MYIA MM

နေပြည်တော်ကို ဗဟိုပြု၍ အင်အား ၄ ဒသမ ၉ အဆင့်ရှိ ငလျင် လှုပ်ခတ် ရန်ကုန်၊ ဧပြီ ၁ နေပြည်တော်ကို ဗဟိုပြု၍ အင်အား ၄ ဒသမ ၉ အဆင့်ရှိ ငလျင် လှုပ်ခတ်သွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက သတင်းထုတ်ပြန်သည်။ ယနေ့ ဧပြီလ ၁ ရက်နေ့၊ မွန်းလွဲ ၁ နာရီ ၁၂ မိနစ်ချိန် နေပြည်တော်ပုဗ္ဗသီရီမြို့နယ်၏ မြောက်-အရှေ့မြောက်ဘက် ၅ မိုင်ခန့်အကွာကို ဗဟိုပြု၍ အင်အားရစ်(ခ်)တာစကေး ၄ ဒသ ၉ အဆင့်ရှိ မြေငလျင်လှုပ်ခတ်သွားကြောင်း သိရှိရသည်။ “ငလျင်လှုပ်လိုက်တာတော့ သိတယ်။ သိပ်တော့ မပြင်းဘူး။ ကားမောင်းနေရင်းဆိုတော့” ဟု နေပြည်တော်တွင် နေထိုင်သော ပရဟိတသမားတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။…

ငလျင်ကြောင့် ဒေါ်အောင်ဆန်းစုကြည်နှင့် သမ္မတ ဦးဝင်းမြင့် အပါအဝင် နိုင်ငံရေးအကျဉ်းသားများ အတွက် အထူးစိုးရိမ်ဟု NUG ပြော၊ အိုးဘိုထောင်တွင် ငလျင်ဒဏ်ကြောင့် အဆောက်အအုံပြိုကျပြီး ၄ ဦးသေဆုံး ရန်ကုန်၊ ဧပြီ ၁ မြန်မာနိုင်ငံအလယ်ပိုင်းတွင် မတ်လ ၂၈ ရက်နေ့ လှုပ်ခတ်ခဲ့သော ငလျင်ကြောင့် စစ်ကောင်စီက မတရားအကျဉ်း ချထားသော ဒေါ်အောင်ဆန်းစုကြည်နှင့် သမ္မတ ဦးဝင်းမြင့် အပါအဝင် နိုင်ငံရေးအကျဉ်းသားများ အခြေအနေကို အထူးစိုးရိမ်ဟု အမျိုးသားညီညွတ်ရေးအစိုးရ-NUG ဝန်ကြီးချုပ်ရုံးပြောခွင့်ရ ဦးနေဘုန်းလတ်က ပြောဆိုလိုက်သည်။ ယနေ့ ပြုလုပ်သော ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း ၇/၂၀၂၅ တွင် ၎င်းက အထက် ပါ အတိုင်းပြောဆိုခြင်းဖြစ်သည်။ “ငလျင်ဒဏ်ကြောင့် မန္တလေး အိုးဘိုထောင်ထဲက အဆောက်အဦအချို့ ပြိုကျပျက်စီးတယ်လို့လည်း သိရပါတယ်။…

အောင်လံမြို့နယ်၊မကွေးမြို့နယ်နှင့် ပြည်မြို့နယ်တို့တွင် စစ်မှုထမ်းအပတ်စဉ် ၁၂ အတွက် လူငယ်များကို စတင်ဖမ်းဆီးနေပြီး တချို့ကို ဆင့်ခေါ်၊ ငလျင်ဒဏ်သင့်သော်လည်း စစ်မှုထမ်းတပ်သားစုဆောင်းမှုများ ဆက်လက် လုပ်နေဆဲ ရန်ကုန်၊ ဧပြီ ၁ မကွေးတိုင်း၊ အောင်လံမြို့နယ်၊မကွေးမြို့နယ်နှင့် ပဲခူးတိုင်း ပြည်မြို့နယ်တို့တွင် စစ်မှုထမ်းအပတ်စဉ် ၁၂ အတွက် လူငယ်များကို စတင်ဖမ်းဆီးနေပြီး တချို့ကိုလည်း စစ်မှုထမ်းရန်အတွက် ဆင့်ခေါ်နေကြောင်းဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ အောင်လံမြို့နယ်တွင် ယခု ဧပြီလအတွက် စစ်မှုထမ်း လူငယ် ၆၀ ဦး ပေးရမည်ဟု အောင်လံမြို့မှ ပျူစောထီး ခေါင်းဆောင် မြင့်လွင် (အငြိမ်းစား အရာခံဗိုလ်)က အသိပေးလာပြီး စစ်မှုထမ်းရန် အလှည့်ကျ မဲပေါက်ထားသူ များ စစ်သင်တန်းကျောင်းသို့ သွားရောက်ရန် ဆင့်ခေါ်ကြောင်း သိရှိရသည်။ “စစ်မှုထမ်း အပတ်စဉ်…

