MYIA MM

ချောင်းသာကမ်းခြေ ဟိုတယ်အချို့ ပိတ်သိမ်းထားပြီး လူဝင်လူထွက် မရှိတော့ဘဲ ပုသိမ် -ချောင်းသာ လမ်းပိုင်းတွင် စစ်ဘေးရှောင်ကားများသာ သွားလာနေ ရန်ကုန်၊ ဇန်နဝါရီ ၂၁ ဧရာဝတီတိုင်း၊ ပုသိမ်မြို့နယ်၊ ချောင်းသာကမ်းခြေ ဟိုတယ်အချို့ ပိတ်သိမ်းထားပြီး လူဝင်လူထွက် မရှိတော့ဘဲ ပုသိမ် -ချောင်းသာ လမ်းပိုင်းတွင် စစ်ဘေးရှောင်ကားများသာ သွားလာနေကြောင်း ဒေသပြည်သူများက ရန်ကုန်ခေတ်သစ်သတင်း ဌာနထံသို့ ပြောဆိုသည်။ ဇန်နဝါရီလပိုင်းမှ စ၍ ပုသိမ်မြို့နယ်၊ ရွှေသောင်ယံမြို့အနီးရှိ ရက္ခိုင့်တပ်တော်နှင့် အကြမ်းဖက် စစ်တပ်တို့ တိုက်ပွဲများပြင်းထန်လာပြီး စစ်တပ်စခန်းများ တိုက်ခိုက်သိမ်းပိုက်ခံရပြီးနောက် ချောင်းသာမြို့ရှိ ဟိုတယ်လုပ်ငန်းရှင်များကလည်း စိုးရိမ်စိတ်ဖြစ်ကာ ဟိုတယ်များကို ပိတ်သိမ်းပြီး ရွှေ့ပြောင်းနေခြင်းဖြစ်ကြောင်း သိရသည်။ လက်ရှိချိန်တွင် ချောင်းသာကမ်းခြေကို အလည်အပတ်ဝင်ရောက်မှုများလည်း သိသိသာသာ လျော့နည်းသွားပြီး ရွှေသောင်ယံမြို့အတွင်း တိုက်ပွဲများသည်လည်း ဆက်လက် ပြင်းထန်နေဆဲဖြစ်ကာ…

စစ်ကောင်စီနှင့် အပစ်အခတ်ရပ်စဲရေး သဘောတူညီထားသော်လည်း လားရှိုးမြို့မှ ဆုတ်ခွာရန် မရှိဟု MNDAA ၏ လားရှိုးပြန်လည် ထူထောင်ရေး ပြန်ကြားရေးအဖွဲ့ဝင် ပြောဆို ရန်ကုန်၊ ဇန်နဝါရီ ၂၁ ရှမ်းပြည်နယ်မြောက်ပိုင်းတွင် ကိုးကန့် MNDAA က စစ်ကောင်စီနှင့် အပစ်အခတ်ရပ်စဲရေး သဘောတူညီထားသော်လည်း လားရှိုးမြို့မှ ဆုတ်ခွာရန် မရှိကြောင်း ကိုးကန့် MNDAA ၏ လားရှိုးပြန်လည်ထူထောင်ရေး ပြန်ကြားရေးအဖွဲ့ဝင်က ရန်ကုန်ခေတ်သစ်သတင်းဌာနထံသို့ ပြောဆိုသည်။ တရုတ်နိုင်ငံ၏ ကြားဝင်စေ့စပ်မှုဖြင့် MNDAA နှင့် စစ်ကောင်စီတပ်တို့အကြား လက်ရှိနေရာတွင်ပင် အပစ်အခတ်ရပ်စဲထားရန် ဇန်နဝါရီလ ၁၈ ရက်နေ့တွင် သဘောတူညီခဲ့ကြကြောင်း၊ သို့ရာတွင် လားရှိုးမြို့မှ MNDAA တပ်များ ဆုတ်ခွာမည်ဆိုသော သတင်းများမှာ လုံး၀ မှန်ကန်မှု မရှိကြောင်း ၎င်းက ရှင်းပြသည်။ “အပစ်ခတ်ရပ်စဲတာ…

