Category: News

ထိုင်း-မြန်မာနယ်စပ်၊ အင်အား ၁၀၀ ခန့် တပ်စွဲထားသော ဘလက်ဒိုစစ်တပ်စခန်းကို သိမ်းပိုက်မှု စစ်တပ်ဘက်မှ စစ်သည်အများအပြား ထိုင်းဘက်သို့ ထွက်ပြေးပြီး လက်နက်ချသူများ ရှိကာ သေဆုံးဒဏ်ရာရမှု များပြား ရန်ကုန်၊ မေ ၂၄ ကရင်ပြည်နယ်၊ ကော့ကရိတ်မြို့နယ်၊ ထိုင်း-မြန်မာနယ်စပ်၊ ဘလက်ဒိုကျေးရွာအနီးရှိ စစ်တပ်စခန်းကို KNLA ဦးဆောင်သော တော်လှန်ရေးတပ်များက တိုက်ခိုက်သိမ်းပိုက်ခဲ့ရာတွင် စစ်ကောင်စီတပ်ဘက်မှ အများအပြား ထိုင်းနိုင်ငံဘက်အခြမ်းသို့ ထွက်ပြေးသွားပြီး လက်နက်ချသူလည်း အများအပြားရှိကြောင်း ရှေ့တန်းတော်လှန်ရေး သတင်းရင်းမြစ်များက ပြောဆိုသည်။ မေလ ၂၃ ရက်နေ့ ညနေ ၅ နာရီအချိန် စစ်ကောင်စီတပ်၏ ဘလက်ဒိုတပ်စခန်းကို KNU တပ်မဟာ ၆ ဦးဆောင်သော ကရင်အမျိုးသားလွတ်မြောက်ရေးတပ်မတော် (K.N.L.A) ကရင်အမျိုးသားကာကွယ်ရေးတပ်ဖွဲ့ (K.N.D.O) နှင့် ပြည်သူ့ကာကွယ်ရေးတပ်မတော် (P.D.F)…

မန္တလေးမှာ စစ်အာဏာရှင်ဆန့်ကျင်ရေး လူထုလှုပ်ရှားမှု ပြုလုပ် (ရုပ်/သံ) မေ ၂၄၊ ၂၀၂၅ မန္တလေးမြို့မှာ ပြုလုပ်ခဲ့တဲ့ စစ်အာဏာရှင်ဆန့်ကျင်ရေး လူထုလှုပ်ရှားမှု မှတ်တမ်းရုပ်သံတစ်ခုကို ဒေါက်တာ တေဇာဆန်းက ၎င်းရဲ့ လူမှုကွန်ရက်ကနေ ထုတ်ပြန်ခဲ့ပါတယ်။ ”မန္တလေးမြို့တော်ကြီးနဲ့တကွ တနိုင်ငံလုံး လွတ်မြောက်ဖို့ ကျနော်တို့ ပြည်သူအားလုံးမှာ တာဝန်ရှိကြပါတယ်။ ပြည်သူအားလုံး ကျရာကဏ္ဍ၊ နိုင်ရာ တာဝန် တိုက်ပွဲမျက်နှာစာအသီးသီးကနေ တော်လှန်ရေးမှာ အစွမ်းကုန် ဆက်လက် ပါဝင်ကြဖို့ နှိုးဆော်လိုက်ပါတယ်ဗျို့”လို့ ဒေါက်တာ တေဇာဆန်းက ဆိုပါတယ်။ အဲဒီမှတ်တမ်းရုပ်သံဟာ ငလျင်ကြီး မတိုင်ခင်က လုပ်ဆောင်ခဲ့တာဖြစ်ပြီး တိုက်ပွဲဝင်ရဲဘော်တွေနဲ့ ဝန်းရံပြည်သူတွေရဲ့ လုံခြုံရေး၊ ငလျင်ဘေးကြီးကြောင့် ဒုက္ခကြုံတွေ့နေကြရတဲ့ ပြည်သူတွေကို ထောက်ရှုပြီး ယခုအချိန်မှာ ထုတ်ပြန်ခဲ့တာဖြစ်တယ်လို့ ဒေါက်တာ တေဇာဆန်းက ထုတ်ပြန်ခဲ့ပါ တယ်။ Video-Tayzar…

