Category: News

နေပြည်တော်၊ တပ်ကုန်းမြို့ရှိ ဆင်သေရေလွှဲဆည်မှာ ငလျင်ဒဏ်ကြောင့် ကျိုးကျသွားပြီး ဆင်သေချာင်းကမ်းဘေး မြေနိမ့်ပိုင်းနေရာများသတိထားရန်လိုအပ် (ရုပ်/သံ) ရန်ကုန်၊ မတ် ၂၈ နေပြည်တော်၊ တပ်ကုန်းမြို့ရှိ ဆင်သေရေလွှဲဆည်မှာ ငလျင်ဒဏ်ကြောင့် ကျိုးကျသွားပြီး ဆင်သေချာင်းကမ်းဘေး မြေနိမ့်ပိုင်းနေရာများသတိထားရန်လိုအပ်လျက်ရှိကြောင်း သိရှိရသည်။ ယနေ့ ညနေ ၅ နာရီ ၃၀ မိနစ်ကျော်အချိန်မှစတင်၍ ဆင်သေရေလွှဲဆည်မှာ ငလျင်ဒဏ်ကြောင့် မြေသားတာတမံကျိုးကျသွားခြင်းဖြစ်ကြောင်း၊ ယင်းနောက် ရေများမှာ ဆင်သေချောင်းထဲသို့ စီးဝင်နေကြောင်း၊ ထို့ကြောင့် ချောင်းဘေးဝဲယာမြေနိမ့်ပိုင်းဒေသတွင် နေထိုင်သော ပြည်သူများ သတိပြုရန် လိုအပ်ကြောင်း သိရှိရသည်။ အလားတူ မန္တလေးတိုင်း၊ မြစ်သားမြို့နယ်၊ စမှုံတံတားအနီး လမ်းပိုင်း ငလျင်ဒဏ်ကြောင့် လုံးဝ ပျက်စီးသွားပြီး လမ်း ပန်းဆက်သွယ်ရေး ပြတ်တောက်သွားကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့…

နေပြည်တော်စစ်ရုံးချုပ် ပြိုကျမှု ရုပ်သံ ဗိုလ်ချုပ်ဇော်မင်းထွန်းနှင့် စစ်ရုံးချုပ်အတွင်း အင်တာဗျူးနေသည့် အယ်ဂျားဇီးယား သတင်းထောက်က စစ်ရုံးအတွင်း ငလျင်လှုပ်ခပ်နေမှုကို မှတ်တမ်းတင်နိုင်ခဲ့သည်။ ရုပ်သံထဲတွင် သွေးရူးသွေးတန်းပြေးလွှားနေသည့် ဗိုလ်မှူးချုပ်တစ်ဦး နှင့် ဗိုလ်မှူး တစ်ဦးအပါ အဝင် စစ်တပ်အရာရှိများ ကိုတွေ့မြင်ရမည်ဖြစ်သည်။

“မိုးလေဝသပညာရှင်စုစုစံရယ်.. စိတ်မကောင်းလိုက်တာ..အသက်ငယ်ငယ်နဲ့ ငလျင်နဲ့အတူ…”

နောက်ဆက်တွဲငလျင်များ ဆက်တိုက်လှုပ်နိုင်သည့်အတွက် မိမိရောက်ရှိ နေထိုင်ရာနေရာများမှ ဘေးကင်းစိတ်ချရသည့်နေရာများတွင် ပြောင်းရွှေ့နေထိုင်ကြရန်နှင့် ငလျင်နောက်ဆက်တွဲများကို သတိထားရန် ပညာရှင်များ သတိပေး ငလျင်ဘေးသင့်ဒေသများ အရေးပေါ်အခြေအနေဖြစ်ပေါ်နေ ရန်ကုန်၊ မတ် ၂၈ မြန်မာနိုင်ငံ၊ စစ်ကိုင်းမြို့ကို ယနေ့ မွန်းလွဲ ၁၂ နာရီ ၅၂ မိနစ်အချိန် ဗဟိုပြု၍ ၇ ဒသမ ၇ အဆင့်ရှိ အင်အားပြင်းထန်သော ငလျင်လှုပ်ခတ်ခဲ့ပြီး ယင်းငလျင်ကြီး၏ နောက်ဆက်တွဲ ငလျင်များ ဆက်တိုက်လှုပ်ခတ်နိုင်သေးသည့်အတွက် ငလျင်လှုပ်ခတ်မှုဒဏ်ကို ခံစားခဲ့ရသည့် မြို့၊ ရွာ၊ ရပ်ကွက်၊ ဒေသများအားလုံးမှ ပြည်သူများ မိမိရောက်ရှိ နေထိုင်ရာနေရာများမှ ဘေးကင်းစိတ်ချရသည့် နေရာများတွင် ပြောင်းရွှေ့နေထိုင်ကြရန်နှင့် ငလျင်နောက်ဆက်တွဲများကို သတိထားရန် ပညာရှင်များက သတိပေးသည်။ ပြင်းထန်သော ငလျင်ဘေးဒဏ်၏ နောက်ဆက်တွဲအဖြစ် မြို့ပြတွင် မီးဘေးအန္တရာယ်ကို…

