Author: admin

မန္တလေးတွင် ငလျင်ကြောင့် တိမ်းစောင်းသွားသည့် အန္တရာယ်ရှိ နေအိမ်၊ တိုက်တာအဆောက်အအုံများ ဖြိုဖျက်ရန် စည်ပင်သို့ လျှောက်ထားသော်လည်း အနည်းဆုံး ၃ လ စောင့်ခိုင်း၊ငွေပေးသူများကို စည်ပင်က ဦးစားပေး ရန်ကုန်၊ မေ ၉ မန္တလေးတွင် ငလျင်ကြောင့် နေအိမ်တိုက်တာအဆောက်အအုံ တိမ်းစောင်းသွားသည့် အိမ်ပိုင်ရှင်များက အန္တ ရာယ် ရှိနေသည့် နေအိမ်များဖြိုချရန် မန္တလေးမြို့တော်စည်ပင်သို့ လျှောက်လွှာတင်သော်လည်း အနည်းဆုံး ၃ လ စောင့်ခိုင်းပြီး ငွေကြေးပေးသူများကို စည်ပင်က ဦးစားပေး အိမ်ဖြိုပေးနေကြောင်း မန္တလေးမှ အိမ်ပိုင်ရှင်များက ပြောဆိုသည်။ မတ်လ ၂၈ ရက်နေ့ လှုပ်ခတ်ခဲ့သော ပြင်းအား ၇ ဒသမ ၇ အဆင့်ရှိ စစ်ကိုင်းငလျင်ကြီးကြောင့် မန္တလေးတွင် အထပ်မြင့်တိုက်တာအများစု တိမ်းစောင်းပြိုကျလုလုဖြစ်နေရာ အန္တရာယ်ရှိသဖြင့် ပြည်သူများက…

ပူတင်နဲ့ လက်တွဲပြီး နိုင်ငံတကာ ဗိုလ်ကျစိုးမိုးမှုတွေကို တွန်းလှန်သွားမယ်လို့ ရှီကျင့်ဖျင်ပြော နိုင်ငံတကာ ဗိုလ်ကျ စိုးမိုးရေး ဝါဒီတွေကို မိတ်ဆွေရင်းချာ ရုရှား သမ္မတ ဗလာဒီမာ ပူတင်နဲ့အတူ လက်တွဲ တွန်းလှန်သွားမယ်လို့ တရုတ် သမ္မတ ရှီကျင့်ဖျင်က ပြောကြားခဲ့ပါတယ်။ ဒုတိယ ကမ္ဘာစစ်မှာ ဆိုဗီယက်က နာဇီ ဂျာမနီကို အနိုင်ရခဲ့မှု နှစ် ၈၀ ပြည့် အောင်ပွဲနေ့ အခမ်းအနား တက်ရောက်ဖို့ ရုရှားနိုင်ငံ၊ မော်စကို မြို့တော်ဆီ ရောက်ရှိနေရင်း ပူတင်နဲ့ တွေ့ဆုံချိန်မှာ ရှီက အခုလို ကြွေးကြော်ခဲ့တာပါ။ ၄ ရက်ကြာ ခရီးစဉ်အတွင်း တရုတ်နဲ့ ရုရှားတို့ဟာ နှစ်နိုင်ငံ ပူးပေါင်းဆောင်ရွက်မှု မြှင့်တင်ရေး သဘောတူ စာချုပ်တွေကိုပါ လက်မှတ်ရေးထိုးခဲ့ကြပါတယ်။ ရှီက ရုရှားနဲ့…

