Author: admin

စစ်ကောင်စီရဲ့ နယ်မြေစွန့်လွှတ်ရမှုတွေ များလာတဲ့အလျှောက် စစ်ကောင်စီလက်အောက်က Non- CDM ဝန်ထမ်းတွေအနေနဲ့ စိုးရိမ်မှုတွေမြင့်တက်နေပြီး အလုပ်ထွက်စာတင်တာတွေ လုံခြုံတဲ့နေရာ ပြောင်းရွှေ့နေထိုင်တာတွေ လုပ်ဆောင်နေကြတယ်လို့ ဝန်ထမ်းတွေဆီကနေ သိရပါတယ်။ လတ်တလော တော်လှန်ရေးအင်အားစုတွေဘက်က နယ်မြေ စိုးမိုးမှုအသာစီးရလာနေပြီး သိမ်းပိုက်ရရှိတဲ့နေရာတွေက Non CDM ဝန်ထမ်းတွေရဲ့ နေအိမ်တွေ ရှာဖွေသိမ်းဆည်းခံရတာနဲ့ အဝေးပြေးလမ်းမတွေပေါ် ဖြတ်သန်းသွားလာနေတဲ့ Non CDM ဝန်ထမ်းတွေ ဖမ်းဆီးခံရတာတွေကြောင့် ဝန်ထမ်းတွေအကြား စိုးရိမ်မှုတွေ မြင့်တက်နေတာလို့ စည်ပင်ရုံး ဝန်ထမ်းတယောက်က ပြောပါတယ်။ “အခု ဝန်ထမ်းတွေကြားမှာ စိုးရိမ်နေတာက ဒီ စစ်တပ်က ရှုံးသွားခဲ့ရင် ငါတို့ ဘယ်လို လုပ်ကြမလဲပေါ့၊ လားရှိုးတို့ မိုးကုတ်မှာ ဝန်ထမ်းတွေ ထွက်ပြေးရတာ ဝန်ထမ်းတွေရဲ့ ပစ္စည်းတွေ အသိမ်းခံရတာတွေ ရှိတယ်လေ။ အခုဆို CDM…

စစ်ကိုင်းတိုင်းထဲမှာ ရုံးဖွင့်ပြီး ဝန်ကြီး၊ ဒုဝန်ကြီးတွေ အလုပ်လုပ်မယ်လို့ NUG ပြည်ထဲရေးဝန်ကြီး ပြောကြား ဇန်နဝါရီ ၁၃ ရက် အမျိုးသားညီညွတ်ရေးအစိုးရ (NUG) အဖွဲ့ဝင် ဝန်ကြီးများ၊ ဒုဝန်ကြီးများကို စုစည်းကာ ယခုလ (ဇန်နဝါရီလ) အတွင်း စစ်ကိုင်းတိုင်းအတွင်းရှိ လွတ်မြောက်နယ်မြေများတွင် အစိုးရရုံးများ ဖွင့်လှစ်သွားနိုင်ရန် စီစဉ်နေပြီး မြေပြင် အုပ်ချုပ်ရေး ယန္တရားများ ဖော်ဆောင်သွားမည်ဟု NUG ပြည်ထဲရေးဝန်ကြီးဌာန ဝန်ကြီး ဦးလွင်ကိုလတ်က Myanmar Now ကိုပြောသည်။ “သိပ်မကြာခင်မှာ စစ်ကိုင်းတိုင်းမှာ NUG အစိုးရအဖွဲ့ဝင် ဝန်ကြီးတွေ၊ ဒုဝန်ကြီးတွေ၊အတွင်းဝန် တွေ၊ နောက်ပြီးတော့ တိုင်းဦးစီးတွေ ၊ ဒုတိုင်း ဦးစီးတွေ စုစည်းပြီးတော့ အလုပ်လုပ်နိုင် တဲ့ ကိစ္စတစ်ခုကို ကျွန်တော်တို့ အခု ဇန်နဝါရီမှာ…

