Author: admin

မြိုင်တွင် ပျူစောထီးနှစ်ဦးက ရဲတစ်ဦးအား ပစ်သတ်ပြီး အလင်းဝင်လာ ဟာနာဆန်/People’s Spring မကွေးတိုင်း၊ မြိုင်မြို့နယ်တွင် ရဲတပ်သားတစ်ဦးအား ပစ်သတ်ပြီး သေနတ်နှစ်လက်ယူဆောင် ထွက်ပြေးလာသည့် ပျူစောထီးနှစ်ဦး အလင်းဝင်လာကြောင်း မြိုင်မြို့နယ်ပြည်သူ့ကာကွယ်ရေးအဖွဲ့ခေါင်းဆောင် ကိုလက်ယျာက ပြောသည်။ စက်တင်ဘာ ၁၂ ရက်က မြိုင်မြို့ပေါ်ရှိ စစ်ကောင်စီတပ်မှ ပျူစောထီးအဖွဲ့ဝင်နှစ်ဦးဖြစ်သော ညီညီထွန်းနှင့် ဝေယံမင်းခန့်အောင် တို့သည် ရဲတပ်သား ယောကြီးဆိုသူကို ပစ်သတ် ပြီး G3 သေနတ်တစ်လက်၊ MA1 သေနတ်တစ် လက်နှင့်ကျည်များအား ယူဆောင်ကာ ထွက်ပြေးလာခဲ့ကြောင်း မြိုင်ပကဖခေါင်းဆောင် ကိုလက်ယျာက ပြောသည်။ “သူတို့က ပျူတွေ။ သူတို့ဖအေတွေက မြို့မှာပျူခေါင်းဆောင်။ သူ့အဖေထိန်လင်းဆိုတာ ရပ်ံကွက် (၁)က ပျူခေါင်းဆောင်။ နိုင်ငံရေး စပျက်တဲ့အချိန်မှာ ရွာမနေရဲလို့မြို့ကခွေးတွေနဲ့သွားပေါင်းနေတာ။ ဒီကလေးတွေက ဖုန်းမကိုင်ရ၊ဘာမကိုင်ရဆိုတော့ စိတ်ညစ်ပြီးတော့မှ…

သုံးခွတွင် စစ်မှုထမ်းရန် လိုက်ပါမည်ဟုဆိုကာ သိန်း ၈၀ ယူ၍ ဆိုင်ကယ်ဝယ်စီးပြီး လာခေါ်ချိန်တွင် ဆိုင်ကယ်ဖြင့် ထွက်ပြေး ဧရာဝတီတိုင်းမ် စက်တင်ဘာ ၂၄ ရက် ရန်ကုန်တိုင်း၊ သုံးခွမြို့နယ်တွင် စစ်မှုထမ်းဥပဒေဖြင့် သင်တန်းသားသစ်ခေါ်ယူရာတွင် စစ်သင်တန်း လိုက်မည်ဟု မိမိသဘောဆန္ဒအရ နာမည်စာရင်းပေး၍ စစ်ကောင်စီထံမှ သိန်း ၈၀ ရယူကာ လာခေါ်ချိန်တွင် ထွက်ပြေးသွားကြောင်း သိရသည်။ ယခုစက်တင်ဘာလအတွင်း စစ်ကောင်စီက စစ်မှု ထမ်းရန် သင်တန်းသားသစ်ခေါ်ယူရာ သုံးခွမြို့နယ်မှ ကျေးရွာသားတစ်ဦးသည် မိမိသဘောဆန္ဒဖြင့် နာမည်စာရင်းပေးပြီး ငွေကျပ် သိန်း ၈၀ ကိုရယူခဲ့ကြောင်း သိရသည်။ ထိုသို့ရယူပြီးနောက် တန်ကြေးအသင့်တင့်ရှိ ဆိုင်ကယ်ဝယ်စီး၍ ပိုသည့် ငွေများကိုယူကာ စစ်ကောင်စီက စစ်မှုထမ်းရန် လာရောက်ခေါ်ဆောင်ရာတွင် ဆိုင်ကယ်စီးပြီး ထွက်ပြေးသွားကြောင်း သိရသည်။ “သိန်း…