ဖားကန့်သို့ ထိုးစစ်ဆင်လာသော စစ်တပ်ကို ဆိုင်းဖရာရွာနှင့် ကပ်မှော်ရွာအနီးတို့တွင် တိုက်ခိုက်မှု စစ်ကောင်စီဘက်မှ ထိခိုက်သေဆုံး မှုများပြား ရန်ကုန်၊ မေ ၉ ကချင်ပြည်နယ်၊ ဖားကန့်မြို့နယ်သို့ ထိုးစစ်ဆင်လာသော စစ်တပ်နှင့် ဆိုင်းဖရာကျေးရွာ၊ ကပ်မှော်ကျေးရွာတို့အနီးတွင် တိုက်ပွဲဖြစ်ပြီး စစ်ကောင်စီ တပ်သားများ ထိခိုက်သေဆုံးမှုများ ပြားလျက်ရှိကြောင်း KIA စစ်ရေးသတင်းရင်းမြစ်က ရန်ကုန် ခေတ်သစ်သတင်းဌာနထံသို့ ပြောကြားသည်။ ယမန်နေ့ မေလ ၈ ရက်နေ့က ဖားကန့်မြို့နယ်၊ ဆိုင်းဖရာကျေးရွာအတွင်း ဝင်ရောက်လာသော စစ်ကောင်စီစစ်ကြောင်းကို KIA ၊ KPDF ပူးပေါင်းတပ်ဖွဲ့က တိုက်ခိုက်ခဲ့ရာ စစ်တပ်က အထိနာပြီး ကပ်မှော်ကျေးရွာသို့ ပြန်ဆုတ်သွားကြောင်း၊ ထိုအပြင် ကပ်မှော်ကျေးရွာဘုန်းကြီး ကျောင်းတွင် တပ်စွဲထားသော စစ်တပ်ကိုလည်း KIA ၊ KPDF ပူးပေါင်းတပ်ဖွဲ့က တိုက်ခိုက်ခဲ့…

ကြံခင်းတွင် ကျေးရွာအုပ်ချုပ်ရေးမှူးက ဒေသခံလူငယ်များကို ခဏလိုက်ခဲ့ပါဟုပြောဆိုပြီး စစ်သင်တန်းသို့ပို့ ဧရာဝတီတိုင်းမ် မေ ၈ ရက် ဧရာဝတီတိုင်း၊ ကြံခင်းမြို့နယ်တွင် စစ်ကောင်စီခန့် ကျေးရွာအုပ်ချုပ်ရေးမှူးက ဒေသခံလူငယ်များကို ခဏလိုက်ခဲ့ပါဟုပြောဆိုပြီး စစ်မှုထမ်းဆောင်ရန် စစ်သင်တန်းသို့ ပို့ဆောင်နေကြောင်း ဒေသခံများထံမှ သိရသည်။ ဒေသခံလူငယ်များကို ပြည်သူ့စစ်မှုထမ်းဆောင်ရန် ပို့ဆောင်နေသည့် စစ်ကောင်စီခန့် ကျေးရွာအုပ်ချုပ်ရေးမှူးမှာ ကွင်းကြီးအုပ်စုမှ ငကျော် (ခ) ဥဦးကျော်ကျော်ဖြစ်ကြောင်း ဒေသခံများကပြောသည်။ “သူ့မှာ အာဏာရှိတယ်၊ လုပ်ပိုင်ခွင့်ရှိတယ်၊ သူလုပ်ချင်ရင် ဘာဖြစ်ဖြစ် လုပ်လို့ရတယ်လို့ အုပ်စုမှာ အမြဲပြောတယ်။ သူခေါ်လို့ မလိုက်ရင် မိသားစုကိုပါ ခြိမ်းခြောက်တယ်” ဟု ကွင်းကြီးအုပ်စုရှိ ဒေသခံတစ်ဦးက ဧရာဝတီတ်ိုင်းမ်ကိုပြောသည်။ ကွင်းကြီးအုပ်စုတွင် ကျေးရွာငါးရွာရှိပြီး အဆိုပါ အုပ်ချုပ်ရေးမှူးသည် ပြည်သူ့စစ်မှုထမ်းအကြောင်းပြ ငွေအမျိုးမျိုးတောင်းယူသည့်အပြင် ငွေထည့်ဝင်သူအချို့ကိုလည်း စစ်မှုထမ်းဆောင်ရန် ထပ်မံခေါ်ယူကြောင်း…

