MYIA MM

ဧရာဝတီတိုင်း မြို့နယ်သုံးခုမှာ တိုက်ပွဲဖြစ်နေ ~~~ ■ ဧရာဝတီတိုင်း လေးမျက်နှာ၊ ရေကြည်နဲ့ သာပေါင်းမြို့နယ်တို့မှာ စစ်ကောင်စီတပ်နဲ့ အာရက္ခတပ်တော် (AA) ပူးပေါင်းတပ်တို့ ဒီရက်ပိုင်းတိုက်ပွဲဖြစ်နေပြီး စစ်ကောင်စီတပ်က လေကြောင်းကနေ ဗုံးကြဲတိုက်ခိုက်နေတယ်လို့ စစ်ရေးအခြေအကိုသိရှိတဲ့ ဒေသခံတွေက မတ် ၂၀ ရက် ဒီနေ့မှာ ပြောပါတယ်။ လေးမျက်နှာမြို့နယ် ချင်းလယ်ရွာအနီး တိုက်ပွဲအတွင်း မတ် ၁၈ ရက်နေ့မှာ စစ်ကောင်စီတပ်က ဗုံးကြဲတိုက်ခိုက်ခဲ့ပြီး မတ် ၂၀ ရက်နေ့အထိထည်း တိုက်ပွဲတွေ ဆက်လက် ပြင်းထန်နေတယ်လို့ ဆိုပါတယ်။ လေးမျက်နှာမြို့နယ်နဲ့ နယ်မြေတစ်ဆက်တည်းဖြစ်တဲ့ ရေကြည်မြို့နယ်အခြေစိုက် ရေကြည်မြို့နယ်အခြေစိုက် အမတ (၃၄၄) အမြောက်တပ်အနီးမှာလည်း တိုက်ပွဲတွေ ပြင်းထန်နေတယ်လို့ ဒေသခံတစ်ဦးက ပြောပါတယ်။ “ဟုတ်တယ် ဗုံးကြဲသွားတယ်၊ လေးမျက်နှာမြို့နယ်ထဲမှာ။ ရေကြည်မြို့နယ်မှာတော့ ကင်းထောက်လေယာဥ်…

ရန်ကုန်တိုင်း၊ အင်းစိန်မြို့နယ်၊ အောက်မင်္ဂလာဒုံ လမ်းမကြီးဘေးမှာရှိတဲ့ အမှတ် ၂ မှုခင်းရဲတပ်ဖွဲ့၊ တပ်ခွဲရုံးရဲ့ ကင်းစခန်းကို မတ် ၁၉ ရက် ည ၈ နာရီလောက်က အဝေးထိန်းမိုင်းနဲ့ ဖောက်ခွဲတိုက်ခိုက်ခဲ့တယ်လို့ ရန်ကုန်မြို့ပြပြောက်ကျားတော်လှန်ရေးတပ်ဖွဲ့ (RUC) ထံက သိရပါတယ်။ မှုခင်းရဲတပ်ဖွဲ့ရဲ့ ကင်းစခန်း မိုင်းဖောက်ခွဲတိုက်ခိုက်ခံရတာကြောင့် ကင်းစောင့်နေတဲ့ ရဲတပ်ဖွဲ့ဝင် တယောက် ထိခိုက်ဒဏ်ရာရရှိပြီး ညတွင်းချင်း အရေးပေါ် ဆေးရုံပို့ခဲ့ရတယ်လို့ ဆိုပါတယ်။ RUCမြို့ပြပြောက်ကျားတော်လှန်ရေးတပ်ဖွဲ့ တာဝန်ခံရဲဘော် ရဲခေါင်က ”ပြင်းအားမြင့် အဝေးထိန်း မိုင်းထောင်ပြီး ဖောက်ခွဲတိုက်ခိုက်ခဲ့တာ။ အမှတ် ၂ မှုခင်းရဲတပ်ဖွဲ့ရဲ့ တပ်ခွဲရုံး ကင်းစခန်းကို တိုက်ခိုက်ခဲ့တာ ထိခိုက်မှုတော့ရှိတယ်။ ကင်းစောင့်နေတဲ့သူကတော့ သေဖို့များတယ်။ ညတွင်းချင်း ဆေရုံခေါ်သွားတယ်”လို့ ပြောပါတယ်။ တိုက်ခိုက်မှုတွေကို ထိထိရောက်ရောက်လှုပ်ရှားနိုင်ဖို့နဲ့ ရန်ကုန်ကို အလုံးစုံ…

