ရန်ကုန်တိုင်းစစ်ဌာန၏ အခြေခံစစ်ပညာသင်တန်း အပတ်စဉ် ၃ သင်တန်းဆင်းပွဲပြုလုပ်
ရန်ကုန်၊ ဇန်နဝါရီ ၂၂
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ ရန်ကုန်တိုင်းစစ်ဌာနမှ ပြုလုပ်သည့် အခြေခံစစ်ပညာသင်တန်း အပတ်စဉ် (၃/၂၀၂၄) သင်တန်းဆင်းပွဲကို ရှေ့တန်းတစ်နေရာတွင် ပြုလုပ်ခဲ့ကြောင်း သိရှိရသည်။
သင်တန်းဆင်းပွဲကို ပြည်သူ့ကာကွယ်ရေးတပ်မတော်၊ ရန်ကုန်တိုင်းစစ်ဌာနမှ စစ်ဦးစီးအဖွဲ့ဝင်များ တက်ရောက်ခဲ့ပြီး သင်တန်းဆင်းမိန့်ခွန်းပြောကြားခြင်း၊ စစ်သည်တော်ကျင့်ဝတ်များအားလိုက်နာပြီး တိုက်ရည်ခိုက်ရည် ကောင်းမွန်ကာ အမိန့်နာခံမှုအားကောင်းသော ပြည်သူဂုဏ်ယူရမည့် စစ်သည်ကောင်းများအဖြစ် ကြိုးစားကြရန် အားပေးစကားပြောကြားခြင်း၊ သစ္စာရေတိုက်ကျွေးခြင်းများ ပြုလုပ်ခဲ့ကြောင်း၊ ထို့ပြင် သင်တန်းကာလတလျှောက် စည်းကမ်းလိုက်နာပြီး ထူးချွန်သော စစ်သည်များအား ဆုပေးအပ်ခြင်းများကိုပါ ပြုလုပ်ခဲ့ကြောင်း သိရှိရသည်။