ရန်ကုန်မြို့ ၊ မြောက်ဥက္ကလာရှိ ပြည်သူပိုင် မီးတားကွင်းမြေကွက်များ၊ ချောင်းကမ်းနှင့် ဆက်စပ်နေသော မြေကွက်များ၊ ဥယျာဉ် မြေကွက်များကို စစ်ဗျူဟာမှူး ဗိုလ်မှူးကြီး ထွန်းထွန်းဝင်းနှင့် ထိပ်တန်းအရာရှိများထံသို့ သိန်းရာချီ လာဘ်ထိုး၍ ရောင်းစား ရန်ကုန်၊ ဇန်နဝါရီ ၁၄ ရန်ကုန်တိုင်း၊ မြောက်ဥက္ကလာပမြို့နယ်တွင် မီးတားကွင်းမြေကွက်များ၊ ချောင်းကမ်းနှင့် ဆက်စပ်နေသော မြေကွက်များကို စစ်ဗျူဟာမှူး ဗိုလ်မှူးကြီး ထွန်းထွန်းဝင်းနှင့် ထိပ်တန်းအရာရှိများကို သိန်းရာချီ လာဘ်ထိုး၍ ရောင်းစားမှု ဖြစ်ပွားနေကြောင်း ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ရန်ကုန်တိုင်းတွင် စစ်ဒေသမှူးအဖြစ် တာဝန်ယူထားသော တပ်မ ၂ ၊ နည်းဗျူဟာ ၃ မှ ဗျူဟာမှူး ဗိုလ်မှူးကြီးထွန်းထွန်းဝင်းထံသို့ မြောက်ဥက္ကလာမြို့နယ် မြို့နယ်အုပ်ချုပ်ရေးမှူး အောင်လောဟာကို၊ မြို့နယ်စီမံအုပ်ချုပ်ရေးအဖွဲ့ဝင် ၁ ဗိုလ်မှူး ချမ်းမြေ့ဝင်းတို့ထံသို့…

မကျီးဇင်ရှိ စစ်ကောင်စီတပ်ဖွဲ့ဝင်အချို့ တပ်စခန်းများကို စွန့်ခွါထွက်ပြေး ဧရာဝတီတိုင်းမ် ဇန်နဝါရီ ၁၃ရက် ဧရာဝတီတိုင်း၊ ပုသိမ်မြို့နယ်၊ ရွှေသောင်ယံမြို့၊ မကျီးဇင်ကျေးရွာမှ စစ်ကောင်စီတပ်ဖွဲ့ဝင်များ စခန်းစွန့်ခွါကာ ထွက်ပြေးမှုများရှိကြောင်း သိရသည်။ ပြီးခဲ့သည့် ဇန်နဝါရီ ၉ ရက်နေ့တွင် မကျီးဇင်ကျေးရွာရှိ စစ်စခန်းများကို AA ကသိမ်းပိုက်ပြီးနောက် စစ်ကောင်စီတပ်သားအချို့ စခန်းစွန့်ခွါထွက်ပြေးမှုများရှိကြောင်း သိရသည်။ “တပ်ပြေးတွေကတော့ရှိတယ်။ တွေ့ရာလမ်းကနေပြေးပြီး ကျေးရွာထဲကနေ ထမင်း၊ ဟင်းတောင်းစားကြတယ်တဲ့။ အန္တရာယ်တော့မပြုဘူး။ သူတို့ဘာသာကိုနယ်မြေမကျွမ်းလို့ ပြန်အဖမ်းခံရတာတွေရှိတယ်။ AAကမိသွားတာတွေလည်းရှိတယ်” ဟု ဧရာဝတီသတင်းရင်းမြစ်က ဧရာဝတီတိုင်းမ်ကို ပြောသည်။ ထွက်ပြေးကြသည့် စစ်ကောင်စီတပ်ဖွဲ့ဝင်အများစုမှာ စစ်မှုထမ်းဥပဒေဖြင့် သင်တန်းပေးပြီး အတင်းအကြပ်ခေါ်ဆောင်ခံထားရသည့် လူငယ်အများစုဖြစ်ကြောင်း သိရသည်။ AAက မကျီးဇင်တိုက်နယ်ဆေးရုံကို သိမ်းပိုက်ပြီးနောက် စစ်ကောင်စီတပ်ဖွဲ့ဝင် ၁၁ဦးထွက်ပြေးရာ ကိုးဦးကို အရှင်ဖမ်းမိပြီး နှစ်ဦးကို အသေဖမ်းဆီးရမိခဲ့ကြောင်း…

