Author: admin

KIA၏ ဗန်းမော်မြို့သိမ်းတိုက်ပွဲ ပြင်းထန်နေ ထားမြတ်/People’s Spring တရုတ်နယ်စပ်နှင့် မိုင်(၄၀)ခန့်သာကွာဝေးသော ကချင်ပြည်နယ်၊ ဗန်းမော်မြို့သိမ်းတိုက်ပွဲကို ကချင်လွတ်လပ်ရေးတပ်မတော်(KIA)နှင့် မဟာမိတ်ပူးပေါင်းတပ်များက ယနေ့(ဒီဇင်ဘာ ၄ရက်) စတင်ရာ တိုက်ပွဲပြင်းထန်နေကြောင်း ကချင်စစ်ရေးသတင်းရင်းမြစ်က ပြောသည်။ ကချင်ပြည်နယ် ဗန်းမော်နှင့် မံစီဒေသတစ်ခုလုံး သိမ်းပိုက်နိုင်ရေး ထိုးစစ်ကို ယနေ့ နံနက်က စတင်ခဲ့ရာ တိုက်ပွဲပြင်းထန်နေဆဲဖြစ်ကြောင်း ကချင်စစ်ရေးသတင်းရင်းမြစ်က ယနေ့ညပိုင်းတွင် ပြောသည်။ ဗန်းမော်မြို့ရှိ စစ်ကောင်စီတပ်စခန်းများနှင့် မံစီမြို့ရှိ စစ်ကောင်စီ လက်ကျန်စခန်းများကို KIAနှင့် မဟာမိတ်များက တပြိုင်တည်း ဝင်ရောက်တိုက်ခိုက်ခဲ့ရာ ဗန်းမော်မြို့ လုံခြုံရေးကာကင်းစခန်းအချို့ သိမ်းရထားကြောင်း သတင်းရင်းမြစ်က ပြောသည်။ ညပိုင်းအထိ စစ်ရေးအခြေအနေကို မေးမြန်းရာ ကချင်သတင်းရင်းမြစ်က “ဗန်းမော်တိုက်ပွဲပြင်းထန်နေဆဲ။ ဗန်းမော်မကျရေး တော်တော်ခုခံနေကြတယ်” ဟု ပြောပြသည်။ စစ်ကောင်စီအနေဖြင့် ဗန်းမော်ကို မြေပြင်က…

နွားထိုးကြီးမြို့နယ်၊ လုံးတောနှင့် သမန်းတောရွာ အကြားရှိ စစ်ရှောင်ပြည်သူများ နေထိုင်သော ဘုန်းကြီးကျောင်းကို စစ်တပ်က လေယာဉ်ဖြင့် ဗုံးကျဲ တိုက်ခိုက်မှု ကျောင်းထိုင် ဘုန်းကြီးနှင့် ကိုရင်း ၁ ပါး ပျံလွန်တော်မူပြီး ပြည်သူ အများအပြား ထိခိုက်မှုရှိ ရန်ကုန်၊ ဒီဇင်ဘာ ၄ မန္တလေးတိုင်း၊ နွားထိုးကြီးမြို့နယ်၊ လုံးတောရွာနှင့် သမန်းတောရွာ အကြားရှိ စစ်ဘေးရှောင်ပြည်သူများ နေထိုင်သော ဘုန်းကြီးကျောင်းကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ကျောင်းထိုင် ဘုန်းကြီးနှင့် ကိုရင်း ၁ ပါး ပျံလွန်တော်မူပြီး ပြည်သူ အများအပြား ထိခိုက်မှုရှိကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့ နိုဝင်ဘာလ ၄ ရက်နေ့ မွန်းလွဲ ၁…

