Author: admin

မြင်းမူမြို့ပေါ်တွင် ငွေကျပ် သိန်းပေါင်း ၂ သောင်း ၆ ထောင်ကျော် တန်ဖိုးရှိ ရွှေထည် ပစ္စည်းများကို ဓားပြတိုက်လာသူ ၄ ဦးကို PDF တပ်ဖွဲ့က အရှင်ဖမ်းဆီး(ရုပ်/သံ) ရန်ကုန်၊ မေ ၃ စစ်ကိုင်းတိုင်း၊ မြင်းမူမြို့ပေါ်တွင် ငွေကျပ် သိန်းပေါင်း ၂ သောင်း ၆ ထောင်ကျော် တန်ဖိုးရှိ ရွှေထည် ပစ္စည်းများကို ဓားပြတိုက်လာသူ ၄ ဦးကို အရှင်ဖမ်းဆီး ရရှိခဲ့ကြောင်း ဗျူဟာအမှတ် ၆၄ တပ်ရင်းရုံးမှ ရုံးအဖွဲ့မှူးက ရန်ကုန်ခေတ်သစ် သတင်းဌာနထံသို့ ပြောဆိုသည်။ မေလ ၁ ရက်နေ့ နံနက် ၁၀ နာရီခန့်တွင် မြင်းမူမြို့ပေါ်ရှိ ရွှေဧကရာဇ် ရွှေဆိုင်ကို အမည်မသိ လက်နက်ကိုင် သေနတ်သမား ၄…

နိုင်ငံတဝန်း တိုက်ပွဲများတွင် လူနှင့်ငွေအင်အား ပါဝင်ပတ်သက်နေပြီး စစ်ရေးအတွက် ဘဏ္ဍာရန်ပုံငွေ ၉၄ ရာခိုင်နှုန်းကို အသုံးပြုထားဟု NUG ပြော နိုင်မင်းလွင်/ဧရာဝတီတိုင်းမ် မေ ၃ ရက် တစ်နိုင်ငံလုံး ဆင်နွှဲနေသည့် တိုက်ပွဲများတွင် လူနှင့်ငွေအင်အား အတိုင်းအတာတစ်ခုထိ ပါဝင်ပတ်သက်နေပြီး စစ်ရေးအတွက် ဘဏ္ဍာရန်ပုံငွေ ၉၄ ရာခိုင်နှုန်း အသုံးပြုထားကြောင်း အမျိုးသားညီညွတ်ရေးအစိုးရ-NUG ထံက သိရသည်။ အဆိုပါရာခိုင်နှုန်းသည် NUG အစိုးရအနေဖြင့် လက်အောက်ခံ ကာကွယ်ရေးဝန်ကြီးဌာန ဖွဲ့စည်းပြီးနောက်ပိုင်း ပြီးခဲ့သော လေးနှစ်တာအတွင်း သုံးစွဲအသုံးပြုခဲ့သည့် အနေအထားဖြစ်ကြောင်း ဝန်ကြီးချုပ်ရုံး ပြောခွင့်ရ ဦးနေဘုန်းလတ်က ပြောသည်။ “လက်ရှိနိုင်ငံတဝန်း ဆင်နွှဲနေကြတဲ့ တိုက်ပွဲတွေ တော်တော်များများမှာ ကျွန်တော်တို့ MOD ရဲ့ လူအင်အား၊ ငွေအင်အား အတိုင်းအတာတစ်ခုထိ တစ်နည်းနည်းနဲ့ ပါဝင်ပတ်သက်နေပါတယ်”…

