Category: News

ရန်ကုန်အခြေစိုက် ဥရောပသမဂ္ဂ၊ ဗြိတိန်၊ ကနေဒါ၊ ဆွီဒင်၊ ပြင်သစ် ၊ နော်ဝေး၊ ဒိန်းမတ် အပါအဝင် နိုင်ငံတကာသံရုံးများက ဒေါ်အောင်ဆန်းစုကြည်၏ မွေးနေ့ကို ဂုဏ်ပြုသည့်အနေဖြင့် သံရုံးဖေ့ဘုတ်စ်စာမျက်နှာများ၏ နှင်းဆီပန်း၊ လူထုခေါင်းဆောင်၏ ပုံများကို တင်ထား၊ အမေရိကန်ကလည်း ကြေညာချက်ထုတ် ရန်ကုန်၊ ဇွန် ၁၉ ရန်ကုန်အခြေစိုက် ဥရောပသမဂ္ဂ၊ ဗြိတိန်၊ ကနေဒါ၊ ဆွီဒင်၊ ပြင်သစ်၊ နော်ဝေး၊ ဒိန်းမတ် အပါအဝင် နိုင်ငံတကာသံရုံးများက ဒေါ်အောင်ဆန်းစုကြည်၏ မွေးနေ့ကို ဂုဏ်ပြုသည့်အနေဖြင့် သံရုံးဖေ့ဘုတ်စ်စာမျက်နှာများ၏ နှင်းဆီပန်း၊ လူထုခေါင်းဆောင်၏ ပုံများကို ယနေ့ နံနက်ပိုင်းတွင် ပြောင်းလဲတင်ထားကြသည်။ ရန်ကုန်အခြေစိုက် ဥရောပသမဂ္ဂ၊ ဆွီဒင်၊ ပြင်သစ် အပါအဝင် ဥရောပနိုင်ငံများ၏ သံရုံးများက ၎င်းတို့ ဖေ့ဘုတ်စ်စာမျက်နှာများတွင် ဒေါ်အောင်ဆန်းစုကြည် ပန်းပန်ထားသော…

ဒေါ်အောင်ဆန်းစုကြည် ၈၀နှစ်ပြည့် မွေးနေ့မှာ ဗြိတိန်နဲ့ အီးယူတို့ သဘောထားရပ်တည်ချက်ထုတ်ဖော်ပြသ ■ ဒေါ်အောင်ဆန်းစုကြည်နဲ့တကွ မတရားဖမ်းဆီးခံထားရသူများအားလုံးကို ချက်ချင်းပြန်လွှတ်ပေးဖို့ ဗြိတိန်တောင်းဆို ဇွန်-၁၉၊ ၂၀၂၅။ People’s Spring မတရားဖမ်းဆီးချုပ်နှောင်ခံထားရဆဲ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက်(၈၀)နှစ်ပြည့် မွေးနေ့မှာ ရန်ကုန်မြို့ရှိ ဗြိတိန်သံရုံးနှင့် ဥရောပသမဂ္ဂ(EU)တို့က ၎င်းတို့ရဲ့ ရပ်တည်ချက်များကို ထုတ်ဖော်ပြသကြပါတယ်။ ဗြိတိန်သံရုံးက ဖမ်းဆီးချုပ်နှောင်ခံထားရဆဲဖြစ်တဲ့ ဒေါ်အောင်ဆန်းစုကြည်ရဲ့ အသက် (၈၀) နှစ်ပြည့် မွေးနေ့အထိမ်းအမှတ်အဖြစ် ဒီနေ့ သံရုံးဖေ့စ်ဘုတ်စာမျက်နှာ profile picture ကို ပြောင်းလဲထားပါတယ်။ ပြောင်းလဲလိုက်တဲ့ သံရုံးရဲ့ဓာတ်ပုံမှာ မြန်မာပြည်သူတွေက ဒေါ်အောင်ဆန်းစုကြည်ရဲ့ ကိုယ်စားပြုမှုအဖြစ် တင်စားကြတဲ့ နှင်းဆီပန်းပွင့်များကို ထည့်သွင်းထားပါတယ်။ တဆက်တည်းမှာ ဗြိတိန်အစိုးရအနေနဲ့ ဒေါ်အောင်ဆန်းစုကြည်နဲ့တကွ မြန်မာနိုင်ငံအတွင်း မတရားဖမ်းဆီးခံထားရသူများအားလုံးကို ချက်ချင်းပြန်လွှတ်ပေးဖို့ တောင်းဆိုလိုက်ပါတယ်။ ဥရောပသမဂ္ဂ(EU)သံရုံးကလည်း…

