Author: admin

စစ်မှုထမ်းဆင့်ခေါ်ရာတွင် အကြောင်းမဲ့ ပျက်ကွက်သူ၊ စာရင်းသွင်းပြီးမှ ပျက်ကွက်သူ၊ ဆေးအောင်ပြီးမှ ပျက်ကွက်သူနှင့် သင်တန်းကျောင်းရောက်မှ ထွက်ပြေးသူများကို အရေးယူရန် စစ်ကောင်စီ ကာကွယ်ရေးဝန်ကြီး ညွှန်ကြား ရန်ကုန်၊ နိုဝင်ဘာ ၈ အကြမ်းဖက်စစ်ကောင်စီက စစ်မှုထမ်းဆင့်ခေါ်ရာတွင် အကြောင်းမဲ့ ပျက်ကွက်သူ၊ စာရင်းသွင်းပြီးမှ ပျက်ကွက်သူ၊ ဆေးအောင်ပြီးမှ ပျက်ကွက်သူနှင့် သင်တန်းကျောင်းရောက်မှ ထွက်ပြေးသူများကို အရေးယူရန် လိုအပ်သည်ဟု ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ လုပ်ငန်းညှိနှိုင်းအစည်းအဝေးတွင် စစ်တပ်၊ ကာကွယ်ရေးဝန်ကြီး တင်အောင်စန်းက ညွှန်ကြားလိုက်ကြောင်း သိရှိရသည်။ ယမန်နေ့ နေပြည်တော်တွင် ပြုလုပ်သည့် ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ လုပ်ငန်းညှိနှိုင်းအစည်းအဝေး ၇ /၂၀၂၄ တွင် ၎င်းက အထက်ပါ အတိုင်းပြောဆိုလိုက်ခြင်းဖြစ်သည်။ အကြမ်းဖက်စစ်ကောင်စီ၏ ကာကွယ်ရေးဝန်ကြီး တင်အောင်စန်းက ပြည်သူ့စစ်မှုထမ်း ဆင့်ခေါ်ရာတွင် အကြောင်းမဲ့ပျက်ကွက်သူများကို ဥပဒေနှင့်အညီ…

တောင်ကိုရီးယားတွင် နိုင်ငံကူးလက်မှတ် သက်တမ်းကုန်နေသော မြန်မာနိုင်ငံသားများအားလုံးကို NUG ကိုယ်စားလှယ်ရုံးက သက်တမ်းတိုးပေးနေပြီး တောင်ကိုရီးယားအစိုးရက လက်ခံဆောင်ရွက်နေကာ သက်တမ်းအသစ် ၂ နှစ်ရရှိ၊ စစ်ကောင်စီသံရုံးတွင် သက်တမ်းတိုးရန် မလိုအပ်တော့ ရန်ကုန်၊ နိုဝင်ဘာ ၈ တောင်ကိုရီးယားတွင် နိုင်ငံကူးလက်မှတ် သက်တမ်းကုန်နေသော မြန်မာနိုင်ငံသားများအနေဖြင့် NUG ကိုယ်စားလှယ်ရုံးတွင် နိုင်ငံကူးလက်မှတ် သက် တမ်းတိုးပေးနေပြီး တောင်ကိုရီးယားအစိုးရ လူဝင်မှုကြီးကြပ်ရေးက လက်ခံဆောင်ရွက်ပေးကာ စစ်ကောင်စီသံရုံးတွင် သက်တမ်းတိုးရန်မလိုဘဲ သက်တမ်း ၂ နှစ်ရရှိကြောင်း အမျိုးသားညီညွတ်ရေးအစိုးရ-NUG တောင်ကိုရီးယားနိုင်ငံကိုယ်စားလှယ်ရုံးတွင် သက်တမ်းတိုးရေး စုံစမ်းခဲ့သော မြန်မာနိုင်ငံသားများက ရန်ကုန်ခေတ်သစ်သတင်းဌာနထံသို့ ပြောဆိုသည်။ တောင်ကိုရီးယားနိုင်ငံတွင် အကြောင်းအမျိုးမျိုးကြောင့် ရောက်ရှိနေသော မြန်မာနိုင်ငံသားအနေဖြင့် နိုင်ငံကူးလက်မှတ် သက်တမ်းကုန်ဆုံးပါက စစ်ကောင်စီ၏ မြန်မာသံရုံးတွင် သွားရောက် သက်တမ်းတိုးရန် မလိုအပ်တော့ကြောင်း၊ NUG ကိုယ်စားလှယ်ရုံးတွင်…

