Category: News

မဘသများ၏ တောင်းဆိုမှုကြောင့် မင်းအောင်လှိုင်က ဘုန်းကြီးကျောင်းများအတွက် လိုင်စင်မဲ့ကားများကို မြို့နယ်သံဃာနာယကအဖွဲ့၏ ထောက်ခံချက်ဖြင့် ပြန်လည် စီးနင်းခွင့်ပြု ရန်ကုန်၊ ဇွန် ၁၁ အကြမ်းဖက် စစ်ကောင်စီက ဘုန်းကြီးကျောင်းနှင့်သံဃာတော်များအတွက် လိုင်စင်မဲ့ကားများကို မြို့နယ်သံဃာနာယကအဖွဲ့၏ ထောက်ခံချက်ဖြင့် ပြန်လည် စီးနင်းခွင့်ပြုလိုက်ပြီဖြစ်ကြောင်း ရန်ကုန်နှင့်မန္တလေးတိုင်းရှိ တိုက် အုပ်ဆရာတော်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။ ဇွန်လ ၁ ရက်နေ့မှစတင်၍ အကြမ်းဖက်စစ်ကောင်စီက တစ်နိုင်ငံလုံးတွင် လိုင်စင်မဲ့ကားနှင့် ဆိုင်ကယ်များကို ဖမ်းဆီးခဲ့ကြောင်း၊ ဘုန်းကြီးကျောင်းများနှင့် စာသင်တိုက်များမှာ သာသနာအမည်တပ်ထားသော လိုင်စင်မဲ့ကားများကို အရှိန်အဟုန်ဖြင့် ဖမ်းဆီးခဲ့ကြောင်း၊ သို့ရာတွင် အမျိုးဘာသာသာသနာစောင့်ရှောက်ရေးအဖွဲ့မှ ဘုန်းကြီးများက စစ်ခေါင်းဆောင် မင်းအောင်လှိုင်ထံသို့ အသနားခံစာတင်ပြကြရာ သက်ဆိုင်ရာမြို့နယ်သံဃာနာယကအဖွဲ့ များ၏ ထောက်ခံချက်ဖြင့် လိုင်စင်မဲ့ကားများကို ပြန်လည် စီးနင်းခွင့်ပြုလိုက်ခြင်းဖြစ်ကြောင်း သိရှိရသည်။ “သာသနာအမှတ်တံဆိပ်မှာ မြို့နယ်သံဃာနာယကအဖွဲ့ ထောက်ခံချက်ပါရမယ်၊…

မြန်မာ့လူ့အခွင့်အရေးကိစ္စရပ်များ နိုင်ငံရေးအရသရုပ်ဖော်နေမှုအပေါ် ကန့်ကွက်ဟု တရုတ် သံတမန်ဆို ဧရာဝတီ၊ ဇွန် ၁၁၊ ၂၀၂၅ မြန်မာနိုင်ငံ၏ လူ့အခွင့်အရေးဆိုင်ရာများကို နိုင်ငံရေးအရသရုပ်ဖော်ခြင်းအား ဆန့်ကျင်ပြီး ထိုသို့ ကိစ္စရပ်များအပေါ် လူထုဖိအားပေးသည့် အလေ့အထကိုလည်း ပယ်ချကြောင်း ယမန်နေ့တွင်ပြုလုပ်သော မြန်မာနိုင်ငံဆိုင်ရာ အထွေထွေညီလာခံ အလွတ်သဘောအစည်းအဝေး၌ ကုလသမဂ္ဂဆိုင်ရာ တရုတ်နိုင်ငံ၏ လက်ထောက် အမြဲတမ်း ကိုယ်စားလှယ် Sun Lei က ပြောသည်။ အဆိုပါ ကုလသမဂ္ဂအစည်းအဝေးကို အထွေထွေညီလာခံ ဆုံးဖြတ်ချက်အမှတ် ၇၉/၁၈၂ ဖြင့် ပြုလုပ်ခွင့်ရခဲ့ခြင်းဖြစ်သည်။ အိမ်နီးချင်းနိုင်ငံအနေဖြင့် တရုတ်နိုင်ငံသည် မြန်မာနိုင်ငံ၏အမျိုးသားရေးအခြေအနေနှင့် ကိုက်ညီသည့် ဖွံ့ဖြိုးတိုးတက်ရေး လမ်းကြောင်းကို လျှောက်ရာတွင် ပံ့ပိုးပေးပြီး ၎င်း၏ အချုပ်အခြာအာဏာ၊ လွတ်လပ်‌ရေး၊ နယ်မြေ တည်ငြိမ်အေးချမ်းရေးနှင့် ပြည်တွင်းနိုင်ငံရေး လုပ်ငန်းစဉ်များကို အရှိန်အဟုန်မြှင့်ဆောင်ရွက်သည်ကိုသာ အားပေးထောက်ခံသည်ဟု…

