MYIA MM

ငဖဲမြို့နယ်၊ အမ်း -ပဒါန်းလမ်းပိုင်းတွင် တိုက်ပွဲများ ဆက်တိုက်ဖြစ်ပွားပြီး ဗိုလ်ကြီး ၂ ဦး အပါအဝင် စစ်သား ၁၂ ဦး အရှင်ဖမ်း ဆီးရရှိကာ စစ်သား ၁၉ ဦးသေဆုံး ၊ လက်နက်ခဲယမ်းများ သိမ်းဆည်းရရှိ ရန်ကုန်၊ ဇန်နဝါရီ ၂၃ မကွေးတိုင်း၊ ငဖဲမြို့နယ်၊ အမ်း -ပဒါန်းလမ်းပိုင်းတွင် တိုက်ပွဲများ ဆက်တိုက်ဖြစ်ပွားပြီး ဗိုလ်ကြီး ၂ ဦး အပါအဝင် စစ်သား ၁၂ ဦး အရှင်ဖမ်းဆီးရရှိကာ စစ်သား ၁၉ ဦးသေဆုံးခဲ့ကြောင်း၊ လက်နက်ခဲယမ်းများ သိမ်းဆည်းရရှိကြောင်း People’s Revolution Alliance – PRA-Magway တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။ ဇန်နဝါရီလ ၁၉ ရက် မွန်းတည့်…

မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သား ဖြစ်ခွင့်ရပြီး မွန်မြတ်၊ မြင့်မြတ်၍ ဂုဏ်ယူတတ်ကြရန် မင်းအောင် လှိုင် ပြော၊ လက်တွေ့တွင် စစ်သားမရှိ၍ တစ်နိုင်ငံလုံး လူငယ်များကို ပေါ်တာဆွဲ ဖမ်းနေ ရန်ကုန်၊ ဇန်နဝါရီ ၂၃ မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သားဖြစ်ခွင့်ရပြီး မွန်မြတ်၊ မြင့်မြတ်လှသည့်တာဝန်များကို ထမ်းဆောင်ရသဖြင့် ဂုဏ်ယူတတ်ကြရန် စစ်ခေါင်းဆောင် မင်းအောင်လှိုင်က ပြောဆိုလိုက်သည်။ အကြမ်းဖက်စစ်ခေါင်းဆောင် မင်းအောင်လှိုင်က ယမန်နေ့ နေပြည်တော်၊တောင်ညို တပ်နယ်သို့ သွားရောက်ပြီး ထိုသို့ ပြော ဆို လိုက်ခြင်းဖြစ်သည်။ လက်ရှိ မြန်မာနိုင်ငံတွင် လူဦးရေ ၅၂ သန်းခန့်ရှိပြီး အမျိုးသား ၄၇ ရာခိုင်နှုန်းနှင့်…

ရန်ကုန်မြို့က မြောက်ဒဂုံ၊ ရွှေပြည်သာ၊ မြောက်ဥက္ကလာမြို့နယ်ထဲက ရပ်ကွက်အုပ်ချုပ်ရေးမှူးတွေကို စစ်ကောင်စီအဖွဲ့က သေနတ်တွေကို အကြွေးစနစ်နဲ့ ရောင်းချပေးနေတယ်လို့ အုပ်ချုပ်ရေးအဖွဲ့နဲ့ နီးစပ်သူတွေက ပြောပါတယ်။ မြောက်ဒဂုံမြို့နယ်ထဲက သေနတ်အကြွေးယူထားတဲ့ အုပ်ချုပ်ရေးမှူးတွေကို ထားဝယ်ချောင် ရဲစခန်းအတွင်းမှာ ဇန်နဝါရီလကစပြီး လက်နက်ငယ် အဖြုတ်အတပ်သင်တန်း ပေးနေတယ်လို့ မြို့ခံတယောက်က ပြောပါတယ်။ “၄၉၊ ၅၀၊ ၅၁ က ရပ်ကွက်လူကြီးတွေ ပါတယ်။ တရပ်ကွက်ကို ၃ ယောက်နှုန်းနဲ့ သွားနေကြတာ။ သေနတ်က ပစ္စတိုတွေ။ တလ ဘယ်လောက်နဲ့ အရစ်ကျခွဲသွင်းရမှာ အကြွေးစနစ်နဲ့။” ရွှေပြည်သာမြို့နယ်ထဲက ရပ်ကွက်အုပ်ချုပ်ရေးမှူးတွေနဲ့ ရုံးအဖွဲ့ဝင်တွေကိုတော့ စစ်ကောင်စီက ၂၀၂၄ ခုနှစ်အတွင်းမှာ လက်နက်ငယ်သင်တန်း ၂ ကြိမ် ပေးခဲ့ဖူးသလို ရဲနဲ့ စစ်မှုထမ်းဟောင်းတွေကိုပါ ရုံးလုံခြုံရေးအဖွဲ့မှာ ထည့်သွင်းပေးထားပါတယ်။ သေနတ်မရရှိချိန်က ဧည့်စာရင်းစစ်ဆေးရေးအဖွဲ့တွေမှာ…

