Author: admin

ဖလမ်းမြို့သိမ်းတိုက်ပွဲမှာ ချင်းညီနောင်နှင့်အတူ 96 Soldiers PDF (အညာတပ်ခွဲ) ပါဝင်တိုက်ခိုက်ခဲ့၊ ရဲဘော် ၁ဦး အသက်ပေးလှူကာ ၂ဦး ကိုယ်လက်အင်္ဂါ ဆုံးရှုံးခဲ့ ဧပြီ ၉၊ ၂၀၂၅ ချင်းပြည်နယ်၊ ဖလမ်းမြို့သိမ်းတိုက်ပွဲ ဖော်ဆောင်နိုင်ခဲ့မှုမှာ ချင်းညီနောင်တပ်ဖွဲ့တွေနဲ့အတူ 96 Soldiers PDF (အညာတပ်ခွဲ) ကလည်း ပူးပေါင်းပါဝင် တိုက်ခိုက်ခဲ့ကြောင်း အသိပေးထုတ်ပြန်ပါတယ်။ ဖလမ်းမြို့ကို ချင်းညီနောင်နဲ့ မဟာမိတ်တပ်ဖွဲ့တွေ ပူးပေါင်းပြီး ချင်းညီနောင်စစ်ဆင်ရေး (Operation CB) အဖြစ် တိုက်ပွဲဖော်ဆောင်ခဲ့ကာ စစ်ကောင်စီဘက်က လေကြောင်းတိုက်ခိုက်မှု အကြိမ် ၁၀၀၀ ကျော်၊ စစ်အင်အား အကြိမ်ကြိမ် ဖြည့်တင်းမှုတွေကြားကနေ အောင်မြင်စွာ သိမ်းပိုက်နိုင်ခဲ့တာလို့ သိရပါတယ်။ “ဖလမ်းမြို့သိမ်းစစ်ဆင်ရေးကို ချင်းညီနောင်တွေနဲ့အတူ ပူးပေါင်းတိုက်ပွဲဝင်ခဲ့။ ကျွန်တော်တို့ 96 မှ တပ်ခွဲမှူး…

အင်းတော်မြို့မှ ထွက်ပြေးသွားသည့် တပ်မ ၇၇ တပ်မမှူးနှင့်အဖွဲ့ကို ကသာတွင် ဖမ်းမိ ဧရာဝတီတိုင်းမ် ဧပြီ ၉ ရက် စစ်ကိုင်းတိုင်း၊ ကသာခရိုင်၊ အင်းတော်မြို့သိမ်းတိုက်ပွဲတွင် ထွက်ပြေးသွားသည့် တပ်မ (၇၇) တပ်မမှူးနှင့်အဖွဲ့ကို ကသာမြို့နယ်တွင် ဖမ်းဆီးရမိထားကြောင်း သိရသည်။ မြို့သိမ်းတိုက်ပွဲအတွင်း စခန်းစွန့်ခွာထွက်ပြေးသွားသည့် တပ်မမှူးနှင့်အဖွဲ့ကို ကသာမြို့တွင် တော်လှန် ရေးပူးပေါင်းအဖွဲ့က ဖမ်းဆီးရမိထားကြောင်း စစ်ရေးသတင်းရင်းမြစ်ထံမှ သိရသည်။ “ဖမ်းထားတာဟုတ်တယ်။ နောက်ဆက်တွဲတွေ တော့ မသိရသေးဘူး”ဟု စစ်ရေးသတင်းရင်းမြစ်က ဧရာဝတီတိုင်းမ်ကို အတည်ပြုပြောသည်။ တော်လှန်ရေးတပ်ဖွဲ့များသည် ပြီးခဲ့သည့် ဧပြီ ၇ ရက် ည ၉ နာရီက အင်းတော်မြို့ရှိ တပ်မ (၇၇) ရှေ့တန်းဌာနချုပ် အခြေ စိုက်ထားသည့် ဂျပန်လှိုဏ်ဂူကုန်းကို တိုက်ခိုက်ပြီး မြို့ကိုထိန်းချုပ် လိုက်ခြင်းဖြစ်သည်။…

