MYIA MM

ဖလမ်းမြို့သိမ်းတိုက်ပွဲ ပြင်းထန်နေဟု CNDFပြော ▪️စစ်ကောင်စီတပ် လေကြောင်းမှ အပြင်းအထန်ခုခံနေဟုဆို ဟန်နွေ/People’s Spring ချင်းပြည်နယ်၊ ဖလမ်းမြို့သိမ်းစစ်ဆင်ရေးကို ချင်းညီနောင်နှင့် မဟာမိတ်များက ဆင်နွှဲလျက်ရှိရာ ယခုရက်ပိုင်းအတွင်း တိုက်ပွဲပြင်းထန်နေပြီး စစ်ကောင်စီက လေကြောင်းတိုက်ခိုက်မှု အပြင်းအထန် ပြုလုပ်ခုခံနေသည်ဟု ချင်းညီနောင်အဖွဲ့ဝင် ချင်းအမျိုးသားကာကွယ်ရေးတပ်(CNDF) ပြောရေးဆိုခွင့်ရှိသူ ဆလိုင်းတီမီက ပြောသည်။ ချင်းညီနောင်မဟာမိတ်များသည် ၂၀၂၄ နိုဝင်ဘာ ဒုတိယပတ်ကစ၍ ဖလမ်းမြို့သိမ်း တိုက်ပွဲ ဆင်နွှဲလျက်ရှိရာ လေးလအကြာ မတ်လ ဒုတိယပတ်တွင် နောက်ဆုံးကျန်ရှိနေသည့် စစ်ကောင်စီတပ်ကုန်း ခလရ(၂၆၈)တပ်ရင်းအား စစ်ရှိန်မြှင့်ထိုးစစ်ဆင်တိုက်ခိုက်ခဲ့ခြင်း ဖြစ်သည်။ “တိုက်ပွဲကတော့ နေ့တိုင်းလို ပြင်းထန်ပါတယ်။ နေ့တိုင်းလို အနည်းနဲ့အများ ရှိတာပေါ့။လေကြောင်းကတော့ တကယ်ကို ပြင်းထန်ပါတယ်။ မနေ့ညတင်ပဲ ၁၅၀ကျော် ၂၀၀နီးပါးပေါ့။ Y12နဲ့ ဆိုလို့ရှိရင် ဗုံးသီးချတာရှိတယ်။ အနီးအနားမှာရှိတဲ့ရွာတွေကိုလည်း ပတ်ပြီးတော့ဗုံးချတယ်ပေါ့။…

တောင်ခမ်းပြန်ရပြီဟု အောင်ပွဲခံနေသည့် စစ်ကောင်စီက ခဲယမ်းရိက္ခာနှင့် လူအင်အားများ အပြည့် ဖြည့်၍ တောင်ခမ်းသို့ ထပ်မံပို့ဆောင်နေရ ဧရာဝတီတိုင်းမ် မတ် ၁၆ ရက် ရှမ်းပြည်နယ်မြောက်ပိုင်း၊ နောင်ချို၊ တောင်ခမ်းရှိ စစ်ကောင်စီတပ် စခန်းအများစုကို နယ်မြေစိုးမိုးမှု ရယူပြီးကြောင်း အောင်ပွဲခံနေသည့် စစ်ကောင်စီက စစ်ကူများထပ်မံပို့ ဆောင်နေရကြောင်း သိရသည်။ တောင်ခမ်းမှ နယ်မြေ များကို စိုးမိုးမှုယူပေးထားသည့် စစ်ကောင်စီတပ်ဖွဲ့ဝင်တချို့ကို ပြီးခဲ့သည့် မတ် ၁၀ ရက်နေ့က ရန်ကုန်တွင်ကြိုဆိုပွဲများ ပြုလုပ်ခဲ့ကြောင်း သိရသည်။ စစ်ကောင်စီသည် ဒရုန်းနှင့် လေကြောင်းတိုက်ခိုက်မှုများ အပါအဝင် မြေပြင်ထိုးစစ်များသုံး၍ တအာင်း အမျိုးသားလွတ်မြောက်ရေးတပ်မတော် (TNLA) နှင့် အပြန်အလှန်ထိုးစစ်ဆင်နေသည့် တောင်ခမ်းရှိ စခန်း အချို့ကို ပြန်လည်စိုးမိုးထားနိုင်ကြောင်း သိရသည်။ TNLA တပ်များ သိမ်းပိုက်ထားသော…

