Author: admin

ရွှေဘိုမြို့အနီးသို့ ယနေ့ နံနက်ပိုင်း ဗဟိုပြု လှုပ်ခတ်သည့် ၄ ဒသမ ၈ အဆင့်ရှိ ငလျင်ကို ပျော်ဘွယ်၊ ရေဦး၊ ခင်ဦးနှင့် မိုးကုတ်မြို့များတွင်ပါ သိသာစွာ ခံစားရ ရန်ကုန်၊ မေ ၅ စစ်ကိုင်းတိုင်း၊ ရွှေဘိုမြို့အနီးသို့ ယနေ့ နံနက်ပိုင်း ဗဟိုပြု လှုပ်ခတ်ခဲ့သည့် ပြင်းအား ၄ ဒသမ ၈ အဆင့်ရှိ ငလျင်ကြောင့် ပျော်ဘွယ်၊ ရေဦး၊ ခင်ဦးနှင့် မိုးကုတ်မြို့တွင်ပါ သိသာစွာ ခံစားရကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။ ယနေ့ မေလ ၅ ရက်နေ့ မြန်မာစံတော်ချိန် နံနက် ၆ နာရီ ၀၃ မိနစ်အချိန်ခန့် စစ်ကိုင်းတိုင်း၊ရွှေဘိုမြို့အနောက် မြောက်ဘက် ၃၃ ကီလိုမီတာခန့်အကွာ မြေအောက်အနက်…

စစ်ကိုင်းငလျင်နောက်ပိုင်းစစ်ကောင်စီရဲ့တိုက်ခိုက် မှုပေါင်း၂၄၀ ကျော်ရှိခဲ့ပြီးလူ ၂၀၀ ကျော်သေဆုံးခဲ့ရ ■တိုက်ခိုက်မှု ၂၄၃ ခုထဲမှာ ၁၇၁ ကြိမ်ဟာ လေ ကြောင်းတိုက်ခိုက်မှုတွေဖြစ် ​မေ-၄၊၂၀၂၅။People’s Spring မြန်မာနိုင်ငံမှာ ဖျက်အားပြင်း ငလျင်ကြီး လှုပ်ခတ်ခဲ့ပြီးတဲ့နောက်ပိုင်း အာဏာသိမ်း စစ်ကောင်စီဟာ တိုက်ခိုက်မှု ၂၄၃ ကြိမ်ထက်မနည်း လုပ်ဆောင်ခဲ့ပြီး လူ ၂၀၀ ကျော် သေဆုံးစေခဲ့ကြောင်း ကုလ သမဂ္ဂ အစီရင်ခံစာ တစ်စောင်က ဖော်ပြထားပါတယ်။ မတ်လ ၂၈ ရက်နေ့တုန်းက စစ်ကိုင်းတိုင်းကို ဗဟိုပြုလှုပ်ခတ်ခဲ့ပြီးလူပေါင်း ၄၀၀၀ ဝန်းကျင်သေဆုံး စေခဲ့တဲ့ ငလျင်ကြီး နောက်ပိုင်းမှာ စစ်ကောင်စီဟာ ငလျင်ဘေးသင့် ကယ်ဆယ်ရေး လုပ်ငန်းတွေ ဆောင်ရွက်ဖို့ဆိုတဲ့ အကြောင်းပြချက်နဲ့ ဧပြီ တစ်လလုံး နီးပါးကိုအပစ်အခတ်ရပ်စဲထားမယ်လို့ ကြေညာခဲ့ပါတယ်။ လက်တွေ့မှာတော့အရပ်သားဧရိယာအများအပြားကိုပစ်မှတ်ထားခဲ့တာ အပါအဝင်…

