မတ္တရာမြို့နယ် အ​ရှေ့ခြမ်းကို စစ်တပ်ကအင်အားဆက်တိုက်တိုးပြီးထိုးစစ်ဆင်ဖို့ပြင်

by

in

မတ္တရာမြို့နယ် အ​ရှေ့ခြမ်းကို စစ်တပ်ကအင်အားဆက်တိုက်တိုးပြီးထိုးစစ်ဆင်ဖို့ပြင်
ရှိန်း/People’s Spring

မတ္တရာမြို့နယ်အရှေ့ခြမ်းကို စစ်​ကောင်စီတပ်ကပြန်လည်ထိုးစစ်ဆင်ဖို့အင်အားအများအပြားပို့
ဆောင်​နေပါတယ်။
မတ္တရာမြို့နယ်အရှေ့ခြမ်းက ဖယောင်းတောင်နဲ့အတရုတ်ရင်းနှီးမြှပ်နှံမှု စီမံကိန်းဖြစ်တဲ့ Alpha ဘိလပ်မြေစက်ရုံဘက်တွေကို အင်အားပို့ဆောင်​နေတယ်လို့ စုံစမ်းသိရပါတယ် ။ဒါ့အပြင် ကွန်ပျူ
တာတက္ကသိုလ်၊ကျောက်တံတား၊မတ္တရာမြို့တွင်းကို ဒီဇင်ဘာလနဲ့ဇန်နဝါရီလဆန်းတွေမှာ ရိက္ခာနဲ့အင်အားဖြည့်တင်းတာတွေဆက်တိုက်လုပ် ဆောင်ထားတယ်လို့​ဒေသခံ တချို့ဆီကသိရပါတယ်။
အထက်မြန်မာနိုင်ငံရဲ့မြို့​တော်ဖြစ်သလို အလယ်ပိုင်းတိုင်း စစ်ဌာနချုပ် (လပခ) တည်ရှိရာမန္တ​လေး
မြို့နဲ့ မတ္တရာမြို့ဟာ မိုင် ၂၀ ​ကျော်ပဲကွာ​ဝေးတာဖြစ်ပါတယ်။
မန္တ​လေး PDF က ၁၀၂၇ ဒုတိယပိုင်း နဲ့ ရှမ်းမန်းစစ်ဆင်​ရေးအတွင်းမှာ စဥ့်ကူးတစ်မြို့နယ်လုံးကိုသိမ်းယူသလို ၊ မတ္တရာမြို့နယ်ထဲက ​လေ​ကြောင်းရန်ကာကွယ်​ရေးတပ် ၊ Alpha ဘိလပ်​မြေက စစ်တပ်စခန်း ၊ဆည်​တော်ကြီးရဲစခန်း ၊​ဖ​ယောင်​တောင် စစ်တပ်စခန်း ​တွေအပါအဝင် စစ်တပ်စခန်း​ပေါင်း ၄၀ ခန့်ကိုထိုးစစ်ဆင်သိမ်းပိုက်ထားပါတယ် ။ မန္တ​လေး PDF သိမ်းပိုက်ထားတဲ့စခန်းအများစုဟာ မတ္တရာမြို့နယ် အ​ရှေ့ပိုင်းက ဖြစ်ပါတယ် ။
“အဓိကက ဖယောင်းတောင်ကိုပြန်သိမ်းချင်တဲ့ပုံပဲ။စစ်ကြောင်းတော်တော်ထိုးမယ့်ပုံပဲ”လို့ တော်
လှန်ရေးတပ်ဖွဲ့ဝင်တဦးကပြောပါတယ်။
မတ္တရာမြို့နယ်အရှေ့ခြမ်းမှာစစ်တပ်ကစစ်ကြောင်းပြန်ထိုးလာတာမို့ ဇန်နဝါရီလ၂၁ရက်နေ့ကစတင် တိုက်ပွဲတွေပြန်ဖြစ်နေတယ်လို့ပြည်သူ့ကာကွယ်​ရေးတပ်မ​တော်-မန္တလေး(MDY-PDF)
ကသတင်းထုတ်ပြန်ထားပါတယ်။
မန္တ​လေး PDF မှ​ပြော​ရေးဆိုခွင့်ရှိသူ ကို​အော်စမွန်က​လည်း “လက်ရှိ ကျွန်​တော်တို့ စစ်ဆိုင်ထားတဲ့ ​နေရာ​တွေအားလုံးမှာတိုက်ပွဲ​​တွေ ပြန်ဖြစ်​နေတယ်လို့​ပြောရင်​တော့ရတယ် ။ လက်ရှိအချိန်ထိ​တော့​သွေးတိုးစမ်းတဲ့သ​ဘောမျိုးထိ​တွေ့တိုက်ပွဲ​တွေ ဖြစ်​နေ​တယ်ဆိုပေမယ့်၊ လက်ရှိ အင်အားဖြည့်​နေတဲ့ ပုံ​တွေကြည့်ရရင်​တော့ မကြာခင်မှာပြန်ပြီး​တော့ အလုံးအရင်းနဲ့ ထိုးလာနိုင်​ခြေရှိတယ်လို့ ​ပြောလို့ရပါတယ်ဗျ”လို့ လူထု​နွေဦးကို ​ပြောပါတယ်။
