Author: admin

တရုတ်၊ ကူမင်းဆွေးနွေးပွဲတွင် နောင်ချို၊ ကျောက်မဲ၊ သီပေါ၊ မိုးမိတ်၊ နမ့်ဆမ်၊ မန်တုံနှင့်မိုးကုတ်မြို့နယ်တို့မှ TNLA တပ်များ ပြန်လည် ဆုတ်ခွာရန် စစ်ကောင်စီတောင်းဆိုမှု TNLA က ပယ်ချ 🟥 ကိုးကန့် MNDAA ကဲ့သို့ TNLA ကိုလုပ်ဆောင်ရန် တရုတ်က စွက်ဖက်နေ ရန်ကုန်၊ မေ ၂ ရှမ်းပြည်နယ်မြောက်ပိုင်းရှိ TNLA က သိမ်းပိုက်ထားသော နောင်ချို၊ ကျောက်မဲ၊ သီပေါ၊ မိုးမိတ်၊မိုးကုတ်၊ နမ့်ဆမ်နှင့် မန်တို့မြို့နယ်တို့မှ TNLA တပ်များ ပြန်လည် ဆုတ်ခွာရန် စစ်ကောင်စီတောင်းဆိုမှု TNLA က ပယ်ချလိုက်ကြောင်း ယနေ့ သတင်းထုတ်ပြန်သည်။ တရုတ်နိုင်ငံ၏ကြားဝင်မှုဖြင့် ဧပြီလ ၂၈ ရက်နေ့နှင့် ဧပြီလ ၂၉ ရက်နေ့တို့တွင် စစ်ကောင်စီကိုယ်စားလှယ်နှင့်…

မောင်မယ်ရှောင်စခန်းသိမ်းတိုက်ပွဲ စစ်ကောင်စီဗိုလ်ကြီးသေဆုံးမှုမှာ လက်နက်ချလိုသည့်ပြည်သူ့စစ်မှုထမ်း၏ ပစ်သတ်မှုကြောင့်ဟု PDF စစ်ဆင်ရေးမှူးပြော မေ ၂၊၂၀၂၅။ထားမြတ်/People’s Spring တနင်္သာရီတိုင်း၊ ထားဝယ်မြို့နယ် မောင်မယ်ရှောင်ကျေးရွာရှိ စစ်ကောင်စီစခန်းအား တိုက်ခိုက်သိမ်းပိုက်စဉ် ဗိုလ်ကြီးသေဆုံးခဲ့မှုမှာ တော်လှန်ရေးတပ်များ၏ တိုက်ခိုက်မှုကြောင့်မဟုတ်ဘဲ လက်နက်ချလိုသည့် ပြည်သူ့စစ်မှုထမ်းတပ်ဖွဲ့ဝင်က ပစ်ခတ်ခဲ့ခြင်းဖြစ်ကြောင်း ပြည်သူ့ကာကွယ်ရေးတပ်မတော်(PDF) ဗျူဟာ(၃၃)စစ်ဆင်ရေးမှူး ရဲဘော်စောဒါးကိုက ပြောသည်။ “ကျနော်တို့ ဖမ်းမိတဲ့ စစ်သုံ့ပန်းတွေရဲ့ ပြောပြချက်အရပေါ့။ အဓိကတော့ သူထိသွားတာကတော့ ၅.၅၆ နဲ့ အနောက်ကျည်ထိတာပေါ့။ ကိုယ့်ကိုယ်ကိုယ် သတ်သေတာမဟုတ်ဘူး။ အနောက်က ပစ်တာပေါ့ အနောက်က ပစ်လို့ထိသွားတာလို့ သုံးသပ်ရတာပေါ့”ဟု ၎င်းက ပြောသည်။ မောင်မယ်ရှောင်ကျေးရွာရှိ စစ်ကောင်စီစခန်းကို ဧပြီ ၂၆ရက်တွင် တော်လှန်ရေး ပူးပေါင်းတပ်က တိုက်ခိုက်သိမ်းပိုက်ခဲ့ရာ စစ်ကောင်စီတပ်၏ ဗိုလ်ကြီးတစ်ဦးအပါအဝင် လေးဦးသေဆုံးပြီး ၁၆ ဦးကို အရှင်ဖမ်းမိခဲ့ခြင်းဖြစ်သည်။…

