ရခိုင်တိုက်ပွဲများတွင် ထွက်ပြေးရင်း မိုင်းနင်းမိ၍ သေဆုံးခဲ့သော ဗိုလ်မှူးချုပ် အောင်နေမျိုးနှင့် လက်နက်ကြီး ထိမှန်၍ သေဆုံးခဲ့သော ဗိုလ်မှူးကြီး ထွန်းထွန်းဝင်းတို့ကို မင်းအောင်လှိုင်က ရာထူးတစ်ဆင့်တိုးပေးပြီး သူရဲကောင်းဘွဲ့ ပေးပြန်
ရန်ကုန်၊ ဇန်နဝါရီ ၄
ရခိုင်တိုက်ပွဲများတွင် သေဆုံးခဲ့သော တပ်မခ ၂၂ တပ်မမှူး ဗိုလ်မှူးချုပ်/ဗိုလ် မှူးကြီး အောင်နေမျိုးနှင့် ဗိုလ်မှူးကြီး ထွန်းထွန်းဝင်းတို့ကို မင်းအောင်လှိုင်က ရာ ထူးတစ်ဆင့်တိုးပေးပြီး သူရဲကောင်းမှတ်တမ်းဝင်တံဆိပ်(သူရဲကောင်းဘွဲ့) ပေး အပ်လိုက်ကြောင်း တပ်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
ယနေ့ စစ်ကောင်စီထုတ်သတင်းစာများတွင် ၇၇ နှစ်မြောက် လွတ်လပ်ရေးနေ့ အထိမ်းအမှတ် အဖြစ် မင်းအောင်လှိုင်က စစ်တပ်နှင့်ရဲဘက်မှ အရာရှိ ၉ ဦးကို သူရဲကောင်းမှတ်တမ်းဝင်တံဆိပ်(သူရဲကောင်းဘွဲ့) ပေးအပ်ခဲ့ရာတွင် ရခိုင်တိုက် ပွဲ သေဆုံးခဲ့သော အရာရှိကြီး ၂ ဦးကို ရာထူးတစ်ဆင့်တိုးဖြင့် သူရဲကောင်းမှတ်တမ်းဝင် တံဆိပ် ပေးအပ်ထားခြင်းဖြစ်ကြောင်း သိရှိရသည်။
ရခိုင်တိုက်ပွဲတွင် သေဆုံးသူ တပ်မခ ၂၂ တပ်မမှူး ဗိုလ်မှူးချုပ်/ ဗိုလ်မှူးကြီး အောင် နေမျိုးကို မင်းအောင်လှိုင်က ဗိုလ်ချုပ်ရာထူးသို့ တိုးမြှင့်ပေးခဲ့ပြီး အောင်နေမျိုးသည် ရခိုင်ပြည်၊ မောင်တောမြို့နယ် အမှတ် ၅ နယ်ခြားစောင့်တပ်ဖွဲ့ခွဲ(နခခ-၅) မှ ထွက်ပြေးခဲ့ပြီးနောက် မိုင်းနင်းမိကာ သေဆုံးခဲ့ခြင်းဖြစ် သည်။
ယမန်နှစ် ဒီဇင်ဘာလ ၁၇ ရက်နေ့ မွန်းတည့် ၁၂ နာရီအချိန် နခခ-၅ မှ လက် နက်ချအညံ့မခံဘဲ ထွက်ပြေးလွတ်မြောက်နေသော အမှတ် ၂၂ ခြေမြန်တပ်မဌာနချုပ် (တမခ-၂၂) တပ်မမှူး အောင်နေမျိုးကို အခေါက်ရွှေတုံး၊ ရွှေထည်တချို့ အပါအဝင် ငွေကျပ် သိန်း ၈၀၀ ခန့်နှင့်အတူ မောင်တောမြိုနယ်၊ ရွှေဇားကပ္ပကောင်းချောင်းနား ပုစွန်ကန် တဲထဲ၌ အသေဖမ်းဆီးရမိခဲ့ကြောင်း၊ စစ်အရာရှိ အောင်နေမျိုးသည် ဘင်္ဂလားဒေ့ရှ်သို့ ထွက်ပြေးရန် ကြိုးစားစဉ် မိုင်းနင်းမိ၍ သွေးထွက်လွန်ကာ သေဆုံးခဲ့ခြင်းဖြစ်ကြောင်း AA က သတင်းထုတ်ပြန်ခဲ့သည်။