မင်းကင်းမြို့နယ်ရှိ ကျေးရွာ ၂ ခုအတွင်းသို့ တိုက်ပွဲ မဖြစ်ဘဲ စစ်လေယာဉ်ဖြင့် ဗုံးကျဲမှုကြောင့် အသက် ၅ နှစ်မှ ၁၁ နှစ်အရွယ် အထိ ကလေးငယ်များ အပါအဝင် ပြည်သူ ၁၀ ဦးသေဆုံးခဲ့ပြီး အများအပြား ဒဏ်ရာရ ရန်ကုန်၊ မေ ၂၄ စစ်ကိုင်းတိုင်း၊ မင်းကင်းမြို့နယ်၊ သာစည်ရွာနှင့် မင်းစုရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက် ခိုက်ခြင်းကြောင့် အသက် ၅ နှစ်မှ အသက် ၁၁ နှစ်အရွယ်အထိ ကလေးငယ်များ အပါအဝင် ပြည်သူ ၁၀ ဦး သေ ဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယမန်နေ့ မေလ ၂၃ ရက်နေ့…

❝ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက အသိပေးပန်ကြားချက်ထုတ်ပြန် ❞ မိဘပြည်သူများထံသို့အသိပေးပန်ကြားခြင်း ++++++++++++++++++++++++++++ ၁။ ယနေ့(၂၃.၅.၂၀၂၅)ရက်နေ့ ၊ (၁၁:၄၀) နာရီအချိန်ခန့်တွင် ရန်ကုန်တိုင်းဒေသကြီး အတွင်းရှိ ဓာတ်အားပေးစက်များသို့ ပို့လွှတ်လျက်ရှိ သည့် ရတနာကမ်းလွန် သဘာဝဓာတ်ငွေ့ ပလက်ဖေါင်းအား အရေးပေါ် Shut Down ပြုလုပ်ခဲ့ရသဖြင့် ဓာတ်အားစနစ်အတွင်းသို့ ဓာတ်အားထုတ်လုပ် ပို့လွှတ်ပေးနိုင်မှု (450MW )ခန့် လျှော့နည်းလျက်ရှိပါသည်။ ၂။ ထို့အပြင် ယနေ့ (၁၆:၂၂) နာရီအချိန်ခန့်တွင် မိုးသက်လေပြင်းများ တိုက်ခတ်၍ ၂၃၀ ကေဗွီ မြောင်းတကာ- လှိုင်သာယာ ဓာတ်အား လိုင်းသည် ထန်းတပင်မြို့နယ်၊ တံတားဦး ကျေးရွာအနီး ၊ တာဝါတိုင်အမှတ် ၉၁ နှင့် ၉၂ (၂) တိုင် ပြိုလဲပျက်စီးခဲ့သဖြင့် အရေးပေါ်ထိန်းသိမ်း ပြုပြင်မှုများ…

