တိုက်ပွဲအသစ်တွေ ဆက်လက်ဖော်ဆောင်ပြီး စစ်အာဏာရှင်ကို ဖြုတ်ချဖို့ MDY-PDF တပ်သားသစ်တွေခေါ်ယူနေ

တိုက်ပွဲအသစ်တွေ ဆက်လက်ဖော်ဆောင်ပြီး စစ်အာဏာရှင်ကို ဖြုတ်ချဖို့ MDY-PDF တပ်သားသစ်တွေခေါ်ယူနေ
နို၀င်ဘာ ၂၂၊ ၂၀၂၄

မန္တလေးဒေသမှာ နယ်မြေအများစုကို သိမ်းပိုက်ထိန်းချုပ်ထားတဲ့ MDY-PDF က တပ်သားအသစ်တွေ လက်ခံခေါ်ယူနေပြီလို့ ဒီနေ့ နို၀င်ဘာ ၂၂ရက်နေ့မှာ အသိပေး ထုတ်ပြန်ပါတယ်။
မြေပြန့်ဒေသ လွတ်မြောက်ရေးအတွက် ရည်ရွယ်ကာ စစ်ဆင်ရေးတွေ တိုးမြှင့်လုပ်ဆောင်သွားမှာဖြစ်လို့ MDY PDFက တပ်သားသစ်တွေကို ခေါ်ယူလိုက်တာပါ။
ကျန်းမာကြံ့ခိုင်ပြီး အာဏာရှင်ကို တိုက်ခိုက်လိုတဲ့ လူငယ်လူရွယ်တွေအနေနဲ့ MDY-PDF နဲ့ ပူးပေါင်းဖို့ ဖိတ်ခေါ်ထားပါတယ်။
MDY-PDF အနေနဲ့ “စုဆောင်း ၊ လေ့ကျင့် ၊ စုဖွဲ့ ၊ တိုက်ပွဲဝင် ‘’ ဆိုတဲ့ လုပ်ငန်းစဉ် အဆင့်တိုင်းကို သက်ဆိုင်ရာ ဌာနတွေအလိုက် စနစ်တကျ အကောင်အထည်ဖော် ဆောင်ရွက်နေတယ်လို့လည်း အသိပေးပါတယ်။
MDY-PDF အနေနဲ့ တိုက်ပွဲပေါင်းများစွာကို အနိုင်တိုက်ရုံတင်မက ပြည်သူ့လွတ်မြောက်နယ်မြေတွေအဖြစ် ဖော်ဆောင်ပေးနေတယ်လို့လည်း ဆိုပါတယ်။
တိုင်းရင်းသားဒေသကို အားပြုပြီး မြေပြန့်ကို ထိုးဖောက်ဝင်ရောက်လာခဲ့တဲ့ MDY-PDF ဟာ အခုချိန်မှာ တောင်စဉ်တောင်တန်းတွေကတဆင့် ဧရာဝတီမြစ်ကမ်းနံဘေးအထိ ချီတက် ရောက်ရှိလာခဲ့ပြီဖြစ်ကြောင်းလည်း အသိပေး ဖော်ပြထားပါတယ်။