အမ်း အနောက်ပိုင်းတိုင်းစစ်ဌာနချုပ်၏ စစ်လက်နက်ပစ္စည်း သိုလှောင်ရေးတပ်ကို AA ဆက်လက် သိမ်းပိုက် ဧရာဝတီတိုင်းမ် နိုဝင်ဘာ ၇ ရက် ရခိုင်ပြည်နယ်၊ အမ်းမြို့နယ်ရှိ စစ်ကောင်စီ၏ အနောက်ပိုင်းတိုင်း စစ်ဌာနချုပ်(နပခ)၏ စစ်လက်နက် ပစ္စည်း သိုလှောင်ရေးတပ် CODကို အာရက္ခတပ်တော် (AA) က ဆက်လက် သိမ်းပိုက်လိုက်ကြောင်း သိရသည်။ စစ်ကောင်စီ၏ စစ်လက်နက်ပစ္စည်း သိုလှောင်ရေးတပ်နှင့်အတူ ခြေမြန်တပ်ရင်း ခမရ ၃၇၁တို့ကိုပါ ယမန်နေ့ နိုဝင်ဘာ ၆ရက်နေ့တွင် AAက သိမ်းပိုက်လိုက်ကြောင်း သိရသည်။ အမ်းမြို့နယ် မြို့သစ်ရပ်ကွက်ရှိ စစ်ကောင်စီ၏ ခမရ ၃၇၁တပ်ရင်းကို ယမန်နေ့က အထိ AAက ထိုးစစ်ဆင်နေခဲ့ပြီးနောက် သိမ်းပိုက်ရရှိပြီဖြစ်ကြောင်း သိရသည်။ “CODတပ်နဲ့ ၃၇၁ကို သိမ်းတာမှန်ပါတယ်။ နပခ အနီးကို ရောက်လာပါပြီ။…

အမ်းနှင့်ဂွမြို့နယ်တွင် စစ်ကောင်စီတပ်စခန်း ၄ ခုကို AA ထပ်မံသိမ်းပိုက် ရန်ကုန်| နိုဝင်ဘာ ၇ အနောက်ပိုင်းတိုင်းစစ်ဌာနချုပ်ရှိရာ ရခိုင်ပြည် အမ်းမြို့က တပ်ရင်းနှစ်ခုနှင့် ဂွမြို့နယ်က တပ်စခန်းနှစ်ခုကို အာရက္ခတပ်တော် AA က နိုဝင်ဘာလ ၆ ရက်နေ့တွင် သိမ်းပိုက်ခဲ့ကြောင်း ဒေသခံ စစ်ရေးသတင်းသိသူများက ပြောသည်။ ဂွမြို့နယ်က တိုင်ကျိုးတပ်စခန်းနှင့် ယင်းရွာအနီးရှိ ပုဂံတောင်တပ်စခန်းကို နိုဝင်ဘာလ ၅ ရက်နေ့တွင် စတင်တိုက်ခိုက်ပြီး နိုဝင်ဘာ ၆ ရက် နေ့လယ်ပိုင်းတွင် AA က သိမ်းပိုက်နိုင်ခဲ့ကြောင်း သိရသည်။ “တိုင်ကျိုးနဲ့ ပုဂံတောင်ကို သိမ်းလိုက်ပါပြီ။ မကြာခင် ကမ်းသာယာကို သိမ်းပြီးတော့ ဂွမြို့ထဲ ရောက်လာနိုင်ပါတယ်။ AA ရဲ့ ထိုးစစ်က ဂွမြို့နဲ့ အလွန်နီးကပ်လာပါပြီ။ ဂွဒေသမှာ…