ရုရှားသမ္မတပူတင်က တည်ခင်းသည့် ရင်ပြင်နီ အောင်ပွဲ နှစ် ၈၀ ပြည့် ဂုဏ်ပြုကပွဲနှင့်ညစာစားပွဲတွင် မင်းအောင်လှိုင်ကို နိုင်ငံကြီးများ၏ ခေါင်းဆောင်များနှင့် တစ်တန်း မထိုင်ခိုင်းဘဲ နောက်တန်းတွင် နေရာချထား ရန်ကုန်၊ မေ ၉ . ရုရှားသမ္မတပူတင်က တည်ခင်းသည့် ရင်ပြင်နီ အောင်ပွဲ နှစ် ၈၀ ပြည့် ဂုဏ်ပြုကပွဲနှင့်ညစာစားပွဲတွင် မင်းအောင် လှိုင်ကို နိုင်ငံကြီးများ၏ ခေါင်းဆောင်များနှင့် တစ်တန်းမထိုင်ခိုင်းဘဲ နောက်တန်းတွင် နေရာချထားကြောင်း ရုရှားအစိုးရနှင့် စစ်ကောင်စီက ထုတ်ပြန်သော ဓာတ်ပုံ၊ဗီဒီယိုမှတ်များအရ သိရှိရသည်။ ယမန်နေ့ မေလ ၈ ရက်နေ့ ညပိုင်း ရုရှားသမ္မတ ပူတင်က ရုရှားနိုင်ငံသို့ ရောက်ရှိလာသည့် တရုတ်သမ္မတ ရှီကျင့်ပင် အပါအဝင် နိုင်ငံ့ ခေါင်းဆောင်များကို ဂုဏ်ပြု ညစာ…

အလယ်ပိုင်းတိုင်းစစ်ဌာနချုပ် ဒုတိုင်းမှူး ဗိုလ်မှူးကြီး လင်းနိုင်စိုးနှင့် လက်အောက်ခံများက စစ်မှုထမ်းတပ်သား သစ် အရောင်း အဝယ်လုပ်ခြင်း၊ အကြမ်းဖက်မှုနှင့် နိုင်ငံရေးမှုများဖြင့် အမှုဆင်ဖမ်းဆီး ငွေခြိမ်းခြောက်တောင်းမှုများ လုပ်နေ ရန်ကုန်၊ မေ ၉ မန္တလေး၊ အလယ်ပိုင်းတိုင်းစစ်ဌာနချုပ် ဒုတိယတိုင်းမှူး ဗိုလ်မှူးကြီး လင်းနိုင်စိုး ဦးဆောင်သော အဖွဲ့က လူစားထိုး စစ်မှုထမ်း တပ်သားသစ်များ အရောင်း အဝယ်လုပ်ခြင်း၊ အကြမ်းဖက်မှုနှင့် နိုင်ငံရေးမှုများဖြင့် အမှုဆင်၍ ငွေ ကြေးချမ်းသာသူများကို ဖမ်းဆီး ငွေခြိမ်းခြောက်တောင်းယူခြင်းများ လုပ်ဆောင်လျက်ရှိကြောင်း ဖမ်းဆီး ငွေကြေးညှစ်ခံရသူတချို့နှင့် စစ်မှုထမ်းအဖြစ် ဖမ်းဆီးငွေညှစ်ခံရသူတချို့ထံမှ သိရှိရသည်။ ၂၀၂၄ ခုနှစ် ဩဂုတ်လအတွင်း၊ ကလောမြို့ စစ်ဦးစီးတက္ကသိုလ်မှ ဗိုလ်မှူးကြီး လင်းနိုင်စိုး ကို မန္တလေး နန်းတွင်း အခြေစိုက် အလယ်ပိုင်းတိုင်း စစ်ဌာနချုပ်…

