Author: admin

ပွင့်ဖြူတွင် စစ်သား စုဆောင်းနေသူ ရပ်ကွက် အုပ်ချုပ်ရေးမှူး သာဒွေးအောင်အိမ်ကို မိုင်းခွဲမှု မြို့မရဲစခန်းမှူး အပါအဝင် အုပ်ချုပ်ရေးအဖွဲ့နှင့် စစ်တပ်ဘက်မှ ၅ ဦး အပြင်းအထန် ဒဏ်ရာရ ရန်ကုန်၊ အောက်တိုဘာ ၂၁ မကွေးတိုင်း၊ ပွင့်ဖြူမြို့ အရှေ့ပိုင်းရပ်ကွက် အုပ်ချုပ်ရေးမှူး သာဒွေးအောင်က စစ်မှုထမ်းဥပဒေ ထမ်းဆောင်ရန်အတွက် အတင်းအဓမ္မ လူစာရင်းကောက်ခံခြင်းအပါအဝင် ပြည်သူများကို စိတ်ဒုက္ခရောက်စေသော ဆိုးရွားသည့် လုပ်ရပ်များ လုပ်ဆောင်သည့်အတွက် ၎င်း၏ အိမ်ကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ မြို့မ ရဲစခန်းမှူးအပါအဝင် ၅ ဦး ပြင်းထန်ဒဏ်ရာရရှိခဲ့ကြောင်း မင်းဘူးခရိုင် အမှတ် ၄ တပ်ရင်း တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။ အောက်တိုဘာလ ၂၀ ရက်နေ့ မွန်းလွဲ ၁ နာရီခွဲအချိန် ပွင့်ဖြူမြို့၊…

“ဒီနေ့စပြီ..မုန်တိုင်းမိုးတွေ ထပ်ကြမ်းတော့မယ်ရန်ကုန်အပါအဝငိပြည်နယ်နဲ့တိုင်း 12ခုသတိထားရပြီ” လေဖိအားနည်းရပ်ဝန်း 98B INVEST update အောက်တိုဘာ ၂၁ ရက် နံနက် ၀၁:၀၀ နာရီ ==== 🔸 အောက်တိုဘာ ၂၁ ရက် နံနက် ၁ နာရီမှာ ကပ္ပလီပင်လယ်မြောက်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းက ဘင်္ဂလားပင်လယ်အော် အရှေ့အလယ်ပိုင်းကို ပို့ဘလဲယားနဲ့ ကိုကိုးကျွန်းကြားမှ ဖြတ်သန်းဝင်ရောက်သွားပြီဖြစ်ကြောင်း GFS Model ရဲ့ နောက်ဆုံးရတဲ့ update မှာတွေ့ရပါတယ်။ 🔸 ဘင်္ဂလားပင်လယ်အော်အရှေ့အလယ်ပိုင်းနဲ့ အလယ်ပိုင်းပင်လယ်ပြင်မှာ မြောက်ဘက်ကို ကနဦးရွေ့လျားပြီး အနောက်-အနောက်မြောက်ယွန်းယွန်းကို ဆက်လက်ရွေ့လျားကာ အောက်တိုဘာ ၂၂ ရက် ည ပိုင်းမှာ အမည်ရဆိုင်ကလုန်းမုန်တိုင်း(Cyclonic Storm)ဖြစ်လာနိုင်မယ်လို့ တွေ့ရပါတယ်။ 🔸 အဲ့ဒီကမှ – အနောက်မြောက်ဘက်ကို ချိုးကွေ့ရွေ့လျားပြီး…

