Category: News

ဖားကန့်တွင်တိုက်ပွဲပြင်းထန်နေ၊ မြစ်ကြီးနားနှင့် မိုးကုတ်မြို့ကို စစ်ကောင်စီက ​လေ​ကြောင်း နှင့် လက်နက်ကြီးသုံးတိုက်ခိုက် ဇွန်-၂၆၊၂၀၂၅။ဇော်ရမ်း/People’s Spring ဖားကန့်တွင် ယနေ့(ဇွန်လ ၂၆ရက်) အစောပိုင်း၌ တိုက်ပွဲပြင်းထန်နေပြီး ယမန်နေ့ ညတွင်လည်း စစ်​ကောင်စီက မြစ်ကြီးနား နှင့် မိုးကုတ်မြို့တို့ကို ​လေ​ကြောင်းမှ ဗုံးကြဲပြီး လက်နက်ကြီးဖြင့်ပစ်ခတ်ခဲ့သည်။ ဖားကန့်မြို့နယ်၊ အင်မားယာန်သုသာန်အနီးနှင့် ရတနာပုံလုပ်ကွက်မြေစာပုံအနီး၌ ဇွန် ၂၆ ရက် နံနက်အစောပိုင်းမှစ၍ တိုက်ပွဲပြင်းထန်နေသည်ဟု ဒေသခံတစ်ဦးကပြောာသည်။ ” မနေ့ကတည်းက ချတာ။ ဒီမနက်လည်း အရမ်းပြင်းထန်နေပါတယ်။ အင်မားယာန်နံ့ရတနာပုံလုပ်ကွက်ဖက် လုံးဝ စိတ်မချရဘူး။ မနေ့ညကဆို အပြေးမြန်လို့ မသေတာ”ဟု ၎င်းကပြောသည်။ အင်မားယာန်သုသာန်အနီးနှင့် ရတနာပုံလုပ်ကွက်မြေစာပုံအနီး၌ စစ်ရေးသတိပြကြရန် KIA နှင့် KPDF ရဲဘော်များက ဇွန်လ ၂၅ရက်နေ့မှစ၍ လူမှုကွန်ရက်မှတဆင့် သတိပေးခဲ့သည်။…

ရန်ကုန်-မန္တလေးလမ်းဟောင်းရှိ မြို့များပေါ်တွင်သာ စစ်တပ်က စိုးမိုးနိုင်တော့ပြီး တော်လှန်ရေးတပ်များက နေရာအများစုကို ထိန်းချုပ်ကာ ရန်ကုန်နှင့်အနီးဆုံးသို့ တရွေ့ရွေ့ ဦးတည်ချီးကပ်လာနေ 🟥 စစ်ကောင်စီက ရန်ကုန်နှင့်ပဲခူးမြို့တို့ ကာကွယ်ရန် Mobile အရပ်တပ်ဖွဲ့များ အရေးပေါ် ဖွဲ့စည်း ရန်ကုန်၊ ဇွန် ၂၆ ရန်ကုန်-မန္တလေးလမ်းဟောင်းရှိ မြို့များပေါ်တွင်သာ အကြမ်းဖက် စစ်တပ်က စိုးမိုးနိုင်တော့ပြီး တော်လှန်ရေးတပ်များက မြို့ပြင်ပ နေရာအများစုကို ထိန်းချုပ်ကာ ရန်ကုန်နှင့်အနီးဆုံးသို့ တရွေ့ရွေ့ ဦးတည်ချီးကပ်လာနေကြောင်း ပြည်သူ့ကာကွယ်ရေးတပ်မတော်၊ တောင်ပိုင်းတိုင်းစစ်ဒေသမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ရန်ကုန်-မန္တလေးဟောင်းရှိ ညောင်လေးပင်မြို့နယ်၊ ဖြူးမြို့နယ်နှင့် ကျောက်တံခါးမြို့နယ်များရှိ စစ်ကောင်စီ၏ တပ်စခန်း ၉ ခုကို တော်လှန်ရေးတပ်များက ယမန်နေ့ နံနက်ပိုင်း တစ်ပြိုင်နက်တည်း ဝင်ရောက်တိုက်ခိုက်ခဲ့ပြီး အဆိုပါ တိုက်ခိုက်မှုတွင် စစ်သား ၂၀…