ညောင်လေးပင်တွင် ပြည်သူတစ်ဦးကို အရှင်လတ်လတ် လည်လှီးသတ်ဖြတ်မှု အပါအဝင် ပြည်သူ ၂၀ ကျော်ကို အစုလိုက် အပြုံလိုက် စစ်တပ်နှင့်အတူ သတ်ဖြတ်ခဲ့ဟု ပျူစောထီးခေါင်းဆောင်လှိုင်မင်း ဝန်ခံ 🟥 ခမရ ၂၀ ၊ တပ်မ ၇၇၊ ခမရ ၅၈၄ နှင့် ခလရ ၅၁ မှ အရာရှိများက ပြည်သူများကို သတ်ဖြတ်ရန် အမိန့်ပေး ရန်ကုန်၊ မေ ၃ ပဲခူးတိုင်း၊ ညောင်လေးပင်မြို့နယ်တွင် စစ်တပ်က ပြည်သူတစ်ဦးကို အရှင်လတ်လတ် လည်လှီးသတ်ဖြတ်မှု အပါ အဝင် ပြည်သူ ၂၀ ဦးကျော်ကို အစုလိုက်အပြုံလိုက် သတ်ဖြတ်ခဲ့ကြောင်း ပျူစောထီးခေါင်းဆောင် လှိုင်မင်းက ဝန်ခံပြောဆိုလိုက်သည်။ ဧပြီလ ၁၅ ရက်နေ့ မွန်ပြည်နယ်၊ ကျိုက်ထိုမြို့နယ်သို့ လာရောက်စဉ်…

ငလျင်ဒဏ်ခံစား​နေရတဲ့ မန္တလေးမြို့ကို စစ်ကောင်စီက စစ်မှုထမ်းဖို့ ဖမ်းဆီးနေ မေ ၃၊၂၀၂၅။မေ/People’s Spring စစ်ကိုင်းငလျင်ကြီးကြောင့် လူဦးရေထောင်နဲ့ချီသေဆုံးထိခိုက်မှုခံစားခဲ့ရတဲ့ မန္တလေးမြို့မှာ စစ်ကောင်စီက စစ်မှုထမ်းရန်ဆိုကာ နေအိမ်တွေအထိ ဝင်ရောက်ဖမ်းဆီးမှုတွေ ပြုလုပ်နေပါတယ်။ ငလျင်လှုပ်ခတ်အပြီးတစ်လကျော်အကြာ ပြိုကျပျက်စီးမှုတွေ ရှင်းလင်းရေးမပြီးသေးခင်မှာဘဲ စစ်ကောင်စီက လူငယ်တွေကို စစ်မှုထမ်းဖို့ အတင်းခေါ်ဆောင်နေတာ ဖြစ်ပါတယ်။ မန္တလေးမြို့၊ ပြည်ကြီးတံခွန်မြို့နယ်မှာ မနေ့(​မေ ၂) ညပိုင်းက စစ်မှုထမ်းစာရင်းမဲ ပေါက်ထားသူတွေရဲ့ နေအိမ်တွေကို ဝင်ရောက်ခေါ်ဆောင်တာတွေလုပ်ခဲ့လို့ လူငယ် ငါးဦးထပ်မနည်း ဖမ်းဆီးခံလိုက်ရတယ်လို့ မြို့ခံတွေက ပြောပါတယ်။ စစ်ကောင်စီအဖွဲ့ဟာ မေလ၂ရက် ည၁၀နာရီကျော်မှာ ပြည်ကြီးတံခွန်မြို့နယ်က သင်ပန်းကုန်းအ ရှေ့(ညည)ရပ်ကွက်၊၄၉ လမ်း၊ ၁၂၀လမ်းအနီးမှာ စစ်ကား ငါးစီးနဲ့ ဧည့်စာရင်းစစ်တယ်ဆိုပြီး ရောက်လာတာလို့ သိရပါတယ်။ အဲဒီနောက် ဧည့်စာရင်းစစ်နေရင်း မဲနံပတ်စာရင်းပေါက်ထားသူတွေကို စစ်မှုထမ်းဖို့ဆိုပြီး…

