Author: admin

ကျောင်းဆင်းပွဲလုံခြုံရေးအကြောင်းပြပြီး စစ်တပ်က ပြင်ဦးလွင်မြို့အနီးဝန်းကျင်ကို လက်နက်ကြီး ပစ်ခတ်နေ ရှိန်း/People’s Spring ပြင်ဦးလွင်မြို့ စစ်တက္ကသိုလ်(DSA)ကျောင်းဆင်းပွဲ သတင်းပေါက်ပြီးတဲ့နောက် မနေ့ညပိုင်းကနေ ဒီကနေ့ (ဒီဇင်ဘာ ၃ရက်)မနက်အထိ မြို့အနီးဝန်းကျင်ကို စစ်တပ်က လက်နက်ကြီးတွေနဲ့ပစ်ခတ်တာတွေပြုလုပ်နေတယ်လို့ ဒေသခံတွေက ပြောပါတယ်။ ” ည၁၁နာရီကနေ မနက်၇နာရီလောက်အထိ ဆက်တိုက်ပစ်နေတာ။တအုန်းအုန်းနဲ့။ဘယ်ကိုပစ်နေတာလဲမသိဘူး”လို့ ပြင်ဦးလွင်မြို့ခံတစ်ဦးက ပြောပါတယ်။ လက်နက်ကြီးပစ်ခတ်မှုဟာ DSAကျောင်းနောက်ကျောနဲ့ တပ်မတော်နည်းပညာတက္ကသိုလ် (DSTA) ကျောင်းရဲ့နောက်ကျောမှာရှိတဲ့ စက်ပစ်ကွင်းဘက်တွေက ဖြစ်နိုင်ပြီး ပြင်ဦးလွင်မြို့ရပ်ကွက်ကြီး(၉)မှာ ပစ်ခတ်အသံတွေ ပိုကြားရတယ်လို့ ဒေသခံတွေက ပြောပါတယ်။ လက်နက်ကြီးပစ်ခတ်သံတွေကြောင့် မနေ့ညဘက်မှာ ပြည်သူတွေစိုးရိမ်မှုတွေရှိခဲ့ကြပေမယ့် ဒီကနေ့မနက်ပိုင်းမှာတော့ မြို့အခြေအနေအေးဆေးငြိမ်နေတယ်လို့ ဒေသခံတစ်ဦးက ပြောပါတယ်။ “မြို့ထဲကဘာသံမှ မကြားရဘူး။မြို့တွင်းလုံခြုံရေးလည်း သိပ်ကြပ်ထားတာ မတွေ့ရဘူး။စျေးနားနဲ့ တချို့နေရာတွေမှာ တုတ်တွေကိုင်ထားတဲ့ လုံခြုံရေးနည်းနည်းပဲရှိတယ်”လို့ အဲဒီဒေသခံကပဲ ဆက်ပြောပါတယ်။ ဒါ့အပြင် မနေ့ကလည်း…

စစ်အာဏာသိမ်းထားသော မြန်မာနိုင်ငံက ကမ္ဘာ့ငွေကြေးခဝါချမှု အန္တရာယ်အများဆုံးသော နံပါတ် ၁ နိုင်ငံအဖြစ် အဆင့်သတ်မှတ်စာရင်းဝင် ရန်ကုန်၊ ဒီဇင်ဘာ ၃ စစ်အာဏာသိမ်းထားသော မြန်မာနိုင်ငံက ကမ္ဘာ့ငွေကြေးခဝါချမှု အန္တရာယ်အများဆုံးသော နံပါတ် ၁ နိုင်ငံအဖြစ် အဆင့်သတ်မှတ်ခံရပြီး ထိပ်တန်းနိုင်ငံအဖြစ် စာရင်းဝင်လာကြောင်း ဆွစ်ဇာလန်နိုင်ငံအခြေစိုက်Basel Institute on Governance က အစီရင်ခံစာထုတ်ပြန်လိုက်သည်။ ယခု ၂၀၂၄ ခုနှစ်အတွက် ထုတ်ပြန်လိုက်သော 2024 Basel AML Index အရ မြန်မာနိုင်ငံက ကမ္ဘာ့အန္တရာယ်အများဆုံး ငွေကြေးခဝါချသည့် နံပါတ် ၁ နိုင်ငံအဖြစ် အဆင့်သတ်မှတ်ခံရကြောင်း၊ ဟေတီနှင့် ကွန်ဂိုဒီမိုကရက်တစ်သမ္မတနိုင်ငံတို့က ဒုတိယနှင့် တတိယနေရာတွင် အသီးသီး ရပ်တည်နေကြောင်း ၊ အာဖရိကနိုင်ငံများမှာလည်း ငွေကြေးခဝါချသည့် ကမ္ဘာ့ထိပ်တန်း ၁၀ နိုင်ငံစာရင်းတွင်…