မိတ္ထီလာမြို့နယ်တွင် ရန်ကုန်အဝေးသင် တက္ကသိုလ် သတ္တဗေဒဌာန ကထိက ဒေါ်ဝင်းဝင်းအောင်ကို PDF တပ်ဖွဲ့က ဖမ်းဆီးရမိပြီး စစ်ဆေးမှုများ လုပ်ဆောင်နေ ရန်ကုန်၊ မေ ၈ မန္တလေးတိုင်း၊ မိတ္ထီလာမြို့နယ်တွင် ရန်ကုန်အဝေးသင် တက္ကသိုလ် သတ္တဗေဒဌာန ကထိက ဒေါ်ဝင်းဝင်းအောင်ကို PDF တပ်ဖွဲ့က ဖမ်းဆီးရမိပြီး စစ်ဆေးမှုများ လုပ်ဆောင်နေကြောင်း မြင်းခြံခရိုင် အမှတ် ၄ ၊ အမှတ် ၁၀ တပ်ရင်း နွားထိုးကြီး PDF က ထုတ်ပြန်ထားသည်။ အကြမ်းဖက် စစ်ကောင်စီ၏ ယန္တရားလည်ပတ်စေနိုင်သော လုပ်ငန်းများကို အားသွန်ခွန်စိုက် ကြိုးပမ်းဆောင်ရွက်နေသည့် မန္တလေးနိုင်ငံခြားရေး ဘာသာတက္ကသိုလ် (စီမံ ၊ ဘဏ္ဌ) ဌာနမူး ဦးအောင်ဆန်း၏ ဇနီးဖြစ်သူ ရန်ကုန်အဝေးသင် တက္ကသိုလ် သတ္တဗေဒဌာန ကထိက…

ညီနောင်မဟာမိတ် ၃ ဖွဲ့က တစ်ဖက်သတ် အပစ်ရပ်ထားသော်လည်း စစ်ကောင်စီတပ်က နောင်ချိုကို ထိုးစစ်ဆင်လာ၍ တိုက်ပွဲဖြစ်ပွား ရန်ကုန်၊ မေ ၈ ညီနောင်မဟာမိတ် ၃ ဖွဲ့က တစ်ဖက်သတ် အပစ်ရပ်ထားသော်လည်း အကြမ်းဖက် စစ်ကောင်စီတပ်က ရှမ်းပြည်နယ်၊ နောင်ချိုမြို့နယ်ကို ထိုးစစ်ဆင်လာ၍ တိုက်ပွဲဖြစ်ပွားနေကြောင်း TNLA က ထုတ်ပြန်ထားသည်။ မေလ ၇ ရက် နံနက် ၈ နာရီ ၅၅ မိနစ်ခန့်တွင် အကြမ်းဖက် စစ်ကောင်စီတပ်က တအာင်းတပ်မတော် PSLF/TNLA ရှိရာ တောင်လှကျေးရွာအနီးတဝိုက်ကို ထိုးစစ်ဆင်လာသောကြောင့် တိုက်ပွဲဖြစ်ပွားခဲ့ကြောင်း၊ အလားတူ ယင်းနေ့ မွန်းလွဲ ၁၂ နာရီ ၃၀ မိနစ်ခန့်တွင် တအာင်းတပ်မတော်ရှိရာကို ထိုးစစ်ဆင်လာသည့် အတွက် စစ်ကောင်စီတပ်နှင့် တအာင်းတပ်မတော် PSLF/TNLA…

