Category: News

အသတ်ခံရမည်ကိုကြောက်နေသည့် ရာအိမ်မှူးများ စစ်မှုထမ်းကြေးကောက်ယူမှုကို အမျိုးသမီးများဖြင့် လုပ်ဆောင်ခိုင်းနေ 29 Jun 2025 By Zwe Ko / MPA ပဲခူးတိုင်း အနောက်ခြမ်းရှိ မြို့နယ်များမှ ရာအိမ်မှူးများသည် အသတ်ခံရမည်ကိုကြောက်လန့်သဖြင့် စစ်မှုထမ်းကြေးကောက်ယူမှုကို အမျိုးသမီးများဖြင့် ကောက်ခံခိုင်းနေကြောင်း ဒေသခံများထံမှ စုံစမ်းသိရှိရသည်။ စစ်မှုထမ်းကြေးကောက်ခံနေသည့် အုပ်ချုပ်ရေးမှူးနှင့် ရာအိမ်မှူးများကို တော်လှန်ရေးအဖွဲ့အချို့က ရှင်းလင်းမှုများ မကြာခဏလုပ်ဆောင်နေခြင်းကြောင့် ရာအိမ်မှူးများသည် ရပ်ကွက်အတွင်းရှိ အမျိုးသမီးများအကူအညီတောင်း၍ ငွေကောက်ခံမှုများပြုလုပ်နေခြင်းဖြစ်သည်ဟု အုတ်ဖိုမြို့နယ်မှ အသက် ၅၀ အရွယ် အမျိုးသမီးတစ်ဦးက MPA သို့ပြောသည်။ “တစ်ယောက်ထဲတော့ မဟုတ်ဘူး။ အမျိုးသမီး ခုနှစ်ယောက်တစ်ဖွဲ့ဖွဲ့ပြီးတော့ တစ်အိမ်တက် တစ်အိမ်ဆင်းနဲ့ ပိုက်ဆံလိုက်ကောက်ခိုင်းတာ၊ ရာအိမ်မှူးတွေက မကောက်ရဲတော့ဘူး။ ခါတိုင်းအပတ်စဉ်တွေဆို သူတို့ကိုယ်တိုင် ကောက်တာ၊ အခုလကစပြီး အမျိုးသမီးတွေကိုကောက်ခိုင်းတယ်။ အမျိုးသမီးတွေကို…

အကျဥ်းထောင်အတွင်း မသေသင့်ဘဲ သေဆုံးခဲ့ရသည့် နိုင်ကျဥ်းများအတွက် စစ်ကောင်စီကို လုံးဝ ခွင့်မလွှတ်ဘဲ တရားမျှတမှုရယူသွားမည်ဟု လွှတ်တော်ကိုယ်စားပြုကော်မတီများ ကြေညာ ဇွန် ၂၉၊ ၂၀၂၅ စစ်ကောင်စီရဲ့ အကျဥ်းထောင်တွေထဲမှာ မတရား ဖမ်းဆီးထိန်းသိမ်းခံရကာ နိုင်ငံရေးအကျဥ်းသားတွေ မသေဆုံးသင့်ဘဲ သေဆုံးနေရတဲ့အပေါ် စစ်ကောင်စီနဲ့ လက်ပါးစေတွေကို ခွင့်လွှတ်မှာ မဟုတ်ဘဲ ပြည်တွင်းပြည်ပ အဖွဲ့အစည်းတွေနဲ့ ပူးပေါင်းကာ တရားမျှတမှု ရရှိအောင် လုပ်ဆောင်သွားမယ်လို့ ပြည်နယ်နဲ့ ဖက်ဒရယ်ယူနစ် လွှတ်တော်တွေ၊ လွှတ်တော်ကိုယ်စားပြုကော်မတီတွေက ထုတ်ပြန်လိုက်ပါတယ်။ စစ်ကောင်စီရဲ့ ဖမ်းဆီးခြင်းခံထားရတဲ့ နိုင်ငံရေးအကျဥ်းသားတွေဟာ အကျဥ်းထောင်တွေထဲမှာ အကြမ်းဖက်မှု၊ ညှင်းပန်းနှိပ်စက်မှု၊ လုံလောက်တဲ့ ဆေးဝါးနဲ့ အစာအဟာရ မရရှိမှုတို့ကြောင့် မလိုအပ်ဘဲ အသက်သေဆုံးနေကြရပြီး အဲဒီထဲမှာ အမျိုးသားဒီမိုကရေစီအဖွဲ့ချုပ် NLD လွှတ်တော်ကိုယ်စားလှယ် (၁၄၅)ယောက် အပါအဝင်ဖြစ်တယ်လို့ သိရပါတယ်။ အမျိုးသားဒီမိုကရေစီအဖွဲ့ချုပ်…

