Author: admin

မင်းအောင်လှိုင် တရုတ်ခရီးစဥ် နေပြည်တော်လေဆိပ်၌ ဗုံးကွဲမှု ဘယ်သူ့လက်ချက်လဲ သျှမ်းသံတော်ဆင့်၊ ၂၀၂၄ နိုဝင်ဘာ ၅ ရက် စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် နေပြည်တော်လေဆိပ်မှ တရုတ်နိုင်ငံသို့ ထွက်ခွာသည့် ယနေ့ (နိုဝင်ဘာလ ၅ ရက်) နံနက်ပိုင်းတွင် လေဆိပ်အတွင်း ဗုံးပေါက်ကွဲမှု ဖြစ်ပွားခဲ့ကြောင်း စစ်ရေးသတင်းရင်းမြစ်က အတည်ပြုသည်။ တရုတ်နိုင်ငံတွင် မနက်ဖြန် ကျင်းပမည့် မဟာမဲခေါင်နှင့် ဆက်စပ် အစည်းအဝေးများ တက်ရောက်ရန် ယနေ့ နံနက် ၈ နာရီတွင် စစ်ခေါင်းဆောင် မင်းအောင်လှိုင်နှင့် စစ်ဝန်ကြီးများအဖွဲ့ နေပြည်တော် အပြည်ပြည်ဆိုင်ရာ လေဆိပ် အတွင်းရှိ စစ်တပ် လေဆိပ် ဘက်မှ MAI အထူး လေယာဥ်နှင့် ထွက်ခွာပြီးနောက် မိနစ် ၂၀ ခန့် အကြာတွင်…

ကန့်ဘလူ၊ ကာဘိုးရွာ အထိုင်စခန်းမှ စစ်ကောင်စီ တပ်သားများက အနီးအနားကျေးရွာများမှ ပြည်သူ ၁၀၀ နီးပါးကို ပေါ်တာဆွဲ ဖမ်းဆီး ရန်ကုန်၊ နိုဝင်ဘာ ၅ စစ်ကိုင်းတိုင်း၊ ကန့်ဘလူမြို့နယ်၊ ကာဘိုးရွာ အထိုင်စခန်းမှ အကြမ်းဖက် စစ်ကောင်စီ တပ်သားများက အနီးအနားကျေးရွာများမှ ပြည်သူ ၁၀၀ နီးပါးကို ပေါ်တာဆွဲ ဖမ်းဆီးခဲ့ကြောင်း ဒေသတွင်း စစ်ရေးသတင်းရင်းမြစ်များက ရန်ကုန်ခေတ်သစ် မီဒီယာသို့ ပြောဆိုသည်။ အောက်တိုဘာလ ၃၀ ရက်နေ့မှ စတင်၍ ကာဘိုးရွာ အထိုင်စခန်းမှ အကြမ်းဖက် စစ်ကောင်စီ တပ်သားများသည် ကျီစုရွာ၊ ကျောက်တိုင်ရွာနှင့် အိုင်ပေါင်းချာရွာတို့ကို ဝင်ရောက် စီးနင်းခဲ့ပြီး ကျီစုရွာနှင့် ကျောက်တိုင်ရွာမှ နေအိမ် ၇၀၀ ခန့်ကို မီးရှို့ဖျက်ဆီးခဲ့ကြောင်း သိရသည်။ ယင်း အကြမ်းဖက်…