အာရှလမ်းမတွင်အောင်ဇေယျစစ်ကြောင်းတိုက်ခိုက်ခံရလို့ ရှေ့တိုးနောက်ဆုတ်မရဖြစ်နေ၊ ထိခိုက်ကျဆုံးမှုရှိပြီး စစ်ကောင်စီဘက် စစ်ကူမပေးနိုင် အောင်လေး ၊ Salween Press နိုဝင်ဘာလ ၇ ရက်နေ၊ ၂၀၂၄။ ကရင်ပြည်နယ် အာရှလမ်းပိုင်းတွင် စစ်ကြောင်းထိုးလာသည့် စစ်ကောင်စီအောင်ဇေယျစစ်ကြောင်းနှင့် တော်လှန်ရေးပူးပေါင်းတပ်ဖွဲ့ တိုက်ပွဲများဆက်လက်ဖြစ်ပွားနေတယ်လို့ နယ်မြေခံစစ်ရေးဆိုင်ရာ သတင်းရင်းမြစ်ထံမှသိရှိရသည်။ အဆိုပါတိုက်ပွဲသည် ‌အာရှလမ်း တောနော်ရေတံခွန်ဘက်သို့ တက်လာသည့်စစ်ကောင်စီတပ်များ တိုက်ခိုက်ခံရပြီး ရှေ့တိုးမရ နောက်ဆုတ်မရအခြေနေမှာရှိပြီး ထိခိုက်ကျဆုံးမှုများတယ်လို့ဆိုပါတယ်။ ‌ အထိနာသည့်တပ်အတွက် လက်နက်ကြီးများလည်းပစ်ကူပေးတာရှိသည်ဟု သတင်းရင်းမြစ်ကဆိုပါတယ်။ ‌ “တိုက်ပွဲပြင်းထန်ပြီး စစ်ကောင်စီဘက်က စစ်ကူမပေးနိုင်ဘူး။ တံတားဦးဘက်ခြမ်းမှာလည်း နှစ်ဘက်ထိတွေ့မှု ရှိတယ်” လို့ အဆိုပါသတင်းရင်းမြစ်ကပြောပါတယ်။ ဒါ့အပြင် ၅တိုင်နှင့်၆တိုင်တွင် စစ်ကောင်စီတိုက်ခိုက်ခံရမှုကြောင့် စစ်ကောင်စီ တပ်သား၅ဦးသေဆုံးပြီး ကား ၂ စီးချန်ပြီး ကျန်ကားများကော့ကရိတ်ဘက်သို့မောင်းပြေးသည်ဟုဆိုသည်။ တိုက်ပွဲကြောင့်စစ်ကောင်စီတပ်ဘက်မှ ကော့ကရိတ်မြောက်ဘက်ခြမ်း ရန်ကုတ်ရွာအတွင်းသို့ ဒရုန်းဖြင့်ဗုံးကြဲမှုများလည်းလုပ်ဆောင်နေသည်ဟုဆိုသည်။…

နောင်ချိုရှိ တောင်းခမ်းနှင့် သဲခေါ်ရွာတွင် တိုက်ပွဲပြင်းထန်နေ၊ စစ်တပ် ဒဏ်ရာရသူများနေဟု TNLAပြော ဒီးဒီ/People’s Spring ရှမ်းပြည်နယ်မြောက်ပိုင်း၊ နောင်ချိုမြို့နယ်ရှိ တောင်းခမ်းနှင့် သဲခေါ်ကျေးရွာတို့တွင် စစ်ကောင်စီတပ်နှင့် တိုက်ပွဲပြင်းထန်နေကြောင်း တအာင်းတပ်မတော်(TNLA)၏ ပြောခွင့်ရပုဂ္ဂိုလ် လွေးယေဦးက People’s Springသို့ ပြောသည်။ နောင်ချိုမြို့မှ ရှမ်းပြည်နယ်တောင်ပိုင်း၊ ရပ်စောက်မြို့သို့ သွားရာလမ်းပိုင်းရှိ တောင်းခမ်းကျေးရွာတွင်ရှိသော စစ်ကောင်စီ၏အမြောက်တပ် အမတ (၃၅၄)တပ်စခန်းနေရာနှင့် နောင်ချိုမြို့မှ ပြင်ဦးလွင်မြို့သို့သွားရာ မန္တလေး – လားရှိုးလမ်းမကြီးပေါ်ရှိ သဲခေါ်ကျေးရွာတို့တွင် စစ်ကောင်စီတပ်နှင့် တိုက်ပွဲပြင်းထန်နေသည်ဟု ဆိုသည်။ အဆိုပါတိုက်ပွဲများမှာ ယမန်နေ့(နိုဝင်ဘာ ၆ရက်)အထိ ပြင်းထန်နေသည်ဟု TNLAက ပြောသည်။ ” တောင်းခမ်းကတိုက်ပွဲနေရာမှာတော့ တိုက်ပွဲတွေ ဆက်လက်ပြင်းထန်နေတယ်။ ဂန့်ဂေါဘက် သဲခေါ်ရွာဘက်မှာလည်း တိုက်ပွဲတွေ ပြင်းထန်နေပါတယ်”ဟု TNLA၏ ပြောခွင့်ရပုဂ္ဂိုလ် လွေးယေဦးက…