မင်းအောင်လှိုင်ကို ဖမ်း၀ရမ်းထုတ်ရန် ပြင်ဆင်နေသည့် ICC တရားရုံးက ဖိလစ်ပိုင်သမ္မတဟောင်းကို ဖမ်းဆီးတရားစွဲသည့် လုပ်ရပ် မှားယွင်းနေဟု ကြံ့ဖွတ် ဥက္ကဋ္ဌ ခင်ရီ ထွက်ပြော (ရုပ်/သံ) ရန်ကုန်၊ မတ် ၂၀ အကြမ်းဖက် စစ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ရန် ပြင်ဆင်နေသည့် အပြည်ပြည်ဆိုင်ရာ ရာဇဝတ်တရားရုံး ICC တရားရုံး၏ လုပ်ရပ်များမှာ မှားယွင်းနေကြောင်း ကြံ့ဖွတ် ဥက္ကဋ္ဌ ခင်ရီက ထွက်၍ ပြောဆိုလာသည်။ ယမန်နေ့ ICC တရားရုံး၏လုပ်ရပ်များအပေါ် ကြံ့ဖွတ်ဥက္ကဋ္ဌ ခင်ရီ၏ သုံးသပ်ချက် ဗီဒီယိုကို စစ်တပ်လော်ဘီ တယ်လီဂရမ်ချန်နယ်များမှတစ်ဆင့် ထုတ်ပြန်လိုက်ပြီး ယင်းသုံးသပ်ချက်တွင် ခင်ရီက ဖိလစ်ပိုင် သမ္မတဟောင်း ဒူတာတေးကို ဖမ်းဆီးတရားစွဲဆို စစ်ဆေးနေသော ICC တရားရုံး ၏ လုပ်ရပ်များသည် နိုင်ငံတစ်နိုင်ငံ၏…

ငပလီကို ထိန်းချုပ်ထားသည့် အာရက္ခတပ်တော်(AA) က ဗိုလ်ချုပ်သန်းရွှေ၊ ဗိုလ်ချုပ်မောင်အေးတို့၏ မိသားစုပိုင် ကမ်းခြေဟိုတယ်နှစ်လုံးကို သိမ်းယူ၊ ချိပ်ပိတ် လိုက်သည်။ အာရက္ခတပ်တော်(AA) သည် စစ်အာဏာရှင်ဟောင်း ဗိုလ်ချုပ်သန်းရွှေ၊ ဗိုလ်ချုပ်မောင်အေးတို့၏ သားသမီးများကို အကြမ်းဖက်အဖွဲ့ နှင့်ပတ်သက်သူများဟု သတ်မှတ်ပြီး ငပလီကမ်းခြေမှ ဟိုတယ်နှစ်လုံးကို ပြီးခဲ့သည့် သီတင်းပတ်အတွင်းက ချိပ်ပိတ်သိမ်းယူလိုက်သည်။ အဆိုပါဟိုတယ်များမှာ ဗိုလ်ချုပ်သန်းရွှေ၏သား ဦးသန့်ဇော်ရွှေပိုင် Thande Beach Hotel – Ngapali (သံတဲကမ်းခြေဟိုတယ်-ငပလီ)၊ ဗိုလ်ချုပ်မောင်အေး၏သမီး ဒေါ်နန္ဒာအေးပိုင် Pristine Mermaid Resort ဟိုတယ်တို့ဖြစ်သည်။ ဘင်္ဂလားပင်လယ်အော်သို့ မေးတင်ထားသည့် မြန်မာနိုင်ငံ၏အလှပဆုံးကမ်းခြေမှ ထိုဟိုတယ်နှစ်လုံး ဆောက်လုပ်ရန် မြေနေရာအတွက် စစ်တပ်ကဒေသခံလယ်သမားများကို ၂၀၀၀ ပြည့်နှစ်ဝန်းကျင်က ခြိမ်းခြောက်မောင်းထုတ်ခဲ့သည်။ ထိုမိသားစုများသည် ကမ်းခြေဇိမ်ခံဟိုတယ်လုပ်ငန်းမှ အကျိုးအမြတ်များ ဆယ်စုနှစ်နှစ်ခုနီးပါးကြာ ရရှိနေခဲ့ရာမှ…