စစ်ကောင်စီက ငွေစက္ကူကျပ် ၃၁ ထရီလီယံအထိ အလွန်အကျွံ ရိုက်ထုတ်ပြီး တိုင်းပြည်စီးပွားရေးကို ဖျက်ဆီးနေ ဇန်နဝါရီ ၂၁၊ ၂၀၂၅ စစ်ကောင်စီက ကျပ်ငွေ ၃၁ ထရီလီယံအထိ ငွေစက္ကူ အလွန်အကျွံ ရိုက်ထုတ်ကာ တိုင်းပြည်ရဲ့ စီးပွားရေးတစ်ခုလုံးကို ဖျက်ဆီးနေတယ်လို့ အမျိုးသားညီညွတ်ရေးအစိုးရ သမ္မတရုံး ပြောရေးဆိုခွင့်ရှိသူ ဦးကျော်ဇောက ပြောကြားလိုက်ပါတယ်။ မင်းအောင်လှိုင် ဦးဆောင်တဲ့ အကြမ်းဖက်စစ်ကောင်စီက နိုင်ငံရဲ့ စီးပွားရေးတစ်ခုလုံးကို ဖျက်ဆီးနေပြီး ကုန်စျေးနှုန်းတွေ မတန်မဆ မြင့်တက်ကာ လူထု စီးပွါးရေးချွတ်ခြုံကျ ကျပ်တည်းနေတယ်လို့ ဦးကျော်ဇောကဆိုပါတယ်။ NUG သမ္မတရုံးပြောခွင့်ရှိသူ ဦးကျော်ဇောက ဒီနေ့ ဇန်နဝါရီ ၂၁ရက် ပြည်သူလူထုနှင့် နိုင်ငံတကာသို့ သတင်းစကားပြောကြားခြင်း အစီအစဉ်မှာ အခုလို ထည့်သွင်းပြောကြားခဲ့တာပါ။ စစ်အုပ်စုရဲ့ စီးပွားရေးကမောက်ကမ ဖြစ်စေတဲ့ လုပ်ရပ်တွေ၊…

ကန့်ဘလူမှာ ဒရုန်းဗုံးထိမှန်လို့ ကာကွယ်ရေးတပ်ဖွဲ့ဝင် ၆ ဦးကျဆုံး ကန့်ဘလူ၊ ဇန်နဝါရီ ၂၁၊ ၂၀၂၅။ စစ်ကိုင်းတိုင်း၊ ကန့်ဘလူမြို့နယ်၊ ဆားကျင်းကျေးရွာအနီးမှာ စစ်ကောင်စီတပ်ဖွဲ့ဝင်တွေတိုက်ခိုက်တဲ့ ဒရုန်းဗုံးထိမှန်ပြီး ဒေသခံကာကွယ်ရေးတပ်ဖွဲ့ဝင် ၆ ဦးကျဆုံးပြီး ၁၄ ဦးဒဏ်ရာရခဲ့တယ်လို့ ဖြစ်စဥ်ကို သိရှိထားတဲ့ ဒေသခံကာကွယ်ရေးတပ်ဖွဲ့ဝင်တဦးက ပြောပါတယ်။ ဇန်နဝါရီ ၁၈ ရက် ညနေ ၄ နာရီကျော်မှာ ချပ်သင်းကျေးရွာနဲ့ ကုက္ကိုကုန်းရွာဘက်ကထွက်လာတဲ့ ၂ ဖွဲ့ပေါင်း အင်အား ၇၀ ကျော်ပါစစ်ကောင်စီနဲ့ ပျူစောထီးတပ်ဖွဲ့ဝင်တွေကို ဒေသခံကာကွယ်ရေး တပ်ဖွဲ့ဝင်တို့က ဆားကျင်းရွာအနီးမှာ စတင်မိုင်းဆွဲတိုက်ခိုက်ပြီးနောက် တိုက်ပွဲ ဖြစ်ခဲ့ပါတယ်။ မိနစ် ၂၀ ခန့်တိုက်ပွဲဖြစ်ပြီးနောက် ဒေသခံကာကွယ်ရေးတပ်ဖွဲ့ဝင်တွေဘက်က အင်အားမမျှတဲ့အတွက် ရွာအနောက်ဘက်ကိုပြန်ဆုတ်ပြီး ပုန်းခိုနေစဥ် စစ်ကောင်စီဘက်ကပစ်ချတဲ့ ဒရုန်းဗုံးစထိမှန်ပြီး ကျဆုံးခဲ့ကြတာလို့ ဆိုပါတယ်။ “သူတို့…