ကားလောကရဲ့ ဒိတ်ဒိတ်ကြဲ လူငယ်စီးပွားရေးလုပ်ငန်းရှင် ကိုကြည်သာဟန် ဖမ်းဆီးထိန်းသိမ်းခံရ နိုဝင်ဘာ ၅ – ၂ဝ၂၄ KKO(VOM) ကားလောကရဲ့ ဒိတ်ဒိတ်ကြဲ လူငယ်စီးပွားရေးလုပ်ငန်းရှင်တယောက်ဖြစ်သူ ကိုကြည်သာဟန် ဖမ်းဆီးထိန်းသိမ်းခံရတာ ဟုတ်မှန်တယ်လို့ သူနဲ့ နီးစပ်တဲ့ကားလုပ်ငန်းရှင်အသိုင်းအဝိုင်းက လုပ်ငန်းရှင်တယောက်က အတည်ပြုပြောကြားလိုက်ပြီး မည့်သည့် အတွက်ကြောင့် အခုလိုဖမ်းဆီးထိန်းသိမ်းခံထားရသည်ဆိုတာကိုတော့ တိတိကျကျ မသိရသေးဘူးလို့ သူက ဆိုပါတယ်။ “ကိုကြည်သာဟန်အဖမ်းခံရတယ်ဆိုတဲ့ သတင်းတွေထွက်လာတော့ သူတပည့်တွေကို ဖုန်းဆက်မေးကြည့်တဲ့အခါမှာ သူတပည့်တွေကလည်းဒါနဲ့ပတ်သက်လို့ဟုတ်မှန်ကြောင်းပြောပါတယ်။သူတပည့်တွေကလည်း အတော်လေးစိတ်မကောင်းဖြစ်နေတယ်၊ဝမ်းနည်းကြောင်းပဲပြောတယ်၊ဦးတို့ အခုသိရသလောက်က‌တော့ သူ့ကိုစစ်ကြောရေးတခုမှာစစ်နေတယ်လို့ကြားတယ်၊ ဘယ်စစ်ကြောရေးမှာလဲဆိုတာကိုတော့မသိဘူးပေါ့နော်၊အဲ့လိုလေးတော့လောလောဆယ်မှာသိတယ်၊ကြားရတယ်”လို့ ပြည်တွင်းရှိ အမည်မဖော်လိုသူ ကားလုပ်ငန်းရှင်တယောက်က VOM ကို ပြောပါတယ်။ ကိုကြည်သာဟန် ဖမ်းဆီးထိန်းသိမ်းခံရတာဟာ EV လျှပ်စစ်ကားတင်သွင်းရောင်းချမှုမှာဈေးကစားတာကြောင့်ဖြစ်နိုင်တယ်လို့ ကားအသိုင်းအဝိုင်းက လုပ်ငန်းရှင်အချို့က သုံးသပ်ထားသလို ပြင်ပမှာထွက်ပေါ်နေတဲ့ သုံးသပ်ပြောဆိုမှုတွေအရ မကြာသေးမီက ဖမ်းဆီးထိန်းခြင်းကို ခံခဲ့ရတဲ့ ဒေါက်တာနေစိုးမောင်အမှုနဲ့…

စစ်ခေါင်းဆောင် တရုတ်နိုင်ငံ ထွက်ခွာချိန် နေပြည်တော်လေဆိပ်မှာ ဗုံးကွဲ ~~~ ■ စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် နေပြည်တော်လေဆိပ်ကနေ ထွက်ခွာတဲ့ နိုဝင်ဘာလ ၅ ရက်နေ့ မနက်ပိုင်းမှာပဲ လေဆိပ်ပြေးလမ်းအနီး ဗုံးပေါက်ကွဲခဲ့တယ်လို့ ဒေသခံတွေက ပြောပါတယ်။ ဗိုလ်ချုပ်မှူးကြီး မင်းအောင်လှိုင်ဟာ နိုဝင်ဘာလ ၅ ရက်နေ့ မနက်ပိုင်းမှာ နေပြည်တော် အပြည်ပြည်ဆိုင်ရာလေဆိပ်ရဲ့ တပ်မတော်လေဆိပ်ဘက်ခြမ်းကနေ MAI လေကြောင်းလိုင်းနဲ့ ထွက်ခွာခဲ့တာဖြစ်ပြီး နိုဝင်ဘာလ ၅ ရက်နေ့ မနက် ၈ နာရီခွဲခန့်မှာတော့ လေယာဉ်ကွင်းဘက်ကနေ ပေါက်ကွဲသံကျယ် ကြားခဲ့ရတာ ဖြစ်ပါတယ်။ စစ်တပ်ထောက်ခံရေးသားနေတဲ့ တယ်လီဂရမ်ချန်နယ်တွေမှာတော့ နိုဝင်ဘာလ ၅ ရက်နေ့ မနက် ၈ နာရီ ၂၀ အချိန်မှာ နေပြည်တော် လေယာဉ်ကွင်း လေယာဉ်ပြေးလမ်းနဲ့…

