Category: News

ကလေးမြို့တောင်ပိုင်းရှိ စစ်ကောင်စီတပ်စခန်းငါးခုကို Major Operationအဖြစ် တော်လှန်ရေးတပ်များ သိမ်းပိုက် ◾️လက်နက်ခဲယမ်းအများအပြားသိမ်းရ ◾️တိုက်ပွဲများအတွင်း စစ်ကောင်စီက လေကြောင်းမှ ဗုံးကြဲတိုက်ခိုက်မှုအကြိမ်ရေ ၁,၀၀၀ကျော် ပြုလုပ် ◾️CDF-KKG Major Operation ဆက်ရှိနေမည် ◾️ကလေး-ဂန့်ဂေါလမ်းပိုင်းကြား ကျန်ရှိနေသေးသော စစ်ကောင်စီစခန်းများဆက်လက်တိုက်ခိုက်မည်ဟု သတိပေး ဧပြီ ၁၆၊၂၀၂၅။ရဲခေါင်/People’s Spring စစ်ကိုင်းတိုင်း၊ ကလေးမြို့နယ်တောင်ပိုင်း ကလေးနှင့် မကွေးတိုင်း ဂန့်ဂေါလမ်းပိုင်းရှိ စစ်ကောင်စီ အခြေစိုက်စခန်းများအား Major Operationအဖြစ် စစ်ဆင်ရေးပြုလုပ်သိမ်းပိုက်ခဲ့ကြောင်း CDF-KKG တာဝန်ရှိသူက လူထုနွေဦးသို့ ပြောသည်။ CDF-KKG Major Operationကို ၂၀၂၄အတွင်း စုဖွဲ့လေ့ကျင့်မှုစတင်ခဲ့ပြီး ၂၀၂၅ ဖေဖော်ဝါရီတွင် စတင်ဖော်ဆောင်ခဲ့သည်။ ကလေးနှင့် ဂန့်ဂေါလမ်းပိုင်းကြားရှိ စစ်ကောင်စီအခြေစိုက်စခန်းများဖြစ်သည့် ကမ်းပါးနီစခန်း၊ မှန်တော၊ အောင်သာယာ (အရှေ့ ၊ အနောက်)…

ရန်ကုန်မြို့၊ ပြည်သူ့ရင်ပြင်၊ လမ်းလျှောက်သင်္ကြန် သွားရောက်လည်ပတ်သည့် လူငယ်တချို့ ကို စစ်တပ်က စစ်မှုထမ်းခိုင်းရန် ပေါ်တာဆွဲ ဖမ်းဆီး ရန်ကုန်၊ ဧပြီ ၁၆ ရန်ကုန်မြို့၊ ပြည်သူ့ရင်ပြင်တွင် ပြုလုပ်နေသော လမ်းလျှောက်သင်္ကြန်သို့ သွားရောက်လည်ပတ်ခဲ့သည့် လူငယ် ၃ ဦးကို စစ်တပ်က စစ်မှုထမ်းခိုင်းရန် ပေါ်တာဆွဲ ဖမ်းဆီးသွားကြောင်း ဖမ်းဆီးခံရသည့် လူငယ် ၃ ဦး၏ မိတ်ဆွေတချို့က ရန်ကုန်ခေတ်သစ်သတင်းဌာနထံသို့​ ပြောဆိုသည်။ ဧပြီလ ၁၅ ရက်နေ့ သင်္ကြန်အကြတ်နေ့ လှိုင်သာယာမြို့နယ်၊ ဗိုလ်ချုပ်မှတ်တိုင်၊ အဆင့်မြင့် ၅ ရပ်ကွက်၊ သီရိဇေယျလမ်း၊ အဆောင်တစ်ခုတွင် ငှားရမ်းနေထိုင်ကြသော စစ်မှုဇုန် အလုပ်သမားများဖြစ်ကြသည့် အသက် ၂၇ နှစ်အရွယ် ကိုဖြိုးကိုဇင်နှင့် သူငယ်ချင်း ၂ ဦးသည် ပြည်သူ့ရင်ပြင်ရှိ လမ်းလျှောက်သင်္ကြန်သို့…