လူထုခေါင်းဆောင် ဒေါ်‌အောင်ဆန်းစုကြည်အတွက် မွေးနေ့ကမ်ပိန်းဟာ ဂင်းနစ်စံချိန်ချိုးကာ အောင်မြင်ခဲ့သည်ဟု ကိုထိန်လင်း ပြော (ရုပ်/သံ) ဇွန် ၂၅၊ ၂၀၂၅ လူထုခေါင်းဆောင် ဒေါ်အောင်ဆန်းစုကြည်ရဲ့ အသက် (၈၀) ပြည့် မွေးနေ့ကမ်ပိန်းဟာ ဂင်းနစ်စံချိန် ချိုးနိုင်ခဲ့ပြီး အောင်မြင်မှုရခဲ့တယ်လို့ ဒေါ်အောင်ဆန်းစုကြည်ရဲ့ သားငယ် ကိုထိန်လင်းက ဆိုပါတယ်။ ”မေမေ့အတွက် မွေးနေ့ဆုတောင်းဗီဒီယိုတွေ ၁ သိန်းကျော်နီးပါး ပေးပို့ပြီး မနှစ်က ဂင်းနစ်စံချိန်ကို ချိုးနိုင်ခဲ့တာတွေက စည်းလုံးမှုနဲ့ အားပေးမှုကို အပြည့်အဝ ဖော်ပြလိုက်သလိုပါပဲ။ ဒါဟာ ကျနော် မျှော်လင့်ထားတာနဲ့ အများကြီးသာလွန်ပါတယ်”လို့ ဆိုပါတယ်။ မွေးနေ့ဆုတောင်းဗီဒီယို ပေးပို့ခဲ့တဲ့အတွက် ဒေါ်အောင်ဆန်းစုကြည်ကို ချစ်ခင်ပေးတဲ့အတွက် လှိုက်လှိုက်လှဲလှဲ ကျေးဇူးတင်ကြောင်းလည်း ပြောခဲ့ပါတယ်။ Video-Kim Aris – Htein Lin

ရန်ကုန် – မန္တလေးလမ်းဟောင်းပေါ်မှ စစ်ကောင်စီစခန်း ၉ ခုကို တိုက်ခိုက်မှု စစ်တပ်ဘက်မှ ၁၉ ဦးသေဆုံးပြီး ရဲအုပ် ၁ ဦး အပါအဝင် ၃ ဦးအရှင်ဖမ်းဆီးရရှိ ရန်ကုန်၊ ဇွန် ၂၅ ပဲခူးတိုင်း၊ ညောင်လေးပင်၊ ကျောက်တံခါး၊ ဖြူးမြို့ နယ်အတွင်း ရန်ကုန် – မန္တလေး လမ်းဟောင်းပေါ်ရှိ စစ်ကောင်စီတပ်ဖွဲ့ များ အခြေချတပ်စွဲထားသည့်စခန်း ၉ ခုကို တော်လှန်ရေးတပ်များက ဝင်ရောက်တိုက်ခိုက်ခဲ့ရာ စစ်တပ်ဘက်မှ ၁၉ ဦးသေဆုံးပြီး ရဲအုပ် ၁ ဦး အပါအဝင် ၃ ဦးအရှင်ဖမ်းဆီးရရှိကြောင်း NUG ကာကွယ်ရေးဝန်ကြီးဌာနက တရားဝင်သတင်းထုတ်ပြန်သည်။ ယနေ့ ဇွန်လ ၂၅ ရက်နေ့ နံနက်အစောပိုင်းတွင် စစ်ကောင်စီတပ်စခန်းများအားလုံးကို ဝင်ရောက်တိုက်ခိုက်ခဲ့ခြင်းဖြစ်ပြီး စစ်ကောင်စီတပ်ဖွဲဝင်…