ကရင်ပြည်နယ်၊ ဘားအံမြို့ရှိ တပ်ရင်းတပ်ဖွဲ့များ၊ ရဲစခန်းများ၊ ရုံးဌာနများတွင် ဘန်ကာများ၊ ကတုတ်ကျင်းများဖြင့် မြို့ပတ်ပတ်လည်တွင် ခုခံစစ်များ ပြင်ဆင် ရန်ကုန်၊ မေ ၅ ကရင်ပြည်နယ်၊ ဘားအံမြို့ရှိ တပ်ရင်းတပ်ဖွဲ့များ၊ ရဲစခန်းများ၊ ရုံးဌာနများတွင် ဘန်ကာများ၊ ကတုတ်ကျင်းများဖြင့် မြို့ပတ်ပတ်လည်တွင် မြို့အတွက် ခုခံစစ်များ ပြင်ဆင်ပြီး တပ်များ ဖြန့်ကျက်ထားကြောင်း ဘားအံဒေသ သတင်းရင်းမြစ်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။ KNLA တပ်မဟာအများစုတွင် KNLA ၊ PDF ပူးပေါင်းတပ်များက စစ်ကောင်စီတပ်စခန်းများ၊ ကာကင်းများကို တိုက်ခိုက်မှုများ ဆက်တိုက် လုပ်ဆောင်လာပြီးနောက် ကရင်ပြည်နယ်၊ ဘားအံမြို့တွင်ပါ စစ်ကောင်စီတပ်က ခုခံစစ် ပြင်ဆင်လာခြင်းဖြစ်ကြောင်း၊ ဘားအံမြို့ တိုက်ခိုက်ခံရမည့် အရေးမှ ကြိုတင်ကာကွယ်ရေးစီမံချက်များကိုလည်း စစ်ကောင်စီတပ်က ရေးဆွဲထားပြီး တပ်ဖြန့်မှုများနှင့် ခုခံစစ်အတွက် အကြီးအကျယ်…

ယူကရိန်းသမ္မတ၏ လုံခြုံရေးတာဝန်မယူ ဆိုသော စကားကြောင့် နေပြည်တော်တွင် စိုးရိမ်မှုများဖြင့် လှုပ်လှုပ်ခတ်ခတ်ဖြစ်သော် လည်း မင်းအောင်လှိုင် ရုရှားသွားရောက်ရန် ဆုံးဖြတ်ထားဆဲ ရန်ကုန်၊ မေ ၅ ရုရှားနိုင်ငံ၊ မော်စကိုမြို့တွင် ပြုလုပ်မည့် ဒုတိယကမ္ဘာစစ်ပြီးဆုံးသည့် ရင်ပြင်နီအောင်ပွဲ အခမ်းအနားသို့ တက်ရောက် မည့် နိုင်ငံ တကာခေါင်းဆောင်တချို့၏ လုံခြုံရေးကို တာဝန်မယူဟု ယူကရိန်းသမ္မတဇန်လစကီး ၏ ထုတ် ဖော်ပြောဆိုမှုကြောင့် နေပြည် တော်တွင် လှုပ်လှုပ်ခတ်ခတ်ဖြစ်သွားသော်လည်း မင်းအောင်လှိုင် ရုရှားသွား ရောက်ရန် ဆုံးဖြတ်ထားဆဲကြောင်း နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ရုရှားနိုင်ငံ၊ မော်စကိုမြို့တွင် နှစ် ၈၀ ပြည့် ရင်ပြင်နီ အောင်ပွဲနေ့ အတွက် မေလ ၈ ရက်နေ့မှ မေလ ၁၀ ရက်နေ့ အထိ…

