လားရှိုးကို MNDAA မတိုက်မီ ထွက်ပြေးသွားသည့် ဒုဗိုလ်မှူးကြီးစစ်ကောင်စီဖမ်းမိ
ဇော်ရမ်း/People’s Spring
လားရှိုးမြို့အခြေစိုက်အရှေ့မြောက်တိုင်းစစ်ဌာ
နချုပ်(ရမခ)ကို မြန်မာအမျိုးသားဒီမိုကရက်တစ်မဟာမိတ်တပ်မတော်(MNDAA) မတိုက်ခိုက်မီ ထွက်ပြေးသွားသည့် အမှတ်(၇)ဆက်သွယ်ရေးတပ်ရင်းမှူး ဒုဗိုလ်မှူးကြီး ညီညီထွန်းကို စစ်ကောင်
စီက ပြန်ဖမ်းမိသွားသည်။
အသက် ၄၅ နှစ်အရွယ်ဒုဗိုလ်မှူးကြီး ညီညီထွန်းကို ရှမ်းပြည်နယ် တောင်ပိုင်း၊ လွိုင်လင်ခရိုင်ရှိ ပင်လုံမြို့ရှိ ၊ စိန်နန်းတော်မိုတယ်တွင်ယမန်နေ့( စက်တင်
ဘာလ ၂၆ရက်)က ဖမ်းမိခြင်းဟု ဒေသခံသတင်းရင်းမြစ်တစ်ဦးကပြောသည်။
“မှတ်ပုံတင်အတုကိုင်ထားတာဗျ။စစ်တပ်ကဝင်
ဖမ်းတာ။ပြည်သူ့စစ်အဖွဲ့တွေလည်းပါတယ်” ဟု ဒေသခံတစ်ဦးကပြောသည်။
ဒုဗိုလ်မှူးကြီး ညီညီထွန်းသည်လားရှိုးမြို့ကို MNDAA မတိုက်ခိုက်မီ ပြီးခဲ့သည့် ဇွန်လအတွင်း ထွက်ပြေးသွားခြင်းဖြစ်သည်။ ၎င်းအား ဖမ်းမိပြီးဟု စစ်ကောင်စီလက်အောက်ခံတယ်လီဂရန်ချန်နယ်များ၌ ရေးသားထားသည်။
MNDAA၏ လားရှိုးမြို့သိမ်းတိုက်ပွဲသည် စစ်ကောင်စီအုပ်စုအတွင်း အလွန်ဂယက်ရိုက်ခဲ့ပြီး တိုင်းမှူးအပါအဝင် အရာရှိအများအပြားလည်း MNDAA၏ဖမ်းဆီးခြင်းခံထားရသည်။ အာဏာ
သိမ်းစစ်ခေါင်းဆောင်ကစစ်တိုင်းမှူးကို အစားထိုးလဲလှယ်ခဲ့သည်။
ပြီးခဲ့သည့် ဇူလိုင်လက လားရှိုးမြို့ကို MNDAAက စတင်တိုက်ခိုက်ပြီး ရက်အနည်းငယ်ကြာ၌ ရမခတိုင်းမှူးဗိုလ်ချုပ်စိုးတင့်ကိုစစ်ကောင်စီက ရာထူးမှ ထုတ်ပယ်ပြီး မူဆယ်အခြေစိုက်တပ်မ(၉၉)တပ်မမှူး ဗိုလ်ချုပ် စိုးလှိုင်ကို အစားထိုးခန့်အပ်ခဲ့သည်။
တိုင်းမှူးဟောင်းဗိုလ်ချုပ်စိုးတင့်သည် ရမခတွင်ပင်ရှိနေစဉ် MNDAA၏ လားရှိုးမြို့သိမ်းတိုက်ပွဲအတွင်းဖမ်းဆီးခံထားရသည်။ ဗိုလ်ချုပ်စိုးလှိုင်သည် မူဆယ်၌ပင် ဆက်လက်ရှိနေခဲ့ပြီး ထပ်မံထုတ်ပယ်ခံရကာ လေ့ကျင့်ရေးအရာရှိချုပ်ရုံး၊ဒုတိယလေ့ကျင့်ရေးအရာရှိချုပ်ဖဗိုလ်ချုပ်မြင့်ကျော်ထွန်းကို တိုင်းမှူးရာထူးပေးပြီး လားရှိုးရမခကျသွားပြီးနောက် စစ်ကောင်စီက ရမခဌာနချုပ်ကို မိုင်းရယ်ဗျူဟာ၌ နေရာချသည်။
စစ်ကောင်စီသည် လားရှိုးမြို့ကို လေကြောင်းမှမကြာခဏတိုက်ခိုက်နေပြီး ရမခဌာနချုပ် မိုင်းရယ်ဗျူဟာ၌လည်း အင်အားများကိုပေးပို့ထားကာ မြေပြင်စစ်ကြောင်းထိုးမည်ဟု စစ်ကောင်စီဝါဒဖြန့် တယ်လီဂရန်များက သတင်းများထုတ်
လွှင့်ပြီး ဝါဒဖြန့်နေကြသည်။
စစ်ပြေးဒုဗိုလ်မှူးကြီး ညီညီထွန်းကို စစ်ကောင်စီဝါဒဖြန့် မီဒီယာများက ၎င်း၏ ကိုယ်ရေးအချက်
အလက်များကို ဖော်ပြ၍ သေဒဏ်ပေးရန် ၊ပြင်းထန်စွာပြစ်ဒဏ်ပေးရန် လှုံ့ဆော်ရေးသားနေကြသည်။
(ဒုဗိုလ်မှူးကြီး ညီညီထွန်း။ ။ဓါတ်ပုံ-စစ်ကောင်စီ)