ကနီနှင့် မင်းကင်း မြို့နယ်အစပ်တွင် စစ်တပ်၏ ဖလက်ခွန် ရေယာဉ် ၉ စီးကို RPG ဖြင့် ပစ်ခတ် တိုက်ခိုက်မှု ၂ စီး မီးလောင် ပျက်စီး(ရုပ်/သံ) ရန်ကုန်၊ စက်တင်ဘာ ၂၄ စစ်ကိုင်းတိုင်း၊ ကနီမြို့နယ် နှင့် မင်းကင်း မြို့နယ် အစပ်တွင် အကြမ်းဖက် စစ်တပ်၏ ဖလက်ခွန် ရေယာဉ် ၉ စီးကို RPG ဖြင့် ပစ်ခတ် တိုက်ခိုက်ရာ ၂ စီး မီးလောင် ပျက်စီးခဲ့ကြောင်း မုံရွာခရိုင် အမှတ် ၃ တပ်ရင်း တာဝန်ခံ ကိုသစ်တော က ရန်ကုန်ခေတ်သစ် မီဒီယာသို့ ပြောဆိုသည်။ စက်တင်ဘာလ ၁၈ ရက်နေ့တွင် ချင်းတွင်းမြစ်ကြောင်း အတိုင်း ကနီမြို့နယ်…

ဒေါ်အောင်ဆန်းစုကြည်ကို ဗာတီကန်မှာခိုလှုံခွင့် ပုပ်ရဟန်းမင်းကြီး အဆိုပြု ~~~ ■ ပုပ်ရဟန်းမင်းကြီး ဖရန်စစ်က နိုဘယ်ဆုရှင် ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုလိုက်ပြီး ဗာတီကန်မှာ ခိုလှုံနေထိုင်ခွင့်အတွက် အဆိုပြုလိုက်ပါတယ်။ ပုပ်ရဟန်းမင်းကြီးရဲ့ ၁၂ ရက်ကြာ အရှေ့တောင်အာရှ ခရီးစဥ်အတွင်း သီးသန့် ဆွေးနွေးခဲ့တာဖြစ်တယ်လို့ ရိုက်တာသတင်းတစ်ပုဒ်မှာ ရေးသားပါတယ်။ “ဒေါ်အောင်ဆန်းစုကြည်ကိုလွှတ်ပေးပြီး သူ့သားနဲ့ ရောမမြို့မှာတွေ့ဆုံနိုင်ဖို့ တောင်းဆိုပါတယ်။ ဗာတီကန်မှာ လက်ခံထားဖို့လည်း အဆိုပြုထားတယ်”လို့ ပုပ်ရဟန်းမင်းကြီးက ဆွေးနွေးခဲ့တာပါ။ အသက် ၈၇ နှစ်ရှိပြီဖြစ်တဲ့ ပုပ်ရဟန်းမင်းကြီးဟာ မြန်မာနိုင်ငံကို ၂၀၁၇ ဒီဇင်ဘာလက လာရောက်ခဲ့တာ ဖြစ်ပါတယ်။ ပုပ်ရဟန်းမင်းကြီးရဲ့ တောင်းဆိုချက်နဲ့ပတ်သက်ပြီး ဒီနေ့ထုတ် အီတလီ နေ့စဥ်သတင်းစာတစ်စောင်မှာ ရောမမြို့အခြေစိုက် ဘရင်ဂျီ ဘုန်းတော်ကြီးတစ်ပါး ရေးသားတဲ့ဆောင်းပါးမှာ ဖော်ပြထားတာ ဖြစ်ပါတယ်။ အဲဒီဆောင်းပါးကို ပုပ်ရဟန်းမင်းကြီး…

အောင်လံမြို့ တွင် လောင်းကစားနေသည့် စစ်ကောင်စီခန့် အုပ် ချုပ်ရေးမှူး၊ ကြံ့ဖွတ်ပါတီဝင် မြင့်ဆွေနှင့် နောက်လိုက်တစ်ဦးတို့ ပစ်ခတ်ခံရပြီး သေဆုံး ရန်ကုန်၊ စက်တင်ဘာ ၂၄ မကွေးတိုင်း၊ အောင်လံမြို့၊ ရွာထောင်ရပ်ကွက်၊ အေးချမ်းဖြိုး ၁၉ လမ်းအတွင်းရှိ ပုံတူလောင်းကစားဝိုင်းတစ်ခုတွင် ကစားနေသည့် စစ် ကောင်စီခန့် အုပ်ချုပ် ရေးမှူးလည်းဖြစ်၊ ကြံ့ဖွတ်ပါတီဝင်လည်းဖြစ်သူ မြင့်ဆွေနှင့် နောက်လိုက်တစ်ဦးတို့ ပစ်ခတ်ခံရပြီး သေဆုံးသွားကြောင်း ဒေသနေပြည်သူများက ရန်ကုန်ခေတ်သစ်သတင်းဌာနထံသို့ ပြောကြားသည်။ ယနေ့ စက်တင်ဘာလ ၂၄ ရက် နံနက် ၁၀ နာရီအချိန် အောင်လံမြို့၊ ရွာထောင်ရပ်ကွက် အ တွင်းရှိ လောင်းကစားဝိုင်း၌ ပုံတူလောင်းကစားတစ်ခုကို ဝင်ရောက် လောင်းကစားနေသော အောင်လံမြို့နယ်၊ တလုပ်ပင်ကျေးရွာ၏ အုပ်ချုပ်ရေးမှူးမြင့်ဆွေနှင့် နောက် လိုက် ၁…