တရုတ်နှင့် စစ်ကောင်စီတို့ ဖိအားပေး၍ လူထုထိခိုက်မှုအလွန်ပြင်းထန်ဟု TNLA ပြော မေ ၄၊၂၀၂၅။ရဲခေါင်၊ဟန်နွေ/People’s Spring တရုတ်အစိုးရနှင့် အာဏာသိမ်းစစ်ကောင်စီတို့ပေးသည့် ဖိအားကြောင့် လူထုထိခိုက်မှု အလွန်ပြင်းထန်ခဲ့ရကြောင်း တအာင်းတပ်မတော်(TNLA)က ယနေ့ (မေလ ၄ရက်)တွင် ပြုလုပ်သည့် သတင်းစာရှင်းလင်းပွဲတွင် အဖွဲ့ပြောရေးဆိုခွင့်ရှိသူ တွဲဖက်အထွေထွေအတွင်းရေးမှူး ဗိုလ်မှူးကြီး တားပန်လက ပြောသည်။ TNLAနှင့် ဖိအားမျိုးစုံကြုံလာရနိုင်သည့် အခြေအနေမေးမြန်းချက်အပေါ် ဗိုလ်မှူးကြီး တားပန်လက ဖိအား တောက်လျှောက်ရှိနေပြီး လူထုထိခိုက်မှု အလွန်ပြင်းထန်ခဲ့ဟု တရုတ်နှင့် စစ်ကောင်စီတို့၏ ဖိအားပေးမှု အခြေအနေများကို ရှင်းပြသည်။ စစ်ကောင်စီက ၂၀၂၄ ဇန်နဝါရီကတည်းက ဖြတ်လေးဖြတ် ပြုလုပ်သကဲ့သို့ တရုတ်နိုင်ငံကလည်း ၂၀၂၄ ဇွန်လမှစ၍ ပိတ်ဆို့ဖြတ်တောက်မှုများ ပြုလုပ်ခဲ့သည်ဟု ပြောသည်။ “နှစ်ဖက်စလုံး စကစဘက်ကလည်း ပိတ်တယ်။ တရုတ်နိုင်ငံ အစိုးရဘက်ကကလည်း…

ငလျင်ကြောင့် လူနေထိုင်ရန် မသင့်တော်ဘဲ အက်ကွဲနေသည့် အိမ်ရာများတွင် စစ်ကောင်စီက ပြန်လည်နေထိုင်ခိုင်းနေ၍ ဝန်ထမ်းများ ထိတ်လန့်နေ ဧရာဝတီတိုင်းမ် မေ ၃ ရက် စစ်ကောင်စီရုံးစိုက်ရာ နေပြည်တော်ကောင်စီနယ်မြေတွင် ဝန်ထမ်းအိမ်ရာ ‌၄၀၀၀ ကျော်ရှိသည့်အနက် အင်အားပြင်းငလျင်ကြောင့် ထက်ဝက်ခန့်ပျက်စီးသွားပြီး ကျန်အဆောက်အဦများမှာလည်း လူနေ ထိုင်ရန် အန္တရာယ်ရှိသည့် အခြေအနေရှိနေကြောင်း သိရသည်။ အဆိုပါအဆောက်အဦများတွင် အရပ်ဘက်ဝန်ထမ်းများကို ပြန်လည်နေထိုင်ခိုင်းနေပြီး ဆိုးဆိုးရွားရွား ပျက်စီးသွားသည့် အဆောက်အဦများတွင် မူလ‌နေထိုင်ခဲ့သည့်သူများကိုလည်း သင့်လျော်သည့် နေရာထိုင်ခင်းများ စီစဉ်ပေးထားမှုမရှိကြောင်း သိရသည်။ “စစ်ရုံးချုပ်ထဲမှာလည်း အပျက်အစီးအတော်များတယ်။ ‌လိုင်းခန်းအဆောက်အဦတွေ မြေကြီးထဲ ရောက်ကုန်တယ်။ အကုန်နီးပါး အဝတ်တစ်ထည် ကိုယ်တစ်ခုပဲ ကျန်ခဲ့တာ။ ဝန်ထမ်းအိမ်ရာတွေ အတော်များများက အောက်ခြေတွေစောင်းပြီးတော့ မြေကြီးထဲနစ်ဝင်ကုန်တာ။ မိုးရွာတော့မြေနူးပြီး ပြိုကျမယ့်အန္တရာယ်ကို စိုးရိမ်နေရတယ်”ဟု နေပြည်တော်ရုံးဝန်ထမ်းတစ်ဦးက ဧရာဝတီတိုင်းမ်ကို…