မတ္တရာမြို့နယ် အ​ရှေ့ခြမ်းကို စစ်တပ်ကအင်အားဆက်တိုက်တိုးပြီးထိုးစစ်ဆင်ဖို့ပြင် ရှိန်း/People’s Spring မတ္တရာမြို့နယ်အရှေ့ခြမ်းကို စစ်​ကောင်စီတပ်ကပြန်လည်ထိုးစစ်ဆင်ဖို့အင်အားအများအပြားပို့ ဆောင်​နေပါတယ်။ မတ္တရာမြို့နယ်အရှေ့ခြမ်းက ဖယောင်းတောင်နဲ့အတရုတ်ရင်းနှီးမြှပ်နှံမှု စီမံကိန်းဖြစ်တဲ့ Alpha ဘိလပ်မြေစက်ရုံဘက်တွေကို အင်အားပို့ဆောင်​နေတယ်လို့ စုံစမ်းသိရပါတယ် ။ဒါ့အပြင် ကွန်ပျူ တာတက္ကသိုလ်၊ကျောက်တံတား၊မတ္တရာမြို့တွင်းကို ဒီဇင်ဘာလနဲ့ဇန်နဝါရီလဆန်းတွေမှာ ရိက္ခာနဲ့အင်အားဖြည့်တင်းတာတွေဆက်တိုက်လုပ် ဆောင်ထားတယ်လို့​ဒေသခံ တချို့ဆီကသိရပါတယ်။ အထက်မြန်မာနိုင်ငံရဲ့မြို့​တော်ဖြစ်သလို အလယ်ပိုင်းတိုင်း စစ်ဌာနချုပ် (လပခ) တည်ရှိရာမန္တ​လေး မြို့နဲ့ မတ္တရာမြို့ဟာ မိုင် ၂၀ ​ကျော်ပဲကွာ​ဝေးတာဖြစ်ပါတယ်။ မန္တ​လေး PDF က ၁၀၂၇ ဒုတိယပိုင်း နဲ့ ရှမ်းမန်းစစ်ဆင်​ရေးအတွင်းမှာ စဥ့်ကူးတစ်မြို့နယ်လုံးကိုသိမ်းယူသလို ၊ မတ္တရာမြို့နယ်ထဲက ​လေ​ကြောင်းရန်ကာကွယ်​ရေးတပ် ၊ Alpha ဘိလပ်​မြေက စစ်တပ်စခန်း ၊ဆည်​တော်ကြီးရဲစခန်း ၊​ဖ​ယောင်​တောင် စစ်တပ်စခန်း ​တွေအပါအဝင် စစ်တပ်စခန်း​ပေါင်း ၄၀ ခန့်ကိုထိုးစစ်ဆင်သိမ်းပိုက်ထားပါတယ် ။…

