Author: admin

စစ်ကောင်စီက ရွေးကောက်ပွဲကို ယခုနှစ် ဒီဇင်ဘာလ တတိယပတ်၊ စတုတ္တပတ်၊ ၂၀၂၆ ခုနှစ် ဇန်နဝါရီလ ပထမပတ်နှင့် ဒုတိယပတ်တို့တွင် ၄ ကြိမ်ခွဲ၍ ပြုလုပ်မည်ဟု မင်းအောင်လှိုင် ပြော ရန်ကုန်၊ မတ် ၂၆ အကြမ်းဖက်စစ်ကောင်စီက စစ်ကောင်စီက ရွေးကောက်ပွဲကို ယခုနှစ် ဒီဇင်ဘာလ တတိယပတ်၊ စတုတ္တပတ်၊ ၂၀၂၆ ခုနှစ် ဇန်နဝါရီလ ပထမပတ်နှင့် ဒုတိယပတ်တို့တွင် ၄ ကြိမ်ခွဲ၍ ပြုလုပ်မည်ဖြစ်ကြောင်း စစ်ခေါင်းဆောင် မင်းအောင်လှိုင်က ပြောဆိုလိုက်သည်။ ယမန်နေ့ နေပြည်တော်တွင် ပြုလုပ်သော စစ်ကောင်စီအစည်းအဝေးတွင် ၎င်းက အထက်ပါအတိုင်း ပြောဆိုလိုက်ခြင်းဖြစ်သည်။ စစ်ကောင်စီက ရွေးကောက်ပွဲကို ယခုနှစ်ဒီဇင်ဘာလတတိယပတ်နှင့် စတုတ္ထ ပတ်၊ ၂၀၂၆ ခုနှစ် ဇန်နဝါရီလ ပထမပတ်နှင့် ဒုတိယပတ်တို့အတွင်း ကျင်းပပြုလုပ်ရန်လျာထား…

လေးမျက်နှာတိုက်ပွဲမှ စစ်သားများဆုတ်ခွာထွက်ပြေးနေ ■ထွက်ပြေးလာ​သောစစ်သားများကို ရဲတပ်ဖွဲ့ကလုံခြုံရေးယူပေး၍တပ်ထဲပြန်ပို့​ပေးရ မတ်-၂၅၊၂၀၂၅။အညာသား/People’s Spring ဧရာဝတီတိုင်း၊ လေးမျက်နှာမြို့နယ်အတွင်း တိုက် ပွဲမှ စစ်ကောင်စီတပ်ဖွဲ့ဝင်များဆုတ်ခွာထွက်ပြေးနေရပြီး ဒဏ်ရာရထားသည့် အရပ်ဝတ်စစ်သားများကို ရဲတပ်ဖွဲ့က လုံခြုံရေးယူ၍ ကွင်းကောက်မြို့ရှိ စစ်လေ့ကျင့်ရေးတပ်ကိုပို့ဆောင်ပေးလိုက်ရသည်။ မတ်လ ၂၄ရက်ညနေက အရပ်ဝတ်ဖြင့်သေနတ်များကိုင်ဆောင်ထား​သောစစ်သား ၁၅ဦးသည် ကွင်းကောက်မြို့နယ်တွင်ရောက်ရှိလာခြင်းဖြစ်သည်။ ပုသိမ်-မုံရွာလမ်းအနီး၌ ကင်းစောင့်နေသောရဲတပ်ဖွဲ့နှင့် ထိပ်တိုက်တွေ့ပြီး အချင်းချင်းပစ်ခတ်မှုဖြစ်မည့်အနေအထားပင်ဖြစ်ခဲ့ကြောင်း လေးမျက်နှာမြို့ဒေသခံတစ်ဦးကပြောသည်။ “ရဲတွေကသေနတ်နဲ့ချိန်တော့ စစ်တပ်ကကောင်တွေကပြန်ဆဲပြီးသူတို့က ဘယ်တပ်ရင်းကပါဆိုပြီးပြောတာ။ ဆုတ်လာတာ လမ်းမှားနေလို့ပါပေါ့။ ရဲတွေက ခဏခေါ်ထားပြီး လေ့ကျင့်ရေး(၅)ထဲ လိုက်ပို့လိုက်တယ်”ဟု ယင်းမြို့ခံကပြောသည်။ ကွင်းကောက်မြို့တွင်အမှတ်(၅)လေ့ကျင့်ရေးတပ်ရှိပြီးဧရာဝတီတိုက်ပွဲကိုယင်းနေရာမှနေ၍စစ်ကောင်စီကအင်အားဖြည့်တင်းနေသည်။ ထွက်ပြေးလာသောစစ်ကောင်စီစစ်ကြောင်းသည် ဧရာဝတီတိုင်း မော်လမြိုင်ကျွန်းမြို့အခြေစိုက် ခြေမြန်တပ်ရင်း(၅၃၄)မှဖြစ်ကြောင်း People’s Spring က စုံစမ်းသိရှိရသည်။ ၎င်းတို့သည် ပြီးခဲ့သည့်ဖေဖော်ဝါရီလကရေကြည်မြို့နယ်သို့ ပို့ ဆောင်ခံခဲ့ရခြင်းဖြစ်သည်။ ရေကြည်မြို့နယ်နှင့်ဆက်စပ်နေသော လေးမျက်နှာမြို့နယ်မှတိုက်ပွဲကို မတ်လ ၁၆ရက်တွင်စတင်တိုက်ခိုက်ခဲ့ရပြီးဆုတ် ခွာထွက်ပြေးလာခြင်းဖြစ်သည်။…

