Category: News

AA သိမ်းထားတဲ့ ကျောက်ဖြူ အစိုးရစက်မှုလက်မှု သင်တန်းကျောင်းကို ပြန်လည်ထိုးစစ်ဆင်တိုက်ခိုက်တဲ့ စစ်ကောင်စီတပ် အကျအဆုံးတွေနဲ့ဆုတ်ခွာ‌ပြေး (စစ်သုံ့ပန်းတချို့၊ အလောင်းနဲ့ လက်နက်ခဲယမ်းတချို့ AA သိမ်းဆည်းရမိ) မေ ၂၄/၂၀၂၅ အာရက္ခတပ်တော်(AA)သိမ်းပိုက်ထားတဲ့ ကျောက်ဖြူ အစိုးရစက်မှုလက်မှုသင်တန်းကျောင်းကို ပြန်လည် ထိုးစစ်ဆင်တိုက်ခိုက်တဲ့ စစ်ကောင်စီ စစ်ကြောင်း အကျအဆုံးတွေနဲ့ ဆုတ်ခွာထွက်ပြေးသွားခဲ့ပြီး စစ်သုံ့ပန်းတချို့၊ အလောင်းနဲ့ လက်နက်ခဲယမ်းတချို့ AA သိမ်းဆည်းရမိခဲ့တယ်လို့ သတင်းရရှိပါတယ်။ မနေ့က မေလ ၂၃ ရက်၊ ညနေပိုင်းမှာ အမှတ်(၃၂)ရဲတပ်ရင်းက စစ်ကြောင်းနှစ်ကြောင်းနဲ့ချီတက်လာပြီး ထိုးစစ်ဆင်လာတဲ့အတွက် AA နဲ့တိုက်ပွဲပြင်းထန်ခဲ့တယ်လို့ မြေပြင်စစ်ရေးသတင်းရင်းမြစ်တစ်ယောက်က နိရဉ္စရာကို ပြောပါတယ်။ “အမှတ်(၃၂)ရဲတပ်ရင်းကထွက်လာတာ။ နှမ်းဖဲတောင်စေတီကွင်းဖက်ကတစ်ကြောင်း၊ ပြိုင်းစေ့ကေဖက်က တစ်ကြောင်း။ ရာနဲ့ချီပါတယ်။ အဲဒီစစ်ကြောင်းချီတက်လာတာ။ အဓိက စက်မှုလက်မှုသင်တန်းကျောင်းကိုဦးတည်ပြီး ထိုးစစ်ဆင်လို့ အပြန်အလှန်တိုက်ပွဲပြင်းခဲ့တာ။ သင်တန်းကျောင်းကို သူတို့မရောက်လိုက်ဘူး။…

မင်းလှတွင် စစ်တပ် စစ်ကြောင်းကို စောင့်ကြို တိုက်ခိုက်မှု စစ်သား ၁၀ ဦး သေဆုံး၊ တောထဲတွင် ဖြစ်သလို စွန့်ပစ်ခဲ့‌သော စစ်သား အလောင်း ၄ လောင်းကို PDF က သိမ်းဆည်းရရှိ ရန်ကုန်၊ မေ ၂၄ ပဲခူးတိုင်း၊ မင်းလှမြို့နယ် အပိုင် ပဲခူးရိုးမအတွင်း တက်လာသော အကြမ်းဖက် စစ်တပ် စစ်ကြောင်းကို စောင့်ကြို တိုက်ခိုက်ရာ စစ်သား ၁၀ ဦး သေဆုံးပြီး တောထဲတွင် ဖြစ်သလို စွန့်ပစ်ခဲ့သော အလောင်း ၄ လောင်းကို သိမ်းဆည်းရရှိခဲ့ကြောင်း သာယာဝတီခရိုင် PDF မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။ မေလ ၂၂ ရက်နေ့ ည ၁၁…

