MYIA MM

ရေးမြို့နယ်၊ အာယုတောင်ရွာထိပ်ရှိ ခမရ ၃၄၃ တပ်က တပ်စွဲထားသည့်နေရာကို ရေးဘီလူးတပ်ဖွဲ့က ဝင်ရောက် စီးနင်းစဉ် စစ်သားများအားလုံး ထွက်ပြေး ရန်ကုန်၊ ဖေဖော်ဝါရီ ၂၆ မွန်ပြည်နယ်၊ ရေးမြို့နယ်၊ အာယုတောင်ရွာထိပ်ရှိ ခမရ ၃၄၃ က တပ်စွဲထားသည့်နေရာကို ရေးဘီလူးအဖွဲ့က ဝင်ရောက်စီးနင်းရန် ဝိုင်းထားစဉ်တွင်ပင် အကြမ်းဖက်စစ်သားများအားလုံး ထွက်ပြေးသွားကြကြောင်း ရေးဘီလူးအဖွဲ့ခေါင်းဆောင်က ရန်ကုန်ခေတ်သစ်သတင်းဌာနသို့ ပြောကြားသည်။ ယမန်နေ့ ဖေဖော်ဝါရီလ ၂၅ ရက်နေ့ အကြမ်းဖက်စစ်သား စုစုပေါင်း ၁၅ ဦးဝန်းကျင် တပ်စွဲထားသည့် အာယုတောင်ရွာထိပ်နေရာကို ဝင်ရောက်စီးနင်းရန် ဝိုင်းထားစဉ်တွင် ထွက်ပြေးတိမ်းရှောင်သွားကြခြင်း ဖြစ်ကြောင်း သိရှိရသည်။ ” တပ်က ထွက်ပြီးတော့ အဲဒီရော်ဘာခြံတည်နေရာတွေမှာ ကတုတ်ကျင်းလေးတွေ ပေါက်ပြီးတော့ ကင်းပုန်းဝပ်တယ်။ ဖြတ်သန်းသွားလာတာတွေကို စောင့်ပစ်တယ်။ စစ်ဆေးရေးထွက်စစ်လေ့ရှိတယ်။ ရွာသားတွေ…

ရွှေပြည်သာမြို့ နယ်၊ ခလရ ၆ စစ်တပ်ဝင်းကို ဖောက်ခွဲ တိုက်ခိုက်မှုဖြစ်ပွားပြီး စစ်တပ်ဘက်မှ အထိအခိုက်ရှိနိုင် ရန်ကုန်၊ ဖေဖော်ဝါရီ ၂၆ ရန်ကုန်တိုင်း၊ ရွှေပြည်သာမြို့နယ်အခြေစိုက် ခလရ ၆ စစ်တပ်ဝင်းကို ဖောက်ခွဲ တိုက်ခိုက်ခဲ့ကြောင်း မြောက်ဥက္ကလာပမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယမန်နေ့ ဖေဖော်ဝါရီလ ၂၅ ရက်နေ့ ရွှေပြည်သာမြို့ အခြေစိုက် ခလရ ၆ အောက်မင်္ဂလာဒုံ စစ်တပ်ဝင်းကို ရန်ကုန်တိုင်း အရှေ့ပိုင်းခရိုင်(ပကဖ)၏ ဦးဆောင်လမ်းညွှန်မှုဖြင့် မြောက်ဥက္ကလာပမြို့နယ် ပြည်သူ့ကာကွယ်ရေးတပ်ဖွဲ့က ဖောက်ခွဲ တိုက်ခိုက်ခဲ့ကြောင်း သိရသည်။ ယင်း ဖောက်ခွဲ တိုက်ခိုက်မှု အတွင်း ပေါက်ကွဲအား ပြင်းထန်ခဲ့ပြီး အကြမ်းဖက် စစ်ကောင်စီ တပ်သားများ ထိခိုက်သေဆုံးမှု ရှိ၊မရှိကို…

