အကြမ်းဖက်စစ်တပ်နဲ့ မန္တလေး PDF တို့ တိုက်ပွဲဖြစ်ပြီး စစ်သား ၇ ယောက်သေ၊ စစ်သုံ့ပန်း ၁ ယောက် ဖမ်းမိ (ရုပ်/သံ)
ဒီဇင်ဘာ ၆၊ ၂၀၂၄
မန္တလေးတိုင်း၊ မတ္တရာမြို့နယ် အရှေ့ဘက်ခြမ်းက မြို့ကုန်းကျေးရွာကို စစ်ကြောင်းထိုး ဝင်ရောက်လာတဲ့ အကြမ်းဖက်စစ်တပ်နဲ့ မန္တလေး PDF တို့ ဒီဇင်ဘာ ၃ ရက်က တိုက်ပွဲဖြစ်ပွားခဲ့တယ်လို့ သိရပါတယ်။
တိုက်ပွဲအတွင်း အကြမ်းဖက်စစ်သား ၇ ယောက်ရဲ့အလောင်းကို တွေ့ခဲ့ရပြီး စစ်သုံ့ပန်း ၁ ယောက်ကို ဖမ်းဆီးရမိခဲ့ကာ လက်နက်ခဲယမ်းတချို့လည်း သိမ်းဆည်းရရှိခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) က ထုတ်ပြန်ထားပါတယ်။
မတ္တရာမြို့နယ် ၊ သပိတ်ကျင်းမြို့နယ် နဲ့ နောင်ချိုမြို့နယ်တို့မှာ ပြည်သူ့ကာကွယ်ရေးတပ်မတော် (မန္တလေး)နဲ့ အကြမ်းဖက်စစ်ကောင်စီတပ်အကြား နေ့စဉ်တိုက်ပွဲတွေ ဖြစ်ပွါးလျက်ရှိနေတယ်လို့လည်း ပြည်သူလူထုထံ အသိပေးထားပါတယ်။