အမြန်လမ်း တောင်ငူလမ်းပိုင်းအနီး နှစ်ရက်ဆက် တိုက်ပွဲပြင်းထန်နေ မေ ၂၄၊၂၀၂၅။ဇော်ရမ်း/People’s Spring ရန်ကုန် − မန္တလေးအမြန်လမ်း တောင်ငူမြို့နယ်လမ်းပိုင်းအနီးတွင် စစ်ကောင်စီတပ်နှင့် တော်လှန်ရေးပူးပေါင်းတပ်များ နှစ်ရက်ဆက်တိုက်ပွဲပြင်းထန်နေပြီး နေအိမ် ၄၀၀ကျော်ရှိသည့် စပါးကြွယ်ကျေးရွာကို စစ်ကောင်စီတပ်က လေကြောင်းမှတိုက်ခိုက် မီးရှို့ဖျက်ဆီးနေကြောင်း သတင်းရရှိသည်။ အမြန်လမ်း (၁၇၄)မိုင်နှင့် စပါးကြွယ်ကျေးရွာအနီးတွင် မေလ ၂၃ရက်နံနက်ကစ၍ တိုက်ပွဲဖြစ်ပွားခဲ့ပြီး အဆိုပါနေရာဝန်းကျင်ရှိ ကြက်ရိုးပင်ရွာ၊ တောပုရွာ၊ ဇီးပင်သာ ၊ ငုံးမင်းကျေးရွာတို့မှ ဒေသခံများ ထွက်ပြေးတိမ်းရှောင်နေကြရကြောင်း သိရသည်။ ” စပါးကြွယ်ဆိုတာ ရွာကြီး။ အဲ့ရွာကို အခုစစ်တပ်က မီးရှို့လိုက်ပြီ။ ဒေသခံတွေ အကုန်ထွက်ပြေးနေရတယ်။တိုက်ပွဲက ရွာနဲ့ ခပ်လှမ်းလှမ်းမှာဖြစ်တာပါ”ဟု တောင်ငူမြို့ဒေသခံတစ်ဦးက ပြောသည်။ တိုက်ပွဲဖြစ်ပွားနေသည့်နေရာသည် တောင်ငူမြို့အနောက်ဘက် အမြန်လမ်းအနီး ဓာတ်အားခွဲရုံနှင့်လည်းနီးပြီး ယနေ့(မေလ ၂၄ရက်) မွန်းလွဲ၂နာရီခန့်အထိ…

ညောင်ဦးမြို့နယ်မှာ တိုက်ပွဲဖြစ်ပွားနေပြီး စကစနဲ့အတူ ဒရုန်း၊ တင့်ကား‌တွေမှာ ရုရှားနိုင်ငံသားတွေပါ ပါဝင်တိုက်ခိုက်နေ BBM-မေ၂၃ သတင်း-ခက်ဆစ် မန္တလေးတိုင်း၊ ညောင်ဦးမြို့နယ်မှာ စစ်ကောင်စီစစ်ကြောင်းနဲ့ တော်လှန်ရေးတပ်ဖွဲ့တွေ တိုက်ပွဲဖြစ်ပွားနေပြီး စစ်ကောင်စီတပ်နဲ့အတူ ဒရုန်းအဖွဲ့နဲ့ တင့်ကားတွေမှာ ရုရှားနိုင်ငံသားတွေပါ ပါဝင်တိုက်ခိုက်နေတယ်လို့ ဒေသခံတွေနဲ့ စစ်‌ရေးနီးစပ်သူတွေ ပြောဆိုချက်အရ သိရပါတယ်။ မေလ ၂၁ ရက်နေ့ကတည်းက ညောင်ဦးမြို့နယ် အနောက်ခြမ်းနဲ့ ‌ကျောက်ပန်းတောင်း-ညောင်ဦးကားလမ်း အနောက်ဖက်တွေမှာ တိုက်ပွဲတွေဖြစ်ပွားလျက်ရှိကြောင်းနဲ့ ရုရှားနိုင်ငံသားအချို့က ဒရုန်းမောင်းနှင်သူတွေအဖြစ် ပါဝင်နေသလို တင့်ကားတွေပါတဲ့ စစ်ကြောင်းမှာလည်း လိုက်ပါ‌နေကြောင်း သိရပါတယ်။ “ညောင်ဦးမြို့နယ် အနောက်ဘက်ခြမ်းမှာတော့ စစ်ကောင်စီ စစ်ကြောင်းနဲ့ တိုက်ပွဲဖြစ်နေပါတယ်၊ ရုရှားတွေပါတာလည်း ဟုတ်တယ်၊ Drone မောင်းတဲ့ကောင်တွေ ၃ ယောက်၊ ၁ ယောက်က စစ်ကြောင်းထဲပါတယ်၊ ၂ ‌ယောက်က တောင်ဇင်းရဲစခန်းထဲမှာ…

