လူငယ်များကို စစ်မှုထမ်းရန် နည်းမျိုးစုံဖြင့် အဓမ္မစုဆောင်းနေသည့် စစ်ကောင်စီက စစ်မှုထမ်း စီမံခန့်ခွဲမှုစနစ် NSIMS တည်ဆောက်မည် ဧရာ၀တီတိုင်းမ် ဇူလိုင် ၅ ရက် အာဏာသိမ်းစစ်ကောင်စီသည် နည်းပညာအခြေပြု၍ ပြည်သူ့စစ်မှုထမ်းကိုယ်ရေးအချက်အလက် စီမံခန့်ခွဲမှုစနစ် (National Service Information Management System-NSIMS) ကို တည်ဆောက်နေကြောင်း စစ်ကောင်စီ၏ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ ဥက္ကဋ္ဌ ဗိုလ်ချုပ်ကြီး မောင်မောင်အေးက ပြောကြားသည်။ နေပြည်တော်၌ ပြီးခဲ့သည့် ဇူလိုင် ၃ ရက်နေ့က ပြုလုပ်သည့် ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့အစည်းအဝေးတွင် ၎င်းက ပြောကြားခဲ့ခြင်းဖြစ်သည်။ အဆိုပါ NSIMS စနစ်သည် ပြည်သူ့စစ်မှုထမ်းများနှင့်ပတ်သက်သော စာရင်းဇယားများ မှန်ကန်စေရန်နှင့် ရေရှည်တွင် မှတ်တမ်းထည့်သွင်းမှု လွယ်ကူစေရန်အတွက် တည်ဆောက်ခြင်း ဖြစ်ကြောင်း သိရသည်။ စစ်ကောင်စီ၏ တိုင်းစစ်ဌာနချုပ်အသီးသီးတွင် ယမန်နေ့…

နတ်ရေကန်ဗျူဟာနှင့်ချိတ်ဆက်ထား​သောလမ်းပိုင်းများ၌ပိတ်ဆို့ဖြတ်တောက်တိုက်ခိုက်မှုစစ်သား ၂၅ ဦးထက်မနည်းသေဆုံးဟုကာကွယ်​ရေးအဖွဲ့များ​ပြော ဇူလိုင်-၅၊၂၀၂၅။ဇော်ရမ်း/People’s Spring နတ်ရေကန်ဗျူဟာ နှင့် ချိတ်ဆက်ထားသော အမ်း-ပဒါန်းလမ်းပိုင်း နှင့် ပုသိမ်-မုံရွာ လမ်းပိုင်း၌ စစ်တပ်စစ်ကြောင်းများအား ဖြတ်တောက်တိုက် ခိုက်ခဲ့သည့်တိုက်ပွဲများတွင်စစ်သား၂၅ဦးထက်မနည်းသေဆုံးပြီး ၆၀ကျော်ဒဏ်ရာရကြောင်း​တော်လှန်​ရေးအဖွဲ့များကထုတ်ပြန်သည်။ ပြီးခဲ့သည့်မတ်လကုန် မှ မေလကုန်ထိရက်သတ္တ ပါတ်ပေါင်း (၈) ပတ်ကာလအတွင်း တိုက်ပွဲအ ခြေအနေကိုအထက်မင်းလှပြည်သူ့ကာကွယ်ရေးအဖွဲ့ နှင့် ပြည်သူ့လွတ်လပ်ရေးအဖွဲ့၊ ပြည်သူ့လွတ် လပ်ရေး တပ်တော် (PIO/PIA) က ဇူလိုင်လ ၅ရက်၌ ပူးတွဲထုတ်ပြန်ခြင်းဖြစ်သည်။ စစ်တပ်စစ်ကြောင်းများအားမိုင်းဆွဲတိုက်ခိုက်မှု (၂) ကြိမ် ၊ ဖြတ်တောက်ထိတွေ့တိုက်ခိုက်မှု (၆) ကြိမ်ပြုလုပ်ခဲ့ပြီး (၂၅) ဦးထက် မနည်းသေဆုံးကာ (၆၃) ဦး ထပ် မနည်း ပြင်းထန်ထိခိုက်ဒဏ် ရာရရှိခဲ့သည်ဟု ​ဖော်ပြထားသည်။သို့​​သော်စစ် သားများ​သေဆုံးထိခိုက်မှု အ​ခြေအ​နေကို People’s Spring…

