Author: admin

တပ်ကုန်းမြို့နယ်၊ ဖောင်းတောကျေးရွာ တစ်ရွာလုံး ရေနစ်မြှုပ်သွားပြီး ရွာလုံးကျွတ် မြေကြီးအောက်ရောက်သွား၍ အရေးပေါ် အကူအညီများ လိုအပ်နေ ရန်ကုန်၊ စက်တင်ဘာ ၁၃ နေပြည်တော်၊ တပ်ကုန်းမြို့နယ်၊ ဖောင်းတောကျေးရွာတစ်ရွာလုံး ရေနစ်မြှုပ် သွားပြီး ရွာလုံးကျွတ် မြေကြီးအောက်ရောက်သွား၍ အရေးပေါ် အကူအညီများ လိုအပ်နေကြောင်း ဖောင်တော်ဦးကျောင်းဆရာတော်က ရန်ကုန်ခေတ်သစ် သတင်း ဌာနထံသို့ မိန့်ကြားသည်။ စက်တင်ဘာလ ၁၁ ရက်နေ့မှ စတင်၍ မိုးသည်းထန်စွာ ရွာသွန်းမှုကြောင့် တပ်ကုန်းမြို့နယ်၊ ဖောင်း တောကျေးရွာတစ်ရွာလုံး ရေနစ်မြှုပ်သွားပြီး နေအိမ် ၁၀ လုံး၊ ၅ နွားကောင်ရေထဲမျောပါသွားကာ တိုက်အိမ်အချို့နှင့်မြေစိုက်အိမ်အချို့အတွင်းထဲ၌ ရေနွံများ ၃ ပေကျော်နစ်မြုပ်ကျန်ခဲ့ကာ ကျေးရွာ နေပြည်သူ ၁၀၀ ကျော်မှာ ဖောင်တော်ဦးဘုန်းကြီးကျောင်း၌ တိမ်းရှောင်နေထိုင်ကြရကြောင်း သိရသည်။ “အရေးပေါ်အကူအညီကတော့ ဘယ်ကမှ…

ရှမ်းတောင်ပိုင်း ရေဘေးပျက်စီးဆုံးရှုံးမှုများ၊ အောင်ပန်းနှင့်ကလောတွင် လူ ၁၀၀ထက်မနည်း သေဆုံးဟု ​ဒေသခံများ​ပြော မိထက်/People’s Spring ရှမ်းပြည်နယ်တောင်ပိုင်း၊ အောင်ပန်းနှင့် ကလောမြို့တို့တွင် စက်တင်ဘာလ ၁၁ရက်က စတင်ခဲ့သည့် ရေဘေးအတွင်း ပျက်စီးဆုံးရှုံးမှုအလွန်များပြားခဲ့ပြီး သေဆုံးသူဦးရေအနည်းဆုံး ၁၀၀ ကျော်အထိရှိနေကြောင်း ဒေသခံများက ပြောသည်။ တောင်ပေါ်မြိုများဖြစ်သည် အောင်ပန်းနှင့် ကလောမြို့တို့တွင် စက်တင်ဘာ ၁၀ရက်ကစ၍ နေရာကွက်မိုးကြီးပြီးနောက် စက်တင်ဘာ ၁၁ရက်နံနက်ကစ၍ တောင်ကျရေဆင်းကာ ဆိုးရွားသည့် ‌ရေဘေးကြုံရခြင်းဟု ဒေသခံများက ပြောသည်။ ” တိုက်တွေပြိုတယ်။ အိမ်တွေ အလုံးလိုက်မျောတယ်။သေတာအခုအထိ သိရ‌သလောက် ၁၂၀ ထက် မနည်းဘူး။ ပျောက်နေသူတွေလည်း များတယ်”ဟု အောင်ပန်းမြို့ခံတစ်ဦးက ပြောသည်။ ကလောမြို့ရေဘေးတွင်လည်း အပျက်အစီးအလွန်များပြားပြီး မြို့အဝင်နေရာနှင့် ရပ်ကွက် (၂၊၃၊၄)တို့၌ အလွန်ပျက်စီးကြောင်း ဒေသခံများက ပြောသည်။…