PSLF/TNLA နှင့် KIO/KIA ဆွေးနွေးပွဲအတွက်စတင်ညှိနှိုင်း ဧပြီ-၉၊၂၀၂၅။ဟန်​နွေ/People’s Spring ရှမ်းပြည်နယ်မြောက်ပိုင်း၌ ​အောက်​ခြေတပ်ဖွဲ့ဝင်များကြား ပြဿနာအချို့ ဖြစ်ခဲ့သည့် ကချင်လွတ် လပ်ရေးအဖွဲ့ /ကချင်လွတ်လပ်​ရေးတပ်မ​တော် (KIO/KIA) နှင့် ပ​လောင်ပြည်နယ်လွတ်​မြောက်​ရေးတပ်ဦး/ တအာင်းအမျိုးသားလွတ်​မြောက်​ရေးတပ်မတော်(PSLF/TNLA) တို့အကြား ဆွေးနွေးပွဲအတွက် ရှေ့ပြေး ညှိနှိုင်းရေးများ စတင်နေပြီဖြစ်ကြောင်း KIO ခေါင်းဆောင်တစ်ဦးဖြစ်သည့် ဒုတိယ ဗိုလ်ချုပ်ကြီးဂွန်မော်ကအသိပေးလိုက်သည်။ ယခုနှစ်ဆန်းပိုင်းအတွင်း ရှမ်းမြောက်ရှိ နမ့်ဖက်ကာ၊ မန်တုံအပါအဝင် ဒေသအချို့၌ TNLA နှင့် KIA တပ်ဖွဲ့ဝင်များအကြား ပြဿနာ ဖြစ်ပွားခဲ့မှုများနှင့် ပတ်သက်၍ နှစ်ဖက် အောက်ခြေတပ်မှူးများ တွေ့ဆုံညှိနှိုင်းခဲ့သော်လည်း မပြေလည်​သေးသဖြင့် ဗဟိုအဆင့် ဆွေးနွေးမှုများ ပြုလုပ်ရန် ဆောင်ရွက်နေသည်ကို ကချင်လွတ်လပ်ရေးကောင်စီ(KIC) ဒုဥက္ကဋ္ဌ ဖြစ်သူ ဒုဗိုလ်ချုပ်ကြီး ဂွန်မော်က ဧပြီ ၉ရက်တွင် လူမှုကွန်ရက်မှတဆင့် အသိပေးခဲ့ခြင်းဖြစ်သည်။…

ငလျင်ဒဏ်သင့် မြန်မာပြည်သူတွေအတွက် နိုင်ငံတကာ လူသားချင်းစာနာမှု ရန်ပုံငွေတွေကို စစ်ကောင်စီက ထိန်းချုပ်ထားတယ်လို့ NUG ဝန်ကြီး ဒေါက်တာဝင်းမြတ်အေး သတိပေး ရန်ကုန် ၊ဧပြီ ၉ နိုင်ငံတကာက ပေးအပ်တဲ့ ငလျင်ဒဏ်သင့် မြန်မာပြည်သူတွေအတွက် လူသားချင်းစာနာထောက်ထားမှုဆိုင်ရာ ရန်ပုံငွေတွေကို စစ်တပ်ကထိန်းချုပ်ထားတယ်လို့ အမျိုးသားညီညွတ်ရေးအစိုးရ- NUG ဝန်ကြီး ဒေါက်တာဝင်းမြတ်အေးက သတိပေးပြောဆိုပါတယ်။ ဧပြီလ ၅ ရက်နေ့မှ ဧပြီလ ၉ ရက်နေ့ အထိ ဥဇဘက်ကစ္စတန်နိုင်ငံမှာကျင်းပတဲ့ ၁၅၀ ကြိမ်မြောက် နိုင်ငံတကာပါလီမန်များညီလာခံနှင့် ဆက်စပ်အစည်းအဝေးတွေ တက်ရောက်ရင်း သူက အဲဒီလို ထုတ်ဖော်ပြောဆိုတာပါ။ “နိုင်ငံတကာ လူသားချင်းစာနာထောက်ထားမှုဆိုင်ရာ ရန်ပုံငွေကို စစ်တပ်က ထိန်းချုပ်ပြီး နောက်ထပ် စစ်ရေးအကြမ်းဖက်မှုကို ဆက်လက်ကျူးလွန်မည်လားဆိုသည့် စိုးရိမ်မှုများစွာ ရှိနေပါတယ်။ ကျွန်တော်တို့အနေနဲ့ ဒီလို ခွင့်မပြုနိုင်ဘူး။…