NUG ဝန်ကြီးနှင့်ဒုဝန်ကြီးများ အညာမြေနှင့် စစ်မြေပြင်များသို့ ကွင်းဆင်းနေပြီး ဒေသပြည်သူများနှင့်တွေ့ဆုံ ရန်ကုန်၊ ဒီဇင်ဘာ ၄ အမျိုးသားညီညွတ်ရေးအစိုးရ NUG ဝန်ကြီးနှင့်ဒုဝန်ကြီးများမှာ အညာမြေနှင့် စစ်မြေပြင်များသို့ ကွင်းနေပြီး ဒေသပြည်သူလူထုနှင့်တွေ့ဆုံမှုများ လုပ်ဆောင်နေကြောင်း သက်ဆိုင်ရာ၏ ထုတ်ပြန်ချက်များအရ သိရှိရသည်။ အမျိုးသားညီညွတ်ရေးအစိုးရက တရားဝင်တူးဖော်ခွင့်လိုင်စင်ဖြင့် ခွင့်ပြုထားသည့် ရွှေလုပ်ကွက်များကို NUG- သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဒေါက်တာတူးခေါင် က သွားရောက်စစ်ဆေးခဲ့ကြောင်း၊ ဝန်ကြီး ဒေါက်တာတူးခေါင်က NUGအစိုးရ၏ တရားဝင်တူးဖော်ခွင့်လိုင်စင်ဖြင့် ပြုလုပ်လျက်ရှိသည့် အလတ်စား ရွှေတူးဖော်ရေးလုပ်ကွက်များကို သွားရောက်စစ်ဆေးခဲ့ကြောင်း၊ ရွှေတူးဖော်ရေး လုပ်ငန်းများတွင် သဘာဝပတ်ဝန်းကျင်ထိခိုက်မှု မရှိစေရေး၊ ရေဆိုးရေညစ်စွန့်ပစ်သည့် ပုံစံများ စံချိန်ညီ၊ မညီ နှင့် လုပ်ငန်းခွင် ဘေးကင်းလုံခြုံရေးတို့ကို အဓိကထား ကြည့်ရှုစစ်ဆေးခဲ့ကြောင်း သိရှိရသည်။ ထို့ပြင် ဝန်ကြီး…

မင်္ဂလာဒုံမြို့နယ်ရှိ စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်မှု စစ်တပ်ဘက်မှ ထိခိုက်မှုရှိ ရန်ကုန်၊ ဒီဇင်ဘာ ၄ ရန်ကုန်တိုင်း၊ မင်္ဂလာဒုံမြို့နယ်ရှိ အကြမ်းဖက် စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်ရာ စစ်တပ်ဘက်မှ ထိခိုက်မှုရှိကြောင်း Rangoon Urban Column (RUC) စစ်ကြောင်း တာဝန်ခံ ရဲခေါင်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဒီဇင်ဘာလ ၃ ရက်နေ့ ည ၇ နာရီ ၂၅ မိနစ်ခန့်တွင် မင်္ဂလာဒုံမြို့နယ်၊ ထောက်ကြန့် – လှော်ကား တာဆုံအနီးရှိ အကြမ်းဖက်…

