MYIA MM

ချောင်းဦး -မြင်းမူလမ်းပိုင်း၌ စစ်တပ်တန်းအား PDF များတိုက်ခိုက် စစ်သား ၂၃ဦးသေဆုံး၊သေနတ်၂၀လက်ရ ■စစ်​ကောင်စီ၏ သံပြာကာ ကားနှစ်စီးကို PDFများမီးရှို့ ကဖေး/People’s Spring ချောင်းဦး -မြင်းမူလမ်းပိုင်းတွင် ကားနှစ်စီးပါစစ်ကောင်စီယာဉ်တန်းအား ပြည်သူ့ကွယ်ရေးပူးပေါင်းတပ်များက တိုက်ခိုက်ရာ စစ်ကောင်စီဘက်မှ ၂၃ဦးသေဆုံးပြီး သေနတ်၂၀ လက်သိမ်းဆည်းနိူင်ကာ ကားနှစ်စီးကိုလည်း မီးရှို့ဖျက်ဆီးနိုင်ခဲ့သည်။ မတ်လ (၄)ရက် ညနေ (၃)နာရီ (၁၀)မိနစ်က မုံရွာမြို့တွင်းမှ ထွက်လာသော သံပြားကာ စစ်တပ်ကားနှစ်စီးသည် ချောင်းဦးမြို့ကို ဖြတ်၍ မြင်းမူဘက်သို့ ဦးတည်ထွက်ခွာစဉ် PDFများက စောင့်ကြိုတိုက်ခိုက်ခဲ့ခြင်းဟု ယင်းမာပင်မြို့နယ်ပြည်သူ့ကာကွယ်ရေးအဖွဲ့(လက်ရုံးတပ်) ULF စစ်ကြောင်းက ထုတ်ပြန်သည်။ “စုစုပေါင်း သေတာ ၂၃ယောက်။ သေနတ်က အ လက်၂၀ရတာ။ တိုက်ပွဲပြီးတဲ့နောက်ပိုင်း ချောင်းဦးဘက်ကနေ လက်နက်ကြီးတွေတောက်လျှောက်ပစ်နေတယ်” ဟုPDFတစ်ဦးကပြောသည်။ တိုက်ပွဲဖြစ်နေစဉ် ချောင်းဦးမြို့ပေါ်…

မင်းအောင်လှိုင်က ပူတင်ကို ဘုရားဗျာဒိတ်တော်ရ ကြွက်မင်းဟု တင်စားစေခဲ့သူလက်သည်တရားခံမှာ စစ်ကောင်စီ ဒုနိုင်ငံခြားရေးဝန်ကြီး လွင်ဦးဖြစ် ရန်ကုန်၊ မတ် ၇ ရုရှားနိုင်ငံ၊ မော်စကိုင်မြို့တွင် ရုရှား ခေါင်းဆောင်ပူတင်နှင့် မင်းအောင်လှိုင်တို့ မတ်လ ၄ ရက်နေ့ တွေ့ဆုံစဉ် မင်းအောင်လှိုင်က ပူတင်ကို မြတ်စွာဘုရား၏ ဗျာဒိတ်တော်လာ ကြွက်မင်းဖြစ်ကြောင်း ထုတ်ဖော်ပြောဆိုပြီး ယင်းအ ကြောင်း ရေးသားထားသော စာအုပ်ကိုလည်း ပူတင်ထံသို့ ပေးအပ်ခဲ့သည်။ အဆိုပါ စာအုပ်ကို အခိုင်အမာ သုတေသနစာတမ်းမရှိ၊ ဘုရားဟော ဟုတ် မဟုတ် အတည်မပြုနိုင်ဘဲ ရှာဖွေ ဖော်ထုတ်ရေးသားသူမှာ ကလောင်အမည် မောင်လွင်မြင့် ဟု သုံးစွဲနေသော ယခုစစ်ကောင်စီ၏ ဒုတိယနိုင်ငံခြားရေးဝန်ကြီး လွင်ဦး ( ၃၁ ဇန်နဝါရီ ၁၉၆၁ဖွား) ဖြစ်သည်။ မောင်လွင်မြင့်မှာ…

