Author: admin

တိုက်ပွဲတွင်ကျဆုံးခဲ့​သော ဗိုလ်မှူး၏မိန်းမဖွင့်​သော”မုဆိုးမတို့ရွာ” မုန့်ဟင်းခါးဆိုင်ကိုစစ်​ကောင်စီဖျက်ဆီး ■ကရင်နီပြည် တိုက်ပွဲတွင် ​သေဆုံးခဲ့​သော ဗိုလ်မှူးကောင်းမြတ်စိုး ၏ ဇနီးက ဖွင့်လှစ်ခြင်းဖြစ် ရဲခေါင် ၊ရှိန်း / People’s Spring စစ်​​ကောင်စီအတွက်တိုက်ပွဲဝင်ရင်းတိုက်ပွဲ၌ ​သေဆုံးခဲ့​သော ဗိုလ်မှူး ၏မိန်းမ ဖွင့်ထား​သည့် “မုဆိုးမတို့ရွာ” မုန့်ဟင်းခါးဆိုင်ကို စစ်​ကောင်စီက ဖျက်ဆီးခဲ့သည်။ မန္တလေးမြို့၊ မဟာအောင်မြေမြို့နယ်၊မဟာမြိုင်ရပ်ကွက်(၂ ) ၊မနောရမ္မံပန်းခြံရှေ့တွင် စတင် ဖွင့်လှစ်သည့် ” မုဆိုးမတို့ရွာ မုန့်ဟင်းခါးဆိုင်” ကို ယနေ့(ဒီဇင်ဘာ ၃၀ ရက်​နေ့) နံနက်ပိုင်းတွင် စစ်ကောင်စီကညွှန်ကြား၍ စည်ပင် ဝန်ထမ်းများ ဦးဆာင်သည့် စစ်အုပ်စုက ဆိုင်ကို စီးနင်းဖျက်ဆီးခဲ့ကြောင်း​ဒေသခံအချို့က​ပြောသည်။ “မုဆိုးမတို့ရွာ မုန့်ဟင်းခါးဆိုင်”သည် ကရင်နီပြည်တိုက်ပွဲတွင် သေဆုံးခဲ့သော စစ်တက္ကသိုလ်အမှတ်စဥ် (၄၇) ကျောင်းဆင်း ဗိုလ်မှူးကောင်းမြတ်စိုး၏ ဇနီး ဒေါ်အေးအေးခိုင်…

ဧရာဝတီတိုင်းမ် ဒီဇင်ဘာ ၂၉ ရက် လက်ရှိ စစ်ကောင်စီရဲ့ အကျဉ်းချခံထားရတဲ့ ဒေါ်အောင်ဆန်းစုကြည်ကို လွှတ်ပေးဖို့ ဗြိတိန်ဝန် ကြီးဟောင်းတစ်ဉီးဖြစ်သူ ပေါလ်စကူလီက တောင်းဆိုလိုက်ပါတယ်။ မြန်မာနိုင်ငံမှာ ဒီမိုကရေစီရရှိရေး တိုက်ပွဲဝင်မှုမှာ ပြယုဂ်ဖြစ်တဲ့ ဒေါ်အောင်ဆန်းစုကြည် လွတ် မြောက်ရေး တွန်းအားပေးသင့်တယ်လို့ သူက ဆိုပါတယ်။ ဗြိတိန် နိုင်ငံခြားရေးဝန်ကြီးဟောင်း (၃) ဉီးက ဒေါ်အောင်ဆန်းစုကြည်ကို လွှတ်ပေးဖို့ တောင်း ဆိုခဲ့ပြီး သူဟာ တိုင်းပြည်ကို ဒီမိုကရေစီနည်းကျ ဉီးဆောင်ဖို့ ထိုက်တန်သူဖြစ်တယ်လို့ သတိပေးပြီး နောက် ပေါလ်စကူလီရဲ့တောင်းဆိုမှု ဖြစ်လာခဲ့တာပါ။ ဒေါ်အောင်ဆန်းစုကြည် နိုင်ငံတော်အတိုင်ပင်ခံအဖြစ် တာဝန်ယူခဲ့စဉ် ရိုဟင်ဂျာတွေနဲ့ပတ်သက် လို့ ဂုဏ်သိက္ခာထိခိုက်ပေမယ့် မြန်မာနိုင်ငံဟာ စစ်အုပ်ချုပ်ရေးကိုပြန်ရောက်ဖို့ ခြေလှမ်းတစ်လှမ်းသာ ရှိခဲ့တာကို သိရှိခဲ့တယ်လို့ ၎င်းက ပြောပါတယ်။ “စစ်တပ်ဟာ လက်ရှိမှာ…