တရုတ် – မြန်မာနယ်စပ် ကန်ဖန့်ဒေသမှ ပြည်သူ့စစ်နှင့် BGFများ KIAနှင့် ပူးပေါင်း “အဲဒီဘက်မှာ တိုက်ပွဲလည်းမရှိပါဘူး။ သေနတ်ဖောက်သံတွေလည်းမရှိပါဘူး။အားလုံး ကျနော်တို့ တိုင်းရင်းသား ညီအကိုအချင်းချင်းဆိုတော့ အားလုံးက အမြင်မှန်ရပြီးတော့ ပူးပေါင်းသွားတာဖြစ်ပါတယ်” – ဗိုလ်မှူးကြီးနော်ဘူ ဟန်နွေ/People’s Spring တရုတ် – မြန်မာနယ်စပ်ရှိ ကန်ဖန့်ဒေသမှ စစ်ကောင်စီလက်အောက်ခံ ပြည်သူ့စစ်နှင့် နယ်ခြားစောင့်တပ်(BGF)များ ကချင်လွတ်လပ်ရေးတပ်မတော်(KIA) ပူးပေါင်းတပ်ထံ ပူးပေါင်းခဲ့ကြောင်း KIA သတင်းပြန်ကြားရေးဌာန တာဝန်ခံဗိုလ်မှူးကြီးနော်ဘူက ပြောသည်။ နိုဝင်ဘာ ၄ရက်တွင် နယ်စပ်မြို့ဖြစ်သောဖီမော၏ အရှေ့မြောက်ဘက် ကန်ဖန့်ကျေးရွာကို KIA ပူးပေါင်းတပ်က သိမ်းပိုက်လိုက်ပြီး ဒေသခံ ပြည်သူလူထူများက KIA တပ်ဖွဲ့များဝင်ရောက်လာခြင်းအား ကြိုဆိုသည့် သတင်းများအပေါ် ဗိုလ်မှူးကြီးနော်ဘူက ယခုကဲ့သို့ ပြောကြားခြင်းဖြစ်သည်။ “ကန်ဖန့်မှာကတော့ ပြည်သူလူထုတွေ အားလုံးကတော့…

ဝါးခယ်မတွင် ပြည်သူ့စစ်မှုထမ်းရန် အကျုံးဝင်သည့် လူငယ်များကို အုပ်ချုပ်ရေးမှူးနှင့်အဖွဲ့က အချိုးကျ ငွေတောင်း ဧရာဝတီတိုင်းမ် နိုဝင်ဘာ ၄ ရက် ဧရာတတီတိုင်း၊ ဝါးခယ်မမြို့နယ်၊ ကလကျေးရွာအုပ်စုတွင် ပြည်သူ့စစ်မှုထမ်းအကျုံးဝင်သည့် လူငယ်များကို စစ်ကောင်စီခန့် ရပ်ကျေး အုပ်ချုပ်ရေးမှူးနှင့်အဖွဲ့က အချိုးကျ ‌ငွေတောင်းယူနေကြောင်း ဒေသခံများထံကသိရသည်။ စစ်ကောင်စီ၏ စစ်မှုထမ်းရန် အကျုံးဝင်သူ အသက် ၁၈ နှစ်မှ အသက် ၃၅နှစ်အတွင်းရှိသည့် နေအိမ်တစ်အိမ်လျှင် တစ်ဦးရှိက တစ်သိန်းကျပ်နှင့် နှစ်ဦးရှိလျှင် တစ်သိန်းခွဲကျပ်အထိ တောင်းယူ သည်ဟု ‌ဒေသခံများကပြောသည်။ ”အခုလိုကာလမှာ ကျွန်တော်တို့တွေက လက်လုပ်လက်စားအများစုဆိုတော့ ဒီ‌ငွေတွေ မတတ်နိုင် ပါဘူး။ တချို့ရွာတွေက တစ်အိမ်မှာ လူငယ်ဘယ်လောက်ရှိရှိ ငါးသောင်းလောက်ပဲထည့်ရတယ်။ စစ်တပ်နဲ့ပတ်သက်တဲ့ အုပ်ကြီးတွေ၊ ရာအိမ်မှူးတွေ တော်တော်လေးကို ဆိုးပါတယ်” ဟု ဒေသခံ…