မင်းအောင်လှိုင်ကို ဖမ်း၀ရမ်းထုတ်ရန် ပြင်ဆင်နေသည့် ICC တရားရုံး၏ လုပ်ရပ်များ မှားယွင်းနေပြီဟု ကြံ့ဖွတ် ဥက္ကဋ္ဌ ခင်ရီ ထွက်ပြော 🟥 ဖိလစ်ပိုင်သမ္မတဟောင်း ဒူတာတေးကို ICC တရားရုံးက ဖမ်းဆီးစစ်ဆေးနေမှု မင်းအောင်လှိုင်နှင့်နေပြည်တော်မှ ဗိုလ်ချုပ်များ ထိတ်လန့်တုန်လှုပ် ရန်ကုန်၊ မတ် ၂၀ အကြမ်းဖက် စစ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ရန် ပြင်ဆင်နေသည့် အပြည်ပြည်ဆိုင်ရာ ရာဇဝတ်တရားရုံး ICC ၏ လုပ်ရပ်များမှာ မှားယွင်းနေကြောင်း ကြံ့ဖွတ် ဥက္ကဋ္ဌ ခင်ရီက ထွက်၍ ပြောဆိုလာသည်။ ယမန်နေ့ ICC တရားရုံး၏လုပ်ရပ်များအပေါ် ကြံ့ဖွတ်ဥက္ကဋ္ဌ ခင်ရီ၏ သုံးသပ်ချက် ဗီဒီယိုကို စစ်တပ်လော်ဘီ တယ်လီဂရမ်ချန်နယ်များမှတစ်ဆင့် ထုတ်ပြန်လာပြီး ယင်းသုံးသပ်ချက်ဗီဒီယိုတွင် ကြံ့ဖွတ် ခင်ရီက ဖိလစ်ပိုင် သမ္မတဟောင်း ဒူတာတေးကို…

ဧရာဝတီနှင့်ရခိုင်အစပ် တိုက်ပွဲတွင် သေဆုံးသွားသည့် တန်းမြင့်သင်တန်းကျောင်းမှ စစ်ကောင်စီတပ် အရာရှိကို ကျောင်းအနီးတွင် တိတ်တဆိတ်သင်္ဂြိုဟ် ဧရာဝတီတိုင်းမ် မတ် ၁၉ ရက် ဧရာဝတီတိုင်း၊ ဟင်္သာတခရိုင်၊ အင်္ဂပူမြို့နယ်၊ ကွင်းကောက်မြို့ အမှတ်(၅) တပ်မတော်တန်းမြင့် လေ့ကျင့်ရေးကျောင်း(တကက-၅)မှ စစ်ကောင်စီအရာရှိတစ်ဦး သေဆုံးသွား၍ ကျောင်းအနီးတွင် တိတ်တဆိတ် သင်္ဂြိုဟ်သွားကြောင်း သိရသည်။ တတက-၅ မှ စစ်ကောင်စီတပ်အရာရှိတစ်ဦးသည် ဧရာဝတီနှင့်ရခိုင်အစပ် တိုက်ပွဲတွင် သေဆုံး သွားသဖြင့် ယနေ့ မတ် ၁၉ ရက် နံနက်ပိုင်း ၈ နာရီ ၃၀ မိနစ်တွင် သင်တန်း‌ကျောင်းအနီး ရခိုင်ကုန်း ကျေးရွာ သုဿာန်တွင် သင်္ဂြိုဟ်သွားကြောင်း ဒေသခံများထံမှ သိရသည်။ “ရခိုင် ဧရာအစပ်မှာတိုက်ပွဲတွေပြင်းထန်နေတာ။ ဒီမနက် ၁၀ နာရီလောက်က ပုသိမ်နတခက တက်လာတဲ့…