⬛ဘလယ်ဒို စကစ တပ်စခန်းကို တိုက်ခိုက်သိမ်းပိုက်မှု စကစ ဘက်က သေဆုံးသူ နဲ့ ထွက်ပြေးသူ ၄၀ ဦးထက်မနည်းရှိပြီး ၆၀ ကျော်ကို အရှင်ဖမ်းမိ ၂၄ မေ ||| နွေဦးအသံ ||| ကရင်ပြည်နယ်၊ ကော့ကရိတ်မြို့နယ် ဘလယ်ဒို စကစတပ်စခန်းကို တော်လှန်ရေးပူးပေါင်းတပ်တွေက မေ ၂၃ ရက်မှာ တိုက်ခိုက်သိမ်းပိုက်ခဲ့ရာ စကစ ဘက်က သေဆုံးသူ နဲ့ ထွက်ပြေးသူ ၄၀ ဦးထက်မနည်းရှိခဲ့ပြီး ၆၀ ကျော်ကို အရှင် ဖမ်းဆီးရမိထားတယ်လို့ သိရပါတယ်။ စခန်းသိမ်းတိုက်ပွဲအတွင်း ထွက်ပြေးခဲ့တဲ့ စကစ တွေဟာ ထိုင်းနိုင်ငံဘက်ကို ထွက်ပြေးသွားတာဖြစ်တယ်လို့လည်း ဆိုကြပါတယ်။ ဘလယ်ဒိုစစ်စခန်းကို ပြီးခဲ့တဲ့ ၂၀၂၂ ခုနှစ်၊ မတ်လမှာလည်း တော်လှန်ရေးတပ်ဖွဲ့တွေက တိုက်ခိုက်ခဲ့ဖူးတယ်လို့ သိရပြီး…

ထိုင်း-မြန်မာနယ်စပ်၊ အင်အား ၁၀၀ ခန့် တပ်စွဲထားသော ဘလက်ဒိုစစ်တပ်စခန်းကို သိမ်းပိုက်မှု စစ်တပ်ဘက်မှ စစ်သည်အများအပြား ထိုင်းဘက်သို့ ထွက်ပြေးပြီး လက်နက်ချသူများ ရှိကာ သေဆုံးဒဏ်ရာရမှု များပြား ရန်ကုန်၊ မေ ၂၄ ကရင်ပြည်နယ်၊ ကော့ကရိတ်မြို့နယ်၊ ထိုင်း-မြန်မာနယ်စပ်၊ ဘလက်ဒိုကျေးရွာအနီးရှိ စစ်တပ်စခန်းကို KNLA ဦးဆောင်သော တော်လှန်ရေးတပ်များက တိုက်ခိုက်သိမ်းပိုက်ခဲ့ရာတွင် စစ်ကောင်စီတပ်ဘက်မှ အများအပြား ထိုင်းနိုင်ငံဘက်အခြမ်းသို့ ထွက်ပြေးသွားပြီး လက်နက်ချသူလည်း အများအပြားရှိကြောင်း ရှေ့တန်းတော်လှန်ရေး သတင်းရင်းမြစ်များက ပြောဆိုသည်။ မေလ ၂၃ ရက်နေ့ ညနေ ၅ နာရီအချိန် စစ်ကောင်စီတပ်၏ ဘလက်ဒိုတပ်စခန်းကို KNU တပ်မဟာ ၆ ဦးဆောင်သော ကရင်အမျိုးသားလွတ်မြောက်ရေးတပ်မတော် (K.N.L.A) ကရင်အမျိုးသားကာကွယ်ရေးတပ်ဖွဲ့ (K.N.D.O) နှင့် ပြည်သူ့ကာကွယ်ရေးတပ်မတော် (P.D.F)…