ငဖဲတွင် ခံစစ်ပြင်နေသည့် စစ်တပ်ကို AAနှင့်မဟာမိတ်များဝင်တိုက်ပြီး တိုက်ပွဲပြင်းထန်း​နေ တာရာ/People’s Spring မကွေးတိုင်း၊ ငဖဲမြို့နယ် ၊ အမ်း-ပဒါန်းလမ်းပိုင်းရှိ ဂုတ်ကြီးရွာအနီးတွင်စစ်ကောင်စီတပ်နှင့် AAအပါအဝင် မဟာမိတ်တပ်များတို့ကြား တိုက်ပွဲပြင်းထန်နေပြီး စစ်ကောင်စီတပ်က လေကြောင်းမှ ဗုံးဆက်တိုက်ကြဲ၍ စခန်းမကျ​အောင် ခုခံနေကြောင်း ဒေသခံများကပြောသည်။ ရခိုင်ပြည်နယ် နှင့် မကွေးတိုင်းကိုဆက်သွယ်ထားသည့် အမ်း-ပဒါန်းလမ်းရှိ ရိုးမတောင်ကြားလမ်းတွင် ဇန်နဝါရီ ၁၃ ရက်​နေ့မနက်ပိုင်းကစ၍ တိုက်ပွဲဖြစ်ပွားနေခြင်းဖြစ်သည်ဟုလည်း ဒေသခံတစ်ဦးကပြောသည်။ “မနေ့ကတည်းက စကစဘက်က မင်းဘူး တပ်မ (၈၈ )ထဲကနေ လက်နက်ကြီးနဲ့ လူတွေ ကားအစီး ၂၀ လောက်နဲ့ စစ်ကူပို့နေတာပါ။ ဒီနေ့မနက်ပိုင်းမှာတော့ လေကြောင်းက တောက်လျောက်ဗုံးကျဲနေတယ်”ဟု ၎င်းကဆက်​ပြောသည်။ AA နှင့် မဟာမိတ်တပ်များက ဇန်နဝါရီ ၅ ရက်တွင် တောင်ဇောက်ရွာရှိ တရုတ်သဘာဝဓာတ်ငွေ့ပိုက်လိုင်း…

တောင်ခမ်းကိုစစ်ကူပေးရန် စစ်ကြောင်းထိုးလာသည့် စစ်ကောင်စီတပ် ၆၀ ခန့်သေဆုံး ဧရာဝတီတိုင်းမ် ဇန်နဝါရီ ၁၃ ရက် ရှမ်းမြောက်၊ နောင်ချိုမြို့နယ်၊ တောင်ခမ်းကျေးရွာရှိ စစ်ကောင်စီ၏ အမြောက်တပ်သို့ လာရောက် စစ်ကူပေးသည့် စစ်ကြောင်း တိုက်ခိုက်ခံရပြီး စစ်ကောင်စီတပ်ဖွဲ့ဝင် ၆၀ ခန့်သေဆုံးသွားကြောင်း သိရသည်။ တောင်ခမ်း အမြောက်တပ် အမတ ၃၄၉ ဘက်သို့ တော်လှန်ရေးတပ်ဖွဲ့များ မကပ်ရောက်နိုင်စေရေးအတွက် ကျောက်ဂူဘက်မှ ကာပစ်ရန် စစ်ကြောင်းထိုးလာသည့် စစ်ကောင်စီတပ် တိုက်ခိုက်ခံရပြီး ပြီးခဲ့သည့် ဇန်နဝါရီ ၉ ရက်နေ့မှ ယမန်နေ့ ဇန်နဝါရီ ၁၂ ရက်နေ့အထိ လေးရက်အတွင်း စစ်ကောင်စီတပ်ဖွဲ့ဝင် ၆၀ ခန့်သေဆုံးသွားကြောင်း တပ်သတင်းရင်းမြစ်ထံက သိရသည်။ “ပို့လိုက်တဲ့ စစ်ကူစစ်ကြောင်း ကြားဖြတ်တိုက်ခံရတာ ၆၀ လောက်သေတယ်။ တိုက်ပွဲက ရှမ်းတောင်…

