Author: admin

ငလျင် ဘေးသင့်နေချိန် စစ်ကိုင်းနဲ့ မန္တလေးက နေရာ ၁၀ ခု ကျော်ကိုစစ်အုပ်စုက ဗုံးကြဲ အရပ်သားပြည်သူ ၅၀ ကျော်သေဆုံးပြီး ၊ ၄၉ ဦး ထိခိုက်ဒဏ်ရာရ ငလျင်လှုပ်ခတ်မှုဖြစ်ပွားခဲ့တဲ့ မတ် (၂၈) ရက် ကနေ ဧပြီလ ၁ရက် အထိ လေရက်တာ ကာလအတွင်း စစ်အုပ်စုက ငလျင်ဘေးဒဏ်သင့်စစ်ကိုင်းနဲ့ မန္တလေးရှိ နေရာ ၁၁ နေရာ ကို လေကြောင်း ဗုံးကြဲ တိုက်ခိုက်ခဲ့လို့ အရပ်သားပြည်သူ ၅၀ ဦးထက် မနည်း သေဆုံးကာ ၄၉ ဦး ထိခိုက် ဒဏ်ရာ ရရှိခဲ့တယ်လို့ အမျိုးသားညီညွတ်ရေး အတိုင်ပင်ခံကောင်စီ(National Unity Consultative Council-NUCC) က ဒီကနေ့မှာ ထုတ်ပြန်ပါတယ်။ စစ်အုပ်စုဟာ…

7.7 ငလျင်ဗဟိုချက်နေရာ အသေးစိတ်လေ့လာလိုသူများအတွက် 2025 March 28 – 1:24 PM မှာ ကျွန်တော်တင်ပေးခဲ့တဲ့ စစ်ကိုင်းမြို့အနီးမှာပါပဲ။ အတိအကျဆိုရင် စစ်ကိုင်းတိုင်း၊ ရေမျက်ကြီးအင်း၊ စာရေးရွာအနီးမှာ ဖြစ်ပါတယ်။ Time 2025-03-28 12:50:52 (UTC+06:30) Location 21°59’46.7″N 95°55’32.9″E Depth 10.0 km https://maps.app.goo.gl/mKFtgByWKqidbdHV9… (21.9963024, 95.9257993) Video Credit: Original Uploader Phyo Thu Win

နေပြည်တော်တွင် ငလျင်လှုပ်ချိန် မင်းအောင်လှိုင် စားပွဲ တစ်ခြမ်းတွင် နေရာယူခဲ့ရသည့်အပြင် ၁ နာရီကျော် အပြင်ထွက်မတ်တပ်ရပ်နေခဲ့ရဟု ထုတ်ဖော်ပြောဆို (ရုပ်/သံ) ရန်ကုန်၊ ဧပြီ ၂ အကြမ်းဖက် စစ်ခေါင်းဆောင် မင်းအောင်လှိုင်က နေပြည်တော်တွင် မတ်လ ၂၈ ရက်နေ့ ငလျင်လှုပ်ချိန် စားပွဲ တစ်ခြမ်းတွင် နေရာယူခဲ့ရပြီး အပြင်ထွက်၍ ၁ နာရီကျော် မတ်တပ်ရပ်နေခဲ့ရကြောင်း ထုတ်ဖော်ပြောဆိုသည်။ ယမန်နေ့ နေပြည်တော်တွင် ပြုလုပ်ခဲ့သော ငလျင်ကူညီရေး အလှူငွေ ပေးအပ်ပွဲ အခမ်းအနားတွင် ၎င်းက အထက်ပါအတိုင်း ပြောဆိုခဲ့ခြင်းဖြစ်သည်။ “၂၈ ရက်နေ့ ငလျင်လှုပ်တဲ့အချိန်ကျတော့ ကျနော်က ရုံးမှာ စာတွေ ဖတ်နေတဲ့အချိန်ဖြစ်ပါတယ်။ စလှုပ်တဲ့အချိန်မှာ ချက်ချင်း သတိရတာနဲ့ နာရီကောက်ကြည့်လိုက်တော့ ၁၂ နာရီ ၅၁ မိနစ်ပေါ့လေ။…