ပြင်ဦးလွင်မြို့နားက ခြံတွေကို စစ်တပ်က ဘူဒိုဇာနဲ့ထိုးဖျက် မေ ၂၃၊၂၀၂၅/People’s Spring စစ်ကောင်စီရဲ့ နယ်မြေတစ်ခုဖြစ်တဲ့ ပြင်‌‌ဦးလွင်မြို့အနီးက လယ်ယာမြေတွေပေါ်မှာ ခြံခတ်ထားတဲ့ ခြံဝန်းတွေကို စစ်တပ်က ဒီနေ့(မေလ ၂၃ရက်)မှာ ဘူ‌‌ဒိုဇာတွေနဲ့ ထိုးဖျက်ဆီးနေတယ်လို့ အဲဒီမြို့ခံတွေက ပြောပါတယ်။ ပြင်ဦးလွင်မြို့အနီးက ကုန်းဘော၊မဟာအောင်မြေရပ်ကွက်က လယ်ယာမြေတွေကိုအကွက်ရိုက်ပြီး အုတ်တံတိုင်းကာထားတာတွေအားလုံးကို ဘူဒိုဇာနဲ့ထိုး ဖျက်ဆီးနေတာလို့ သိရပါတယ်။ ဒါ့အပြင် လက်ရှိ အရောင်းအဝယ် ကောင်းနေတဲ့ မိုးကြိုး၊အင်းထိပ်ဦး၊ပွဲကောက်၊ကြီးကိုင်၊အနီးစခန်း ရပ်ကွက် တွေကိုလည်း စီမံချက်နဲ့ ရှင်းလင်းသွားမယ်လို့ ပြင်ဦးလွင်မြို့၊စည်ပင်သာယာရေးကော်မတီက သတိပေးထားတယ်လို့ မြို့ခံတွေက ပြောပါတယ်။ “မီးတိုင်တွေကအစ အကုန်ဖျက်နေတာ။အရင်ကအာမခံရောင်းနေတဲ့ပွဲစားတွေလည်း အကုန်ရှောင်ကြပြီ။အခုကတော့ အဆောက်အဦးနဲ့ အုတ်တံတိုင်းတွေကိုထိုးဖျက်နေတုန်းပဲ။ပြန်သိမ်း၊ မသိမ်းမသိသေးဘူး။စီမံကိန်းရှိတယ်လို့လည်း ကြားနေတယ်”လို့ ဒေသခံ အမျိုးသားတစ်ဦးက ပြောပါတယ်။ လယ်ယာမြေကို အခြားနည်းသုံးစွဲခွင့်တင်ထားပြီး ပုံစံ ၇/၁၀၅ ကျထားတဲ့…

မြ၀တီမြို့နယ်၊ စစ်ကောင်စီတပ်၏ ဘလယ်ဒိုကာကင်းစခန်းကို KNLA မဟာမိတ်တပ်များက ချေမှုန်း၊ စစ်ကောင်စီက လေယာဉ်ဖြင့် ဆက်တိုက် ဗုံးကျဲနေ ရန်ကုန်၊ မေ ၂၃ ကရင်ပြည်နယ်၊ မြ၀တီမြို့နယ်၊ အကြမ်းဖက်စစ်ကောင်စီတပ်၏ ဘလယ်ဒိုကာကင်း စစ်စခန်းကို KNLA မဟာမိတ်တပ်များက တိုက်ခိုက်ချေမှုန်းနိုင်ပြီကြောင်း KNLA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ မေလ ၂၁ ရက်နေ့မှစတင်၍ ထိုင်း-မြန်မာနယ်စပ်ရှိ စစ်ကောင်စီတပ်စခန်းများကို KNLA မဟာမိတ်ပူးပေါင်းတပ်များက စတင်တိုက်ခိုက်ခဲ့ကြောင်း၊ ယနေ့ မွန်းလွဲပိုင်းတွင် မြဝတီမြို့နယ်၊ တောင်ဘက် ဘလယ်ဒို ကာကင်း စစ်စခန်းကို ချေမှုန်းနိုင်ပြီဖြစ် ကြောင်း၊ သို့ရာတွင် စစ်ကောင်စီက လေကြောင်းမှ အဆက်မပြတ် ဗုံးကျဲတိုက်ခိုက်နေသဖြင့် ချေမှုန်းရရှိထားသော စခန်းကုန်းကို ရှင်းလင်းနိုင်ရေး မလုပ်နိုင်သေးကြောင်း သိရှိရသည်။ ” ညကတည်းက တစ်ညလုံးတိုက်နေတာ။…