စစ်ကောင်စီခလယ်ဒေးစခန်းကို KNLA ပူးပေါင်းတပ်ဖွဲ့များမှသိမ်းပိုက်ရရှိ Salween Press မတ်လ ၂၅ရက်၊၂၀၂၅။ KNUတပ်မဟာ၇ နယ်မြေရှိ ခလယ်ဒေးအခြေစိုက်စစ်ကောင်စီတပ်စခန်းကို KNLA နှင့် မဟာမိတ်ပူးပေါင်းတပ်ဖွဲ့များမှ မတ်လ ၂၅ ရက်နေ့နေ့လယ်တွင် အပြီးသတ်တိုက်ခိုက်သိမ်းပိုက်နိုင်ခဲ့ပြီးလို့ တော်လှန်ရေးပူးပေါင်းတပ်ဖွဲ့နီးစပ်သူထံမှသိရှိရသည်။ “ခလယ်ဒေးစခန်းတော့ကျပြီး။ နေ့လယ်လောက်မှာရတယ်ပြောလာတယ်။ သူတို (စစ်ကောင်စီတပ်ဖွဲ့များ) ထွက်ပြေးကြတယ်” လို့ တော်လှန်ရေးပူးပေါင်းတပ်ဖွဲ့နှင့်နီးစပ်သူတစ်ဦးကပြောပါတယ်။ တပ်မဟာ ၇ မှ ခလယ်ဒေးစစ်ကောင်စီတပ်သည် KNLA မဟာမိတ်ပူးပေါင်းတပ်များမှ ဝိုင်းဝန်ပိတ်ဆို့ တိုက်ခိုက်မှုများလုပ်ဆောင်ခဲ့ပြီး မတ်လ၂၁ရက်နေ့မှ ယနေ့မတ်လတ် ၂၅ ရက်နေ့မနက်အထိ တော်လှန်ရေးပူးပေါင်းတပ်ဘက်မှ ဒရုန်းဖြင့်နေ့စဉ်ဝင်ရောက်တိုက်ခိုက်ခဲ့ရာမှ ယနေ့တွင်သိမ်းပိုက်ရရှိခဲ့ တာြဖစ်သည်။ စစ်ကောင်စီ၏ခလယ်ဒေးတပ်စခန်းအားဝင်ရောက်တိုက်ခိုက်နေစဉ် စစ်ကောင်စီဘက်ကလည်း လေယာဉ်ပစ်ကူမှုများအပြင် ဒရုန်းများဖြင့်အသုံးပြုတိုက်ခိုက်မှုများနှင့် ကင်းထောက်မှုများလုပ်ဆောင် ခဲ့ပါသည်။ တိုက်ပွဲပြင်းထန်သည့်ရက်တွင်မှာ ခလယ်ဒေးဒေသခံတချို့ကလည်း ဘေးလွတ်ရာထိုင်းနိုင်ငံဘက်ကို ထွက်ပြေး တိမ်းရှောင်ခဲ့ကြသည်။ ပုံဟောင်းများ – KNLA…