စစ်မှုထမ်းတပ်သားသစ်များ ထွက်ပြေးခြင်းနှင့် လက်နက်ချလျှင် ကျန်ရစ်သောမိသားစုဆွေမျိုးများ၏ လူမှုစီးပွားဘ၀များ ပျက်စီးလိမ့်မည်ဟု စစ်ကောင်စီက ခြိမ်းခြောက် 🟥 စစ်မှုထမ်းအပတ်စဉ် ၁၂ သင်တန်းဆင်း တပ်သားသစ်များအားလုံးကို တိုက်ပွဲများအပြင်းထန်ဆုံးဖြစ်နေသော ရခိုင်၊ ရှမ်း/မြောက်၊ ကရင်နီ၊ ကရင်၊ စစ်ကိုင်း/ချင်းနှင့် ကချင် စစ်ဆင်ရေး နယ်မြေများသို့ အဓိက စေလွှတ်မည် ရန်ကုန်၊ ဇူလိုင် ၆ အကြမ်းဖက်စစ်ကောင်စီက စစ်မှုထမ်းတပ်သားသစ်များအနေဖြင့် တပ်မှ ထွက်ပြေးခြင်းနှင့် တစ်ဖက်အဖွဲ့အစည်းထံတွင် လက်နက်ချခြင်းများ လုပ်ဆောင်လျှင် ကျန်ရစ်သော မိသားစုဆွေမျိုးများ၏ လူမှုစီးပွားဘ၀များ ပျက်စီးလိမ့်မည်ဟု ခြိမ်းခြောက်လာကြောင်း စစ်မှုထမ်းတပ်သား သစ်အသိုင်းအ၀ိုင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။ ဇူလိုင်လ ၄ ရက်နေ့ စစ်မှုထမ်း အပတ်စဉ် ၁၂ သင်တန်းဆင်းပွဲများတွင် စစ်ကောင်စီတပ်မှ အရာရှိများက တပ် သားသစ်များကို ထိုသို့…

ရန်ကုန်တွင် ဇွန်လအတွင်း လူအယောက် ၈၀ခန့်ဖမ်းဆီးခံရဟုဆို AAMIJ / ဇူလိုင် ၅ ရန်ကုန်မှာ ယခုနှစ်ဇွန်လအတွင်း စစ်တပ်က လူအယောက် ၈၀ကို မတရား ဖမ်းဆီးခဲ့တယ်လို့ ရန်ကုန်အခြေစိုက် Rangoon Scout Network- RSNရဲ့ လစဉ်သတင်းထုတ်ပြန်ချက်အရ သိရပါတယ်။ ဖမ်းဆီးခံရတဲ့ လူအယောက် ၈၀ထဲက ၁၂ဦးမှာပြန်လွတ်မြောက်လာခဲ့ပြီး ၁၃ဦးမှာ ပြန်မလွတ်လာတော့ဘဲ စစ်မှုထမ်းသင်တန်းကျောင်းများနဲ့အကျဉ်းထောင်များကို ပို့ဆောင်ခံခဲ့ရကာ ကျန် ၅၅ဦးမှာ ဖမ်းဆီးခံရပြီး နောက်ဆက်တွဲအခြေအနေကို မသိရှိရသေးကြောင်း RSNက ဆိုထားပါတယ်။ ဖမ်းဆီးခံရသူများထဲက ၁၉ဦးဟာ စစ်မှုထမ်းအတွက် ဖမ်းဆီးခံခဲ့ရတာကို RSNက ၎င်းတို့အနေနဲ့ အတည်ပြုထားကြောင်း ရေးသားထားပါတယ်။ အဲ့ဒိ ၁၉ဦး ဖမ်းဆီးခံခဲ့ရပုံတွေက အလုပ်ရမယ်လို့ဆိုကာ လိမ်လည်ခေါ်ယူခံရသူ ၈ ဦး၊ စစ်မှုထမ်းစာရင်းအတိုင်း အိမ်အထိ ရှာဖမ်းခံရသူ…

