Author: admin

မြန်မာနိုင်ငံက အရှေ့တောင်အာရှတွင် လူကုန်ကူးခြင်း၊ အွန်လိုင်းလိမ်လည်မှုများနှင့် နယ်စပ်ဖြတ်ကျော်မှုခင်းများ ဖြစ်ပွားရာဒေသ ဖြစ်လာနေပြီး မြန်မာပြည်သူများ ဆင်းရဲတွင်းကျနေ ရန်ကုန်၊ ဇူလိုင် ၁ မြန်မာနိုင်ငံက အရှေ့တောင်အာရှဒေသတွင် လူကုန်ကူးခြင်းနှင့် ဆက်နွယ်နေသည့် အွန်လိုင်းလိမ်လည်မှုများနှင့် နယ်စပ်ဖြတ်ကျော်မှုခင်းများ ဖြစ်ပွားရာဒေသ တစ်ခု ဖြစ်လာနေကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီးဦးကျော်မိုးထွန်းက ပြောဆိုသည်။ ဇွန်လ ၃၀ ရက်နေ့ နယူးယောက်မြို့၊ ကုလသမဂ္ဂဌာနချုပ်တွင် United Nations Global Plan of Action to Combat Trafficking in Persons အတွက် အဆင့်မြင့် အစည်းအဝေး အတွက် ကြိုတင်ပြင်ဆင်သည့်အနေဖြင့် သက်ဆိုင်ရာတာဝန်ခံများနှင့် အလွတ်သဘော အပြန်အလှန် ဆွေးနွေးသည့် အစည်းအဝေးတွင် ၎င်းက အထက်ပါအတိုင်းပြောဆိုခြင်းဖြစ်သည်။ မြန်မာနိုင်ငံတွင် အရပ်သားပြည်သူများ၊​…

တရုတ်သည် အိမ်နီးချင်းကောင်းမဟုတ်ဟု ISP စစ်တမ်း ဖော်ပြ ဂျူချန်း မဇ္ဈိမ။ ။ တရုတ်နိုင်ငံသည် မြန်မာနိုင်ငံ၏အိမ်နီးချင်းကောင်းမဟုတ်ဟု ယူဆသူ ၆၈ ရာခိုင်နှုန်းရှိကြောင်း မြန်မာ့မဟာဗျူဟာနှင့် မူဝါဒလေ့လာရေးအင်စတီကျု ISP Myanmar ၏ စစ်တမ်းတခုတွင် ဖော်ပြသည်။ ဇွန်လ ၃၀ ရက်နေ့ထုတ် ၂၀၂၄ ခုနှစ် တရုတ်-မြန်မာဆက်ဆံရေးအပေါ် မြန်မာ့မူဝါဒအသိုက်အဝန်း၏ သဘောထားအမြင်စစ်တမ်းတွင် ကောက်ယူရရှိထားသည့်အချက်အလက်၌ ဖော်ပြထားခြင်းဖြစ်သည်။ တရုတ်နိုင်ငံကို အိမ်နီးချင်းကောင်းမဟုတ်ဟု ယူဆသူ ၅၀ ရာခိုင်နှုန်းရှိပြီး လုံးဝမကောင်းဟုယူဆသူ ၁၈ ရာခိုင်နှုန်းရှိကာ ၂၉ ရာခိုင်နှုန်းမှာ ကောင်းသည်ဟု ဖြေဆိုထားပြီး ၁ ရာခိုင်နှုန်းက အလွန်ကောင်းပါသည် ဟု ဖြေဆိုထား သည်။ စစ်တမ်းကောက်ယူရာတွင် အရပ်ဘက်အဖွဲ့အစည်းမှ ၁၀၅ ဦး၊ နိုင်ငံရေးနယ်ပယ်မှ ၁၆ ဦး၊…

