MYIA MM

အမ်းမြို့နယ်နှင့်ငဖဲမြို့နယ်အစပ်တွင် ပိတ်မိနေသော ခလရ ၁၅ စစ်ကြောင်းမှ ဗိုလ်မှူးကျော်စိုးနိုင် စနိုက်ပါ ထိမှန်သေဆုံး ရန်ကုန်၊ ဇန်နဝါရီ ၁၈ ရခိုင်ပြည်နယ်၊ အမ်းမြို့နယ်နှင့် မကွေးတိုင်း၊ ငဖဲမြို့နယ်အစပ်တွင် ပိတ်မိနေသော အကြမ်းဖက် စစ်တပ်၏ ခလရ ၁၅ စစ် ကြောင်းမှ ဗိုလ်မှူး ကျော်စိုးနိုင်သည် စနိုက်ပါ ထိမှန်သေဆုံးခဲ့ကြောင်း ခလရ ၁၅ တပ်သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇန်နဝါရီလ ၁၆ ရက်နေ့ ရခိုင်ပြည်နယ်၊ အမ်းမြို့နယ်နှင့် မကွေးတိုင်း၊ ငဖဲမြို့နယ်အစပ်တွင် ပိတ်မိနေသော ခလရ ၁၅ တပ်ရင်းမှ ဗိုလ်မှူး ကျော်စိုးနိုင်သည် စနိုက်ပါ ထိမှန်ပြီး သေဆုံးခဲ့ခြင်းဖြစ်ကြောင်း၊ ဗိုလ်မှူး ကျော်စိုးနိုင်ဦးစီးသော စစ်ကြောင်းသည် တောတွင်းထဲ ပိတ်မိနေသည်မှာ လနှင့်ချီ ကြာမြင့်နေပြီ…

မြဝတီအခြေစိုက်ကျားဖြန့်ဂိုဏ်းများကို ခြေရာခံနိုင်ခဲ့ပြီးနောက် အစွမ်းကုန်ခြေမှုန်းမည်ဟုတရုတ်အစိုးရ ရာဇသံပေး ——————– မြဝတီကျားဖြန့်ဂိုဏ်းများကိုရှင်းလင်းရန် ကိုးကန့်ကျားဖြန့်ဂိုဏ်းများကိုနှိမ်နှင်းသည့်တပ်များ တပ်ဖြန့်ထားပြီဟုဆို ——————– Myanmar Now တရုတ်သရုပ်ဆောင်များကို ပစ်မှတ်ထားသည့် ကရင်ပြည်နယ်၊ မြဝတီမြို့အခြေစိုက် လူကုန်ကူးဂိုဏ်းကို ခြေရာခံနိုင်ပြီဟု တရုတ်အစိုးရ ပြည်သူလုံခြုံရေးဝန်ကြီးဌာနက တရုတ်အစိုးရပိုင် ဆင်ဟွာသတင်းဌာနမှတဆင့် ဇန်နဝါရီ ၁၇ ရက်နေ့တွင် ပြောကြားလိုက်သည်။ ထိုရာဇဝတ်ဂိုဏ်းများ ဖမ်းဆီးထားသူတို့ကို ကယ်တင်ရန်အတွက် တရုတ်ပြည်သူ့လုံခြုံရေး ဝန်ကြီးဌာနက ဒေသအသီးသီးရှိ ပြည်သူ့လုံခြုံရေးအဖွဲ့အစည်းများကို ဖြန့်ထားပြီဟုလည်း ဆင်ဟွာသတင်းကဆိုသည်။ အဆိုပါတပ်များသည် ပြီးခဲ့သည့်နှစ် အစောပိုင်းက မြန်မာနိုင်ငံအရှေ့မြောက်ဘက်ရှိ စစ်ကောင်စီအုပ်ချုပ်ရေးအရာရှိများ၊ ကြံ့ခိုင်ရေးအမတ်ဟောင်းများဦးဆောင်သည့် ကိုးကန့်ဒေသအခြေစိုက် ကျားဖြန့်ဂိုဏ်းများကို နှိမ်နှင်းသည့် စစ်ဆင်ရေးတွင် ဦးဆောင်သည့်တပ်ဖွဲ့ဖြစ်သည်။ တရုတ်အစိုးရအာရုံစိုက်လာသည့် မြဝတီမြို့ကို လက်ရှိအချိန်တွင် စစ်တပ်၏နယ်ခြားစောင့်အရာရှိ စောချစ်သူဦးဆောင်သည့် ကရင်နယ်ခြားစောင့်တပ်က ထိန်းချုပ်ထားသည်။ တရုတ်အစိုးရ၏အဆိုအရ မြဝတီအခြေစိုက် လူကုန်ကူးဂိုဏ်းသည်…