စစ်ကောင်စီသည် အာဏာလက်မလွှတ်ရရေးအတွက် ကျွန်ခံရန် သဘောထားရှိနေဟု NUGကာကွယ်ရေးဝန်ကြီး ပြော ကဖေး/People’s Spring စစ်ကောင်စီသည် အာဏာလက်မလွှတ်ရရေးအတွက် မည်သူ့ကိုမဆိုကျွန်ခံရန် သဘောထားရှိနေသည်ဟု အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဦးရည်မွန်က ပြောကြားသည်။ ဝန်ကြီးဦးရည်မွန်က လူမှုကွန်ရက်စာမျက်နှာမှတစ်ဆင့် ယနေ့ (ဇန်နဝါရီလ၂၁ရက်)တွင် ထိုကဲ့သို့ရေးသား အသိပေးထားခြင်းဖြစ်သည်။ “ကိုယ်ပြည်​ထောင်စုရဲ့ ပြည်တွင်း​ရေးကို တိုင်းတပါးက ချယ်လှယ် သြဇာ​ပေးတယ်ဆိုတာ ​တွေးကြည့်ရင်အင်မတန် နှလုံးနာဖို့ ​ကောင်းပါတယ်။ကိုယ့်အုပ်စု အာဏာမြဲ ပြီး​ရောဘယ်သူ့ကျွန်ခံရ ခံရ ခံမယ်ဆိုတာစစ်အုပ်စုရဲ့ သ​ဘောထားပါပဲ။ ကျွန်​တော်တို့ တိုင်းပြည်ကစစ်အုပ်စု မရှိမှ ​အေးမယ်ဆိုတဲ့ တိုင်းပြည်ပါပဲ”ဟု ရေးသားထားသည်။ စစ်ကောင်စီသည် တရုတ်နိုင်ငံ၏ကြားဝင်ညှိနှိုင်းပေးမှုဖြင့် အမျိုးသားဒီမိုကရက်တစ်မဟာမိတ်တပ်မတော်(MNDAA)နှင့် အပစ်ရပ်လက်မှတ်ထိုးလိုက်ကြောင်း ယမန်နေ့က တရုတ်ဘက်က ကြေညာခဲ့သည်။ ထိုကြေညာချက်ကို MNDAAရော စစ်ကောင်စီကပါ တရားဝင်ထုတ်ပြန်လာခြင်းမရှိသေးဘဲ တရုတ်နိုင်ငံခြားရေးဝန်ကြီးဌာန ပြောခွင့်ရသူက…

မကွေး၊ ပဲခူးနှင့် ဧရာဝတီနယ်စပ်များရှိ စစ်ကောင်စီစခန်းများကိုထိုးစစ်ဆင်နေပြီဟု AA ကြေညာ ဇန်နဝါရီ ၂၁ ရက် ဧရာဝတီတိုင်း၊ ပုသိမ်မြို့နယ်၊ ရွှေသောင်ယံမြို့နှင့် ချောင်းတစ်ခုသာ ခြားသည့် ဘောမိရွာနှင့် ကမ်းခြေကို ဇန်နဝါရီ ၁၈ ရက်နေ့တွင် အာရက္ခတပ်တော် (AA) က သိမ်းပိုက်လိုက်သလို ရေကြည်မြို့၊ ချင်းစုကျေးရွာ အနီး တိုက်ပွဲများဖြစ်နေသည်ဟု AA က ယမန်နေ့(ဇန်နဝါရီ ၂၀) ညပိုင်းတွင် ထုတ်ပြန်ထားသည်။ ရခိုင်နှင့် ဧရာဝတီတိုင်း အစပ်၊ ရခိုင်ရိုးမ-ဧရာဝတီတိုင်းထိစပ်သည့် နေရာတချို့၊ ပွိင့် (၃၆၉) ကုန်း၊ ရိုးမ တောင်တန်းတို့တွင် စစ်ကောင်စီတပ်နှင့် တိုက်ပွဲများ ဆက်လက် ပြင်းထန်နေသည်ဟု AA က ဆိုသည်။ AA ထိန်းချုပ်ထားသော ရခိုင်တောင်ဘက်ဆုံး ဂွမြို့နယ်၏ တောင်ဘက်…

