ဟုမ္မလင်းမြို့နယ်ရှိ ကျေးရွာများကို စစ်တပ်က တိုက်ပွဲဖြစ်ပွားခြင်းမရှိဘဲ MI-2 ရဟတ်ယာဉ် ဗုံးကျဲ တိုက်ခိုက်
ရန်ကုန်၊ ဧပြီ ၃
စစ်ကိုင်းတိုင်း၊ ဟုမ္မလင်းမြို့နယ်ရှိ ကျေးရွာများကို အကြမ်ဖက် စစ်တပ်က တိုက်ပွဲဖြစ်ပွားခြင်းမရှိဘဲ MI-2 ရဟတ်ယာဉ် ဗုံးကျဲ တိုက်ခိုက်ခဲ့ကြောင်း NUG အစိုးရ ကာကွယ်ရေး ဝန်ကြီးဌာနက ထုတ်ပြန်ထားသည်။
ယနေ့ ဧပြီလ ၃ ရက်နေ့ နံနက် ၉ နာရီ ၃၀ မိနစ်ခန့်တွင် ဟုမ္မလင်းမြို့နယ်ရှိ ဖာနိုင်းရွာ၊ စန်းဆိုင်ရွာ၊ ပဲနို့ဆွတ်ရွာနှင့် ရွှေမှော်အနီးကို တိုက်ပွဲဖြစ်ပွားခြင်းမရှိဘဲ MI-2 ရဟတ်ယာဉ်ဖြင့် ဗုံးသီး ၁၃ လုံးကျဲချ တိုက်ခိုက်ခဲ့ခြင်းဖြစ်ကြောင်း သိရသည်။
ထို့အပြင် အကြမ်းဖက် စစ်တပ်သည် ယနေ့ ဧပြီလ ၃ ရက်နေ့တွင် တောင်သာမြို့နယ်နှင့် ကနီမြို့နယ်ရှိ ကျေးရွာများကိုလည်း စက်တပ်လေထီးများဖြင့် ဗုံးကျဲ တိုက်ခိုက်မှုများ လုပ်ဆောင်ခဲ့ကြောင်း သိရှိရသည်။
အကြမ်းဖက် စစ်ကောင်စီသည် ဧပြီလ ၂ ရက်နေ့ ညပိုင်းမှ ဧပြီလ ၂၂ ရက်နေ့ အပစ်ရပ်ကြောင်း ကြောညာထားသော်လည်း လေကြောင်း တိုက်ခိုက်မှုများနှင့် စစ်ကြောင်းထိုးမှုများ ဆက်တိုက် လုပ်ဆောင်နေသည့် အတွင် စစ်ကောင်စီ၏ ကြေညာချက်သည် လီဆယ်လှည့်ဖြားမှုသာဖြစ် NUG အစိုးရ ကာကွယ်ရေးဝန်ကြီးဌာနက ထုတ်ပြန်ပြောဆိုထားသည်။
အပစ်ရပ်ကြေညာထားသည့် စစ်ကောင်စီက ညောင်ဦးကို စစ်ကြောင်းထိုး၊ သပိတ်ကျင်း လေကြောင်းတိုက်ခိုက်ဟု NUG ထုတ်ပြန်
■အပစ်ရပ်သည်ဟူသော စစ်ကောင်စီ၏ ကြေညာချက်သည် လီဆယ်လှည့်ဖြားမှုသာဖြစ်ဟု အသိပေး
ဧပြီ ၃၊၂၀၂၅။ ဟန်နွေ/People’s Spring
အာဏာသိမ်းစစ်ကောင်စီက ငလျင်ဘေးကြောင့် သုံးပတ်ကြာအပစ်ရပ်စဲထားကြောင်း ထုတ်ပြန်ကြေညာထားသော်လည်း ယနေ့(ဧပြီ ၃ရက်)တွင် မန္တလေးတိုင်း၊ ညောင်ဦးမြို့နယ်ကို စစ်ကြောင်းထိုးခြင်း၊ သပိတ်ကျင်းမြို့နယ်ကို လေကြောင်းမှ ဗုံးကြဲတိုက်ခိုက်ခြင်း ပြုလုပ်ခဲ့ဟု အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာနက သတင်းထုတ်ပြန်သည်။