မိုးသည်းထန်စွာ ရွာသွန်းမှုကြောင့် မန္တလေးတွင် ငလျင်ဒဏ်ကြောင့် ထိခိုက်ခဲ့သော တိုက်တချို့ပြိုကျပြီး မိတ္တီလာတွင်လည်း မြေပြိုမှုတချို့ ဖြစ်ပွား (ရုပ်/သံ) ရန်ကုန်၊ ဧပြီ ၁၆ ယမန်နေ့ ညနေပိုင်း မိုးသည်းထန်စွာ ရွာသွန်းမှုကြောင့် မန္တလေးတွင် ငလျင်ဒဏ်ကြောင့် တိမ်းစောင်းထိခိုက်ပျက်စီးခဲ့သော တိုက်တချို့ ပြိုကျပျက်စီးမှုများဖြစ်ပွားခဲ့ကြောင်း မန္တလေးဒေသပြည်သူတချို့၏ ပြောဆိုချက်နှင့် လူမှုကွန်ရက်တွင် မျှဝေထားသော တိုက်ပြိုကျမှု ဗီဒီယိုများအရ သိရှိရသည်။ ယမန်နေ့ သင်္ကြန်အကျနေ့ ဧပြီလ ၁၅ ရက်နေ့ ညနေ ၃ နာရီအချိန်မှစတင်၍ မိုးများ ရွာသွန်းခဲ့ရာ မန္တလေးမြို့ရှိ တိုက်တချို့ ပြိုကျပျက်စီးခဲ့ကြောင်း၊ မန္တလေးမြို့ ၂၆လမ်း၊ ၈၀×၈၁ လမ်းရှိ ၃ ထပ် Fine Store အဆောက်အအုံမှာ ငလျင်ဒဏ်ကြောင့် တိမ်းစောင်း ခဲ့ရာမှ ယမန်နေ့ညနေ…

စစ်ကိုင်းငလျင်ကြီး လှုပ်ခတ်ချိန် မြေသားထု ပြတ်တောက် နေရာရွေ့သွားပုံကို နာဆာ ရှင်းပြ ဧပြီ-၁၅၊၂၀၂၅/ People’s Spring စစ်ကိုင်းငလျင်ကြီးနဲ့ ဆက်စပ်ပြီး မြေသား လှုပ်ရှားရွေ့လျားမှုတွေ ဘယ်လိုဖြစ်ခဲ့သလဲဆိုတာ ရှင်းပြထားတဲ့ ပုံရိပ်တစ်ခုကို အမေရိကန် အမျိုးသား အာကာသ အေဂျင်စီ (နာဆာ)က ထုတ်ပြန်ခဲ့ပါတယ်။ မတ်လ ၂၈ ရက်နေ့တုန်းက စစ်ကိုင်းတိုင်း ဒေသကြီးကို ဗဟိုပြု လှုပ်ခတ်ခဲ့တဲ့ မဂ္ဂနီကျု ၇.၇ ငလျင်ကြီးနဲ့ ၁၂ မိနစ် အကြာမှာ ထပ်လှုပ်ခဲ့တဲ့ နောက်ဆက်တွဲ မဂ္ဂနီကျု ၆.၇ အဆင့် ငလျင်တွေဟာ မတူညီတဲ့ အစိတ်အပိုင်းတွေရဲ့ မြေသားထုတွေကို တောင်မြောက် ယိမ်းထိုး လှုပ်ခတ်စေခဲ့ကြောင်း နာဆာက ဂြိုဟ်တု ဓာတ်ပုံတွေနဲ့ တောင်ပိုင်း ကယ်လီဖိုးနီးယား အခြေစိုက် Jet…

ကျုံဒိုးမြို့၊ ကမ်းနီစံပြကျေးရွာဘုန်းကြီးကျောင်းကို စစ်တပ်က ဗုံးကျဲတိုက်ခိုက်မှုတွင် အသက် ၃ နှစ်အရွယ်မှ အသက် ၁၅ နှစ်အရွယ်အထိ ကလေးငယ် ၄ ဦး အပါအဝင် ၆ ဦးသေဆုံး ရန်ကုန်၊ ဧပြီ ၁၆ ကရင်ပြည်နယ်၊ ကျုံဒိုးမြို့၊ ကမ်းနီစံပြကျေးရွာဘုန်းကြီးကျောင်းကို စစ်တပ်က ဗုံးကျဲတိုက်ခိုက်မှုတွင် အသက် ၃ နှစ်အရွယ်မှ အသက် ၁၅ နှစ်အရွယ်အထိ ကလေးငယ် ၄ ဦး အပါအဝင် ၆ ဦးသေဆုံးခဲ့ကြောင်း ဒေသပြည်သူများနှင့် မွန်လွတ်မြောက်ရေးတပ်မတော်ထံမှ သိရှိရသည်။ ယမန်နေ့ ဧပြီလ ၁၅ ရက်နေ့ နံနက် ၁၁ နာရီ ၅၀ မိနစ်အချိန်မှ မွန်းတည့် ၁၂ နာရီ ၁၀ မိနစ်အချိန်အထိ ကော့ကရိတ်မြို့နယ်၊ ကျုံဒိုးမြို့၊…