Breaking News- ရမည်းသင်းမြို့နယ်၊ မိုးထိမိုးမိ ရွှေလုပ်ကွက်များ မိုးသည်းထန်စွာရွာသွန်းမှုကြောင့် မြေပြိုကျပြီး အလုပ်သမားအများအပြား ပျောက်ဆုံးနေ၊ သပြေပင်ကျေးရွာ အပါအဝင် ရွာအများအပြား မြေကြီးအောက်ရောက်သွားကာ သေဆုံးသူအရေအတွက် ရာချီရှိနိုင် ရန်ကုန်၊ စက်တင်ဘာ ၁၃ မန္တလေးတိုင်း၊ ရမည်းသင်းမြို့နယ်၊ မိုးထိမိုးမိရွှေလုပ်ကွက်များတွင် မိုးသည်းထန်စွာ ရွာသွားမှုကြောင့် မြေပြိုကျမှုများ ဖြစ်ပေါ်ပြီး အလုပ်သမားအများပြား ပျောက်ဆုံးနေကြာင်း အဆိုပါ ရွှေလုပ်ကွက်မှ အလုပ်သမားတချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။ စက်တင်ဘာလ ၁၁ ရက်နေ့နှင့် စက်တင်ဘာလ ၁၂ ရက်နေ့ မိုးသည်းထန်စွာ ရွာသွန်းမှုကြောင့် ရမည်းသင်းမြို့နယ်၊ မိုးထိမိုးမိရွှေလုပ်ကွက်ရှိ လုပ်ကွက်များတွင် မြေပြိုကျမှု များ ၊ ရွှေတူးဖော်ရေးလုပ်ကွက်နှင့် အလုပ်သမားများနေထိုင်ရာ နေရာများ ပြိုကျမှုများဖြစ်ပွားခဲ့ကြောင်း ၊ မိုးထိမိုးမိရွှေတူးဖော်ရေးတွင် လုပ်ကွက်ပေါင်း ၄၀ နီးပါးရှိပြီး…

“မြို့လယ်ကောင်လမ်းမကြီးမှာ ဆင်တွေပါမြောကုန်လောက်အောင်ရေကြီးနေတဲ့မြန်မာနိုင်ငံကမြို့ကြီး ကယ်ပေးကျပါဥိး”

ပဲခူးတိုင်း တကျော့ပြန်ရေကြီးမှု တောင်ငူမှာ အဆိုးရွားဆုံးရင်ဆိုင်နေရပြီး ရွာတွေမှာပိတ်မိနေသူ အများအပြားရှိနေ စက်တင်ဘာ ၁၃ – ၂၀၂၄ GG (VOM) ပဲခူးတိုင်းမှာ တကျော့ပြန်ထပ်ပြီးရေကြီးနစ်မြုပ်နေကာ လက်ရှိ တောင်ငူခရိုင်ထဲက ကျေးရွာအများစုမှာ ရေကြီးနစ်မြုပ်မှုဒဏ်ကိုအဆိုးရွားဆုံးရင်ဆိုင်နေရပြီး လူတွေပိတ်မိနေတဲ့ရွာတွေ ရှိနေတာကြောင့် အရေးပေါ်ကယ်ဆယ်ရေးတွေလုပ်ဖို့လိုအပ်နေတယ်လို့သိရပါတယ်။ တောင်ငူခရိုင်ထဲက စစ်တောင်းမြစ်ဘေးတလျှောက်နေထိုင်တဲ့ ရွာအများစုရေလွှမ်းမိုးမှုခံနေရပြီး ကျေးရွာအချို့မှာခုချိန်ထိကယ်ဆယ်ရေးတွေရောက်မလာသေးတာကြောင့် ရွာထဲကနေအိမ်တွေမှာပဲ ပိတ်မိနေကြောင်း ၊ တချို့နှစ်ထပ်နေအိမ်တွေပင်ရေနစ်မြုပ်သွားတာတွေရှိနေတယ်လို့သိရပါတယ်။ ” အရှေ့ဖက်ကမ်းရွာသစ်ကုန်းလဲရေမြုတ်ကုန်ပီးလူတွေလဲထွက်လို့မရကြတော့ဘူး။ ရွာတန်းရှည်အတွင်းတံမန် အပြင်တံမန် ရေကျော်ကျိုးလို့ အကူအညီလိုအပ်နေတယ်။ ကျေးအင်းထုံးဘိုရွာဘက်မှာလည်း လူတွေပိတ်မိနေပါတယ်ဆိုပြီး အကူအညီတွေတောင်းတာအများကြီးရှိတယ်။” လို့ ကယ်ဆယ်ရေး လုပ်နေသူတယောက်ကပြောပါတယ်။ စစ်တောင်းမြစ်ဘေးက ကျေးရွာအများစုမှာ ရေနစ်မြုပ်နေတာကြောင့် ရေစီးလည်းသန်နေတဲ့အတွက် အချို့ရွာတွေဘက်ကို ကယ်ဆယ်ရေးလုပ်ဖို့သွားရန်ပင် အန္တရာယ်များတဲ့အခြေအနေရှိတယ်လို့သိရပါတယ်။ ” ဒိုးအင်း ၊လေးအိမ်စု ၊အရှေ့ဆင်ရွာ ၊ကျေးအင်းထုံးဘို ၊ကွမ်းသီးပင် ၊သဖန်းပင်…