BGF ခေါင်းဆောင် ဗိုလ်မှူးကြီး စောချစ်သူ နှင့် ချစ်လင်းမြိုင်တိုယိုတာကုမ္ပဏီကို စစ်ကောင်စီက အမည်ပျက်စာရင်းသွင်းလိုက်ပြီး စောချစ်သူ(ခ) စံမြင့်၊ သားသမီး ၃ ဦးနှင့် စီးပွားရေးတာဝန်ခံ ၁ ဦးတို့ကို အမည်ပျက်သူများအဖြစ် ကြေညာ ရန်ကုန်၊ ဇူလိုင် ၁ အကြမ်းဖက် စစ်တပ် လက်အောက်ခံ ကရင်နယ်ခြားစောင့်တပ်မှ ဗိုလ်မှူးကြီး စောချစ်သူနှင့် ချစ်လင်းမြိုင်တိုယိုတာကုမ္ပဏီကို စစ်ကောင်စီက အမည်ပျက်စာရင်းသွင်းပြီး ဗိုလ်မှူးကြီး စောချစ်သူနှင့် သားသမီးများ အပါအဝင် ဒါရိုက်တာများကိုပါ အမည်ပျက်သူများအဖြစ် စစ်တပ်က ကြေညာသည်။ အကြမ်းဖက် စစ်ကောင်စီထံသို့ ပို့ကုန်ရငွေ နိုင်ငံ ခြားငွေ မပေးသွင်းသည့် ပို့ကုန်/သွင်းကုန် ကုမ္ပဏီ ၁၉၇ ခုနှင့် ကုမ္ပဏီ ဒါရိုက်တာအဖွဲ့ဝင်များကို အမည်ပျက်စာရင်းသွင်းကြောင်း ကြေညာခဲ့ရာတွင် ဗိုလ်မှူးကြီး စောချစ်သူပိုင် ချစ်လင်းမြိုင်တိုယိုတာကုမ္ပဏီလည်းပါဝင်လာခဲ့ပြီး…

ရေးရှိ ခမရ (၃၄၃)၏ စခန်းကုန်းတစ်ခုကို ​ရေးဘီ လူး သိမ်းပိုက်၊​ တော်လှန်​ရေးရဲ​ဘော်၁ဦးကျဆုံး ဇူလိုင်-၁၊၂၀၂၅။ရဲခေါင်/People’s Spring မွန်ပြည်နယ်၊ရေးမြို့နယ်ရှိ အမှတ်-၃၄၃ခြေမြန် တပ်ရင်း (ခမရ ၃၄၃)တပ်ဝင်းရှိ စခန်းကုန်းတစ်ခုကို သိမ်းပိုက်ရရှိ ကြောင်း ရေးဘီလူး တပ်ရင်း ခေါင်ဆောင်က လူထုနွေဦး သို့ပြောသည်။ ယနေ့(ဇူလိုင် ၁ ရက်) နံနက် ၅ နာရီခန့်က အာယုတောင်ကျေးရွာရှိ စစ်ကောင်စီတပ်သား ၂၀ ဝန်း ကျင်ရှိသော စခန်းကုန်းကို သိမ်းပိုက်မှု တိုက်ပွဲသည် ၄၅ မိနစ်ခန့် ကြာမြင့်ကာ​တော်လှန်​ရေးတပ်ဖွဲ့ဝင် ၁ ဦးကျ ဆုံးခဲ့ရသည်ဟုသိရသည်။ “စကစ အလောင်း dead body တွေရော၊လက် နက် တွေရောက သိမ်းဆည်းရမိမှုမရှိခဲ့ဘူး။တပ်ဝင်းနဲ့က အရမ်းနီးတော့ ကျွန်တော်တို့ထပ်ပြီးရုန်းမရတော့ဘူး။စခန်းကုန်းကိုပဲကျွန်တော်တို့ရခဲ့တယ်။သူတို့ကခံပစ်မနိုင်တဲ့အခြေအနေမှာစခန်းကို ဆုတ် ပြီး…