စစ်ကိုင်းမြို့အနီးသို့ ဗဟိုပြု၍ ပြင်းအား ၄ ဒသမ ၁ အဆင့်ရှိ မြေငလျင် လှုပ်ခတ်ဟု USGS က သတင်းထုတ်ပြန် ရန်ကုန်၊ ဧပြီ ၁ စစ်ကိုင်းမြို့အနီးသို့ ဗဟိုပြု၍ ပြင်းအား ၄ ဒသမ ၁ အဆင့်ရှိ မြေငလျင် လှုပ်ခတ်သွားကြောင်း အမေရိကန်ဘူမိဗေဒ ငလျင်စောင့်ကြည့်ရေးအဖွဲ့ -USGS က သတင်းထုတ်ပြန်သည်။ ယနေ့ ဧပြီလ ၁ ရက်နေ့ မြန်မာစံတော်ချိန် နံနက် ၁ နာရီ ၄၁ မိနစ်အချိန်တွင် ယင်းကဲ့သို့ မြေငလျင်လှုပ်ခတ်သွားခြင်းဖြစ်ပြီး စစ်ကိုင်းမြို့အနောက်မြောက်ဘက် ၄ ကီလိုမီတာ အကွာကို ဗဟိုပြု၍ မြေငလျင် လှုပ်ခတ်သွားခြင်းဖြစ်ကြောင်း သိရှိရသည်။ “ငလျင်လှုပ်တာ တော်တော်ကြမ်းတယ်။ ကျနော်တို့ အိမ်အပြင်မှာ ခြင်ထောင်ထောင်ပြီး ထွက်အိပ်နေတာ။…

အမရပူရမှာ ဓါးပြနဲ့ သူခိုးတွေ သောင်းကျန်းနေ ဧပြီ ၁၊ ၂၀၂၅၊ Scorpio/People’s Spring မန္တလေးတိုင်း၊ အမရပူရမြို့နယ်မှာ ငလျင်လှုပ်ခတ်ပြီးနောက် ကျေးရွာတွေကို ဓါးပြဝင်တိုက်တာ၊ မြို့ပေါ်နေအိမ်တွေကို ဝင်ရောက်ခိုးယူတာတွေ ဖြစ်ပွားနေတယ်လို့ မြို့ခံတွေက ပြောပါတယ်။ မနေ့က မတ် ၃၁ ရက်ညက အမရပူရမြို့နယ်၊ ယဥ်တော်ရွာအစွန်ကို Light Truck ကားတွေနဲ့ လူတစုက ဓါးပြဝင်တိုက်သွားတယ်လို့ ဒေသခံတွေက ပြောပါတယ်။ “ရွာအစွန်လောက်ကျတယ်။ ကားတွေနဲ့လာတာ။ ဘာတွေပါသွားလဲတော့ မသိရသေးဘူး”လို့ ဒေသ ခံတွေက ပြောပါတယ်။ ငလျင်စလှုပ်တဲ့ မတ်လ ၂၈ ရက်ညကလည်းအမရပူရ ကမ်းနားလမ်းကဖရဲသီးဆိုင်တချို့ ဓါးပြတိုက်ခံရတယ်လို့ ဒေသခံတွေက ပြောပါတယ်။ ဒါ့အပြင် အမရပူရမြို့ပေါ်မှာလည်း ငလျင်ဒဏ်ကြောင့်တိမ်းစောင်းနေတဲ့အိမ်တွေထဲကနေ အဖိုး တန်ပစ္စည်းတွေကို ကူညီသလိုနဲ့ ဝင်ရောက် ခိုးယူနေကြတယ်လို့…