ဖယ်ခုံမြို့နယ်၊ ဆောင်နန်းခဲရွာကို စစ်တပ်နှင့် လက်အောက်ခံ PNO ပြည်သူ့စစ်တို့က ပူးပေါင်း မီးရှို့ဖျက်ဆီးနေ ရန်ကုန်၊ ဇွန် ၂၅ ရှမ်းပြည်နယ်နှင့်ကရင်နီပြည်အစပ်၊ ဖယ်ခုံမြို့နယ်၊ ဖယ်ခုံအင်းအရှေ့ဘက်ကမ်းရှိ ဆောင်နန်းခဲကျေးရွာကို စစ်တပ်နှင့် လက်အောင်ခံ PNO ပြည်သူ့စစ်ပူးပေါင်းတပ်ဖွဲ့က အင်အားအလုံးအရင်းဖြင့် စစ်ကြောင်းထိုး မီးရှို့ဖျက်ဆီး လျက်ရှိကြောင်း ဖယ်ခုံမြို့နယ် ပြည်သူ့လုံခြုံရေးတပ်ဖွဲ့မှ တာဝန်ရှိသူနှင့် ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောကြားသည်။ ယမန်နေ့ ဇွန်လ ၂၃ ရက်နေ့ ဖယ်ခုံမြို့နယ်၊ ဖယ်ခုံအင်းအရှေ့ဘက်ရှိ ဆောင်နန်းခဲကျေးရွာကို စစ်တပ်က လေ ကြောင်း၊ လက်နက်ကြီးပစ်ကူပေးပြီး မြေပြင်မှလည်း စစ်သားနှင့် PNO ပြည်သူ့စစ်များက ပူးပေါင်းစစ်ကြောင်းထိုးလာကြောင်း၊ ယင်းနောက် ဆောင်းနန်းခဲကျေးရွာ တစ်ရွာလုံးနီးပါးကို မီးရှို့ဖျက်ဆီးခဲ့ကြောင်း ၊ ယင်းအကြမ်းဖက်စစ်တပ် စစ်ကြောင်းမှာ မိုးဗြဲမြို့ အရှေ့ဘက်မှ…

ဖားဆောင်းမြို့နယ်၊ မော်ချီးဒေသကို စစ်တပ်က လေယာဉ်ဖြင့် ဗုံးကျဲမှု ပြည်သူ ၇ ဦးသေဆုံးပြီး အများအပြားဒဏ်ရာရ၊ ပခုက္ကူတွင်လည်း Y-12 လေယာဉ်ဖြင့် ဗုံးအလုံး ၃၀ ကျော်ကျဲချ ရန်ကုန်၊ ဇွန် ၂၅ ကရင်နီပြည်၊ ဖားဆောင်းမြို့နယ်၊ မောချီးဒေသကို စစ်ကောင်စီတပ်က လေ ယာဉ် ဖြင့် ဗုံးကျဲတိုက်ခိုက်ခဲ့ရာ ပြည်သူ ၇ ဦးထက်မနည်းသေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း ဒေသနေပြည်သူများက ရန်ကုန် ခေတ် သစ်သတင်းဌာနထံသို့ ပြောကြားသည်။ ယနေ့ ဇွန်လ ၂၅ ရက်နေ့ နံနက် ၁၁ နာရီခန့်အချိန် ဖားဆောင်းမြို့နယ်၊ မော်ချီးဒေသ၊ တောင်ပေါ်ရွာတွင် တိုက်ပွဲ ဖြစ်ပွာခြင်း မရှိဘဲ စစ်ကောင်စီတပ်က လေယာဉ်ဖြင့် ဗုံးကျဲတိုက်ခိုက်ခဲ့ရာ ခဲသတ္တုတူးဖော်ရေးလုပ်ငန်းခွင်နှင့် ကုန်စုံဆိုင်တစ်ဆိုင် ပေါ်သို့…