ဥသျှစ်ပင်သို့ AA နှင့်ပူးပေါင်းအဖွဲ့ရောက်လာပါက သေဒဏ်ဟုခြိမ်းခြောက်ပြီး ညောင်ကျိုးကို စစ်ကူထပ်လွှတ် ဧရာဝတီတိုင်းမ် မတ် ၁၉ ရက် စစ်ကောင်စီက တိုက်ပွဲပြင်းထန်နေသည့် ညောင်ကျိုးကို စစ်ကူတပ်များ ထပ်မံစေလွှတ်နေရပြီး ဥသျှစ်ပင်အတွင်းသို့ ရန်သူ ရောက်လာပါက သေဒဏ်ဟု ခြိမ်းခြောက်ပြောဆိုထားကြောင်း သိရသည်။ ယမန်နေ့ မတ် ၁၈ ရက်နေ့က ညောင်ခြေထောက်ရှိ အမှတ်(၆)ကာကွယ်ရေးပစ္စည်းစက်ရုံ (ကပစ-၆) အတွင်းသို့ ဒကစ (ပြည်) ခေတ္တဒေသကွပ်ကဲရေးမှူး ဗိုလ်မှူးဝင်းထွဋ်လာရောက်ပြီး စစ်ကူလွှတ်မည့် တပ်များကို ခြိမ်းခြောက်ပြောဆိုခဲ့ခြင်းဖြစ်ကြောင်း တပ်သတင်းရင်းမြစ်ထံမှ သိရသည်။ “စစ်ထွက်မယ့် တပ်ခေါင်းဆောင်ကို ခေါ်ပြီး ပြောတာ။ စစ်ခေါင်းဆောင်က သူ့ကို သစ္စာမဖောက်ရင် ပြီးရော ပြေးပြေး ပြောင်းပြောင်း ခွင့်လွှတ်တယ်”ဟု တပ်သတင်းရင်းမြစ်က ဧရာဝတီတိုင်းမ်ကို ပြောသည်။ ညောင်ကျိုးရှိ စစ်ကောင်စီစခန်းနှင့် ချင်းကုန်းရှိ…

အမြန်လမ်း​ပေါ်မှာ PDF​တွေက ရဲကား သုံးစီးကိုတိုက်ခိုက် ရဲ ၅ဦးထက်မနည်း​သေဆုံး မတ်-၁၉၊၂၀၂၅။​နေ့သစ်/People’s Spring ရန်ကုန်- မန္တလေးအမြန်လမ်းမှာ မန္တလေးဘက်က နေ မိတ္ထီလာဘက်ကို စစ်​ကောင်စီရဲ​တွေ​မောင်းနှင်းလာတဲ့ ရဲကား ၁စီး နဲ့ အိမ်စီးကား ၂ စီ စုစု​ပေါင်း ၃စီးကို ပြည်သူ့ကာကွယ်​ရေးတပ်ဖွဲ့တွေက ကြားဖြတ်တိုက်ခိုက်ခဲ့ရာ ရဲ၅ဦးထပ်မနည်း သေဆုံးပြီး ထိခိုက်ဒဏ်ရာရသူတွေ များတယ်လို့ မြင်းခြံခရိုင်တပ်ရင်း၄-၁၀ တာဝန်ရှိသူက​ပြောပါတယ်။ မတ်လ၁၉ရက်နေ့၊ မနက်၁၁နာရီခန့်က မန္တလေးဘက်က နေ မောင်းနှင်လာတဲ့ရဲကား တွေကို မိုင်တိုင် ၃၁၉မှာ မြင်းခြံခရိုင်တပ်ရင်း(၄)၊ ခရိုင်တပ်ရင်း(၁၀) နဲ့ မဟာမိတ်ဖြစ်တဲ့ မြစ်သားမြို့နယ်ပကဖတို့က ပူး ပေါင်းတိုက်ခိုက်ခဲ့တာဖြစ်ပါတယ်။ ရဲကား တွေကို အနီးကပ် လက်နက်ငယ် တွေနဲ့ဝင် ရောက်ပစ်ခတ်ခဲ့တာဖြစ်ပြီး ရဲကားတစီးဟာ အရှိန်လွန်ပြီး နောက်တမိုင်တိုင်အ ကျော်က…