မြ၀တီမြို့လယ်ခေါင်တွင် လူထုခေါင်းဆောင် ဒေါ်အောင်ဆန်းစုကြည်၏ အသက် ၈၀ ပြည့် မွေးနေ့ ဗီနိုင်းချိတ်ဆွဲ ရန်ကုန်၊ ဇွန် ၁၉ ကရင်ပြည်နယ်၊ ထိုင်း-မြန်မာနယ်စပ်၊ မြ၀တီမြို့ပေါ်တွင် ယနေ့ နံနက်ပိုင်း လူထုခေါင်းဆောင် ဒေါ်အောင်ဆန်းစုကြည်၏ အသက် ၈၀ ပြည့် မွေးနေ့ ဗီနိုင်းကပ်ထားကြောင်း မြ၀တီမြို့မှ ပြည်သူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယနေ့ နံနက် ၇ နာရီအချိန် ထိုင်း-မြန်မာနယ်စပ်မြို့ဖြစ်သော မြ၀တီမြို့လယ်ခေါင် ဘုရင့်နောင်စျေးရှေ့တွင် လူထုခေါင်းဆောင် ဒေါ်အောင်ဆန်းစုကြည်၏ အသက် ၈၀ ပြည့်နှစ် ဗီနိုင်းကို ချထားခြင်းဖြစ်ကြောင်း၊ ယင်းနေရာသည် မြ၀တီမြို့မရဲစခန်းနှင့် မလှမ်းမကမ်းတွင် ရှိကြောင်း သိရှိရသည်။ “ဒေါ်အောင်ဆန်းစုကြည်ရဲ့ အသက် ၈၀ ပြည့် ဗီနိုင်းကို ချထားတာက မြဝတီမြို့လယ်ခေါင် ဘုရင့်နောင်စျေးမှာကိုကြီးရှေ့မှာဖြစ်ပါတယ်။ ဘေးသိပ်မဝေးတဲ့နေရာမှာ…

ရန်ကုန်-ပြည် လမ်းတွင် ဒုတိယဗိုလ်မှူးကြီးဇော်မျိုးဝင်း၊ ဗိုလ်မှူးဖြိုးမင်းဦးနှင့် ဒုရဲမှူးကြီး စိုးခိုင်တို့ သေဆုံးပြီးနောက် စစ်တပ်က အလုံးအရင်းဖြင့် ထိုးစစ်ဆင်နေပြီး သံချပ်ကာကားများကိုပါ အသုံးပြုလာ ရန်ကုန်၊ ဇွန် ၁၉ ပဲခူးတိုင်း၊ ရန်ကုန်-ပြည် လမ်းပိုင်း၊ မင်းလှမြို့နယ် တိုက်ပွဲများတွင် ဒုတိယဗိုလ်မှူးကြီးဇော်မျိုးဝင်း၊ ဗိုလ်မှူးဖြိုးမင်းဦးနှင့် ဒုရဲမှူးကြီး စိုးခိုင်တို့ သေဆုံးပြီးနောက် စစ်တပ်က အလုံးအရင်းဖြင့် ထိုးစစ်ဆင်နေပြီး သံချပ်ကာကားများကိုပါ အသုံးပြုလာကြောင်း သိရှိရသည်။ ဇွန်လ ၁၆ ရက်နေ့ ညနေ ၄ နာရီခန့်အချိန် မင်းလှမြို့နယ်၊ အုတ်တွင်းရွာ အနီးရှိ အကြမ်းဖက် စစ်တပ်၏ စစ်ကွင်းတာဆုံ စစ်ဆေးရေးဂိတ်ကို တော်လှန်ရေးတပ်ဖွဲ့များက စတင်တိုက်ခိုက်ခဲ့ပြီး ထိတွေ့ တိုက်ပွဲဖြစ်ပွားခဲ့ကြောင်း၊ ထိုထိတွေ့ တိုက်ပွဲအတွင်း သာယာ၀တီခရိုင် စီမံအုပ်ချုပ်ရေးအဖွဲ့ဝင် ၁ ဒုတိယဗိုလ်မှူးကြီး ဇော်မျိုးဝင်း…

