Category: News

ပန်းတောင်းမြို့နယ်အတွင်း တိုက်ပွဲပြန်လည်ပြင်းထန်နေပြီး စစ်ကောင်စီက အရေးပေါ် ပေါ်တာဆွဲ ဖမ်းဆီးမှုများပြုလုပ်နေ ဧရာဝတီတိုင်းမ် မေ ၂၅ ရက် ပဲခူးတိုင်းအနောက်ခြမ်း၊ ပန်းတောင်းတပ်နယ်၊ မသုံရွာ တဝိုက်တွင် စစ်ကောင်စီနှင့် အာရက္ခတပ်တော် (AA) ပူးပေါင်းတပ်ဖွဲ့များ ထိတွေ့တိုက်ပွဲပြန်လည် ပြင်းထန်နေကြောင်း သိရသည်။ ညောင်ကျိုးမှနေ၍ မသုန်ဘက်သို့ ယခု မေလနောက်ဆုံးပတ်အတွင်းတွင် စစ်ရေးရောက်ရှိလာပြီး စစ်ကောင်စီ၏ အမှတ် (၁၆) ကာကွယ်ရေးပစ္စည်းစက်ရုံ (ကပစ-၁၆) အတွင်းမှနေ၍ လက်နက်ကြီး များဖြင့် ပစ်ကူပေးနေပြီး စစ်ရေးမှာ ညောင်ခြေထောက်ဘက်သို့ တက်လာခြင်းမရှိဘဲ မသုံဘက်တွင် ထိတွေ့တိုက်ပွဲပြင်းထန်နေကြောင်း စစ်ရေးသတင်းရင်းမြစ်ထံမှ သိရသည်။ “ညောင်ခြေထောက်နဲ့ ဥသျှစ်ပင်ဘက်ကို တိုက်ပွဲရောက်လာမယ်ထင်ပြီး စစ်ပြင်ဆင်ထားတာ။ ကပစ ၁၆ ထဲမှာလည်း လူအင်အားတွေဖြည့်ပြီး လက်နက် ကြီးတွေနဲ့ ဆက်တိုက်ပစ်နေတယ်။ ဒါပေမဲ့ တိုက်ပွဲက…

တောင်ငူမြို့နယ် အမြန်လမ်းနှင့် ၁မိုင်အကွာ၌ တိုက်ပွဲပြင်းထန်နေ မေ ၂၅၊၂၀၂၅။ဇော်ရမ်း/People’s Spring တောင်ငူမြို့နယ်အတွင်း တိုက်ပွဲဆက်လက်ဖြစ်ပွားနေပြီး ယနေ့(မေလ ၂၅ရက်)နံနက်ပိုင်းတွင် ရန်ကုန်-မန္တလေးအမြန်လမ်းနှင့် ၁မိုင်ခန့်သာဝေးသည့်နေရာ၌ တိုက်ပွဲဖြစ်ပွားနေသည်ဟု ဒေသခံများကပြောသည်။ အမြန်လမ်း (၁၇၄)မိုင်နှင့် ၆မ်ိုင်ခန့်အကွာရှိ စပါးကြွယ်ကျေးရွာအနီးတွင် မေလ ၂၃ရက်က တိုက်ပွဲစတင်ဖြစ်ပွားခဲ့ပြီး ယ‌နေ့(မေလ ၂၅ရက်)အထိ စစ်ရေးတင်းမာနေသလို အမြန်လမ်းနှင့် (၁)မိုင်ခန့်အကွာရှိ ကြက်တက်ညောင်ပင်ကျေးရွာတွင်လည်း ယနေ့နံနက်အစောပိုင်းကစ၍ တိုက်ပွဲဖြစ်ပွားနေသည်ဟု တောင်ငူမြို့ဒေသခံတစ်ဦးက ပြောသည်။ ” အမြန်လမ်းနဲ့ ပိုနီးလာတယ်။မနက်ကတည်းက သေနတ်သံတွေကြားရတယ်။လေယာဉ်က တမနက်လုံးဝဲနေတယ်။ ရွာတွေဘက်ကနေ မြို့ပေါ်ကိုပြေးလာတာအများကြီးပဲ”ဟု တောင်ငူမြို့ခံကပြောသည်။ ယနေ့ နံနက်ပိုင်းတွင် ကြက်တက်ညောင်ပင်ကျေးရွာမှ စစ်ဘေးရှောင်များအား ဘေးလွတ်ရာသို့ ကူညီပို့ဆောင်ပေးခဲ့သည်ဟု Taungoo Rescue အရေးပေါ်ကယ်ဆယ်ရေးပရဟိတအဖွဲ့က သတင်းထုတ်ပြန်ထားသည်။ စစ်ကောင်စီသည် အိမ်ခြေ၄၀၀ ကျော်ရှိသည့် စပါးကြွယ်ကျေးရွာကို လေကြောင်းမှတိုက်ခိုက်ပြီး…