ရန်ကုန်တိုင်း၊ သန်လျင်မြို့နယ် ဧရာဝတီ ရေတပ်စခန်းဌာနချုပ်တွင် ရေတပ်ဦးစီးချုပ် ဗိုလ်ချုပ်ကြီး ထိန်ဝင်း အမိန့်ဖြင့် အရေးပေါ် ယတြာအတွက် ပဋ္ဌာန်းရွတ်နည်း သင်တန်းများ ပို့ချ ရန်ကုန်၊ မတ် ၇ ရန်ကုန်တိုင်း၊ သန်လျင်မြို့နယ် ဧရာဝတီ ရေတပ်စခန်းဌာနချုပ်တွင် ရေတပ်ဦးစီးချုပ် ဗိုလ်ချုပ်ကြီး ထိန်ဝင်း အမိန့်ဖြင့် အရေးပေါ် ယတြာအတွက် ရွတ်ဖတ်ပူဇော်နိုင်ရန်အတွက် ပဋ္ဌာန်းရွတ်နည်း သင်တန်းများ ပို့ချနေပြီး ရေတပ် ဦးစီးချုပ်၏ ဇနီး အပါအဝင် အရာရှိဇနီးမှန်သမျှ အားလုံး တက်ရောက်နေရကြောင်း ရေတပ်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ မတ်လ ၁ ရက်နေ့မှ ၇ ရက်နေ့အထိ ဧရာဝတီ ရေတပ်စခန်းဌာနချုပ် ဓမ္မာရုံတွင် ပဋ္ဌာန်း ရွတ်နည်း သင်တန်း ဖွင့်လှစ်နေခြင်းဖြစ်ပြီး ငွေလှရတနာ အဘိဓမ္မာ သင်တန်းမှူးမှာ…

မြင်းခြံမြို့နယ်တွင် ၂ ရက်တာ ဖြစ်ပွားသော တိုက်ပွဲအတွင်း စစ်ကောင်စီ တပ်သား ၁၅ ဦးသေဆုံးပြီး သံချပ်ကာကား ၂ စီး ပျက်စီး (ရုပ်/သံ) ရန်ကုန်၊ မတ် ၆ မန္တလေးတိုင်း၊ မြင်းခြံမြို့နယ်တွင် ၂ ရက်တာ ဖြစ်ပွားသော တိုက်ပွဲအတွင်း အကြမ်းဖက် စစ်ကောင်စီ တပ်သား ၁၅ ဦးသေဆုံးပြီး သံချပ်ကာကား ၂ စီး ပျက်စီးခဲ့ကြောင်း ပြည်သူ့ ကြယ်တစ်ပွင့်တပ်ဖွဲ့မှ ဗိုလ်မိုက်ခဲက ရန်ကုန်ခေတ်သစ် သတင်းဌာနထံသို့ ပြောဆိုသည်။ မတ်လ ၁ ရက်နေ့နှင့် ၂ ရက်နေ့တွင် မြင်းခြံမြို့နယ် လယ်သစ်ကျေးရွာတွင် အထိုင်ချ တပ်စွဲထားသော အကြမ်းဖက် စစ်တပ်နှင့် မြင်းခြံ-နဘူးအိုင် လမ်းပိုင်းပေါ် စစ်ကြောင်းထိုးလာသော စစ်ကောင်စီ တပ်သားများကို တော်လှန်ရေး…