ရွှေပြည်သာတွင် နေထိုင်သော ရဲမှူး မိုးညို ၏ နေအိမ်ကို မိုင်းဖြင့် ဖောက်ခွဲတိုက်ခိုက်မှု ၎င်းပိုင် ဟွန်ဒါဖစ် အိမ်စီးကား မီးလောင်ပြာကျ ရန်ကုန်၊ ဒီဇင်ဘာ ၃ ရန်ကုန်တိုင်း၊ ရွှေပြည်သာမြို့နယ်၊ ၁၃ ရပ်ကွက်တွင် နေထိုင်သော စစ်ကောင်စီလက်အောက်ခံ ရဲမှူး မိုးညို၏ နေအိမ်ကို မိုင်းဖြင့် ဖောက်ခွဲတိုက်ခိုက်ခဲ့ရာ ရဲမှူးမိုးညို စီးနင်းနေသော ဟွန်ဒါဖစ် အိမ်စီးကား မီးလောင် ပြာကျသွားကြောင်း ရန်ကုန်မြို့ပြပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ ဒီဇင်ဘာလ ၂ ရက်နေ့ ညနေ ၆ နာရီ ၃၀ မိနစ်အချိန် The Grand Unsung နှင့် Black Tiger Team တို့ ပူးပေါင်း၍ ရွှေပြည်သာမြို့နယ်၊…

ဟားခါးနှင့်ထန်တလန်များတိုက်ပွဲတွင် စစ်ကောင်စီဘက်မှ သေဆုံးသူ ၃၀ ဦးကျော်လာပြီး ခလရ ၂၂၆ ၊ ခလရ ၂၂၂ နှင့် ခလရ ၅၉ တပ်ရင်းမှူး ၃ ဦးလုံး ပစ် ခတ်ခံရမှုကြောင့် သေဆုံးခဲ့ ရန်ကုန်၊ ဒီဇင်ဘာ ၃ ချင်းပြည်နယ်၊ ဟားခါးနှင့်ထန်တလန်တိုက်ပွဲများတွင် စစ်ကောင်စီဘက်မှ သေဆုံးသူ ၃၀ ဦးကျော်လာပြီး ခလရ ၂၂၆ ၊ ခလရ ၂၂၂ နှင့် ခလရ ၅၉ တပ် ရင်းမှူး ၃ ဦးလုံးတို့ကို တော်လှန်ရေးတပ်များ၏ ပစ်ခတ်မှုကြောင့် သေဆုံးသွားကြောင်း ချင်းတော်လှန်ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ နိုဝင်ဘာလ ၃၀ ရက်နေ့ ဟားခါး နှင့် ထန်တလန်အကြားရှိ သီမြစ်စခန်း၊ Umpu…