NUG ဝန်ကြီးများ​​တော်လှန်​ရေးနယ်​မြေများတွင် ရှိ​နေ​ကြောင်း ဆက်တိုက်အသိ​ပေး အိမ်သွင်/People’s Spring နိုင်ငံပြင်ပသို့ရောက်နေသည့် အစိုးရအဖွဲ့ဝင်များ ပြည်တွင်းသို့ပြန်လာရန်အမျိုးသားညီညွတ်ရေးအစိုးရ(NUG)ယာယီသမ္မတဒူဝါလရှီးလက တိုက်တွန်းပြီးနောက် NUG အစိုးရအဖွဲ့ဝင် ဝန်ကြီးအချို့က ၎င်းတို့သည်တော်လှန်ရေးနယ်မြေများ၌ ရှိနေကြောင်းဓာတ်ပုံမှတ်တမ်းများဖြင့် ဆက်တိုက်ထုတ်ဖော်ပြသလာကြသည်။ NUGယာယီသမ္မတဒူဝါလရှီးလက နိုဝင်ဘာ ၂၆ ရက်နေ့က ကျင်းပသည့် အစိုးရအဖွဲ့အစည်းအဝေးတွင် ယင်းကဲ့သို့တိုက်တွန်းပြီးနောက် NUG ကာကွယ်ရေးဝန်ကြီး ဦးရည်မွန်၊ ပညာရေးဒုဝန်ကြီး ဂျာထွယ်ပန်၊ သယံဇာတဝန်ကြီး ဒေါက်တာ တူးခေါင်တို့က တော်လှန်ရေးနယ်မြေများ၌ရှိနေကြောင်း လူမှုကွန်ရက်မှတစ်ဆင့်အသိပေးကြသည်။ ကာကွယ်ရေးဝန်ကြီးဦးရည်မွန်သည် မန္တလေး တိုင်းအတွင်း စစ်ဆင်ရေးနယ်မြေများတွင် PDF ရဲဘော်များနှင့်တွေ့ဆုံနေသည့် ဓာတ်ပုံမှတ်တမ်းများအား လူထုသပိတ်ခေါင်းဆောင်ဒေါက်တာတေဇာစန်းက နိုဝင်ဘာ ၃၀ ရက်၌ လူမှုကွန်ရက်မှတဆင့် ဖော်ပြခဲ့သည်။ ဦးရည်မွန်သည် ယခင်ကလည် ကချင်ပြည်နယ်၊ စစ်ကိုင်းတိုင်းနှင့် ရှမ်းပြည် နယ်မှ စစ်ဆင်ရေးနယ်မြေများသို့ မကြာခဏသွားရောက်ခဲ့သည်ကို မှတ်တမ်းဓါတ်ပုံများ…

ကြို့ပင်ကောက်မြို့တွင် ပြည်သူများကို ပေါ်တာဆွဲ ဖမ်းဆီးနေသည့် မြို့မတောင် ရပ်ကွက် အုပ်ချုပ်ရေးမှူးနှင့် ရာအိမ်မှူးတို့ ပစ်ခတ်ခံရပြီး ၁ ဦးသေဆုံး ရန်ကုန်၊ ဒီဇင်ဘာ ၄ ပဲခူးတိုင်း၊ ကြို့ပင်ကောက်မြို့တွင် ပြည်သူများကို ပေါ်တာဆွဲ ဖမ်းဆီးနေသည့် မြို့မတောင် ရပ်ကွက် အုပ်ချုပ်ရေးမှူးနှင့် ရာအိမ်မှူးတို့ကို ပစ်ခတ် တိုက်ခိုက်ရာ ၁ ဦးသေဆုံးခဲ့ကြောင်း သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ရန်ကုန်ခေတ်သစ် သတင်းဌာနထံသို့ ပြောဆိုသည်။ ဒီဇင်ဘာလ ၃ ရက်နေ့ နံနက် ၁၀ နာရီ ၁၅ မိနစ်ခန့်တွင် မြို့မတောင် ရပ်ကွက် အုပ်ချူပ်ရေးမှူး ခင်မောင်ဝင်းနှင့် ရာအိမ်မှူး အောင်ထွန်းတို့ ကြို့ပင်ကောက်မြို့ ရုံးလမ်းထောင့် ဆိုင်ကယ်ကယ်ရီဂိတ် အနီးတွင် စကားထိုင်ပြောနေစဉ်…