ရေဦးတွင် ကင်းလှည့်ထွက်လာသည့် စစ်ကောင်စီတပ်ကို ဒရုန်းများဖြင့် ဗုံးကြဲတိုက်ခိုက်… မေ ၃ ၊ ၂၀၂၅ စစ်ကိုင်းတိုင်း၊ ရွှေဘိုခရိုင်၊ ရေဦးမြို့နယ်မှာ ကင်းပတ်ထွက်လာတဲ့ အကြမ်းဖက်စစ်ကောင်စီတပ်ကို ဒရုန်းတွေနဲ့ ဗုံးကြဲတိုက်ခိုက်ခဲ့တယ်လို့ ရွှေဘိုခရိုင် အမှတ် (၁၄) တပ်ရင်း – ပြည်သူ့ကာကွယ်ရေးတပ်မတော် (ရေဦး) က ဒီနေ့ ထုတ်ပြန်ပါတယ်။ ရေဦးမြို့အတွင်း အခြေပြုနေထိုင် တပ်စွဲထားတဲ့ အကြမ်းဖက် စစ်ကောင်စီတပ်က ရေဦး-မုံရွာ လမ်းအထွက်ဘက်ရှိ တော်လှန်ရေးတပ်တွေ စိုးမိုးနယ်မြေဖြစ်တဲ့ ထွန်စက်ရုံးနဲ့ အောက်စီဂျင်ရုံး အနီး ကင်းရှည် ထွက်လာရာမှာ ရေဦး PDF က ဒရုန်းတွေနဲ့ ထိုးစစ်ဆင်တိုက်ခိုက်ခဲ့တယ်လို့ ဆိုပါတယ်။ ဒရုန်းနဲ့ ဗုံးကြဲ တိုက်ခိုက်မှုအတွင်း စစ်ကောင်စီတပ်ကလည်း လက်နက်ကြီး ၂ လုံး ၊ လက်နက်ငယ်တွေနဲ့…

မန္တလေးတွင် ငလျင်ကြောင့် အိမ်ပြိုသွားသူများ မီတာခ မပေးဆောင်လျှင် လျှပ်စစ်မီတာဘောက်များကို သိမ်း ဆည်းမည်ဟု အသိပေး ရန်ကုန်၊ မေ ၃ မန္တလေးတွင် ငလျင်ကြောင့် အိမ်ပြိုသွားသူများအနေဖြင့် လစဉ် ပေးဆောင်ရမည့် မီတာခများကို မပေးဆောင်လျှင် လျှပ်စစ်မီတာဘောက်များကို သိမ်းဆည်းမည်ဟု တရားဝင် အသိပေးလာကြောင်း မန္တလေးမှ မတ်လ ၂၈ ရက်နေ့ လှုပ်ခတ်ခဲ့သော စစ်ကိုင်းငလျင်ကြီးကြောင့် မန္တလေးတွင် နေအိမ် ပျက်စီးသွားသူများအနေဖြင့် မေလ ၁ ရက်နေ့မှ စ၍ ယခင်လများက သုံးစွဲထားသည့် မီတာယူနစ်များအတိုင်း ဧပြီလနှင့် မတ်လ အတွက် ၂ လတာ ကျသင့်ငွေကို တွက်ချက်၍ မီတာခပေးဆောင်ရမည့် နောက်ဆုံးရက်များတွင် ပေးဆောင်ရမည်ဖြစ်ကြောင်း သိရှိရသည်။ “မတ်လနဲ့ ဧပြီလ ၂ လအတွက် မီတာပေးဆောင်ဖို့…

ရခိုင်နဲ့ချင်း တပ်ဖွဲ့တွေကို အမေရိကန်က ကူဖို့ လုပ်နေတယ် ဆိုတာ အမှန်လား – BBC News မြန်မာ တရုတ်က စစ်ကောင်စီကို ပြတ်ပြတ်သားသား ကျောထောက် နောက်ခံမှု ပေးနေပြီး၊ မြောက်ပိုင်း အဖွဲ့တွေ အပေါ် ဖိအား အပြင်းအထန်ပေးလို့ လားရှိုးမြို့ပေါ်ကို စစ်ကောင်စီ အုပ်ချုပ်ရေး အောက် ပြန်လွှဲစေတာမျိုး ပြုလုပ်ပါတယ်။ အုပ်ချုပ်ရေး လွှဲပြောင်းတာ ချောမွေ့ စေဖို့နဲ့ အပစ်ရပ် စောင့်ကြည့်ဖို့ ဆိုပြီး လားရှိုးမှာ ရုံးခန်းဖွင့်တဲ့ အထိ လုပ်ပါတယ်။ တရုတ်ရဲ့ အကျိုးစီးပွားတွေကို ကာကွယ်ဖို့ ဆိုပြီး တရုတ်ပုဂ္ဂလိက လုံခြုံရေး ကုမ္ပဏီတွေကို မြန်မာနိုင်ငံထဲ နေရာချ လှုပ်ရှားခွင့်ပေးထားသလို၊ စစ်ကောင်စီနဲ့ ပူးတွဲပြီးတော့လည်း လုံခြုံရေး အဖွဲ့ ထူထောင်မယ့် အစီအစဥ်ကို…