ရန်ကုန်တွင် ရခိုင်လူငယ်များ ဆက်တိုက် ဖမ်းဆီးခံရမှု ရခိုင်လူမျိုး ဒုဝန်ကြီး ဇော်အေးမောင် ပါဝင်ပတ်သက်နေ ရန်ကုန်| ဇန်နဝါရီ ၁၂ ရန်ကုန်တိုင်းမြို့နယ်အချို့တွင် စစ်ကောင်စီက ရခိုင်လူငယ်များကို အကြောင်းအမျိုးမျိုးပြ ဖမ်းဆီးလျက်ရှိနေပြီး ပြည် ထောင်စု အဆင့် တိုင်းရင်းသားလူမျိုးများရေးရာ ဒုတိယဝန်ကြီး ဇော်အေးမောင်လည်း တိုက်ရိုက် ပါဝင်ပတ်သက်နေကြောင်း ဖမ်းဆီးခံရသည့် လူငယ်များ၏ မိသားစုဝင်များနှင့် စောင့်ကြည့်နေသူများက ပြောသည်။ ဇော်အေးမောင်သည် အာဏာသိမ်း စစ်ကောင်စီ၏ ဝန်ကြီးအဖွဲ့မှာ တာဝန်ထမ်းဆောင်နေပြီး ရန်ကုန်တိုင်းအတွင်း ရခိုင်လူငယ်များအား ဖမ်းဆီးရာတွင် ကိုယ်တိုင် တိုက်ရိုက်ညွှန်ကြားသည့် နေရာက ပါဝင်နေသည်ဟု ၎င်းတို့က ပြောဆိုကြခြင်းဖြစ်သည်။ ပြီးခဲ့သည့် ၂၀၂၄ ခုနှစ် ဒီဇင်ဘာနှင့် ယခုနှစ် ဇန်နဝါရီလများတွင် ရန်ကုန်တိုင်း မရမ်းကုန်း၊ လှိုင်သာ၊ ရွှေပြည်သာ၊ တောင်ဒဂုံ၊ မြောက်ဒဂုံ၊…

တောင်သာ နှစ်ရက်ဆက် တိုက်ပွဲအတွင်း စစ်အုပ်စုနဲ့ပျူ ၃၀ နီးပါးသေဆုံး MFP၊ ဇန်နဝါရီ – ၁၃ မန္တလေးတိုင်း၊ တောင်သာမြို့နယ်မှာ နှစ်ရက်ဆက် ဖြစ်ပွားခဲ့တဲ့ တိုက်ပွဲအတွင်း စစ်အုပ်စုနဲ့ ပျူစောထီး ၃၀ ခန့် သေဆုံးခဲ့တယ်လို့ မြင်းခြံခရိုင် တပ်ရင်း အမှတ် (၃)က MFP ကို ပြောပါတယ်။ တောင်သာမြို့စွပ်ကျယ်စက်ရုံမှာ တပ်စွဲထားတဲ့ စစ်အုပ်စုအင်အား ၃၀ ပါ စစ်ကြောင်းနဲ့ သီတာယုမွန်ဦးဆောင်တဲ့ ပျူစောထီး ၁၀၀ န့်ဟာ ဇန်နဝါရီလ ၁၁ရက် မနက်အစောပိုင်းမှာ တောင်သာမြို့ကို ခြေလျင်စစ်ကြောင်းထိုးဖို့ ရောက် ရှိလာတာကြောင့် တော်လှန်ရေးပူးပေါင်းတပ်က ဒရုန်းတွေနဲ့ အနီးကပ်တိုက်ခိုက်ခဲ့ရာ စစ်အုပ်စုနဲ့ ပျူစော ထီး ခုနစ်ဦးခန့်သေဆုံးခဲ့တယ်လို့ ဆိုပါတယ်။ “ဒရုန်းတိုက်ခိုက်မှုနဲ့အနီးကပ် battle. (တိုက်ပွဲ)…