တောင်ငူလေတပ်ကို ရှော့တိုက်ဒုံးဖြင့် ပစ်ခတ်မှု လေတပ်ဘက်မှ ၄ ဦးသေဆုံးပြီး ၈ ဦးဒဏ်ရာရရှိ၊ ရဟတ်ယာဉ် ၁ စီးနှင့် Y12 လေယာဉ် ၁ စီး ပျက်စီးဟုဆို ရန်ကုန်၊ အောက်တိုဘာ ၂၁ ပဲခူးတိုင်း၊ တောင်ငူလေတပ်ကို ရှော့တိုက်ဒုံးဖြင့် ပစ်ခတ်ခဲ့ရာ လေတပ်ဘက်မှ စစ်သည် ၄ ဦးသေဆုံးပြီး ၈ ဦးဒဏ်ရာရရှိကြောင်း၊ ရှော့တိုက်ဒုံးသည် လေယာဉ် သိုလှောင်ရုံသို့ ကျရောက်ပေါက်ကွဲပြီး ရဟတ်ယာဉ် ၁ စီးနှင့် Y12 လေယာဉ် ၁ စီးပျက်စီးကြောင်း Brave Warriors for Myanmar-BWMမှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။ အောက်တိုဘာလ ၂၀ ရက်နေ့ ည ၈ နာရီ ၂၃ မိနစ်ခန့်အချိန်…

မြိုင်တွင် ပျူစောထီးရွာများထံ ရိက္ခာပို့သည့်ကားနှစ်စီးအား PDFများ ဖမ်းဆီး ဟာနာဆန်/People’s Spring မကွေးတိုင်း၊ မြိုင်မြို့နယ်တွင် ပျူစောထီးကျေးရွာများထံ ရိက္ခာပို့သည့်ကားနှစ်စီးအား ဖမ်းဆီးခဲ့ကြောင်း မြိုင်မြို့နယ် ပြည်သူ့ကာကွယ်ရေးတပ်ဖွဲ့(အနောက်ပိုင်းဇုန်)၏ ကာကွယ်ရေးအဖွဲ့ဝင်တစ်ဦး ပြောသည်။ ပခုက္ကူမြို့အခြေစိုက် ခြေမြန်တပ်မဌာနချုပ် တပ်မ(၁၀၁)မှ စစ်ကောင်စီတပ်သည် ပျူစောထီးရွာများထံ ရိက္ခာပို့ရန် ပြည်သူများ​၏ ကားများအား ချောဆွဲထားကြောင်း သတင်းရ၍ ကာကွယ်ရေးအဖွဲ့များက သွားရောက်စောင့်ဆိုင်းခဲ့သည်။ အောက်တိုဘာ ၁၉ရက်က မြိုင်မြို့နယ်၊ သရက်ကွပျူစောထီးကျေးရွာသို့ ရိက္ခာပို့မည့် Llight Truck ကားနှစ်စီးကို ကားသမားများနှင့်အတူ ဖမ်းဆီးနိုင်ခဲ့ကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့(အနောက်ပိုင်းဇုန်)၏ ကာကွယ်ရေးအဖွဲ့ဝင်တစ်ဦးက ပြောသည်။ “လူတွေကိုတော့ စစ်ဆေးပြီး ပြန်လွှတ်လိုက်ပါတယ်။ကားတွေကိုတော့ ခုချိန်မှာ ထိမ်းထားပါသေးတယ်။ နောက်တော့ ပြန်ပေးမှာပါ”ဟု ၎င်းက ပြောသည်။ ရိက္ခာကားပေါ်ပါ အမျိုးသား သုံးဦး၊ အမျိုးသမီး တစ်ဦးအား…

တောင်ငူ လေတပ်စခန်းသို့ ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက် (ရုပ်/သံ) ရန်ကုန်၊ အောက်တိုဘာ ၂၁ ပဲခူးတိုင်း၊ တောင်ငူမြို့ရှိ အကြမ်းဖက် စစ်တပ်၏ တောင်ငူ လေတပ်စခန်းကို ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက်ခဲ့ရာ အဆောက်အဦး ၁ ခု ထိမှန်ပြီး စစ်ကောင်စီ တပ်သားများ ထိခိုက်မှုရှိ၍ လူနာတင်ကား ၃ စီး လေတပ်ဝင်းထဲ ဝင်သွားကြောင်း Brave Warriors for Myanmar (BWM) အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။ အောက်တိုဘာလ ၂၀ ရက်နေ့ ည ၈ နာရီ…