မန္တလေး စျေးချိုအနီး အင်းဝဘဏ်မှာ ဂိတ်အစောင့် စစ်အုပ်စု အချင်းချင်း ပစ်ခတ်မှုဖြစ်၊ စစ်အုပ်စုက ကားလမ်းပိတ်ထားပြီး စျေးသည်တချို့ ထိတ်လန့်ထွက်ပြေး၊ ဒေါ်လာ/MFP၊ မေ- ၂၅ မန္တလေးမြို့၊ စျေးချိုတော်နဲ့ နာရီစင်အနီး၊ ၈၄လမ်းနဲ့ ၂၆လမ်းထောင့်က စစ်အုပ်စုပိုင် အင်းဝဘဏ်မှာ ဂိတ်စောင့်နေရတဲ့ စစ်အုပ်စု အချင်းချင်း မေလ ၂၅ရက် ဒီကနေ့ မွန်းလွဲ ၁၂နာရီကျော်အချိန် သေနတ်ပစ်ခတ်မှု ဖြစ်ပွားတယ်လို့ မြို့ခံတွေက MFP ကို ပြောပါတယ်။ စစ်အုပ်စု အချင်းချင်း သေနတ်နဲ့ပစ်တာ ဖြစ်ပြီး ပထမ လေးချက်နဲ့ ဒုတိယအကြိမ် သုံးချက်၊ သေနတ်သံ ခုနှစ်ချက်ခန့် ကြားရတယ်လို့ ဆိုပါတယ်။ “သေသလား၊ ဒဏ်ရာရသလား မသိရဘူး၊ နာရေးကားနဲ့ လာတင်သွားတယ်” လို့ မြို့ခံတစ်ဦးက ဆိုပါတယ်။…

ကျောက်ကြီးမြို့နယ်၊ ကျွန်းကြီးကျေးရွာရှိ မင်္ဂလာဆောင်ကို စစ်တပ်က လေယာဉ်ဖြင့် ဗုံးကျဲချမှု ပြည်သူ ၁၀ ဦးသေဆုံးပြီး ၂၀ ဦးကျော်ဒဏ်ရာရ ရန်ကုန်၊ မေ ၂၅ ပဲခူးတိုင်း၊ ကျောက်ကြီးမြို့နယ်၊ ကျွန်းကြီးကျေးရွာရှိ မင်္ဂလာဆောင်ကို စစ်တပ်က လေယာဉ်ဖြင့် ဗုံးကျဲချခဲ့ရာ ပြည်သူ ၁၀ ဦးသေဆုံးပြီး ၂၀ ဦးကျော်ဒဏ်ရာရရှိကြောင်း ပြည်သူ့ကာကွယ်ရေးတပ်မတော်၊ တောင်ပိုင်းတိုင်း စစ်ဒေသမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ မေလ ၂၅ ရက်နေ့ နံနက် ၈ နာရီ ၅၅ မိနစ်အချိန် ပဲခူးတိုင်း၊ ကျောက်ကြီးမြို့နယ်၊ ကျွန်းကျေးရွာရှိ မင်္ဂလာ ဆောင်နေအိမ်ပေါ်သို့ စစ်ကောင်စီတပ်က လေယာဉ်ဖြင့် ဗုံးကျဲချခဲ့ကြောင်း၊ ထိုသို့ ဗုံးကျဲမှုကြောင့် ပြည်သူ ၁၀ ဦး သေဆုံးခဲ့ပြီး…