စစ်တပ်က နိုင်ကျဉ်းများကို ကြိုးပေးမည်ဆိုသည့် သတင်းများဖြင့် စိတ်ဓာတ်စစ်ဆင်ရေးများ ပြုလုပ်နေဟုဆို 24 Sep 2024 By Sayar Ngaat / MPA အကျဉ်းထောင်အတွင်းရှိ နိုင်ငံရေးအကျဉ်းသားများကို ကြိုးပေးမည်ဟူသော သတင်းများဖြင့် စစ်ကောင်စီတပ်က စိတ်ဓာတ်စစ်ဆင်ရေးများ ပြုလုပ်နေကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်မှ ဦးဆောင်ကော်မတီဝင် ကိုသိုက်ထွန်းဦးက ပြောသည်။ ပြီးခဲ့သည့် ၂၀၂၄ခုနှစ်၊ စက်တင်ဘာလ ၁၅ရက်မှ စတင်ကာ ကိုဂျင်မီ၊ ကိုဖြိုးဇေယျာသော်တို့၏အမှုတွဲတွင် ပါဝင်နေပြီး အင်းစိန်အကျဉ်းထောင်၌ အကျဉ်းကျခံနေရသည့် ကောင်းပြည့်စုံဦး၊ ကျော်ဝင်းစိုး၊ ဆန်းလင်းမောင်၊ ဇေယျာဖြိုးနှင့် မြတ်ဖြိုးပွင့်တို့ ငါးဦးကို စက်တင်ဘာ၂၄ ရက်တွင် ကြိုးပေးမည်ဆိုသည့် သတင်းများ ထွက်ပေါ်နေခြင်း ဖြစ်သည “ကြိုးပေးမယ်ဆိုတဲ့ သတင်းကလည်း မဟုတ်ပါဘူး။ ကောလာဟလတွေကို ရည်ရွယ်ချက်ရှိရှိ ဖြန့်နေတာပါ၊ ဒါဟာ…

ရေတာရှည်၊ ရွာသစ်ကျေးရွာအတွင်း တပ်စွဲထားသော စစ်တပ်စခန်းကို တိုက်ခိုက်မှု စစ်တပ်ဘက်မှ ထိခိုက်သေဆုံးမှုများရှိ (ရုပ်/သံ) ရန်ကုန်၊ စက်တင်ဘာ ၂၄ ပဲခူးတိုင်း၊ ရေတာရှည်မြို့နယ်၊ ရွာသစ်ကျေးရွာအတွင်း တပ်စွဲထားသော စစ်တပ်စခန်းကို တော်လှန်ရေးတပ်များက တိုက်ခိုက်ရာ စစ်တပ်ဘက်မှ ထိခိုက်သေဆုံးမှုများရှိကြောင်း တောင်ငူခရိုင် ပြည်သူ့ကာကွယ်ရေးတပ်မတော် တပ်ရင်း ၃၅၀၂ နှင့်နီးစပ်သော တော်လှန်ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ စက်တင်ဘာလ ၂၃ ရက်နေ့ နံနက် ၆ နာရီအချိန် စစ်တောင်းမြစ်ဝှမ်း – ရေတာရှည် ပူးပေါင်းစစ်ဆင်ရေး အဖြစ် ပဲခူးတိုင်း၊ ရေတာရှည်မြို့နယ်၊ ရွာသစ်ကျေးရွာအတွင်း အထိုင်ချတပ်စွဲနေထိုင်သော စစ်ကောင်စီတပ်များကို ပူးပေါင်းအဖွဲ့က ဒရုန်းဖြင့် ၇ ကြိမ် ကြဲချတိုက်ခိုက်ခြင်း၊ ၆၀ မမ ၄ လုံး ပစ်ခတ်တိုက်ခိုက်ခြင်း၊…