စစ်ကောင်စီက ၁ လ စစ်သင်တန်းပေးပြီးနောက် သက်ကြီးပိုင်းအမျိုးသားများဖြင့် ဖွဲ့စည်းထားသော ပြည်သူ့လုံခြုံရေးအဖွဲ့များကို စစ်ဆေးရေးဂိတ်၊ တပ်လုံခြုံရေး၊ ဧည့်စာရင်းစစ်ခြင်းနှင့် နယ်မြေရှင်းလင်းရေးများတွင် စတင်အသုံးပြု ရန်ကုန်၊ ဒီဇင်ဘာ ၃ အကြမ်းဖက်စစ်ကောင်စီက သက်ကြီးပိုင်း အမျိုးသားများဖြင့် ဖွဲ့စည်းထားသော ပြည်သူ့လုံခြုံရေး အဖွဲ့များကို စစ်ဆေးရေးဂိတ်များ၊ စစ်တပ်လုံခြုံရေးကင်းတဲများ၊ ဧည့်စာရင်းစစ်ခြင်း လုပ်ငန်းများနှင့် နယ်မြေရှင်းလင်းရေး စစ်ကြောင်းထိုးသည့် ရှေ့တန်းစစ်မြေပြင်များတွင် စတင်အသုံးပြုနေကြောင်း ပြည်သူ့လုံခြုံရေးအဖွဲ့ဝင်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။ နိုင်ငံတစ်ဝန်းတွင် အောက်တိုဘာလဆန်းပိုင်းမှစတင်၍ ပြည်သူ့လုံခြုံရေးအဖွဲ့ဝင်များ၏ ၁ လ စစ်သင်တန်း တက်ရောက်မှု ပြီးစီးခဲ့ပြီး ယူနီဖောင်းများ ထုတ်ပေးခဲ့ပြီး တရားဝင် စတင် တာဝန်ထမ်းဆောင်ခိုင်းခဲ့ကြောင်း၊ ရန်ကုန်တွင် နိုဝင်ဘာလ ၂၉ ရက်နေ့ အကြမ်းဖက် မင်းအောင်လှိုင် လာရောက်စဉ်က ပြည်သူ့လုံခြုံရေးအဖွဲ့ဝင်များက လုံခြုံရေးတာဝန်ယူရခြင်း၊ စစ်တပ်အတွက်…

လူထိခိုက်သေဆုံးမှုများဖြစ်ပေါ်ခဲ့သော ထိုင်းငါးဖမ်းစက်လှေကို စစ်ကောင်စီ၏ ရေတပ်က ပစ်ခတ်မှု မြန်မာရေပိုင်နက်အတွင်း ကျူးကျော်၍ လုပ်ထုံး လုပ်နည်းအရ ပစ်ခတ် ဖမ်းဆီးဟု အကြမ်းဖက်ဇော်မင်းထွန်း ခုခံကာကွယ်၊ စက်လှေပေါ်တွင် တော်လှန်ရေးအဖွဲ့နှင့်ဆက်နွယ်ပစ္စည်းများ တွေ့ရှိဟုဆို ရန်ကုန်၊ ဒီဇင်ဘာ ၃ လူထိခိုက်သေဆုံးမှုများဖြစ်ပေါ်ခဲ့သော ထိုင်းငါးဖမ်းစက်လှေကို စစ်ကောင်စီ၏ ရေတပ်က ပစ်ခတ်ခဲမှုမှာ မြန်မာရေပိုင်နက်အတွင်း ကျူးကျော်၍ လုပ်ထုံး လုပ်နည်းအရ ပစ်ခတ် ဖမ်းဆီးမှုအဖြစ် အကြမ်းဖက်စစ်တပ်ပြောရေးဆိုခွင့်ရှိသူ အကြမ်းဖက် ဇော်မင်းထွန်းက ခုခံကာကွယ်ပြောဆိုသည်။ နိုဝင်ဘာလ ၃၀ ရက်နေ့ ထိုင်းငါးဖမ်းစက်လှေများကို မြန်မာစစ်ကောင်စီ၏ ရေတပ်သင်္ဘောက ပစ်ခတ်ရာ ထိုင်းနိုင်ငံသား ၁ ဦး ရေနစ်သေဆုံးခဲ့ပြီး ၂ ဦးဒဏ်ရာရရှိကာ သင်္ဘောသား ၃၁ ဦးကို မြန်မာစစ်တပ်က ဖမ်းဆီးခေါ်ဆောင်သွားခဲ့ခြင်းဖြစ်ပြီး ယင်းပစ်ခတ်မှုကို ထိုင်းဝန်ကြီးချုပ်က ကန့်ကွက်ကြောင်း…