မတ္တရာမြို့နယ်အရှေ့ခြမ်းကိုစစ်တပ်ကလက်
နက်ကြီး၊ဒရုန်းတွေနဲ့ဆက်တိုက်ပစ်ခတ်နေသလို
မန္တ​လေးကွန်ပျူတာတက္ကသိုလ်၊မတ္တရာမြို့အတွင်းနဲ့ ပုသိမ်ကြီးမြို့နယ်အရှေ့ခြမ်းတွေကပါ လက်
နက်ကြီးပစ်ကူပေးနေတာလို့ဒေသခံတွေကပြောပါတယ်။
“မနေ့ကတည်း အသံတအုံးအုံးကြားနေရတယ်။စစ်ကားတွေလည်းတစ် လလုံးသွားလာနေတယ်”
လို့ဒေသခံတဦးကပြောပါတယ်။
မတ္တရာမြို့နယ်အနောက်ခြမ်းကို စစ်တပ်က ပြန်သိမ်းယူပြီးတဲ့နောက်ကျေးရွာတွေကိုလက်နက်
ကြီးနဲ့ပစ်ခတ်တာတွေပြုလုပ်နေသလို နေ့စဥ်မီးရှို့ဖျက်ဆီးတာတွေလည်းပြုလုပ်ခဲ့ပါတယ်။ဇန်နဝါ
ရီလ၂၂ရက်နေ့ကလည်း မတ္တရာမြို့နယ်၊ဥဒိန်ရွာ
ကို စစ်တပ်က၁၆ကြိမ်မြောက်မီးရှို့ဖျက်ဆီးခဲ့တယ်လို့​ဒေသခံတချို့က​ပြောပါတယ်။
စစ်တပ်က ၂၀၂၄ နိုဝင်ဘာလမှာ မတ္တရာမြို့နယ် အ​နောက်ပိုင်းက ​ဒေသတွင်း​တော်လှန်​ရေးတပ်​တွေ ထိန်းချုပ်ထားတဲ့စခန်း နဲ့ ရွာ​တွေကို ပြန်လည်ထိုးစစ်ဆင်သိမ်းပိုက်ခဲ့ပါတယ် ။ စစ်တပ်က မတ္တရာ မြို့နယ် အ​နောက်ပိုင်းက ရွာအများစုကို ထိန်းချုပ်ပြီးတဲ့အခါ မန္တ​လေး PDF ထိန်းချုပ်ထားတဲ့ မတ္တရာမြို့နယ် အ​ရှေ့ပိုင်းကို စစ်​ကြောင်းထိုး တိုက်ခိုက်လာတာဖြစ်ပါတယ် ။
မတ္တရာ မြို့နယ်အ​ရှေ့ပိုင်းကို စစ်​ကြောင်းထိုးလာတဲ့ စစ်တပ်ကို မန္တလး PDF က အကြိမ်ကြိမ်အ​ထိနာပြီး ​နောက်ဆုတ်သွားအောင်တိုက်ခိုက်နိုင်ခဲ့ပါတယ် ။
ပြီးခဲ့တဲ့ ဒီဇင်ဘာ ၆ရက်​​နေ့ကလည်းတော်လှန်ရေးတပ်ဖွဲ့​တွေ ယာယီလက်လွှတ်ခဲ့ရတဲ့ မတ္တရာအ
နောက်ခြမ်းကို မန္တလေး PDFက ပြန်လည်ထိုးစစ်ဆင်တိုက်ခိုက်ခဲ့တာမှာ ရွာသစ်ရွာ ၊ ဝန်စုရွာ နဲ့ ထိန်ပင်စောက်ရွာတို့မှာရှိတဲ့ စစ်စခန်းများကို အပြီး
သတ် ပြန်လည်သိမ်းပိုက်နိုင်ခဲ့ပါတယ် ။အလားတူ ဒီဇင်ဘာ ၁၉ ရက်​နေ့မှာ ထန်းပင်ကုန်းရွာမှာရှိတဲ့ စစ်တပ်စခန်းကိုမန္တလေး PDFကထပ်မံတိုက်သိမ်း
ပိုက်ခဲ့ပြီးစစ်သုံ့ပန်းအချို့ပါဖမ်းဆီးရရှိခဲ့ပါတယ်။
ဒါအပြင်နောင်ချိုမြို့နယ် သံဘိုရွာအနီးနဲ့သပိတ်
ကျင်းမြို့နယ် (၇)မိုင်ကျေးရွာမှာလည်း စစ်ကောင်စီတပ်နဲ့ မန္တလေးPDF တို့ အကြား တိုက်ပွဲ​တွေ ခပ်စိပ်စိပ် ဖြစ်ပွါး​နေတယ်လို့ သိရပါတယ် ။
(မတ္တရာမြို့နယ်အ​ရှေ့ခြမ်းက စစ်တပ်စခန်း​တွေကိုသိမ်းပိုက်ခဲ့တဲ့ မန္တ​လေးPDF တပ်ဖွဲ့ဝင်​တွေ/၁၀၂၇ ဒုတိယလှိုင်းမှာ မန္တ​လေးPDF သိမ်းယူထားတဲ့စစ်စခန်း စစ်တပ်တပ်စွဲရာ​နေရာ​တွေ နဲ့ မတ္တရာမြို့နယ်အ​ရှေ့ပိုင်း​မြေပုံ။ဓါတ်ပုံ-မန္တ​လေးPDF)