Breaking News- ငလျင်လှုပ်ခတ်ပြီး ၁၂ မိနစ်ခန့်အကြာ၊ စစ်ကိုင်းမြို့တောင်ဘက် ၁၈ ကီလိုမီတာခန့်အကွာကို ဗဟိုပြု၍ အင်အား ၆.၄ ငလျင် နောက်တစ်ကြိမ် ထပ်မံလှုပ်ခတ် ရန်ကုန်၊ မတ် ၂၈ စစ်ကိုင်းမြို့၏ အနောက်မြောက်ဘက် ၁၆ ကီလိုမီတာအကွာတွင် မတ်လ ၂၈ ရက်နေ့ မွန်းလွဲ ၁၂ နာရီ ၅၀ မိနစ် ဝန်းကျင်တွင် အင်အား ၇.၇ ပမဏရှိ အလွန်အားပြင်းသည့်ငလျင်လှုပ်ခတ်အပြီး ၁၂ မိနစ်ခန့်အကြာတွင် စစ်ကိုင်းမြို့တောင်ဘက်ပိုင်း ၁၈ ကီလိုမီတာခန့်အကွာကို ဗဟိုပြု၍ အင်အား ၆.၄ ဖြင့် ငလျင် နောက်တစ်ကြိမ် ထပ်မံလှုပ်ခတ်သွားခဲ့ကြောင်း အမျိုးသားညီညွတ်ရေးအစိုးရ (NUG) ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနက ထုတ်ပြန်သည်။ အင်အားပြင်းငလျင်ကြီးကြောင့် စစ်ကိုင်း၊ မန္တလေး၊…

မြေငလျင်ကြီး​ကြောင့်မန္တ​လေးမှာ​သေဆုံး၊ဒဏ်ရာရသူများပြီး ​ဆေးရုံ၌ဒဏ်ရာရလူနာတွေ့ပြည့်လျှံ မတ်-၂၈၊၂၀၂၅။ရှိန်း/People’s Spring ​မြေငလျင်ကြီးလှုပ်ခတ်တာ​ကြောင့်မန္တလေးမြို့မှာ သေဆုံးသူနဲ့ ဒဏ်ရာရသူဦး ရေဆက်လက်မြင့်တက် နေပြီး ဆေးရုံအပြင်ဘက်အထိ ဒဏ်ရာရလူနာ တွေပြည့်နေတယ်လို့ မြို့ခံတွေကပြောပါတယ်။ ဒီနေ့ (မတ် ၂၈) မွန်းလွဲပိုင်း မှု လှုပ်ခတ်ခဲ့တဲ့ အင် အားကြီးငလျင်ဒဏ်ကြောင့် မန္တ​လေးမြို့အနှံ့ နေအိမ်​တွေ ၊ဟိုတယ်တွေ၊ ကွန်ဒို​တွေ ၊မဟာ မုနိဘုရားကြီး အပါအဝင်ဘာသာ​ရေးအ​ဆောက်အအုံ​တွေ၊ နန်းမြို့ရိုးစတဲ့ အ​ဆောက်အအုံများစွာပြိုကျပျက်စီးခဲ့ပါတယ် ။ တချို့နေအိမ်တွေဟာ အထပ်လိုက် မြေအောက်ကို မြှုပ်သွားတာတွေရှိတယ်လို့ ​ဒေသခံ​တွေက​ပြောပါတယ်။ ဒါအပြင် မီးလောင်မှုတွေလည်း များပြားပြီး သေဆုံးသူနဲ့ ထိခိုက်ဒဏ်ရာရသူတွေလည်း မြင့်တက်နေတယ်လို့ မြို့ခံတွေကပြောပါတယ်။ “ကုတင် ၃၀၀ အပြင်ဘက်အထိလူနာတင်ကား တွေ ရော၊လူနာတွေရော အပြည့်ပဲ။တခြား ဆေးရုံတွေလည်း လူနာပြည့်လို့ဆက်လက်မခံတာ တွေရှိတယ် “လို့ မန္တလးမြို့ခံတဦးက ပြောပါတယ်။…

