MYIA MM

Updated 11:22 AM, Jan 20, 2025 ရန်ကုန်-ပုသိမ်လမ်းမမှာ ရခိုင်ပြည်နယ်မှတ်ပုံတင် ကိုင်ဆောင်တဲ့ ခရီးသည်တွေ ပိုစစ်ဆေးခံနေရ ~~~ ■ ရန်ကုန်-ပုသိမ်လမ်းမပေါ်မှာ ရခိုင်ပြည်နယ်မှတ်ပုံတင် ကိုင်ဆောင်ထားတဲ့ ခရီးသည်တွေကို စစ်ကောင်စီတပ် ဂိတ်စခန်းတွေကနေ ဇန်နဝါရီအစကတည်းက တင်းတင်းကျပ်ကျပ် စစ်ဆေးတာတွေ ရှိလာတယ်လို့ ဒေသခံတွေက RFA ကို ပြောပါတယ်။ ဧရာဝတီတိုင်းနဲ့ ရခိုင်ပြည်နယ်အစပ်က မကျီးဇင်ရွာ ရဲကင်းစခန်းနဲ့ စစ်ကောင်စီတပ် ကင်းစခန်းတွေကို အာရက္ခတပ်တော် (AA) နဲ့ ပူးပေါင်းတပ်တွေက တိုက်ခိုက်သိမ်းပိုက်ပြီးနောက် ရခိုင်ပြည်နယ်မှတ်ပုံတင် ကိုင်ဆောင်တဲ့ သက်လတ်ပိုင်းအရွယ် အမျိုးသားတွေကို စစ်ဆေးတာတွေ ပိုများလာတယ်လို့ ဆိုပါတယ်။ ဧရာဝတီတိုင်းရဲ့ မြို့အဝင် မြို့အထွက် စစ်ဆေးရေးဂိတ်တွေမှာ ရခိုင်ပြည်နဲ့ တနင်္သာရီမှတ်ပုံတင် ကိုင်ဆောင်ထားသူတွေကို အဓိက စစ်ဆေးနေတာလို့ လုံခြုံရေးအရ…

ဘောမိတိုက်ပွဲထွက်​ပြေးစစ်သားများ စစ်တပ်ထံမပြန်ဘဲ ဆက်လက်ထွက်​ပြေး ကဖေး/People’s Spring ရွှေသောင်ယံမြို့နယ်၊ဘောမိရွာမှ ထွက်ပြေးလာသည့် စစ်ကောင်စီတပ်ဖွဲ့ဝင်များသည် စစ်​တပ်ထံ ပြန်မပေါင်းဘဲဒေသခံများ၏အဝတ်အစားများ ကိုယူဆောင်ဝတ်ဆင်၍ တောတောင်များအတွင်း ထွက်ပြေးနေကြသည်။ “ဒေသခံတွေဆီကနေ အဝတ်အစားတွေ အတင်းတောင်းတယ်။ထမင်းတောင်းစားတယ်။ သူတို့ ပြေးချင်လို့ပါဆိုပြီး ပြေးကြတာ။ အသက် ငယ်ငယ်တွေရော၊ အသက်ကြီးကြီးတွေရော။ ဒါပေမယ့် ပြန်မိခံရတယ်”ဟု ဒေသခံတစ်ဦးကပြော သည်။ စစ်ကောင်စီက အင်အား ၅၀၀ ခန့်ဖြင့် ​ကြည်း​ရေ​လေခံစစ်ပြင်ထားသော ရွှေသောင်ယံမြို့ပေါ်နှင့် ၁၅မိုင်ခန့်ဝေးသော ဘောမိရွာတွင် ဇန်နဝါရီလ ၁၆ ရက်နေ့ညက တိုက်ပွဲအပြင်းအထန်ဖြစ်ခဲ့ပြီး စစ်ကောင်စီတပ်ထွက်ပြေးခဲ့ရသည်။ အင်အား ၁၀၀ ခန့်သာ ရွှေ သောင်ယံမြို့ပေါ်ရှိစစ်တပ်ရိပ်သာတို့ ပြန်လည်ရောက်ရှိလာပြီး အ များစုသည်ပျောက်ဆုံးနေသည်။ တိုက်ပွဲအတွင်းသေဆုံးသည့် ‌အရေအတွက်နှင့် ထွက်ပြေးနေသည့်အရေအတွက်ကို မသိရှိရသေးပေ။ “ကျွဲတွေနွားတွေလိုပဲ လှုပ်လှုပ်လှုပ်လှုပ်နဲ့ တပ်နဲ့ဝေးရာဘက် သွားနေကြတာ။…