မြန်မာနိုင်ငံ၏ တရားဝင်အစိုးရမှာ အမျိုးသားညီညွတ်ရေးအစိုးရသာ ဖြစ်ကြောင်း အာဆီယံဥက္ကဋ္ဌသစ် မလေးရှားဝန်ကြီးချုပ်ထံသို့ NUG ယာယီသမ္မတ သဝဏ်လွှာပေးပို့ အကြောင်းကြား ရန်ကုန်၊ ဇန်နဝါရီ ၂၁ မြန်မာနိုင်ငံတွင် အမျိုးသားညီညွတ်ရေးအစိုးရ-NUG မှာ တရားဝင် မြန်မာအစိုးရဖြစ်ကြောင်း အာဆီယံဥက္ကဋ္ဌသစ် မလေးရှားဝန်ကြီးချုပ် Dato’ Seri Anwar Ibrahim ထံသို့ NUG ယာယီသမ္မတ ဒူဝါလရှီးလက သဝဏ်လွှာပေးပို့ အကြောင်းကြားလိုက်သည်။ NUG အမျိုးသားညီညွတ်ရေးအစိုးရမှာ ဥပဒေအရရော မြေပြင်အချက်အလက်အရပါ မြန်မာအစိုးရဖြစ်ကြောင်း၊ မြန်မာစစ်တပ်က တိုင်းပြည်​၏နယ်မြေ ၂၅ ရာခိုင်နှုန်းထက်လျော့နည်းပြီးသာ ထိန်းချုပ်ထားနိုင်ခြင်းဖြစ်ပြီး အဆိုပါရာခိုင်နှုန်းကလည်း နေ့စဉ်နှင့်အမျှလျှော့နည်းလျက်ရှိကြောင်း၊ အကြမ်းဖက်စစ်ကောင်စီကင်းစင်သွားသောနေရာဒေသများတွင် အမျိုးသားညီညွတ်ရေးအစိုးရနှင့် တိုင်းရင်းသားတော်လှန်ရေးအင်အားစုများက အုပ်ချုပ်ရေးနှင့် ပြည်သူ့ဝန်ဆောင်မှုပေးရေးလုပ်ငန်းများကို ဆောင်ရွက်လျက်ရှိကြောင်း၊ အမျိုးသားညီညွတ်ရေးအစိုးရက ဥပဒေအရရော မြေပြင်အချက်အလက်အရပါ မြန်မာအစိုးရဖြစ်ကြောင်း NUG ယာယီသမ္မတ ဒူဝါလရှီးလ၏…

တော်လှန်ရေးအင်အားစုများနှင့် လက်တွဲ၍ ၂၀၂၅ ခုနှစ်တွင် တော်လှန်ရေးအရှိန်မြှင့်မည်ဟု NUG ပြော ■စစ်ရေးပူးတွဲဆောင်ရွက်မှု ပိုမိုအားကောင်းလာမည်ဟု ဆို အီယိုရီ/People’s Spring အမျိုးသားညီညွတ်ရေးအစိုးရ NUG သည် တိုင်းရင်းသားမဟာမိတ်များအပါအဝင် တော်လှန်ရေးအင်အားစုများနှင့် လက်တွဲ၍ ၂၀၂၅ ခုနှစ်တွင် တော်လှန်ရေးအရှိန်မြှင့်ရန် ဆောင်ရွက်သွားမည်ဟု သမ္မတရုံးပြောရေးဆိုခွင့်ရှိသူ ဦးကျော်ဇော်က ပြောကြားသည်။ NUG သမ္မတရုံးပြောခွင့်ရပုဂ္ဂိုလ်က ယနေ့(ဇန်နဝါရီ ၂၁ရက်)ပြည်သူလူထုနှင့် နိုင်ငံတကာသို့ သတင်းစကားပြောကြားခြင်းအစီအစဥ်မှတဆင့် တော်လှန်ရေးအရှိန်မြှင့် ဆောင်ရွက်သွားမည့်အကြောင်း ပြောဆိုခဲ့ခြင်းဖြစ်သည်။ “စစ်ရေးပူးတွဲဆောင်ရွက်မှု ပိုမိုအားကောင်းလာမှာဖြစ်ပြီး ပိုမိုကျယ်ပြန့်တဲ့ နိုင်ငံရေးသဘောတူညီမှုတွေကို ၂၀၂၅ နှစ်သစ်မှာ မြင်တွေ့နိုင်ကြမှာဖြစ်ပါတယ်” ဟု သမ္မတရုံးပြောခွင့်ရပုဂ္ဂိုလ်က ဆိုသည်။ နိုင်ငံတကာအနေဖြင့် စစ်ကောင်စီ၏ အကြမ်းဖက်မှုများကို တားဆီးနိုင်ရန်စစ်ကောင်စီအား ငွေကြေးစီးဆင်းမှုရပ်တန့်ရန်နှင့် ပိုမိုထိရောက်သော အရေးယူမှုများ ပြုလုပ်ရန် ထပ်လောင်း တိုက်တွန်းသည်။ မည်သို့ပင်ဖြစ်စေ…