အနောက်ပိုင်းတိုင်းစစ်ဌာနချုပ်ရှိ တပ်ရင်းဆယ်ရင်းကို အာရက္ခတပ်တော်သိမ်းပိုက် Border News Agency အမ်း၊နိုဝင်ဘာ ၇။ အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့နယ်ရှိ စစ်ကောင်စီတပ်ရင်းဆယ်ရင်းထိ အာရက္ခတပ်တော်က သိမ်းပိုက်ထိန်းချုပ်ထားပြီလို့ မြေပြင်စစ်ရေးသတင်းရင်းမြစ်တွေနဲ့စစ်ကောင်စီတပ်အသိုင်းအဝိုင်းက အတည်ပြုပြောကြပါတယ်။ အဲဒီအမ်းမြို့နယ်၊လုံကောက်အုပ်စုရှိ အမှတ် ၃၇၂ခြေမြန်တပ်ရင်း၊အမှတ် ၈ အဆင့်မြင့်ဆက်သွယ်ရေးတပ်ရင်း၊အမှတ် ၉၂၆ ထောက်ပံ့နဲ့ပို့ဆောင်ရေးတပ်ခွဲကို အာရက္ခတပ်တော်က အပြီးသတ်တိုက်ခိုက်သိမ်းပိုက်ထားပြီဖြစ်ပါတယ်။ အဲဒီအပြင် အမ်းမြို့နယ်၊အမ်းမြောက်အုပ်စုရှိ စစ်ဘက်ရေးရာလုံခြုံရေးတပ်ခွဲ၊အမှတ် ၉၄၆ ဆောက်လုပ်ရေးအင်ဂျင်နီယာတပ်ခွဲ၊အမှတ် ၂ ကုတင် ၃၀၀ တပ် မတော်ဆေးရုံ၊အမှတ် ၃၇၃ ခြေမြ န်တပ်ရင်းကိုလည်း အာရက္ခတပ်တော်က အပြီးသတ်တိုက်ခိုက်သိမ်းပိုက်ထားပြီဖြစ်ပါတယ်။ နောက်ပြီး အမ်းမြို့၊စျေးရပ်ကွက်ရှိအမှတ် ၉၁၉ စစ်မြေပြင်အင်ဂျင်နီယာတပ် ရင်း၊လေယာဥ်ကွင်းရပ်ကွက်ရှိ အမှ တ် ၁၀ တပ်ထိန်းတပ်ခွဲ၊အမ်းတောင်အုပ်စုရှိ အမှတ် ၇၅၇ လျှပ်စစ်အလုပ်ရုံတပ်ခွဲကို အာရက္ခတပ်တော်က အပြီးသတ်တိုက်ခိုက်သိမ်းပိုက်ထားပြီလို့ မြေပြင်သတင်းရင်းမြစ်တွေက ဆိုကြပါတယ်။…