NUG အစိုးရ က တရုတ်နိုင်ငံ၏ ရန်သူမဟုတ်၊ တရုတ်၏ မြန်မာ့အရေး ကြားဝင်ဖျန်ဖြေမှု စစ်အာဏာရှင် သက်ဆိုးရှည်အောင် မဖြစ်သင့်ဟု NUG ယာယီသမ္မတ ပြောဆို ရန်ကုန်၊ မေ ၂ အမျိုးသားညီညွတ်ရေးအစိုးရ-NUG က တရုတ်နိုင်ငံ၏ ရန်သူမဟုတ်ဘဲ တရုတ်၏ မြန်မာ့အရေး ကြားဝင် ဖျန် ဖြေမှုမှာ စစ်အာဏာရှင် သက်ဆိုးရှည်အောင် မဖြစ်သင့်ကြောင်း NUG ယာယီသမ္မတ ဒူဝါလရှီးလက ပြောဆိုလိုက်သည်။ ဧပြီလ ၂၉ ရက်နေ့ တွင် ပြုလုပ်သည့် အမျိုးသားညီညွတ်ရေးအစိုးရ ၏ ၁၃ /၂၀၂၅ အစည်းအဝေးတွင် ယာယီသမ္မတက အထက်ပါအတိုင်း ပြောဆိုလိုက်ခြင်းဖြစ်သည်။ အမျိုးသားညီညွတ်ရေးအစိုးရသည် တရုတ်နိုင်ငံ၏ ရန်သူမဟုတ်ကြောင်း၊ တရုတ်နိုင်ငံ၏ မြန်မာ့အရေး ကြားဝင် ဖျန်ဖြေမှုသည် စစ်အာဏာရှင်စနစ် သက်ဆိုးရှည်အောင်…

စစ်ကောင်စီက ပြန်လည်စစ်ဆေးမည့် တက္ကသိုလ်ဝင်စာမေးပွဲကို ဖြေဆိုမည့်သူ နည်းပါးနေ၍ ကျောင်းသားကျောင်းသူများနှင့်မိဘများကို စစ်တပ်က ခြိမ်းခြောက် ဖိအားပေးနေ၊ မန္တလေးတွင် စာမေးပွဲ လာဖြေရန် လော်စပီကာဖြင့် လိုက်အော် ရန်ကုန်၊ မေ ၂ အကြမ်းဖက် စစ်ကောင်စီက ပြန်လည်စစ်ဆေးမည့် တက္ကသိုလ်ဝင်စာမေးပွဲကို ငလျင်ဘေးသင့်ဒေသမှ ကျောင်း သားကျောင်း သူများ ပြန်လည်ဖြေဆိုကြရန် စစ်တပ်၊ ရဲ၊ ထွေအုပ် အပါအဝင် ဌာနပေါင်းစုံက ကျောင်းသားများနှင့် မိဘများကို ဖိအားပေးခြိမ်းခြောက်နေကြောင်း ငလျင်ဘေးသင့်ဒေသမှ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ မတ်လ ၂၈ ရက်နေ့ လှုပ်ခတ်ခဲ့သော ငလျင်ကြီးကြောင့် မန္တလေးတက္ကသိုလ်တွင် တက္ကသိုလ်ဝင်တန်းစာမေးပွဲ အဖြေလွှာ ၄ သိန်းခန့် မီးလောင်ပျက်စီးခဲ့ကြောင်း၊ အဖြေလွှာပျက်စီးခဲ့သည့် မန္တလေး၊ နေပြည်တော်၊ စစ်ကိုင်းနှင့် ကချင်ပြည်နယ်မှ တက္ကသိုလ်ဝင်တန်းကျောင်းသားကျောင်းသူများ…

