မန္တလေးတိုင်းတွင် ငလျင်ဒဏ်ကြောင့် သေဆုံးသူ ၆၄၉ ဦးရှိပြီး ဒဏ်ရာရရှိသူ ၁၆၇၀ ဦးရှိကာ ပျောက်ဆုံးနေသူ ၆၈ ဦးရှိ၊ သေဆုံးသူအရေအတွက် ဆက်လက်မြင့်တက်မည်
ရန်ကုန်၊ မတ် ၂၉
မန္တလေးတိုင်းတွင် ငလျင်ဒဏ်ကြောင့် သေဆုံးသူ ၆၄၉ ဦးရှိပြီး ဒဏ်ရာရရှိသူ ၁၆၇၀ ဦးရှိကာ ပျောက်ဆုံးနေသူ ၆၈ ဦးရှိကြောင်း စစ်ကောင်စီက သတင်းထုတ်ပြန်သည်။
စစ်ကောင်စီ ထုတ်ပြန်သော ပမာဏမှာ မြေပြင်အခြေအနေနှင့်များစွာ ကွာဟနေပြီး ပရဟိတအဖွဲ့များနှင့် ကယ်ဆယ်ရေးအဖွဲ့များ၏ အဆိုအရ လတ်တ လော ပျောက်ဆုံးစာရင်းပေးထားသူ ၁၀၀၀ ဝန်းကျင်ရှိနေကြောင်း ပြောဆိုကြသည်။
လတ်တလော မန္တလေးတွင် ပိတ်မိသေဆုံးနေသူများ အဆောက်အအုံများအောက်တွင် ဆက်လက် ကျန်ရှိနေပြီး သေဆုံးသူအရေအတွက် ဆက်လက်မြင့်တက်မည်ဖြစ်ကြောင်း ကယ်ဆယ်ရေးဆောင်ရွက်နေသူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
မန္တလေး ငလျင်လှုပ်လို့ အသက် ၇၀၀ ဝန်းကျင် ဒဏ်ရာရ
မန္တလေးမှာ မကြာသေးမီက ငလျင်လှုပ်ခတ်ခဲ့မှုကြောင့် ခန့်မှန်းခြေ လူ ၇၀၀ ကျော် အသက်ဆုံးရှုံးခဲ့ရကြောင်း မြန်မာ့တပ်မတော် junta က သတင်းထုတ်ပြန်ထားပါတယ်။
မတ်လ ၂၈ ရက်အထိ မန္တလေးမြို့တွင် သေဆုံးသူ ၆၉၄ ဦးရှိပြီး ဒဏ်ရာရသူ ၁,၆၇၀ ကျော်ရှိ ထို့အပြင် လူ ၆၈ ဦး ပျောက်ဆုံးနေဆဲဖြစ်ပြီး အသေးစိတ် အချက်အလက်များကို အာဏာပိုင်များက ဆက်လက် စုစည်းနေဆဲဖြစ်သည်။
အပျက်အစီးတွေအောက်မှာ ပိတ်မိနေတဲ့ လူအများအပြားကို ထားခဲ့ပြီး မန္တလေးမြို့က အဆောက်အဦတွေ ဆိုးဆိုးရွားရွား ထိခိုက်ပျက်စီးနေပါတယ်။
အရေးပေါ်ကယ်ဆယ်ရေးကြိုးပမ်းမှုတွေလုပ်နေပေမယ့် အကြီးစားလည်ပတ်မှုကို ထောက်ပံ့ဖို့ လူအင်အား၊ စက်ကိရိယာနဲ့ နည်းပညာအရင်းအမြစ်တွေ မလုံလောက်တဲ့ သတင်းတွေ ထွက်ပေါ်နေပါတယ်။
သေဆုံးသူနဲ့ ဒဏ်ရာရသူအရေအတွက်များပြားလာတာက မန္တလေးဆေးရုံကြီးအပြင်ဘက် makehift facilities တွေမှာ ဆေးကုသနေတဲ့ လူနာတွေဖြစ်ပြီး ဆေးရုံက influx ကို ရင်ဆိုင်ဖို့ ခက်ခဲနေတယ်လို့ ဒေသခံတွေက ပြောပါတယ်။