မန္တလေးမှာ စစ်အုပ်စုက ရပ်ရွာလုံခြုံရေးလို့ ခေါ်တဲ့ အပြာယူနီဖောင်းဝတ် အဖွဲ့တွေ ဖွဲ့စည်း၊ စစ်မှုထမ်းဟောင်းတွေကို ပြန်ခန့်ပြီး လက်နက်မပေးဘဲ ပြည်သူကို ဖမ်းဆီးစစ်ဆေး ငွေညှစ်ရာမှာ အသုံးချ၊ ဇူဇူး/MFP၊ ဇန်နဝါရီ – ၁၈ မန္တလေးမြိုပေါ် ရပ်ကွက်တွေမှာ စစ်အုပ်စုက ရပ်ရွာလုံခြုံရေး – ရလဖ ခေါ် အပြာရောင် ယူနီဖောင်းဝတ် အဖွဲ့တွေ ဖွဲ့စည်းနေပြီး မြို့ပေါ် ရပ်ကွက်အများစုမှာ အဲ့ဒီအဖွဲ့တွေ ဖွဲ့စည်းထားပြီး ဖြစ်တယ်လို့ မြို့ခံတွေက MFP ကို ပြောပါတယ်။ အဲ့ဒီ ရပ်ရွာလုံခြုံရေး – ရလဖ ခေါ် အပြာရောင် ယူနီဖောင်းဝတ် အဖွဲ့တွေမှာ စစ်မှုထမ်းဟောင်းတွေကို ပြန်လည် ခန့်ထား အသုံးပြုတာ တွေ့ရသလို မီးသတ်ဟောင်း၊ စည်ပင်ဝန်ထမ်းဟာင်းတွေလည်း ပါဝင်ပြီး လက်ရှိမှာတော့…

ရွှေသောင်ယံ၊ ဘောမိရွာ တိုက်ပွဲတွင် ဒဏ်ရာရရှိခဲ့သော စစ်သား ၆၀ ခန့်ကို လျှပ်စစ်မီးဖြတ်၍ ပုသိမ် နတခ နှင့် မဆရ ၄ သို့ ပို့ဆောင် ၊ သာပေါင်းတွင် စစ်သား ၁၇ ဦး ထွက်ပြေးသွား ရန်ကုန်၊ ဇန်နဝါရီ ၂၀ ဧရာဝတီတိုင်း၊ ပုသိမ်မြို့နယ်၊ ရွှေသောင်ယံမြို့ ၊ ဘောမိရွာ တိုက်ပွဲတွင် ဒဏ်ရာရရှိခဲ့သော အကြမ်းဖက် စစ်သား ၆၀ ခန့်ကို လျှပ်စစ်မီးဖြတ်တောက်၍ ပုသိမ် နတခ နှင့် မဆရ ၄ သို့ ပို့ဆောင်ခဲ့ကြောင်း ပုသိမ် သတင်းအထူးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇန်နဝါရီလ ၁၈ ရက်နေ့ ညပိုင်း ရွှေသောင်ယံမြို့၊…