အာဏာရှင်ဟောင်း သန်းရွှေ၏ အနီးကပ် လုံခြုံရေး တပ်မှူးနှင့်တပ်ဖွဲ့ဝင် လူဟောင်းများကို ဖယ်ရှားပြီး မင်းအောင်လှိုင်က တပ်ဖွဲ့ဝင်အသစ်များဖြင့် အစား ထိုး၊ ဆရာနှင့်တပည့် ဆက်ဆံရေး အေးစက်နေမှုကို ပြသသည့်လက္ခဏာဟုဆို ရန်ကုန်၊ ဖေဖော်ဝါရီ ၂၆ နေပြည်တော် ၆ လုံးတန်းနေအိမ်ရှိ စစ်အာဏာရှင်ဟောင်း သန်းရွှေ၏ အနီး ကပ် လုံခြုံရေး ကို တာဝန်ယူထားရသော စစ်ကောင်စီတပ်ဖွဲ့ဝင် လူဟောင်းများကို မင်းအောင်လှိုင်က တပ်ဖွဲ့ဝင် လူသစ်များဖြင့် အစားထိုးလိုက်ကြောင်း နေ ပြည်တော် တပ်သတင်းရင်းမြစ်က ပြောဆိုသည်။ စစ်အာဏာရှင်ဟောင်း သန်းရွှေက ၂၀၁၁ ခုနှစ် အနားယူချိန်မှစတင်ပြီး ၎င်းနှင့်မိသားစုဝင်များ လုံခြုံရေးအတွက် ၎င်း၏ စိတ်ချယုံကြည်ရသော တပ်မှူးများနှင့်တပ်ဖွဲ့ဝင်များကို ခေါ်ယူထားခဲ့ကြောင်း၊ ယင်းတပ်မှူး၊ တပ်ဖွဲ့ဝင်များက နှစ်ပေါင်းများစွာ အာဏာရှင်ဟောင်း သန်းရွှေ၏ လုံခြုံရေးဆောင်ရွက်ခဲ့ရာမှ…

သိမ်ဇရပ်မြို့နယ် စစ်ကောင်စီတပ်စခန်းများကို မစ်ဇိုင်းဒုံးများဖြင့် ပစ်ခတ်တိုက်ခိုက် (ရုပ်/သံ) ဖေဖော်ဝါရီ ၂၅၊ ၂၀၂၅ မွန်ပြည်နယ် သိမ်ဇရပ်မြို့နယ်ရှိ ၃၁၀ တပ်ရင်းအမြောက်တပ်၊ ဗဟိုကင်းနဲ့ လူပျိုဘားတိုက်တွေကို ဖေဖော်ဝါရီ ၂၄ ရက် မနေ့ညပိုင်းက မစ်ဇိုင်းဒုံးတွေနဲ့ ပစ်ခတ်တိုက်ခိုက်ခဲ့တယ်လို့ ပဲခူးခရိုင် ပကဖထံက သိရပါတယ်။ မစ်ဇိုင်းဒုံးတွေဟာ တပ်ရင်းအတွင်း ကျရောက်ပေါက်ကွဲပြီး ထိခိုက်ဒဏ်ရာရရှိသွားတဲ့ စစ်ကောင်စီ တပ်သားတွေကို ပဲခူးနဲ့ မော်လမြိုင်ဘက်သို့ ပို့ဆောင်ကာ ဆေးကုသလျက်ရှိတယ်လို့ သိရပါတယ်။ သေဆုံးသွားတဲ့ စစ်ကောင်စီတပ်သားတွေကို အသုဘချရာမှာလည်း သတင်းမပေါက်ကြားစေဖို့ နာရေး ပရဟိတအဖွဲ့တွေကို ခြိမ်းခြောက်မှုတွေ လုပ်ဆောင်ခဲ့တယ်လို့ သိရပါတယ်။