မန္တလေးမှာ စစ်အာဏာရှင်ဆန့်ကျင်ရေး လူထုလှုပ်ရှားမှု ပြုလုပ် (ရုပ်/သံ) မေ ၂၄၊ ၂၀၂၅ မန္တလေးမြို့မှာ ပြုလုပ်ခဲ့တဲ့ စစ်အာဏာရှင်ဆန့်ကျင်ရေး လူထုလှုပ်ရှားမှု မှတ်တမ်းရုပ်သံတစ်ခုကို ဒေါက်တာ တေဇာဆန်းက ၎င်းရဲ့ လူမှုကွန်ရက်ကနေ ထုတ်ပြန်ခဲ့ပါတယ်။ ”မန္တလေးမြို့တော်ကြီးနဲ့တကွ တနိုင်ငံလုံး လွတ်မြောက်ဖို့ ကျနော်တို့ ပြည်သူအားလုံးမှာ တာဝန်ရှိကြပါတယ်။ ပြည်သူအားလုံး ကျရာကဏ္ဍ၊ နိုင်ရာ တာဝန် တိုက်ပွဲမျက်နှာစာအသီးသီးကနေ တော်လှန်ရေးမှာ အစွမ်းကုန် ဆက်လက် ပါဝင်ကြဖို့ နှိုးဆော်လိုက်ပါတယ်ဗျို့”လို့ ဒေါက်တာ တေဇာဆန်းက ဆိုပါတယ်။ အဲဒီမှတ်တမ်းရုပ်သံဟာ ငလျင်ကြီး မတိုင်ခင်က လုပ်ဆောင်ခဲ့တာဖြစ်ပြီး တိုက်ပွဲဝင်ရဲဘော်တွေနဲ့ ဝန်းရံပြည်သူတွေရဲ့ လုံခြုံရေး၊ ငလျင်ဘေးကြီးကြောင့် ဒုက္ခကြုံတွေ့နေကြရတဲ့ ပြည်သူတွေကို ထောက်ရှုပြီး ယခုအချိန်မှာ ထုတ်ပြန်ခဲ့တာဖြစ်တယ်လို့ ဒေါက်တာ တေဇာဆန်းက ထုတ်ပြန်ခဲ့ပါ တယ်။ Video-Tayzar…

မင်းကင်းမြို့နယ်ရှိ ကျေးရွာ ၂ ခုအတွင်းသို့ တိုက်ပွဲ မဖြစ်ဘဲ စစ်လေယာဉ်ဖြင့် ဗုံးကျဲမှုကြောင့် အသက် ၅ နှစ်မှ ၁၁ နှစ်အရွယ် အထိ ကလေးငယ်များ အပါအဝင် ပြည်သူ ၁၀ ဦးသေဆုံးခဲ့ပြီး အများအပြား ဒဏ်ရာရ ရန်ကုန်၊ မေ ၂၄ စစ်ကိုင်းတိုင်း၊ မင်းကင်းမြို့နယ်၊ သာစည်ရွာနှင့် မင်းစုရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက် ခိုက်ခြင်းကြောင့် အသက် ၅ နှစ်မှ အသက် ၁၁ နှစ်အရွယ်အထိ ကလေးငယ်များ အပါအဝင် ပြည်သူ ၁၀ ဦး သေ ဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယမန်နေ့ မေလ ၂၃ ရက်နေ့…