NUGနှင့် တိုင်းရင်းသား လက်နက်ကိုင်အဖွဲ့များက ငလျင်ဘေးကြောင့် ထိုးစစ်ဆင်မှုရပ်စဲထားမည်ဖြစ်ကြောင်း ကြေညာပြီးနောက် စစ်ကောင်စီကလည်း ဧပြီ ၂ရက်ညပိုင်း၌ ယာယီအပစ်ရပ်စဲကြောင်း ထုတ်ပြန်ခဲ့ည်။
သို့သော် စစ်ကောင်စီက မန္တလေးတိုင်း၊ စစ်ကိုင်းတိုင်းနှင့် ကချင်ပြည်နယ်တို့တွင် လေကြောင်း ဗုံးကြဲတိုက်ခိုက်မှုများ၊ ထိုးစစ်ဆင်မှုများ ဆက်လက်လုပ်ဆောင်နေသည်။
ဧပြီ ၃ရက် နံနက် ၆နာရီခန့်က မန္တလေးတိုင်း၊ ညောင်ဦးမြိုနယ်၊ ငါ့သရောက်ရဲစခန်းမှ တင့်ကား (၂) စီးဖြင့် စစ်ကြောင်းထိုးလာသော စစ်ကောင်စီတပ်သည် လမ်းတလျှောက်ကျေးရွာများဖြစ်သော မြေသန့်တောင်၊ မအူပင်၊ ကြအိုကျေးရွာများရှိ ပြည်သူများ၏ နေအိမ်များကို ပွိင့် (၅)စက်သေနတ်ကြီး အပါအဝင် လက်နက်မျိုးစုံဖြင့် ပစ်ခတ်တိုက်ခိုက်နေကြောင်း ကာကွယ်ရေးဝန်ကြီးဌာနက ထုတ်ပြန်သည်။
အင်အား ၆၀၀ပါ စစ်ကောင်စီတပ် စစ်ကြောင်းက မတ်လ ၂၀ရက်ကတည်းက ညောင်ဦးမြိုနယ်နှင့်ချောက်မြိုနယ်ကြားရှိ ကျေးရွာများသို စစ်ကြောင်းထိုးဝင်ရောက်လာပြီး ပြည်သူပိုင်နေအိမ်များကို မီးရှိခြင်း၊ ဒေသခံပြည်သူများကို ဖမ်းဆီးခြင်းနှင့်ပြည်သူပိုင်တန်ဖိုးရှိ ပစ္စည်းများကို အဓမ္မခိုးယူလုယက်ခြင်းများ ပြုလုပ်နေခဲ့ရာ ဒေသခံ ပြည်သူ နှစ်သောင်းခန့် စစ်ဘေးရှောင်နေရဟု အသိပေးသည်။
ထို့ပြင် စစ်ကောင်စီသည် ဧပြီ ၃ရက် နေ့လည် ၁၂ နာရီ ၄၀မိနစ်တွင် မန္တလေးတိုင်း၊ ပြင်ဦးလွင်ခရိုင်၊ သပိတ်ကျင်းမြိုနယ်၊ (၇) မိုင်ကျေးရွာအနီးကိုလည်း လေကြောင်းတိုက်ခိုက်မှု ၂ကြိမ်ပြုလုပ်ခဲ့ဟု ထုတ်ပြန်သည်။
စစ်ကောင်စီတပ်သည် အပစ်ရပ်သည်ဟုကြေညာသော်လည်း လက်တွေ့တွင် လေကြောင်းတိုက်ခိုက်မှုများ ပြုလုပ်ခြင်းနှင့် မြေပြင်စစ်ကြောင်း ထိုးခြင်းများ စဥ်ဆက်မပြတ် ပြုလုပ်နေကြောင်း NUG ကာကွယ်ရေးက အသိပေးသည်။