စစ်ရေးအရှိန်မြင့်လာ၍ ပဲခူးရိုးမအတွင်း ယာဥ်နှင့် ကျွဲ၊ နွားများသွားလာခွင့် PDF ကန့်သတ် ကျော်ဇော/People’s Spring စစ်ကောင်စီတပ် စစ်ကြောင်းထိုးခြင်းများရှိလာပြီး စစ်ရေးအရှိန်မြင့်တက်လာ၍ ပဲခူးရိုးမအတွင်းရှိ ​စစ်ရေးလှုပ်ရှားမှုနယ်မြေအတွင်း ယာဥ်များနှင့် ကျွဲ၊ နွားများ သွားလာခြင်းကို ယနေ့ (မတ်လ ၁၆ ရက်)ကစ၍ တားမြစ်ကန့်သတ်လိုက်ကြောင်း သာယာဝတီခရိုင် တပ်ရင်း ၃၈၀၂၊ တပ်ခွဲ ၄ (မြေအောက်ပြောက် ကျားတပ်ဖွဲ့-အုတ်ဖို)က အသိပေး ထုတ်ပြန်သည်။ ရိုးမအတွင်း သွားလာခွင့်ကန့်သတ်ရာတွင် မော်တော်ယာဥ်၊ သုံးဘီး၊ ဆိုင်ကယ်၊ ကျွဲ၊ နွား စသည့်တို့ကို တားမြစ်ထားပြီး စစ်ဆင်ရေးများကြား ပြည်သူများမထိခိုက်စေရန်နှင့် သစ်တောသံယဇာတများ ခိုးထုတ်နေမှုကို တားဆီးနိုင်ရန် ရည်ရွယ်ကြောင်း ဖော်ပြသည်။ ထို့ကြောင့် ပြည်သူများအနေဖြင့် ထုတ်ပြန်ချက် အား လိုက်နာပေးကြရန်လည်း မြေအောက် ပြောက်ကျားတပ်ဖွဲ့-အုတ်ဖိုက…

နောင်ချိုမြို့တွင် စစ်ကောင်စီက လေယာဉ်ကို အနိမ့်ပျံသန်းပြီး စိန်ရတနာ ပရိယတ္တိစာသင်တိုက်ကို ဗုံးကျဲ ပစ်ခတ်မှု သံဃာတော် ၉ ပါးနှင့် ပြည်သူ ၅ ဦး စုစုပေါင်း ၁၄ ဦးသေဆုံး(ရုပ်/သံ) ရန်ကုန်၊ မတ် ၁၆ ရှမ်းပြည်နယ်မြောက်ပိုင်း၊ နောင်ချိုမြို့တွင် စစ်ကောင်စီက စစ်လေယာဉ်ကို အနိမ့်ဆုံးပျံသန်းပြီး စိန်ရတနာ ပရိယတ္တိစာသင်တိုက်ကို ဗုံးကျဲ ပစ်ခတ်ရာ သံဃာတော် ၉ ပါးနှင့် ပြည်သူ ၅ ဦး စုစုပေါင်း ၁၄ ဦးသေဆုံးကြောင်း နောင်ချိုမြို့မှ ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ မတ်လ ၁၆ ရက်နေ့ မွန်းလွဲ ၅ နာရီ ၂၆ မိနစ်အချိန်မှစတင်၍ စစ်ကောင်စီ၏ တိုက်လေယာဉ်က အနိမ့်ဆုံးပျံသန်းပြီး နောင်ချိုမြို့၊…