ဒဏ်ရာရသူနဲ့ သေဆုံးသူအရေအတွက်ဟာ မြန်မာစစ်တပ်က သတင်းထုတ်ပြန်တဲ့ အရေအတွက်ထက် ပိုများနိုင်တယ်လို့ ဒေသခံတွေက ပြောပါတယ်။
မန္တလေးတွင် ငလျင်ကြောင့် ပြိုကျခဲ့သည့် ဦးလှသိန်းဗိမာန်အတွင်း စာမေးပွဲ ဖြေနေကြသည့် သံဃာတော် ၈၀ ပါးကျော် ပျံလွန်တော်မူဟုဆို
ရန်ကုန်၊ မတ် ၂၉
ငလျင်ဒဏ်ကြောင့် မန္တလေးမြို့တွင် အဆောက်အအုံများစွာ ပြိုကျပျက်စီးခဲ့သည့်အနက် ဦးလှသိန်းဗိမာန်အတွင်း သံဃာတော်များ စာဖြေနေစဉ် ဗိမာန်ပြိုကျခဲ့သည့်အတွက် သံဃာ ၈၀ ပါးကျော် ပျံလွန်တော်မူသွားကြောင်း အဆိုပါ ကျောင်းတိုက်မှ သံဃာတော်များက ပြောဆိုကြသည်။
ယမနန်နေ့ မွန်းလွဲ ၁၂ နာရီ ၅၂ မိနစ်အချိန် ထိုဗိမာန်တွင် စာဖြေသံဃာတော် ၆၀၀ ကျော်စာဖြေကြားနေကြစဉ် ငလျင်လှုပ်ခတ်ခြင်းဖြစ်ပြီး ငလျင်ဒဏ်ကြောင့် ဗိမာန်၏ ညာဘက်ခြမ်းတစ်ခြမ်းလုံးပြိုကျသွားကြောင်း၊ ပြိုကျသည့် ဘက်ခြမ်းမှ သံဃာတော်အများစု ပျံလွန်တော် မူသွားခြင်းဖြစ်ကြောင်း သိရှိရသည်။
ပိတ်မိနေခဲ့သည့် သံဃာတော်များကို ရှာဖွေကယ်ဆယ်ရေးများ ဆက်လက်လုပ်ဆောင်နေကြောင်း မြန်မာနိုင်ငံ လူမှုကယ်ဆယ်ရေးအဖွဲ့- မန္တလေးတိုင်းဒေသကြီးကော်မတီမှ တာဝန်ရှိသူက ပြောဆိုသည်။
“ဘယ်လောက်ဆုံးလဲတော့ အတိအကျမသိဘူး ။ အတော်များများတော့ ဆုံးတယ်ဗျ။ ကျွန်တော်တို့က မနေ့ညက သွားခဲ့ပြီး အခုထပ်မရောက်ဖြစ်သေးဘူး။ ကျန်တာကို မီးသတ်တပ်ဖွဲ့က ဆက်လုပ်ပါတယ်” ဟု ရန်ကုန်ခေတ်သစ်သတင်းဌာန၏ ဆက်သွယ်မေးမြန်းမှုကို မြန်မာနိုင်ငံ လူမှုကယ်ဆယ်ရေးအဖွဲ့- မန္တလေးတိုင်းဒေသကြီးကော်မတီမှ တာဝန်ရှိသူက ဖြေကြားသည်။
၂၀၂၅ ခုနှစ်တွင် သံဃာတော်များ စာဖြေနိုင်ရန်အတွက် (ဎ-ခ-)မဟာအောင်မြေမြို့နယ်စာဖြေဌာနကို ပရိယတ္တိသာသနဟိတအသင်း(ဦးလှသိန်း)ဗိမာန်တွင် ပြုလုပ်ခဲ့စဉ် ထိုသို့ အဖြစ်ဆိုးကြုံတွေ့ရခြင်းဖြစ်ကြောင်း သိရှိရသည်။