ခလရ ၂၅၈ မှ ထွက်လာသည့် စစ်ကောင်စီတပ်သားများ စောင့်ကြိုတိုက်ခိုက်ခံရ၊ ၃ ဦးသေပြီး ၁၀ ဦးကျော် ဒဏ်ရာရ (ရုပ်/သံ) မေ ၁၊ ၂၀၂၅ မကွေးတိုင်း၊ ရေစကြိုမြို့နယ် ခလရ ၂၅၈ တပ်ရင်းကနေ အင်အား ၁၅၀ ခန့်နဲ့ ထွက်လာတဲ့ အကြမ်းဖက်စစ်ကောင်စီတပ်သားတွေကို ဧပြီ ၂၉ ရက် မနက်ပိုင်းမှာ တော်လှန်ရေးတပ်တွေ စောင့်ကြိုတိုက်ခိုက်ခဲ့ရာ စစ်သား ၃ ယောက်သေပြီး ၁၀ ယောက်ကျော် ထိခိုက်ဒဏ်ရာရရှိသွားတယ်လို့ ပြည်သူ့ကာကွယ်ရေးတပ်ဖွဲ့ ရေစကြိုမြို့နယ်ထံက သိရပါတယ်။ အကြမ်းဖက်စစ်ကောင်စီတပ်သားတွေကို ထန်းဆယ်ပင်ကျေးရွာအနီး အသင့်စောင့်ဆိုင်းကာ တစ် ရက်လုံးနီးပါး ပစ်ခတ်တိုက်ခိုက်ခဲ့တာဖြစ်ပါတယ်။ စစ်ကောင်စီဘက်က ရေစကြိုမြို့ပေါ်ရှိ စုပေါင်းရုံးကနေ လက်နက်ကြီးပစ်ကူ ပေးခဲ့ကာ အကြမ်းဖက်စစ်သားတွေ ထန်းဆယ်ပင်ကျေးရွာကို မီးရှို့ပြီး ပြန်ထွက်လာချိန်မှာ…

တရုတ်အကူအညီဖြင့် လားရှိုးကို စစ်ကောင်စီက ပြန်လည်ရရှိသော်လည်း အရှေ့မြောက်တိုင်းစစ်ဌာနချုပ်ကို လားရှိုးတွင် ဖွင့်လှစ်ရန် မရှိတော့ဘဲ မိုင်းရယ်နှင့်တန့်ယန်းတွင် မြို့သစ်ဖော် အခြေစိုက်ထား ရန်ကုန်၊ မေ ၂ ရှမ်းပြည်နယ်မြောက်ပိုင်းတွင် MNDAA က သိမ်းပိုက်ထားသော လားရှိုးကို စစ်ကောင်စီက ပြန်လည်ရရှိလိုက်ပြီသော်လည်း အရှေ့မြောက်တိုင်းစစ်ဌာနချုပ်ကို လားရှိုးတွင် ဖွင့်လှစ်ရန် မရှိတော့ဘဲ မိုင်းရယ်နှင့်တန့်ယန်းတွင် မြို့သစ် ဖော် အခြေစိုက်ထားကြောင်း နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ဧပြီလ ၂၁ ရက်နေ့မှစတင်ပြီး စစ်ကောင်စီက လားရှိုးမြို့ကို ပြန်လည်ရယူထားသော်လည်း အရှေ့မြောက်တိုင်းစစ်ဌာနချုပ်ကိုမူ အခြေစိုက်ရန်မရှိတော့ စကခ(စစ်ဆင်ရေးကွပ်ကဲမှုဌာနချုပ်)အဆင့်သာ ပြန်လည် ဖွဲ့စည်းထားရှိမည်ဖြစ်ကြောင်း သိရှိရသည်။ “ရမခ တိုင်းစစ်ဌာနချုပ်ကိုတော့ လားရှိုးမှာ ပြန်အခြေစိုက်ဖို့မရှိပါဘူး။ စကခ အဆင့်ပဲ ပြန်လည်ဖွဲ့စည်းမယ်လို့ သိရပါတယ်။ လက်နက်နဲ့ လူအင်အားတွေ ပြန်ပို့ပြီး…