မြန်မာနိုင်ငံ၊ မြ၀တီတွင် ခိုအောင်းနေသော နယ်စပ်ဖြတ်ကျော် လူကုန်ကူးမှု သီးသန့်လုပ်ဆောင်နေသည့် ရာဇဝတ်ဂိုဏ်းများကို သဲလွန်စအရ ဖော်ထုတ်တွေ့ရှိထားပြီး အထူးတိုက်ဖျက်ချေမှုန်းရေး လုပ်မည်ဟု တရုတ်က ကြေညာ 🟥 မြ၀တီရှိ ရွှေက္ကိုလ်မြို့ အပါအဝင် ကျားဖြန့်လောင်းကစားဇုန်နေရာများမှာ စစ်ကောင်စီ မိတ်ဖက် ဗိုလ်မှူးကြီးစောချစ်သူ၏ BGF တပ်ဖွဲ့များက အကာအကွယ်ပေးထား ရန်ကုန်၊ ဇန်နဝါရီ ၁၈ မြန်မာနိုင်ငံ၊ မြ၀တီတွင် ခိုအောင်းနေသော နယ်စပ်ဖြတ်ကျော် လူကုန်ကူးမှု သီးသန့်လုပ်ဆောင်နေသည့် ရာဇဝတ်ဂိုဏ်းများကို သဲလွန်စအရ ဖော်ထုတ်တွေ့ရှိရပြီး အထူးတိုက်ဖျက်ချေမှုန်းရေး လုပ်မည်ဖြစ်ကြောင်း တရုတ်အစိုးရက ကြေညာလာကြောင်း တရုတ်အစိုးရပိုင် ဆင်ဟွာ သတင်းဌာနက ယမန်နေ့ သတင်းဖော်ပြသည်။ တရုတ်နိုင်ငံ ပြည်သူ့လုံခြုံရေးအဖွဲ့အစည်းက ထိုင်း-မြန်မာနယ်စပ်တွင် အဆက်အသွယ်ပြတ်တောက်၍ ပိတ်မိနေသော တ ရုတ် နိုင်ငံသားများအား အစွမ်းကုန်ကယ်ဆယ်၍ အမှုစုံစမ်းဆေးလျက်ရှိကြောင်း၊…

ပန်းတောင်းမြို့နယ်တွင် မူးယစ်ဆေးဝါးသယ်ယူမှုဖြင့် ပြည်ခရိုင် ဒုရဲတပ်ဖွဲ့မှူး ရဲမှူး မောင်မောင်မြင့်၊ ပန်းတောင်းမြို့နယ် ရဲမှူးသန်းလွင် အပါအဝင် ရဲအရာရှိ ၃ ဦးကို စစ်ကောင်စီက ထောင်ဒဏ်များ ချမှတ် ရန်ကုန်၊ ဇန်နဝါရီ ၁၈ ပဲခူးတိုင်း၊ ပန်းတောင်းမြို့နယ်တွင် အကြမ်းဖက် စစ်တပ်က မူးယစ်ဆေးဝါး ရောင်းဝယ် ဖြန့်ဖြူးမှုဖြင့် ဖမ်းဆီးထားသော ပြည်ခရိုင် ဒုတိယရဲတပ်ဖွဲ့မှူး ရဲမှူး မောင်မောင်မြင့်၊ ပန်းတောင်းမြို့နယ် ရဲမှူး သန်းလွင် နှင့် ရဲအုပ် အောင်ကျော်စိုး တို့ကို ထောင်ဒဏ်များချမှတ်လိုက်ကြောင်း ရဲသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဇန်နဝါရီလ ၁၅ ရက်နေ့ နေပြည်တော် ရဲချုပ် ဦးစီးသော ရဲအထူးတရားရုံးက ပြည်ခရိုင် ဒုတိယရဲတပ်ဖွဲ့မှူး ရဲမှူးမောင်မောင်မြင့်ကို ထောင် ဒဏ် ၁၀…