ာပွန်ခရိုင်တွင် KNLAပူးပေါင်းတပ်တိုက်ခိုက်မှုကြောင့် စစ်ကောင်စီတပ် ၅ဦး ထပ်မံသေဆုံး၊ လက်နက် ၅လက်ရ ဟန်နွေ/People’s Spring ကရင်အမျိုးသားအစည်းအရုံး(KNU)၊ ဖာပွန်ခရိုင်(မူတြော်ခရိုင်)တိုက်ပွဲအတွင်း စစ်ကောင်စီတပ်မှ ၅ဦး ထပ်မံသေဆုံးပြီး လက်နက် ၅လက်သိမ်းရခဲ့ကြောင်း KNU ဗဟိုက သတင်းထုတ်ပြန်သည်။ နိုဝင်ဘာ ၃၀ရက်နှင့် ဒီဇင်ဘာ ၁ရက်တွင်ဖြစ်ပွားခဲ့သည့် စစ်ရေးအခြေအနေကို အသိပေးလာခြင်းဖြစ်သည်။ ယမန်နေ့(ဒီဇင်ဘာ ၁ရက်)တွင် ကရင်အမျိုးသားလွတ်မြောက်ရေးတပ်မတော် (K.N.L.A)နှင့်တော်လှန်ရေးပူးပေါင်း တပ်ဖွဲ့များမှ ဖာပွန်ခရိုင် ထွီးသီးအုနေရာရှိ အာဏာသိမ်းစစ်ကောင်စီတပ်အား တိုက်ခိုက်ရာ စစ်ကောင်စီတပ်သား တစ်ဦးသေဆုံးခဲ့သည်ဟု ဖော်ပြသည်။ နိုဝင်ဘာ ၃၀ရက်ကလည်း KNLA ပူးပေါင်းတပ်သည် စစ်ကောင်စစ်တပ်နှင့် ဖာပွန်နယ်မြေ (ငှက်ပျောတော)တွင် တစ်ကြိမ် ၊ ထွီးသီးအု နယ်မြေတွင် တစ်ကြိမ် တိုက်ပွဲဖြစ်ခဲ့သည်ဟု ဆိုသည်။ အဆိုပါတိုက်ပွဲအတွင်း စစ်ကောင်စီ တပ်သားလေးဦးသေဆုံးကာ MA-1…

အမ်းရှိ ကာကင်းစခန်း ၃ ခုနှင့် ယာယီတပ်ဆေးရုံတို့ကို AA သိမ်းပိုက်ပြီး လေကြောင်းမှပို့သည့် စစ်ကြောင်းကိုပါဖမ်းဆီး ဧရာဝတီတိုင်းမ် ဒီဇင်ဘာ ၂ရက် အနောက်ပိုင်းတိုင်းစစ်ဌာနချုပ်ပတ်ချာလည်ရှိ စခန်းများအသိမ်းခံလိုက်ရသည့်အပြင် ခံစစ်ပြင် ကာရံထားသည့် စစ်ကောင်စီ၏ ကာကင်းစခန်းသုံးခုကိုပါ အာရက္ခတပ်တော် (AA)ကသိမ်းပိုက် လိုက်ကြောင်း သိရသည်။ အမ်းမြို့တွင်း အနောက်ပိုင်းတိုင်းစစ်ဌာနချုပ်အနီး ကာကင်းစခန်းပြုလုပ်တပ်စွဲထားသည့် မြို့သစ် ဓာတ်ပေါင်းစုစစ်ဘေးရှောင်စခန်း၊ ဂန္ဓာရုံ ဘုန်းတော်ကြီးကျောင်း၊ လေယာဉ်ကွင်း (မြို့ဟောင်း) စခန်းတို့ကို ပြီးခဲ့သည့် နိုဝင်ဘာ ၂၉ရက်နေ့တွင် AA က သိမ်းယူခဲ့ကြောင်း သိရသည်။ ထို့အပြင် ခုတင် ၃၀၀ ဆံ့စစ်ဆေးရုံ အသိမ်းခံရပြီးနောက် အထက ၂ ကျောင်းဝန်းအတွင်း ယာယီတပ်ဆေးရုံပြုလုပ်၍ ခံစစ်အထပ်ထပ်ပြင်ဆင်ထားသည့် အထက ၂ ကျောင်းရှိ စစ်ကောင်စီ၏ ယာယီတပ်ဆေးရုံကိုလည်း ပြီးခဲ့သည့်…