၀စီပိတ်ဘုန်းကြီး ခေါ်လို့ ကျိုင်းတုံမှာ မင်းအောင်လှိုင် လင်မယားက လောက သရဖူ စေတီ ဘုရားဌာပနာ ယတြာချေပွဲနှင့် ဆေးရုံဖွင့်ပွဲတွေ လုပ် ရန်ကုန်၊ မေ ၂၅ မင်းအောင်လှိုင်လင်မယားက သူတို့ ကိုးကွယ်တဲ့ ၀စီပိတ်ဘုန်းကြီးခေါ်လို့ ကျိုင်းတုံထိသွားပြီး လောကသရဖူ စေ တီ ဘုရားဌာပနာ ယတြာချေပွဲနဲ့ ဆေးရုံဖွင့်ပွဲ တက်ရောက်ခဲ့တယ်လို့ စစ်ရေး သတင်းရင်းမြစ်က ပြောဆိုပါတယ်။ မေလ ၂၃ ရက်နေ့ကတည်းက ကျိုင်းတုံကို ရောက်ရှိခဲ့တဲ့ မင်းအောင်လှိုင် လင်မယားက ၀စီပိတ်ဘုန်းကြီးရဲ့ ခေါ်ယူမှုကြောင့် ဘုန်းကြီးကို အဓိက သွားရောက် တွေ့ဆုံတာဖြစ်ပြီး ၀စီပိတ်ဘုန်းကြီး ဦးဆောင် တည်ဆောက်နေတဲ့ ပန်းကွဲဗုဒ္ဓဥယျာဉ်တော်မှာ လောကသရဖူ စေတီ ဘုရားဌာပနာ ယတြာချေတာ၊ အဲဒီစေတီမှာ အစီအရင် အင်းပြားတွေ မြှုပ်နှံတာတွေ…

မန္တလေးမှာ နောက်ဆက်တွဲငလျင်ကြောင့် ပြည်သူတွေ နေအိမ်ပေါ်က ဆင်းပြေးရပြန် မေ ၂၅၊ ၂၀၂၅။မေရီ/People’s Spring မန္တလေးမြို့မှာ ဒီကနေ့မနက်က လှုပ်ခတ်ခဲ့တဲ့ နောက်ဆက်တွဲငလျင် သိသာစွာ ခံစားလိုက်ရပြီး ပြည်သူတွေ နေအိမ်နဲ့ တိုက်ခန်းတွေပေါ်ကနေ ဆင်းပြေးခဲ့ရပြန်ပါတယ်။ ဒီကနေ့ မေလ(၂၅)ရက် မနက် ၅ နာရီ ၅၂မိနစ်ခန့်က မန္တလေးမြို့မှာ လှုပ်ခတ်ခဲ့တဲ့ နောက်ဆက်တွဲ ငလျင်ဟာ အနည်းငယ်ပြင်းပြီး သိသာစွာ ခံစားလိုက်ရတာကြောင့် ပြည်သူတွေ နေအိမ်ပေါ်ကနေ ဆင်းပြေးခဲ့ရတယ်လို့ မြို့ခံတွေက ပြောပါတယ်။ “တော်တော်ကြမ်းတယ်။ အိမ်ကို ဆောင့်တွန်းလိုက်သလို ရမ်းခါသွားတာ။ အကုန်ဆင်းပြေးရတယ်။”လို့ မန္တလေးမြို့ခံတစ်ဦးက ပြောပါတယ်။ စစ်ကောင်စီရဲ့ မိုးလေဝသနှင့် ဇလဗေဒညွန်ကြားမှုဦးစီးဌာနကတော့ ဒီမနက် လှုပ်ခတ်ခဲ့တဲ့ငလျင်ဟာ အင်အား ၄.၂ ရစ်(ခ်)တာစကေးရှိပြီး အနက် ၁၀ကီလိုမီတာကနေ မန္တလေးမြို့ရဲ့…

