Yangon Federal Army က တပ်သားသစ်တွေ ခေါ်ယူနေ

Yangon Federal Army က တပ်သားသစ်တွေ ခေါ်ယူနေ
နိုဝင်ဘာ ၁၅၊ ၂၀၂၄

စစ်ကောင်စီကို တွန်းလှန်တိုက်ခိုက်လိုတဲ့ လူငယ်တွေအတွက် အခွင့်အရေးအဖြစ် Yangon Federal Army က တပ်သားသစ်တွေ ခေါ်ယူနေတယ်လို့ ဒီနေ့နိုဝင်ဘာလ ၁၅ ရက်နေ့မှာ အသိပေးထုတ်ပြန်ပါတယ်။
အကြမ်းဖက်စစ်တပ်ရဲ့ စစ်မှုမထမ်းမနေရ ဥပဒေအရ မြို့ပြပေါ်က လူငယ်တွေကို အတင်းအဓမ္မတပ်သားသစ်အဖြစ် စုဆောင်းနေတာကြောင့် ဒီအခြေအနေကို ရှောင်လွှဲလိုတဲ့ လူငယ်တွေအတွက် အထူးအခွင့်အရေးဖြစ်တယ်လို့လည်း Yangon Federal Army က ဆိုပါတယ်။
ပြည်သူလူထုအတွက် မိမိအသက်ကို စွန့်လွှတ်စွန့်စားလိုတဲ့ လူငယ်တွေကို Yangon Federal Army ( Y.F.A ) က ကြိုဆိုနေပြီး Yangon Federal Army ( Y.F.A ) မှာ မိမိတို့ အရည်အချင်းနဲ့ ကျွမ်းကျင်ရာအလိုက် ခေါ်ယူနေတယ်လို့ ထုတ်ပြန်ပါတယ်။
Yangon Federal Army ( YF.A ) မှာ အထူးကွန်မန်ဒိုတပ်သား၊ ဆေးတပ်သား၊ လက်နက်ကြီးတပ်သား၊ Drone တပ်သား၊ ထောက်ပို့နဲ့ Media တပ်သား၊ ရုံးဝန်ထမ်း စသဖြင့် ထမ်းဆောင်ဖို့ ဖိတ်ခေါ်ထားတာ ဖြစ်ပါတယ်။
ရဲဘော်အသစ်တွေကို အခြေခံစစ်ပညာသင်တန်း တစ်လခွဲအပြင် မွမ်းမံသင်တန်းတွေအဖြစ် ကွန်မန်ဒိုသင်တန်း၊ ဒရုန်းသင်တန်း၊ စနိုက်ပါနဲ့ လက်နက်ကြီးသင်တန်း၊ မြို့ပြတိုက်ခိုက်ရေးသီးသန့်သင်တန်းတွေ ပေးအပ်သွားမယ်လို့ ဆိုပါတယ်။
လျှောက်ထားလိုသူတွေအနေနဲ့ Telegram Acc – @ThuRainYFA ကို လာရောက်ဆက်သွယ်နိုင်ကြောင်း ထုတ်ပြန်ထားပါတယ်။