စစ်မှုထမ်း သင်တန်းဆင်း တပ်သားသစ်များအနက်မှ အခြေခံပညာအထက်တန်းအောင်မြင်သူများကို ဒရုန်းတပ်နှင့် စက်တပ်လေထီးတပ်စုများသို့ ပို့ဆောင်၊ တပ်သားသစ်များကို လက်ရုံးတပ်များ အပါအဝင် နယ်ပယ်အစုံတွင် အသုံးချလာ ရန်ကုန်၊ မေ ၈ အကြမ်းဖက် စစ်ကောင်စီက စစ်မှုထမ်း သင်တန်းဆင်း တပ်သားသစ်များအနက်မှ အခြေခံပညာအထက်တန်းအဆင့် အောင်မြင်ပြီးမြောက်ထားသူများကို ဒရုန်းတပ်နှင့် စက်တပ်လေထီး ပစ်ခတ်သည့် တပ်စုများသို့ ပို့ဆောင်လျက်ရှိကြောင်း အဆိုပါတပ်စုများသို့ ပို့ဆောင်ခံရသည့် စစ်မှုထမ်းတပ်သားတချို့၏ မိဘဆွေမျိုးများက ရန်ကုန်ခေတ်သစ်သတင်းဌာနထံသို့ ပြောဆိုသည်။ အကြမ်းဖက်စစ်ကောင်စီက အသက် ၁၈ နှစ်မှ ၃၅ နှစ်အတွင်း လူငယ်များကို စစ်မှုထမ်းတပ်သားများအဖြစ် လစဉ် စုဆောင်းလျက်ရှိရာတွင် အရွယ်ပေါင်းစုံကို အတင်းအကျပ် ပေါ်တာဆွဲခြင်း၊ ဆင့်ခေါ်ခြင်း လုပ်ဆောင်လျက်ရှိပြီး ယင်းစုဆောင်းခံရသည့် လူငယ်များအနက်မှ အခြေခံပညာအထက်တန်းအဆင့် အောင်မြင်ပြီးသော စစ်မှု ထမ်းသင်တန်းဆင်း တပ်သားသစ်တချို့ကို…

စစ်ကောင်စီ ဒုခေါင်းဆောင် ဒုဗိုလ်ချုပ်မှူးကြီးစိုးဝင်း ပြင်ဦးလွင်ကို ရောက်ရှိနေပြီး အနီးစခန်းလေဆိပ် အကြီးစားပြင်ဆင်မှု လုပ်ငန်းတွေကို ကွပ်ကဲဖို့ဖြစ်နိုင်တယ်လို့ ဒေသ PDF တွေက ပြောပါတယ်။ မေ ၇ ရက် ညနေပိုင်းမှာ စစ်ကောင်စီဒုတိယခေါင်းဆောင်၊ ဒုတိယဗိုလ်ချုပ်မှူးကြီးစိုးဝင်း ပြင်ဦးလွင်ကို ရောက်ရှိလာတယ်လို့ မန္တလေးဒေသခံကာကွယ်ရေးအဖွဲ့တွေက ပြောပါတယ်။ ခရီးစဉ်ရည်ရွယ်ချက်ကို အသေးစိတ်မသိရပေမဲ့ ပြင်ဦးလွင်၊ အနီးစခန်းလေဆိပ်မှာ ပြုလုပ်နေတဲ့ အကြီးစားပြင်ဆင်မှုတွေကို ကွပ်ကဲဖို့နဲ့ စစ်တက္ကသိုလ်တွေကို ဗျူဟာတကျကွပ်ကဲဖို့ ပြင်ဆင်တာ ဖြစ်နိုင်တယ်လို့ ဒေသကာကွယ်ရေးအဖွဲ့တွေက မှတ်ချက်ပေးပါတယ်။ မတ္တရာ PDF တာဝန်ရှိသူတယောက်ဖြစ်တဲ့ ဦးတိုးက “ပြင်ဦးလွင်ကို မနေ့ကညနေ ၃ နာရီကျော်ကျော်လောက်မှာ စိုးဝင်းရောက်နေတယ်။ နောက် မအလ ဆက်ရောက်ဖို့ရှိတယ်။ ဘယ်နေ့ရောက်မလဲမသိဘူး။ ရုရှားအပြန်မှ ရောက်မလားတော့ မသိဘူး။ ပြင်ဦးလွင်ကို ဘာလုပ်ဖို့လာလဲဆိုတော့ အဲဒီဟာကို…