ပန်ဝါမြို့ကို KIA သိမ်း၊ စခုန်တိန့်ယိန်း၏ နေအိမ်ကိုလည်း KIA က သိမ်းလိုက်ကာ နယ်စပ်တွင် လုံခြုံရေးယူထား ကချင်ပြည်နယ် ပန်ဝါမြို့ကို KIA နှင့် ပူးပေါင်းတပ်များက သိမ်းပိုက်လိုက်ပြီးနောက် တရုတ်-မြန်မာနယ်စပ်တွင်လည်း လုံခြုံရေးယူထားပြီး တရုတ်ဘက်ကလည်း ဂိတ်ပိတ်ချထားကြောင်း ဒေသခံများထံမှ သိရသည်။ ၂၀၂၄ခုနှစ် အောက်တိုဘာလ (၁၈)ရက်နေ့ ညနေပိုင်းတွင် ပန်ဝါမြို့တွင်းရှိ စစ်ကောင်စီတပ်စခန်းများနှင့် နယ်ခြားစောင့်တပ်စခန်းများကို KIA ပူးပေါင်းတပ်များက သိမ်းပိုက်ပြီးနောက် မြို့ကိုလည်း သိမ်းပိုက်နိုင်ခဲ့သည်ဟု သိရသည်။ “တိုက်ပွဲဖြစ်တော့ ဒေသခံတွေ တရုတ်ဘက်ကို တိမ်းရှောင်တာ တရုတ်ဘက်က ဂိတ်ပိတ်ထားလို့ လူဦးရေ ထောင်ချီပြီး ဂိတ်မှာပိတ်မိနေတာ။ ညပိုင်းရောက်တော့ KIA က မြို့ကို အပြီးသိမ်းပြီး တရုတ်-မြန်မာနယ်စပ်ဂိတ်အနားအထိ လုံခြုံရေးလာယူထားတယ်။”ဟု ဒေသခံတစ်ဦးက Tachileik News Agency…

အောင်ဇေယျစစ်ကြောင်း လေကြောင်းပစ်ကူဖြင့် အင်အားသုံးရှေ့တိုးရာ အထိနာပြီး ပြန်လန်ကျ ▪️အနန်းကွင်းဗျူဟာတိုက်ပွဲတွင်လည်း စစ်ကောင်စီတပ် ထိခိုက်မှုရှိဟုဆို ဒီးဒီ/People’s Spring ကရင်ပြည်နယ်၊ ဒေါနတောင်ပေါ်ရှိ တောနောရေတံခွန်အနီးတွင် စစ်ကောင်စီ​၏ အောင်ဇေယျစစ်ကြောင်းနှင့် ကရင်အမျိုးသားလွတ်မြောက်ရေး တပ်မတော်(KNLA) ဦးဆောင် သော ကော်ဘရာပူးပေါင်းစစ်ကြောင်းတို့ တိုက်ပွဲဖြစ်ပွားရာ အောင်ဇေယျစစ်ကြောင်း ထိခိုက်မှုများကြောင်း လူထုနွေဦး​၏ ကရင်စစ်ရေးသတင်းရင်းမြစ်က ပြောသည်။ ယနေ့ နေ့လည် ၂နာရီခန့်တွင် အောင်ဇေယျစစ်ကြောင်းသည် လေကြောင်းပစ်ကူ အကူအညီသုံးပြီး အင်အားအများအပြားဖြင့် ရှေ့တိုးလာ၍ KNLA ပူးပေါင်းတပ်က တားဆီးတိုက်ခိုက်ရာ ပြန်လန်ကျသွားသည်ဟု ကရင်စစ်ရေးသတင်းရင်းမြစ်က ပြောသည်။ အောင်ဇေယျစစ်ကြောင်းသည် ဂျက်ဖိုက်တာ နှစ်စင်းဖြင့် ပစ်ကူသုံးပြီး ပစ်ခတ်တိုက်ခိုက်ခဲ့သော်လည်း အထိနာပြီး သေဆုံးမှုများကြောင်း ၎င်းက ဆက်ပြောသည်။ ” ပူးပေါင်းအဖွဲ့နဲ့ ထိတွေ့မှုဖြစ်တယ်။ အတော်လေး အထိနာတယ်။ အခု…