အမ်းမြို့ကို အာရက္ခတပ်​တော်ထိန်းချုပ် ▪︎နပခ ဌာနချုပ်တစ်ခုသာကျန်ပြီး မကြာမီသိမ်းယူနိုင်မည်ဟု​ဒေသခံအချို့​ပြောကြား အိမ်သွင်/People’s Spring အမ်းမြို့တွင် အ​နောက်ပိုင်းတိုင်စစ်ဌာနချုပ်(နပခ) မှ အပ ကျန် စစ်ကောင်စီတပ်စခန်းများအားလုံးကို အာရက္ခတပ်​တော်( AA)ကသိမ်းယူပြီး မြို့ကိုထိန်းချုပ်နိုင်ပြီဖြစ်ကာ နပခ ဆက်လက်ထိုးစစ်ဆင်နေပြီဖြစ်​ကြောင်း​ဒေသခံအချို့ကပြောသည်။ “အမ်းမြို့‌တမြို့လုံးကို AAက ထိန်းချုပ်ထားပါပြီ။ နပခပဲ ကျန်တော့တယ်။ ဒါက နောက်ဆုံးအခြေ အနေ။ စစ်တပ်က လေကြောင်းကတောက်လျှောက်ပစ်နေတယ်။ မြို့ထဲကအိမ်တွေထိထားတယ်”ဟု မြို့အနီးတွင် စစ်ဘေးရှောင်နေရသည့်​ဒေသခံတဦးကပြောသည်။ အမ်းမြို့သိမ်းတိုက်ပွဲကို AAကစက်တင်ဘာလ ၂၆ရက်တွင် စတင်ခဲ့သည်။အမ်းမြို့တွင် နပခအပါအဝင် စစ်ကောင်စီတပ်ရင်းစခန်း ၁၈ခုရှိသည့်အနက် ၈ ခုကို သိမ်းယူထားပြီးဖြစ်ကြောင်း AAက နိုဝင်ဘာလ ၁၃ရက်တွင်သတင်းထုတ်ပြန်ခဲ့သည်။ ခြေမြန်တပ်ရင်း ခမရ (၃၇၃)၊ အမြောက်တပ်ရင်း အမတ (၃၇၄)၊ လျှပ်စစ်အလုပ်ရုံတပ်ခွဲ(၇၅၇)၊ စစ်လက်နက်ပစ္စည်းတပ်ခွဲ (၃၄၅)၊ တိုက်ပွဲဝင်စည်းရုံးရေးသင်တန်းကျောင်း တစသ…

ရန်ကုန်မြို့ လှိုင်သာယာနှင့် ရွှေပြည်သာတွင် စစ်တပ်နှင့်ပူးပေါင်းကာ အလုပ်သမားများအပေါ် ဖိနှိပ်နေသော တရုတ်နိုင်ငံသားပိုင် စက်ရုံ ၂ ရုံကို ဗုံးခွဲ သတိပေး ရန်ကုန်၊ ဒီဇင်ဘာ ၄ ရန်ကုန်မြို့ လှိုင်သာယာနှင့် ရွှေပြည်သာတွင် စစ်တပ်နှင့်ပူးပေါင်းကာ အလုပ်သမားများအပေါ် ဖိနှိပ်နေသော တရုတ်နိုင်ငံသားပိုင် စက်ရုံ ၂ ရုံကို ဗုံးဖြင့် ဖောက်ခွဲသတိပေးခဲ့ကြောင်း The Grand Unsung (TGU) အဖွဲ့မှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောကြားသည်။ ဒီဇင်ဘာလ ၂ ရက်နေ့ ည ၇ နာရီအချိန် လှိုင်သာယာမြို့နယ်ရှိ တရုတ်ပိုင် Thun Than Win ဖိနပ်စက်ရုံနှင့် ရွှေပြည်သာမြို့နယ်၊သာဓုကံစက်မှုဇုံရှိ တရုတ်ပိုင် ပေါင်ချိန်စက်ရုံတို့သည် အကြမ်းဖက်စစ်တပ်နှင့် ပူးပေါင်းကာ အလုပ်သမားများကို ဖိနှိပ်နေ၍ သတိပေးသည့်အနေဖြင့်…