အောင်နေမျိုးသည် စစ်တက္ကသိုလ် အပတ်စဉ် ၄၁ ကျောင်းဆင်းဖြစ်ကာ ကရင် ပြည်နယ်၊ ဘားအံမြို့နယ်အခြေစိုက် အမှတ် ၂၂ ခြေမြန်တပ်မ ဌာနချုပ်၏ တပ်မမှူးအဖြစ် တာဝန်ထမ်းဆောင်စဉ် မောင်တောမြို့သို့ တာဝန် ချထားခြင်းခံရသူဖြစ်ကြောင်း၊ သေဆုံးချိန်တွင် အသက် ၅၀ ကျော်၀န်းကျင်ရှိပြီး စစ်ခေါင်း ဆောင် မင်းအောင်လှိုင်က ၂၀၂၄ ခုနှစ် ဇန်နဝါရီလ ၄ ရက်နေ့တွင် တပ်မတော်ဆိုင်ရာ စွမ်းဆောင်ရည် ဂုဏ်ထူးဆောင်တံဆိပ်ဖြစ်သော စစ်မှု ထမ်း ကောင်းတံဆိပ်ကို ချီးမြှင့်ခံထားရသူဖြစ်ကြောင်း သိရှိရသည်။
အလားတူ ရခိုင်တိုက်ပွဲတွင် သေဆုံးခဲ့သော အမ်းမြို့နယ်၊ အမှတ် ၂ တပ်မ တော် ဆေးရုံ (ကုတင် ၃၀၀ ) ၏ ဆေးတပ်မှူး ဗိုလ်မှူးကြီး ထွန်းထွန်းဝင်းကိုလည်း ဗိုလ်မှူးချုပ် ရာထူး တစ်ဆင့်တိုးဖြင့် မင်းအောင်လှိုင်က သူရဲကောင်းမှတ်တမ်းဝင်တံဆိပ် ပေးအပ်ပြန်သည်။
ဒီဇင်ဘာလ ၁၅ ရက်နေ့ ရခိုင်ပြည်နယ် အမ်းမြို့ အခြေစိုက် အနောက်ပိုင်းတိုင်းစစ်ဌာနချုပ် (နပခ) တိုက်ပွဲတွင်း အာရက္ခတပ်တော် (AA) ပစ်ခတ်သော လက် နက်ကြီးကျည် ထိမှန်၍ အမှတ် ၂ တပ်မတော်ဆေးရုံ (ခုတင် ၃၀၀)၏ ဆေး တပ် မှူး ဗိုလ်မှူး ကြီး ထွန်းထွန်းဝင်း သေဆုံးခဲ့ခြင်းဖြစ်ကြောင်း၊ အမ်းစစ်ဆေးရုံတိုက်ပွဲတွင် ဆေးတပ်မှူး ဗိုလ်မှူးကြီး ထွန်းထွန်းဝင်းနှင့်အတူ ဆေးတပ်မှ သူနာ ပြုနှင့်စစ်ဆေးဆရာ၀န်တချို့လည်း သေဆုံးခဲ့ကြောင်း သိရှိရသည်။
လက်ရှိ ရခိုင်ပြည်နယ်တွင် စစ်တွေ၊ ကျောက်ဖြူနှင့် မာန်အောင်မြို့ ၃ ခုမှ လွဲ၍ မြို့များအားလုံးကို အာရက္ခတပ်တော် AA က တိုက်ခိုက်သိမ်းပိုက်ထားသည်။