PJ နိုင်ငံကူးလက်မှတ် ကိုင်ဆောင်ထားသော ပြည်ပထွက်ခွာမည့် အလုပ်သမားများအားလုံး ယနေ့မှစတင်၍ စစ်ကောင်စီ၏ ခွင့်ပြုချက် မရှိဘဲ ပြည်ပထွက်ခွင့်မရှိတော့၊ ပြည်ထွက်ခွင့် စိစစ်ရန် ၅ ရက်ကြိုတင် လျှောက်ထားရမည် ရန်ကုန်၊ မတ် ၁၇ မြန်မာနိုင်ငံမှ ပြည်ပနိုင်ငံများသို့ PJ အလုပ်အကိုင်နိုင်ငံကူးလက်မှတ်ဖြင့် ထွက်ခွာမည့် အလုပ်သမားများ အားလုံးသည် ယနေ့ မတ်လ ၁၇ ရက်နေ့မှစတင်၍ စစ်ကောင်စီ၏ ခွင့်ပြုချက်မရှိဘဲ ပြည်ပနိုင်ငံများသို့ ထွက်ခွာခွင့်မရှိတော့ကြောင်း ပြည်ပအလုပ်အကိုင်အေဂျင်စီများက ရန်ကုန်ခေတ်သစ်သတင်းဌာနထံသို့ ပြောဆိုသည်။ မတ်လ ၁၀ ရက်နေ့တွင် စစ်ကောင်စီက PJ နိုင်ငံကူးလက်မှတ်ဖြင့် ပြည်ပသို့ ထွက်ခွာမည့် အလုပ်သမားများ အား လုံးသည် အလုပ်သမားဝန်ကြီးဌာနထံသို့ အနည်းဆုံး ၅ ရက်ကြိုတင်၍ ခွင့်ပြုချက်တောင်းရမည်ဟု အမိန့် ထုတ်ပြန်ခဲ့ပြီးနောက် အဆိုပါအမိန့်မှာ…

အထက်မင်းလှရှိ ကပစသုံးခုကာကွယ်ရန် စစ်ကောင်စီ ပြင်ဆင် ကဖေး/People’s Spring မကွေးတိုင်း၊ အထက်မင်းလှမြို့နယ်ရှိ ကာကွယ်ရေးပစ္စည်းစက်ရုံ(ကပစ)သုံးခုကာကွယ်ရေးအတွက် စစ်ကောင်စီက အင်အားတိုးမြှင့်နေပြီး လေကြောင်းအန္တရာယ် ခြိမ်းခြောက်မှုများရှိနေ၍ ဒေသခံပြည်သူများ စစ်ရေးသတိပြုကြရန် အဆိုပါမြို့နယ်ပြည်သူ့ကာကွယ်ရေးအဖွဲ့ (ပကဖ)က သတိပေးသည်။ “ဒီမှာရှိတဲ့ ကပစတွေကို အင်အားဖြည့်နေတယ်။ ထိတွေ့တိုက်ပွဲတွေလည်းရှိတယ်။ ဒီလိုအခြေအနေမှာဒေသခံတွေအတွက် လေကြောင်းအန္တရာယ်ရှိနေတယ်။ လိုအပ်တဲ့သတိပေးချက် တွေလည်းထုတ်ထားပါတယ်”ဟု အထက်မင်းလှမြို့နယ်ပြည်သူ့ကာကွယ်ရေးအဖွဲ့(ပကဖ)မှ တာဝန်ရှိသူတစ်ဦးက ပြောသည်။ အထက်မင်းလှမြို့နယ်တွင် စစ်ကောင်စီ​၏ ကပစ(၂)၊ကသစ(၁၀)၊ကပစ(၁၃)တို့ ရှိနေသည်။ ကပစ(၂)သည် အထက်မင်းလှမြို့နယ်၊ မလွန်ကျေးရွာမြောက်ဘက်၌တည် ရှိသည်။ ကျည်ဆန်များ၊ အမြောက်ကျည်များအဓိကထုတ်လုပ်သည်။ ကပစ(၁၀)သည် အထက်မင်းလှမြို့နယ်၊ ကုန်းကြီးကျေးရွာအနီးတွင်တည်ရှိပြီး တာဝေးပစ်ဒုံးကျည် (missile)များ၊ ဒုံးကျည်များထုတ်လုပ်သည်။ ကပစ(၁၃)သည် မိုင်းအဓိကထုတ်သည်။ အထက်မင်းလှမြို့နယ်တွင် ပြီးခဲ့သည့် ဇန်နဝါရီကတည်းက တိုက်ပွဲများဖြစ်ခဲ့ပြီး ပုသိမ် – မုံရွာလမ်း၊အထက်မင်းလှမြို့နယ်လမ်းပိုင်းတွင် စစ်ရေးတင်းမာနေသည်။…