အငြိမ်းစား ဗိုလ်မှူးချုပ် ချိုထွန်းအောင်ကို ရှင်းလင်းခဲ့သည့် ဖြစ်စဥ်အတွက် စစ်အုပ်စု CCTV ရထားလည်း စိုးရိမ်စရာ​မရှိဟု Golden Valley Warriors ပြော မေ ၂၃၊ ၂၀၂၅ ရန်ကုန်တိုင်း၊ မရမ်းကုန်းမြို့နယ်မှာ ရှင်းလင်းသုတ်သင်ခံရတဲ့ ဗိုလ်မှူးချုပ် ချိုထွန်းအောင် ဖြစ်စဥ်နဲ့ ပတ်သက်လို့ စစ်ကောင်စီဘက်က CCTV မှတ်တမ်းရရှိသွားပေမယ့်လည်း ပြင်ဆင်မှုတွေ လုပ်ထားပြီးသားမို့ စိုးရိမ်စရာ မရှိဘဲ မဆိုင်တဲ့ပြည်သူတွေ ထိခိုက်မှာကိုသာ စိုးရိမ်ကြောင်း Golden Valley Warriors တာဝန်ရှိသူက မောင်းကိုပြောပါတယ်။ မေလ ၂၂ရက် မနက်ပိုင်းက မရမ်းကုန်းမြို့နယ်၊ အေဝမ်းလမ်းပေါ်မှာ Golden Valley Warriors အဖွဲ့ဝင်တွေက ပစ်ခတ်ရှင်းလင်းခဲ့တာဖြစ်ပြီး ဗိုလ်မှူးချုပ် ချိုထွန်းအောင်ဟာ ထိခိုက်ဒဏ်ရာအပြင်းအထန်ရရှိကာ မင်္ဂလာဒုံစစ်ဆေးရုံကိုပို့ဆောင်ကုသချိန် သေဆုံးသွားခဲ့တယ်လို့ သိရပါတယ်။ ဒီဖြစ်စဥ်အတွက်…

ထိုင်း-မြန်မာနယ်စပ်၊ မြ၀တီမြို့နယ်အတွင်းရှိ စစ်ကောင်စီတပ်စခန်းများကို KNLA ပူးပေါင်းတပ်များက တိုက်ခိုက်နေပြီး ယမန်နေ့ တစ်ညလုံး တိုက်ပွဲ ပြင်းထန် ရန်ကုန်၊ မေ ၂၃ ကရင်ပြည်နယ်၊ ထိုင်း-မြန်မာနယ်စပ်၊ မြ၀တီမြို့နယ်အတွင်းရှိ စစ်ကောင်စီတပ်စခန်းများကို KNLA ပူးပေါင်းတပ်များက တိုက်ခိုက်နေပြီး တစ်ညလုံး တိုက်ပွဲများ ပြင်းထန်နေခဲ့ကြောင်း နယ်စပ်စစ်ရေးသတင်းရင်းမြစ်များနှင့် ထိုင်းသတင်းဌာနများ၏ သတင်းဖော်ပြချက်အရ သိရှိရသည်။ မေလ ၂၁ ရက်နေ့ နံနက် ၇ နာရီအချိန် ထိုင်း-မြန်မာနယ်စပ်ရှိ မြဝတီမြို့တောင်ဘက် ဝေါလဒေသအတွင်းရှိ အကြမ်း ဖက် စစ်တပ်၏ မော်ခီးစခန်းကိုလည်းကောင်း၊ မေလ ၂၂ ရက်နေ့တွင် စစ်ကောင်စီ၏ ဝေါ်လေ၊ ကနဲလေး၊ ဘလက်ဒိုနှင့်သေဘောဘိုး တို့ကိုလည်းကောင်း KNLA ဦးဆောင်သော ပူးပေါင်း မဟာမိတ်ပူးပေါင်းတပ်များက ထိုးစစ်ဆင်တိုက်ခိုက် နေကြောင်း၊ မေလ…