မန္တလေးနဲ့ပြင်ဦးလွင် က ရွာအချို့ မိုးကြီးပြီးတောင်ကျရေကြောင့်ရေကြီးနေ မေ – ၄ ၊၂၀၂၅ ၊ ဆိုင်းမင်း/People’s Spring မန္တလေး တိုင်း ပုသိမ်ကြီးမြို့နယ် နဲ့ ပြင်ဦးလွင်မြို့နယ်ထဲက ရွာအချို့အမှာ မိုးများပြီး တောင်ကျရေစီးဝင်တာကြောင့် ရေကြီးရေလျှံမှုတွေ ဒီနေ့ မေလ ၄ ရက်မနက်ပိုင်းက ဖြစ်ပွားခဲ့တယ်လို့ ဒေသခံတွေဆီကသိရပါတယ်။ ပုသိမ်ကြီးမြို့နယ်ထဲကဆိုရင် အုန်းချောကျေးရွာအုပ်စုရှိ ဆည်တော်လေး၊ ဂိုက်တန်း၊ ဒီးဒုတ် ကျေးရွာတွေ ၊ ပြင်ဦးလွင်မြို့နယ်မှာ မန္တလေး-ပြင်ဦးလွင်လမ်းပိုင်းနေရာ က ဇီပင်ကြီး၊ သုံးတောင်၊ ကျင်ဂနိုင် စတဲ့ ကျေးရွာတွေမှာ တောင်ကျရေများပြီး ရေကြီးမှုဖြစ်ပေါ်နေပါတယ်။ ” ဆည်တော်လေး တလျှောက်က ရွာတွေအကုန်ရေကြီးနေတာ အိမ်တွေထဲရေဝင်တယ်” လို့ အုန်းချောကျေးရွာမှာ နေထိုင်သူတစ်ဦးကပြောပါတယ်။ လွန်ခဲ့တဲ့ ၃ရက်ကတည်းက မိုးဆက်တိုက်ရွာနေပြီး ဒီနေ့…

ဝမ်းတွင်းမြို့နယ်တွင် စစ်တပ်က တစ်ရက်တည်း လူငယ်ရာချီကို ပေါ်တာဆွဲဖမ်းဆီးကာ ငွေဖြင့် ရွေးနိုင်သူများ ပြန်လွှတ်ပြီး မရွေးနိုင်သူများကို စစ်သားစုဆောင်းရေးတပ်သို့ပို့ဆောင် ရန်ကုန်၊ မေ ၄ မန္တလေးတိုင်း၊ ဝမ်းတွင်းမြို့နယ်တွင် အကြမ်းဖက်စစ်တပ်က တစ်ရက်ထဲတွင် လူငယ် ၂၀၀ နီးပါးကို ပေါ်တာဆွဲဖမ်းဆီးသွားကြောင်း ဒေသပြည်သူများက ရန်ကုန်ခေတ်သစ်သတင်းဌာနသို့ ပြောကြားသည်။ ယမန်နေ့ မေလ ၂ ရက်နေ့တွင် မြို့ပေါ်ဈေးလာသည့် လူငယ်များ အပါအဝင် အနီးပတ်ဝန်းကျင်ရှိ ကျေးရွာများမှ လူငယ်များကို ပေါ်တာဆွဲဖမ်းဆီးသွားခြင်း ဖြစ်ပြီး ဖမ်းဆီးခံရသူများကို ထွေအုပ်ရုံးသို့ ခေါ်ဆောင်သွားကြောင်း၊ ဝမ်းတွင်းမြို့တွင် ဖမ်းဆီးခံရသူများကို ငွေကျပ် သိန်း ၅၀ မှ သိန်း ၁၀၀ အထိ တောင်းကာ ပြန်ရွေးခိုင်းနေပြီး မရွေးနိုင်သူများကို တပ်ထဲ ပို့နေကြောင်း ဒေသပြည်သူများထံမှ သိရှိရသည်။…