စစ်ကောင်စီက ဖြေရှင်းရန် ဆန္ဒမရှိဘဲ လျစ်လျူရှုထားသော မြန်မာနိုင်ငံမှ ဆိုက်ဘာရာဇ၀တ်မှုများကို NUG နှင့် KNU အပါ အဝင် တော်လှန်ရေးအင်အားစုများနှင့်အတူ ပူးပေါင်းတိုက်ဖျက်ရန် နိုင်ငံတကာကို ဖိတ်ခေါ် ရန်ကုန်၊ ဇန်နဝါရီ ၂၁ အကြမ်းဖက် စစ်ကောင်စီက ဖြေရှင်းရန် ဆန္ဒမရှိသော မြန်မာနိုင်ငံမှ ဆိုက်ဘာရာဇ၀တ်မှုများကို အမျိုးသားညီညွတ်ရေးအစိုးရ- NUG ၊ ကရင်အမျိုးသားအစည်းအရုံး-KNU အပါအဝင် တော်လှန်ရေးအင်အားစုများနှင့်အတူ ပူးပေါင်းတိုက်ဖျက်ရန် နိုင်ငံတကာကို ဖိတ်ခေါ်ကြောင်း KNU ပြောခွင့်ရပုဂ္ဂိုလ် ပဒိုစောတောနီးက ရန်ကုန်ခေတ်သစ်သတင်းဌာနထံသို့ ပြောဆိုသည်။ မြန်မာနိုင်ငံတွင် လွန်ခဲ့သည့် ၄ နှစ်တာကာလအတွင်း ဖြစ်ပေါ်နေသည့် ပြည်တွင်းစစ်ပဋိပက္ခများ အပေါ် နိုင်ငံဖြတ်ကျော် ရာဇဝတ်ဂိုဏ်းများ၏ အမြတ်ထုတ်မှုများကြောင့် လူကုန်ကူးမှု၊ အလွဲသုံးစားလုပ်မှု၊ ညှဉ်းပန်းနှိပ်စက်မှု၊ လူသတ်မှု၊ အဓမ္မလုပ်အားပေးခိုင်းစေမှုနှင့် ဆိုက်ဘာ လိမ်လည်မှုများမှာ…

မွန်ပြည်လွတ်မြောက်ရေးတပ်တော်နှင့် အလုံးစုံပူးပေါင်းလိုက်ကြောင်း MSRO ကြေညာ ဟန်နွေ/People’s Spring မွန်ပြည်နယ်အခြေပြုတော်လှန်ရေးအဖွဲ့အစည်း(MSRO)သည် မွန်ပြည်လွတ်မြောက်ရေးတပ်တော် (MLA)နှင့် အလုံးစုံပူးပေါင်းလိုက်ကြာင်း MSROက ဇန်နဝါရီ ၁၉ရက် နေ့စွဲဖြင့် ကြေညာချက် ထုတ်ပြန်သည်။ ၂၀၂၁ ဒီဇင်ဘာ ၁ရက်တွင် စတင်တည်ထောင်ခဲ့သည့် MSROသည် မွန်ပြည်နယ်ကိုအခြေပြုကာ တော်လှန်ရေးဆိုင်ရာ ကိစ္စရပ်များကို တတ်စွမ်းသမျှအားသွန်ခွန်စိုက်လုပ်ဆောင်ခဲ့ပြီး ပိုမိုအားကောင်းစွာ လုပ်ဆောင်နိုင်ရန်ရည်ရွယ်၍ MSROကို ဖျက်သိမ်းပြီး MLA၏ Chain of command (COC)အောက်တွင် ဇန်နဝါရီ ၁၉ရက်ကစတင် အလုံးစုံ ပူးပေါင်းဆောင်ရွက်သွားမည်ဟု အသိပေးထားသည်။ MSRO စတင်တည်ထောင်ခဲ့သည့်အချိန်မှစ၍ ယနေ့အထိ တော်လှန်ရေးခရီးကြမ်းကို လျှောက်လှမ်းခဲ့ရာတွင် ထောက်ပံ့ကူညီပေးခဲ့ကြသော အဖွဲ့အစည်းတစ်ခု ချင်းစီကိုသော်လည်းကောင်း၊အဖွဲ့အစည်းများကိုသော်လည်းကောင်း၊ ပြည်သူလူထု တစ်ဦးတစ်ယောက်ချင်းစီကိုသော်လည်းကောင်း၊အတူတကွ တာဝန်ထမ်းဆောင်ခဲ့ကြသော ရဲဘော်ရဲဘက်များကိုသော်လည်းကောင်း အထူးကျေးဇူးတင်ကြောင်းလည်း MSROက ထုတ်ပြန်ခဲ့သည်။ မွန်ပြည်လွတ်မြောက်ရေးတပ်တော်…