ကပစ(၂၁)ကို တိုက်ခိုက်​သောရုပ်သံ BWM ထုတ်ပြန် သတိုး၊ကျော်ဇော/People’s Spring မကွေးတိုင်း၊ ဆိတ်ဖြူအခြေစိုက် စစ်ကောင်စီလေတပ်သုံး ဗုံးသီးများထုတ်လုပ်သည့် ကာ ကွယ်ရေးပစ္စည်းစက်ရုံ(ကပစ -၂၁)ကို ၁၀၇ မမရှော့တိုက်ဒုံးရှစ်လုံးဖြင့် ပစ်ခတ်တိုက်ခိုက်ခဲ့​သောရုပ်သံမှတ်တမ်းကို Brave Warriors for Myanmar (BWM)က ထုတ်ပြန်သည်။ “ထိခိုက်မှုအတော်များတယ်လို့သိရပါတယ်။ အသေးစိတ်အတိအကျကို အတည်ပြုနိုင်အောင်ကြိုးစားနေပြီး ရရင်ထပ်ကြေညာပေးပါ့မယ်။ “ဟု Brave Warriors for Myanmar (BWM)မှ တာဝန်ရှိသူတစ်ဦးက လူထုနွေဦးသို့ ပြောသည်။ ဇန်နဝါရီ ၁၈ ရက်ညနေ ၄ နာရီခွဲအချိန်ကစ၍ လေတပ်သုံးဗုံးများ ထုတ်လုပ်သည့် ကပစ(၂၁)ကို ၁၀၇ မမ ရှော့တိုက်ဒုံးရှစ်လုံးဖြင့် တိုက်ခိုက်ခဲ့ရာ ခုနစ်လုံးကို အောင်မြင်စွာ ပစ်ခတ်နိုင်ခဲ့ကြောင်း BWM က အသိပေးသည်။ ဒုံးတိုက်ခိုက်မှုအတွင်း စစ်ကောင်စီ၏…

မင်းအောင်လှိုင်သား၊ချွေးမနှင့်သမီးတို့က Bebee TV နှင့် Show Like Application တို့ကို ထူထောင်လိုက်ပြီး လူထုကို ဝါဒဖြန့် အဆိပ်ခပ်ရန် ရည် ရွယ် 🟥ဝတ်မှုန်ရွှေရည်၊ ခင်ပွန်း နိုင်ဖြိုးကျော်၊ စင်ရော်မောင်မောင် သားအဖတို့က အကျိုးတူ ပူးပေါင်းပါဝင် By ငြိမ်းဒေဝီခင် မင်းအောင်လှိုင်သား၊ချွေးမနှင့်သမီးတို့က Bebee TV နှင့် Show Like Application တို့ကို ထူထောင်မိတ်ဆက်ပြီး မြန်မာ့ရုပ်ရှင်နှင့် အနုပညာ ဖျော်ဖြေရေး စျေးကွက်ထဲသို့ နည်းလမ်းမျိုးစုံဖြင့် ပြန်လည် ဝင်ရောက်လာသည်။ စစ်အာဏာသိမ်း အကြမ်းဖက် ဖခင် ကြောင့် မြန်မာ့ စီးပွားရေးနယ်ပယ်အသီးသီးတွင် လက်ဝါးကြီးအုပ် လုပ်ပိုင်ခွင့် ရရှိနေသော မင်းအောင်လှိုင်၏ သား အောင်ပြည့်စုံ၊ ချွေးမ မျိုးရတနာထိုက်၊ သမီး ခင်သီရိသက်မွန်တို့က…

တာယာနှင့် ကျွတ် အများအပြားထုတ်နိုင်လျှင်စီး ပွား​ရေးဖွံ့ဖြိုးနိုင်ဟုအာဏာသိမ်း​ခေါင်း​ဆောင်ဆို ■ပြည်တွင်း၌ ဂျုံပြတ်လပ်​နေ၊ လက်ဖက်ရည်ဆိုင်အချို့ အီကြာ​ကွေး၊ ပလာတာ အ​ရောင်းရပ် ရဲခေါင်/People’s Spring တာယာ နှင့် ကျွတ် အများအပြားထုတ်လုပ်ရန် အားပေးဆောင်ရွက်နိုင်မည်ဆိုပါက နိုင်ငံ့စီးပွားဖွံ့ဖြိုးတိုးတက်မှုကိုများစွာအထောက်အကူပြုမည်ဟု အာဏာသိမ်း​ခေါင်း​​ဆောင် မင်းအောင်လှိုင်က ပြောသည်။ ဇန်နဝါရီ ၁၇ ရက်နံနက်ပိုင်းက နေပြည်တော် တွင်ပြုလုပ်သည့် ပြည်ထောင်စုအစိုးရအဖွဲ့အစည်း အဝေးတွင် ၎င်းကပြောခြင်းဖြစ်သည်။ “MSME လုပ်ငန်းမှာ စက်မှုကုန်ကြမ်းသိီးနှံများဖြစ်တဲ့ ဝါ၊ရော်ဘာ နဲ့ ကော်ဖီ သီးနှံများကို အရည်အသွေးပြည့်မီသည့် ကုန်ချောများဖြစ်အောင် ပြောကြားခဲ့ပြီး ဖြစ်ကြောင်း၊ရော်ဘာနဲ့ပတ်သက်၍ မိမိတို့နိုင်ငံမှာကုန် ကြမ်းများအလုံ အလောက်ထွက်ရှိပြီးဖြစ်သ၍ နည်းပညာ နှင့်အရင်းအနှီးကြီးမားစွာဆောင်ရွက်ရန်မလိုသည့် စက်ဘီး၊ဆိုင်ကယ်တို့မှာအသုံးပြုသည့် တာယာ နှင့်ကျွတ်များအများအပြားထုတ်လုပ်နိုင်ရန် အားပေးဆောင်ရွက်နိုင်မည်ဆိုပါက နိုင်ငံ့စီးပွားဖွံ့ဖြိုးတိုးတက် မှုကိုများစွာအထောက်အကူပြုမည်ဖြစ်ကြောင်း၊သက် ဆိုင်ရာဝန်ကြီးဌာနများ နှင့် တိုင်းနှင့်ပြည်နယ်အနေဖြင့် အရည်အသွေး…