မန္တလေးတွင် အငြိမ်းစားပါမောက္ခ ဒေါက်တာထွေးထွေးကို မြေကွက်ပြမည်ဟုဆိုကာ ခေါ်ထုတ် သတ်ဖြတ် ပစ္စည်းများ လုယက်သွားသည့် အိမ်ခြံမြေပွဲစား စိုင်းထွန်းနော(ခ)ကိုစိုင်းကို ဖမ်းမိ ရန်ကုန်၊ မေ ၁ မန္တလေးတွင် အငြိမ်းစားပါမောက္ခ ဒေါက်တာထွေးထွေးကို မြေကွက်ပြမည်ဟုဆိုကာ သတ်ဖြတ်ပြီး ပစ္စည်းများ လုယက်သွားသည့် အိမ်ခြံမြေပွဲစား စိုင်းထွန်းနော(ခ)ကိုစိုင်းကို ဖမ်းဆီးရရှိကြောင်း ရဲတပ်ဖွဲ့က သတင်းထုတ်ပြန်သည်။ ဧပြီလ ၂၅ ရက်နေ့ နံနက်ပိုင်း အငြိမ်းစား သတ္တဗေဒဌာန၊ ပါမောက္ခ ဒေါက်တာထွေးထွေးကို ၎င်းနေထိုင်ရာ မဟာအောင်မြေမြို့နယ်မှ အသိ အိမ်ခြံမြေပွဲစားက အိမ်ခြံမြေလိုက်ပြမည်ဟုဆိုကာ ပုသိမ်ကြီးမြို့နယ်သို့ ခေါ်ဆောင် သွားကာ ရိုက်နှက် သတ်ဖြတ်သွားခြင်းဖြစ်ကြောင်း၊ ၎င်းထံမှ လက်ဝတ်လက်စားများနှင့် ပိုင်ဆိုင်မှုများကိုပါ လုယက်သွားကြောင်း သိရှိရသည်။ အငြိမ်းစားပါမောက္ခကိုသ တ်ဖြတ်သွားသူကို ယနေ့ မေလ ၁ ရက်နေ့…

စစ်ကောင်စီက ဗန်းမော် စစ်မျက်နှာပြင်သို့ လက်နက်ကြီးအပါအဝင် ခဲယမ်းမျိုးစုံ သိန်းချီပို့ဆောင်၍ ခံစစ်ဆင်နေ ဧရာဝတီတိုင်းမ် မေ ၁ ရက် လနှင့်ချီ၍ ကြာမြင့်လာပြီဖြစ်သည့် ဗန်းမော်တိုက်ပွဲအတွင်းသို့ စစ်ကောင်စီက လက်နက်ကြီး၊ လက်နက် ငယ်များအပါအဝင် ခဲယမ်းမျိုးစုံ ၁၅ သိန်းခန့်ပို့ ဆောင်၍ ခံစစ်ပြင်ဆင်နေကြောင်း သိရသည်။ ပြီးခဲ့သည့် ဒီဇင်ဘာ ၄ ရက်နေ့မှစတင်ခဲ့သည့် ဗန်းမော်မြို့သိမ်းတိုက်ပွဲသည့် ယနေ့ မေ ၁ ရက်နေ့အထိ တိုက်ပွဲပြင်းထန်နေဆဲဖြစ်ပြီး စစ်ကောင်စီဘက်က လက်နက်ကြီး၊ လက်နက်ငယ်၊ ဒရုန်းဗုံးသီး များအပြင် လေကြောင်းမှပါ အပြင်းအထန်ခုခံကာကွယ်နေကြောင်း သိရသည်။ စစ်ကောင်စီအတွက် လိုအပ်နေသည့် သိန်းနှင့်ချီသော လက်နက်ခဲယမ်းများကို မြစ်ကြီးနား စစ်လက်နက်ပစ္စည်းတပ်ခွဲ စနခ-၁၄၁ နှင့် ကျောက်ဆည် ဟန်မြင့်မိုရ်အခြေစိုက် ပင်မခဲယမ်းမီး ကျောက်တပ်(ပခန) တို့မှနေ၍လေယာဉ်များဖြင့်…