ပြည်တွင်းရွှေစျေး တစ်ကျပ်သား ကျပ်၇၇သိန်းဝန်းကျင်ရှိလာ မေ၂၅၊၂၀၁၅။ရဲခေါင်/People’s Spring ကမ္ဘာ့ရွှေစျေးတက်လာပြီးနောက် ပြည်တွင်းရွှေစျေး တစ်ကျပ်သား ကျပ်၇၇သိန်းဝန်းကျင်ရှိလာကြောင်း ရွှေအရောင်းအဝယ်စျေးကွက်ထံမှ သိရသည်။ မေလ ၂၄ရက် ညပိုင်းတွင် ကမ္ဘာ့ရွှေစျေးသည် တစ်အောင်စ ၃,၃၅၇ ဒေါ်လာဖြင့် ယခုရက် သတ္တပတ် ရွှေစျေးကွက်ပိတ်ခဲ့ခြင်းဖြစ်သည်။ ပြင်ပရွှေစျေးကွက်တွင် ၁၆ ပဲရည်တစ်ကျပ်သား ရောင်းစျေး ၇,၆၉၀,၀၀၀ ကျပ်ရှိကာ ၁၅ပဲရည် စျေးသည် ကျပ် ၇၂ သိန်းဝန်းကျင်ရှိသည်ဟု ဆိုသည်။ “ပြီးခဲ့တဲ့အပတ်ကဆို ဒေါ်လာ ၃,၂၀၀ ကျော်ကနေ အခုတစ်ပတ် တစ်အောင်စ ဒေါ်လာတစ်ရာနီးပါးတက်တယ်ပြောရမယ်။စျေးအတက်အကျမငြိမ်ဘူး။စျေးတန်းတစ်ခုထားပြီး အရောင်းအဝယ်ကတော့ လုပ်နေကြတာပဲ။အရင်တခါ ဧပြီလလောက်ကလို တစ်အောင်စ ၃,၄၀၀ ကျော်ရင် ပြည်တွင်းရွှေက သိန်း ၈၀ လောက်ဖြစ်လာနိုင်တယ်”ဟု ပြင်ပရွှေစျေးကွက်တွင် အရောင်းအဝယ်ပြုလုပ်နေသူတစ်ဦးက လူထုနွေဦးသို့ ပြောသည်။ မေလ…

ဧရာဝတီနှင့် ရန်ကုန်အစပ်ရှိ ပန်တိုင်ဂိတ်တွင် အသက် ၃၀ နှစ်ပြည့် မှတ်ပုံတင်လဲလှယ်ခြင်းမရှိသည့် ခရီးသွားများထံမှ ကျပ်ငွေ ၄၀၀၀ နှင့်အထက် တောင်းယူနေ ဧရာဝတီတိုင်းမ် မေ ၂၄ ရက် ဧရာဝတီတိုင်းနှင့် ရန်ကုန်တိုင်းအစပ်မှာရှိတဲ့ ညောင်တုန်းမြို့နယ်၊ ပန်တိုင်စစ်ဆေးရေးဂိတ်တွင် စစ်ကောင်စီတပ်ဖွဲ့ဝင်များသည် အသက် ၃၀ ပြည့် မှတ်ပုံတင်သက်တမ်းလဲလှယ်ခြင်းမပြုရသေးသည့် ခရီးသွားပြည်သူများကိုပစ်မှတ်ထားပြီး ကျပ် ၄၀၀၀ နှင့် အထက် ငွေကြေးတောင်းခံနေကြောင်း ခရီးသွားများထံမှ သိရသည်။ အသက် ၃၀ ကျော်အရွယ်များအနေဖြင့် မှတ်ပုံတင် ကတ်အသစ်လဲလှယ်ထားခြင်းမရှိသောကြောင့် ကျပ်ငွေ ၄၀၀၀ ပေးဆောင်ရန် တောင်းယူခြင်းဖြစ်ကြောင်း စစ်ကောင်စီတပ်နှင့်နီးစပ်သူထံမှ သိရသည်။ “မနေ့က ရန်ကုန်သွားတော့ တစ်ယောက်ကို ၄၀၀၀ ကျော်တောင်းတာ မြင်ရတယ်။ ဂိတ်တိုင်းတောင်း နေကြတာ။ တစ်ဂိတ်နဲ့တစ်ဂိတ် နီးနီးလေးပဲ မိနစ်…