အလားတူ စစ်ကောင်စီသည် ကချင်ပြည်နယ်၊ ဗန်းမော်၊ ၀ိုင်းမော်မြို့နှင့် စစ်ကိုင်းတိုင်း၊ အင်းတော်မြို့တို့၌ လေကြောင်း တိုက်ခိုက်ခြင်း၊ ထိုးစစ်ဆင်ခြင်းများ ပြုလုပ်လျက်ရှိသည်။
စစ်ကောင်စီက အပစ်အခတ်ရပ်စဲရေးကြေညာချက်ထုတ်ထားသည့် ယမန်နေ့ ညပိုင်း၌ပင် ကချင်ပြည်နယ် ဗန်းမော်မြို့ကို တညလုံးနီးပါး လေကြောင်းမှ ဗုံးကြဲတိုက်ခိုက်ခဲ့ပြီး ယနေ့နံနက်အစောတွင်လည်း အင်းတော်ကြီးဒေသကို လေကြောင်း တိုက်ခိုက်ခဲ့သည်ဟု ဗိုလ်မှူးကြီးနော်ဘူက ပြောသည်။
“ဝိုင်းမော်မြိုနယ်ပေါ့ ခလရ(၅၈) ပတ်ဝန်းကျင် လမြန်ဘက်မှာလည်း သူတိုက မြေပြင်ကနေထိုးစစ်ဆင်လိုဒီမနက်လည်း ခုခံတိုက်ပွဲတွေရှိပါတယ်။ အဲဒီလိုမျိုးလုပ်တာကတော့ သူတိုထုတ်ထားတဲ့ စည်းကမ်းကို သူတို စည်းဖောက်တဲ့ပုံစံမျိုးဖြစ်ပါတယ်။ သူတို ရဲ့ ထုတ်ပြန်ကြေညာချက်မှာတော့ နံပါတ် ၄မှာ ရေးထားတာကတော့ ကျနော်တို တော်လှန်ရေး အဖွဲအစည်းတွေကို ဒီ အပစ်အခတ်ရပ်စဲရေး ကြေညာချက်ကို အမြတ်ထုတ်တာမျိုး မလုပ်ရဘူးလို ပြောတာ။ သူတိုကအမြတ်ထုတ်တာလို ပုံစံမျိုး ။ သူတိုအရင်စည်းဖောက်တဲ့ပုံစံမျိုးဖြစ်ပါတယ်။”ဟု ဗိုလ်မှူးကြီးနော်ဘူက ပြောသည်။
အပစ်ရပ်စဲရေးကြေညာချက် ထုတ်ထားသည့်နောက်ပိုင်း စစ်ကောင်စီက တိုက်ပွဲများ ဆက်တိုက်ဖော်ဆောင်နေကြောင်းလည်း ဗိုလ်မှူးကြီးနော်ဘူက ပြောသည်။
KIO/KIA၏ ယမန်နေ့ ကြေညာချက်တွင် စစ်ကောင်စီ၏ ကြေညာချက်ပါ အချက်များကို စစ်ကောင်စီ ကိုယ်တိုင်လည်း လိုက်နာရန်လိုအပ်ကြောင်း ဖော်ပြထားသည်။
စစ်ကောင်စီသည် နိုင်ငံ၌ ငလျင်ဘေးကြုံနေရချိန် လေကြောင်း ဗုံးကြဲတိုက်ခိုက်မှုများ အရှိန်မြှင့်လုပ်ဆောင်လျက်ရှိပြီး ကချင်ဒေသများ၌ စစ်ရေးလှုပ်ရှားမှုများ၊ လူသစ်စုဆောင်းမှုများလုပ်ဆောင်လျက်ရှိသည်။
(သပိတ်ကျင်းမြိုနယ်၊ (၇) မိုင်ကျေးရွာအနီး လေကြောင်းတိုက်ခိုက်နေစဉ်နှင့် ကနီမြို့နယ်၊ မုဌောရွာနှင့် နတ်ကြီးရွာ စက်တပ်လေထီးဖြင့် ဗုံးကြဲနေစဉ်။ ။ ရုပ်သံ – NUG)
#ludunwayoo #လူထုနွေဦး #NewsUpdate