ငလျင်ဒဏ်သင့် မန္တလေးမှ စီးပွားရေးသမားနှင့် စက်မှုဇုန်လုပ်ငန်းရှင်များနှင့်စီးပွားရေးအဖွဲ့များကို နေပြည်တော်သို့ ခေါပြီး စစ်ကောင်စီက အတင်းအကျပ် အလှူငွေတောင်း၊ ရန်ကုန်မှ လုပ်ငန်းရှင်များကိုလည်း လေယာဉ်ဖြင့် ခေါ်ယူ ငွေတောင်း ရန်ကုန်၊ ဧပြီ ၁ အကြမ်းဖက် စစ်ကောင်စီက ပြည်တွင်းမှ နာမည်ကျော် စီးပွားရေးလုပ်ငန်းရှင်များနှင့် စက်မှုဇုန်လုပ်ငန်းရှင်များ၊ စီးပွားရေးဆိုင်ရာ အသင်းအဖွဲ့များနှင့် လူမှု ရေးအသင်းအဖွဲ့များ ကို နေပြည်တော်ခေါ်သို့ ငလျင်ဘေးကူညီရေး အတင်း အကျပ် ငွေတောင်းခံနေကြောင်း ငွေကြေးအတောင်းခံနေရသည့် စီးပွားရေးအသိုင်းအ၀ိုင်းက ပြောဆိုသည်။ ယနေ့ ဧပြီလ ၁ ရက်နေ့ မွန်းလွဲ ၂ နာရီအချိန် နေပြည်တော်၊ တပေါင်းကွင်း၊ ယာယီခန်းမတွင် အလှူငွေ လက်ခံ ပွဲ ကျင်းပမည်ဖြစ်ပြီး မန္တလေးမှ လုပ်ငန်းရှင်များ၊ အသင်းအဖွဲ့များ၊ ရန်ကုန်မှ စီးပွားရေးလုပ်ငန်းရှင်များ…

မန္တလေး ၃၅ လမ်းရှိ ဖွင့်လှစ်ထားသော ကရဝိတ် ကဖေး စားသောက်ဆိုင် အထပ်မြင့် အဆောက်အအုံ ပြိုကျမှုတွင် စားသောက်သူများ၊ ဆိုင်ဝန်ထမ်းများ၊စစ်တပ်ဘက်မှ အရာရှိ ၁ ဦးနှင့် စစ်သား ၉ ဦးခန့် သေဆုံးခဲ့ ရန်ကုန်၊ ဧပြီ ၁ မန္တလေးမြို့၊ ၃၅ လမ်းနှင့် ၇၅ လမ်းထောင့်တွင် ဖွင့်လှစ်ထားသော ကရဝိတ်ကဖေးနှင့်စား သောက်ဆိုင် အထပ်မြင့်အဆောက်အအုံသည် မတ်လ ၂၈ ရက်နေ့ လှုပ်ခတ်သော ငလျင်အတွင်း လုံး၀ ပြိုကျမှု ဖြစ်ပွားခဲ့ရာ စားသောက်သူများ၊ ဆိုင်ဝန်ထမ်းများနှင့်အတူ စစ်တပ်ဘက်မှ အရာရှိ ၁ ဦးနှင့် စစ်သား ၉ ဦးခန့် သေဆုံးခဲ့ကြောင်း သိရှိရသည်။ မတ်လ ၂၈ ရက်နေ့ မွန်းလွဲ ၁၂…