ပြည်ပနိုင်ငံများသို့ ထွက်ခွာသူများပြားခြင်း၊ သေဆုံးသူများရှိခြင်းနှင့် မွေးဖွားနှုန်း ကျဆင်းခြင်းတို့ကြောင့် မြန်မာနိုင်ငံ၏ လူဦး ရေ ကျဆင်းသွားပြီး ၅၁ သန်းကျော်သာရှိတော့ဟု မင်းအောင်လှိုင်ပြော ရန်ကုန်၊ ဇန်နဝါရီ ၁၈ မြန်မာနိုင်ငံတွင် ပြည်ပနိုင်ငံများသို့ ထွက်ခွာသူများပြားခြင်း၊ သေဆုံးသူများရှိခြင်းနှင့် မွေးဖွားနှုန်းကျဆင်းခြင်းတို့ကြောင့် မြန်မာနိုင်ငံ၏ လူဦးရေ ကျဆင်းသွားပြီး ၅၁ သန်းကျော်သာရှိတော့ကြောင်း အကြမ်းဖက် စစ်ခေါင်းဆောင် မင်းအောင်လှိုင်က ပြောဆိုသည်။ ယမန်နေ့ နေပြည်တော်တွင် ပြုလုပ်သော စစ်ကောင်စီအစည်းအဝေးတွင် အကြမ်းဖက် စစ်ခေါင်းဆောင် မင်းအောင်လှိုင်က အထက်ပါအတိုင်းပြောဆိုလိုက်ခြင်းဖြစ်သည်။ အကြမ်းဖက်စစ်ကောင်စီက ရွေးကောက်ပွဲ ကျင်းပရန်အတွက် လူဦးရေနှင့်သန်းခေါင်စာရင်း ကောက်ယူခဲ့ကြောင်း၊ ထိုသို့ ကောက်ယူရာတွင် ကောက်ခံရရှိသည့်အချက်အလက်များအရ မြန်မာနိုင်ငံ၏ လူဦးရေအနေဖြင့် ကျဆင်းသွားကြောင်း၊ လူဦးရေ ကျဆင်းရခြင်းမှ​ာ အကြောင်းအမျိုးမျိုးဖြင့် ပြည်ပနိုင်ငံများသို့ ထွက်ခွာသူ များပြားလာခြင်း၊ အကြောင်းအမျိုးမျိုး…

ပုံမှန် ဓာတ်အား ထုတ်လုပ်နိုင်စွမ်းရဲ့ ထက်ဝက်လောက်ထိ လျော့ကျနေကြောင်း စစ်ကောင်စီ ဝန်ခံ -People’s Spring မြန်မာနိုင်ငံရဲ့ လျှပ်စစ်ဓာတ်အား ထုတ်လုပ်နိုင်စွမ်းဟာ ပုံမှန်အောက် ထက်ဝက်လောက် လျော့ကျနေကြောင်း စစ်ကောင်စီ အာဘော် မီဒီယာက ဝန်ခံခဲ့ပါတယ်။ စစ်ကောင်စီ ထိန်းချုပ်ထားတဲ့ Global New Light of Myanmar သတင်းဌာနက မြန်မာနိုင်ငံမှာ ဆိုးဆိုးရွားရွား ဓာတ်အား ပြတ်တောက်မှုတွေ ဖြစ်ပွားနေတဲ့ အကြောင်းကို အင်္ဂလိပ်ဘာသာနဲ့ ဖော်ပြတဲ့ သတင်းတစ်ခုမှာ ထည့်သွင်း အတည်ပြုထားခဲ့ပါတယ်။ ဇန်နဝါရီ ၁၇ ရက်နေ့ သတင်းက ပုပ္ပါး မဂ္ဂါဝပ် ၂၀၀ ဓာတ်အား ထုတ်လုပ်နိုင်မယ့် လေအားလျှပ်စစ် စီမံကိန်းကိစ္စ ရုရှားနဲ့ ဆွေးနွေးနေတဲ့အကြောင်းကို ဖော်ပြထားတာပါ။ စစ်အာဏာသိမ်းမှုအပြီး နိုင်ငံရေး အရှုပ်အထွေးတွေနဲ့…