ထိုင်းအစိုးရက မင်းအောင်လှိုင်ကို BIMSTEC ညီလာခံတက်ရန် ဖိတ်ကြားသည်ဆိုသည့်အပေါ် အရပ်ဘက်အဖွဲ့များ အပြင်းအထန်ရှုတ်ချ ရန်ကုန်၊ မတ် ၂၅ မြန်မာစစ်ခေါင်းဆောင် မင်းအောင်လှိုင်ကို ဘင်းမ်စတက်(BIMSTEC) ညီလာခံ တက်ရောက်ရန် ထိုင်းအစိုးရက ဖိတ်ကြားသည်ဆိုသည့်အပေါ် အပြင်းအထန် ရှုတ်ချကြောင်း လူ့အခွင့်အရေးတက်ကြွလှုပ်ရှားသည့် မြန်မာအရပ်ဘက်အဖွဲ့အစည်းများက ယနေ့ထုတ်ပြန်ကြေညာခဲ့ကြသည်။ ထိုင်းနိုင်ငံ ဘန်ကောက်မြို့တွင် လာမည့် ဧပြီ ၃ ရက်နှင့် ၄ ရက်နေ့များတွင် ကျင်းပမည့် ဘင်းမ်စတက် ထိပ်သီးအစည်းအဝေးသို့ မြန်မာစစ်ခေါင်းဆောင် မင်းအောင်လှိုင်ကို ဖိတ်ကြားထားကြောင်း Thai PBS သတင်းဌာနက ပြီးခဲ့သည့်ရက်ပိုင်းအတွင်းက ဖော်ပြခဲ့သည်။ ထိုင်း၊ အိန္ဒိယ၊ နီပေါ၊ ဘူတန်၊ ဘင်္ဂလားဒေ့ရှ်၊ မြန်မာနှင့်သီရိလင်္ကာနိုင်ငံတို့ ပါဝင်သော အဆိုပါ ဘင်းမ်စတက် (BIMSTEC) အဖွဲ့၏ ထိပ်သီးဆွေးနွေးပွဲသို့ စစ်ရာဇဝတ်ကောင် မင်းအောင်လှိုင်…

ငါးမင်းဆွေကို အလုပ်ကြမ်းနဲ့ ထောင်ဒဏ် သုံးနှစ်ချမှတ် မတ် ၂၅ – ၂၀၂၅ GG (VOM) အမျိုးသားရေးလှုပ်ရှားသူ ဦးမင်းဆွေ ခေါ် ငါးမင်းဆွေကို ဒီနေ့ မတ်လ ၂၅ ရက်နေ့မှာ အင်းစိန်ထောင်တွင်း တရားရုံးက ပုဒ်မ ၅၀၅ – က နဲ့ အလုပ်ကြမ်းနဲ့ထောင်ဒဏ် သုံးနှစ်ချမှတ်လိုက်တယ်လို့ ရှေ့နေဆီကသိရပါတယ်။ ငါးမင်းဆွေကို သူရဲ့ဖေ့ဘုတ်စ်စာမျက်နှာမှာ တင်တဲ့ စာသားတွေရုပ်သံဖိုင်တွေနဲ့ပတ်သက်ပြီး ဖမ်းဆီးခဲ့တာဖြစ်ကြောင်း ၊ ဖမ်းဆီးပြီးလေးလကျော် အကြာမှာ အမိန့်ချမှတ်လိုက်တာဖြစ်ပါတယ်။ “လိူင်မြို့နယ်တရားရုံး၊အင်းစိန်အကျဥ်းထောင်တရားခွင်က ဒီနေ့အမိန့်ချလိုက်တယ်။ ငါးမင်းဆွေအကောင့်မှာတင်ထားတဲ့စာတွေကို စခရင်ရှော့ရိုက်ပြီးလုပ်ထားတဲ့ စာ၂၀ ကိုအမှုတည်ဆောက်ပြီး တရားစွဲတာ။ ဒါတွေက အကောင့်တုကလုပ်တာပါ အကောင့်စစ်ကသူလုပ်တာမဟုတ်ဘူးလို့ ငြင်းဆိုတဲ့အကြောင်း အပိုင်ရဲစခန်းမှာပြောတယ်။တရားခံဦးမင်းဆွေဘက်က သူ့အကောင့်စစ်မဟုတ်ကြောင်း အီလက်ထရွန်နစ်ကိရိယာတွေထောင်ထဲကိုယူခွင့်မရှိတာကြောင့် ကျွန်တော်တို့ဘက်ကသက်သေပြဖို့အခက်အခဲရှိခဲ့တယ်။သက်သေပြဖို့အခွင့်အရေးတွေဆုံးရှုံးခဲ့ရတယ်။” ငါးမင်းဆွေရဲ့ရှေ့နေ ဦးသန်းဇော်အောင် ကပြောပါတယ်။…