ငလျင်ကြောင့် ဒုစစ်ခေါင်းဆောင်၏ အရန်တပ်ဖွဲ့ဝင် ၆ ဦးသေဆုံးပြီး ၂၇ ဦးအပြင်းအထန်ဒဏ်ရာရ ============= စစ်ခေါင်းဆောင်၏ ကိုယ်ရံတော်တပ် အုပ်ချုပ်မှုအဆောက် အဦများပျက်စီးသွား၍ ရုံးလုပ်ငန်းကို သစ်ပင်အောက်တွင် ဆောင်ရွက်နေရ ဧရာဝတီတိုင်းမ် မတ် ၃၁ ရက် နေပြည်တော်ရှိ စစ်ကောင်စီ၏ တပ်နယ်အတွင်း ရုံးအ ဆောက်အဦများ ပျက်စီး၍ စစ်ဘက်ဆိုင်ရာ တပ်ဖွဲ့ဝင်များ ထိခိုက်သေဆုံးမှုများရှိခဲ့ရာ ဒုစစ်ခေါင်းဆောင်၏ အရန်တပ်မှ တပ်ဖွဲ့ဝင်အချို့ ထိခိုက်သေဆုံးမှုများရှိကြောင်း သိရသည်။ ဒုစစ်ခေါင်းဆောင် ဒုတိယဗိုလ်ချုပ်မှူးကြီးစိုးဝင်း၏ ဒုတိယအရန်တပ်ဖြစ်သည့် ခမရ ၃၀၃ မှစစ်ကောင်စီ တပ်ဖွဲ့ဝင် ခြောက် ဦးသေဆုံးပြီး ၂၇ ဦးပြင်းထန်ဒဏ်ရာများ ရရှိခဲ့ကြောင်း ဗိုလ်ကြီးဇင်ယော် ထံမှ သိရသည်။ “စစ်ဘက်ဆိုင်ရာ အဆောက်အဦတွေအကုန်နီးပါးပြိုတယ်။ ဒုခေါင်းဆောင်ရဲ့ အရန်တပ်က ကောင်တွေ လည်း သေတယ်။…

ငလျင်ဘေးသင့်သူများကို စစ်အုပ်စုက စိတ်ဒဏ်ရာပေးနေ မတ်-၃၁၊၂၀၂၅။ခွာညို/People’s Spring မန္တလေးတိုင်းအတွင်း ငလျင်ဘေးသင့်ပြည်သူဦးရေနှင့် ပျက်စီးအိမ်ခြေစာရင်းကောက်ယူနေသည့် စစ်ကောင်စီလက်အောက်ခံများက ခြိမ်းခြောက်ပြောဆိုမှုများနှင့် လူအခွင့်ရေချိုးဖောက်မှုများ ပြုလုပ်နေကြောင်း ကျူးလွန်ခံရသည့် ပြည်သူများက ပြောသည်။ မြစ်သား၊ ကျောက်ဆည်၊ ပျော်ဘွယ်၊ ဝမ်းတွင်းမြို့တို့တွင် စစ်ကောင်စီ လက်အောက်ခံဌာနဆိုင်ရာများနှင့် အုပ်ချုပ်ရေးမှူးများက ယနေ့ (မတ်လ ၃၁ရက်) နံနက်ကစ၍ စာရင်းကောက်ယူနေခြင်းဖြစ်သည်။ ” ထောက်ပံရေးလုပ်မယ်ဆိုပြီး စာရင်းလာတောင်းတာ။ ပျူစောထီးတွေပါတယ်။ စစ်တပ်ကကောင်တွေကသေနတ်တွေပါလာတယ်။ ဘေးဒုက္ခရောက်နေတဲ့သူတွေကိုပြောနေပုံက အထက်စီးကနေ သူတို့ပေးမှစားရမယ့်ပုံစံ ဆက်ဆံတယ်ဗျာ”ဟု ဝမ်းတွင်းမြို့ခံတစ်ဦးက ပြောသည်။ ဝမ်းတွင်းမြို့တွင် ငလျင်ကြောင့် နေအိမ်အဆောက်အအုံပျက်စီးမှုများပြားခဲ့ပြီး ပြည်သူ ၃၆ဦး၏ ရုပ်အလောင်းတွေ့ရှိကာ ပျောက်ဆုံးနေသူများလည်းရှိကြောင်း လူမှုရေးအဖွဲ့ဝင်တစ် ဦးက ပြောသည်။ မန္တလေးတိုင်း၊ မြစ်သားမြို့တွင်လည်း စစ်ကောင်စီတပ်နှင့် ပျူစောထီးများက ငလျင်ဘေးသင့် အိမ်ထောင်သူစာရင်းလိုက်တောင်းနေပြီး စစ်မှုထမ်းရန်အတွက်စည်းရုံးမှုများရှိနေကြောင်း…