နေပြည်တော်ရှိ နိုင်ငံခြားရေးဝန်ကြီးရုံး၊ အလုပ်သမားဝန်ကြီးရုံး အပါအဝင် ဝန်ကြီးဌာန အဆောက်အအုံများစွာ ပြိုကျပြီး အလုပ်သမားဝန်ကြီးဌာန အမြဲတမ်းအတွင်းဝန်၊ နိုင်ငံခြားရေးအရာရှိကြီး တချို့ အပါအဝင် ဝန်ထမ်းများ သေဆုံးမှုများပြား ရန်ကုန်၊ မတ် ၂၈ နေပြည်တော်ရှိ နိုင်ငံခြားရေးဝန်ကြီးရုံး၊ အလုပ်သမားဝန်ကြီးရုံး အပါအဝင် ဝန်ကြီးဌာန အဆောက်အအုံများစွာ ပြိုကျပြီး အလုပ်သမားဝန်ကြီးဌာန အမြဲတမ်းအတွင်းဝန်၊ နိုင်ငံခြားရေးအရာရှိတချို့ အပါအဝင် သေဆုံးမှုများရှိကြောင်း နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ မွန်းလွဲပိုင်း လှုပ်ခတ်ခဲ့သော ငလျင်ကြောင့် ဝန်ကြီးဌာနအဆောက်အအုံများ ပြိုကျမှုများဖြစ်ပွားခဲ့ကြောင်း၊ ထိုသို့ ပြိုကျစဉ် အုတ်ကွန်ကရစ်များ ပြိုကျမှုကြောင့် နိုင်ငံခြားရေးဝန်ကြီးဌာနမှ ဝန်ထမ်းတချို့၊ အလုပ်သမားဝန်ကြီးဌာနမှ အမြဲတမ်းအတွင်းဝန်တို့ ထိခိုက်သေဆုံးခဲ့ကြောင်း၊ အခြားဒဏ်ရာရရှိသူများလည်း အများအပြား ရှိနေကြောင်း သိရှိရသည်။ “သေဆုံးတာကတော့ ဝန်ထမ်းတွေလည်းများတယ်။ အရာရှိတချို့လည်းပါတယ်။ ဒဏ်ရာရတာလည်းများတယ်။…

နေပြည်တော် ပေါင်းလောင်းဆည် ငလျင်ဒဏ်ကြောင့် တမံနှင့် နံရံများ ထိခိုက်ပျက်စီးမှုရှိ၍ ပြည်သူများ သတိပြုရန် လိုအပ်နေ၊ ရေဖောက်ချမှု ရှိ၊ မရှိ အတည်မပြုနိုင်သေး ရန်ကုန်၊ မတ် ၂၈ နေပြည်တော် ပေါင်းလောင်းဆည် ငလျင်ဒဏ်ကြောင့် ပျက်စီးမှု ရှိခဲ့ကြောင်း သက်ဆိုင်ရာ ဆည်မြောင်းသတင်းရင်းမြစ်တချို့က ပြောဆိုသည်။ ယနေ့ မတ်လ ၂၈ ရက်နေ့တွင် စစ်ကိုင်းတိုင်းကို ဗဟိုပြု၍ လှုပ်ခဲ့သော အင်အားပြင်း မြေငလျင်ကြောင့် နေပြည်တော် ပေါင်းလောင်းဆည် ထိခိုက်မှုရှိခဲ့ကြောင်း၊ ဆည်တာတမံ နံရံများ၊ မြေသားနံရံကြီးများ ကွဲအက်ခြင်းများ ၊ ထိခိုက်ပျက်စီးမှုများရှိကြောင်း သိရှိရသည်။ ပေါင်းလောင်းဆည်မှ ရေများ ဖောက်ချသည်ဆိုသော သတင်းများ ထွက်ပေါ်နေသော်လည်း ရန်ကုန်ခေတ်သစ်သတင်းဌာနက အတည်ပြုနိုင်ခြင်းမရှိသေးပေ။ ပေါင်းလောင်းဆည်နှင့် စစ်တောင်းမြစ်တစ်လျှောက်ရှိ နေပြည်တော်၊ ပျဥ်းမနား၊ ရေနီ…