ရိုဟင်ဂျာများ နေရပ်ပြန်နိုင်ရေး ရခိုင်ပြည်နယ်တစ်ခုလုံးနီးပါးကို ထိန်းချုပ်ထားသည့် AA ပါဝင်ရန် အရေးကြီး ဟု အမေရိကန်က ကုလသမဂ္ဂတွင် ထုတ်ပြောလာ ရန်ကုန်၊ ဇွန် ၁၁ ဘင်္ဂလားဒေ့ရှ်တွင် ရောက်ရှိနေသော ရိုဟင်ဂျာ ဒုက္ခသည်များ အားလုံး နေရပ်ပြန်နိုင်ရေးအတွက် ရခိုင်ပြည်နယ် တစ်ခုလုံးနီးပါးကို ထိန်းချုပ်ထားသည့် အာရက္ခတပ်တော် AA အပါအဝင် ပါဝင်သင့် ပါဝင်ထိုက်သူ အားလုံး ပါဝင် ဆွေးနွေးရန် အရေးကြီးကြောင်း အမေရိကန်ပြည်ထောင်စုက ထုတ်ဖော်ပြောဆိုလိုက်သည်။ ဇွန်လ ၁၀ ရက်နေ့ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Julie Bishop ၏ ရှင်းလင်းတင်ပြချက်ကို ကြားနာသည့် ကုလသမဂ္ဂ အထွေထွေညီလာခံ၏ အလွတ်သဘော အစည်းအဝေးတွင် အမေရိကန်သံတမန် Jonathan Shrierက အထက်ပါအတိုင်း ပြောဆိုခဲ့ခြင်းဖြစ်သည်။…

ပေါက်ခေါင်း နှင့် ပေါင်းတည်မြို့နယ်တို့တွင် စစ်ကြောင်းထိုး မီးရှို့ဖျက်ဆီးနေသော အင်အား၁၀၀ ပါ စစ်တပ်ကို တိုက်ခိုက်မှု စစ်ကောင်စီတပ်ဖွဲ့ဝင် ၁၁ ဦးသေဆုံး၊ သေဆုံး စစ်သားများထံမှ လက်နက်ခဲယမ်းများနှင့်အတူ မူးယစ်ဆေးဝါးများ ဖမ်းဆီးရရှိ ရန်ကုန်၊ ဇွန် ၁၁ ပဲခူးတိုင်း၊ ပေါက်ခေါင်း နှင့် ပေါင်းတည်မြို့နယ်တို့တွင် စစ်ကြောင်းထိုး ရွာစဉ်လှည့်လည် မီးရှို့နေသော အင်အား ၁၀၀ ပါ စစ်တပ်ကို တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၁ ဦးသေဆုံးကြောင်း ပြည်သူ့ကာကွယ်ရေးတပ်မ တော်၊ ၃၆၀၁တပ်ရင်း၏ စစ်ထောက်လှမ်းရေးနှင့်သတင်းပြန်ကြားတာဝန်ခံ ရဲဘော် Shadow က ရန်ကုန်ခေတ် သစ်သတင်းဌာနထံသို့ ပြောဆိုသည်။ ဇွန်လ ၃ ရက်နေ့ နံနက် ၉ နာရီအချိန် ပေါက်ခေါင်းမြို့နယ်အပိုင် သိုက်ချောင်းရွာ၊ကွမ်းအုံစုရွာ၊ အိုင်စောက်ရွာ၊မြေနီကုန်း၊ သဖန်းကိုင်းရွာ၊ဒလမဲရွာ၊မရိုးကျွန်းရွာ၊ပြန်ချီတက်ရွာတို့ကို…