မင်းလှတွင် ဒုဗိုလ်မှူးကြီးများ အပါအဝင် စစ်ကောင်စီအရာရှိကြီး ၄ ဦး တိုက်ပွဲတွင်သေဆုံးပြီးနောက် စစ်ကောင်စီက တပ်မ ၆၆ တပ်မမှူး ဗိုလ်မှူးချုပ် ဝင်းသူလင်းကို မင်းလှသို့ စေလွှတ်၍ စစ်ဆင်ရေးလုပ်ခိုင်း၊ နိုင်နိုင်နင်းနင်း မကိုင်တွယ်နိုင်လျှင် ရာထူးမှ အနားပေး ဖြုတ်ပယ်မည်ဟု ခြိမ်းခြောက် ရန်ကုန်၊ ဇွန် ၃၀ ပဲခူးတိုင်း၊ မင်းလှမြို့နယ်တွင် ဒုတိယဗိုလ်မှူးကြီးများ အပါအဝင် စစ်ကောင်စီအရာရှိကြီး ၄ ဦး တိုက်ပွဲတွင်သေ ဆုံးပြီးနောက် စစ်ကောင်စီက တပ်မ ၆၆ တပ်မမှူး ဗိုလ်မှူးချုပ် ဝင်းသူလင်းကို မင်းလှသို့ စေလွှတ်၍ စစ်ဆင်ရေးလုပ်ခိုင်းနေကြောင်း တပ်သတင်းရင်းမြစ်များနှင့် တော်လှန်ရေးသတင်းရင်းမြစ်များက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဇွန်လ ၁၆ ရက်နေ့ ညနေ ၄ နာရီခန့်အချိန် မင်းလှမြို့နယ်၊ အုတ်တွင်းရွာ…

မင်းကွန်းတိုက်နယ်မှာ တိုက်ပွဲအပြင်းအထန်ဖြစ်ပြီး တပ်မ(၃၃)ကစစ်သားအများအပြားသေဆုံး ■တော်လှန်ရေးတပ် ဆုံးရှုံးနယ်မြေတွေပြန်ရ ဇွန်၂၉၊၂၀၂၅၊ ရှိန်း/ People Spring စစ်ကိုင်းမြို့နယ်၊မင်းကွန်းတိုက်နယ်မှာ တိုက်ပွဲအပြင်းအထန်ဖြစ်ပွားပြီး စစ်ကောင်စီရဲ့တပ်မ (၃၃)က စစ်သား အများအပြား​သေဆုံးပြီး တော်လှန်ရေးတပ်တွေ ဆုံးရှုံးထားတဲ့နယ် မြေတွေ ပြန်ရခဲ့တယ်လို့ တော်လှန်ရေး တပ်တွေ ဆီက နေသိရပါတယ်။ ဇွန်လ ၅ ရက် နေ့ကစပြီး အင်အား‌‌ ၃၀၀ လောက်နဲ့ ထိုးလာတဲ့ စစ်ကြောင်းတွေဟာ ကင်းရွာ နဲ့ ချောင်းမကြီးရွာတို့ကိုမီးရှို့ပြီးကျောင်းထိုင်ဆရာတော်အပါအဝင် ပြည်သူ၄ဦးကိုသတ်ဖြတ်ခဲ့ပါတယ်။ အဲဒီနောက်ချောင်းမကြီးရွာထဲကိုအထိုင်ချတပ်စွဲခဲ့တာပါ။ ​ဒေသခံ​တော်လှန်​ရေးတပ်​တွေက ခုခံတိုက်ခိုက်ခဲ့​ပေမယ့် လက်နက်နဲ့ခဲယမ်းမလုံလောက်မှုကြောင့် ကင်းရွာနဲ့ ချောင်းမကြီးရွာတွေက​နေ ဆုတ်ခွာပေးခဲ့ရတာလို့သိရပါတယ်။ ​တော်လှန်​ရေးတပ်​တွေကဇွန်လ၂၇ ရက်နေ့နံနက်ပိုင်းမှာ အင်အားပြန်စုစည်းပြီး ချောင်းမကြီးရွာကို အထိုင်ချထားတဲ့ စစ်ကောင်စီတပ်ကို ဝင်တိုက်ခဲ့တာလို့သိရပါတယ်။ “တိုက်ပွဲကသိပ်မကြာဘူး။စစ်တပ်ဘက်က ၄ ​ယောက်‌အရှင်မိတယ်။သေဆုံးလည်းများတယ်။အဲဒီနောက်စကစကမင်းကွန်းကို ဆုတ်သွားတယ်” လို့…