မြန်မာနိုင်ငံတွင် ရုရှားက တည်ဆောက်ပေးမည့် ၁၁၀ မဂ္ဂါဝပ် အသေးစား နူကလီးယားဓာတ်ပေါင်းဖိုကို မဂ္ဂါဝပ် ၃၃၀ အထိ အဆင်မြှင့်တင် တိုးချဲ့ ဓာတ်အား ထုတ်လုပ်နိုင်ရန် ရည်ရွယ်ထား ရန်ကုန်၊ မတ် ၆ မြန်မာနိုင်ငံတွင် ရုရှားက တည်ဆောက်ပေးမည့် မဂ္ဂါဝပ် ၁၁၀ အသေးစား နူကလီးယားဓာတ်ပေါင်းဖိုကို မဂ္ဂါဝပ် ၃၃၀ အထိ လျှပ်စစ်တိုးချဲ့ထုတ်လုပ် အဆင့်တိုးမြှင့်နိုင်ရန် နှစ်နိုင်ငံပူးပေါင်းဆောင်ရွက်ရေးကို သဘောတူညီလက်မှတ်ရေးထိုးထားကြောင်း ရုရှားသတင်းဌာနများက သတင်းဖော်ပြသည်။ မင်းအောင်လှိုင်၏ ရုရှားခရီးစဉ်အတွင်း နှစ်နိုင်ငံ သဘောတူညီ လက်မှတ်ရေးထိုးချက်အရ မြန်မာနိုင်ငံတွင် ၁၁၀ မဂ္ဂါဝပ် အသေးစားနူကလီးယားဓာတ်ပေါင်းဖိုကို ရုရှားက တည်ဆောက်ပေးမည်ဖြစ်ပြီး သဘောတူညီချက်များတွင် နှစ်နိုင်ငံအကြား အပြန် အလှန် ပူးပေါင်းဆောင်ရွက်ရေးနှင့် စည်းကမ်းချက်များပါဝင်ကြောင်း၊ ထို့ပြင် အသေးစားနူကလီးယား ဓာတ်ပေါင်းဖိုကို မဂ္ဂါဝပ်…

မုံရွာ-မန္တလေးလမ်းပေါ်မှာ တိုက်ပွဲကြားပိတ်မိတဲ့ ခရီးသည်​တွေအနက် ၃ နှစ်အရွယ်က​လေးငယ်နဲ့ မိခင်အပါအဝင် သုံးဦး သေဆုံး ■စစ်သား​တွေက ခရီးသည်တင်ယာဥ်​​မောင်းကို​သေနတ်​ထောက် တိုက်ပွဲဖြစ်ရာ​နေရာကို လိုက်ပို့ခိုင်းရာမှ ခရီးသည်​တွေတိုက်ပွဲကြားပိတ်မိခဲ့တာလို့ ချောင်းဦးပကဖ​ပြော မင်းညို/People’s Spring စစ်ကိုင်းတိုင်း၊ မုံရွာ-မန္တလေးလမ်းပေါ်မှာ တိုက်ပွဲကြားပိတ်မိတဲ့ ခရီးသည်​တွေအနက် ၃ နှစ်အရွယ်ကလေးတဦးနဲ့မိခင်အပါအဝင် ၃ ဦး သေဆုံးခဲ့တယ်လို့ ဒေသခံတချို့က ပြောပါတယ်။ ပြီးခဲ့တဲ့ မတ်လ ၄ ရက် ညနေပိုင်းက မုံရွာ-မန္တလေးလမ်းပေါ်၊ ချောင်းဦးမြို့နယ်၊ ငါးယှန်ရွာအနီးမှာ စစ်ကောင်စီယာဥ်တန်းဖြတ်သန်းလာချိန် ကာ ကွယ်ရေးအဖွဲ့​တွေက ​စောင့်ကြိုတိုက်ခိုက်ခဲ့ရာတိုက်ပွဲဖြစ်ပွားခဲ့ပါတယ် ။ တိုက်ပွဲဖြစ်ပွား​နေချိန်မှာထပ်လာတဲ့ စစ်သား​တွေက ခရီးသည်တင်ကား ၁ စီးကို တိုက်ပွဲဖြစ်​နေတဲ့​နေရာဆီ ဖြတ်​မောင်းခိုင်းပြီး တိုက်ပွဲ​နေရာ​ရောက်တဲ့အခါ ဆင်း​နေခဲ့ကြပါတယ် ။တိုက်ပွဲကြားပိတ်မိသွားတဲ့ ခရီးသည်တင်ယာဥ်ပေါ်က အသက် ၂၇ အရွယ် ခရီးသည်အမျိုးသမီးနဲ့…