ငလျင်ကြောင့် သေဆုံးသူအလောင်းများ ကိုင်တွယ်သည့် ကယ်ဆယ်ရေးသမားတချို့ ခန္ဓာကိုယ်အနှံ့ အနီစက်ထွက် သံလွင်ခက် ဧပြီ ၈၊ ၂၀၂၅။ မြန်မာနိုင်ငံအလယ်ပိုင်း မန္တလေးနှင့် စစ်ကိုင်းကို ဗဟိုပြုလှုပ်ခတ်ခဲ့‌သော အင်အားပြင်းငလျင်ကြောင့် သေဆုံးသူရုပ်အလောင်းများအား သယ်ဆောင်သည့် ကယ်ဆယ်ရေးသမားတချို့ ခန္ဓာကိုယ်အနှံ့ အနီစက်ထွက်နေသည်ဟု ကယ်ဆယ်ရေးသမားများထံမှ သိရသည်။ ယခုလိုဖြစ်ရခြင်းသည် ကယ်ဆယ်ရေးသမားများက လုံခြုံရေးဝတ်စုံအပြည့်ဝတ်သော်လည်း အနီစက်များ မထွက်လာခင်အချိန်အထိ ဆေးရုံသုံးလက်အိတ်အဖြူဖြင့် အလောင်းကိုင်တွယ်ခြင်း၊ အလောင်းကိုင်ပြီးပြီးချင်း သန့်ရှင်းရေး သေချာမလုပ်နိုင်ခြင်း၊ ပိုးသတ်ဆေးမဖြန်းရခြင်းကြောင့် ဖြစ်နိုင်သည်ဟု မြေပြင်လုံခြုံရေးသမားတစ်ဦးက ဆိုသည်။ ၎င်းက “Dead body အရည်နဲ့ ထိပါများတော့ ဒီလိုမျိုးတွေဖြစ်တော့ လက်အိတ်အရှည်ကြီးတွေ လုံးဝ အရမ်းကောင်းတဲ့အိတ် တံတောင်ဆစ်လောက်ရှိတဲ့ လက်အိတ်ကြီးကို ကျွန်တော်တို့ သုံးလာတယ်။ အလောင်းသယ်လာတဲ့သူကို ကျွန်တော်တို့ ကလိုရင်း‌ဆေးရည် (ပိုးသတ်ဆေး)နဲ့ တစ်ကိုယ်လုံးဖြန်းပါတယ်။ စိုရွှဲနေအောင်…

ပြည်ပရောက် ကျောင်းသားများနှင့် လူငယ်များ စစ်မှုထမ်းရန် ပြန်မလာသေးပါက လူငယ် ၁ ဦးလျှင် ငွေကျပ် သိန်း ၅၀ ပေးရမည်ဟု လှိုင်သာယာ FMI City အုပ်ချုပ်ရေးမှူးက တောင်းခံနေ ရန်ကုန်၊ ဧပြီ ၉ ရန်ကုန်မြို့၊ လှိုင်သာယာမြို့နယ်၊ အမှတ် ၄ ရပ်ကွက် (FMI City) အုပ်ချုပ်ရေးမှူး အောင်ကျော်မိုးက ပြည်ပတွင် ကျောင်းတက်၊ အလုပ်လုပ်ကိုင်နေသော လူငယ်များကို စစ်မှုထမ်းရန် မဖြစ်မနေ ပြန်လာရမည်ဟု ခြိမ်းခြောက်၍ ငွေကျပ် သိန်း ၅၀ တောင်းခံနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဧပြီလပိုင်းမှ စတင်၍ စစ်မှုထမ်းအပတ်စဉ် ၁၂ အတွက် လှိုင်သာယာမြို့နယ် အမှတ် ၄ ရပ်ကွက် (FMI…

စစ်ကောင်စီ၏ ယာယီအပစ်ရပ်မည်ကြေညာချက်မှာ ငလျင်ဘေးအကြောင်းပြပြီး နိုင်ငံရေးအမြတ်ထုတ်လိုသော လုပ်ကြံလီဆယ်မှုဟု မန္တလေး PDF ထုတ်ပြန် ဧပြီ ၈၊၂၀၂၅။တေဇ၊ရဲခေါင်/People’s Spring စစ်ကောင်စီ၏ ယာယီအပစ်ရပ်စဲမည်ဟူသောကြေညာချက်သည် ငလျင်ဘေးအကြောင်းပြုကာ ပြည် သူလူထုနှင့် နိုင်ငံတကာအသိုင်းအဝိုင်းအကြား နိုင်ငံရေးအမြတ်ထုတ်လိုသော လုပ်ကြံလီဆယ်မှုဖြစ်ကြောင်း ပြည်သူ့ကာကွယ်ရေးတပ်မတော်(မန္တလေး) MDY PDFက ယနေ့(ဧပြီ ၈ရက်)တွင် ထုတ်ပြန်သည်။ စစ်ကောင်စီက ဧပြီ ၂ ရက်မှ ဧပြီ ၂၂ရက်အထိ ယာယီအပစ်အခတ်ရပ်စဲမည်ဟု ကြေညာခဲ့သည်ကို တွေ့ရှိရသော်လည်း လက်တွေ့မြေပြင်တွင်မူ အပစ်အခတ်ရပ်စဲကြောင်းထုတ်ပြန်ပြီးနောက် အချိန်နာရီမျှ မခြားဘဲ အရပ်သား ပြည်သူများနေထိုင်ရာမြို့ရွာဒေသများအပေါ် လေကြောင်းတိုက်ခိုက်မှုများ ဆက်တိုက်ပြုလုပ်နေကြောင်း အသိပေးသည်။ ထိုအပြင် စဉ့်ကူးမြို့နယ်အတွင်း လေကြောင်းတိုက်ခိုက်မှု နှစ်ကြိမ် ၊မတ္တရာမြို့နယ်အတွင်း လေကြောင်းတိုက်ခိုက်မှု တစ်ကြိမ် ၊ သပိတ်ကျင်းမြို့နယ်တွင် လေကြောင်းတိုက်ခိုက်မှု ငါးကြိမ်၊မိုးကုတ်မြို့နယ်တွင် လေကြောင်းတိုက်ခိုက်မှု…