ပြည်သူက ဒေါ်အောင်ဆန်းစုကြည်ကို ချစ်လေ၊ စစ်ကောင်စီက မုန်းတီးလေဖြစ်ကြောင်း NUG ကာကွယ်ရေးဝန်ကြီး ပြောကြား (ရုပ်/သံ) ဇွန် ၁၈၊ ၂၀၂၅ ဇွန်လ ၁၉ ရက် မနက်ဖြန်မှာ ကျရောက်မယ့် ဒေါ်‌အောင်ဆန်းစုကြည် အသက် (၈၀) ပြည့်မွေးနေ့ဆုတောင်းမှာ ပြည်သူက ဒေါ်အောင်ဆန်းစုကြည်ကို ချစ်လေ၊ စစ်ကောင်စီက မုန်းတီးလေဖြစ်ကြောင်း NUG ကာကွယ်ရေးဝန်ကြီး ဦးရည်မွန်က ထည့်သွင်းပြောကြားခဲ့ပါတယ်။ “မေတ္တာဆိုတာ အသွားအပြန် ရှိတယ်ဆိုတဲ့ စကားလိုပဲ။ ဒေါ်အောင်ဆန်းစုကြည်ရဲ့ ပြည်သူအပေါ်ထားတဲ့ မေတ္တာကို ပြည်သူက တုန့်ပြန် ရောင်ပြန်ဟပ်ခဲ့တာပဲ ဖြစ်ပါတယ်။ မနာလို ဝန်တိုစိတ် အင်မတန်ကြီးပြီး ပြည်သူကို ရန်သူလို မှတ်ယူလေ့ရှိတဲ့ စစ်အုပ်စုကတော့ ပြည်သူက ဒေါ်အောင်ဆန်းစုကြည်ကို ချစ်လေ သူတို့က ဒေါ်အောင်ဆန်းစုကြည်ကို မုန်းတီးလေ ဖြစ်ပါတယ်”လို့…

ရန်ကုန်-ပြည် လမ်းပိုင်းတွင် ဆိုင်ကယ်ဖြင့် ကင်းလှည့်လာသည့် ရဲများကို မိုင်းဆွဲ တိုက်ခိုက်မှု ရဲ ၂ ဦးသေဆုံး ရန်ကုန်၊ ဇွန် ၁၈ ပဲခူးတိုင်း၊ မင်းလှမြို့နယ်၊ ရန်ကုန်-ပြည် လမ်းပိုင်းတွင် ဆိုင်ကယ်ဖြင့် ကင်းလှည့်လာသည့် ရဲများကို မိုင်းဆွဲ တိုက်ခိုက်ရာ ရဲ ၂ ဦးသေဆုံးခဲ့ကြောင်း ဒေသတွင်း သတင်းရင်းမြစ်များက ရန်ကုန်ခေတ်သစ် သတင်းဌာနထံသို့ ပြောဆိုသည်။ ယနေ့ ဇွန်လ ၁၈ ရက်နေ့ နံနက် ၁၁ နာရီခန့်တွင် မင်းလှမြို့နယ်၊ ဂင်ဒိတ်ကုန်းရွာ အဝင် ဆိုင်းဘုတ်အနီးရှိ ရန်ကုန်-ပြည် လမ်းပိုင်းတွင် ဆိုင်ကယ်ဖြင့် ကင်းလှည့်လာသော ရဲ များကို တော်လှန်ရေး တပ်ဖွဲ့များက မိုင်းဆွဲ တိုက်ခိုက်ခဲ့ကြောင်း သိရသည်။ ယင်း မိုင်းဆွဲ တိုက်ခိုက်မှုအတွင်း…