ရှမ်းပြည်နယ်တောင်ပိုင်းက မိုးဗြဲတိုက်ပွဲမှာ စစ်ကောင်စီနဲ့ တော်လှန်ရေးအင်အားစုကြား ထိတွေ့တိုက်ပွဲ ပြင်းထန်နေပြီး DMO ၁၁၀၆ တပ်ရင်းက ဒုတပ်စိတ်မှူး ကျဆုံးခဲ့ရတယ်လို့ တပ်ရင်းက ဇွန် ၂၈ ရက်မှာ ထုတ်ပြန်ပါတယ်။ အမျိုးသားညီညွတ်ရေးအစိုးရ NUG၊ ကာကွယ်ရေးဝန်ကြီးဌာန လက်အောက်၊ ရှမ်းတောင် (ကယား) ကရင်နီ တိုင်းစစ်ဌာန၊ အမှတ် ၁၁၀၆ တပ်ရင်းမှာ ဒုတပ်စိတ်မှူးအဖြစ် တာဝန်ထမ်းဆောင်နေတဲ့ ရဲဘော် ဂျွန်နယူးမင်းနဲနယ်(ခ) ဖားတီ(ကိုယ်ပိုင်အမှတ် P3-1106 146) ဟာ ဇွန် ၂၇ ရက်နေ့က မိုးဗြဲတိုက်ပွဲမှာ ကျဆုံးခဲ့ရတယ်လို့ သိရပါတယ်။ ရှေ့တန်းရောက်ရဲဘော်တယောက်က “တိုက်ပွဲကပြင်းထန်နေတယ်။ ဒရုန်းတွေနဲ့ ချနေတာ။ လက်နက်ကြီးပစ်၊ မီးလောင်ဗုံးတွေရော ပစ်တာမျိုးပေါ့” လို့ ပြောပါတယ်။ ရဲဘော် ဂျွန်နယူးမင်းနဲနယ်(ခ) ဖားတီက တပ်ရင်းက ပေးအပ်တဲ့တာဝန်ကိုကျေပွန်ပြီး…