နိုင်ငံကာကွယ်ရေးအတွက် စစ်တပ်ဘတ်ဂျတ်ကို ပိုမိုအသုံးပြုနေရသည်ဟု မတရား အာဏာဖက်တွယ်ထားသည့် မင်းအောင်လှိုင် ပြော မတ် ၂၅၊ ၂၀၂၅ စစ်အာဏာသိမ်းပြီးနောက်ပိုင်း ကာကွယ်ရေးအတွက် ဘတ်ဂျက် ပိုမိုအသုံးပြုနေရတယ်လို့ အာဏာသိမ်းစစ်ခေါင်းဆောင် မင်းအောင်လှိုင်က ဝန်ခံပြောကြားလိုက်ပါတယ်။ တိုင်းပြည်အာဏာကို အကြမ်းဖက်ရယူထားတဲ့ မင်းအောင်လှိုင်က နေပြည်တော်မှာ ကျင်းပတဲ့ ဘဏ္ဍာရေးဆိုင်ရာ ကော်မရှင်အစည်းအဝေးမှာ အခုလို ထည့်သွင်းပြောကြားလိုက်တာပါ။ နိုင်ငံတဝန်း တိုင်းရင်းသားတွေနဲ့ တော်လှန်ရေးအင်အားစုတွေကို စစ်ကောင်စီက တိုက်ခိုက်နေမှုကို တိုင်းပြည်ကာကွယ်ရေးအတွက်လို့ ခေါင်းစဉ်တပ်ကာ မင်းအောင်လှိုင်က နိုင်ငံတော်ဘတ်ဂျတ်ထဲမှာ စစ်အသုံးစရိတ်တွေကို ပိုမို အသုံးပြုလာတာလည်း ဖြစ်ပါတယ်။ တဆက်တည်းမှာပဲ ဘဏ္ဍာငွေတွေကို ပြည်ထဲရေး၊ ကာကွယ်ရေး၊ ကျန်းမာရေးနဲ့ ပညာရေးကဏ္ဍတွေမှာ အသုံးစရိတ်တွေ တိုးမြှင့်ပေးလျက်ရှိတယ်လို့ မင်းအောင်လှိုင်က ပြောပါတယ်။ စစ်တပ်ဟာ ၂၀၂၁ ခုနှစ်နောက်ပိုင်း အမေရိကန်ဒေါ်လာ သန်းရာချီကို နှစ်စဥ်…

ပြည်မြို့၊ အုန်းတောလမ်းတွင် ဗိုလ်မှူးအောင်မိုးသူ ရောက်ရှိနေမှုကို PDF နှင့် AA တပ်ဖွဲ့ဝင်များ ရောက်လာသည်ဟု သတင်းမှားပေးမှုကြောင့် အချင်းချင်းမှားယွင်းပစ်ခတ်ပြီး ဗိုလ်မှူး အောင်မိုးသူ သေဆုံး ရန်ကုန်၊ မတ် ၂၅ ပဲခူးတိုင်း၊ ပြည်မြို့၊ အုန်းတောလမ်းတွင် ဗိုလ်မှူးအောင်မိုးသူ ရောက်ရှိနေမှုကို PDF နှင့် AA တပ်ဖွဲ့ဝင်များ ရောက်လာသည်ဟု သတင်းမှားပေးမှုကြောင့် အချင်းချင်းမှားယွင်းပစ်ခတ်ပြီး ဗိုလ်မှူး အောင်မိုးသူ သေဆုံးသွားကြောင်းဒေသ စစ်ရေး သတင်းရင်း မြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ မတ်လ ၂၄ ရက်နေ့ နံနက် ၁ နာရီခန့်အချိန် ပြည်မြို့၊ အုန်းတောလမ်းအတွင်းရှိ နေအိမ် ၁ လုံးတွင် AA နှင့် PDF တပ်ဖွဲ့များ ဝင်ရောက် တည်းခိုနေသည်…

ပြည်တွင်းရွှေစျေး တစ်ကျပ်သား ကျပ်သိန်း ၇၀နား ကပ်လာ မတ်-၂၅၊ ၂၀၂၅။ ရဲခေါင်/People’s Spring ပြည်တွင်းရွှေစျေးကွက် တစ်ကျပ်သား ကျပ်သိန်း ၇၀နား ကပ်လာကြောင်း ရွှေအရောင်းအဝယ်စျေးကွက်ထံမှ စုံစမ်းသိရသည်။ ယနေ့(မတ်လ ၂၅ ရက်) နံနက်က ပြင်ပရွှေ အရောင်းအဝယ်၌ ၁၆ ပဲရည် အဖွင့်စျေးတန်းမှာ အဝယ် ကျပ် ၆၉သိန်း နှစ်သောင်းနှင့် အရောင်း ကျပ်၆၈သိန်း ငါးသောင်းရှိနေသည်ဟု ဆိုသည်။ မတ်လ ဒုတိယပတ်ကစ၍ ကမ္ဘာ့ရွှေစျေးသည် တစ်အောင်စ ဒေါ်လာ ၃,၀၀၀ ကျော်ကာ စံချိန်တင်မြင့်တက်ခဲ့ပြီးနောက် ပြည်တွင်းရွှေစျေးမှာလည်း ကျပ် ၆၅ သိန်းဝန်းကျင်မှ လက်ရှိစျေးတန်းသို့ မြင့်တက်လာခဲ့သည်။ “ရွှေဈေးတန်းက သက်ြန်မတိုင်ခင်မှာဘဲ အမြင့်ဆုံးဈေးတန်းတခုလို ဖြစ်နေပြီ။WG(ကမ္ဘာ့ရွှေစျေး) က တစ်နှစ်တာဝန်းကျင်ရဲ့ အမြင့်ဆုံးအနေအထား ရှိနေဆဲပဲ။ပြည်တွင်းရွှေစျေးကလည်း…