မန္တလေးမှာ ငလျင်လှုပ်ပြီး နှစ်လခွဲကျော်ကြာတဲ့အထိ ရေမီတာများ ပြတ်တောက်နေ ဇွန်၁၈၊၂၀၂၅။မေရီ/People’s Spring မန္တလေးမှာ ငလျင်ကြီးလှုပ်ခတ်ပြီးနှစ်လခွဲကျော်ကြာတဲ့အထိရပ်ကွက်တချို့မှာရေမီတာများပြတ်တောက်နေဆဲဖြစ်ကြောင်းမြို့ခံ​တွေကပြောပါတယ်။ မတ်လ (၂၈)ရက်နေ့က ငလျင်ကြီးလှုပ်ခတ်ပြီးနောက် မန္တလေးမြို့ပေါ် နေရာတချို့က ရေမီတာစနစ်နဲ့ပေးဝေနေတဲ့ရေပိုက်လိုင်းများ ကြိုးပဲ့ပျက်စီးခဲ့ပြီး ရေပေးဝေရေးစနစ် ပြတ်တောက်ခဲ့ပါတယ်။ သို့သော် ယခုဇွန်လလယ်ရောက်ပြီးနှစ်လခွဲကျော်ကြာတဲ့အထိ ရေပိုက်လိုင်းတွေ လာရောက်ပြင်ဆင်ပေးတာမရှိလို့ ရေမီတာကနေ ရေလုံးဝမရဘဲ အခက်အခဲဖြစ်နေ​ကြောင်းမြို့ခံတချို့ကပြောပါတယ်။ “၂၈ ရက်နေ့ငလျင်လှုပ်ပြီးအချိန်ကတည်းက စိန် ပန်းမှာ ရေမီတာ ပြတ်တောက်သွားတာ။အခုအ ချိန်အထိလည်း မရသေးဘူး။”လို့မဟာအောင်မြေမြို့နယ်၊ စိန်ပန်းရပ်ကွက် ဒေသခံတဦးက ပြောပါတယ်။ အလားတူအောင်မြေသာစံမြို့နယ်ကရပ်ကွက်တ ချို့မှာလည်း ရေမီတာရေမရတဲ့အတွက် သောက်သုံးရေအခက်အခဲဖြစ်နေတယ်လို့ ဒေသခံတွေက ပြောပါတယ်။ လက်ရှိမှာတော့လျှပ်စစ်နဲ့တင်ပြီးသုံးတဲ့နေအိမ်တွေက ရေနဲ့ လူမှုကူညီရေးအသင်းတွေက လာဝေတဲ့ရေကို သုံးစွဲနေရတယ်လို့ ဒေသခံတွေက ပြောပါတယ်။ မန္တလေးမှာ မတ်လ(၂၈)ရက်နေ့က ငလျင်ကြီးလှုပ်ခတ်မှုကြောင့် လူရာချီသေဆုံးပြီး အဆောက်အဦး လေးထောင်ဝန်းကျင်…

ကော့ကရိတ်-အင်းကြီးလမ်းတွင် တိုက်ပွဲပြင်းထန်နေပြီး စစ်တပ်ဘက်မှ သေဆုံးမှုများပြား ရန်ကုန်၊ ဇွန် ၁၈ ကရင်ပြည်နယ်၊ ကျုံဒိုးမြို့နယ်၊ ကော့ကရိတ် – အင်းကြီးလမ်းပိုင်းတွင် တိုက်ပွဲပြင်းထန်နေပြီး စစ်သား ၂၀ ကျော် သေဆုံးထားကြောင်း တော်လှန်ရေး သတင်းရင်းမြစ်က ရန်ကုန် ခေတ်သစ်သတင်းဌာနထံသို့ ပြောကြားသည်။ ယနေ့ ဇွန်လ ၁၈ ရက်နေ့ နံနက် ၇ နာရီအချိန်မှ စတင်ပြီး ကျုံဒိုးမြို့နယ်၊ ၇ တိုင်၊ ရေပူပိုင်ရမုခ်ဝအနီးနှင့် အင်း ကြီး ရွာတို့ဘက်တွင် တိုက်ပွဲပြင်းထန်ခဲ့ရာ နံနက် ၉ နာရီအချိန်အထိ တိုက်ပွဲပြင်းထန်နေဆဲဖြစ်ပြီး စစ်သား ၂၀ ကျော်သေဆုံးကာ တိုက်ပွဲဖြစ်ပွားရာနေ ရာသို့ ကျုံဒိုးဘက်မှ လက်နက်ကြီးများဖြင့် ပစ်ခတ်တိုက်ခိုက်နေကြောင်း သိရသည်။ “၇ တိုင် ဘက်က ဒီမနက်…