စစ်အာဏာသိမ်းကာလအတွင်း ချင်းညီနောင်တပ်ဖွဲ့ဝင် ၂၅၀ ခန့်ကျဆုံး ၊ ၁,၀၀၀ ခန့်ဒဏ်ရာရ ———————————————————————– ပါခွီး (မဇ္ဈိမ) ။ ။ စစ်ကောင်စီ အာဏာသိမ်းခဲ့သည့် လေးနှစ်တာကာလအတွင်း ချင်းပြည်နယ်နှင့် နီးစပ်သော နယ်မြေများအတွင်းဖြစ်ပွားသည့် တိုက်ပွဲများ၌ ချင်းညီနောင်တပ်ဖွဲ့ ဝင် ၂၅၀ခန့်ကျဆုံး ခဲ့ပြီး ဦးရေ ၁,၀၀၀ခန့် ဒဏ်ရာရရှိထား ကြောင်း ချင်းညီနောင်အဖွဲ့ စစ်ရေးဥက္ကဋ္ဌ ထန်ချွန်းဖေက ပြောသည်။ ၂၀၂၃ခုနှစ် ဒီဇင်ဘာလ၃၀ရက်နေ့တွင် စတင်ဖွဲ့စည်းခဲ့သည့် ချင်းညီနောင်အဖွဲ့သည် ယနေ့တွင် ဖွဲ့စည်းတည်ထောင်ခြင်း တနှစ်ပြည့်ပြီဖြစ်သည်။ အဖွဲ့၏ တနှစ်ပြည့်အခမ်းအနားကို အွန်လိုင်းမှ ပြုလုပ်ခဲ့ချိန်တွင် စစ်ရေးအစီခံခြင်းအစီအစဥ်၌ ဥက္ကဋ္ဌက ပြောဆိုခဲ့ခြင်းဖြစ်သည်။ ၎င်းက “ချင်းညီနောင်အဖွဲ့ဝင်များက ချင်းပြည်နယ်တင်မက မကွေး၊ စစ်ကိုင်းတိုင်းနဲ့ ယောနယ်များမှာ မဟာမိတ်များနဲ့ ပူးပေါင်းတိုက်ပွဲခဲ့တာဖြစ်ပါတယ်” ဟု ပြောသည်။…

ထိုင်းနယ်စပ်ရှိ စစ်ကောင်စီ၏ မယ်လယု မဆုတ်တမ်းခံစစ်တပ်စခန်းကို ကရင်နီတပ်မတော် သိမ်းပိုက် ရဲခေါင်/People’s Spring ထိုင်း – မြန်မာနယ်စပ် ကရင်နီပြည်နယ်ရှိ စစ်ကောင်စီ၏ မယ်လယု မဆုတ်တမ်းခံစစ်တပ်စခန်းကို ကရင်နီတပ်မတော်(KA)က သိမ်းပိုက်ရရှိခဲ့ကြောင်း ဒေသတွင်းစစ် ရေးသတင်းရင်းမြစ်အချို့ကပြောသည်။ ရှားတောမြို့နယ် မယ်လယုတပ်စခန်းကို ဒီဇင်ဘာ ၂၈ ရက်က ကရင်နီတပ်မတော်က ဝင်ရောက်တိုက်ခိုက်ပြီးနောက် စစ်ကောင်စီတပ်သားများ ထွက်ပြေးသွားခြင်းဟု ဆိုသည်။ “မယ်လယုက ထိုင်း – မြန်မာနယ်စပ်အမှတ် BP 9 ဒေသမှာရှိတယ်။ပြီးတော့ ကရင်နီပြည်နယ်နဲ့ ထိုင်း နယ်စပ်တလျှောက်မှာရှိတဲ့ စကစ ရဲ့ မဆုတ်တမ်း ခံစစ်စခန်းတွေ အားလုံးနီးပါးကို KAက ရပြီးလို့ ပြောလို့ရတယ်”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။ ထိုင်း – ကရင်နီပြည်နယ် နယ်စပ်တစ်လျှောက်တွင် နယ်စပ်အမှတ်စဥ်…