ယူနက်စကို ကမ္ဘာ့ဒြပ်မဲ့ယဉ်ကျေးမှုအမွေအနှစ်စာရင်းသို့ တင်သွင်းထားသည့် မြန်မာ့ရိုးရာနှစ်သစ်ကူးအတာသင်္ကြန်ပွဲတော်အဆိုပြုစာတွဲနှင့်ပတ်သက်၍ ကမ္ဘာ့ဒြပ်မဲ့ယဉ်ကျေးမှုအမွေအနှစ်စာရင်းအဖြစ် ယူနက်စကို၏ ပဏာမစာရင်းတွင် ပါဝင်လာ ၆.၁၁.၂၀၂၄ −−−−−−−−−−−−−−−−−−−−−−−−−−−−−−−−−−−−−− ၂၀၂၄ ခုနှစ်၊ ဒီဇင်ဘာလ ၂ ရက်နေ့မှ ၇ ရက်နေ့အထိ ပါရာဂွေးနိုင်ငံ၊ အာဆွန်စီယွန်မြို့ ၌ ကျင်းပပြုလုပ်မည့် (၁၉) ကြိမ်မြောက် ကမ္ဘာ့ဒြပ်မဲ့ယဉ်ကျေးမှုအမွေအနှစ်ညီလာခံတွင် မြန်မာနိုင်ငံမှ တင်သွင်းထားသည့် မြန်မာ့ရိုးရာနှစ်သစ်ကူးအတာသင်္ကြန်ပွဲတော် အဆိုပြုစာတွဲနှင့်ပတ်သက်၍ တရားဝင်ဆုံးဖြတ်မည်ဖြစ်ပါသည်။တင်ပြထားကြသည့် အဆိုပြုစာတွဲများအနက် ယူနက်စကို၏ ဆုံးဖြတ်ချက်(မူကြမ်း)၌ ကမ္ဘာ့ဒြပ်မဲ့ယဉ်ကျေးမှုအမွေအနှစ်စာရင်းအဖြစ် သတ်မှတ်မည့် အဆိုပြုစာတွဲများထဲတွင် မြန်မာ့ရိုးရာနှစ်သစ်ကူးအတာသင်္ကြန်ပွဲတော်စာတွဲပါဝင်လျက်ရှိသည်ကို ယူနက်စကို၏ Website တွင် တွေ့ရှိရပါကြောင်း အများပြည်သူ သိရှိနိုင်ပါရန် အသိပေးအပ်ပါသည်။ Department of Archaeology and National Museum

တောင်ကုတ်တွင် စစ်တပ်နှင့် AA အကြား တိုက်ပွဲ ပြင်းထန်နေပြီး စစ်ကောင်စီက လေကြောင်းဗုံးကျဲမှုများဖြင့် အပြင်းအထန် ခုခံနေ ရန်ကုန်| နိုဝင်ဘာ ၇ ရခိုင်ပြည် တောင်ကုတ်မြို့နယ် ပန်းမြောက်တောင်အနီးနှင့် ဇီးကိုင်းတောင် အနောက်ဘက်တို့တွင် စစ်ကောင်စီတပ်နှင့် အာရက္ခတပ်တော် AA တို့ အကြား တိုက်ပွဲပြင်းထန်နေပြီး စစ်ကောင်စီက လေယာဉ်ဖြင့် ဗုံးအလုံးရာချီ ကျဲချတိုက်ခိုက်နေကြောင်း ဒေသစစ်ရေးသတင်းရင်းမြစ်များထံမှ သိရသည်။ နိုဝင်ဘာလ ၃ ရက်နေ့ ပန်းမြောက်တောင်ပေါ်ရှိ စစ်ကောင်စီ၏ အမြောက်တပ်ရင်းကို AA က သိမ်းပိုက်ထားပြီးနောက် စစ်ကောင်စီက စကခ ၅ တပ်မကို လေကြောင်းပစ်ကူပေး တိုက်ခိုက်နေခြင်းဖြစ်ကြောင်း သိရှိရသည်။ ” တိုက်ပွဲအပြင်းထန်ဆုံးကတော့ အခု ပန်းမြောက်တောင်ပါ။ ပန်းမြောက်တောင်အနီးမှာ ဖြစ်နေတဲ့ တိုက်ပွဲက မနေ့က ရပ်သွားတယ်။…