ပန်းတောင်းသို့ စစ်ကောင်စီ စစ်အင်အားဖြည့်၊ စက်လေထီးဝဲပျံ ကင်းထောက် ရွှေနွယ် မဇ္ဈိမ။ ။ ပဲခူးတိုင်း ၊ ပြည်ခရိုင်၊ ပန်းတောင်းမြို့သို့ ဇန်နဝါရီလ ဒုတိယပတ်အတွင်း စစ်ကောင်စီတပ်က အင်အားဖြည့်တင်းမှုများလုပ်ဆောင်နေပြီး မြို့ကောင်းကင်ယံ၌လည်း စက်လေထီးများဝဲပျံကင်းထောက်မှုများရှိနေကြောင်း ဒေသခံများနှင့် ဒေသတွင်း ကာကွယ်ရေးတပ်ဖွဲ့ဝင်များက ပြောသည်။ ပန်းတောင်းမြို့သည် အာရက္ခတပ်တော်( AA) သိမ်းပိုက်ထားသည့် ရခိုင်ပြည်နယ်၊ တောင်ကုတ်မြို့နှင့်နယ်နိမိတ်ချင်းထိစပ်ရာမြို့ဖြစ်ပြီး စစ်လက်နက်ပစ္စည်းထုတ်စက်ရုံ (ကပစ) များ တည်ရှိရာမြို့လည်း ဖြစ်သည်။ ပြီးခဲ့သည့် ဇန်နဝါရီ ၁၀ ရက်ခန့်မှ စတင်ကာ ယနေ့ ဇန်နဝါရီလ ၁၃ ရက်အထိ နေ့စဥ် စက်တပ်လေထီးများဝဲပျံကင်းထောက်မှုများရှိနေကြောင်းလည်း ပန်းတောင်းဒေသခံများ၏ သတင်းပေးပို့ချက်ကို ကိုးကား၍ ပြည်ခရိုင် ပြည်သူ့ကာကွယ်ရေး တပ်ရင်းအမှတ် (၃၆၀၂) တပ်ဖွဲ့ဝင်ကလည်း ပြောသည်။ “စက်တပ်လေထီးတွေကတော့ တောက်လျှောက်ပျံနေတယ်။…

ကျိုက်မရော၊ ကဒါကျေးရွာ ရဲစခန်းနှင့် တောင်ကလေးကျေးရွာ ရဲစခန်းတို့ကို ဒရုန်းနှင့် တိုက်ခိုက်မှု စစ်သား ၆ ဦး သေ ၅ ဦး ဒဏ်ရာရ ရန်ကုန်၊ ဇန်နဝါရီ ၁၃ မွန်ပြည်နယ် ကျိုက်မရောမြို့နယ် ကဒါကျေးရွာ ရဲစခန်းနှင့် တောင်ကလေးကျေးရွာရဲစခန်းတို့ကို ဒရုန်းဖြင့် တိုက်ခိုက်ခဲ့ပြီး အကြမ်းဖက်စစ်ကောင်စီဝင် ၆ ဦးသေဆုံးကာ ၅ ဦးထိခိုက်ဒဏ်ရာရရှိခဲ့ကြောင်း မွန်ပြည်သစ်ပါတီ(AD) တပ်ထံမှ သိရှိရသည်။ ဇန်နဝါရီလ ၁၀ ရက်နေ့ အကြမ်းဖက်စစ်သား များနေရာယူထားသည့် ကဒါကျေးရွာ ရဲစခန်းအတွင်း NMSP-AD တပ်၏ ဒရုန်းတပ်ဖွဲ့က ဒရုန်းဖြင့် တိုက်ခိုက်ခဲ့ရာ အကြမ်းဖက်စစ်သား ၅ ဦးသေဆုံးကာ ၄ ဦး ဒဏ်ရာရရှိခဲ့ခြင်း ဖြစ်ကြောင်း သိရှိရသည်။ ထို့ပြင် ဇန်နဝါရီလ ၁၂…