ချောင်းသာနှင့်ရွှေသောင်ယံမှ ဒေသခံအချို့ ပုသိမ်မြို့သို့ ရွှေ့ပြောင်း ဧရာဝတီတိုင်းမ် ဇန်နဝါရီ ၂၂ ရက် ဧရာ၀တီတိုင်း၊ ချောင်းသာနှင့် ရွှေသောင်ယံမှ ဒေသခံများသည် ဇန်နဝါရီလ ၂၀ ရက်နေ့မှ စတင်ပြီး ပုသိမ်မြို့သို့ စစ်ဘေးရှောင်ရန် ရွှေ့ပြောင်းရောက်ရှိလာကြောင်း သိရသည်။ ရွှေ့ပြောင်းလာသူများသည် ပုသိမ်မြို့ပေါ်ရပ်ကွက်များတွင် အိမ်ငှါးခြင်း၊ ဆွေမျိုးများ၏ အိမ်များတွင်နေထိုင်ခြင်းနှင့် ရဘုန်းကြီးကျောင်းများတွင် ယာယီတည်းခိုခြင်းများ ပြုလုပ်နေကြောင်း သိရှိရသည်။ “ကြိုရှောင်တဲ့သဘောပဲ ၊ မကျီးဇင်နဲ့ ဘောမိတောင် ခဏလေးနဲ့ ကျသွားတာ။ ကမ်းခြေဘက်တွေကို တိုက်ပွဲကရောက်မလာနိုင်ဘူးလို့မပြောတတ်ဘူး။ ခုလိုစောစောထွက်လာတော့ မိသားစုနဲ့လည်းတကွဲတပြားမဖြစ်တော့ဘူးလေ”ဟု တိမ်းရှောင်လာသူတစ်ဦးမှ ဧရာ၀တီတိုင်းမ်ကို ပြောသည်။ ချောင်းသာနှင့် ရွှေသောင်ယံမြို့များတွင် စစ်ကောင်စီမှ မြို့များမကျအောင်ကာကွယ်မည့်အတွက် ရှောင်တိမ်းစရာမလိုကြောင်း အုပ်ချုပ်ရေးမှုးများကို လိုက်လံအသိပေးခိုင်းနေကြောင်း ဒေသခံများမှပြောသည်။ “ကြောက်ကတာ စစ်တပ်ပဲ ၊ ဘောမိမှာဆိုသူတို့လဲ မနိုင်ပဲနဲ့…

တောင်ဥက္ကလာ ၅ ရပ်ကွက်မှ ပေါ်တာဆွဲ ဖမ်းဆီးခံရသော အသက် ၁၉ နှစ်အရွယ် ကိုခန့်ဟိန်း အပါအဝင် သူငယ်ချင်း လူငယ် ၆ ဦး စစ်မှုထမ်း သင်တန်းဆင်းပြီးနောက် ရခိုင် ရှေ့တန်းစစ်မြေပြင်သို့ ပို့ဆောင်ခံရကာ တိုက်ပွဲအတွင်း ပျောက်ဆုံးနေ ရန်ကုန်၊ ဇန်နဝါရီ ၂၃ ရန်ကုန်မြို့၊ တောင်ဥက္ကလာမြို့နယ် ၅ ရပ်ကွက်မှ ပေါ်တာဆွဲ ဖမ်းဆီးခံရသော အသက် ၁၉ နှစ်အရွယ် ကိုခန့်ဟိန်း အပါအဝင် သူငယ်ချင်း လူငယ် ၆ ဦးမှာ စစ်မှုထမ်းသင်တန်း ဆင်းလာပြီးနောက် ရခိုင်ပြည်နယ် ရှေ့တန်း စစ်မြေပြင်သို့ ပို့ဆောင်ခံလိုက်ရကာ ပျောက်ဆုံးနေကြောင်း မိဘဆွေမျိုးများနှင့်နီးစပ်သော သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ၂၀၂၄ ခုနှစ် အောက်တိုဘာလတွင် တောင်ဥက္ကလာမြို့နယ်…