စစ်အာဏာသိမ်းမှုကြောင့် နျူကလီးယားလက်နက် တားမြစ်ရေးစာချုပ် အတည်ပြုလက်မှတ်ထိုးရန် အဟောသိကံ ဖြစ်ဟု ဦးကျော်မိုးထွန်းပြော 🟥 မြန်မာစစ်တပ်ထံသို့ လက်နက်ခဲယမ်းနှင့် လေယာဉ်ဆီဖြတ်တောက်ရေး တောင်းဆိုနေချိန် စစ်ကောင်စီက ရုရှားအကူအညီဖြင့် နျူကလီးယား ဓာတ်ပေါင်းဖို တည်ဆောက်တော့မည် ရန်ကုန်၊ မတ် ၆ နိုင်ငံတကာ နျူကလီးယားလက်နက်များ တားမြစ်ရေးစာချုပ် အတည်ပြုလက်မှတ် နိုင်ရေးမှာ စစ်အာဏာသိမ်းမှုကြောင့် အဟောသိကံ ဖြစ်သွားကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် ဦးကျော်မိုးထွန်းက ပြောဆိုသည်။ မတ်လ ၅ ရက်နေ့ အမေရိကန်ပြည်ထောင်စု၊ နယူးယောက်မြို့ ၊ ကုလသမဂ္ဂဌာနချုပ်တွင် နျူကလီးယားလက် နက် များ တားမြစ်ရေးစာချုပ် အဖွဲ့ဝင်နိုင်ငံများ၏ တတိယအကြိမ် အစည်းအဝေးတွင် ၎င်းက အထက်ပါအတိုင်းပြောဆိုလိုက်ခြင်းဖြစ်သည်။ မြန်မာနိုင်ငံအနေဖြင့် ဗီယင်နာလုပ်ငန်းစီမံချက် အကောင်အထည်ဖော်မှု၏ သိသာထင်ရှားသော တိုးတက်မှုများကို ကြိုဆိုသည့်အပြင် ပြီးခဲ့သည့်…

တရုတ်သတင်းပေးမှုဖြင့်ဖမ်းထားသော ယာယီ ရမခတိုင်းစစ်ဦးစီးချုပ်ဗိုလ်မှူးကြီးထွန်းနိုင်စိုးကို စစ်ကောင်စီ ပြန်လွှတ် ကဖေး/People’s Spring ကျားဖြန့်‌ ငွေလိမ်လုပ်ငန်းများတွင် ပါဝင်နေသည်ဟုတရုတ်ရဲတပ်ဖွဲ့၏ သတင်းပေးပို့မှုဖြင့် စစ်​ကောင်စီကဖမ်းဆီးထားသည့် ယာယီအရှေ့ မြောက်တိုင်းစစ်ဌာနချုပ်(ရမခ)တိုင်းမှူးအပါအဝင် လေးဦးအနက် ရမခတိုင်းစစ်ဦးစီးချုပ်ဗိုလ်မှူးကြီးထွန်းနိုင်စိုးကို ပြန်လွှတ်လိုက်သည်။ “ဘိုးတော်( စစ်ကောင်စီခေါင်းဆောင်) တက်တဲ့ ဗထူးတပ် သင်တန်းဆင်းပွဲကို လှမ်းဖိတ်ပြီး တခါတည်းဖမ်းခေါ်သွားတာ။ နေပြည်တော်ကို။ အခုကတော့ ဗိုလ်မှူးကြီးထွန်းနိုင်စိုး ပြန်လွတ်လာတာမှန်တယ်” ဟု နေပြည်တော် သတင်းရင်းမြစ်က ပြောသည်။ အာဏာသိမ်းခေါင်းဆောင်သည် ဖေ‌ဖော်ဝါရီလ ၂၁ ရက်က ဗထူးတပ်၌ပြုလုပ်ခဲ့သော ဗိုလ် လောင်းသင်တန်းဆင်းပွဲတက်ခဲ့သည်။သင်တန်း ဆင်းပွဲသို့ ရှမ်းပြည်နယ်ရှိ ရမခဌာနချုပ်၊ တြိဂံဒေသတိုင်းစစ်ဌာနချုပ်၊ အရှေ့အလယ်ပိုင်းတိုင်းစစ်ဌာနချုပ်တို့မှ တိုင်းမှူးများကို ဖိတ်ခဲ့ပြီး ရမခတိုင်းမှူးဗိုလ်ချုပ်မြင့်ကျော်ထွန်း၊ရမခတိုင်းစစ်ဦးစီးချုပ်ဗိုလ်မှူးကြီးထွန်းနိုင်စိုး၊ တန့်ယန်းစစ်ဗျူဟာမှူး ဗိုလ်မှူးကြီးထွန်းတင်၊မိုင်းရယ်စစ်ဗျူဟာမှူး ဒုတိယဗိုလ်မှူးကြီးမြတ်​မော်​အောင်တို့ကို ဖမ်းဆီးခြင်းဖြစ်သည်။ သို့​သော်ဗိုလ်မှူးကြီးထွန်းနိုင်စိုးကို မတ်လ ၃ရက်တွင် ပြန်လွှတ်ပေးပြီး…