ငလျင်ဒဏ်သင့် မန္တလေး၊ စစ်ကိုင်းနှင့် ရှမ်းပြည်နယ် အပါအဝင် တိုင်းနှင့် ပြည်နယ်တချို့တွင် ဧပြီလ (၄)ရက်နေ့ကစပြီး မိုးထစ်ချုန်းရွာနိုင် * * * * * ငလျင်ဒဏ်သင့်ဒေသတချို့ အပါအဝင် တိုင်းနှင့် ပြည်နယ်များတွင် ၂၀၂၅ခုနှစ် ဧပြီလ(၄)ရက်နေ့မှ (၈)ရက်နေ့အထိ နေရာကြဲကြဲ မိုးထစ်ချုန်းရွာနိုင်သည်ဟု မိုးလေဝသပညာရှင် ဦးဝင်းနိုင်က ဧပြီလ(၂)ရက်နေ့ ညနေ(၃)နာရီ (၁၇)မိနစ်အချိန်က အသိပေးထားသည်။ မန္တလေးတိုင်းနှင့် ရှမ်းပြည်နယ် အပါအဝင် ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ချင်းပြည်နယ်၊ စစ်ကိုင်းတိုင်းတို့တွင် နေရာကြဲကြဲ မိုးထစ်ချုန်းရွာနိုင်သည်ဟု သတိပေးထားခြင်းဖြစ်သည်။ ထို့အပြင် တနင်္သာရီတိုင်း၊ မွန်ပြည်နယ် နှင့် ကရင်ပြည်နယ်တို့တွင် ဧပြီလ (၃)ရက်မှ (၈)ရက်အတွင်း မိုးအသင့်အတင့် ရွာနိုင်မည်ဟုလည်း အသိပေးထားသည်။ လက်ရှိတွင် ငလျင်ဒဏ်သင့် မန္တလေး၊…

ငလျင်ကြောင့် သေဆုံးသူ ၂၉၀၀ နီးပါး ရှိလာပြီဟု စစ်ကောင်စီ ထုတ်ပြန်… ဧပြီ ၂၊ ၂၀၂၅ စစ်ကိုင်းမြို့နယ်ကို ဗဟိုပြုလှုပ်ခတ်ခဲ့တဲ့ ရစ်ချက်တာစကေး ၇.၇ အဆင့်ရှိ ပြင်းထန်ငလျင်ကြောင့် ဧပြီလ ၂ ရက် ဒီနေ့မနက်ပိုင်းအထိ သေဆုံးသူ ၂၈၈၆ ယောက် ရှိလာပြီဖြစ်တယ်လို့ အာဏာသိမ်းစစ်ကောင်စီက ထုတ်ပြန်လာပါတယ်။ ဒါ့အပြင် နိုင်ငံတစ်ဝန်း ငလျင်ဒဏ်ကြောင့် ဒဏ်ရာရသူ ၄၆၃၉ ယောက်နဲ့ ပျောက်ဆုံးနေသူ ၃၇၃ ယောက် ရှိတယ်လို့လည်း စစ်ကောင်စီရဲ့ထုတ်ပြန်ချက်က ဆိုပါတယ်။ ငလျင်ဒဏ်ကြောင့် ဆိုးရွားစွာ ထိခိုက်ပျက်စီးခဲ့တဲ့ မန္တလေးမြို့နဲ့ စစ်ကိုင်းမြို့တွေမှာတော့ ပျောက်ဆုံးနေသူ အများအပြားရှိပြီး သေဆုံးတဲ့ ဦးရေကလည်း တိုးလာနေသလို ဒီနေ့အချိန်အထိ ပိတ်မိနေသူ အများအပြား ရှိနေသေးတာ ဖြစ်ပါတယ်။ မြေပြင်မှာ ကူညီကယ်ဆယ်ရေးတွေ…