အာဏာသိမ်း​ခေါင်း​​ဆောင်တက်​ရောက်မယ့်ဆိုတဲ့ စစ်တက္ကသိုလ်ကျောင်းဆင်းပွဲ သံချပ်ကာတပ်​ပါ​ ခေါ်ယူလုံခြုံ​ရေးမြှင့်​​နေ မေ/ People’s Spring ပြင်ဦးလွင်မြို့မှာ စစ်တက္ကသိုလ်(DSA)ဗိုလ်​လောင်းသင်တန်းအမှတ်စဥ် (၆၆) သင်တန်းဆင်းပွဲကို အာဏာသိမ်း​ခေါင်း​ဆောင် မင်း​အောင်လှိုင် လာမှာဖြစ်လို့ နိုဝင်ဘာလနောက်ဆုံးပတ်ကစပြီး သံချပ်ကာတပ်တွေပါ​ခေါ်ယူပြီးလုံခြုံ​ရေး တင်းကြပ်နေတယ်လို့ မြို့ခံတွေက​ ပြောပါတယ်။ ဒီဇင်ဘာ ပထမပတ်အတွင်း ပြုလုပ်ရန်စီစဉ်နေတဲ့ DSAသင်တန်းဆင်းပွဲကို ဒီဇင်ဘာ ၃ ရက် ၊၄ရက် ၊ ၅ရက်​နေ့​တွေမှာ ပြုလုပ်မယ်လို့ သတင်းလွှင့်ထားတယ်လို့ မြို့ခံ အချို့က​ ပြောပါတယ် ။ဒါ​ပေမယ့် ​ကျောင်းဆင်းပွဲကို ဒီဇင်ဘာလ ၆ ရက်နေ့မှာပြုလုပ်မှာဖြစ်ပြီး ကျောင်းနည်းပြတွေနဲ့အရာရှိကြီးတွေကိုသာ ပေးသိထားတယ်လို့လည်းစုံစမ်းသိရပါတယ်။ ပြင်ဦးလွင်မြို့မှာရှိတဲ့ စစ်တက္ကသိုလ်​တွေထဲက စစ်တက္ကသိုလ်(DSA)နဲ့ တပ်မတော်နည်းပညာတက္ကသိုလ်(DSTA) ကျောင်းဆင်းပွဲ​တွေကို အရင်နှစ်​တွေတုန်းကလည်း ဒီဇင်ဘာပထမပါတ်မှာပြုလုပ်လေ့ရှိတယ်လို့ ပြင်ဦးလွင်မြို့ခံအချို့က ပြောပါတယ် ။ ဒါ​ပေမယ့်စစ်တပ်အာဏာသိမ်းပြီးနောက်ပိုင်းမှာ​တော့ စစ်တက္ကသိုလ်ကျောင်းဆင်းပွဲရက်​တွေကိုအတိအကျ မ​ပြော​တော့ပဲသတင်းလွှင့်ထာတဲ့ ရက်ထက်…

“🛑ဘပုတော့ ထီပေါက်ပီ 😱 ထိုင်းအစိုးရ တရားဝင်ကြေငြာ”