ပုသိမ်မြို့ရှိ အနောက်တောင်တိုင်းစစ်ဌာနချုပ်သို့ ဒုစစ်ခေါင်းဆောင် နေ့ခြင်းပြန်လာရောက်ပြီး တပ်မိသားစုများကိုစည်းရုံးရေးဆင်း ဧရာဝတီတိုင်းမ် ဒီဇင်ဘာ ၂၈ ရက် ဧရာ၀တီတိုင်း၊ပုသိမ်မြို့ရှိ အနောက်တောင်တိုင်းစစ်ဌာနချုပ်သို့ ဒီဇင်ဘာလ ၂၇ ရက်နေ့က ဒုစစ်ခေါင်းဆောင် နေ့ခြင်းပြန်လာရောက်ခဲ့ပြီး တပ်မိသားစုများကို တွေ့ဆုံစည်းရုံးသိရှိရသည်။ ရခိုင်ပြည်နယ်တွင် ရက္ခိုင့်တပ်တော် AA နှင့် ဖြစ်ပွားနေသော တိုက်ပွဲများတွင် အနောက်တောင်တိုင်းစစ်ဌာနချုပ်လက်အောက်ခံတပ်များကို စစ်ကူစေလွှတ်ရာတွင် သေဆုံး၊ ဒဏ်ရာရသူ များပြားလာပြီး တပ်မိသားစုများအတွင်း စစ်ကောင်စီအပေါ်ဝေဖန်မှုများ မြင့်တက်လာသောကြောင့် ယခုကဲ့သို့ စည်းရုံးရေးလာဆင်းခြင်းဖြစ်ကြောင်း သိရှိရသည်။ “နတခ လက်အောက်ခံတပ်တွေမှာလည်း ရခိုင်ဘက်ကို စစ်ကူသွားတဲ့အချိန်က လိုင်းခန်းတွေမှာ နာရေးကနေ့တိုင်းဖြစ်နေတာ။ တပ်မိသားစုတွေက စစ်ကောင်စီကိုတော်တော် မကျေနပ်ကြတော့ဘူးဆိုတာ သတင်းကြားလို့သူက တပ်အပေါ်သစ္စာရှိဖို့လာပြောပြီး၊ ထောက်ပံကြေးလေး နည်းနည်းပါးပါးလာပေးတာ”ဟု တပ်မိသားစုနှင့်နီးစပ်သူတစ်ဦးမှဧရာ၀တီတိုင်းမ်ကို ပြောသည်။ ခရီးစဥ်တွင် ပုသိမ်မြို့နယ် ၊ ရွှေမြင်တင်ကျေးရွာရှိ အမှတ်…

မိတ္ထီလာမှာ သားအမိနှစ်ဦး သတ်ဖြတ်ခံရမှု သမီးရည်းစား အဆက်ဖြတ်တာ မကျေနပ်လို့ သတ်ဖြတ်ဟုဆို၊ ရပ်ကွက်က ဝိုင်းဖမ်းလို့ ကျူးလွန်သူ သုံးဦးကို ဖမ်းမိ၊ ဒေါ်လာ/MFP၊ ဒီဇင်ဘာ – ၃၀ မန္တလေးတိုင်း၊ မိတ္ထီလာမြို့မှာ မနေ့က ညဦးပိုင်းအချိန် သားအမိ နှစ်ဦးတည်း ရှိနေတဲ့ နေအိမ်ကို လူသုံးဦးက ဝင်ရောက်ပြီး အိမ်ရှင် သားအမိနှစ်ဦး စလုံးကို ဓားနဲ့ထိုး သတ်ဖြတ်ခဲ့မှုဟာ သမီးရည်းစား ကိစ္စကြောင့် ဖြစ်တယ်လို့ စစ်အုပ်စု ရဲမှတ်တမ်းမှာ ဖော်ပြပါတယ်။ ဒီဇင်ဘာလ ၂၉ရက် ည ၇နာရီကျော်အချိန်က မိတ္တီလာမြို့၊ ကျီတော်ကုန်းရပ်ကွက်၊ ဝမ်းတော်ပြည့်တိုးချဲ့ နယ်မြေ ၈ က နေအိမ်မှာ အမျိုးသမီး နှစ်ဦးတည်း ရှိနေချိန် လူငယ်သုံးဦးက ဝင်ရောက် သတ်ဖြတ်ခဲ့တာ ဖြစ်ပါတယ်။…