တရုတ် NETA တံဆိပ် EVကားကုမ္ပဏီ ဒေဝါလီခံမှု မြန်မာ EV ကားဈေးကွက်ကိုပါ ရိုက်ခတ်ပြီး ဝယ်လိုအားထိုးကျ၊ မင်းအောင်လှိုင်သားနှင့်သမီးတို့ တင်သွင်းရောင်းချနေသော EV ကားများ၏ ဈေးကွက် အခြေအနေမလှ ရန်ကုန်၊ ဇွန် ၂၅ တရုတ်နိုင်ငံအခြေစိုက် NETA တံဆိပ် EVကားများ ထုတ်လုပ်နေသော Zhejiang Hozon New Energy Automobile ကုမ္ပဏီမှာ ဇွန်လ ၁၉ ရက်နေ့ ဒေဝါလီခံလိုက်ပြီဖြစ်ကြောင်း တရားဝင် ထုတ်ပြန်ကြေညာခဲ့ရာ အဆိုပါ ကြေညာမှုမှာ မြန်မာနိုင်ငံ၏ လျှပ်စစ်ကား ခေါ် EV ကားဈေးကွက်ကိုပါ အရှိန်အဟုန်ပြင်းပြင်း ရိုက်ခတ်နေပြီး ဝယ်လိုအားထိုးကျနေကြောင်း ရန်ကုန်အခြေစိုက် ကားဈေးကွက်ကျွမ်းကျင်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ တရုတ်နိုင်ငံမှ လျှပ်စစ်ကား NETA တံဆိပ် EV…

မိုးဗြဲတိုက်ပွဲ နှစ်ပါတ်ဆက် ပြင်းထန်​နေ ■စစ်တပ်နှင့် PNO ပြည်သူ့စစ်မှ ဖယ်ခုံဘက်တွင်လည်းစစ်​ကြောင်းထိုး၍ တိုက်ပွဲပြင်းထန်​နေ ဇွန်-၂၅၊၂၀၂၅။ရဲခေါင်/People’s Spring ရှမ်းပြည်နယ်တောင်ပိုင်း နှင့် ကရင်နီပြည်နယ်ကိုချိတ်ဆက်ရာ မိုးဗြဲမြို့၌ တိုက်ပွဲများပြင်းထန်​နေပြီးနှစ်ဖက်ထိခိုက်ကျဆုံးမှုများရှိနေသည်။ စစ်​ကောင်စီက စစ်ရေးအရ အရေးပါသည့် မိုးဗြဲမြို့ကို ပြန်လည်ထိန်းချုပ်နိုင်ရန် ယခုနှစ်ဆန်းပိုင်းမှ စ၍ အကြိမ်ကြိမ်ထိုးစစ်ဆင်​နေရာ ဇွန်လ ၁၄ ရက်နောက်ပိုင်း မြေပြင်တိုက်ပွဲမှာ ပို၍ပြင်းထန်နေသည်ဟုသိရသည်။ “အခုအခြေနေက ဒီကောင်(စစ်ကောင်စီ)တွေ အနောက် ၂လိုင်း ၊၃လိုင်းပြန်ဆုတ်နေရတဲ့အထိ ကျနော်တို့ရဲ့ထိုးစစ်ကပြင်းထန်နေတယ်”ဟု မိုးဗြဲစစ်မြေပြင်ရှိရဲဘော်တစ်ဦးကလူထုနွေဦးသို့ပြောသည်။ နှစ်ပတ်ကျော်တိုက်ပွဲများအတွင်း ကရင်နီပူးပေါင်းတပ်မှ ရဲဘော် ၁၀ ဦး ခန့်ကျဆုံးထားရပြီး စစ်ကောင်စီ၏သေဆုံးမှုသည်လေးဆယ်ထက်မနည်း ရှိနိုင်ကြောင်း ​တော်လှန်​ရေးတပ်ဖွဲ့ဝင်အချို့က​ပြောသည်။ စစ်ကောင်စီတပ်သားအချို့ကို စစ်သုံ့ပန်းအဖြစ်ဖမ်းဆီးရရှိပြီး လက်နက်ခဲယမ်းများ သိမ်းဆည်းရရှိသည်ဟု သိရသော်လည်း ကရင်နီပူးပေါင်းတပ်များထံ လူထုနွေဦးက မေးမြန်းထားဆဲ ဖြစ်သည်။ “တပ်ပေါင်းစုအသွင်နဲ့ စကစ…