တီးတိန်မြို့နယ်၊ ပွာလ်ပီးကျေးရွာရှိ စစ်တပ် စခန်း အားလုံးကို သိမ်းပိုက်ရရှိပြီး စစ်ကောင်စီတပ်သားများ ကလေးမြို့အထိ ပြန်လည် ဆုတ်ပြေး ရန်ကုန်၊ ဇူလိုင် ၅ ချင်းပြည်နယ်၊ တီးတိန်မြို့နယ်၊ ပွားလ်ပီးကျေးရွာရှိ စစ်တပ် စခန်းအားလုံးကို သိမ်းပိုက်ရရှိခဲ့ပြီး စစ်ကောင်စီ တပ်သားများ ကလေးမြို့အထိ ဆုတ်ခွာ ထွက်ပြေးသွားကြောင်း ချင်းတော်လှန်ရေး စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။ ယနေ့ ဇူလိုင်လ ၅ ရက်နေ့ နံနက် ၆ နာရီကျော်ခန့်တွင် တီးတိန်မြို့နယ်၊ မွာလ်ပီးကျေးရွာ၌ တပ်စွဲထားသော စစ်တပ် စခန်းကို ချင်းတော်လှန်ရေး ပူးပေါင်းတပ်ဖွဲ့များက ထိုးစစ်ဆင် တိုက်ခိုက်ခဲ့ရာ ညနေ ၅ နာရီ ကျော်တွင် အပြီးသတ် သိမ်းပိုက်နိုင်ခဲ့ခြင်းဖြစ်ကြောင်း၊ ယင်းစခန်းသိမ်း တိုက်ပွဲအတွင်း စစ်ကောင်စီတပ်သားများ ထိခိုက်သေဆုံးမှုများပြားခဲ့၍ ကလေးမြို့အထိ…

တရုတ် စီစဉ်တဲ့ ဆွေးနွေးရေးလမ်းကြောင်း အတော်လေး ခရီးပေါက်ပေမယ့် နောင်ချိုကို လက်မလွှတ်ဘူး လို့ TNLA ပြော။ တရုတ်က TNLAနဲ့ စစ်အုပ်စုကို သီးခြားစီခေါ်တွေ့၊ နောင်ချိုမြို့အနီးမှာ နေ့စဉ်ရက်ဆက် တိုက်ပွဲပြင်းထန်နေ၊ တေဇ/ MFP ၊ ဇူလိုင် – ၅ တရုတ်အစိုးရက TNLA နဲ့ စစ်အုပ်စုကို သီးခြားစီ ခေါ်ယူတွေ့ဆုံမှု ရှိခဲ့ပြီး ဆွေးနွေးရေး လမ်းကြောင်း အတော်လေး ခရီးရောက်နေပေမယ့် နောင်ချိုမြို့ကို လက်လွှတ်မှာ မဟုတ်ဘူးလို့ တအာင်း အမျိုးသား လွတ်မြောက်ရေးတပ်မတော် – TNLA ပြောရေးဆိုခွင့်ရှိသူ လွေးယေဦးက ပြောပါတယ်။ ဒီနေ့ ဇူလိုင်လ ၅ရက်မှာ ပြုလုပ်တဲ့ သတင်းစာရှင်းလင်းပွဲမှာ TNLA ပြောရေးဆိုခွင့်ရှိသူ လွေးယေဦးက အထက်ပါ အချက်တွေကို…