နမခဌာနချုပ် ရှော့တိုက်ဒုံးများဖြင့် ပစ်ခတ်ခံရပြန် ကျော်ဇော/People’s Spring စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်းစစ်ဌာနချုပ်(နမခ)အား ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း Chindwin Rocket Brothers -CRB တပ်ဖွဲ့မှ တာဝန်ရှိသူတစ်ဦးက လူထုနွေဦးသို့ ပြောသည်။ တိုက်ခိုက်မှုကို “ရမခ စစ်ရှုံးပြေး နမခရောက် အရှုံးသမား တိုင်းမှူးဝက်ဘီလူးမျိုးမင်းထွေးအား ဧည့်ခံကြိုဆို”စစ်ဆင်ရေးအဖြစ် CRB နှင့် မဟာမိတ်အဖွဲ့များက ဇန်နဝါရီလ ၁၄ ရက် ည ၉ နာရီ ၄၇မိနစ်ခန့်တွင် ပစ်ခတ်တိုက်ခိုက်ခဲ့ခြင်းဟု ယနေ့(ဇန်နဝါရီလ ၁၇ ရက်)တွင် အသိပေးထုတ်ပြန်သည်။ တိုက်ခိုက်မှုကြောင့် စစ်တိုင်းရုံးဝင်းအတွင်းရှိ တိုင်းရုံးကြီး၊ တိုင်းမှူးဗိုလ်ချုပ်မျိုးမင်းထွေး အိမ်ယာဝန်း​၊ အရာရှိကြီးနေအိမ်(၇)လုံးတန်းဝင်း၊ ငွေစာရင်းရုံးအနီး၊ စစ်ရေးပြ(ပရိတ်)ကွင်း၊ ဇေယျာသီရိခန်းမ၊ ရိက္ခာဖြန့်ဝေဌာန၊ ရဟတ်ယာဥ်ကွင်းသစ် Mi-35P ခဲယမ်းသို လှောင်ရုံ၊ ဂိတ်ကင်းတဲ၊…

မုံရွာမြို့ နမခ ဌာနချုပ်ကို ရှော့တိုက်ဒုံး ၄ လုံး၊ ရော့ကတ် အလုံး ၃၀ ဖြင့် တိုက်ခိုက်မှု တိုင်းစစ်ဦးစီးချုပ်၏ PSO ဗိုလ်ကြီး ကောင်းခန့်ဇော် အပါအဝင် ၁၅ ဦး သေဆုံး၊ စစ်သား အလောင်းများကို နမခ စစ်သင်္ချိုင်းနှင့် အလုံတပ်မြို့ သရဏဂုံ သင်္ချိုင်းတွင် သဂြိုလ် ရန်ကုန်၊ ဇန်ဝါရီ ၁၇ စစ်ကိုင်းတိုင်း၊ မုံရွာမြို့ အခြေစိုက် အနောက်မြောက်တိုင်း စစ်ဌာနချုပ်ကို ရှော့တိုက်ဒုံး ၄ လုံး၊ ရော့ကတ် အလုံး ၃၀ ဖြင့် တိုက်ခိုက်မှု တိုင်းစစ်ဦးစီးချုပ်၏ PSO ဗိုလ်ကြီး ကောင်းခန့်ဇော် အပါအဝင် ၁၅ ဦး သေဆုံးခဲ့ပြီး စစ်သား အလောင်းများကို နမခ စစ်သင်္ချိုင်းနှင့်…