မြန်မာစစ်ကောင်စီ စစ်မနိုင်တော့ဟု ထိုင်းလွှတ်တော်၏ နယ်စပ်လုံခြုံရေးဆိုင်ရာ ဆွေးနွေးပွဲတွင် အချက် ၅ ချက်ဖြင့် ပါမောက္ခ ဒေါက်တာ Zachary Abuza မှတ်ချက်ပြု ရန်ကုန်၊ မတ် ၂၅ မြန်မာနိုင်ငံတစ်ဝန်း ဖြစ်ပွားနေသော တိုက်ပွဲများတွင် မြန်မာစစ်တပ်က စစ်အနိုင်မရနိုင်တော့ကြောင်း ထိုင်းလွှတ်တော်တွင် ပြုလုပ်ခဲ့သည့် နယ်စပ်လုံခြုံရေးဆိုင်ရာ ဆွေးနွေးပွဲတွင် အချက် ၅ ချက်ဖြင့် ပါမောက္ခ ဒေါက်တာ Zachary Abuzaက ပြောဆိုလိုက်သည်။ ပါမောက္ခ ဒေါက်တာ Zachary Abuza သည် အမေရိကန်ပြည်ထောင်စု ၀ါရှင်တန်ဒီစီအခြေစိုက် National War College မှ ပါမောက္ခတစ်ဦးဖြစ်ပြီး မတ်လ ၂၂ ရက်နေ့မှ မတ်လ ၂၃ ရက်နေ့အထိ ထိုင်းလွှတ်တော်တွင်ကျင်းပခဲ့သော “တည်တံ့ခိုင် မြဲသောငြိမ်ဝပ်ခြင်းနှင့်လုံခြုံရေး တိုးတက်အောင်မြင်စေခြင်း…

၂၀၂၅ ဒီဇင်ဘာလထဲမှာ ရွေးကောက်ပွဲ ကျင်းပနိုင်အောင် လုံခြုံရေးကို အထူးဂရုစိုက်ဖို့ မင်းအောင်လှိုင် မှာကြား မတ် ၂၅၊ ၂၀၂၅ အခုနှစ် ဒီဇင်ဘာလထဲမှာ နိုင်ငံတစ်ဝန်း ရွေးကောက်ပွဲကျင်းပနိုင်ဖို့ လုံခြုံရေးကို အထူး ဂရုစိုက်ဖို့ အာဏာသိမ်း စစ်ခေါင်းဆောင် မင်းအောင်လှိုင်က ပြောကြားလိုက်ပါတယ်။ မနေ့က မတ် ၂၄ ရက်၊ နေပြည်တော်မှာ ကျင်းပတဲ့ အမျိုးသားစီမံကိန်းကော်မရှင် အစည်းအဝေးမှာ မင်းအောင်လှိုင်က ထည့်သွင်းပြောကြားလိုက်တာပါ။ လုံခြုံရေးနဲ့တရားဥပဒေစိုးမိုးရေးအနေနဲ့ လာမယ့် ဒီဇင်ဘာလအတွင်း ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေးအတွက် တိုင်းနဲ့ ပြည်နယ်အလိုက် လုံခြုံရေးလုပ်ငန်းတွေကို စနစ်တကျ ဆောင်ရွက်ဖို့ လိုတယ်လို့ မင်းအောင်လှိုင်က မှာကြားပါတယ်။ ကာကွယ်ရေးအင်အားတွေ ကောင်းမွန်ဖို့အတွက် လုပ်သင့်လုပ်ထိုက်တဲ့ လုပ်ငန်းတွေကို ရဲရဲဝံ့ဝံ့ ဆောင်ရွက်ကြဖို့နဲ့ ရယူသင့်တဲ့ သင်ခန်းစာတွေကို ကောင်းမွန်စွာရယူပြီး…