ထိုင်း-မြန်မာနယ်စပ် ဘလက်ဒိုစခန်းသိမ်းတိုက်ပွဲမှ လက်နက်ခဲယမ်းအများအပြား သိမ်းဆည်းရရှိပြီး စစ်သား ၆၀ ကျော် ထိုင်းထဲသို့ ထွက်ပြေး ၊ စစ်သားအလောင်း ၁၀ လောင်းရရှိပြီး ၃၀ ကျော် လက်နက်ချ (ရုပ်/သံ) ရန်ကုန်၊ မေ ၂၄ ထိုင်း-မြန်မာနယ်စပ် ဘလက်ဒိုစခန်းသိမ်းတိုက်ပွဲမှ လက်နက်ခဲယမ်းအများအပြား သိမ်းဆည်းရရှိပြီး စစ်သား ၆၀ ကျော် ထိုင်းထဲသို့ ထွက်ပြေးသွားကြောင်း၊ စစ်သားအလောင်း ၁၀ လောင်းရရှိပြီး ၃၀ ကျော် လက်နက်ချကြောင်း တော်လှန်ရေးသတင်းရင်းမြစ်က ပြောဆိုသည်။ ယမန်နေ့ ၂၃ ရက်နေ့ ညနေပိုင်း ထိုင်း-မြန်မာနယ်စပ်ရှိ စစ်ကောင်စီ၏ ဘလက်ဒိုစခန်းကို KNU တပ်မဟာ ၆ ဦး ဆောင်သော ကရင်အမျိုးသားလွတ်မြောက် ရေးတပ်မတော် (K.N.L.A)၊ ကရင်အမျိုးသားကာကွယ်ရေးတပ်ဖွဲ့ (K.N.D.O) နှင့်…

ထိုင်း-မြန်မာနယ်စပ်ရှိ စစ်ကောင်စီတပ်စခန်းများကို KNU က ယနေ့နံနက်ပိုင်း ထပ်မံ ထိုးစစ်ဆင်၊ ဘလက်ဒို စစ်စခန်း သိမ်းပိုက်ပြီးနောက် ၂ ရက်အကြာ စစ်တပ်စခန်းများအားလုံးကို တောက်လျှောက် မရပ်မနား ထိုးစစ်ဆင်နေ ရန်ကုန်၊ မေ ၂၅ ကရင်ပြည်နယ်၊ မြ၀တီမြို့နယ်၊ KNU တပ်မဟာ ၆ နယ်မြေအတွင်း၊ ထိုင်း-မြန်မာနယ်စပ်ရှိ စစ်ကောင်စီတပ်စခန်းများကို KNU က ယနေ့နံနက်ပိုင်း ထပ်မံ ထိုးစစ်ဆင်နေပြီး တိုက်ပွဲအတွင်း အပြန်အလှန်ပစ်ခတ်သံများကြားနေရကြောင်း ထိုင်း-မြန်မာနယ်စပ် စစ်ရေး သတင်းရင်းမြစ်က ပြောဆိုသည်။ ယနေ့ မေလ ၂၅ ရက်နေ့ နံနက် ၆ နာရီမှစတင်ပြီး KNLA ဦးဆောင်သော တော်လှန်ရေးမဟာမိတ် ပူးပေါင်းတပ်များက ဒရုန်းများဖြင့် စစ်ကောင်စီတပ်စခန်းများကို စတင်တိုက်ခိုက်နေခြင်းဖြစ်ပြီး စစ်တပ်ကလည်း လက်နက် ကြီးများဖြင့်…