ဧရာဝတီတိုင်းမ် ဇန်နဝါရီ ၁၆ ရက် ပြည်မြို့၊ ပန်းတောင်းမြို့နယ်တွင် စစ်ကောင်စီတပ်က တပ်မိသားစုဝင်များ၊ ရဲမိသားစုဝင်များနှင့် မြို့ပေါ်ရှိပျူစောထီးအဖွဲ့ဝင်များကို နဝင်းရဲရိပ်သာတွင် စစ်သင်တန်းပေးနေကြောင်း သိရသည်။ အာရက္ခတပ်တော် (AA) နှင့်ပူးပေါင်းတပ်များက တောင်ကုတ်-ပန်းတောင်း လမ်းရိုးမပေါ်ရှိ စစ်ကောင်စီ၏ စစ်စခန်းများကို ထိုး စစ်ဆင်တိုက်ခိုက်နေခြင်းကြောင့် ပြည်မြို့တွင်းရှိ စစ်ကောင်စီ တပ်ရင်း တပ်ဖွဲ့များတွင် ခံစစ်အသင့်ပြင် ဆင်ထားပြီး တပ်မိသားဝင်များနှင့် ရဲမိသားစုဝင်များကိုပါ လုံခြုံရေးယူခိုင်းထားကြောင်း သိရသည်။ “ပြည်ခရိုင်ရဲတပ်ဖွဲ့မှူးနေတဲ့ နဝင်းရဲရိပ်သာထဲမှာ တပ်မိသားစုဝင်တွေ၊ ရဲမိသားစုဝင်တွေနဲ့ ပျူစောထီး တွေကို စစ်သင်တန်းပေးနေတာ။ ရွှေတောင်ဘက်မှာရှိတဲ့ တပ်ရင်းတွေကိုလည်း ခံစစ် ပြင်ထားတယ်” ဟု တပ်သတင်းရင်းမြစ်က ဧရာဝတီတိုင်းမ်ကို ပြောသည်။ ပြည်ခရိုင်၊ ရွှေတောင်မြို့နယ်အတွင်းရှိ စစ်ကောင်စီ၏ တပ်ရင်းအချို့တွင် ပြီးခဲ့သည့် ဇန်နဝါရီပထမပတ် အတွင်းကစတင်၍ အရေးပေါ်…

ပြည်ခရိုင်အတွင်းတိုက်ပွဲရောက်ရှိလာ၊ ဉသျှစ်ပင်မှာ လူငယ်တွေကိုပေါ်တာဆွဲပြီး စစ်ကောင်စီခံစစ်ပြင် အဉ္စနလီညှင်း (လေး၀တီFM) ၁၅ ၊ဇန်န၀ါရီ ၊၂၀၂၅ စစ်ကောင်စီဟာ တောင်ကုတ်-ဉသျှစ်ပင် ရိုးမလမ်းပေါ်က လမ်းပိုင်းတစ်လျှောက်မှာရှိတဲ့ ဂိတ်စခန်းတွေကို ရိက္ခာပို့ဆောင်ဖို့ ဇန်နဝါရီလ ဒုတိယ အပတ်က စပြီး ဉသျှစ်ပင်မြို့နယ်က အိမ်စီးကားတွေ ၊ ကုန်တင်ကားတွေနဲ့ အတူ လူငယ်တွေကိုပါ ပေါ်တာဆွဲနေတယ်လို့ သတင်းရရှိပါတယ်။ ပဲခူးတိုင်း ပြည်ခရိုင် အတွင်းက ဉသျှစ်ပင် နဲ့ ပန်းတောင်းမြို့နယ် အစပ်တွေမှာ အာရက္ခတပ်တော်နဲ့ စစ်ကောင်စီတို့ တိုက်ပွဲတွေ ဖြစ်နေပြီး စစ်ကောင်စီ ရဲ့ လက်နက်ကြီး လက်နက်ငယ်တွေ တင်ဆောင်ပြောင်းရွှေ့ဖို့ အခုလို ပေါ်တာဆွဲနေတာ ဖြစ်တယ်လို့ ဉသျှစ်ပင် ဒေသခံတစ်ဦးက ပြောပါတယ်။ ပန်းတောင်းမြိုနယ် မိုးထိ ၊ ကျွဲကြီး ၊ကျွဲလေး ကျေးရွာအနီးဝန်းကျင်နဲ့…