ပဲခူးအနောက်ခြမ်းမှ ပညာရေးဝန်ထမ်းများ မဲရုံမှူး သင်တန်းအတွက် နေပြည်တော် သွားရမည်ဟုဆို ဇွန် ၂၉၊ ၂၀၂၅ ပဲခူးတိုင်းအနောက်ခြမ်း မြို့နယ်တွေက ပညာရေးဝန်ထမ်းတွေကို စစ်ကောင်စီက တရားမဝင် ရွေးကောက်ပွဲအတွက် မဲရုံမှူးသင်တန်းပေးဖို့ နေပြည်တော်ကို စတင်ပို့ဆောင်နေပြီ ဖြစ်တယ်လို့ ဒေသခံ ပညာရေးဝန်ထမ်းတွေထံက သိရပါတယ်။ အဆိုပါ မဲရုံမှူးသင်တန်းကို လာမယ့် ၄/၅ ရက်အတွင်း နေပြည်တော်မှာ သွားရောက်သင်ကြားရမှာ ဖြစ်ပြီး စစ်ကောင်စီရဲ့ လုံခြုံရေးယာဉ်တန်းနဲ့ သွားရောက်ရမှာ ဖြစ်တယ်လို့ သိရပါတယ်။ “သာယာဝတီ၊ မင်းလှ၊ အုတ်ဖို့က group တစ်ခုဖြစ်မှာပေါ့။ ကြို့ပင်ကောက်၊ မိုးညို၊ ဇီးကုန်းတို့ဆို group တစ်ခုပေါ့။ အဲ့လို အသုတ်လိုက်သွားရမှာ” လို့ ပဲခူးတိုင်းအနောက်ခြမ်းရှိ အမည်မဖော်လိုတဲ့ ပညာရေးဝန်ထမ်းတစ်ယောက်က မောင်းကို ပြောပါတယ်။ သင်တန်းတက်ရာမှာ ပညာရေးဝန်ထမ်းအားလုံးကို…

မုံရွာမြို့ရှိ အနောက်မြောက်တိုင်း စစ်ဌာနချုပ်ကို ရော့ကတ်ဒုံးများဖြင့် ပစ်ခတ် တိုက်ခိုက်မှု စစ်တပ်ဘက်မှ သေဆုံးမှုများပြားပြီး ဆီဂိုဒေါင်၊ စခန်းရုံးနှင့် ရိက္ခာဂိုဒေါင် တို့လည်း မီးလောင်ပေါက်ကွဲဟုဆို ရန်ကုန်၊ ဇွန် ၂၉ စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်း စစ်ဌာနချုပ်ကို ရှော့တိုက် ရော့ကတ်ဒုံးများဖြင့် ပစ်ခတ် တိုက် ခိုက်ခဲ့ရာ စစ်တပ်ဘက်မှ အရာရှိ ၃ ဦး အပါအဝင် ၂၂ ဦးသေဆုံးပြီး ဆီဂိုဒေါင်၊ စခန်းရုံးနှင့် ရိက္ခာဂိုဒေါင် တို့လည်း မီးလောင်ပေါက်ကွဲခဲ့ကြောင်း Chindwin Rocket Brother -CRB တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇွန်လ ၂၇ ရက်နေ့ ညနေ ၅ နာရီ ၃၀ မိနစ်ခန့်အချိန် မုံရွာမြို့နယ်…

ရန်သူစစ်ကောင်စီဘက်က ငွေကြေးသုံးပြီး တန်ပြန်ထောက်လှန်းနေတာတွေကို သတိပြုဖို့ KNDF ဒုစစ်ဦးချုပ် ပြော ============== ၂၀၂၅ ခုနှစ်၊ ဇွန်လ ၂၉ ရက် Radio NUG ရန်သူစစ်ကောင်စီဘက်က ငွေကြေးအင်အားသုံးပြီး တန်ပြန်ထောက်လှန်းနေတာတွေကို သတိပြုဖို့ ကရင်နီအမျိုးသားများ ကာကွယ်ရေးတပ် KNDF ဒုစစ်ဦးချုပ် မာဝီက သတိပေးပြောကြားလိုက်ပါတယ်။ ရန်သူတွေဟာ မိတ်ဆွေယောင်ဆောင်တတ်တဲ့အလေ့အကျင့်ရှိတာကြောင့် KNDF ဒုစစ်ဦးချုပ်က KNDF ရဲဘော်တွေနဲ့ အခြားသောတော်လှန်ရေးတပ်တွေက ရဲဘော်တွေကို သူရဲ့လူမှုကွန်ယက်စာမျက်နှာကနေ အခုလို သတိပေးလိုက်တာ ဖြစ်ပါတယ်။ တော်လှန်ရေးအောင်မြင်ဖို့ တကယ့်စိတ်ရင်းနဲ့ ကူညီပေးနေသူတွေကြားမှာ ရန်သူဖြစ်တဲ့ စစ်ကောင်စီတပ်ဘက်က ငွေကြေးအင်အားသုံးပြီး ဝတ်စုံဖိုးနဲ့ ထမင်းဖိုးထောက်ပံ့ကာ သတင်းထောက်လှန်နေတာတွေလည်းရှိနေတယ်လို့ ဆိုပါတယ်။ အချို့ကလာလိမ့်မယ် ရှေ့တန်းဘယ်နေရာအတွက် ဟင်းလေးလှူချင်လို့ ထမင်းကျွေးချင်လို့ လူဦးရေ ဘယ်လောက်ရှိလဲ ဆိုပြီး မင်းတို့ငါတို့ကလည်း…