အိုးဘိုထောင်တွင် မုံရွာသပိတ်ခေါင်းဆောင် ကိုဝေမိုးနိုင်ကို ထောင်ဝန်ထမ်းများက သံတုတ်ဖြင့် ရိုက်နှက်မှုကြောင့် သတိလစ် မေ့မျောသွားခဲ့ပြီး ဆေးဝါးကုသပေးခြင်းမရှိဘဲ ခြေကျင်းခတ် တိုက်ပိတ်ထား ရန်ကုန်၊ ဇူလိုင် ၁ မန္တလေးမြို့ရှိ အိုးဘိုထောင်သို့ ထောင်ပြောင်းရောက်ရှိလာသော မုံရွာသပိတ်ခေါင်းဆောင်ကိုဝေမိုးနိုင်ကို ထောင်ဝန်ထမ်းများက သံတုတ်ဖြင့် ရိုက်နှက်မှုကြောင့် သတိလစ် မေ့မျောသွားခဲ့ပြီး ဆေးဝါးကုသပေးခြင်းမရှိဘဲ ခြေကျင်းခတ် တိုက်ပိတ်ထားကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM) မှ ဗဟိုဦးဆောင်ကော်မတီဝင် ကိုသိုက်ထွန်းဦးက ရန်ကုန်ခတ်သစ်သတင်းဌာနသို့ ပြောကြားသည်။ ဇွန်လ ၁၂ ရက်နေ့ မုံရွာအကျဉ်းထောင်မှ မန္တလေး အိုးဘို‌‌ထောင်သို့ ထောင်ပြောင်းဖြင့်ရောက်ရှိလာသည့် နိုင်ငံ ရေးအကျဉ်းသားများကို ထောင်အဝင်ဗူးဝတွင် မတရားရိုက်နှက်နှိပ်စက်မှုများပြုခဲ့သည့် ဖြစ်စဉ်တွင် မုံရွာသပိတ်ခေါင်းဆောင် ကိုဝေမိုးနိုင်ကို ဦးတည်ချက်ထား၍ အကျဉ်းဦးစီးဝန်ထမ်းအရာရှိတစ်ဦးမှ သံတုတ်ဖြင့် စတင်ရိုက်နှက်ရာမှစ၍ အခြားနိုင်ငံရေးအကျဉ်းသားများပါ နောက်ဆက်တွဲအနေဖြင့် ရိုက်နှက်ခံရခြင်းဖြစ်ကြောင်း အဆိုပါဖြစ်စဉ်တွင် ကိုဝေမိုးနိုင်သည်…

ဧရာဝတီမှစစ်စခန်းအချို့ AAနှင့်ပူးပေါင်းတပ်သိမ်းပိုက် ဇွန်-၃၀၊၂၀၂၅။မိထက်/People’s Spring ဧရာဝတီတိုင်း၊မြန်အောင်ခရိုင်၊အင်္ဂပူမြို့နယ်မှ စစ် ကောင်စီတပ်စွဲထားသည့်ကျေးရွာအချို့ကိုအာရက္ခတပ်တော် (AA ) နှင့် ပူးပေါင်းတပ်များကတိုက် ခိုက်သိမ်းပိုက်လိုက်ကြောင်းသတင်းရရှိသည်။ တိုက်ပွဲများပြင်းထန်နေသည့်လေးမျက်နှာမြို့နယ်နှင့် ဆက်စပ်နေသောကျေးရွာများ ၌ တပ်စွဲထားသည့် စစ်တပ်စခန်းများကို ဇွန်လဆန်းတွင် စတင်တိုက်ခိုက်ခဲ့ခြင်းဖြစ်သည်။ ယခုရက်ပိုင်း၌ နေ့ရောညပါ တိုက်ပွဲများပြင်းပြင်းထန်ထန်ဖြစ်ပွားခဲ့ပြီးနောက် ဇွန်လ၂၉ရက်ညနေပိုင်းတွင် စခန်းသုံးခုထက်မနည်းသိမ်းယူလိုက်ခြင်းဟု စစ်​ရေးသတင်းရင်းမြစ်အချို့က​ပြောသည်။ ဧရာဝတီတိုင်းအခြေစိုက် စစ်ရေးသတင်းရင်းမြစ်တစ်ဦးက” စစ်တပ်ဘက်ကသေတာတွေအများကြီးရှိတယ်။ လက်နက်တွေလည်းအများကြီးရထားတယ်” ဟုပြောသည်။ AA နှင့် ပူးပေါင်းတပ်များသိမ်းယူလိုက်သည့် ‌နေ ရာသည် ဟင်္သာတခရိုင်၊ ကွင်းကောက်မြို့ရှိ စစ်ကောင်စီတန်းမြင့်လေ့ကျင်းရေးကျောင်း တတက (၅) နှင့်လည်း မိုင်အနည်းငယ်သာကွာဝေးသည်ဟုသိရသည်။ စခန်းသိမ်းတိုက်ပွဲနှင့်ပတ်သက်၍ AAကသတင်းမထုတ်ပြန်သေးပေ။ AAနှင့် ပူးပေါင်းတပ်များသည် ပြီးခဲ့သည့် ဇန်န ဝါရီလနှင့် ဖေဖော်ဝါရီလက ဖြစ်ပွားသောတိုက်ပွဲများအတွင်း ရွှေသောင်ယံမြို့၊သာပေါင်းမြို့တို့မှ စစ်တပ်စခန်းအချို့ကိုလည်း သိမ်းပိုက်ခဲ့သည်။ စစ်ကောင်စီတပ်…