နောင်ချို စစ်​ကောင်စီအမြောက်တပ်အမတ (၃၅၄) လက်နက်ခဲယမ်းတိုက် မီးလောင် ကဖေး/People’s Spring နောင်ချိုမြို့နယ်တောင်းခမ်းရွာအနီး တိုက်ပွဲပြင်း ထန်နေပြီး စစ်ကောင်စီတပ်၏အမြောက်တပ် အမတ(၃၅၄) လက်နက်ခဲယမ်းတိုက်သည်ဖေဖော်ဝါရီလ၂၅ရက် နေ့လယ်ပိုင်းတွင် မီးလောင်ပေါက်ကွဲ နေကြောင်း ဒေသခံသတင်းရင်းမြစ်အချို့ကပြောသည်။ တအာင်းအမျိုးသားလွတ်မြောက်ရေးတပ်မတော်(TNLA) ဦး​ဆောင်​သော​တော်လှန်​ရေးတပ်များ နှင့် စစ်ကောင်စီတပ်တို့ ယ​နေ့ တိုက်ပွဲပြင်းထန်နေခြင်းဖြစ်ပြီး အမတ(၃၅၄) လက်နက်ခဲယမ်းတိုက် မီးလောင်ပေါက်ကွဲသွားသည်ကို မြေပြင်သတင်းရင်းမြစ်က အတည်ပြုသည်။ ” TNLAက လက်နက်ကြီးနဲ့ဆော်တာ”ဟု အဆိုပါသတင်းရင်းမြစ်ကပြောသည်။ ​တောင်းခမ်းတိုက်ပွဲတွင် TNLA နှင့်အတူပါဝင်တိုက်ခိုက်​နေ​သောဓနုပြည်သူ့လွတ်မြောက်ရေးတပ်တော်(DPLA)ထံ ဆက်သွယ်မေးမြန်းရာ တိုက်ပွဲပြင်းထန်နေကြောင်းပြောပြီး အသေးစိတ်အခြေအနေကိုမသိရှိရသေးဟုသာ​ပြောသည်။ TNLAနှင့် စစ်ကောင်စီသည် တရုတ်အစိုးရ၏ တိုက်တွန်းမှုဖြင့် တရုတ်နိုင်ငံကူမင်းမြို့တွင် ဖေဖော်ဝါရီလ၁၆ရက်မှ ၁၇ရက်အထိ တွေ့ဆုံဆွေးနွေးခဲ့ပြီး အဖြေမထွက်ဘဲ ဆွေးနွေးမှုရပ်တန့်ခဲ့သည်။ စစ်​ကောင်စီက တရုတ်​ဆွေး​နွေးပွဲ မတိုင်ခင်​ရော ၊​ဆွေး​နွေး​နေစဥ် နှင့် ​နောက်ပိုင်းတွင်ပါ TNLA…

ပဲခူးနှင့် မကွေးတိုင်းအတွင်းရှိ စစ်ကောင်စီတပ်စခန်း ၂ ခုကို AA တိုက်ခိုက်နေပြီး ကာကင်းစခန်းတချို့ကို သိမ်းပိုက်ထား ရန်ကုန်| ဖေဖော်ဝါရီ ၂၅ ပဲခူးတိုင်း ပန်းတောင်းမြို့နယ် ညောင်ကျိုးရွာအနီးက စစ်ကောင်စီတပ်စခန်းနှင့် မကွေးတိုင်း ငဖဲမြို့နယ် အမ်း-ပဒါန်းလမ်းမှာရှိသည့် နတ်ရေကန်ဗျူဟာ စစ်ကောင်စီတပ်စခန်းတို့ကို အာရက္ခတပ်တော် AA နှင့် ပူးပေါင်းတပ်ဖွဲ့က ထိုးစစ်ဆင်တိုက်ခိုက်နေကြောင်း သိရသည်။ ညောင်ကျိုးကျေးရွာအနီးက စစ်ကောင်စီတပ်စခန်းကို ထိုးစစ်ဆင်တိုက်ခိုက်နေသည်မှာ တစ်ပတ်ခန့် ရှိလာနေပြီး နတ်ရေကန်ဗျူဟာ တပ်စခန်းသိမ်းတိုက်ပွဲမှာလည်း ပြင်းထန်နေဆဲဖြစ်ကြောင်း စစ်ရေးသတင်းရင်းမြစ်များက ပြောသည်။ “တိုက်ပွဲကတော့ နှစ်နေရာစလုံးမှာ ပြင်းပြင်းထန်ထန်ပဲ။ စစ်ကောင်စီဘက်ကတော့ အကျအဆုံး များတယ်လို့ သိရတယ်။ လေကြောင်းတိုက်ခိုက်မှုတွေ၊ စစ်ကူဖြည့်ပေးတာကိုတော့ စစ်ကောင်စီက တောက်လျှောက်လုပ်ပေးနေတာပေါ့လေ။ AA နဲ့ ပူးပေါင်းတပ်ဖွဲ့တွေကလည်း အသားကုန်ဆော်နေကြတာ” ဟု ပြောသည်။ စစ်ကောင်စီ၏…