ရေတာရှည်မြို့နယ် အရှေ့ခြမ်းရွာများ စစ်ကောင်စီတပ်က ကူညီကယ်ဆယ်ခွင့်ပိတ်ပင် ပဲခူးတိုင်း ရေတာရှည်မြို့နယ် အရှေ့ခြမ်းရှိ ရေနစ်မြုပ်နေသည့်ရွာများကို ကူညီကယ်ဆယ်ခွင့် စစ်ကောင်စီတပ်က တားမြစ်ထားကြောင်း ဒေသခံများ ထံမှ သိရသည်။ ရေကြီးနစ်မြုပ်နေသည့် ရေတာရှည်မြို့နယ် အရှေ့ခြမ်းကျေးရွာသွာများမှာ ပြည်သူ့ကာကွယ်ရေးတပ်(PDF)များက ထိန်းချုပ်ထားခြင်းကြောင့်ဟုဆိုကာ စစ်ကောင်စီတပ်က သွားရောက်ကယ်ဆယ်ခွင့် တားမြစ်ထားခြင်းဖြစ်သည်ဟု သိရသည်။ “စစ်ကောင်စီတပ်က အရှေ့ခြမ်းကို သွားခွင့်မပြုဘူး။ ရွာပေါင်းက မနည်းဘူးဗျ။ စစ်တောင်းမြစ် ဘေးတလျောက်ပဲ ရွာတွေက။ အခုက စစ်ကောင်စီထိန်းချုပ်ထားတဲ့ရွာတွေကိုပဲ သွားကယ်ခွင့်ပေးထားတယ်။”ဟု ဒေသခံတစ်ဦးက Tachileik News Agency ကိုပြောသည်။ စစ်ကောင်စီသည် ၎င်းတို့ထိန်းချုပ်နိုင်သည့်ရွာတန်းရှည်ရွာအထိသာ သွားခွင့်ပြုခြင်းကြောင့် အရှေ့ခြမ်းရှိ ဒေသခံများ အိမ်ခေါင်မိုးပေါ်တက်နေရသည်အထိ ဖြစ်နေသည်ဟု သိရသည်။ “အရှေ့ခြမ်းကို ကယ်ဆယ်ခွင့်မပေးထားဘူးဗျ။ အဲ့ဒီဘက်က PDF ထိန်းချုပ်နယ်မြေဖြစ်နေသလို တပ်ဘက်က လိုက်ပါလို့မရတာကြောင့် သူတို့သွားခွင့်မပေးတာဗျ။…

