မြင်းခြံမြို့နယ်အတွင်း အကြမ်းဖက်စစ်တပ်နဲ့ မြင်းခြံခရိုင်အမှတ် ၉ တပ်ရင်းတို့ တိုက်ပွဲဖြစ်ပွားပြီး စစ်သားအများအပြားသေကာ ဒရုန်း ၂ စီးကို ပစ်ချနိုင်ခဲ့ (ရုပ်/သံ)

မြင်းခြံမြို့နယ်အတွင်း အကြမ်းဖက်စစ်တပ်နဲ့ မြင်းခြံခရိုင်အမှတ် ၉ တပ်ရင်းတို့ တိုက်ပွဲဖြစ်ပွားပြီး စစ်သားအများအပြားသေကာ ဒရုန်း ၂ စီးကို ပစ်ချနိုင်ခဲ့ (ရုပ်/သံ)
နိုဝင်ဘာ ၁၅၊ ၂၀၂၄

မန္တလေးတိုင်း၊ မြင်းခြံခရိုင်မှာ မြင်းခြံခရိုင် အမှတ် ၉ တပ်ရင်းရဲ့ စစ်ကြောင်း ၃ နယ်မြေအတွင်း စစ်ကြောင်းထိုးလာတဲ့ အကြမ်းဖက်စစ်တပ်နဲ့ ၃ ရက်တာ တိုက်ပွဲဖြစ်ပွားခဲ့တယ်လို့ Myingyan Black Tiger (MBT) တပ်ဖွဲ့ထံက သိရပါတယ်။
အကြမ်းဖက်စစ်တပ်ဘက်က နိုဝင်ဘာ ၁၁ ရက်က စတင်ကာ လေကြောင်းကနေ ၁၅ ကြိမ်ထက်မနည်း လာရောက်ဗုံးကြဲခဲ့ပြီး မြေပြင်ထိုးစစ်စတင်တိုက်ခိုက်ခဲ့ရာ တိုက်ပွဲအပြင်းအထန်ဖြစ်ပွားခဲ့တယ်လို့ သိရပါတယ်။
၃ ရက်တာ တိုက်ပွဲမှာ အကြမ်းဖက်စစ်သား အများအပြားသေခဲ့ပြီး ဒရုန်း ၂ စီးကို ပစ်ချနိုင်ခဲ့ကာ ၁ စီးကို သိမ်းဆည်းရရှိခဲ့တယ်လို့ MBT တပ်ဖွဲ့ထံက သိရပါတယ်။
လေကြောင်းတိုက်ခိုက်မှုကြောင့် MBT ရဲဘော် ၁ ယောက် ထိခိုက်ဒဏ်ရာရရှိခဲ့ပြီး ရဲဘော်တွေ ခဲယမ်းပြတ်တောက်မှုကြောင့် ကွမ်းစိုက်ကျေးရွာကနေ ဆုတ်ခွာခဲ့ရပြီး အခုချိန်ထိ နှစ်ဘက်စစ် ရေးတင်းမာလျက်ရှိတယ်လို့ သိရပါတယ်။
အကြမ်းဖက်စစ်သားတွေဟာ ကူရွာကျေးရွာမှာ ပြည်သူ ၃ ယောက်နဲ့ ကွမ်းစိုက်ကျေးရွာက ပြည်သူ ၁ ယောက်ကို သတ်ဖြတ်ခဲ့ပြီး ကွမ်းစိုက်ကျေးရွာက နေအိမ်တွေကို မီးရှို့ဖျက်ဆီးလျက်ရှိတယ်လို့ သိရပါတယ်။