မန္တလေးတွင် အဆောက်အဦးဟောင်းပြိုကျပြီး လူ ၅ဦးဒဏ်ရာရ အင်ကြင်း/People’s Spring.. မန္တလေးမြို့တွင် ယနေ့နံနက်က အဆောက်အဦးဟောင်းပြိုကျပြီး လူ ၅ ဦး ထိခိုက်ဒဏ်ရာရရှိခဲ့သည်။ ယနေ့ စက်တင်ဘာ၂၄ရက် နံနက်၂နာရီခန့်က မန္တလေးမြို၊ အောင်မြေသာစံမြို့နယ်၊ အောင်မြေသာစံရပ်ကွက်၊ လမ်း၂၀၊ ၈၆လမ်းနှင့် ၈၇လမ်းကြားတွင် ၂ထပ် အဆောက်အဦးတစ်ခုပြိုကျခဲ့ရာ အမျိုးသား၂ဦး၊ အမျိုးသမီး၃ဦး စုစုပေါင်း ၅ ဦး ပိတ်မိခဲ့ကြောင်း ကယ်ဆယ်ရေးအဖွဲ့များက ပြောသည်။ ပိတ်မိသူများအား တစ်နာရီနီးပါး ကယ်ထုတ်ခဲ့ရပြီး အမျိုးသား တစ်ဦးနှင့် အမျိုးသမီးနှစ်ဦး အသက်အန္တရာယ်စိုးရိမ်ရသည်ဟု ကယ်ဆယ်ရေးအဖွဲ့များက ပြောသည်။ “လက်ရှိ လူနေအဆောက်ဦးအဟောင်းပြိုတာ။ အပေါ်ထပ်က ပြိုကျတာ။အဲတိုက်က နှစ်ပေါင်းများစွာကြာပြီ။အဲထဲနေထိုင်တဲ့အိမ်‌ေထာင်စုတွေကအများကြီး။”ဟု အဆိုပါရပ်ကွက်တွင် နေထိုင်သူတစ်ဦးက ပြောသည်။ ထိခိုက်ဒဏ်ရာရရှိသူများ၏ အသေးစိတ်အချက်အလက်များအား မသိရသေးပေ။ မကွေးတိုင်း၊ မင်းဘူးမြို့တွင်လည်း သြဂုတ်…

◼️ချင်းတွင်းမြစ်အတွင်း စကစ သင်္ဘောတွေကို ပစ်ခတ်တိုက်ခိုက်ရာ ထိခိုက်သေဆုံးမှုရှိ ၂၃ စက်တင်ဘာ ||| နွေဦးအသံ ||| စစ်ကိုင်းဒေသ၊ မုံရွာမြို့နယ်၊ အလုံဆိပ်ကမ်းမှ စုန်ဆင်းလာတဲ့ အကြမ်းဖက်စစ်ကောင်စီ သင်္ဘောတွေကို တော်လှန်ရေးတပ်ဖွဲ့တွေက စက်တင်ဘာ ၂၀ ရက်မှာ လက်နက်ကြီး/ငယ်တွေနဲ့ ပစ်ခတ်တိုက်ခိုက်ခဲ့ရာ ထိခိုက်သေဆုံးမှုတွေ ရှိတယ်လို့ သိရပါတယ်။ အလုံဆိပ်ကမ်းမှ ချင်းတွင်းမြစ်အတိုင်း စုန်ဆင်းလာတဲ့ စကစ ရဲ့ သင်္ဘောတွေကို လက်နက်ကြီး၊ လက်နက်ငယ်တွေနဲ့ ပစ်ခတ် တိုက်ခိုက်ခဲ့ရာ စကစတပ်ဖွဲ့ဝင်တွေ ထိခိုက်သေဆုံးမှုတွေ ရှိကြောင်း သိရတယ်လို့ ဖော်ပြထားပါတယ်။ Salingyi Revolution Force SRA ၊ ယင်းမာပင်ခရိုင် တပ်ရင်း ၉၊ IDIOTS COLUMN ၊ Black Tiger Attack Force…

◼️လားရှိုးမြို့ကို စစ်ကောင်စီက ပေါင် ၅၀၀ ဗုံး ၄ လုံး ထပ်မံကြဲချတိုက်ခိုက်ရာ ပြည်သူ ၁ ဦးသေဆုံးပြီး ၁၅ ဦးထိခိုက်ဒဏ်ရာရ ၂၄ စက်တင်ဘာ ||| နွေဦးအသံ ||| ရှမ်းပြည်နယ်မြောက်ပိုင်း၊ လားရှိုးမြို့ကို အကြမ်းဖက်စစ်ကောင်စီက စက်တင်ဘာ ၂၄ ရက်၊ မနက် ၁ နာရီခွဲခန့်မှာ ပေါင် ၅၀၀ ဗုံး ၂ လုံးနဲ့ မနက် ၄ နာရီခန့်မှာ ပေါင် ၅၀၀ ဗုံး ၂ လုံး ထပ်မံကြဲချတိုက်ခိုက်ခဲ့တာကြောင့် အရပ်သားပြည်သူ ၁ ဦးသေဆုံးပြီး ၁၅ ဦး ထိခိုက်ဒဏ်ရာရတဲ့အပြင် အဆောက်အဦ၊ နေအိမ်များစွာ ထိခိုက်ပျက်စီးခဲ့တယ်လို့ သိရပါတယ်။ လားရှိုးမြို့ ရပ်ကွက် ၂ ရှိ…