မန္တလေးမြို့တွင် အလှကုန်ကုမ္ပဏီအနုကြမ်းစီးရပြီး ကျပ်သိန်း ၆၀၀နှင့်ကားတစ်စီး ပါသွား အင်ကြင်း/People’s Spring မန္တလေးမြို့၊ မဟာအောင်မြေမြို့နယ်တွင် စစ်ကောင်စီ၏ ရပ်ကွက်အုပ်ချုပ်ရေးမှူးရုံးအနီးရှိ အလှကုန်ရောင်းဝယ်ရေးကုမ္ပဏီ အနုကြမ်းစီးခံရပြီး ကျပ်သိန်း ၆၀၀ခန့် နှင့် ကားတစ်စီး ပါသွားကြောင်း သတင်းရရှိသည်။ ဒီဇင်ဘာ ၂၅ ရက် နေ့လယ် ၁နာရီခန့်က မဟာအောင်မြေမြို့နယ်၊ မဟာမြိုင် (၁)ရပ်ကွက်၊ ၄၃ လမ်း၊ ၆၄လမ်းနှင့် ၆၅ လမ်းကြားရှိ ဆင်ဖြူတော်သယ်ယူပို့ဆောင်ရေးနှင့် အလှကုန်ပစ္စည်းရောင်းဝယ်ရေးကုမ္ပဏီ၌ ဝန်ထမ်းအမျိုးသမီး သုံးဦးရှိနေစဥ် နှာခေါင်းစည်း(Mask) များတပ်ထားသည့် သေနတ်ကိုင်ဆောင်ထားသော အမျိုးသား နှစ်ဦးဝင်လာပြီး အနုကြမ်းစီးခဲ့ကြောင်း စစ်ကောင်စီ၏ တယ်လီဂရန်ချန်နယ်များတွင် ရေးသားသည်။ ထို့နောက် ရုံးခန်းအတွင်းရှိ သံသေတ္တာအတွင်းမှ ကျပ်သိန်း ၆၀၀ ခန့်နှင့် ရုံးရှေ့ရပ်ထားသည့် Suzuki Ertiga အမျိုးအစား…

ရန်ကုန်မြို့တွင် PDF များနှင့် တော်လှန်ရေးရဲဘော်များကို အိမ်မငှားရန် စစ်ကောင်စီက စာရွက်များလိုက်ဖြန့်၍ ခြိမ်းခြောက်ခြင်း၊ အဆောင်နှင့်အိမ်ပိုင်ရှင်များကို ရပ်ကွက်ရုံးများသို့ ခေါ်ယူ ဖိအားပေးမှုများ လုပ်နေ ရန်ကုန် ၊ ဒီဇင်ဘာလ ၃၀ ရန်ကုန်မြိုု့တွင် PDF များနှင့် တော်လှန်ရေးရဲဘော်များကို အိမ်မငှားရန် စစ်ကောင်စီက စာရွက်များလိုက်ဖြန့်၍ ခြိမ်းခြောက်လာကြောင်း ရန်ကုန်မြို့ မှ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ရန်ကုန်ရှိ အဆောင်၊ နေအိမ်၊ တိုက်ခန်း၊ ပိုင်ရှင်များအနေဖြင့် ငှားရမ်းသူများ၏ ကိုယ်ရေးအချက်အလက်၊ အ ထောက်အထား၊ ပြည့်စုံစွာရရှိမှသာ ငှားရမ်းခြင်းနှင့် ယင်းအချက်အလက် အထောက်အထားများဖြင့် သက်ဆိုင်ရာရပ်ကွက် သို့မဟုတ် ကျေးရွာအုပ်ချုပ်ရေးမှူးရုံးများသို့ ဧည့်စာရင်းတိုင်ကြားခြင်းကို ဆောင်ရွက်ရန် စစ်ကောင်စီက ဖိအားပေးလျက်ရှိကြောင်း သိရှိရသည်။ PDF နှင့် တော်လှန်ရေးရဲဘော်များကို အိမ်ငှားရမ်းပါက…