ရန်ကုန်မှာ ထူးကဲဒီရေ သတိထားဖို့ လေ့လာသူပြော ~~~ သီရိမင်းဇင် (ဝါရှင်တန်ဒီစီ) ■ ဗီယက်နမ်နိုင်ငံကို ပြီးခဲ့တဲ့ရက်ပိုင်းကဝင်ခဲ့တဲ့ မုန်တိုင်းရာဂီဟာ မိုင် ၃ဝဝ နီးပါးလောက် အချင်းရှိတဲ့ မုန်တိုင်းတစ်ခုဖြစ်ခဲ့ပါတယ်။ တစ်နာရီကို လေတိုက်နှုန်း မိုင် ၁၅၀ နဲ့အထက်ရှိတဲ့အတွက် ၂၀၀၈ ခုနှစ်က မြန်မာကိုဝင်ခဲ့တဲ့ နာဂစ် မုန်တိုင်းထက် ပိုပြင်းထန်ခဲ့တာပါ။ ဒါကြောင့် ဗီယက်နမ်မှာ လူ ၂၀၀ လောက် သေဆုံးခဲ့ပါတယ်။ မြန်မာမှာ ဒီတစ်ကြိမ် နိုင်ငံတစ်ဝန်း ရေကြီးနစ်မြုပ်မှုနဲ့ မြေပြိုမှုတွေကြောင့် လက်ရှိအချိန်အထိ လူ ၃၀ နီးပါး သေဆုံးသွားပြီဖြစ်ကြောင်း RFA က စက်တင်ဘာလ ၁၂ ရက်အထိ ရရှိထားတဲ့ စာရင်းတွေအရ သိရပါတယ်။ မြန်မာနိုင်ငံမှာလည်း မုန်တိုင်း ရာဂီအရှိန်ကြောင့် ဒုတိယအကြိမ်…

လောင်းလုံးမြို့နယ်တွင် ငါးရက်ဆက်တိုက်ပွဲဖြစ် ▪️စစ်ကောင်စီတပ် ထိခိုက်သေဆုံးမှုများဟု လောင်းလုံး(ပကဖ)ပြော ကျော်ဇော/People’s Spring တနင်္သာရီတိုင်း၊ လောင်းလုံးမြို့နယ်တွင် ကျေးရွာများအား စစ်ကြောင်းထိုး၍ ပြည်သူပိုင်ပစ္စည်းများအား ဖောက်ထွင်းခိုးယူနေသော စစ်ကောင်စီတပ်စစ်ကြောင်းတစ်ခုကို ငါးရက်ဆက် တိုက်ခိုက်ခဲ့ကြောင်း လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့(ပကဖ)မှ တာဝန်ရှိသူတစ်ဦးက ပြောသည်။ ယနေ့(စင်တင်ဘာ ၁၂)မွန်းလွဲ ၂ နာရီခန့်က မောင်းမကန်ရဲစခန်းနှင့် ရဲစခန်းနှင့်ကပ်လျက် ဘုန်းကြီးကျောင်းအတွင်း တပ်စွဲထားသော စစ်ကောင်စီတပ်စစ်ကြောင်းတစ်ခုကို တော် လှန်ရေးပူးပေါင်းတပ်များက ဝင်ရောက်တိုက် ခိုက်ခဲ့သည်။ မူလတွင် မောင်မကန်ရဲစခန်းရှိ စစ်ကောင်စီတပ်သားနှင့် ရဲများကိုသာ တိုက်ခိုက်ရန် ရည် ရွယ်ခဲ့သော်လည်း စစ်ပမ်း၍ ပြန်ဆုတ်လာသော စစ်ကောင်စီတပ်စစ်ကြောင်းတစ်ခုပါ စခန်းနှင့်ကပ်လျှက် ကျောင်းအတွင်းသို့ရောက်ရှိနေသည်ကိုသိရ၍ နှစ်နေရာလုံးကို တိုက်ခိုက်ခဲ့သည်ဟု လောင်းလုံး(ပကဖ)မှ အသိပေးသည်။ နှစ်ဖက်တိုက်ပွဲအခြေအနေအား အပြည့်အစုံမသိရသေးသော်လည်း တိုက်ခိုက်ချိန် နာရီပိုင်းကြာသည်အထိ ဖြစ်ပွားခဲ့ပြီး စစ်ကောင်စီတပ်ဘက်မှ ညနေ…