NUG အပေါ်ထားတဲ့ ပြည်သူလူထုရဲ့ ယုံကြည်မျှော်လင့်ချက်တွေကို ရိုက်ချိုးမပစ်ဖို့ NUG ယာယီသမ္မတ ပြောကြား ဒီဇင်ဘာ ၄၊ ၂၀၂၄ ပြည်သူတွေရဲ့ တော်လှန်ရေးအောင်မြင်စိတ်ကို ဘယ်သူကမှ ရိုက်ချိုးဖျက်ဆီးလို့ မရကြောင်း အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလက ပြောကြားလိုက်ပါတယ်။ တိုင်းရင်းသားတပ်ဖွဲ့တွေနဲ့ ပြည်သူတွရဲ့ မျှော်လင့်ချက်ကို ရိုက်ချိုးလို့ မရဘဲ တော်လှန်ရေး အလုပ်တွေ ခွန်ပြည့်အားပြည့်လုပ်ဖို့ ယာယီသမ္မတက တိုက်တွန်းပြောကြားလိုက်တာပါ။ NUG အစိုးရအဖွဲ့ အစည်းအဝေးကို ဒီဇင်ဘာ ၃ရက် နေ့က ကျင်းပစဉ်မှာ ယာယီသမ္မတက အခုလို ပြောကြားလိုက်တာ ဖြစ်ပါတယ်။ “အမျိုးသားညီညွတ်ရေးအစိုးရအပေါ် တိုင်းရင်းသားလက်နက်ကိုင် အဖွဲ့အစည်းကြီးတွေနဲ့ ပြည်သူ လူထုတရပ်လုံးက ယုံကြည် မျှော်လင့်ချက်တွေ များစွာရှိကြပါတယ်။ ဒီမျှော်လင့်ချက်တွေ ယုံကြည်မှုတွေကို ကျွန်တော်တို့က ရိုက်ချိုးလို့ မရဘူး။ ကျွန်တော်တို့ဟာ…

မတ္တရာမြို့နယ်၊ မြို့ကုန်းကျေးရွာသို့ စစ်ကြောင်းထိုးလာသော စစ်တပ်ကို တိုက်ခိုက်မှု စစ်သားအလောင်း ၇ ခု၊ လက်နက်ခဲယမ်းများနှင့် စစ်သုံ့ပန်း ၁ ဦး ဖမ်းဆီးရရှိ ရန်ကုန်၊ ဒီဇင်ဘာ ၄ မန္တလေးတိုင်း၊ မတ္တရာမြို့နယ်၊ မြို့ကုန်းကျေးရွာသို့ စစ်ကြောင်းထိုးလာသော စစ်တပ်ကို တိုက်ခိုက်မှု စစ်သားအလောင်း ၇ ခု၊ လက်နက်ခဲယမ်းများနှင့် စစ်သုံ့ပန်း ၁ ဦး ဖမ်းဆီးရရှိကြောင်း ပြည်သူ့ကာကွယ်ရေးတပ်မတော်(မန္တလေး)က သတင်းထုတ်ပြန်သည်။ ဒီဇင်ဘာလ ၂ ရက်နေ့ ညပိုင်း ပြည်သူ့ကာကွယ်ရေးတပ်မတော် (မန္တလေး)က ထိန်းချုပ်စိုးမိုးထားသော မတ္တရာမြို့နယ်၊ အရှေ့ဘက်ခြမ်းရှိ မြို့ကုန်းကျေးရွာသို့ အကြမ်းဖက် စစ်ကောင်စီ စစ်ကြောင်းဝင်ရောက်လာသဖြင့် တိုက်ပွဲဖြစ်ပွားခဲ့ကြောင်း၊ ဒီဇင်ဘာလ ၃ ရက်နေ့တွင် အဆိုပါ စစ်ကောင်စီ စစ်ကြောင်းနှင့် PDF တပ်များအကြား တစ်နေကုန်နီးပါး…