စစ်တပ်က အင်အားအဆမတန်သုံး၍ မိုးဗြဲမြို့အတွင်းထိုး​ဖောက်လာ၍ မြို့တွင်းရှိအဓိကမိန်းလမ်းမကြီးကို ပြည်သူများလုံးဝအသုံးမပြုရန် ရှမ်း​တောင်ကရင်နီတပ်​ပေါင်းစုသတိ​ပေး ဇွန်-၃၀၊၂၀၂၅။ရဲခေါင်/People’s Spring ရှမ်းတောင် နှင့် ကရင်နီပြည်နယ် အစပ်ရှိ မိုးဗြဲမြို့အတွင်းသို့ စစ်ကောင်စီတပ်က အင်အားအဆ မတန်သုံး၍ ထိုး​ဖောက်ဝင်ရောက်လာခြင်းကြောင့် ပြည်သူများအ​နေဖြင့် မိုးဗြဲမြို့ရှိအဓိက မိန်းလမ်းမကြီးအား လုံးဝ ဖြတ်သန်းသွားလာခြင်းမပြုရန် ရှမ်းတောင်ကရင်နီတပ်ပေါင်းစုက ယနေ့ညတွင်သတိ​ပေးထုတ်ပြန်သည်။ အဓိကလမ်းမကြီးကို ပြည်သူများလုံးဝအသုံးမပြုရန် အပြင် မိုးဗြဲ မြို့အနီးနားရှိကျေးရွာလူထုအနေဖြင့် စစ်ရေးသတိဖြင့်သွားလာနေထိုင်ကြရန်လည်း တိုက်တွန်းထားသည်။ မိုးဗြဲ မြို့ကို ပြန်လည်းသိမ်းပိုက်နိုင်ရန်ထိုးစစ်ဆင်နေသော စစ်ကောင်စီကို ရှမ်းတောင်ကရင်နီတပ်ပေါင်းစုက လ​ပေါင်းများစွာအပြင်းအထန်တိုက်ခိုက်ခုခံ​နေခြင်းဖြစ်သည်။ရှမ်း​တောင် ကရင်နီတပ်​ပေါင်းစုတွင် ကရင်နီအမျိုးသားများကာကွယ်ရေးတပ် -KNDF၊ DMO Local PDF၊ရှမ်းတောင်ဗျူဟာ ၁ ၊ မိုးဗြဲ Local PDF နှင့် ကရင်နီပြည် ပြည်သူ့လွတ် မြောက်ရေးတပ်မ တော်- KPLA တို့ပါဝင်သည်။…