ရန်ကုန်တစ်တိုင်းလုံး တစ်ရက် ရှစ်နာရီမီးဖြတ်မည် သတိုး/People’s Spring ရန်ကုန်တိုင်းအတွင်းရှိ ခရိုင်လေးခုစလုံးကို နိုဝင်ဘာ ၅ ရက်ကစတင်၍ တစ်ရက်လျှင် နှစ်ကြိမ်မီးပြတ်ပြီး ရှစ်နာရီ မီးဖြတ်မည်ဖြစ်ကြောင်း လျှပ်စစ်မန်နေဂျာရုံးများကကြေညာသည်။ “တစ်ရက်လျှင် အနည်းဆုံး နှစ်ကြိမ်ပြတ်၍ တစ်ကြိမ်လျှင် လေးနာရီကြာပြီး တစ်ရက်လျှင် ရှစ်နာရီ မီးပြတ်ပါမည်။” ဟု လျှပ်စစ်ဝန်ထမ်းတစ်ဦးက ပြောသည်။ ယင်းအစီအစဉ်ကို ရန်ကုန်တစ်တိုင်းလုံး နိုဝင်ဘာ ၅ ရက်တွင်စတင်မည်ဖြစ်ပြီး စက်တင်ဘာ ၂၈ ရက်ကတည်းက အရှေ့ပိုင်း၊ တောင်ပိုင်း နှင့် မြောက်ပိုင်း ခရိုင်သုံးခုတွင် ယင်းစနစ်ကို ပြုလုပ်နေခြင်းဖြစ်ကာ ယခုတစ်ကြိမ်တွင် အနောက်ပိုင်းခရိုင်ကိုပါ ထည့်သွင်းလာခြင်းဖြစ်သည်။ စက်တင်ဘာ ၂၈ရက်တွင် ပြောင်းလဲခဲ့သည့် မီးပေးသည့်စနစ်တွင် နံနက် ၅ နာရီမှ ၉ နာရီတစ်ချိန်တိုးခဲ့ခြင်းဖြစ်ပြီး ယင်းအချိန်မီးဖြတ်ခြင်းသည် အလုပ်သွားလာရသူများအတွက်…

အကြမ်းဖက် မင်းအောင်လှိုင် ယနေ့ နံနက်ပိုင်း MAI အထူးလေယာဉ်ဖြင့် တရုတ်နိုင်ငံ၊ ကူမင်းမြို့သို့ ထွက်ခွာ၊ မဲခေါင်အစည်းအဝေးတက်ရောက်ပြီး ချောင်ချင်းနှင့် ရှန်ကျန်းမြို့များသို့ လည်ပတ်မည် ရန်ကုန်၊ နိုဝင်ဘာ ၅ အကြမ်းဖက်စစ်ခေါင်းဆောင် မင်းအောင်လှိုင်သည် ယနေ့ နိုဝင်ဘာလ ၅ ရက်နေ့ နံနက် ၆ နာရီ ၃၀ မိနစ်ဝန်းကျင်အချိန် MAI အထူးလေယာဉ်ဖြစ်သော Airbus 319 -XYALK ဖြင့် တရုတ်နိုင်ငံ၊ ကူမင်းမြို့သို့ ထွက်ခွာသွားပြီဖြစ်ကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။ အကြမ်းဖက် မင်းအောင်လှိုင်သည် တရုတ်ဝန်ကြီးချုပ် Li Qiang ၏ ဖိတ် ကြားချက်ဖြင့် နိုဝင် ဘာလ ၆ ရက်နေ့မှ နိုဝင်ဘာလ ၇ ရက်နေ့ အထိ ကူမင်းတွင်…