ချင်းတွင်းမြစ်ကြောင်း အတိုင်း ဆန်တက်လာသော စစ်င်္ဘော အုပ်စုကို တိုက်ခိုက်မှု စစ်ကောင်စီ တပ်သားများ ထိခိုက်သေဆုံးမှုရှိ ရန်ကုန်၊ ဇွန် ၂၉ စစ်ကိုင်းတိုင်း၊ ဆားလင်းကြီးမြို့နယ်ရှိ ချင်းတွင်းမြစ်ကြောင်း အတိုင်း ဆန်တက်လာသော စစ်င်္ဘော အုပ်စုကို တိုက်ခိုက်ရာ စစ်ကောင်စီ တပ်သားများ ထိခိုက်သေဆုံးမှုရှိကြောင်း ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့ (Salingyi) ခေါင်းဆောင် ကိုဗိုက်က ရန်ကုန် ခေတ်သစ်သတင်းဌာနထံသို့ ပြောဆိုသည်။ ဇွန်လ ၂၈ ရက်နေ့ မွန်းလွဲ ၂ နာရီခန့်တွင် ဆားလင်းကြီးမြို့နယ်ရှိ ချင်းတွင်းမြစ်ကြောင်း အတိုင်း ဆန်တက်လာသော စစ်င်္ဘော အုပ်စုကို တော်လှန်ရေး တပ်ဖွဲ့များက ၃ နေရာခွဲ၍ ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့(Salingyi) နှင့်အတူ မဟာမိတ်ညီနောင်များက ရှေ့ထွက်မိုင်းများ၊ လက်နက်ငယ်များဖြင့် ပစ်ခတ် တိုက်ခိုက်ခဲ့ကြောင်း…

မင်းအောင်လှိုင် ဘယ်လာရုစ်သို့ သွားရောက်စဉ် မိန်းမ ကြူကြူလှကို မမြင်တွေ့ရဘဲ ရုရှားရောက်ရှိချိန်မှ လင်စုံ မယားဖက် နှစ်ကိုယ်တူ ပွဲထွက်ပြ 🟥 နိုင်ငံတော်ဘတ်ဂျက်ဖြင့် ဝယ်ယူထားသော MAI Airbus A 319 လေယာဉ်ကို မင်းအောင်လှိုင်မိသားစုအတွက် လိုသလို ခေါက်တုံ့ ခေါက်ပြန်ပျံသန်း အသုံးပြုနေဟုဆို ရန်ကုန်၊ ဇွန် ၂၉ အကြမ်းဖက် စစ်ခေါင်းဆောင် မင်းအောင်လှိုင်က ဇွန်လ ၂၅ ရက်နေ့မှစတင်၍ ဘယ်လာရုစ်နိုင်ငံသို့ ထွက်ခွာခဲ့ပြီး ထိုသို့ ထွက်ခွာချိန်က မိန်းမ ကြူကြူလှကို မမြင်တွေ့ရဘဲ ဇွန်လ ၂၈ ရက်နေ့ ရုရှားနိုင်ငံ၊ Buryatai ပြည်နယ်ရောက်ရှိချိန်တွင် မင်းအောင် လှိုင်က မိန်းမ ကြူကြူလှနှင့်အတူ လင်စုံမယားဖက် နှစ်ကိုယ်တူပွဲထွက်လာသည်။ မင်းအောင်လှိုင်က ဘယ်လာရုစ်နိုင်ငံတွင် ဇွန်လ…