❝ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက အသိပေးပန်ကြားချက်ထုတ်ပြန် ❞ မိဘပြည်သူများထံသို့အသိပေးပန်ကြားခြင်း ++++++++++++++++++++++++++++ ၁။ ယနေ့(၂၃.၅.၂၀၂၅)ရက်နေ့ ၊ (၁၁:၄၀) နာရီအချိန်ခန့်တွင် ရန်ကုန်တိုင်းဒေသကြီး အတွင်းရှိ ဓာတ်အားပေးစက်များသို့ ပို့လွှတ်လျက်ရှိ သည့် ရတနာကမ်းလွန် သဘာဝဓာတ်ငွေ့ ပလက်ဖေါင်းအား အရေးပေါ် Shut Down ပြုလုပ်ခဲ့ရသဖြင့် ဓာတ်အားစနစ်အတွင်းသို့ ဓာတ်အားထုတ်လုပ် ပို့လွှတ်ပေးနိုင်မှု (450MW )ခန့် လျှော့နည်းလျက်ရှိပါသည်။ ၂။ ထို့အပြင် ယနေ့ (၁၆:၂၂) နာရီအချိန်ခန့်တွင် မိုးသက်လေပြင်းများ တိုက်ခတ်၍ ၂၃၀ ကေဗွီ မြောင်းတကာ- လှိုင်သာယာ ဓာတ်အား လိုင်းသည် ထန်းတပင်မြို့နယ်၊ တံတားဦး ကျေးရွာအနီး ၊ တာဝါတိုင်အမှတ် ၉၁ နှင့် ၉၂ (၂) တိုင် ပြိုလဲပျက်စီးခဲ့သဖြင့် အရေးပေါ်ထိန်းသိမ်း ပြုပြင်မှုများ…

ပြင်ဦးလွင်မြို့နားက ခြံတွေကို စစ်တပ်က ဘူဒိုဇာနဲ့ထိုးဖျက် မေ ၂၃၊၂၀၂၅/People’s Spring စစ်ကောင်စီရဲ့ နယ်မြေတစ်ခုဖြစ်တဲ့ ပြင်‌‌ဦးလွင်မြို့အနီးက လယ်ယာမြေတွေပေါ်မှာ ခြံခတ်ထားတဲ့ ခြံဝန်းတွေကို စစ်တပ်က ဒီနေ့(မေလ ၂၃ရက်)မှာ ဘူ‌‌ဒိုဇာတွေနဲ့ ထိုးဖျက်ဆီးနေတယ်လို့ အဲဒီမြို့ခံတွေက ပြောပါတယ်။ ပြင်ဦးလွင်မြို့အနီးက ကုန်းဘော၊မဟာအောင်မြေရပ်ကွက်က လယ်ယာမြေတွေကိုအကွက်ရိုက်ပြီး အုတ်တံတိုင်းကာထားတာတွေအားလုံးကို ဘူဒိုဇာနဲ့ထိုး ဖျက်ဆီးနေတာလို့ သိရပါတယ်။ ဒါ့အပြင် လက်ရှိ အရောင်းအဝယ် ကောင်းနေတဲ့ မိုးကြိုး၊အင်းထိပ်ဦး၊ပွဲကောက်၊ကြီးကိုင်၊အနီးစခန်း ရပ်ကွက် တွေကိုလည်း စီမံချက်နဲ့ ရှင်းလင်းသွားမယ်လို့ ပြင်ဦးလွင်မြို့၊စည်ပင်သာယာရေးကော်မတီက သတိပေးထားတယ်လို့ မြို့ခံတွေက ပြောပါတယ်။ “မီးတိုင်တွေကအစ အကုန်ဖျက်နေတာ။အရင်ကအာမခံရောင်းနေတဲ့ပွဲစားတွေလည်း အကုန်ရှောင်ကြပြီ။အခုကတော့ အဆောက်အဦးနဲ့ အုတ်တံတိုင်းတွေကိုထိုးဖျက်နေတုန်းပဲ။ပြန်သိမ်း၊ မသိမ်းမသိသေးဘူး။စီမံကိန်းရှိတယ်လို့လည်း ကြားနေတယ်”လို့ ဒေသခံ အမျိုးသားတစ်ဦးက ပြောပါတယ်။ လယ်ယာမြေကို အခြားနည်းသုံးစွဲခွင့်တင်ထားပြီး ပုံစံ ၇/၁၀၅ ကျထားတဲ့…