စစ်ကောင်စီက ကျင်းပမည့် အတုအယောင် ရွေးကောက်ပွဲသို့ ဝင်ရောက်ယှဉ်ပြိုင်မည့် ပါတီများမှာ လူထုထောက်ခံမှု မရှိသော နိုင်ငံရေးပါတီများဟု NUG ပြော ရန်ကုန်၊ ဇူလိုင် ၁ အကြမ်းဖက် စစ်ကောင်စီက ကျင်းပရန် စိုင်းပြင်းနေသည့် အတုအယောင် ရွေးကောက်ပွဲသို့ ဝင်ရောက်ယှဉ်ပြိုင်မည့် ပါတီများမှာ လူထုထောက်ခံမှု မရှိသော နိုင်ငံရေးပါတီများဖြစ်ကြောင်း အမျိုးသားညီညွတ်ရေးအစိုးရ- NUG၊ ဝန်ကြီးချုပ်ရုံး ပြောရေး ဆိုခွင့်ရှိသူ ဦးနေဘုန်းလတ်က ပြောဆိုသည်။ ယနေ့ ထုတ်ပြန်သည့် ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း အစီအစဉ် ၁၃/၂၀၂၅ တွင် ၎င်းက အထက်ပါအတိုင်း ပြောဆိုခြင်းဖြစ်သည်။ အကြမ်းဖက်စစ်ကောင်စီက လူထုဆန္ဒနှင့်ဆန့်ကျင်ပြီး တရားမဝင် အတုအယောင် ရွေးကောက်ပွဲတစ်ခုကို အတင်းအကျပ်ပြုလုပ်ရန် စိုင်းပြင်းနေကြောင်း၊ စစ်ကောင်စီက ပြုလုပ်ရန် ကြိုးစားနေသည့် တရားမဝင် အတု…

ရွေးကောက်ပွဲဝင်လိုသည့် စစ်ဘက်နှင့်အရပ်ဘက် အရာရှိကြီးများစာရင်း မင်းအောင်လှိုင်က တောင်းခံထားပြီး ကြံ့ဖွတ်ပါတီနှင့် ချိတ်ဆက်ရမည်ဟုဆို ရန်ကုန်၊ ဇူလိုင် ၁ အကြမ်းဖက် စစ်ကောင်စီက မကြာမီ ကျင်းပရန်ရှိနေသည့် ရွေးကောက်ပွဲတွင် ပါဝင်ယှဉ်ပြိုင်ရန် ဆန္ဒပြုလိုသည့် စစ်ဘက်နှင့် အရပ်ဘက် အရာရှိကြီးများစာရင်းကို စစ်ခေါင်းဆောင် မင်းအောင်လှိုင်က တောင်းခံထားပြီး ရွေး ကောက်ပွဲဝင်ရန် ဆန္ဒပြုသူများသည် လက်ရှိရာထူးတာဝန်များမှ အနားယူရမည်ဖြစ်ကာ ရွေးကောက်ပွဲအတွက် ကြံ့ဖွတ်ပါတီနှင့်ချိတ်ဆက်လုပ်ကိုင်ရမည်ဖြစ်ကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။ ယခုနှစ်မေလအတွင်း စစ်ခေါင်းဆောင် မင်းအောင်လှိုင်က ယခုနှစ်ကုန်ပိုင်း ကျင်းပရန် စီစဉ်နေသည့် ရွေး ကောက်ပွဲတွင် ဝင်ရောက်ယှဉ်ပြိုင်ရန် ဆန္ဒပြုလိုသည့် စစ်ဘက်နှင့်အရပ်ဘက် အရာရှိကြီးများစာရင်းကို တောင်းခံနေခြင်းဖြစ်ပြီး စစ်တပ်တွင် လက်ရှိ တာဝန်ထမ်းဆောင်နေဆဲ ဗိုလ်ချုပ်ကြီးများ၊ ဒုတိယဗိုလ်ချုပ်ကြီးများ၊ အရန်အင်အားစာရင်းတွင် ပါဝင်နေသည့် ဗိုလ်ချုပ်များကို ရွေးကောက်ပွဲဝင်ရန် ဆန္ဒပြုလိုခြင်း…