ကိုးကန့် MNDAA နှင့် ယာယီအပစ်ရပ်ထားသော်လည်း စစ်ကောင်စီက ရှမ်းမြောက် နှင့်ရှမ်းတောင်တွင် စစ်အင်အားများ အကြီးအကျယ် ဆက်လက် ချဲ့ထွင်ပြီး ရိက္ခာနှင့် လက်နက်ခဲယမ်းများကို အဆက်မပြတ် ဖြည့်တင်းနေ ရန်ကုန်၊ ဇန်နဝါရီ ၂၃ ကိုးကန့် MNDAA နှင့် အပစ်ရပ်ထားသည်ဟု ဆိုသော်လည်း စစ်ကောင်စီက ရှမ်းမြောက်နှင့်ရှမ်းတောင်တွင် စစ်အင်အားများ အကြီးအကျယ် ဆက်လက် ချဲ့ထွင်ပြီး ရိက္ခာနှင့် လက်နက်ခဲယမ်းများကို အဆက်မပြတ် ဖြည့်တင်းနေကြောင်း နေပြည်တော် တပ်သတင်းရင်းမြစ်တချို့က ရန်ကုန်ခေတ်သစ်သတင်းဌာနထံသို့ အတည်ပြုပြောဆိုသည်။ တရုတ်နိုင်ငံ၏ ကြားဝင်စေ့စပ်မှုဖြင့် ဇန်နဝါရီလ ၁၈ ရက်နေ့မှစတင်၍ ကိုးကန့်MNDAA နှင့် စစ်ကောင်စီတို့အကြား ယာယီ အပစ်အခတ်ရပ်စဲသည်ဟု တရုတ်နိုင်ငံခြားရေးဝန်ကြီးဌာနက ကြေညာခဲ့ကြောင်း၊ တရုတ်နိုင်ငံက နှစ်ဖက် လက်ရှိနေရာတွင်ပင် နှစ်ဖက် အပစ်အခတ်ရပ်စဲထားသည်ဟု ကြေညာသော်လည်း…

လားရှိုးမြို့ကို စစ်ကောင်စီထံ ပြန်ပေးရန်လုံး၀အကြောင်းမရှိဟု မြို့ပြန်လည်ထူထောင်ရေး တာဝန်ရှိသူ ပြော “ရင်းထားရတဲ့ အသက်တွေလည်း အများကြီး ပြန်ပေးစရာတော့ မရှိပါဘူး။” ဟန်နွေ/People’s Spring ကိုးကန့်တပ်မတော်(MNDAA)က တိုက်ခိုက်သိမ်းပိုက်ထားသည့် လားရှိုးမြို့ကို စစ်ကောင်စီထံ ပြန်ပေးရန် လုံး၀အကြောင်းမရှိဟု လားရှိုးမြို့ပြန်လည်ထူထောင်ရေး တာဝန်ရှိသူက ပြောကြားသည်။ တရုတ်နိုင်ငံ၏ ကြားဝင်ညှိနှိုင်းမှုဖြင့် ကိုးကန့်တပ်မတော်(MNDAA)နှင့် စစ်ကောင်စီတို့အကြား တရားဝင်အပစ်အခတ်ရပ်စဲလိုက်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်းက ပြီးခဲ့သည့် ရက်ပိုင်းတွင် ပြောကြားခဲ့သည်။ ဇန်နဝါရီ ၁၈ရက်တွင် စတင်သက်ရောက်သည့် အဆိုပါ အပစ်ရပ်သဘောတူညီချက် နှင့်ပတ်သက်ပြီး စစ်ကောင်စီနှင့် MNDAA ဘက်က ထုတ်ပြန်ပြောဆိုမှု မရှိသေးသကဲ့သို့ သဘောတူညီချက်ပါ အကြောင်းအရာများ အသေးစိတ်အချက်အလက်များကို အပစ်ရပ်နိုင်ပြီဟု ပြောကြားခဲ့သည့် တရုတ်ဘက်က အသိပေးခဲ့ခြင်းမရှိပေ။ ထိုအခြေအနေတွင် MNDAAက လားရှိုးမြို့ ပြန်ပေးရန်…