စစ်ကောင်စီတပ်ဖွဲ့ဝင်တွေ ရှေ့တန်းတိုက်ပွဲမှာ သေဆုံးတဲ့အခါ ဂုဏ်ယူသင့်ကြောင်း တပ်ရင်းမှူး တပ်မမှူးတွေရဲ့ အမျိုးသမီးတွေက မိသားစုဝင်တွေကို ပြောဆိုနေတာကြောင့် မိသားစုဝင်တွေက ဒေါသထွက်နေကြသလို နာရေးအတွက်ကုန်ကျစရိတ်ကို တပ်ရင်းမှူး တပ်မမှူးကတော်တွေကပဲ အတိုးနဲ့ငွေချေးပေးနေကြောင်း တပ်မိသားစုဝင်တွေနဲ့ နီးစပ်သူတွေဆီက သိရပါတယ်၊ ပြီးခဲ့တဲ့ ရက်ပိုင်းတုန်းက ရှေ့တန်းတိုက်ပွဲမှာ သေဆုံးသွားတဲ့ စစ်ကောင်စီတပ်ဖွဲ့ဝင်တယောက်ရဲ့ နာရေးကို လာရောက်တဲ့ တပ်ရင်းမှူးကတော်နဲ့ တပ်မမှူးကတော်တို့က တိုက်ပွဲမှာ စစ်တိုက်ရင်း သေဆုံးရတာက မြင့်မြတ်ကြောင်း ပြောဆိုသွားတယ်လို့ဆိုပါတယ်။ သေဆုံးသူစစ်သားမိသားစုဝင်ရဲ့ ဆွေမျိုးနီးစပ်သူတယောက်က “နာရေးလုပ်တော့ တပ်မမှူးကတော်တွေ တပ်ရင်းမှူးကတော်တွေက လာတယ်လေ၊ လာပြီးတော့ အခုလို အောက်ခြေစစ်သားတွေ ဗိုလ်တွေက တိုက်ပွဲမှာ ကျတာက မြင့်မြတ်တယ်ဆိုပြီး ဂုဏ်ယူခိုင်းတယ်။ တိုက်ပွဲနဲ့ပတ်သက်ပြီးတော့လည်း သွေးကွဲမယ့် စကားတွေလည်း လာပြောတယ်” လို့ ဒေါသတကြီးနဲ့ပြောပါတယ်။ အကျအဆုံးများနေတဲ့ စစ်ကောင်စီတပ်ဖွဲ့ဝင်တွေကို စစ်ကောင်စီအကြီးအကဲတွေက…

ရန်ကုန်တွင် အငြိမ်းစား ဗိုလ်မှူးချုပ် ချိုထွန်းအောင် ကို ပစ်သတ်ခံရမှုအတွက် CCTV မှတ်တမ်းများကို စစ်ထောက်လှမ်းရေးက ရရှိသွားပြီး ပစ်ခတ်သူများ၏ လမ်းကြောင်းနှင့်နေရာများကို အပူတပြင်းစုံစမ်းစစ်ဆေးနေ၊ နေရာပေါင်းစုံတွင် ပုံစံပေါင်းစုံဖြင့် ဌာနပေါင်းစုံက ပူးပေါင်းထောက်လှမ်းနေ ရန်ကုန်၊ မေ ၂၃ ရန်ကုန်တိုင်း၊ မရမ်းကုန်းမြို့နယ်တွင် အငြိမ်းစား ဗိုလ်မှူးချုပ် ချိုထွန်းအောင် ကို ပစ်သတ်ခံရမှုအတွက် CCTV မှတ်တမ်းများကို စစ်ထောက်လှမ်းရေးက ရရှိသွားပြီး အပူတပြင်းစုံစမ်းစစ်ဆေးမှုများ လုပ်ဆောင်နေကြောင်း ရဲဘက်နှင့်စစ်ဘက်သတင်းရင်းမြစ်များက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ နံနက်ပိုင်း ရန်ကုန်တိုင်း၊ မရမ်းကုန်းမြို့နယ်၊ အမှတ် ၅ ရပ်ကွက် ရွှေနှင်းဆီ ၆ လမ်းတွင် နေထိုင်သော အငြိမ်းစား ဗိုလ်မှူးချုပ် ချိုထွန်းအောင် ပစ် ခတ်ခံရ၍ သေဆုံးပြီးနောက် စစ်ကောင်စီက CCTV…