ကျိုက်ထို သိမ်ဇရပ် အခြေစိုက် ခမရ ၂၀၇ တပ်ရင်း ကာကင်းစခန်းများနှင့် အမှတ် ၃၁၀ အမြောက်တပ်တို့ကို တိုက်ခိုက်မှု စစ်တပ်ဘက်မှ ထိခိုက်သေဆုံးမှုရှိ ရန်ကုန်၊ ဖေဖော်ဝါရီ ၂၅ မွန်ပြည်နယ်၊ ကျိုက်ထိုမြို့နယ် သိမ်ဇရပ် အခြေစိုက် ခမရ ၂၀၇ တပ်ရင်း၏ ကာကင်းစခန်းများကို ရှော့တိုက်ဒုံး၊ ဒရုန်းများဖြင့် တိုက်ခိုက်ရာ အကြမ်းဖက် စစ်တပ်ဘက်မှ ထိခိုက်သေဆုံးမှုရှိကြောင်း အင်းတကော် ပကဖ မှ တာဝန်ရှိသူ တစ်ဦးက ရန်ကုန်ခေတ် သစ် သတင်းဌာနထံသို့ ပြောဆိုသည်။ ဖေဖော်ဝါရီလ ၂၅ ရက်နေ့ နံနက် ၁၀ နာရီ ၁၅ မိနစ်ခန့်တွင် သိမ်ဇရမ် အခြေစိုက် ၂၀၇ တပ်ရင်း၏ ကာကင်းစခန်းများကို တော်လှန်ရေး တပ်ဖွဲ့များက ဒရုန်းဖြင့်…

မြိုင်နယ် ရေနံမှော်ထဲက PDF မင်္ဂလာဆောင်ကို စစ်အုပ်စု ပေါင် ၅၀၀ ဗုံးကြဲ ထိခိုက်သေဆုံးမှုများပြားပြီး ဒေသခံတွေ ရွှေ့ပြောင်းထွက်ပြေးနေရ အီသာရမ် / MFP ၊ ဖေဖော်ဝါရီ – ၂၅ မြိုင်နယ် အနောက်တောင်ပိုင်း ရေနံမှော်တွေထဲက PDF မင်္ဂလာဆောင်ကို စစ်အုပ်စုက ဂျက်ဖိုက်တာနဲ့ပေါင် ၅၀၀ ဗုံးကြဲချတိုက်ခိုက်ခဲ့လို့ ထိခိုက်သေဆုံး‌မှုများပြားပြီး ပြည်သူတွေရွှေ့ပြောင်းထွက်ပြေးနေရတယ်လို့ ဒေသခံသတင်း ရင်းမြစ်က MFP ကို ပြောပါတယ်။ ဖေဖော်ဝါရီလ ၂၅ ရက် ဒီကနေ့ မနက် ၁၀ နာရီခန့်မှာ မြိုင်နယ်အနောက်တောင်ပိုင်း ကျောက်ခွက်ရေနံမြေအနီး ဆုံကုန်းကျေးရွာ ဘုန်းကြီးကျောင်းက PDF မင်္ဂလာဆောင်ကို စစ်အုပ်စုက ဂျက်ဖိုက်တာနဲ့ ပေါင် ၅၀၀ ဗုံးကြဲချ တိုက်ခိုက်ခဲ့တာဖြစ်ပြီး ထိခိုက်သေဆုံးမှု များပြားတယ်လို့…