အောင်ဇေယျစစ်ဆင်ရေးသည် နာမည်သာကျန်ရှိဟုဆို၊ ကျုံဒိုးနှင့်နွားခြံကုန်းကြားတွင် စစ်ကောင်စီတပ်ဖွဲ့များတိုက်ခိုက်ခံရလို့ ၃၀ ဦးသေ Salween Press မေလ ၃ ရက်နေ့၊ ၂၀၂၅။ ကရင်ပြည်နယ် မြဝတီ-ကော့ကရိတ်အာရှလမ်းစစ်ရေးဖော်ဆောင်ပြီး အောင်ဇေယျစစ်ဆင်ရေးဟု အမည်ပေးထားသည့်စစ်ကြောင်းများသည် တော်လှန်ရေးမဟာမိတ်ပူးပေါင်းတပ်ဖွဲ့များ တိုက်ခိုက်မှု ကြောင့်အောင်ဇေယျစစ်ဆင်ရေးသည် နာမည်သာကျန်ရှိနေတယ်လို့ KNLA သတင်းမြစ်ကပြောသည်။ “အောင်ဇေယျစစ်ကြောင်းစစ်ရေးစတင်ဖော်ဆောင်စဉ်ကနေ ကနေ့အထိ ဒီဘက်ကချေမှုန်းလို့ သေဆုံးတဲ့စစ်ကောင်စီတပ်သားတွေတွက်မယ်ဆိုရင် အောင်ဇေယျဆိုတာမရှိ‌ တော့ဘူးလို့ပြောလို့ရတယ်။ အခုဆို မြဝတီအာရှလမ်းလွမ်းမိုးထိန်းချုပ်နိုင်ဖို့ စစ်ကြောင်းထိုးနေတဲ့ စစ်ကောင်စီတပ်ဖွဲ့များဟာ အောင်ဇေယျတပ်ဖွဲ့မ‌ဟုတ်တော့ဘဲ စစ်ကောင်စီတပ်သားသစ်နှင့် တပ်ရင်း၊တပ်မ အဖွဲ့စုံကနေ စုပေါင်းပြီး စစ်ကြောင်းထိုးနေရတယ်” လို့ အထက်ပါသတင်းရင်းမြစ်မှပြောပါတယ်။ ဒါ့အပြင် ဧပြီ ၃၀ ရက်နေ့တွင် နွားခြံကုန်းဘက်သို့စစ်ကြောင်းထိုးနေသည့်စစ်ကောင်စီတပ်ဖွဲ့များသည် KNLA,PDFအပါအဝင်မဟာမိတ်ပူးပေါင်းတပ်များမှဝိုင်းဝန်းတိုက်ခိုက်မှုကြောင့် စစ်ကောင်စီတပ်ဖွဲ့ဝင် ၃၀ ဦး သေဆုံးခဲ့ပြီးလက်နက်ခဲယမ်းလည်းသိမ်းဆည်းရမိတယ်လို့ အဆိုပါသတင်းရင်းမြစ်မှပြောပါသည်။ စစ်ကြောင်းထိုးတိုက်ခိုက်ခံရသည့်စစ်ကောင်စီတပ်ဖွဲ့၀င်များသည် ကျုံဒိုးနှင့်နွားခြံကုန်းကြားတွင် ဝိုင်းဝန်းပိတ်ဆို့တိုက်ခိုက်ခံခဲ့ရတာလို သတင်းအရင်းမြစ်ကပြောပါသည်။…