ဖလမ်မြို့ မကြာမီအပြီးသတ်သိမ်းနိုင်မည်ဟု ချင်းညီနောင်စစ်ရေးကော်မတီဥက္ကဋ္ဌ ပြော ▪️ဖလမ်းအပါအဝင် ချင်းညီနောင်စစ်ဆင်ရေးအတွင်း စစ်သုံ့ပန်း ၆၀၀ ခန့်နှင့် လက်နက်မျိုးစုံ တစ်ထောင်ကျော်ရဟု အသိပေး ▪️စစ်ဆင်ရေးအတွင်း CDF ခြောက်ဖွဲ့မှ ရဲဘော် ၁၀၀ ခန့်ကျဆုံး၊ ၄၀၀ခန့် ဒဏ်ရာရး ဟန်နွေ/People’s Spring ချင်းပြည်နယ် ဖလမ်းမြို့ကို မကြာမီ အပြီးသတ်သိမ်းပိုက်နိုင်မည်ဟု ယုံကြည်ကြောင်း ချင်းဒေသကာကွယ်ရေးတပ်ဖွဲ့(CDF) ခြောက်ဖွဲ့စုဖွဲ့ထားသော ချင်းညီနောင်၏ စစ်ရေးကော်မတီ ဥက္ကဋ္ဌ CDF မင်းတပ် စစ်ဦးစီးချုပ် ဆလိုင်းထန်းချွန်းဖေက ပြောကြားသည်။ ချင်းညီနောင်ဖွဲ့စည်းမှု တစ်နှစ်ပြည့်အခမ်းအနားတွင် ချင်းညီနောင်စစ်ဆင်ရေး အခြေအနေများကို အသိပေးရာ ကျင်ဒွေး၊ မတူပီ၊ မင်းတပ်၊ ကန်ပက်လက်မြို့များ သိမ်းရထားပြီး ဖလမ်းမြို့ သိမ်းနိုင်ရေးအပြင်းအထန် ထိုးစစ်ဆင်နေကြောင်း ပြောကြားသည်။ ဖလမ်းမြို့သိမ်းတိုက်ပွဲကို နိုဝင်ဘာ ၁၀ရက်တွင် စတင်ခဲ့ရာ…

နိုင်ငံအနောက်ခြမ်းဒေသသိမ်းပိုက်စိုးမိုးရေး ဦးစားပေးလုပ်ဆောင်နေဟု ချင်းညီနောင် အသိပေး ▪️တစ်နိုင်ငံလုံးစစ်အာဏာရှင်ချုပ်ငြိမ်းရေး စစ်ရေးဖော်ဆောင်မည် ▪️တော်လှန်ရေးလေးနှစ်တာအတွင်း ချင်းညီနောင်အဖွဲ့ဝင် တပ်များမှ ရဲဘော် ၂၅၀ခန့် ကျဆုံး၊ ၁,၀၀၀ ကျော် ဒဏ်ရာရဟုဆို ဟန်နွေ/People’s Spring ချင်းညီနောင်နှင့် မဟာမိတ်များအနေဖြင့် နိုင်ငံအနောက်ဘက်ခြမ်းဒေသများ သိမ်းပိုက်စိုးမိုးရေးကို ဦးစားပေးလုပ်ဆောင်နေခြင်းဖြစ်ပြီး တစ်ဖက်တွင်လည်း တစ်နိုင်ငံလုံး စစ်အာဏာရှင်ချုပ်ငြိမ်းရေး အတွက် အဆုံးထိစစ်ရေးဖော်ဆောင်သွားမည်ဟု ချင်းညီနောင် အလှည့်ကျ သဘာပတိ CDF မတူပီ တပ်မဟာ(၁) တပ်မဟာမှူး ဆလိုင်းဟောရှည်က ယနေ့(ဒီဇင်ဘာ ၃၀ရက်)ပြုလုပ်သည့် ချင်းညီနောင် တစ်နှစ်ပြည့် နှစ်ပတ်လည်အခမ်းအနားတွင် အသိပေး ပြောကြားသည်။ ချင်းဒေသကာကွယ်ရေးတပ်(CDF) မတူပီ တပ်မဟာ(၁)၊ CDF မင်းတပ်၊ PDF ဇိုလဲန်း၊ မရာတပ်ဖွဲ့ MDF ၊ ချင်းအမျိုးသားကာကွယ်ရေးတပ်(CNDF) ၊ CDF…