စစ်အာဏာရှင် အမြစ်ဖြတ်ရေးအတွက် TNLA က NUG အပါအဝင် မဟာမိတ်များနှင့် ဆက်လက်လက်တွဲမည်ဖြစ်ပြီး သိမ်း ပိုက်ထားသော မြို့နယ်များ စစ်ကောင်စီထံသို့ ပြန်ပေးရန် အစီအစဉ် မရှိ ရန်ကုန်၊ မေ ၄ စစ်အာဏာရှင် အမြစ်ဖြတ်ရေးအတွက် TNLA က အမျိုးသားညီညွတ်ရေးအစိုးရ-NUG အပါအဝင် မဟာမိတ်များနှင့် ဆက်လက်လက်တွဲမည်ဖြစ်ပြီး သိမ်းပိုက်ထားသော မြို့နယ်များ ပြန်ပေးရန် မရှိသေးကြောင်း TNLA တွဲဖက်အထွေထွေအတွင်းရေးမှူး- ၂ ဗိုလ်မှူးကြီး တာပန်းလက ယနေ့ သတင်းစာရှင်းလင်းပွဲတွင် ထုတ်ဖော်ပြောဆိုသည်။ TNLA အနေဖြင့် စစ်အာဏာရှင် အမြစ်ဖြတ်ရေးကို ဆက်လက်ကိုင်စွဲထားဆဲဖြစ်ကြောင်း၊ ယခုအချိန်မှ စစ်အာဏာရှင် အမြစ်ဖြတ်ရေး မလုပ်ဆောင်နိုင်လျှင် နောင်မျိုးဆက်များအထိ အပစ်ရပ်လိုက်၊ ဆွေးနွေးလိုက်၊ တိုက်ပွဲ ပြန်ဖြစ်လိုက်ဖြင့် သံသရာ လည်နေမည်ဖြစ်ကြောင်း ဗိုလ်မှူးကြီးတာပန်းလက…

ဗန်းမော်မြို့တွင် တော်လှန်ရေးအောင်လံလွှင့်ထူရန် နောက်ဆုံးအဆင့်သို့ ရောက်ပြီဟုဆို 3 May 2025 By Ra Wai / MPA ကချင်ပြည်နယ်၊ ဗန်းမော်မြို့တွင် တော်လှန်ရေးအောင်လံလွှင့်ထူရန် နောက်ဆုံးအဆင့်သို့ ရောက်ရှိ နေပြီဖြစ်ကြောင်း သိရသည်။ လက်ရှိတွင် ဗန်းမော်မြို့တွင်းရှိ စစ်ကောင်စီတပ်စွဲထားသော နေရာအများစုကို ကေအိုင်အေနှင့်မဟာ မိတ်တို့က သိမ်းပိုက်ထားပြီဖြစ်ပြီး အမှတ် ၂၁ စစ်ဆင်ရေးကွပ်ကဲမှုဌာနချုပ် (စကခ ၂၁) မှာလည်း တော်လှန်ရေးတပ်တို့၏ ထိုးစစ်အောက်တွင် ပြိုဆင်းနေပြီဖြစ်ကြောင်း ဗန်းမော်စစ်ရေးသတင်းရင်း မြစ်ထံမှ သိရသည်။ “အခြေအနေက မနေ့ (မေနှစ်ရက်) ကစပြီး စိတ်ကြိုက်ထိုးစစ်ဆင်နေပြီလို့ သိရတယ်။ စခ ဘက်က လုပ်စရာဆိုလို့ လေကြောင်းပဲရှိတယ်။ ကျန်တာ တောက်လျှောက်ပြိုနေပြီဆိုတော့ ပွဲပြီးဖို့ရာ ရက်ပိုင်းအလိုလို့ ပြောရမလားပဲ” ဟု ၎င်းက…