ရွေးကောက်ပွဲဦးစားမပေးဘဲ အပစ်ရပ်ပြီး ဆွေးနွေးပွဲစတင်ဖို့ စစ်ကောင်စီကို အာဆီယံတိုက်တွန်း ~~~ ■ စစ်ကောင်စီအနေနဲ့ ရွေးကောက်ပွဲကို ဦးစားမပေးဘဲ ချက်ချင်းအပစ်အခတ်ရပ်ပြီး တွေ့ဆုံဆွေးနွေးပွဲတွေ စတင်ဖို့ အာဆီယံအဖွဲ့ဝင်နိုင်ငံတွေက စစ်ကောင်စီကို ဇန်နဝါရီလ ၁၉ ရက်နေ့ တိုက်တွန်းပြောဆိုလိုက်တယ်လို့ ရိုက်တာစ်သတင်းမှာ ဖော်ပြထားပါတယ်။ အဲဒီအပြင် လူသားချင်းစာနာမှု အကူအညီပေးခွင့်တွေ ဖွင့်ပေးဖို့ကိုလည်း စစ်ကောင်စီရဲ့ ကိုယ်စားလှယ်ကို ပြောလိုက်တယ်လို့ မလေးရှားနိုင်ငံခြားရေးဝန်ကြီး မိုဟာမက် ဟာဆန်က ပြောပါတယ်။ မလေးရှားနိုင်ငံ လန်ကာဝီကျွန်းက အာဆီယံနိုင်ငံခြားရေးဝန်ကြီးများ အစည်းအဝေးအပြီးမှာကျင်းပတဲ့ သတင်းစာရှင်းလင်းပွဲမှာ ပြောလိုက်တာပါ။ မြန်မာနိုင်ငံမှာ အရပ်သားတွေ၊ အရပ်ဘက်အဆောက်အအုံတွေ အကြမ်းဖက်တိုက်ခိုက်ခံနေရတာကို ပြစ်တင်ရှုတ်ချတယ်လို့လည်း အစည်းအဝေးအပြီး ထုတ်ပြန်တဲ့ ကြေညာချက်မှာ ဖော်ပြထားပါတယ်။ ဒါကြောင့် စိတ်ရှည်သည်းခံဖို့၊ အကြမ်းဖက်မှုတွေရပ်ဖို့၊ အရပ်သားတွေကို ကာကွယ်ပေးဖို့ အဖွဲ့အားလုံးကို တိုက်တွန်းတယ်လို့လည်း ဖော်ပြထားပါတယ်။…