တရုတ် – မြန်မာနယ်စပ် ပြည်သူ့စစ်အ‌ခြေစိုက် ကန်ဖန့်ရွာအား KIA ပူးပေါင်းတပ်သိမ်းပိုက်မှု ပြည်သူ့စစ် ၁၀၀ကျော် လက်နက်ချ ◾️ဒေသခံ ပြည်သူများက မခုခံခိုင်း၍ ပြည်သူ့စစ်များ လက်နက်ချခြင်းဖြစ်ပြီး လက်နက် ၁၀၀ကျော်ရဟု စစ်ရေးသတင်းရင်းမြစ်ပြော၊ ဒေသခံပြည်သူများက KIA တပ်ဖွဲ့အား ကြိုဆို ဟန်နွေ/People’s Spring တရုတ် – မြန်မာနယ်စပ် ကချင်အထူးဒေသ(၁) ဖီမော်မြို့ အရှေ့မြောက်ဘက်ရှိ ကန်ဖန့်ရွာ အခြေစိုက် ပြည်သူ့စစ်စခန်းအပါအဝင် ကန်ဖန့်ရွာအား ကချင်လွတ်လပ်ရေးတပ်မတော်(KIA) ပူးပေါင်းတပ်ဖွဲ့က ယနေ့ (နိုဝင်ဘာ ၄ရက်)တွင် သိမ်းပိုက်ရရှိခဲ့သည်ဟု ကချင်စစ်ရေးသတင်းရင်းမြစ်က ပြောသည်။ ကချင်အထူးဒေသ(၁)နယ်မြေတွင် KIAသိမ်းပိုက်ရန် ဒေသ အချို့သာ ကျန်ရှိရာ ကန်ဖန့်ရွာကို နိုဝင်ဘာ ၄ရက် ညနေပိုင်း၌ KIA တပ်ဖွဲ့များ ဝင်ရောက် သိမ်းပိုက်လိုက်ခြင်းဖြစ်သည်။…

Loikaw Local PDF တည်ထောင်ခြင်း ၁ နှစ်ပြည့်မှာ ရဲဘော်တွေအတွက် လက်နက်ခဲယမ်းနဲ့ အကာအကွယ်ပစ္စည်းတွေတပ်ဆင်ပေး (ရုပ်/သံ) နိုဝင်ဘာ ၄၊ ၂၀၂၄ Loikaw Local PDF ဖွဲ့စည်းတည်ထောင်ခြင်း ၁ နှစ်ပြည့် အထိမ်းအမှတ်အခမ်းအနားကို အောက်တိုဘာ ၃၁ ရက်က ကျင်းပပြုလုပ်ခဲ့ပြီး ရဲဘော်တွေအတွက် လက်နက်ခဲယမ်းနဲ့ အကာအကွယ်ပစ္စည်းတွေ တပ်ဆင်ပေးခဲ့တယ်လို့ သိရပါတယ်။ Loikaw Local PDF (လွိုင်ကော်မြို့နယ်ဒေသခံပြည်သူ့ကာကွယ်ရေးတပ်ဖွဲ့) ကို Karenni Revolution Union (KRU) ကရင်နီတော်လှန်ရေးတပ်ပေါင်းစုကနေ တဆင့် ပြောင်းလဲဖွဲ့စည်းတည်ထောင်ခဲ့တာဖြစ်ပြီး အဲ့လိုပြောင်းလဲတည်ထောင်ခဲ့ခြင်း တစ်နှစ်ပြည့်မြောက်ခဲ့တာလည်း ဖြစ်ပါတယ်။ လွိုင်ကော်မြို့ဒေသခံအများစုနဲ့ ဖွဲ့စည်းတည်ထောင်ခဲ့တဲ့ Loikaw Local PDF ဟာ တိုက်ပွဲပေါင်း ၁၅၀ ကျော် တိုက်ခိုက်ခဲ့ကာ ရဲဘော်…