ဘယ်လာရုစ်နှင့်ရုရှားသို့ သွားမည့် မင်းအောင်လှိုင်မိသားစုနှင့်အတူ ခရိုနီစီးပွားရေးသမားများလည်း လိုက်ပါကြမည် ရန်ကုန်၊ ဇွန် ၂၅ ဘယ်လာရုစ်နှင့်ရုရှားနိုင်ငံသို့ ယနေ့ သွားရောက်မည့် အကြမ်းဖက် စစ်ခေါင်းဆောင် မင်းအောင်လှိုင်မိသားစုနှင့်အတူ ခရိုနီစီးပွားရေးသမားကြီးများလည်း လိုက်ပါကြမည်ဖြစ်ကြောင်း UMFCCI သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ စစ်ခေါင်းဆောင် မင်းအောင်လှိုင်က ဇွန်လ ၂၆ ရက်နေ့မှ ၂၇ ရက်နေ့ ဘယ်လာရုစ်နိုင်ငံ၊ မင့်စ်မြို့တွင် ပြုလုပ်မည့် စတုတ္တအကြိမ်မြောက် ဥရောပ-အာရှ စီးပွားရေး ဖိုရိမ် (EEF 2025 ) သို့တက်ရောက်မည်ဖြစ်ပြီး EAEU ၏ အလှည့်ကျဥက္ကဋ္ဌဖြစ်သည့် ဘယ်လာရုစ်နိုင်ငံသမ္မတနှင့် သီးခြားတွေ့ဆုံဆွေးနွေးခြင်း၊ ဥရောပ-အာရှ စီးပွားရေးကော်မရှင်ဘုတ်အဖွဲ့ဥက္ကဋ္ဌနှင့် တွေ့ဆုံဆွေးနွေးခြင်း၊ စက်ရုံ၊ အလုပ်ရုံများသို့ သွားရောက်လေ့လာခြင်းများကို ဆောင်ရွက်သွားမည်ဖြစ်ကြောင်း၊ ခရီးစဉ်အတွင်း နှစ်နိုင်ငံအစိုးရနှင့် ပြည်သူများအကြား ချစ်ကြည်ရေး၊ စီးပွား…

ကန့်ဒေါင့်စခန်းသိမ်းတိုက်ပွဲတွင် ကျဆုံးခဲ့သည့် ရဲဘော်ကျော်ကြီး (ခ) ကျော်မျိုးသူရဲ့ မိဘများအား ရဲဘော်ရဲဘက်များ သွားရောက်ဂါရဝပြု (ရုပ်/သံ) ဇွန် ၂၄၊ ၂၀၂၅ စစ်ကိုင်းတိုင်း၊ ပုလဲမြို့နယ်၊ ကန့်ဒေါင့်ရဲစခန်းသိမ်းတိုက်ပွဲမှာ ကျဆုံးခဲ့ရတဲ့ တပ်စုမှူး ရဲဘော်ကျော်ကြီး (ခ) ကျော်မျိုးသူရဲ့ နာရေးစျာပနကို ဇွန်လ ၂၃ ရက်မှာ ပြုလုပ်ခဲ့တယ်လို့ ကျားသစ်နက်တပ်မတော်က သတင်းထုတ်ပြန်ထားပါတယ်။ ရဲဘော်ကျော်ကြီး (ခ) ကျော်မျိုးသူဟာ ဇွန်လ ၁၉ ရက်က ကန့်ဒေါင့်ရဲစခန်းသိမ်းတိုက်ပွဲမှာ စစ် ကောင်စီတပ်သားတွေကို အလင်းဝင်ဖို့ ခေါ်ဆောင်ရာကနေ အသက်ပေးဆပ်ခဲ့ရတာဖြစ်တယ်လို့ သိရပါတယ်။ ကျဆုံးရဲဘော် ကျော်ကြီး (ခ) ကျော်မျိုးသူရဲ့ မိဘတွေကို ကျားသစ်နက်တပ်မတော်ရဲဘော်တွေက သွားရောက်ဂါရဝပြုခဲ့ကြပါတယ်။ Video – ကျားသစ်နက်တပ်မတော် မြိုင်တပ်ခွဲ