Breaking News- နောင်ချိုမြိုတွင် စစ်ကောင်စီက လေယာဉ်ကို အနိမ့်ပျံသန်းပြီး စိန်ရတနာ ပရိယတ္တိစာသင်တိုက်ကို ဗုံးကျဲ ပစ်ခတ်မှု သံဃာတော် ၉ ပါးနှင့် ပြည်သူ ၅ ဦး စုစုပေါင်း ၁၄ ဦးသေဆုံး ရန်ကုန်၊ မတ် ၁၆ ရှမ်းပြည်နယ်မြောက်ပိုင်း၊ နောင်ချိုမြိုတွင် စစ်ကောင်စီက စစ်လေယာဉ်ကို အနိမ့်ဆုံးပျံသန်းပြီး စိန်ရတနာ ပရိယတ္တိစာသင်တိုက်ကို ဗုံးကျဲ ပစ်ခတ်ရာ သံဃာတော် ၉ ပါးနှင့် ပြည်သူ ၅ ဦး စုစုပေါင်း ၁၄ ဦးသေဆုံးကြောင်း နောင်ချိုမြိုမှ ဒေသပြည်သူများက ရန်ကုန်ခေတ်သစ်သတင်းဌာနထံသို ပြောဆိုသည်။ ယနေ့ မတ်လ ၁၆ ရက်နေ့ မွန်းလွဲ ၅ နာရီ ၂၆ မိနစ်အချိန်မှစတင်၍ စစ်ကောင်စီ၏ တိုက်လေယာဉ်က…

ဧရာ၀တီတိုင်းအတွင်း ပေါ်တာဆွဲခံရသောလူငယ်များကို စစ်သင်တမ်းတက်ရန် အပတ်စဉ် ၁၁ သို့ပို့ဆောင် ဧရာဝတီတိုင်းမ် မတ် ၁၅ ရက် ဧရာ၀တီတိုင်းအတွင်း စစ်ကောင်စီက အဓမ္မထမ်းဆီးထားသည့် လူငယ်များကို အနောက်တောင်တိုင်းစစ်ဌာနချုပ်တွင်ထားရှိပြီး သင်တန်းအပါတ်စဥ်(၁၁)အဖြစ် မတ်လ ၁၄ ရက်နေ့က စတင်စေလွှတ်ခဲ့ကြောင်း သိရသည်။ ပြီးခဲ့သည် ဖေဖော်ဝါရီလအတွင်း ဧရာ၀တီတိုင်းအတွင်းရှိ ရပ်ကွက်နှင့်ကျေးရွာများတွင် စစ်ကောင်စီတပ်နှင့် အုပ်ချုပ်ရေးမှုးများက ညပိုင်းတွင် ၀င်ရောက်ဖမ်းဆီးပြီး နတခ သို့ပို့ဆောင်ခံထားရသူများကို စစ်သင်တန်းများသို့အသုတ်ခွဲကာပို့ဆောင်နေခြင်း ဖြစ်သည်။ “ညဘက်ကြီး စာရင်းပါတယ်ဆိုပြီးခေါ်သွားတာ ၊သူ့မှာ အသည်းရောဂါရှိတယ်ဆိုတာတောင် ဆေးစစ်ပြီး ပြန်လွှတ်ပေးမယ်ပြောတယ်။ ခုတော့ပြန်မလာတဲ့အပြင် သင်တန်းသွားရတော့မယ်အကြောင်းကြားတယ်”ဟု ပုသိမ်မြို့နယ်မှ စစ်မှုထမ်းရန်စုဆောင်းခြင်းခံရသူ တစ်ဦး၏ မိသားစု၀င်မှ ဧရာ၀တီတိုင်းမ်ကိုပြောသည်။ စစ်မှုထမ်းသင်တန်းတက်ရန်စေလွှတ်ခံရသူ ၂၀၀ ကျော်ကို အနောက်တောင်တိုင်းစစ်ဌာနချုပ်ရှိ အားကစားခန်းမတွင် ဧရာ၀တီတိုင်း၀န်ကြီးချုပ် ဦးတင်မောင်၀င်းနှင့်စစ် တိုင်းမှူးဗိုလ်မှူးချုပ်စိုးကျော်ထက်တို့က လာရောက်တွေ့ဆုံခဲ့ကြောင်း…