ငလျင်ကြောင့် မန္တလေး ၇၃ လမ်း x ၁၀၇ လမ်းတစ်ခုတည်းတွင်ပင် အဆောက်အအုံများစွာ ပြိုကျနေ၊ အောင်ပန်းဟိုတယ်ပြိုကျမှုမှ လူတချို့ ဒဏ်ရာရရှိပြီး ပိတ်မိသူများရှိနိုင် ရန်ကုန်၊ မတ် ၂၈ ယနေ့ မွန်းလွဲပိုင်း လှုပ်ခတ်သွားခဲ့သော ပြင်းအား ၇ ဒသမ ၇ အဆင့်ရှိ ငလျင်ကြောင့် မန္တလေး ၇၃ လမ်း x ၁၀၇ လမ်းတစ်ခုတည်းတွင်ပင် အဆောက်အအုံများစွာ ပြိုကျနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ “မန္တလေးမြို့က ၃ ထပ်တိုက်နဲ့ တိုက်ပုလေးတွေအကုန် ထိတယ်။ အနည်းနဲ့ အများဆိုသလို ထိနေတာပါ။ ဘာဆက်လုပ်ရမလဲမသိတော့ဘူး” ဟု ဒေသပြည်သူတစ်ဦးက ရှင်းပြသည်။ အောင်ပန်းမြို့မှ ၃ ထပ် အောင်ပန်းဟိုတယ်ပြိုကျမှုတွင်မူ လူတချို့ ဒဏ်ရာရရှိခဲ့ပြီး ပိတ်မိသူများလည်းရှိနိုင်ကြောင်း…

KIA ထိန်းချုပ်​ဒေသ လွယ်ဂျယ်နှင့် မိုင်ဂျာယန်တွင် နယ်စပ်ကုန်သွယ်​ရေးပြန်စတင် မတ်-၂၈၊၂၀၂၅။မိထက်/People’s Spring ကချင်လွတ်လပ်ရေးတပ်မတော်(KIA)ထိန်းချုပ်ထားသည့် လွယ်ဂျယ် နှင့် မိုင်ဂျာယန်နယ်စပ်ဂိတ်မှ လူသုံးကုန် နှင့် စားဆီ သယ်ယူပို့ဆောင်ခွင့်ကို တရုတ်ဖက်မှ ခွင့်ပြုလိုက်ကြောင်း ဒေသခံများကပြောသည်။ “ဒီနေ့စဖွင့်ပေးတယ်ဗျ။အရင်ကတော့ပိတ်ထားတာ။တရားမဝင်သွင်းတာတော့ရှိတယ်။ အခုက တော့ KIA နဲ့ ညှီပြီး ဖွင့်ပေးတယ်။ဒါကဒေသအ တွက်တော့သတင်းကောင်းဖြစ်တယ်” ဟုလွယ်ဂျယ်မြို့ခံတဦးက People’s Springသို့ပြောသည်။ မိုင်ဂျာယန်သည် မူလကပင် KIA ထိန်းချုပ်ဒေသဖြစ်သည်။ KIAကလွယ်ဂျယ်မြို့ကို ပြီးခဲ့သည့် ၂၀၂၄ ဧပြီလတွင်အပြီးသတ်သိမ်းယူခဲ့ပြီးနောက်နယ်စပ်ဂိတ်မှကုန်သွယ်ရေးရပ်တန့်ခဲ့သည်။ လွယ်ဂျယ်မှတဆင့် စိန်လုံတောင်တန်းကိုဖြတ် ၍မိုးမောက်၊ဗန်းမော်မြို့များသို့လမ်းကြောင်း ရှိပြီး ထိုနေရာများမှတစ်ဆင့် ကချင်ပြည်နယ်အတွင်း ကုန်သွယ်ရေးလမ်းကြောင်းများရှိသည်။ လက်ရှိတွင် KIA၏ ဗန်းမော်မြို့သိမ်းတိုက်ပွဲပြင်း ထန်နေပြီး လမ်းပန်းဆက်သွယ်ရေးများလည်း ပြတ်တောက်နေသည့်အနေအထားရှိသည်ဟု ကုန်သည်တဦးကပြောသည်။ “ရှောင်ကွင်းလမ်းတွေကနေ သွားကြပါလိမ့်မယ်။ သေချာတာကတော့ နယ်စပ်ဂိတ်ဖွင့်တာက…