ဖေဖော်ဝါရီလအတွင်း ရန်ကုန်မှာ လူငယ် ၂၃၀ကျော် ဖမ်းဆီးခံရ မတ် ၆၊ ၂၀၂၅ ၂၀၂၅ ဖေဖော်ဝါရီလအတွင်း ရန်ကုန်မြို့ပေါ်မှာ လူငယ်လူရွယ် ၂၃၀ ကျော် ဖမ်းဆီးခံခဲ့ရကြောင်း Rangoon Scout Network (RSN) က ထုတ်ပြန်လိုက်ပါတယ်။ တစ်လတာအတွင်း စစ်မှုထမ်းဖို့ အပါအဝင် လူငယ်တွေကို အကြောင်းမဲ့ ဖမ်းဆီးခဲ့မှု အခြေအနေအကြောင်း မတ်လ ၅ ရက်မနေ့မှာ ထုတ်ပြန်ခဲ့တာပါ။ ရန်ကုန်တိုင်းထဲက ဒဂုံမြို့သစ်(မြောက်ပိုင်း)၊ မြောက်ဥက္ကလာ၊ စမ်းချောင်း၊ ကြည့်မြင်တိုင်နဲ့ အလုံ စတဲ့ မြို့နယ်တွေမှာ ဖမ်းဆီးခံရမှု အများဆုံးရှိခဲ့ပါတယ်။ ရန်ကုန်တိုင်းအတွင်း အရပ်သားတွေ ဖမ်းဆီးခံရတဲ့ ဖြစ်ရပ် ၉၆ ခု ရှိခဲ့ပြီး အဲဒီအထဲက ဖြစ်ရပ် ၇၀ ကို အတည်ပြုနိုင်ခဲ့ပေမယ့် ၂၆…

ဆေးတက္ကသိုလ်များတွင် ၂၀၁၃ ခုနှစ် ဒီဇင်ဘာလမှ ၂၀၂၀ ခုနှစ်ဒီဇင်ဘာလအထိ ပညာသင်ယူပြီးစီးခဲ့သော ဆရာဝန် ၁၀၂၂ ဦးကို စစ်ကောင်စီက အမည်ပျက်စာရင်းသွင်းကာ ဘွဲ့နှင့် ဆမ မပေးဘဲ ပြည်ပထွက်ခွင့်နှင့်ပညာဆက်သင်ကြားခွင့် ပိတ်ပင် ရန်ကုန်၊ မတ် ၆ မြန်မာနိုင်ငံတစ်ဝန်း ဆေးတက္ကသိုလ်များတွင် ၂၀၁၃ ခုနှစ် ဒီဇင်ဘာလမှ ၂၀၂၀ ခုနှစ်ဒီဇင်ဘာလအထိ ပညာသင်ယူပြီးစီးခဲ့သော ဆရာဝန် ၁၀၂၂ ဦးကို နိုင်ငံ့ဝန်ထမ်း မလုပ်၍ စစ်ကောင်စီက အမည်ပျက်စာရင်းသွင်းကာ ဆေး ပညာဘွဲ့နှင့်ဆေးကုသခွင့်လက်မှတ် (ဆမ) မပေးဘဲ ပြည်ပထွက်ခွင့်နှင့်ပညာဆက်လက်သင်ကြားကိုပါ ပိတ်ပင်လိုက်ကြောင်း ဆရာဝန်များနှင့် နေပြည် တော်၊ ကျန်းမာရေးဝန်ကြီးဌာနထံမှ စုံစမ်းသိရှိရသည်။ ထိုသို့ ပိတ်ပင်မှုကို မင်းအောင်လှိုင်၏ အမိန့်ဖြင့် ကျန်းမာရေးဝန်ကြီး သက်ခိုင်ဝင်းနှင့် ကျန်းမာရေးလူ့စွမ်းအားအရင်းအမြစ် ဦးစီးဌာန ညွှန်ကြားရေးမှူးချုပ်…