နေပြည်တော်က လွှတ်တော်အဆောက်အအုံတွေ ငလျင်ကြောင့် ပျက်စီး နေပြည်တော်၊ မြန်မာ – လာမည့်ရွေးကောက်ပွဲကျင်းပမည့်ရက်များကို မြန်မာစစ်တပ်ခေါင်းဆောင်က ကြေညာပြီး ရက်ပိုင်းအတွင်း အင်အားပြင်းငလျင်လှုပ်ခဲ့သဖြင့် နေပြည်တော်ရှိ လွှတ်တော်အဆောက်အအုံများ သိသိသာသာပျက်စီးခဲ့ မတ်လ ၂၅ ရက် အစည်းအဝေးအတွင်း စစ်ခေါင်းဆောင်က ၂၀၂၅ ခုနှစ် ဒီဇင်ဘာ တတိယနဲ့ စတုတ္ထပတ်တွေမှာ ရွေးကောက်ပွဲတွေ ကျင်းပမယ်လို့ ထုတ်ဖော်ပြောဆိုခဲ့ပြီး ၂၀၂၆ ခုနှစ် ဇန်နဝါရီ ပထမနဲ့ ဒုတိယပတ်တွေမှာလည်း ရွေးကောက်ပွဲတွေ ကျင်းပမယ်လို့ ထုတ်ဖော်ခဲ့ပါတယ်။ သို့သော်လည်း မတ်လ ၂၈ ရက် နေ့လယ်ပိုင်းက ငလျင်လှုပ်ခတ်ခဲ့သဖြင့် မန္တလေး၊ စစ်ကိုင်း၊ နေပြည်တော်၊ ပဲခူး၊ ရှမ်းပြည်နယ်အပါအဝင် ဒေသများ၌ ပြင်းထန်စွာလှုပ်ခတ်ခဲ့ပါသည်။ ငလျင်ကြောင့် ပြင်းထန်စွာ ထိခိုက်ပျက်စီးသွားသည့် အဆောက်အဦများထဲတွင် နေပြည်တော်ရှိ လွှတ်တော်အဆောက်အဦများ…

နေပြည်တော် မြန်မာ့မီးရထားအိမ်ရာများ ငလျင်ဒဏ်ကြောင့် ပြိုကျပျက်စီးပြီး Non-CDM ဝန်ထမ်းနှင့်မိသားစု ၁၆၀၀ ကျော် ကယ်ကူသူမဲ့နေ ရန်ကုန်၊ ဧပြီ ၂ နေပြည်တော် မြန်မာ့မီးရထားအိမ်ရာများ ငလျင်ဒဏ်ကြောင့် ပြိုကျပျက်စီးပြီး Non-CDM ဝန်ထမ်းနှင့်မိသားစု ၁၆၀၀ ကျော် ကယ်ကူသူမဲ့နေကြောင်း မြန်မာ့မီးရထားရုံးချုပ်မှ ဝန်ထမ်းများက ရန်ကုန်ခေတ်သစ်သတင်းဌာနထံသို့ ပြောဆိုသည်။ မတ်လ ၂၈ ရက်နေ့ လှုပ်ခတ်ခဲ့သော ငလျင်ကြောင့် နေပြည်တော်ရှိ မြန်မာ့မီးရထားရုံးချုပ် ဝန်ထမ်းအိမ်ရာများအနက်မှ ၄ ထပ်တိုက် အမှုထမ်းအိမ်ရာ ၂၅ လုံး၊ အရာထမ်းအိမ်ရာ ၁၇ လုံးမှာ ပျက်စီးခြင်း၊ ပြိုကျခြင်းနှင့် အက်ကွဲခြင်းတို့ကြောင့် လူနေထိုင်၍ မရတော့ကြောင်း၊ ထို့ကြောင့် စစ်ကောင်စီက ဝန်ထမ်းများနှင့် မိသားစုများကို နေပြည်တော်၊ ပုဗ္ဗသီရိမြို့နယ်ရှိ နေပြည်တော်ဘူတာကြီး အမှတ် ၁…

နေပြည်တော်ကို ဗဟိုပြု၍ ပြင်းအား ၄ ဒသမ ၈ အဆင့်ရှိ ငလျင်လှုပ်ခတ် ရန်ကုန်၊ ဧပြီ ၁ နေပြည်တော်ကို ဗဟိုပြု၍ ပြင်းအား ၄ ဒသမ ၈ အဆင့်ရှိ ငလျင်လှုပ်ခတ်သွားကြောင်း အမေရိကန် ဘူမိဗေဒ-ငလျင်စောင့်ကြည့်ရေးအဖွဲ့-USGS က သတင်းထုတ်ပြန်သည်။ ယနေ့ ဧပြီလ ၁ ရက်နေ့ ည ၉ နာရီ ၅၇ မိနစ်အချိန် နေပြည်တော်မြို့၏ မြောက်ဘက် ၃၇ ကီလိုမီတာအကွာ အနက် ၃ ဒသမ ၂ ကီလိုမီတာကို ဗဟိုပြု၍ မြေငလျင်လှုပ်ခတ်သွားကြောင်း သိရှိရသည်။ ယနေ့ ဧပြီလ ၁ရက်နေ့ ညနေ ၆ နာရီ အချိန်ခန့်တွင် မြန်မာပြည်တွင်း၊ မန္တလေးမြို့၏ အနောက်မြောက်ဘက် ၁၅…