စစ်တွေမြို့နယ်၊ ကံ့ကော်ကျွန်းရွာ စစ်တပ်စခန်းကို AA ကစီးနင်းတိုက်ခိုက်မှု စစ်ကောင်စီဘက်မှ သေဆုံးထိခိုက် များပြား ရန်ကုန်၊ ဇွန် ၁၁ ရခိုင်ပြည်၊ စစ်တွေမြို့နယ် ကံ့ကော်ကျွန်းကျေးရွာတွင် အခြေချတပ်စွဲထားသော စစ်ကောင်စီ စစ်စခန်းကို အာရက္ခတပ်တော် AA က မေလ နောက်ဆုံးအပတ်အတွင်းမှာ ဝင်ရောက်စီးနင်း တိုက်ခိုက်ခဲ့ကြောင်း စစ်တွေသတင်းရင်းမြစ်က ပြောသည်။ စစ်ကောင်စီတပ်သားများ အလစ်အငိုက်ဖြစ်နေချိန်တွင် ညတွင်းချင်း AA က ဝင်ရောက်စီးနင်း တိုက်ခိုက်ခဲ့ကြောင်းနှင့် သံချပ်ကာ စစ်ကား ၂ စီးကိုလည်း မီးရှို့ဖျက်ဆီးပစ်ခဲ့ကြောင်း စစ်တွေသတင်းရင်းမြစ်က ပြောသည်။ “မေလ ကုန်နီး ဇွန်လ အစောပိုင်းရက်လောက်ကပေါ့ ရက်တော့ တိတိကျကျ မပြောဘူး။ မိုးအရမ်းရွာနေတဲ့အချိန်မှာ စစ်ကောင်စီတပ်သားတွေ အလစ်အငိုက်ဖြစ်နေတဲ့အချိန်မှာ ဝင်ရောက်တိုက်ခဲ့တာလို့ ပြောတယ်။ အဲရွာမှာရှိတဲ့ သံချပ်ကာ စစ်ကားနှစ်စီးကိုလည်း…