မင်းအောင်လှိုင်က မြန်မာနှစ်သစ်ကူးကာလ အကျဉ်းသားတချို့ လွတ်ငြိမ်းသက်သာခွင့်ပေးရန်ရှိနေပြီး အာဆီယံ၏ အသိ အမှတ်ပြုမှု ရယူလို ရန်ကုန်၊ ဧပြီ ၁၆ အကြမ်းဖက် စစ်ခေါင်းဆောင် မင်းအောင်လှိုင်က မြန်မာရိုးရာ နှစ်သစ်ကူးကာလ လုပ်ဆောင်မြဲဖြစ်သော အကျဉ်းသားများ လွတ်ငြိမ်းသက်သာခွင့်ပေးရန်ရှိနေပြီး အဆိုပါ လွတ်ငြိမ်းသက်သာခွင့်ဖြင့် အာဆီယံ၏ အသိအမှတ်ပြုမှု နှင့် ချီးကျူးမှု ရယူလိုနေကြောင်း နေပြည်တော် စစ်ဘက်သတင်းရင်းမြစ်က ပြောဆိုသည်။ အာဆီယံဥက္ကဋ္ဌ မလေးရှားဝန်ကြီးချုပ် အန်နဝါ၏ ဖိတ်ကြားချက်အရ ဧပြီလ ၁၇ ရက်နေ့ ထိုင်းနိုင်ငံ၊ ဘန်ကောက်မြို့သို့ သွားရောက်ပြီး အာဆီယံခေါင်းဆောင်များနှင့်တွေ့ဆုံရန်ရှိနေသော မင်းအောင်လှိုင်က မြန်မာနှစ်သစ်ကူး နှစ်ဆန်းတစ်ရက်နေ့တွင် လွတ်ငြိမ်းသက်သာခွင့်များ ကြေညာရန်ရှိကြောင်း၊ ယင်းသို့ကြေညာရာတွင် အကျဉ်း သားများကို လွှတ်ပေးခြင်းဖြင့် အာဆီယံ၏ အသိအမှတ်ပြုမှုကို ရယူလိုသည့် သဘောရှိနေကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။…

စစ်ကိုင်းငလျင်​ကြောင့်မန္တလေးမှာဂျပန်နိုင်ငံသားတစ်ဦးသေဆုံးခဲ့တယ်လို့ဂျပန်အစိုးရအတည်ပြု ■ ဧပြီ ၁၂ ရက်​အထိ့ တရုတ်နိုင်ငံသား ၈ ဦး​သေ ဆုံးပြီး ၁၃ ဦးဒဏ်ရာရတယ်လို့တရုတ်သံရုံးအတည်ပြု ဧပြီ-၁၅၊၂၀၂၅။People’s Spring မြန်မာနိုင်ငံမှာ လှုပ်ခတ်ခဲ့တဲ့ ငလျင်ကြီးအတွင်း ဂျပန်နိုင်ငံသား တစ်ဦး သေဆုံးခဲ့ကြောင်း ဂျပန်အစိုးရက အတည်ပြုခဲ့ပါတယ်။ မတ်လ ၂၈ ရက်နေ့တုန်းက ပြင်းအား မဂ္ဂနီကျု ၇.၇ အဆင့်ရှိ ငလျင်ကြီးနောက်ပိုင်း ဒါဟာ ဂျပန်နိုင်ငံသား တစ်ဦး သေဆုံးမှုကို ပထမဆုံးအကြိမ် အတည်ပြုခြင်းလည်း ဖြစ်လာပါတယ်။ ဂျပန် နိုင်ငံခြားရေး ဝန်ကြီးဌာနရဲ့ အရာရှိ တစ်ယောက်က မန္တလေးမှာ ပျောက်ဆုံးနေခဲ့တဲ့ ဂျပန်နိုင်ငံသားဟာ သေဆုံးသွားတာဖြစ်တယ်လို့ ပြောကြားခဲ့ပါတယ်။ မြန်မာရဲ့ ဒုတိယ အကြီးဆုံး မြို့ဖြစ်တဲ့ မန္တလေးဟာ ငလျင်ဒဏ်ကို ဆိုးဆိုးရွားရွား ခံစားခဲ့ရတဲ့ နေရာတွေထဲက…

မန္တလေးမှာ မိုးသည်းထန် ရွာသွန်းလို့ ငလျင်ဒဏ်ထိ တိုက်တစ်လုံး ပြိုကျ၊ မန္တလေးနဲ့ စစ်ကိုင်းမှာ မိုးရွာ ရေကြီးလို့ ငလျင်ဘေးသင့်သူတွေ အခက်တွေ့၊ ဒေါ်လာ/MFP၊ ဧပြီ – ၁၅ 26 B လမ်း 80×81 ကြား Fine Store ငလျင်ဒဏ်ခံထားရသော အဆောက်အအုံ …. ယနေ့မိုးအပြင်းအထန်ရွာသွန်းမှု ကြောင့် ပြိုကျမှု Video မှတ်တမ်း ⚠️ ⚠️ ⚠️ မိတ်ဆွေများ အားလုံး လမ်းသွားလမ်းလာ လေးတွေ ဂရုတစိုက်သွားလာကြပါဗျာ 🙌🤍 မန္တလေးမြို့မှာ ဒီကနေ့ ဧပြီလ ၁၅ရက် ညနေပိုင်း မိုးသည်းထန်စွာ ရွာသွန်းခဲ့ပြီး ၂၆ လမ်း၊ လမ်း၈၀နဲ့ ၈၁လမ်းကြားက ငလျင်ဒဏ်ထိထားတဲ့ သုံးထပ်ခွဲ တိုက်တစ်လုံး ပြိုကျခဲ့ပါတယ်။…