တိုက်ပွဲပြင်းထန်နေသည့် အမ်းမြို့​မှ စစ်ကောင်စီ ဝန်ထမ်းများထွက်ပြေး ၊ ပိတ်မိနေသူ အချို့ရှိ ဓါတု မဇ္ဈိမ။ ။ ရခိုင်ပြည်နယ် ၊ အမ်းမြို့​နယ်၊ နပခအနီးတိုက်ပွဲများ ပြင်းထန်လာသည့်​နောက် အမ်းမြို့​ပေါ်ရှိ စစ်​ကောင်စီလက်​​အောက်ခံဌာနဆိုင်ရာဝန်ထမ်းများမှာ ထွက်​ပြေးတိမ်း​ရှောင်​နေကြပြီး အကြီးအကဲနှင့်ဝန်ထမ်းအချို့မှာ မြို့ပြင်ထွက်မရဘဲ ပိတ်မိ​နေ​ကြောင်း သိရသည်။ ယနေ့ (အောက်တိုဘာလ ၂၀ ရက်)တွင် AAနှင့် စစ်ကောင်စီတပ်တို့ အ​နောက်ပိုင်းတိုင်းစစ်ဌာနချုပ် ​ (နပခ) အနီး တိုက်ပွဲပြင်းထန်နေခြင်းဖြစ်သည်။ အမ်းမြို့အထွက် ကားလမ်းများကို စစ်​ကောင်စီက ဖြတ်​တောက်ပိတ်ဆို့သည့်ကြားမှဝန်ထမ်းအများစုမှာ တောလမ်းမှ ထွက်​ပြေး​နေကြပြီး အချို့မှာတိုက်ပွဲအ​ခြေအ​နေ​ကြောင့် လှည့်ပြန်ရသည့်အထိဖြစ်​နေ​ကြောင်း ဌာနဆိုင်ရာနှင့်နီးစပ်သူတဦးက မဇ္စျိမကို​ပြောသည်။ “ကျောင်းဆရာ ၊ ဆရာမ​တွေလည်း ထွက်​ပြေး​လာကြတာ​တွေရှိတယ်။ သူတို့က​တော့ ကိုယ့်​ဒေသကိုယ်ပြန်သွားကြလို့ လွတ်သွားကြပြီ။ ဒါ​ပေမဲ့ အမ်းထဲ​နေ ထွက်​ပြေးတဲ့ဝန်ထမ်းတချို့ အကြီးအကဲတ​ယောက်လည်းပါတယ် ။…

မြဝတီမြို့နယ်၊ ဘလယ်ဒိုရွာရှိ စစ်တပ်၏ ကာကင်းစခန်း ၃ ခုမှ စစ်သားများ စခန်း စွန့်ခွာထွက်ပြေးသွား၍ တော်လှန်ရေးတပ်ဖွဲ့များက သိမ်းပိုက် ရှင်းလင်း ရန်ကုန်၊ အောက်တိုဘာ ၂၀ ကရင်ပြည်နယ်၊ မြဝတီမြို့နယ်၊ ဘလယ်ဒိုကျေးရွာအနီးရှိ အကြမ်းဖက်စစ်တပ် ကာကင်းစခန်း ၃ ခုမှ အကြမ်းဖက်စစ်သားများ စခန်းစွန့်ခွာထွက်ပြေးသွား၍ တော်လှန်ရေးပူးပေါင်းတပ်ဖွဲ့များက ဝင်‌ရောက် သိမ်းပိုက်ရှင်းလင်းလိုက်ခဲ့ကြောင်း Cobra Column 2 Venom စစ်ကြောင်းထံမှ သိရသည်။ မြဝတီ – ဝေါ်လေလမ်းမပေါ်၊ ဘလယ်ဒိုကျေးရွာအနီးတဝိုက်ရှိ အကြမ်းဖက် စစ်ကောင်စီ တပ်သားများသည် ၎င်းတို့ စခန်းများကို စွန့်ခွာပြီး သေဘော့ဘိုးပင်မစခန်းသို့ သွားရောက် ပူးပေါင်းသဖြင့် ယနေ့အောက်တိုဘာ ၂၀ ရက်နေ့တွင် အကြမ်းဖက်စစ်တပ် ကာကင်းစခန်းများကို တော်လှန်ရေးပူးပေါင်းတပ်ဖွဲ့မှ ဝင်ရောက်ရှင်းလင်းသိမ်းပိုက်ကာ နေရာယူလိုက်ခြင်းဖြစ်ကြောင်း သိရသည်။…