စစ်ကောင်စီကိုတိုက်ခိုက်ရန် မွန်တပ်ဖွဲ့လေးခုပူးပေါင်းပြီး ရာမညပူးတွဲစစ်ကြောင်း ဖွဲ့စည်း ▪️မွန်ပြည်နယ်အနှံ့ စစ်ရေးလှုပ်ရှားရန် စီမံထားပြီး KNLA၊PDFများနှင့် လက်တွဲတိုက်ပွဲဝင်မည်ဟု အသိပေး ဟန်နွေ/People’s Spring မွန်ပြည်နယ်အနှံ့ရှိ စစ်ကောင်စီတပ်အားတိုက်ခိုက်ရန် မွန်တော်လှန်ရေးတပ်ဖွဲ့ ၄ခုပူးပေါင်းပြီး ရာမညပူးတွဲစစ်ကြောင်း ဖွဲ့စည်းလိုက်ကြောင်း အဆိုပါ စစ်ကြောင်းပြောရေးဆိုခွင့်ရှိသူ ဒေါက်တာသီရိမွန်ချမ်းက ပြောသည်။ ဇန်နဝါရီ ၁၇ရက်က မွန်ပြည်လွတ်မြောက်ရေးတပ်တော်(MLA)၊ မွန်အမျိုးသားလွတ်မြောက်ရေးတပ်မတော်(MNLA-AD)၊ မွန်ပြည်ကာကွယ်ရေးတပ်(MSDF)နှင့် မွန်ပြည်တော်လှန်ရေးတပ်(MSRF) တို့ လွတ်မြောက်နယ်တစ်နေရာတွင် အစည်းအဝေးပြုလုပ်ကာ တပ်ဖွဲ့ (၄)ဖွဲ့၏ ပူးတွဲစစ်ဆင်ရေးလုပ်ငန်းများအတွက် ‘ရာမညပူးတွဲစစ်ကြောင်း’ဟု ဖွဲ့စည်းလိုက်ခြင်းဖြစ်သည်ဟု မွန်တပ် ၄ဖွဲ့က ယနေ့ (ဇန်နဝါရီ ၁၉ရက်)ပူးတွဲ ထုတ်ပြန်သည်။ “ဒီပူးပေါင်းဖွဲ့စည်းထားတဲ့ ရာမညစစ်ကြောင်းကနေ စစ်ရေးလှုပ်ရှားမှုတွေ မွန်ပြည်နယ်အနှံ့ ပြုလုပ်သွားဖို့ စစ်ရေးဆိုင်ရာ စီမံချက်တွေချထားတာလည်းရှိပါ”ဟု ရာမညပူးတွဲစစ်ကြောင်း ပြောရေးဆိုခွင့်ရှိသူ ဒေါက်တာသီရိမွန်ချမ်းက ပြောသည်။ ရာမညပူးတွဲစစ်ကြောင်းအနေဖြင့် အခြား…

မြောက်ဦးရှိ စစ်သုံ့ပန်းများထားရာနေရာ ဗုံးကြဲခံရပြီး ၂၈ ဦးသေဆုံး၊ ၂၅ ဦး ဒဏ်ရာရ *********************** ရခိုင်ပြည်နယ်၊ မြောက်ဦးမြို့နယ်၊ ရမ်းချောင်းအနီးတဝိုက်ရှိ စစ်သုံ့ပန်းမိသားစုဝင်များထားရှိသည့်နေရာကို ယမန်နေ့ (ဇန်နဝါရီ ၁၈) ညနေတွင် လေကြောင်းမှ ၃ ကြိမ် ဗုံးကြဲခံရပြီး ကလေးငယ်နှင့်အမျိုးသမီး စုစုပေါင်း ၂၈ ဦး သေဆုံးခဲ့ကာ ၂၅ ဦး ဒဏ်ရာရရှိခဲ့ကြောင်း အာရက္ခတပ်တော် (AA) က ယနေ့ ထုတ်ပြန်သည်။ စစ်ကောင်စီ တိုက်ခိုက်ရေးလေယာဉ်က ယင်းနေ့ ညနေ ၄ နာရီ ၄၅ မိနစ်တွင် ၁ ကြိမ်၊ နောက် ၁ မိနစ်အကြာတွင် ၁ ကြိမ် စီဖြင့် ၃ ကြိမ် ဗုံးကြဲချခဲ့ရာ စစ်သုံံပန်းများ ထိခိုက်သေဆုံးခဲ့ခြင်းဖြစ်သည်ဟု…