တော်လှန်ရေးကို ထောက်ခံ၍ ကလေးနှင့် အမျိုးသမီးများအပါအဝင်လူအများအပြားကိုသတ်ဖြတ်ခဲ့ကြောင်း စစ်ကောင်စီဝန်ခံ ဧပြီ ၁၅၊ ၂၀၂၅။ ဇော်ရမ်း/People’s Spring ကလေးများအပါအဝင် လူပေါင်း ၁၈၀ခန့် ‌သေဆုံးနေသော ပဇီကြီးလေကြောင်းတိုက်ခိုက်မှုအပါအဝင် ၂၀၂၁ အာဏာသိမ်းပြီးနောက်ပိုင်း အရပ်သားများသေဆုံးခဲ့သည့် တိုက်ခိုက်မှုများအား ၎င်းတို့ ကျူးလွန်ခဲ့ကြောင်း စစ်ကောင်စီက ပထမဆုံးအကြိမ် ထုတ်ဖော်ဝန်ခံလိုက်သည်။ နေပြည်တော်သို့ လာရောက်ခဲ့သည့် အယ်ဂျာဇီးရား သတင်းထောက်နှင့်အင်တာဗျူးတွင် စစ်ကောင်စီပြန်ကြားရေးတာဝန်ခံ ဗိုလ်ချုပ်ဇော်မင်းထွန်းက ဝန်ခံပြောဆိုခဲ့ခြင်းဖြစ်သည်။ PDFများကို တိုက်ခိုက်သည်ဆိုပြီး ကလေးများအပါအဝင် အရပ်သားများထိခိုက်သေဆုံးနေသည်ကို လက်ခံပါသလားဟု မေးမြန်းမှုအပေါ် ဗိုလ်ချုပ်ဇော်မင်းထွန်းက “ကလေးတွေအများကြီး ပါတယ်ဆိုတာက သူတို့က သောင်းကျန်းသူအဖွဲ့အစည်းတွေနဲ့ ဆက်စပ်နေတဲ့ အုပ်စုတွေထဲ ပတ်သက်နေလို့ပါ။ အဲတော့ ဟုတ်တယ် ကျနော်တို့ တိုက်ခိုက်ခဲ့တယ်”ဟု ဖြေကြားခဲ့သည်။ ဖြေဆိုနေစဉ်၌ မျက်နှာအမူအရာ ခက်ထန်တင်းမာနေပြီး ” တိုက်ခိုက်မှုဆိုမှတော့…

ကော့ကရိတ်တွင် ကျေးရွာများကို လက်နက်ကြီးများဖြင့် ပစ်ခတ်နေသည့် စစ်ကောင်စီတပ်စခန်းများကို KNLA ပူးပေါင်းမဟာမိတ်တပ်များက ဝင်ရောက် တိုက်ခိုက်နေပြီး တိုက်ပွဲပြင်းထန်နေ၊ ပြည်သူများ စစ်ဘေးရှောင်နေရ ရန်ကုန် ၊ ဧပြီ ၁၅ ကရင်ပြည်နယ်၊ ကော့ကရိတ်မြို့နယ်တွင် ကျေးရွာများကို လက်နက်ကြီးများဖြင့် ပစ်ခတ်နေသည့် အကြမ်းဖက် စစ်တပ်၏ စကခ ၁၂ အနီးရှိ စစ်စခန်းများကို ဝင်ရောက် တိုက်ခိုက်နေပြီး တိုက်ပွဲပြင်းနေကြောင်း KNLA မဟာမိတ် ပူးပေါင်း စစ်ကြောင်း သတင်း အရင်းအမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဧပြီလ ၁၄ ရက်နေ့ ညပိုင်းမှ စတင်ကာ ကော့ကရိတ်မြို့နယ်၊ ကျုံဒိုးလမ်းပိုင်းရှိ ကျေးရွာများကို ဟောင်ဝှစ်ဇာ အမြှောက်တင့်ကားတစ်စီးဖြင့် လိုက်လံ ပစ်ခတ်တိုက်ခိုက်နေသည့် စစ်ဆင်ရေးကွပ်ကဲမှု ဌာနချုပ် (စကခ) ၁၂အနီးရှိ…