ဗထူးသင်တန်းကျောင်းမှ တပ်ကြပ်ကြီး မင်းဇော်ဦးနှင့် တောင်ကြီး အမတ ၃၅၇ မှ တပ်ခွဲ တပ်ကြပ်ကြီး အောင်မြင့်တို့ စကားများပြီး အချင်းချင်း ပစ်ခတ်၍ ၂ ဦးလုံး သေဆုံး ရန်ကုန်၊ ဖေဖော်ဝါရီ ၂၅ ရှမ်းပြည်နယ်၊ ဗထူး တိုက်ခိုက်ရေးသင်တန်းကျောင်းတွင် တပ်ကြပ်ကြီး မင်းဇော်ဦးနှင့် အမှတ် ၃၅၇ အမြောက်တပ်(တောင်ကြီး)မှ တပ်ခွဲ တပ်ကြပ်ကြီး အောင်မြင့် တို့ စကားများရာမှ အချင်းချင်းပစ်ခတ်မှုဖြစ်၍ ၂ ဦးစလုံး သေဆုံးခဲ့ကြကြောင်း CDM ဗိုလ်ကြီး ဇင်ယော်က စစ်ရေးသတင်းအရင်းအမြစ်ကို ကိုးကား၍ ရန်ကုန်ခေတ်သစ်သတင်းဌာနထံသို့ ပြောကြားသည်။ ဖေဖော်ဝါရီလ ၂၀ ရက်နေ့တွင် ထိုကဲ့သို့ နှစ်ဦးစလုံး အချင်းချင်း စကားရန်ဖြစ်ရာမှ ပစ်ခတ်မှုဖြစ်ပွား၍ ၂ ဦးလုံး သေဆုံးခဲ့ကြခြင်းဖြစ်ကြောင်း၊ ၂…

သိမ်ဇရပ်မြို့ ခမရ ၂၀၇ နှင့် ဟိန်းမြန်မာကျောက်မိုင်းအနီး စစ်ကောင်စီကာကင်းစခန်းကို ဗုံးသီးချပြီး ၆၀ မမ လက်နက်ကြီးဖြင့် တိုက်ခိုက် (ရုပ်/သံ) ဖေဖော်ဝါရီ ၂၅၊ ၂၀၂၅ မွန်ပြည်နယ်၊ သိမ်ဇရပ်မြို့ ခမရ ၂၀၇ နဲ့ ဟိန်းမြန်မာကျောက်မိုင်းအနီးက စစ်ကောင်စီကာကင်းစခန်းကို ဒရုန်းနဲ့ ဗုံးသီးကြဲချပြီး ၆၀ မမ လက်နက်ကြီးနဲ့ ပစ်ခတ်တိုက်ခိုက်ခဲ့တယ်လို့ ကဝမြို့နယ် ပကဖထံက သိရပါတယ်။ ဖေ‌ဖော်ဝါရီ ၁၈ ရက် နေ့လယ်ပိုင်းက ခမရ ၂၀၇ နဲ့ ဟိန်းမြန်မာကျောက်မိုင်းအနီး ကာကင်းစခန်းကိုအင်းတကော်မြို့ ပကဖ(ဒရုန်းအဖွဲ့) နဲ့ ဝေါမြို့နယ်ပကဖတို့ ပူးပေါင်းပြီး ဒရုန်းနဲ့ ဗုံးသီးကြဲချကာ ၆၀ မမ လက်နက်ကြီးနဲ့ ပစ်ခတ်တိုက်ခိုက်ခဲ့တယ်လို့ သိရပါတယ်။ ဒါ့အပြင် အဲဒီနေ့မှာပဲ KNU/KNLA ဦးဆောင်ပြီး…