ ကာကွယ်ရေးဦးစီးချုပ်ရုံး(ကြည်း)ခန်းမတွင် စစ်ဆင်ရေးအထူး တပ်ဖွဲ့မှူး (ကစထမှူး)များ၊ တိုင်းမှူးများ၊ ကာကွယ်ရေးဦးစီးချုပ်(လေ)မှ ဗိုလ်ချုပ်များ၊ ဒရုန်းနည်းပညာ တပ်ဖွဲ့မှ ဗိုလ်ချုပ်နှင့် ဗိုလ်မှူးချုပ်များ ပါဝင်သည့် အစည်း အဝေးတွင် ဆင်ဖြူရှင်စစ်ဆင်ရေး ဖွဲ့စည်းခဲ့သည်ဟု…

တောင်ငူမြို့နယ်၊ အုတ်တွင်း၊ ကျွဲပွဲ၊ တောင်ငူ၊ ထန်းတပင်ကျေးရွာများမှ လူငယ်များကို စစ်ကောင်စီက အိမ်ပေါ်အထိတက်၍ ပေါ်တာဆွဲ ဖမ်းဆီးပြီး တပ်သား သစ် စုဆောင်း ရန်ကုန်၊ ဩဂုတ် ၂၀ ပဲခူးတိုင်း၊ တောင်ငူမြို့နယ်၊ အုတ်တွင်း၊ ကျွဲပွဲ၊ တောင်ငူ၊ ထန်းတပင်ကျေးရွာများမှ လူငယ်များကို စစ်ကောင်စီက အိမ်ပေါ်အထိတက်၍ ပေါ်တာဆွဲ ဖမ်းဆီးပြီး တပ်သားသစ်စုဆောင်းနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ စက်တင်ဘာလတွင် ဖွင့်လှစ်မည့် စစ်မှုထမ်းသင်တန်းအတွက် တပ်သားသစ်များ စုဆောင်းမရသဖြင့် စစ်တပ်နှင့်ကျေးရွာအုပ်ချုပ်ရေးအဖွဲ့များက ကျေးရွာများတွင် ပေါ်တာဆွဲ ဖမ်းဆီးမှုများကို နေ့ရော ညပါ လုပ်ဆောင်လာကြောင်း၊ ယခင်က လမ်းဆုံနှင့် ရွာအဝင်အထွက်များတွင်သာ လူငယ်များကို ဖမ်းဆီးခဲ့ကြသော်လည်း ယခုအခါ ကျေးရွာများအတွင်းသို့ ဝင်ရောက်ကာ နေအိမ်များအပေါ်ထိ တက်ရောက်၍ လူငယ်များကို ဖမ်းဆီးနေကြောင်း…

မန္တလေးမှာ စျေးဝယ်ဟန်ပြုပြီး အိမ်ထဲဝင် လူသတ်၊ ပစ္စည်းလု၊ ကျူးလွန်သူတွေထဲ အမျိုးသမီးတွေ ပါဝင်ဟုဆို၊ ဒေါ်လာ/MFP ၊ ဩဂုတ် – ၂၀ မန္တလေးမြို့၊ အောင်မြေသာစံမြို့နယ်၊ (၁၈)လမ်းနဲ့ (၁၉)လမ်းကြား၊ (၈၆)လမ်း၊ ရွှေတချောင်းမြောင်းပေါ်၊ ညောင်ပင်စျေး အနီးက တံဆိပ်ခေါင်းရောင်းတဲ့ နေအိမ်ကို ဩဂုတ်(၁၉)ရက် ညနေပိုင်း လူတစ်စုက စျေးဝယ်ဟန်ပြုကာ နေအိမ်ထဲ ဝင်ရောက်ပြီး အိမ်ရှင်အမျိုးသမီးကြီးကို သတ်ကာ ကိုယ်မှာ ဝတ်ဆင်ထားတဲ့ ရွှေထည်ပစ္စည်းတွေ လုယက်သွားတယ်လို့ ဒေသခံတွေက ပြောပါတယ်။ “ညနေ(၅)နာရီလောက် ဖြစ်သွားတာ။ အသတ်ခံရတဲ့ အဖွားက အသက်(၆၀)ဝန်းကျင်လောက် ရှိမယ်” လို့ ဒေသခံတစ်ဦးက MFP ကို ပြောပါတယ်။ မန္တလေးမြို့၊ အောင်မြေသာစံမြို့နယ်၊ (၁၈)လမ်းနဲ့ (၁၉)လမ်းကြား၊ (၈၆-F)လမ်းရှိ ဒေါ်ခင်မာကြည်ရဲ့ နေအိမ်ကို…