မန္တလေးနှင့်စစ်ကိုင်းတွင် နောက်ဆက်တွဲငလျင်ဘေးစိုးရိမ်၍ ပြည်သူများ လမ်းပေါ်ထွက်အိပ်စဉ် သူခိုးနှင့်ဓားပြတိုက်မှုများ စိုးရိမ်နေရပြီး အိမ်အများအပြား သူခိုး အခိုးခံနေရ ၊ စစ်တပ်၊ရဲနှင့်ပျူစောထီးများ ပျောက်ချင်းမလှ ပျောက်နေ ရန်ကုန်၊ ဧပြီ ၂ မန္တလေးတွင် နောက်ဆက်တွဲ ငလျင်ဘေးစိုးရိမ်၍ ပြည်သူများ လမ်းပေါ်ထွက်အိပ်စဉ် သူခိုးနှင့်ဓားပြတိုက်မှုများ စိုးရိမ်နေရပြီး နေအိမ်အများအပြားမှာ သူခိုးခိုးခံနေရကြောင်း မန္တလေးနှင့်စစ်ကိုင်းတို့တွင် ကူညီကယ်ဆယ်ရေး လုပ်နေသူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ ဧပြီလ ၂ ရက်နေ့ညပိုင်း မန္တလေးမြို့၊ ၃၈ လမ်းနှင့် ၄၁ လမ်းအကြား ၈၉ လမ်းမပေါ်တွင် မျက်နှာဖုံးစွပ်ထားသော ဓားကိုင် လူ ၅ ဦးက သွားလာလှုပ်ရှားနေသဖြင့် ပြည်သူများ စုဝေးကာ ယင်းလူ ၅ ဦးကို လိုက်လံ ရှာဖွေခဲ့ရကြောင်း၊ ထို့ပြင်…

▪️Breaking News ငလျင်ဘေးကူညီလာသည့် တရုတ်ကြက်ခြေနီ အသင်းယာဉ်တန်းကို စစ်ကောင်စီတပ် ပစ်ခတ်တိုက်ခိုက် ဧပြီ၁၊၂၀၂၅။ ခွာညို/People’s Spring ငလျင်ဘေးသင့်ပြည်သူများအတွက် ထောက်ပံ့ရေးပစ္စည်းများ သယ်ဆောင်လာသည့် တရုတ်နိုင်ငံကြက်ခြေနီအသင်းယာဉ်တန်းအား စစ်ကောင်စီတပ်မှ ပစ်ခတ်ခဲ့ကြောင်း တအာင်းအမျိုးသားလွတ်မြောက်ရေးတပ်မတော်(TNLA)က သတင်းထုတ်ပြန်သည်။ ယနေ့ (ဧပြီ ၁၇က်) ညနေ၉နာရီခွဲအချိန်တွင် တရုတ်နိုင်ငံကြက်ခြေနီအသင်းမှ မြန်မာ ငလျင်ဘေးသင့်ပြည်သူများအတွက် ထောက်ပံ့ရေးပစ္စည်းများ သယ်ဆောင်လာသည့် ယာဉ်တန်း(၉)စီးသည် မန္တလေးမြို့သို့ ခရီးဆက်ရာတွင် နောင်ချိုမြို့နယ် အုမ္မတီးကျေးရွာတွင် စစ်ကောင်စီတပ်က ပစ်ခတ်ခြင်း ဟု ထုတ်ပြန်ထားသည်။ အဆိုပါ ယာဉ်တန်းသည် မန္တလေးမြို့သို့ ခရီးဆက်သွားမည့်အကြောင်းကိုလည်း စစ်ကောင်စီထံ သတင်းပေးပို့ခဲ့ပြီးဖြစ်သော်လည်း ယခုကဲ့သို့ လမ်းခရီးတွင် ပစ်ခတ်ခံခဲ့ရပြီး နောင်ချိုမြို့သို့ ပြည်လှည့်ခဲ့ရသည်ဟု TNLAက ထုတ်ပြန် အသိပေးထားသည်။ ယာဉ်တန်းအား ကာကွယ်စောင့်ရှောက်ပေးထားပြီး ၎င်းတို့လိုရာခရီးကို ဆက်လက်ပို့ဆောင်သွားမည်ဟု TNLA…