နောင်ချိုတွင် စစ်ကောင်စီနှင့် TNLA တိုက်ပွဲများ ပြင်းထန်နေချိန် တရုတ်ခေါ်တွေ့ပြီး အပစ်ရပ်ရန် ပြော… နောင်ချိုကို လက်လွှတ်မှာမဟုတ်ဘဲ ကဏ္ဍပေါင်းစုံမှ ခုခံကာကွယ်ဖို့ ပြင်ဆင်နေဟု TNLA ပြော ဇူလိုင် ၅၊ ၂၀၂၅ ရှမ်းပြည်နယ်မြောက်ပိုင်း၊ နောင်ချိုမြို့နယ်အတွင်း တအာင်းတပ်မတော် (TNLA) နဲ့ အကြမ်းဖက်စစ်ကောင်စီတပ်တို့အကြား တိုက်ပွဲတွေ ပြင်းထန်နေချိန်မှာ တရုတ်နိုင်ငံက နှစ်ဖက်စလုံး သီးခြားစီ ခေါ်ယူတွေ့ဆုံပြီး တိုက်ပွဲတွေ ရပ်တန့်ဖို့ ပြောကြားခဲ့တယ်လို့ TNLA ပြောခွင့်ရ လွေးယေဦးက ပြောပါတယ်။ ဇူလိုင်လ ၅ ရက်က ပြုလုပ်ခဲ့တဲ့ သတင်းစာရှင်းလင်းပွဲမှာ TNLA ပြောခွင့်ရ လွေးယေဦးက အခုလို ပြောကြားခဲ့တာ ဖြစ်ပါတယ်။ “တရုတ်အစိုးရကနေတစ်ဆင့် ကျမတို့ PSLF/TNLA ဗဟိုကိုရော၊ စစ်ကောင်စီကိုပါ သီးခြားတွေ့ဆုံဆွေးနွေးတာတွေ ရှိပါတယ်။…

ဗိုလ်ချုပ်ကြီးကျော်စွာလင်း၏သားနှင့် ဗိုလ်ချုပ်ကြီး ရဲဝင်းဦး၏သား အပါအဝင် စစ်ဘက်နှင့်အရပ်ဘက် အရာရှိကြီးများ၏ သားများ စစ်မှုထမ်းစာရင်းတွင် မပါဝင် ရန်ကုန်၊ ဇူလိုင် ၅ အကြမ်းဖက်စစ်ကောင်စီက အသက် ၁၈ နှစ်မှ အသက် ၃၅ နှစ်အတွင်း အကျုံးဝင်သော လူငယ်များကို စစ်မှုထမ်းရမည်ဟု အတင်း အကျပ် ခိုင်းစေနေသော်လည်း နေပြည်တော်မှ ဗိုလ်ချုပ်ကြီး ၂ ဦး၏ သားဖြစ်သူတို့မှာ စစ်မှုထမ်း စာရင်းတွင် ပါဝင်ခြင်းမရှိကြောင်း နေပြည်တော်စစ်မှုထမ်းဆင့်ခေါ်ရေးအဖွဲ့နှင့်နီးစပ်သော သတင်းရင်းမြစ်က ပြောဆိုသည်။ စစ်တပ် ကြည်း၊ရေ၊လေ ညှိနှိုင်းကွပ်ကဲရေးမှူး ဗိုလ်ချုပ်ကြီး ကျော်စွာလင်း၏ သားဖြစ်သူ အုပ်စိုးခန့်၊ စစ်ကောင်စီတွဲဖက် အတွင်းရေးမှူး ဗိုလ်ချုပ်ကြီးရဲဝင်းဦး၏ သား ထက်ရဲနောင်တို့သည် စစ်မှုထမ်းဥပဒေအရ စစ်မှုထမ်းရမည့် အသက်အရွယ်တွင် အကျုံး ဝင်နေပြီး နေပြည်တော်တွင် နေထိုင်ကြသော်လည်း…