ကရင်နီပြည်မှာ ရေကြီးမြေပြိုမှုကြောင့် လူ နှစ်ဆယ်ကျော် သေဆုံးခဲ့ ~~~ ■ ရာဂီမုန်တိုင်းအရှိန်နဲ့ မိုးသည်းထန်စွာရွာသွန်းတာကြောင့် ကရင်နီပြည်မှာ ရေကြီရေလျှံဖြစ်နေပြီး ကာကွယ်ရေးတပ်ဖွဲ့ဝင်အပါအဝင် နှစ်ဆယ်ကျော်သေဆုံးခဲ့တယ်လို့ နီးစပ်သူတွေနဲ့ ကူညီကယ်ဆယ်ရေးလုပ်သူတွေက ပြောပါတယ်။ ဖယ်ခုံမြို့နယ်ရှိ ကာကွယ်ရေးတပ်ဖွဲ့တစ်ခုက တပ်ဖွဲ့ဝင် ၁၈ ဦးဟာ တောင်ကျရေကြောင့် ရေစီးနဲ့ မျောပါသေဆုံးသွားတယ်လို့ နီးစပ်သူတစ်ဦးက ပြောပါတယ်။ “ကြားတာတော့ ဖယ်ခုံအနောက်ဖက်ခြမ်းမှာလို့ပြောတယ်၊ စစ်သင်တန်း လေ့ကျင်ခန်းဆင်းရင်း တောင်ကျရေစီးနဲ့ မျောပါသွားတယ်လို့ ကြားရပါတယ်၊ သူတို့တပ်တွေက အသေးစိတ် ထုတ်ပြန်မှပဲ သိရမယ်” ဘယ်ကာကွယ်ရေးတပ်ဖွဲ့က သေဆုံးတယ်ဆိုတာနဲ့ ပတ်သက်ပြီး ကရင်နီအခြေစိုက် ကာကွယ်ရေးတပ်ဖွဲ့တွေကို ဆက်သွယ်မေးမြန်းပေမဲ့ လက်တလော ပြန်လည်ဖြေဆိုတာ မရှိပါဘူး။ ကရင်နီပြည်မှာ ရေကြီးတာကြောင့် အရပ်သားခြောက်ဦးသေဆုံးတယ်လို့ ကရင်နီပြည် ကြားကာလအုပ်ချုပ်ရေးကောင်စီ (IEC) ရဲ့ အတွင်းရေးမှူး (၂)…

နေပြည်တော်တွင် ရေကြီးမှုကြောင့် လူ ၁၉ ဦး သေဆုံးပြီး သေဆုံးသူအရေ အတွက် တိုးလာဖွယ်ရှိ၊ တောင်ငူမြို့နယ်အတွင်း စစ်တောင်းမြစ်ကမ်းဘေးကျေးရွာများ ရေမြုပ်နေသဖြင့် ပြည်သူများ သစ်ပင်ပေါ်တက်နေရ ရန်ကုန်၊ စက်တင်ဘာ ၁၃   နေပြည်တော်တွင် မိုးသည်းထန်စွာ ရွာသွန်းမှုကြောင့် ရေကြီးမှုများဖြစ်ပေါ်လာခဲ့ရာ အမျိုးသား ၆ ဦးနှင့် အမျိုးသမီး ၁၃ ဦး စုစုပေါင်း ၁၉ ဦး သေဆုံးပြီး သေဆုံးသူအရေအတွက် ဆက်လက် လာဖွယ်ရှိကြောင်း မီးသတ်ဦးစီးဌာန၏ ထုတ်ပြန်ချက်နှင့် ဒေသပြည်သူများ၏ ပြောဆိုချက်အရ သိရှိရသည်။ နေပြည်တော်၊ တပ်ကုန်းမြို့နယ်၊ ဇေယျာသီရိမြို့နယ်၊ ပုဗ္ဗသီရိမြို့နယ်၊ လယ်ဝေးမြို့နယ် အပါအဝင် မြို့နယ်များ အတွင်းရှိ ကျေးရွာများမှ ပြည်သူ ပေါင်း ၃၆၀၂ ဦးကို မီးသတ်ဦးစီး ဌာန၏…