ကျောက်ကြီးရှိ စစ်စခန်း ၆ ခုကို တိုက်ခိုက်သိမ်းပိုက်မှု စစ်တပ်ဘက်မှ ဒုတပ်ရင်းမှူး အပါအဝင် စစ်သား ၂၀ ကျော်သေဆုံး၊ လက်နက် ၃၀ ကျော်နှင့် ခဲယမ်းများ၊ စစ်သုံးပစ္စည်း ‌‌‌‌‌‌‌‌‌‌‌‌‌‌‌‌‌‌‌‌‌‌‌‌များ သိမ်းဆည်းရရှိ ရန်ကုန်၊ မေ ၃ .. ပဲခူးတိုင်း၊ ကျောက်ကြီးမြို့နယ်ရှိ စစ်တပ်စခန်း ၆ ခုကို တိုက်ခိုက်သိမ်းပိုက်ခဲ့ရာ စစ်တပ်ဘက်မှ ဒုတပ်ရင်းမှူး အပါအဝင် စစ် သား ၂၀ ကျော်သေဆုံး၊ လက်နက် ၃၀ ကျော်နှင့် ခဲယမ်းများ၊ စစ်သုံးပစ္စည်း ‌‌‌‌‌‌‌‌‌‌‌‌‌‌‌‌‌‌‌‌‌‌‌‌များ သိမ်းဆည်းရရှိကြောင်း တောင်ပိုင်းတိုင်းစစ်ဒေသမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဧပြီလ ၂၈ ရက်နေ့၊ ပဲခူးတိုင်း၊ ကျောက်ကြီးမြို့နယ်အတွင်းရှိ ကျွန်းကုန်း၊ ရင်းတိုက်ကုန်း၊ တောင်စု၊ ရန်မျိုးအောင်၊…

ဆွေးနွေးပွဲအဆင်မပြေကြောင်း TNLAထုတ်ပြန်ပြီးနောက် မိုးကုတ်ကို စစ်ကောင်စီ ဗုံးထပ်ကြဲ မေ ၃၊၂၀၂၅။ကဖေး/People’s Spring တအာင်းတပ်မတော်(TNLA)ထိန်းချုပ်ထားသည့် မိုးကုတ်မြို့ကို မေလ ၂ရက် ညနေပိုင်းတွင် စစ်ကောင်စီက ဗုံးနှစ်လုံးကြဲချတိုက်ခိုက်ခဲ့၍ ထိခိုက်ပျက်စီးမှုများ ရှိခဲ့သည်။ မိုးကုတ်မြို့အရှေ့ပိုင်း ဗဟင်းရွာနှင့် အနောက် ပိုင်းနှာအုတ်အင်းကျေးရွာကို မေလ ၂ရက် ည ၁၁နာရီ ၄၇မိနစ်၌ ဗုံးကြဲချခြင်းဟု မြို့ခံတစ်ဦးကပြောသည်။ ” ဗဟင်းရွာက တောထဲဘက်ကျပေမယ့် အုတ်အင်းကကျ ကျပ်ပြင်ဈေးနားတင်ရှိတာ။ အုတ်အင်းဓမ္မာရုံကို ကြဲတာ။ ဓမ္မာရုံပျက်စီးတယ်။ တခြားထိခိုက်မှုက မသိရသေးဘူး။ လေကြောင်းရန်က အနီးကပ်ကြုံခဲ့ရတယ်”ဟု မိုးကုတ်မြို့ခံတစ်ဦးက ပြောသည်။ တရုတ်နိုင်ငံ၏ ကြားဝင်စီစဉ်မှုဖြင့် စစ်ကောင်စီ နှင့် တရုတ်နိုင်ငံ ကူမင်းမြို့၌ နှစ်ရက်ကြာ တွေ့ဆုံဆွေးနွေးခဲ့ကြောင်း တအာင်းတပ်မတော်(TNLA) က မေလ ၂ရက်တွင် သတင်းထုတ်ပြန်သည်။…