ပြည်သူများကို လေယာဉ်ဖြင့် ဗုံးကျဲသတ်ဖြတ်ရာတွင် ပါဝင်နေကြသည့် စစ်ကောင်စီလေတပ်မှ အရာရှိများစွာအနက်မှ ၅၇ ဦးအတည်ပြုထားနိုင် ရန်ကုန်၊ မတ် ၁၆ မြန်မာနိုင်ငံတစ်ဝန်းမှ ပြည်သူများကို လေယာဉ်ဖြင့် ဗုံးကျဲသတ်ဖြတ်ရာတွင် ပါဝင်နေကြသည့် စစ်ကောင်စီလေတပ်မှ အရာရှိများစွာအနက်မှ ၅၇ ဦးကို Operation Spitfire နှင့် ရန်ကုန်ခေတ်သစ်က ပူးတွဲအတည်ပြုထားနိုင်သည်။ ယခင်ကလည်း စစ်ကောင်စီလေတပ်မှ ဗုံးကျဲသတ်ဖြတ်ရာတွင် တက်တက်ကြွကြွ ပါဝင်နေသောတာဝန်ရှိသူများကို Operation Spitfire နှင့် ရန်ကုန်ခေတ်သစ်က မကြာခဏဆိုသလို ပူးတွဲ ဖော်ထုတ်ခဲ့ပါသည်။ လက်ရှိတွင်လည်း အတည်ပြုထားနိုင်သော အရာရှိ ၅၇ ဦး ရှိပြီး ၎င်းတို့တွင် ဗိုလ်မှူးချုပ် စိုးတင်လတ် ကလခ ဗိုလ်မှူးကြီး ထက်အောင်ခိုင် ကလခ ဒုတိယဗိုလ်မှူးကြီး အောင်ကျော်ထင် ဗိုလ်မှူး ဟိန်းအောင်ထွဋ် အုပ်(၇၂)…

နိုင်ငံတကာ ပိတ်ဆို့မှုများကို ကျော်လွှားဖို့ နည်းလမ်းရှာရမည်ဟု စစ်ခေါင်းဆောင် မင်းအောင်လှိုင် ပြော မတ် ၁၆၊ ၂၀၂၅ အာဏာသိမ်းစစ်ခေါင်းဆောင် မင်းအောင်လှိုင်ဟာ နိုင်ငံတကာက သူတို့အပေါ် ဒဏ်ခတ်ပိတ်ဆို့မှုတွေနဲ့ပတ်သက်ပြီး ဖြစ်ပေါ်နေတဲ့ အခက်အခဲတွေကို ကျော်လွှားဖို့ နည်းလမ်းရှာရမယ်လို့ ပြောကြားလိုက်ပါတယ်။ လက်ရှိစစ်ခေါင်းဆောင်တွေနဲ့ လူပုဂ္ဂိုလ်တချို့ကို နိုင်ငံတကာက ပိတ်ဆို့အရေးယူထားသလို ကုန်စည်ကူးသန်းရောင်းဝယ်မှုတွေကို ပိတ်ဆို့ထားတာကြောင့် အခက်အခဲတွေ ဖြစ်ပေါ်နေကာ ရင်ဆိုင်ကြုံတွေ့နေရတဲ့ အခက်အခဲတွေ၊ ကန့်သတ်ချက်တွေကို ကျော်လွှားရမယ်လို့ ဆိုပါတယ်။ မင်းအောင်လှိုင်က မနေ့က မတ် ၁၅ ရက် မနက်ပိုင်းက ရန်ကုန်တိုင်း၊ အလုံမြို့နယ် Asia World Port Terminal – AWPT ဆိပ်ကမ်းမှာ ဆိပ်ကမ်းလုပ်ငန်းကဏ္ဍစွမ်းဆောင်နိုင်မှုနဲ့ ကုန်သွယ်မှုဆိုင်ရာလုပ်ငန်းတွေကို သွားရောက်ကြည့်ရှုစဉ် ပြောကြားခဲ့တာပါ။ အရင်က မြန်မာနိုင်ငံက ဆိပ်ကမ်းတွေဟာ…