မန္တလေးမှာ စစ်အုပ်စုက စစ်မှုထမ်းထောက်ပံ့ကြေးဆိုပြီး အိမ်တိုင်းစေ့ လစဉ် ဆက်ကြေးကောက်၊ ငလျင်အပြီး ပိုမို ငွေတောင်းကြမ်းလာ၊ ဒေါ်လာ/MFP၊ ဇူလိုင် – ၅ မန္တလေးမြို့ပေါ် ရပ်ကွက်တွေ အပါအဝင် အမရပူရ၊ တံတားဦး၊ စဉ့်ကိုင် စတဲ့ မြို့နယ်တွေမှာ စစ်အုပ်စု သစ္စာခံ ရပ်ကွက်အုပ်ချုပ်ရေးမှူးနဲ့ ပျူစောထီးတွေက စစ်မှုထမ်းထောက်ပံ့ကြေးလို့ ခေါင်းစဉ်တပ်ပြီး လစဉ်လတိုင်း အိမ်တိုင်းစေ့ ဆက်ကြေးကောက် ငွေတောင်းနေတယ်လို့ ဒေသခံတွေက MFP ကို ပြောပါတယ်။ ငလျင်မတိုင်မီက တစ်အိမ်ကို ကျပ်တစ်သောင်းကနေ သုံးသောင်းလောက်အထိသာ ဆက်ကြေး ပေးဆောင်ရပေမယ့် ငလျင်အပြီး ပိုမို ငွေတောင်းကြမ်းလာပြီး တစ်အိမ်ကို ကျပ်နှစ်သောင်းလောက်ကနေ ကျပ်တစ်သိန်းအထိ ဆက်ကြေးကောက်နေတာလို့ ဆိုပါတယ်။ စဉ့်ကိုင်မြို့နယ် ပေါ်တော်မူဘုရား ရွာဟောင်းကုန်းရွာက စစ်အုပ်စုခန့် အုပ်ချုပ်ရေးမှူးနဲ့ ရှေ့နေအမျိုးသမီးတို့က…

လက်နက်ကိုင် တော်လှန်ရေးဖြင့်သာ အခွင့်အရေးအတွက် ပြန်တိုက်ယူနေရပြီး အခြားနည်းလမ်းမရှိဟု KNLA ဒုတိယစစ်ဦးစီးချုပ် ပြောဆို ရန်ကုန်၊ ဇူလိုင် ၅ ကရင်တိုင်းရင်းသားများအနေဖြင့် ငြိမ်းချမ်းရေးလမ်းစဉ်ကို အကြိမ်ကြိမ်သွားခဲ့ဖူးသော်လည်း လက်နက်ကိုင်တော် လှန်ရေးဖြင့်သာ တပ်ကို ထူထောင်၍ အခွင့် အရေးအတွက် ပြန်တိုက်ယူရနေပြီး အခြားနည်းလမ်းမရှိကြောင်း ကရင်အမျိုးသားလွတ် မြောက်ရေးတပ်မတော်- KNLA ဒုတိယစစ်ဦးစီးချုပ် ဒုတိယဗိုလ်ချုပ်ကြီး စောဘောကျော်ဟဲက ပြောဆိုလိုက်သည်။ ယနေ့ ကျရောက်သည့် ကော်သူးလေ KNLA တပ်မတော်၏ ၇၆ နှစ်မြောက်နှစ် ပတ်လည်နေ့အထိမ်းအမှတ်အဖြစ် ၎င်းက အထက်ပါအတိုင်းပြောဆိုလိုက်ခြင်းဖြစ်သည်။ ကရင်လူမျိုးများက လွတ်လပ်မှု၊ ပြည်နယ်၊ မိမိကံကြမ္မာ မိမိဖန်တီးခွင့်၊ ပြည့်၀ သော အခွင့်အရေးနှင့် ရှင်သန်နေထိုင်ခွင့်ကို လိုချင်သည့်အတွက် အသက်၊ သွေး၊ ချွေးဖြင့် ရင်းနှီးပြီး တိုက်ယူနေရကြောင်း၊ ငြိမ်းချမ်းရေးလမ်းစဉ်ကို…