ရွှေတိဂုံဘုရားပေါ် လူငယ်အများစုကို မသင်္ကာတာနဲ့ လိုက်ဖမ်းပြီး စစ်ဆေးနေ (DBA) ဇွန် – ၁၈ ဒီနေ့ ဇွန်လ၁၈ရက်နေ့ မနက်အစောပိုင်းကတည်းက ရွှေတိဂုံဘုရားမှာ အင်္ကျီအဖြူဝတ်နဲ့ ပန်းကိုင်လာတဲ့ သူတွေကို ချမ်းသာကြီးတန်ဆောင်းဆီ ဖမ်းခေါ်သွားပြီး စစ်ဆေးမေးမြန်းနေကြတယ်လို့ ဘုရားဖူးပြည်သူ တွေကပြောပါတယ်။ ဖမ်းဆီးစစ်ဆေးခံရသူများမှာ လူငယ်အများစု အစစ်ခံကြရတာဖြစ်ပြီး ဘုရားပေါ်မှာလည်း အရပ်ဝတ် တွေ အများကြီးနဲ့ စစ်ကောင်စီတပ်ဖွဲ့ဝင်တွေဖြန့်ထားကြပြီး အောင်မြေကို ဆုံမှတ်လုပ်ပြီး လှုပ်ရှားနေကြ ဖြတယ်လို့ သိရပါတယ်။ လူထုခေါင်းဆောင် ဒေါ်ဆောင်ဆန်းစုကြည် မွေ့နေ့မနက်ဖြန်တွင် ကျရောက်တော့မှာဖြစ်တဲ့အတွက် ပြည်သူတွေ လုပ်ဆောင်မှာကို စစ်ကောင်စီကထိတ်လန့်နေပြီး ပန်းပန်တဲ့သူတွေနဲ့ အဝတ်အပြာရောင် ဝတ်သူတွေကို ဖမ်းဆီးသွားမှာဖြစ်ပြီး လွတ်ငြိမ်းခွင့်မရဘဲ ထောင်၃နှစ်အထိချမှတ်မှာဖြစ်တယ်လို့ စစ်ကောင်စီဝါဒဖြန့်မီဒီယာတွေမှာ ဇွန်လ၁၇ရက်နေ့ထဲက ဖော်ပြနေတာဖြစ်ပါတယ်။ “မနက်ဖြန်ဒေါ်အောင်ဆန်းစုကြည်မွေးနေ့အတွက်ကြိုပြီးတင်းကြပ်နေကြပုံရ။ဒီနေ့လည်းသတင်းမှာအ ရင်၂၀၂၂ကရုံးထုတ်တဲ့ဗီဒီယိုတွေဖြန့်တယ်။ပြီးတော့နိုင်ငံခြားရောက်အနုပညာရှင်တွေကိုနိုင်ငံသားအဖြစ်ကဖျက်သိမ်းတဲ့ဖိုင်တွေတင်ပြီးထပ်ဖြန့်တယ်။ဒီတော့သူတို့ကပြည်သူတွေမွေးနေ့ပွဲမှာမပါနိုင်အောင်နည်းမျိုးစုံနဲ့ခြိမ်းခြောက်နေတာ။ပြည်တွင်းလွတ်မြောက်နယ်မြေကသူတွေကတော့ပျော်ရွှင်စွာပါနိုင်ကြမှာပါ။မနက်ဖြန်မြန်မာပြည်တွင်းမှာနေထိုင်သူတွေဘာလုပ်ပြနိုင်မလဲဆိုတာတော့မြင်ရမယ်ထင်ပါတယ်” လို့ ရန်ကုန်မြို့တွင် နေထိုင်သူတစ်ဦးကပြောပါတယ်။…

စစ်အာဏာရှင်ကို ဆန့်ကျင်တော်လှန်နေသော ရုပ်ရှင်သရုပ်ဆောင်၊ အဆိုတော်နှင့် အနုပညာရှင် ၁၃ ဦးကို စစ်ကောင်စီက နိုင်ငံသားအဖြစ်မှ ရပ်စဲ ရန်ကုန်၊ ဇွန် ၁၈ စစ်အာဏာရှင်ကို ဆန့်ကျင်တော်လှန်နေသော ရုပ်ရှင်သရုပ်ဆောင်၊ အဆိုတော်နှင့် အနုပညာရှင် ၁၃ ဦးကို စစ်ကောင်စီက နိုင်ငံ သားအဖြစ်မှ ရပ်စဲသော အမိန့်စာများကို စစ်တပ်၏ တယ်လီဂရမ်ချန်နယ်များမှတစ်ဆင့် ယနေ့ ဖြန့်ဝေ သတင်းထုတ် ပြန်သည်။ ယနေ့ နံနက် ၁၀ နာရီဝန်းကျင်မှစတင်၍ စစ်တပ်၏ တယ်လီဂရမ်ချန်နယ်များအားလုံးတွင် စစ်ကောင်စီကို ဆန့်ကျင်တော်လှန်ရင်း ပြည်ပနိုင်ငံများသို့ ရောက်ရှိနေသော ရုပ်ရှင်သရုပ်ဆောင်၊ အဆိုတော်နှင့် အနုပညာရှင် ၁၃ ဦးကို စစ်ကောင်စီက နိုင်ငံသားအဖြစ်မှ ရပ်စဲသည့် ထုတ်ပြန်ချက်များကို ဖြန့်ဝေလာခြင်းဖြစ်ကြောင်း၊ ယင်းထုတ်ပြန်ချက်တွင် မြန်မာနိုင်ငံ ၏ အကျိုးကို…