တောင်ငူမြို့၊ သမိုင်းဝင် နန်းတော်ဦး လောကမာရဇိန် စေတီတော်သို့ ဒုစစ်ခေါင်းဆောင် စိုးဝင်း ဖိနပ်စီး တက်ရောက်ခဲ့မှု စစ်ရုံးပြန်ကြားရေးမှတ်ချက်ကြောင့် ပြည်သူများ သိခွင့်ရ ရန်ကုန်၊ ဧပြီ ၉ . ပဲခူးတိုင်း၊ တောင်ငူမြို့၊ သမိုင်းဝင် နန်းတော်ဦး လောကမာရဇိန်စေတီတော်သို့ ဒုစစ်ခေါင်းဆောင် စိုးဝင်း ဖိနပ်စီး တက်ရောက်ခဲ့မှုကို စစ်ရုံး၏ပြန်ကြားရေး Website တွင် မှတ်ချက်ဖြင့် တကွ ဖော်ပြခဲ့သဖြင့် ပြည်သူများ သိရှိခွင့်ရရှိခဲ့ကြသည်။ အကြမ်းဖက် ဒုစစ်ခေါင်းဆောင် စိုးဝင်းသည် ငလျင်ဒဏ်သင့်သော ပဲခူးတိုင်းသို့ သွားရောက် စစ်ဆေးခဲ့ရာတွင် တောင်ငူမြို့တွင် တည်ထားသော သမိုင်းဝင် နန်းတော်ဦး လောကမာရဇိန်စေတီတော်သို့ ဖိနပ်စီး၍ တက်ရောက်ခဲ့ကြောင်း စစ်တပ်၏ ပြန် ကြားရေး Website တွင် မှတ်ချက်ပုံစံဖြင့် သတင်းဖော်ပြခဲ့ခြင်းဖြစ်သည်။ စစ်ရုံး၏…

စစ်တပ်ကလွဲရင် KIA ၊ TNLA ၊ AA နှင့် KNDF/KNPP တို့ ပစ်ခတ်တိုက်ခိုက်မှု ရပ်စဲခြင်းမရှိဘဲ တိုက်ခိုက်မှုများ ဆက်လုပ်နေဟု အကြမ်းဖက် ဇော်မင်းထွန်း ဆက်ပြောပြန် ရန်ကုန်၊ ဧပြီ ၈ စစ်တပ်ကလွဲရင် KIA ၊ TNLA ၊ AA နှင့် KNDF/KNPP တို့အနေနဲ့ ပစ်ခတ်တိုက်ခိုက်မှု ရပ်စဲခြင်းမရှိဘဲ တိုက် ခိုက်မှုတွေ ဆက်လုပ်နေတယ်လို့ စစ်ကောင်စီ ပြောခွင့်ရ အကြမ်းဖက် ဇော်မင်းထွန်းက ဆက်လက်ပြောဆိုနေပြန်ပါတယ်။ စစ်တပ်အနေနဲ့ ငလျင်ဒဏ်ကူညီရေးနဲ့ ကယ်ဆယ်ရေးအတွက် ဧပြီလ ၂ ရက်နေ့ကနေ ဧပြီလ ၂၂ ရက်နေ့ အထိ ရက် ၂၀ အကြာ အပစ်ရပ်ထားပေမယ့်လည်း တိုင်းရင်းသားအဖွဲ့တွေအနေနဲ့ တိုက်ခိုက်မှုတွေကို ဆက်လုပ်နေတယ်လို့…