ရန်ကုန်-မန္တလေး အမြန်လမ်းရှိ ပြင်စည်ရဲကင်းစခန်းကို တော်လှန်ရေးတပ်များက ဝင်ရောက်တိုက်ခိုက်မှုကြောင့် တိုက်ပွဲဖြစ်ပွား၊ အမြန်လမ်း ယာယီပိတ်ကာ ခရီးသည်တင်ကားများ ရပ်တန့်ခဲ့ရ ရန်ကုန်၊ မတ် ၁၉ ရန်ကုန်-မန္တလေး အမြန်လမ်းရှိ ပြင်စည်ရဲကင်းစခန်းကို တော်လှန်ရေးတပ်များက ယနေ့ နံနက်ပိုင်း ဝင်ရောက်တိုက်ခိုက်မှုဖြစ်ပွားပြီး တိုက်ပွဲဖြစ်ပွားကာ အမြန်လမ်းယာယီပိတ်သွားခဲ့ကြောင်း ခရီးသွားပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ မတ်လ ၁၉ ရက်နေ့ နံနက် ၁၀ နာရီ ၄၅ မိနစ်ဝန်းကျင်မှစတင်ပြီး မန္တလေးတိုင်း၊ နွားထိုးကြီးမြို့နယ်၊ ရန်ကုန်-မန္တလေး အမြန်လမ်း မိုင်တိုင်အမှတ် ၃၁၉ မိုင် ၆ ဖာလုံရှိ စစ်ကောင်စီ၏ ပြင်စည် အမြန်လမ်း ရဲကင်းစခန်းကို တော်လှန်ရေးတပ်များက ဝင်ရောက်တိုက်ခိုက်ခဲ့ကြောင်း၊ အပြန်အလှန် ပစ်ခတ်မှု မိနစ် ၄၀ ခန့်ဖြစ်ပွားခဲ့ကြောင်း သိရှိရသည်။…

လက်နက်ကိုင်တိုက်ပွဲများ ရပ်တန့်ပေးကြရန် စစ်ခေါင်းဆောင်ပြော 001 မဇ္ဈိမ။ ။ တိုင်းရင်းသားလက်နက်ကိုင်များနှင့် သက်ဆိုင်ရာအဖွဲ့အစည်းများ၊ ပတ်သက်သူများအနေဖြင့် လက်နက်ကိုင်တိုက်ပွဲများရပ်တန့်ပေးကြရန် စစ်ကောင်စီခေါင်း‌ဆောင် ဗိုလ်ချုပ်မှူးကြီးမင်းအောင်လှိုင်က ယနေ့ (မတ်လ ၁၉ရက်) ကျရောက်သည့် (၅၁) နှစ်မြောက် မွန်ပြည်နယ်နေ့အခမ်းအနားသို့ သဝဏ်လွှာပေးပို့ရာတွင် ထည့်သွင်းပြောကြားသည်။ ပြည်သူများဒုက္ခရောက်စေပြီး နိုင်ငံကိုအန္တရာယ်ကျရောက်စေမည့် လုပ်ရပ်များကို နိုင်ငံနှင့်ပြည်သူ အကျိုးရှေးရှု၍ ရပ်တန့်ပေးကြရန် အသိပေးလိုကြောင်း စစ်ကောင်စီခေါင်း‌ဆောင် ပြောဆိုထားသည်။ လက်ရှိတွင် စစ်​ကောင်စီက တိုက်ပွဲဖြစ်ပွားမှုမရှိသည့်နေရာများကိုပါ ပစ်မှတ်ထား‌လေကြောင်းတိုက်ခိုက်မှုများ​ကြောင့် အရပ်သားများ​ထိခိုက်သေဆုံးပြီး အ​ဆောက်အအုံများပျက်စီး​နေ​​သော်လည်း စစ်ခေါင်းဆောင်က နယ်မြေဒေသအသီးသီးတွင် တိုင်းရင်းသားလက်နက်ကိုင်များနှင့် ပြည်သူ့ကာကွယ်ရေးတပ်မတော်(PDF)များ၏ တိုက်ခိုက်မှုများကြောင့် အခြေခံအဆောက်အအုံများနှင့် ဒေသခံများ၏ အသက်အိုးအိမ်စည်းစိမ်များ ပျက်သုန်းကာ ဆင်းရဲဒုက္ခရောက်နေကြကြောင်း အပြစ်တင်ထားသည်။ စစ်ကောင်စီအနေဖြင့် ရွေးကောက်ပွဲပြန်လည်ကျင်းပနိုင်ရေး သန္နိဌာန်ချမှတ်ဆောင်ရွက်လျက်ရှိပြီး ထိုသို့ကျင်းပနိုင်ရေးအတွက် လိုအပ်လျက်ရှိသည့် နိုင်ငံတဝန်းတည်ငြိမ်အေးချမ်းမှုရှိစေရေးကို တိုင်းရင်းသားပြည်သူအားလုံး ဝိုင်းဝန်းကြိုးပမ်းဆောင်ရွက်ကြရန်…