သုခဒဂုံ ပြည်သူ့အငှားအိမ်ရာအတွက် မဲနှိုက်ခွင့်ရမည့်မြို့နယ်နှင့် သက်ဆိုင်ရာဌာနအမည်စာရင်းများကို ကြေညာမည်ဖြစ်ပြီး လိမ်လည်မှုများသတိထားရန်လို ဧရာဝတီတိုင်းမ် ဇွန် ၁၀ ရက် ရန်ကုန်တိုင်း၊ ဒဂုံမြို့သစ်( တောင်ပိုင်း) မြို့နယ်ရှိ သုခဒဂုံပြည်သူ့အငှားအိမ်ရာ တိုက်လေးလုံးအတွက် မဲနှိုက်ခွင့်ရမည့် မြို့နယ်စာရင်းနှင့် သက်ဆိုင်ရာဌာန နာမည်စာရင်းကို ယနေ့ ဇွန် ၁၀ ရက်နေ့တွင် ကြေညာမည်ဖြစ်ကြောင်း စစ်ကောင်စီ၏ ဆောက်လုပ်ရေးဝန်ကြီးဌာနထံမှ သိရသည်။ သုခဒဂုံအိမ်ရာအတွင်း တိုက်ခန်းနှင့် ဆိုင်ခန်းများကိုဝယ်ယူခွင့်၊ ငှားရမ်းခွင့်ရမည်ဆိုကာ ပြောဆို လိမ်လည် နေသူများရှိသဖြင့် အများပြည်သူများ သတိထားရန်လိုအပ်ကြောင်း ထုတ်ပြန်သည်။ လက်ရှိသုခဒဂုံအိမ်ရာဝင်းအတွင်း ဈေးရုံဆောက်လုပ်ထားပြီး၊ ကျန်းမာရေးစောင့်ရှောက်မှုအတွက် ဆေးရုံ၊ ပညာသင်ကြားရန် စာသင်ကျောင်းများမရှိသေးကြောင်း ယင်းဝင်းနေထိုင်သူ အမျိုးသမီး တစ်ဦးထံမှ သိရသည်။ “ အရင်တုန်းကဘာမှမရှိဘူး။ အခုတော့ကားဝင်းတွေရှိတယ်။ G&G လို ဆိုင်တွေရှိတယ်။ လက်ဖက်ရည်ဆိုင်လည်းရှိပြီ။…

မင်းအောင်လှိုင်က စစ်ကိုင်းနှင့်မန္တလေးမြို့တို့သို့ လာရောက်သော်လည်း ငလျင် ဒဏ်သင့် ပြည်သူများအတွက် မည်သည့်အကူအညီမှ မပေးဘဲ ငွေကုန်ပေါက်များ ဖန်တီးသွားခဲ့ ရန်ကုန်၊ ဇွန် ၁၁ အကြမ်းဖက် စစ်ခေါင်းဆောင် မင်းအောင်လှိုင်က မတ်လ ၂၈ ရက်နေ့ ငလျင်ဒဏ်ခံခဲ့ရသော စစ်ကိုင်းနှင့်မန္တလေးမြို့တို့သို့ လာရောက်ခဲ့ပြန်သော်လည်း ငလျင်ကြောင့် နေအိမ်နှင့် စီးပွားရေးများ ဆုံးရှုံးသော ပြည်သူများအတွက် အကူအညီ ပေးခြင်းမရှိသေးကြောင်း ငလျင်ဘေးဒဏ်သင့် ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ ဇွန်လ ၁၀ ရက်နေ့တွင် အကြမ်းဖက် စစ်ခေါင်းဆောင် မင်းအောင်လှိုင်က စစ်ကိုင်းနှင့် မန္တလေးမြို့များသို့ သွားရောက် ငလျင်ဘေးသင့် ဘုရားများ ပြန်လည် ပြင်ဆင်ရေးကိစ္စရပ်များကို အဓိက ဦးစားပေးဆောင်ရွက်ကာ ပြန်လည်ထွက်ခွာသွားခဲ့ကြောင်း သိရှိရသည်။ မန္တလေးနှင့် စစ်ကိုင်းမြို့တို့တွင် မင်းအောင်လှိုင် လာရောက်မည်ဖြစ်၍…

လူထုခေါင်းဆောင် ဒေါ်အောင်ဆန်းစုကြည် လွတ်မြောက်ရေး ပြည်သူများ ဆုတောင်းမေတ္တာပို့၍ Happy Birthday SUU Video Challenge တွင် ပူးပါင်း ပါဝင်ရန် NLD ပါတီ တိုက်တွန်း ရန်ကုန်၊ ဇွန် ၁၀ မတရား အကျဉ်းကျခံနေရသော လူထုခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် ဇွန်လ ၁၉ ရက်နေ့တွင် ကျရောက်မည့် ဒေါ်အောင်ဆန်းစုကြည် မွေးနေ့၌ ပြည်သူအများက ဆုတောင်းမေတ္တာပို့သခြင်းနှင့် Happy Birthday SUU Video Challenge တွင် ပူးပေါင်းပါဝင်ကြရန် အမျိုးသားဒီမိုကရေစီအဖွဲ့ချုပ် – NLD က ပြည်သူများကို မေတ္တာရပ်ခံတိုက်တွန်းလိုက်သည်။ ဆုတောင်းမေတ္တာပို့ခြင်းကို ဒေါ်အောင်ဆန်းစုကြည်၏ နှစ် ၈၀ ပြည့်မွေးနေ့ဖြစ်သော ၂၀၂၅ ခုနှစ် ဇွန်လ ၁၉ ရက်နေ့…