စမ်းချောင်းမြို့နယ်၌ တိုက်ခန်းတွင်း မီးစက်နှိုးအိပ်ရာမှ အောက်ဆီဂျင်ပြတ်၍ သေဆုံး မေ – ၁၊၂၀၂၅/ရောင်နီ/People’s Spring ရန်ကုန်မြို့၊ စမ်းချောင်းမြို့နယ်၌ နေအိမ်တိုက်ခန်းအတွင်း မီးစက်နှိုး၍ အဲကွန်းဖြင့်အိပ်ရာမှ အောက်ဆီဂျင်ပြတ်၍ မိသားစုဝင်လေးဦး သေဆုံးခဲ့ကြောင်း ဒေသခံများက ပြောသည်။ “သူတို့အမေက လွန်ခဲ့တဲ့ နှစ်ရက်လောက်ကတည်း က ဖုန်းဆက်တာ မကိုင်လို့ ။ ဒီနေ့ရောက်လာချိန်မှာမှသေဆုံးတာကို သိရတာ”ဟု စမ်းချောင်းမြို့ခံတစ်ဦးက ပြောသည်။ သေဆုံးသူများမှာ အသက် ၃၀ အရွယ် အမျိုးသားတစ်ဦး ၊ အသက် ၂၅ နှစ် နှင့် ၁၆ နှစ်အရွယ်အမျိုးသမီး နှစ်ဦး နှင့် အသက် ၈ နှစ်အရွယ် ကလေးတစ်ဦးဖြစ်ပြီး မေလ ၁ ရက်တွင် နေအိမ်အတွင်း၌ သေဆုံးလျက် တွေ့ရှိခဲ့ခြင်းဖြစ်သည်။ “သေဆုံးတာတော့…

စစ်တပ်၏ ပြည်သူ့စစ်မဟာဗျူဟာ အောင်မြင်ရေးအတွက် စစ်မှုထမ်းဟောင်းအဖွဲ့များကို မောင်းနှင်အား အဖြစ် အားပြုမည်ဟု မင်းအောင်လှိုင်ပြော ရန်ကုန်၊ မေ ၁ အကြမ်းဖက်စစ်တပ်က ပြည်သူ့စစ်မဟာဗျူဟာ အောင်မြင်ရေးအတွက် စစ်မှုထမ်း ဟောင်း အဖွဲ့များကို မောင်းနှင်အား အဖြစ် အားပြုမည်ဟု စစ်ခေါင်းဆောင် မင်းအောင်လှိုင်က ထုတ်ပြန်ပြောဆိုသည်။ ယမန်နေ့ နေပြည်တော်တွင် ပြုလုပ်သည့် စစ်မှုထမ်းဟောင်းအထူးညီလာခံတွင် အကြမ်းဖက် မင်းအောင်လှိုင်က အထက်ပါအတိုင်းပြောဆိုခြင်းဖြစ်သည်။ စစ်မှုထမ်းဟောင်းအဖွဲ့သည် သီးခြားလွတ်လပ်သည့် စစ်တပ်၏ မိတ်ဆက်အဖွဲ့အစည်းတစ်ခုဖြစ်ကြောင်း၊ ဗဟိုဌာနချုပ်ရုံး၊ တိုင်း/ပြည်နယ်စစ်မှုထမ်းဟောင်းအဖွဲ့ ၂၁ ဖွဲ့၊ မြို့နယ်စစ်မှုထမ်းဟောင်းအဖွဲ့ ၃၀၈ ဖွဲ့တို့ဖြင့် စစ်တပ်၏ အရန်အင်အားအဖြစ် လုံခြုံရေးကိစ္စရပ်များတွင် ပါဝင်နေကြောင်း၊ “တစ်ခါက စစ်သားဖြစ်ခဲ့ဖူးလျှင် အမြဲတမ်းစစ်သားပင်” ဆိုနိုင်ကြောင်း မင်းအောင်လှိုင်က ဆိုသည်။ စစ်မှုထမ်းဟောင်းများအနေဖြင့် စစ်တပ်က ချမှတ်ထားသော ပြည်သူ့စစ်မဟာဗျူအောင်မြင်စေရေးအတွက်…