ရန်ကုန်တိုင်းစစ်ဌာန​၏ အခြေခံစစ်ပညာသင်တန်း အပတ်စဉ် ၃ သင်တန်းဆင်းပွဲပြုလုပ် ရန်ကုန်၊ ဇန်နဝါရီ ၂၂ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ ရန်ကုန်တိုင်းစစ်ဌာနမှ ပြုလုပ်သည့် အခြေခံစစ်ပညာသင်တန်း အပတ်စဉ် (၃/၂၀၂၄) သင်တန်းဆင်းပွဲကို ရှေ့တန်းတစ်နေရာတွင် ပြုလုပ်ခဲ့ကြောင်း သိရှိရသည်။ သင်တန်းဆင်းပွဲကို ပြည်သူ့ကာကွယ်ရေးတပ်မတော်၊ ရန်ကုန်တိုင်းစစ်ဌာနမှ စစ်ဦးစီးအဖွဲ့ဝင်များ တက်ရောက်ခဲ့ပြီး သင်တန်းဆင်းမိန့်ခွန်းပြောကြားခြင်း၊ စစ်သည်တော်ကျင့်ဝတ်များအားလိုက်နာပြီး တိုက်ရည်ခိုက်ရည် ကောင်းမွန်ကာ အမိန့်နာခံမှုအားကောင်းသော ပြည်သူဂုဏ်ယူရမည့် စစ်သည်ကောင်းများအဖြစ် ကြိုးစားကြရန် အားပေးစကားပြောကြားခြင်း၊ သစ္စာရေတိုက်ကျွေးခြင်းများ ပြုလုပ်ခဲ့ကြောင်း၊ ထို့ပြင် သင်တန်းကာလတလျှောက် စည်းကမ်းလိုက်နာပြီး ထူးချွန်သော စစ်သည်များအား ဆုပေးအပ်ခြင်းများကိုပါ ပြုလုပ်ခဲ့ကြောင်း သိရှိရသည်။

စစ်ကောင်စီတပ်ရဲ့ ဗိုလ်ချုပ်၊ ဗိုလ်မှူးချုပ်နဲ့ ဗိုလ်မှူးကြီးအဆင့်ရှိသူ (၅၃) ဦးဟာ ပြီးခဲ့တဲ့ ၂၀၂၄ ခုနှစ် တစ်နှစ်အတွင်း သေဆုံးဒဏ်ရာရခဲ့တယ်လို့ အမျိုးသားညီညွတ်ရေးအစိုးရ(NUG) သမ္မတရုံး ပြောရေးဆိုခွင့်ရှိသူ ဦးကျော်ဇောက မနေ့တုန်းကပြုလုပ်တဲ့ ပြည်သူနဲ့ နိုင်ငံတကာကို သတင်းစကားပါးတဲ့ မိန့်ခွန်းမှာထည့်ပြောပါတယ်။ “အရင်က မြန်မာ့တပ်မတော်သမိုင်းမှာ မဖြစ်ခဲ့ဖူးတဲ့ကျရှုံးမှု ဆုံးရူံးမှုတွေ ၂၀၂၄ ခုနှစ်မှာ ဖြစ်ခဲ့တယ်ဆိုတာ ဗိုလ်ချုပ်ဗိုလ်မှူးချုပ်နဲ့ ဗိုလ်မှုးကြီးအဆင့် ၅၃ ဦး သေဆုံး ဒဏ်ရာရ သုံ့ပန်းအဖြစ် ဖမ်းဆီးခံရတာတွေဟာ ထင်ရှားတဲ့သက်သေ တစ်ခုပါ” လို့ ဦးကျော်ဇောက ပြောပါတယ်။ NUG ကာကွယ်ရေးဝန်ကြီးဌာနရဲ့ တစ်နှစ်တာ စစ်ရေး စာရင်းချုပ်အရလည်း စစ်ကောင်စီတပ်အရာရှိကြီး (၁၃၅) ဦး သေဆုံးပြီး (၁၂၇) ဦးဒဏ်ရာ ရတယ်လို့ သိရပါတယ်။ စစ်ကောင်စီတပ်ဖွဲ့ဝင်၊ ရဲနဲ့…