ဖားကန့်မြို့နယ်၊ လုံးခင်းကျေးရွာအုပ်စုကို ရောက်ရှိနေသော စစ်တပ်ကို ၂ ရက်ဆက် တိုက်ခိုက်မှု စစ်ကောင်စီ တပ်သား ၂၀ ဦးထက်မနည်းသေဆုံး ရန်ကုန်၊ ဇွန် ၁၀ ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စုကို ရောက်ရှိနေသော အကြမ်းဖက် စစ်တပ်ကို ၂ ရက်ဆက် တိုက်ခိုက်ရာ စစ်ကောင်စီ တပ်သား ၂၀ ဦးထက်မနည်းသေဆုံးခဲ့ကြောင်း KIA စစ်ရေး သတင်းရင်းမြစ်က ရန်ကုန် ခေတ်သစ်သတင်းဌာနထံသို့ ပြောဆိုသည်။ ယနေ့ ဇွန်လ ၁၀ ရက်နေ့တွင် ဖားကန့်မြို့နယ်၊ လုံးခင်းကျေးရွာအုပ်စုရှိ မှော်ဆီဇာ ဘုရားကုန်း၌ တပ်စွဲထားသော အကြမ်းဖက် စစ်ကောင်စီ တပ်သားများသည် မှော်ဆီဇာ၊ သာယာကုန်း၊ လုံးခင်းသုဿန်၊ လုံးခင်းဆေးရုံ နှင့် လုံခင်းကျေးရွာတို့အတွင်းကို လက်နက်ကြီးများဖြင့် ပစ်ခတ်ကာ စစ်ကြောင်းထိုးလာသောကြောင့် KIA…

ထိုင်း -မြန်မာနယ်စပ်ရှိ ဗောဓိ စခန်း (ခေါ်) ပွိုင့် ၂၅၆၆ စခန်းကို သိမ်းပိုက်ရရှိပြီး ထားဝယ်ခရိုင်အတွင်း ထိုင်း-မြန်မာနယ်စပ်တစ်လျှောက်လုံးကို KNU က ထိန်းချုပ်ထား ရန်ကုန်၊ ဇွန် ၁၀ တနင်္သာရီတိုင်း၊ ထားဝယ်ခရိုင် ၊ ထိုင်း -မြန်မာနယ်စပ်ရှိ ပွိုင့် ၂၅၆၆ စစ်တပ်စခန်းကို သိမ်းပိုက်ရရှိခဲ့ ကြောင်း KNU မြိတ်-ထားဝယ်ခရိုင် သတင်းနှင့်ပြန်ကြားရေးဌာနက ထုတ်ပြန်သည်။ ယနေ့ ဇွန်လ ၁၀ ရက်နေ့လည်ပိုင်းတွင် ထိုင်း-မြန်မာနယ်စပ်ရှိ (အမို နယ်စပ် (သို့) ပွိုင့် ၂၅၆၆ တွင် ရှိသော စစ်ကောင်စီ၏ ရှေ့တန်းစစ် စခန်းကို KNLA ဦးဆောင်သော တပ်ဖွဲ့များက သိမ်းပိုက်ရရှိခဲ့ ခြင်းဖြစ်ကြောင်း၊ ယင်းတပ်စခန်းကို ဇွန်လ ၈ ရက်နေ့ကတည်းက…